#تنور_خولی #آصف اوزون بولورسن آنا ، مال و مُلکدن دورم منی بغشله گلن خدمتونده معذورم تالانمیشام خجلم ، یوخ بیر آیری پای انداز اگر قبول ایده سن بیر بو باشه مقدورم گلوب صفا گتوروب چوخ مُشرّف ایلموسن بو لطف و مرحمتوندن زیاده مسرورم صفای خاطر ایچون گلموسن عدو ایوینه عیان اولور نقدر خدمتونده منظورم عجب مقامیده سروقتیمه یتشدون آنا یوزوم کول اوسته ، بو مطبخ سراده مستورم گوروم بو خولی بیدین یتمشسون کامه منی عیالیمه حسرت قویوبدی ، مهجورم اگر چه باشیمی کرب و بلاده شمر کسوب ولی سِنانِ سَنانیله نحری منحورم تنور ایچینده یریم خوشدی راحتم بو گجه گونوز او قدر منه ظلم ایدوبله رنجورم صباح ابنِ زیادین جفاسی ختم اولسا گیدینجه شامه طرف ، نیزلرده مشهورم اوز اختیاریمیله گیتمرم کلیسایه نِدیم که دشمنِ بی رحم الینده مجبورم مخالف امرینه ترک حجاز ایدوب ، رهِ راست عراق دشتینه گلدیم که بیله پرشورم آچلدی زنگ شتر ، دوشدی نینواده قطار او گونکی گوندن حصارِ غم ایچره محصورم گون ایسّیسینده سوسوز گر چه سو دیوب یاندیم دیمم او سوز و گدازیله نشئه دن دورم یزید مجلسینه مست اولوب گیدن چوخدور مِی محبّتیله منده مست و مخمورم گرک گیدم یولومی مجلس اهلی گوزلمسون دالیمجه نامهء دعوت یازوبلا محضورم گر چه ( آصفم ) ای کربلا سلیمانی الیمده پای ملخ درگهونده بیر مورم عنایت ایله منی ایتمه لطفدن مأیوس یوزوم قرا ، الی بوش ، یول اوزاق ، اوزوم کورم. التماس دعا مرحوم اللهیارخان آصف الدوله( آصف) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات وداع امام حسین(ع) کلام شادروان #اصف لنبران لنبران از محال قره باغ است یتوشوب زمان شهادتیم منی قیل حلال ای آنام باجی داخی یوخدی دورماقا فرصتیم توکنوب مجال ای آنام باجی بو بلا چولینده  جفائیله گَلی موجه، بحر ملالیمون دل سنگه ایلر اثر بو گون پوزولار اساسی جلالیمون گیدورم عدو کسه باشیمی، باجی جان سنون، جان عیالیمون گتورایمدی باشیمه جمع قیل داخی یوخ وصال ای آنام باجی یری وار اگرچه شرارهء غم و محنتین چیخا سینه دن گینه صبر قیل نه قَدرجفا گوره سن بو لشکرکینه دن ولی هیچ اوزیندن آیرما باخ متوجه اول بو سکینه دن قوری یرده قویما یاتا باشین دیزون اوسته آل ای آنام باجی بلورم سنونده مصیبتون چوخ اولار بلالیدی چون باشین باجی مندن ال گوتورایمدی سن گیدور ایمدی ئولماقا قارداشین جگریمی داغلاما آغلاما بیله توکمه عارضه گوز یاشین دورایاقه بوینوما بیر کفن اوز الونله سال ای آنام باجی اورگیمده وار باجی بیر غمیم که اورک شرارینه هی یانار باخورام بو پوزقون اوشاقلارا جگریم یانار دلیم اودلانار بو رقیّم آخر اسیر اولار آتاسیز قالار قولی باغلانار نجه گور مشوّش ایدوب بوگون منی بو خیال ای آنام باجی گتورایمدی  خاطره #آصفا شه کربلانون او حالتین که نه حسرتیله وداع ایدوب گوزی یاشلی خونچگرعترتین بخصوص زینبین ایلیوب بیره مین علاوه مصیبتین دیدی یتدی وقت شهادتیم منی قیل حلال ای آنام باجی بقیۀ این اشعاردر کتاب (قاموس قفقاز) می باشد التماس دعای فرج لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨