داغلاری دلدیم گلدیم .... داش لاری دوز دوم گلدیم ... آتا جان گلدیم قبروون اوسته حالوی سورو شام ... نه قاپی تاپدیم نه باجا.... سنن اَلیمی ئوز دوم گلدیم ..... ارسالی ذاکر اهلبیت( ع ) خانم باقری از اردبیل لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

درفراق پدر ✍شاعر : علی عبدی بارالها آتام ئولدی گئدوب اَلدن دایاقیم درد هجرانیدن هر لحظه اَسور اَل اَیاقیم گوزومون یاشی اولوب دهریده جوشگون بولاغیم آتام هر لحظه دوشور یادیمه غمگین اولورام باخورام بوش یئرینه غملی بولوت تک دولورام 🏴🏴🏴🏴🏴 آتامیلا واریدی دهریده خوش گونلریمیز حیف اولا گیتدی بیزیم سایه ی بالا سریمیز سیندی بیردن اِئله بیر قوش کیمی بال و پریمیز اورگیم تنگه گلوب آتش هجرینده یانور نئچه گوندی دییَسن باشیمه دنیا دولانور 🏴🏴🏴🏴🏴 آتا فکر اِیلَمزیدیم ئولَجَکسَن بیر گون تپراقا تاپشوراجام پیکریوی من بیر گون یاناجام قبریوه باخدیقچا اورکدن بیر گون قالموش عمرین نئجه گورسایدی فلک چیخدی باشا حیف اولا شیشه ی آمالیمیزی چالدی داشا 🏴🏴🏴🏴🏴 بیر کسین یانمیوب عالمده همیشه چراغی داغِ سنگینیدی ائوده آتانین اولماماقی وای او گوندنکی اولا ائوده ده خردا اوشاقی قویماز اَطرافی اوشاقین دوشه روحی خطره باباسی ئولسه دییللر گئدوب اَلآن سفره 🏴🏴🏴🏴🏴 کنج ویرانه ده آغلوردی گئجه خردا بالا دیزین آغوشه آلوب باشینی سالموش آشاقا گوزونون یاشی آخوردی یوزه سسلوردی بابا هارداسان آی بابا گل بیرده منیم گویلومی آل گوزومین یاشینی سیل اَللریوی بوینوما سال 🏴🏴🏴🏴🏴 بیر نفر باخمادی سندن صورا بابا سوزومه ایسته دیم من دانیشام سیلی ویروبلار یوزومه ضربت سیلیده قان لخته سی دوشدی گوزومه اِکتفا اِیلدیم اوندا بابا جان گوز یاشیما کربلانین چولی بیر لحظه دولاندی باشیما 🏴🏴🏴🏴🏴

درفراق پدر ✍شاعر : علی عبدی بارالها آتام ئولدی گئدوب اَلدن دایاقیم درد هجرانیدن هر لحظه اَسور اَل اَیاقیم گوزومون یاشی اولوب دهریده جوشگون بولاغیم آتام هر لحظه دوشور یادیمه غمگین اولورام باخورام بوش یئرینه غملی بولوت تک دولورام 🏴🏴🏴🏴🏴 آتامیلا واریدی دهریده خوش گونلریمیز حیف اولا گیتدی بیزیم سایه ی بالا سریمیز سیندی بیردن اِئله بیر قوش کیمی بال و پریمیز اورگیم تنگه گلوب آتش هجرینده یانور نئچه گوندی دییَسن باشیمه دنیا دولانور 🏴🏴🏴🏴🏴 آتا فکر اِیلَمزیدیم ئولَجَکسَن بیر گون تپراقا تاپشوراجام پیکریوی من بیر گون یاناجام قبریوه باخدیقچا اورکدن بیر گون قالموش عمرین نئجه گورسایدی فلک چیخدی باشا حیف اولا شیشه ی آمالیمیزی چالدی داشا 🏴🏴🏴🏴🏴 بیر کسین یانمیوب عالمده همیشه چراغی داغِ سنگینیدی ائوده آتانین اولماماقی وای او گوندنکی اولا ائوده ده خردا اوشاقی قویماز اَطرافی اوشاقین دوشه روحی خطره باباسی ئولسه دییللر گئدوب اَلآن سفره 🏴🏴🏴🏴🏴 کنج ویرانه ده آغلوردی گئجه خردا بالا دیزین آغوشه آلوب باشینی سالموش آشاقا گوزونون یاشی آخوردی یوزه سسلوردی بابا هارداسان آی بابا گل بیرده منیم گویلومی آل گوزومین یاشینی سیل اَللریوی بوینوما سال 🏴🏴🏴🏴🏴 بیر نفر باخمادی سندن صورا بابا سوزومه ایسته دیم من دانیشام سیلی ویروبلار یوزومه ضربت سیلیده قان لخته سی دوشدی گوزومه اِکتفا اِیلدیم اوندا بابا جان گوز یاشیما کربلانین چولی بیر لحظه دولاندی باشیما 🏴🏴🏴🏴🏴

🏴ختم دختر 🏴 ✍شاعر : علی عبدی هر نَدن چوخ سویر عالمده آنا قیز بالاسین خوشلویار هم بالانین گولمسین هم آغلاماسین ایتمزهئچ لذتیلن بیر یول عوض اویناماسین گونده قنداقه سین عشقیله آچار هم بَلییَر آلار آغوشینه مِهریله اونی سیلکه لییَر 🏴🏴🏴🏴🏴 صرف اولادی اولار عمر مفیدی آنانین گونده یوز دفعه چَکر نازینی نازلی بالانین اونا خاطر خطره گاهی سالار جسم و جانین هر بلا دهریده گر اولسا آلار ئوز جانینا بیرتیکان قویمازاوباتسین اوشاقین بارماقینا 🏴🏴🏴🏴🏴 مین اُمیدیله قیزین بخت ائوونه یوللار آنا بی قراری اِیلییَر تا گئجه صبحه دولانا گویلی ایستر قیزینون باشینه بیرده دولانا چوخ چتیندی آنا چون آیریلا اولادیندن تا ئولنجک بالا چیخماز آنانین یادیندن 🏴🏴🏴🏴🏴 بلی عالمده چکر چوخ آنا قیز دردسرین وای اوگونکی اِشیده دهریده ئولموش خبرین اوجادان ناله چَکر قان اِئلییَر ئوز جگرین سسلنر سس سسیمه وئر بالا یاندیرما منی قوجالان وقتیده قبر اوسته دولاندیرما منی 🏴🏴🏴🏴🏴 ننن ئولسون نَه تز ئولدون بالا قربان جانیوا ئولوم الله منه وئرسیدی گلردیم یانیوا طاقتیم یوخ قوجالیق وقته دوزَم هجرانیوا سالارام یادیمه هر لحضه سنی آغلیّارام وای بالام وای دییرم سینمی من داغلیّارام 🏴🏴🏴🏴🏴 من دیوردیم قوجالیقدا بو اَلیمدن دوتاران سر و سامان وئررن گاه ئووه جارو ویراران احتیاجیم یوماقا اولسا بالا سن یوواران نه بیلیدیم بالا ئولمکلیگه قلبین تلسور گیتمگه قبر ائوونه سن اورگین چوخدان اَسور

🏴در فراق جوان نامزد 🏴 ✍شاعر : علی عبدی اولان گُل تک خزان ای تازه داماد سن ئولدون منده اولدوم خانه برباد اَلینده گورمدیم من طوی حناوی جوان عمرینده من گئیدیم قراوی نه گوردین بخت ئووین نه طوی حناسین نه گوردین طویدا ائللر اویناماسین نجه دوزسون فراقینده سنون گل ئولر گُل اولماسا گر شیدا بلبل فراقینده سنون دل داغلیام من چکوب حسرت اورکدن آغلارام من گوزل عکسین گورَن هنگامه یاننام گلوب قبر اوسته آواره دولاننام به جای بخت ئووین قبرین مبارک باغیشلا ایتمیشوک خرما تدارک اورگیم گلمدی شیرنی آلام من بو تازه منزلن بیر کف چالام من طویی قاره اولان داماده لایلای ورق بختی دونن ناشاده لایلای اورگینده قالان احساسه لایلای دونن خوش گونلری تز یاسه لایلای طویونی ویرمیّن اتمامه لایلای جوانلیقدا چاتان ناکامه لایلای آداخلیخدا ئولن داماده لایلای گئین بیر آق کفن داماده لایلای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#همسر روضه سی الله   الله    گل   نیلوفریم الدن    گیتدی اورگیم بندی گوزل همسریم الدن گیتدی آتش غمده یانوب شام وسحر   آغلیارام دیئرم دلده  مدام دلبریم   الدن   گیتدی نی کیمی ناله ایدوب عالمی لرزان ایدرم توکرم گوزیاشیمی گوهریم الدن گیتدی گیجه نی صبحه کیمی هیچ یوخی گلمز گوزمه چوخدی دلده محنیم یاوریم الدن گیتدی باخارام بوش یرینه صبح ومسا وای دیرم ایومون لذتی   یوخ سروریم الدن گیتدی نیلیوم چرخ فلک قویدی منی قاره گونه گل ارزنده وخوش منظریم الدن گیتدی ائل یاتانان صورا من اوزاوزمه آغلیارام دیئرم سوزدی گوزل اختریم الدن گیتدی (شاکر) ﷽🍁 ﷽🍁

🏴فراق مادر 🏴 ✍بقلم کربلایی علی عبدی الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه اگر اولیدی توانیمده بیر گون اِیلردیم تمام مادح دنیانی روضه خوان ننه مه دولاندی باشیمه دنیا گئدنده قبر ائوونه گوزوم یاغیش اورگیم اولدی باغریقان ننه مه چکولدی قاره ائووه خویش و اَقربا گلدی قورولدی مجلس ماتم همان زمان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه مه او قدری چکمدی ئولدی پیمبرین بالاسی ائدیبله غسل و کفن گل کیمی سولان ننه مه یارالی جسمی همان شب قویوبلا تابوته بقیع مزاری همیشه اولوب مکان ننه مه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#اوخشاما ائویمون صفاسی گوزل آتا دیزیمون قواسی گوزل آتا بورویوبدی غملی اطاقیوی بالوون نواسی گوزل. آتا ✍سیفی افشار

روی گل مادر باخاندا هم گوله سنه گولدن آنا باج آلمیشام گلنده هر زمان آدون فرحلنوب اوجالمیشام سنی قیاس ائدم گوله کم لطفی ائتمیشم سنه گل ایندی یوخسان آی ننه فراقیدن قوجالمیشام ✏مهدی شفائی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

روی گل مادر (دشتی) باخاندا هم گوله سنه گولدن آنا باج آلمیشام گلنده هر زمان آدون فرحلنوب اوجالمیشام سنی قیاس ائدم گوله کم لطفی ائتمیشم سنه گل ایندی یوخسان آی ننه فراقیدن قوجالمیشام ✏مهدی شفائی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌹 اوغول داغی 🌹 آنا  پروانه  اولار  نور جمالِ اوغولا دائماًفخر ائلیَرحُسن وکمالِ اوغولا آتا امّا اوغولون قِیدینَه هریرده قالار اَریَن شمعَه دونَر  درد و ملالِ اوغولا هم آتا هم آنا باخدوقجااوغول قامتینه شُکر ائدللَر ایکیسی ربِّ جلالِ اوغولا آنا حاضر اولی دائم بالانون دردین آلا آتامَجذوب اولاجاق قال ومَقال اوغولا اوغولون طوی گونینه نقشه چَکللَر ایکیسی بوکولَر قَدّیلَری هر مَه و سالِ اوغولا بوامیدیله که بیرگون بالا اَلدن دوتاجاق گون سایلّار ایکیسی وقت ومجالِ اوغولا بایرام اولسا اوتوروب گوز تیکَجَکلَر قاپیا آناسرمست اولاجاق چادروشالِ اوغولا بارالها هِچ آتا یا  آنیا بیلمَه  روا بسترینده باخالار گردشِ حالِ اوغولا ائتمه قسمت بالا داغی آتیا یا آنیا قوروماز گوزلرینون یاشی بو فالِ اوغولا (نادرا)کرب وبلاواقعَه سین یادووه سال یاز نجه یاندی حسین سوز وصالِ اوغولا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یا ثارالله #حسین(ع) سبک: میگذرد کاروان... ذکرین حسین جان سنون دیلده اولوب ازبریم آدین ایشیدجاق دولور گوهریلن گوزلریم شوقیله من سسلرم سن سن آقا سروریم عشقین اولوب دایما زندگیده رهبریم اربابیم سلطانیم یاحسین سالاریم جانانیم یاحسین یالیتنا کنا معک یا ثارالله یالیتنا کنا معک یاثارالله یاد ایدروخ دایما اول سویولان پیکری قانی آخان قلبیوی یا کسیلن اللری اکبر گردونفری یا سود امر اصغر ی یاد ایدروخ دایما ساقی نام آوری اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنا معک یاثارالله یاد ایدروخ حضرت مسلم آزاده نی کوفه لیلر ووردولار ظلمیله دلداده نی اولدی شهید ولا چکدی باشا باده نی ایتدی مخاطب او دم شاه ولا زاده نی اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنا معک یاثارالله کوفه یه گلمه حسین یوخدی وفا کوفه ده قانه بویاللار سنی چوخدی جفا کوفه ده قویما گله زینبی خوندل اولا کوفه ده یاکه رقیه ن گله رنگی سولا کوفه ده اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنامعک یاثارالله آعلییاروخ هرزمان شوریله احساسیله عشق ایدروخ دایما گوزده کی الماسیله ایلیروخ درد دل حضرت عباسیله بیله دییردی اوگون اول شرف الناسیله اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنامعک یاثارالله دیده آچاندان سنون نوکر درباریوم ساقی طفلان عشق عمربویی یاریوم عرصه گه رزمیده میرو علمداریوم فخر ایدرم عالمه عبد وفا داریوم اربابیم سلطانیم یاحسین سالاریم جانانیم یاحسین دوشدی که آتدان یره رهرو آگاه عشق سسلدی امدادینه مهری اودم ماه عشق عرض ایدیب عباس آقا داده گل ای شاه عشق گل نیجه گور قانیلن زینت اولوب راه عشق اربابیم سلطانیم یاحسین سالاریم جانانیم یاحسین یالیتنا کنامعک یاثارالله یالیتنا کنامعک یاثارالله قول نه دی باش گوز نه دی جانیوه جانیم فدا اصغر عطشانیوه تشنه زبانیم فدا خیمه ده کی قیزلارا روح و روانیم فدا اکبره یا قاسمه عمر و جوانیم فدا اربابیم سلطانیم یاحسین... سینه یه ووروخ آقا شوق و دل و جانیله یاد ایدروخ محنتون دیده گریانیله خوشدی سیزه آغلاماق عشقیله عرفانیله دیل بیر اولا خ بیر دهبو نوحه شایانیله اربابیم سلطانیم یاحسین سالاریم جانانیم یاحسین یالیتنا کنامعک یاثارالله یالیتنا کنامعک یاثارالله لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨