#زمینه #تشییع_جنازه #حضرت_زهرا_سلام_الله_علیها خدا مادرم را کجا می برند گمانم برای شفا می برند کجا می‌برند کجا می‌برند😭

قبریوین کنارینده هر گئجه مرتضی پریشاندی فاطمه صبحه تک بو پوزقون مزاریوه گوزلریم نگهباندی فاطمه غم سپاهی تعقیب ایدور منی بو چوله گلنده قدم قدم فرقتونده ای مونس علی غم منیم انیسیمدی دمبدم گلمیوم نجه قبرون اوستونه ایوده آغلاماقدان مقیّدم منزلیمده ای باغبان غم گللرون پریشاندی فاطمه ای عزاسی رسما دوتولمیان من اوزوم عزاداریوم سنون ای مزاری خلقه تانینمیان دلشکسته زواریوم سنون ایولرینده بیگانه لر یاتوب آشنای بیداریوم سنون بو زمانه سندن صورا داخی مرتضایه زندانی فاطمه ای مدافع حقّ مرتضی ای سلالۀ ختم مرسلین ای عفیفۀ قائم الصلوة پاسدار شب زنده دار دین ائوده خالی محرابیوه باخوب آغلارام غمونده حزین حزین ای گل رسالت سنه علی عندلیب خوشخواندی فاطمه قلبیم اودلانار گون باتان زمان گوزلریم دولار آغلارام سنه زینبون چراغلاری یاندیرار دل غمین اولار آغلارام سنه غصه دن آناسیز بالالاریم گل کیمی صولار آغلارام سنه گوزیاشیم آخار چون بو گوزیاشی اهل درده درماندی فاطمه غسلیوی ویرنده جنازه وه سو توکوردی اسما یواش یواش پرده نین دالیندا صحابه لر آغلاشوردی امّا یواش یواش بیر اسفلی صحنه گوروب دیدیم وای یارالی زهرا یواش یواش گورمییدیم ای کاش او صحنه نی قلبیم ایمدیده قاندی فاطمه یوخدی خیر سنسیز بو عمریده فرقتون ووروب قلبیمه یارا یوخسا هر گئجه آه و زاریله من هارا بقیعون چولی هارا گوندوزی بغیشله گلنمورم سرپرستم ائوده اوشاقلارا قورخورام اجل گئج تاپا منی محنتیم فراواندی فاطمه ????: ???? ???? استاد حاج ولی الله کلامي زنجانی #فاطمیه ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#سبک_فوق 🌺👆 #احسن_حبیبی_نوروزلو

نوحه شهادت حضرت زهرا (س) 🌷 ⬛️ آرام جان حیدر روح و روان حیدر دور یاتما قان ایجینده یار جوان حیدر قلبیم صفاسی زهرا(۲) دردیم دواسی زهرا (۲) ⬛️ دور گور نه خستیم من قوللاری بستیم من آچگوزلرون عزیزیم قلبی شکستیم من قلبیم صفاسی زهرا(۲) دردیم دواسی زهرا (۲) ⬛️ ای یار باوقاریم ای نازنین نگاریم سن قانووه باتوبسان الدن گئدوب قراریم قلبیم صفاسی زهرا(۲) دردیم دواسی زهرا (۲) ⬛️ ای روح سرنوشتیم سنسن منیم بهشتیم زهرا طوافون ایلر هم دیر و هم کنشتیم قلبیم صفاسی زهرا(۲) دردیم دواسی زهرا (۲) ⬛️ حیدر سنه قان آغلار باشینه قاره باغلار تا عمری وار عزیزیم یاسونده سینه داغلار قلبیم صفاسی زهرا(۲) دردیم دواسی زهرا (۲) ⬛️ سینون اولوب یارالی ای مصطفی مارالی قانه بویاندی محسن سندن دوشوب آرالی قلبیم صفاسی زهرا(۲) دردیم دواسی زهرا (۲) #التماس دعا #احسن_حبیبی_نوروزلو

‍ غم غُصه قلبین قان ایدن          لای لای ننه لای لای ننه قبره گیجه یاری گیدن          لای لای ننه لای لای ننه گوزدن آتوبسان قیزلارون آغلور سنه یالقوزلارون آخدی گوزومدن اشک خون آغلور سنه اولدوزلارون ای نور عیندن ال چکن لای لای ننه لای لای ننه قاره گیوب مولا سنه گون ویرمدی اعدا سنه مدیونیدی عالم بوئی باور واریم دنیا سنه ایتدی سنه ظلم اهریمن لای لای ننه لای لای ننه رویاده گل باش چک بیزه قاره چکیلدی ایومیزه راضی سن اولمازدون آنا سندن حسینون ال ئوزه یاسه باتوب شاه زمن لای لای ننه لای لای ننه باخدوقجا بو یانموش دره غصه گلور هر پیکره دشمنلرون ظلم ایلیوب لعنت او قوم کافره تاب و توانادن دوشن لای لای ننه لای لای ننه گور باغریقاندی زینبون صبری جالاندی زینبون غملی ننه هر روز و شب گور نوحه خواندی زینبون بیت الحزن اولدی وطن لای لای ننه لای لای ننه اوخشار سنی دیلدن حسن زنداندی سن سیز بو وطن اُمّت خیانت ایله دی آغلار بو غمده پنج تن سولدی سارالدی بو چمن لای لای ننه لای لای ننه «غمکش» یازار دل داغلیار عالمده ماتم ساخلیار محنت لرون یا فاطمه یاده سالاندا آغلیار قبره گیجه یاری گیدن لای لای ننه لای لای ننه #غمکش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#سبک_فوق 🌺👆 #احسن_حبیبی_نوروزلو

ای خانه ی وَحیون پوزولان گلشنی زهرا بند دل طاها آخر بو فَلک آلدی اَلیمدن سنی زهرا یانسون بئله دنیا **** طُغیان ائلدی قوم ستم بعد پیمبر ای صاحب کوثر چوخ ائتدی سنه ظلم و جفا قوم ستمگر ظلم اهلی نه یکسر یاندیردی قاپون ثانیِ بی شرم و بداختر اُول ظالم کافر ئولدوردی سنی ای شَرفون معدنی زهرا یانسون بئله دنیا **** آز عمر ائلدون بو منی چوخ درده سالوبدی عمرون آزالوبدی سن گئتدون عزیزیم ولی حیدر قوجالوبدی نالم اوجالوبدی دورت خیردا بالان گول کیمی زهرا سارالوبدی گوز یولدا قالوبدی گئتدون سن علینون ائوینون روشنی زهرا یانسون بئله دنیا **** سَن دوقوز ایل اولدن منه همسنگر و یاور هم دیده و دلبر ترک ایلیوسن ایندی منی ای گل پرپر آغلار سنه حیدر بو درد فراقه نجه صبر ایلیوم ایللر قان یاشدی بو گوزلر دولدوردی فلک قلبیمه غم غصه نی زهرا یانسون بئله دنیا **** غسلون نه چتیندور سنون ای سینه سی داغلار ای کشته اشرار ایندی بیلورم نیلیوب اُول دربیله دیوار اولدون نه گرفتار درک ایلدیم الان نیه قانلیدی اُو مسمار وئرمیش سنی آزار یاندیدردی بو سینون منِ غسالهَ نی زهرا یانسون بئله دنیا **** غسل ایلیورم من سنی زهرا گیجه یاری سن کیمی یاری هئچ بیلمزیدیم قبره قویام سن کیمی یاری من گیجه یاری باخ گور بو عم اوغلون نجور ایلور سنه زاری گوز یاشی جاری آی قبره گئدن گیزلین اولان مَدفنی زهرا یانسون بئله دنیا ✍احمد کاظمی زنجانی #اجرا #احسن_حبیبی_نوروزلو

#ناله های حضرت امیرالمومنین (ع) در مزار حضرت زهرا (س) ای قبریده دیل خسته یاتان فاطمه لایلای آی مثلی چیخیب غملی باتان فاطمه لایلای قویدون منی تنها بو جهاندا نجه گتدون ائتدون عجله سرو روانیم گجه گتدون بیلمم کی نه اولدی سنه آخر قوجا گتدون تئز مقصدومنظوره چاتنان فاطمه لایلای سنله اوگچن گونلره حیف اولسون عزیزیم گل تک سارالان پیکره حیف اولسون عزیزیم گویینک توخییان اللره حیف اولسون عزیزیم گل صورتی غمله سارالان فاطمه لایلای نیسگیل بودی درمان سنه دنیاده یوخیدی گوردوم گویریبدی بدنون یاره چوخیدی سینونده کی یاره ائله بیل جای اوخیدی بین درو دیوار ، قالان فاطمه لایلای سن دوقوز ایلی زندگیده عالی گوروندون آز گولدی یوزون آتش محنتله بوروندون سیلی اثریندن یوزی اوستونده سوروندون خون دیلینی اشکه قاتان فاطمه لایلای الله منیم آمال و گواهیم گئدور الدن دنیاده اولان پشت و پناهیم گئدور الدن اَلدن دوتانیم یار وسپاهیم گئدور الدن قویدوم منی آواره اویان فاطمه لایلای زینب غم هجرونده همیشه ملر آغلار زهرا،حسن اول کوچه دن هرگون گلر آغلار مسمار دری فاطمه جان کیم گورر آغلار دوقوز ایلی مندن اوتانان فاطمه لایلای ✍اصغر الماسی اهری #اجرا #احسن_حبیبی_نوروزلو ✨اَللّهُمَّ عَجِّل لِوَلیِّکَ الفَرَج✨

🍁زبانحال حضرت زینب (س)🍁               در سوک مادر حیدر ائوینون شمعی نَه تِز سوندی اِلهی خوش گونلریمیز قارَه گونَه دوندی اِلهی مَجروح آنامون حالینه بَند کَفن آغلار باش باشه وئروب ایندی حسین و حسن آغلار اَلدن گئدنیم وای اونا بیتُ الحَزن آغلار افغانه گلوب حیدر آتام غُسل  وئرنده مِسمار اثرین سینهء  زهراده گورنده عالمدَه قالان خوش گونه حَسرت نَنَه میز وای عمری آز اولان مونس مِحنت نَنَه میز وای شَانینده گَلن سورهء رحمت نَنَه میز وای بیرخوش گونی بودَهریده هچ گورمَدی زهرا مِسمار اونی ئولدوردی ئوزی ئولمَدی زهرا عمریم نَه قَدَر اولسا قَرا باغلیارام من بیتُ الحَزنه گِئتسم ئورک داغلیارام من باخدوقجا بو دَرگاهیمیزه آغلیارام من نِسگیللرینی هرگجه یاده سالارام من مِسمارَه باخوب مُحسنه لایلای چالارام من پَرپَر بوگجه صَحنیده یاسِ چمن اولدی گئتدی نَنَه میز زینب اَسیر مِحن اولدی آچدیم قاپونی یاسینه شاید گَلن اولدی گوردوم که گَلن یوخ قاپونی باغلادیم الله قارداشلاریمیلا  اوتوروب  آغلادیم الله تابوتی اولوبدور نَنَه مین مرکبی گئتدی قویدی یرینه غملر  اَرا  زینبی  گئتدی عنوان  ائلدی آهیله بو مطلبی  گئتدی زینب گئدورم قالدی مَلر نور دوعینیم قویما اولا مَندنصورا افسرده حسینیم تاپشورمیشام ایندی سنه دُردانه حسینی دیندیر اونی ، قویما گَله افغانه حسینی عَمّامَه سین آچ زُلفینه وِر شانه حسینی قویما شرر مِحنت و غمده سولا گُلشن سوقوی بوحسینون باشی اوسته گجه لَرسن گُلزاریمون اوندا که سولار گُللری زینب اوخلانسا حسینون صوداَمر اصغری زینب بیکس بالامون اوندا سن اول یاوری زینب گوردون ائله که گُل آرالاندی بوداقیندان سن چیخ قاباقااصغرین آل تِزقوجاقیندان گیزلیندی اگر فاطمه قبری  بو سَراده سن ساخلاسوزی(نادر)اوخی کرب وبلاده زهراده یقیناً اولار  اول  دارِ شفاده هریاندا دوشَر اوغلی حسینون سوزی آغلار واضحدی که یاس صاحبی اوّل ئوزی آغلار ❣❣❣❣❣❣❣❣ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨