#عباسیه #استمداد #من_ماه_بنی_هاشمم_ای_شمس_ولایت گون نوری آیا دوشمَسه آیدا نه شرافت گَل باشیمه سال پرتو مخصوص عنایت گورسونله که من شیفته ی نور حسینم دوتسونلا نظرلرده که منظور حسینم بیر گون که اُلنلَر یغیشار حشره دوباره هر کیم اَتکون دوتماز، اَلی بوش یوزی قاره اَلسیزلره اوندا گوره سَن بس نَدی چاره حلّال اول اوزون اوندا بو مشکللره قارداش بیر اَل یتور اللرده قالان اللره قارداش گیتدیم منیله قبره گیدر دلده بو حسرت دنیاجه منه عمر ویرِیدی ید قدرت بو عمری اولونجه ایلییِیدیم سنه خدمت هر لحظه ده مین دفعه اولِیدیم دیریلِیدیم هر دفعه ده مین یول سنه قربان کسیلِیدیم یازمیش او شهادت که منه خامه ی تقدیر اولماز بولورم امر مقدّر تاپا تغییر سعییم بودی قتلونده بیر آز یوز ویره تاخیر باشیم قوشا خنجرلریله باش باشا قارداش بیر دمده غنیمتدی اقلّاً یاشا قارداش بنزردیم او سروه که رسا قامتی اولسون بو قامتیله گلشنیوین زینتی اولسون هر سروی گوروم قول بوداغین حسرتی اولسون توپراقلار اوتورسون قریلان قول بوداقندا کوکو قالا قمریلرینون دل دوداقندا سو اولمادی تا من دایانِیدیم سوزوم اوسته راضیدیم او ساعت یخلِیدیم یوزوم اوسته نوفل یاراسی باشدان اُوتوردی گوزوم اوسته چون گوردی اَلیم آختاریرام حیف اَله دوشمز من اَلسیزه اَل آچدی که بیرده اَله دوشمز ای بنده چیلوق عالمینون عالم رازی عالم سر کویونده دی محراب نمازی من اهل نیازین سنه وار راز و نیازی قویما آرامیزدا بو یولی فاصله دوشسون راز دلیمیز حیفدی دلدن دله دوشسون فخریم بودی پرورده سیَم سایه ی لطفون سرمایه ی عمریدی گران مایه ی لطفون اندازه ی شانوندی منه پایه ی لطفون ذرّات سنون لطفوین امّیدینه بسته من ذرّه، سنون لطفوین امّیدینه بسته بیر عالم اسراره گیدوب یِتملیم من راز دلیمی گیتمه میش عرض ایتملیَم من بیر نیمه نگاهیمده دیوب گیتمه لیَم من وار قانلی گوزون طیِّ لسانی باخشیندا سوزلر آخاجاق غمزه ده گوزلر آخشیندا قویسِیدی قضا قویمازیدیم غم سنه گلسون هر درد و غمون اولسا برادر منه گلسون درمان سیز اولان دردی گوروم دشمنه گلسون بو ملّت کافِر که مسلمانی تاپیلماز بیر حاله سالوبلار منی درمانی تاپیلماز قاموس معانیده کی معنای محبّت بازار حقیقتده کی کالای محبّت سوداگریِ عشقده سودای محبّت خاک رهون اولماقدی خوشا بیر ایله خاکه قربان او قدم لردن اوپَن تربت پاکه اللهین اگر عمر بیوک نعمتی اولسا بو عمر عزیزین نقدر لذّتی اولسا عالم هامی بیر لحظه سینین قیمتی اولسا صرف اولماسا خدمتده سنه ای شهِ خوبان نقمتدی، بو نعمت دگی عمریم سنه قربان ((ذهنی)) یارادیر نوحه ده هنگامه ی اخلاص امّیدیله آلموش اَلینه خامه ی اخلاص یازمیش نه گوزل طرز بیله نامه ی اخلاص هر کلمه سی مین راز دلیمدن خبر ایلر اعماق دل اهل دله چوخ اثر ایلر #مرحوم_ذهنی_زاده لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

استمداد از منجی عالم حضرت صاحب الزمان عج اورک تنگه گلیب گل ، گون کیمی انظاره مهدی جان محبت اهلینی قویما بئله آواره مهدی جان اوزون تعجیلیوه ائله دعا الله قبول ائتسین چاتا اهل ولا بو تیزلیقا دیداره مهدی جان اورکلر تشنه دی ائیله عنایت ای کرم کانی یاغا باران رحمت بلکه بو گولزاره مهدی جان اوزون گل عالمی دولدور انا المهدی صفاسیندان عدالت باده سین دولدور گتیر بازاره مهدی جان شمادتدن یورولدوخ گل قوتار دونیانی ظلمتدن اولوبدی داغ هجروندن اورکلر یاره مهدی جان دعامیزده اثر یوخدی بیزیم یوخسا نماز اوسته دعا ائیلیر هامی اشگین توکور رخساره مهدی جان تاپیب یول دیللره شیطان جهانی دولدوروب شبهه فساد و فتنه نین موجی ائدیر فواره مهدی جان اولوبدور دیللره ازبر کلام الله ولی افسوس عمل چوخ آز اولور فرموده ی داداره مهدی جان بو دوراندا چیخیبدیر امرنهیین نسخه سی یاددان یازا بیلمیر اطبالر داخی بیماره مهدی جان عدالت گیزلنیب توپراقدادی یا دفتر اوستونده عمل یوخدور فقط دیلده گلیر اظهاره مهدی جان قالیب یالقیز حسینین انقلابی دوز کومک یوخدی یالانچی مدعی چوخدی گلیر گفتاره مهدی جان ریا گرد و غباری گیزله دیب آیینه سیماسین گورورسن اوزده آغدی باطیننده قاره مهدی جان قلملر پاسلانیب یازمیز کاغاذ دا يوخدي هئچ تقصير یازانلاردا یازیللار درهم و دیناره مهدی جان حقیقت کلمه سی دیلده گزور اما عمل یوخدی محک یوخودورطلانی چکماقا معیاره مهدی جان ربا ترویج اولوب السیزدن هئچ بیر ال دوتان یوخدی بیری آجدیر بیری هی دولدورور انباره مهدی جان آغیزلار اورگشیب دویمور یماقدان هم دانیشماقدان بو وسعتلی جهانی تنگ ائدیب احراره مهدی جان آقا سن بئل آنان زهرا ظهوره ائت گیلن تعجیل نقدر ی واردی عمروم دلخوشام دیداره مهدی جان #انتظار #استمداد #محمد_هوشمند #مدهوش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨