حضرت رقیه سلام الله علیها 📝 علیرضا حضرتی«ناعمی» #سبک_ممد_نبودی_ببینی #سبک_بزم_عزاده_گیمیشم #سبک_ای_دلبر_آزادگان ➖➖➖➖➖➖➖➖➖➖➖ ای زینبون هم سنگری لایلای رقیه زهرایه اوخشارگوزلری لایلای رقیه ای نوردوعینیم / دورگلدی حسینیم ای دخترسلطان عشق،عشقه سرکرده اوچ یاشداباشون دهریده دوشدی چوخ درده یوردی سنی غم غصه لرغملی چوللرده ای قان اولان اشگ تری لایلای رقیه سنسن حسینون سوگلی اکبرباجیسی ویرانه ده ای کعبه ی عشقین حاجیسی چیخمازیادوندان حشره جن قمچی آجیسی آغلارقویان عاشقلری لایلای رقیه شام اهلینون قلبینده کاش احساس اولیدی سن قول قانادچالان زمان عباس اولیدی قلبیمده کی محنتلره مقیاس اولیدی سرداریمون بوشدوریری لایلای رقیه ثانی کیمین سیلی سنه زجردون ویردی زهراآنامون رشته ی صبرینی قیردی مظلوم علینین قلبین اول سیلی یاندیردی آغلاتدی دردون حیدری لایلای رقیه ائللرفراقینده قیزیم دلفکاراولدون چوخ گؤزلَدون گلسین آتان انتظاراولدون مظلوم حسینی گؤرجگین جان نثاراولدون حیرتده قویدون دلبری لایلای رقیه سن بختیمون اولدوزوسان باتمارقیه گؤزدن بوبختی قاره نی آتما رقیه دورحرمت ائت مهمانوه یاتمارقیه دورسیل بوقانلی لبلری لایلای رقیه خوش حالوه کی جانوین جانانی گلدی غم ائتمه آخردردوین درمانی گلدی ویرانسرایه عشقوین سلطانی گلدی افسوس اولایوخ اکبری لایلای رقیه حیراندی عمّون بوغم وغصه دن نیلوم یوخ الده هئچ چارم منیم سن دئنن نیلوم بوکماقه یورقون جسمیوی یوخ کفن نیلوم ای خلعتی اؤزمعجری لایلای رقیه لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

دفن شهدای کربلا #سبک_ممد_نبودی_ببینی 📝کربلایی محمدرضا محمدی (ناعم) دفن شهیدانه گلوب (سید سجاد(۲) گویلردن اندی قدسیان (ایلیه امداد(۲) یارالی لب عطشان حسینجـــــان حسینجان سسلندی شاه بی سرون (اوغلیام ای قوم(۲) گوداله دوشموش پیکرون (اوغلیام ای قوم(۲) بوچولده یالقوز رهبرون (اوغلیام ای قوم(۲) حریّتی ائتدی آتام (عالمه فریاد(۲) شاه شهیدان اوغلیام (عالمه شاهم(۲) کسدیله ظلمیله باشین (غرق درآهم(۲) ایندی یئراوسته من سیزه (حجت اللهم(۲) باغلی قولیلا ایلرم (امتی ارشاد(۲) من آشنایم بیربه بیر (بو شهیدانه(۲) گوردوم که بیربیرگئتدیلر (قانلی میدانه(۲) گوردوم ئوزوم توش اولدیلار (تیر و پیکانه(۲) ایلون کمک بو دشتیده (دفن اولا اجساد(۲) بوردا گرک مدفون اولا (سرور بی سر(۲) پایین پاده دفن اولا (قارداشیم اکبر(۲) شاهون قوجاقیندا یاتا (نازیله اصغر(۲) بودشت بی سامان اولار (بیرگونی آباد(۲) علقم کنارینده دوشوب (غملی بیرسقا(۲) آلدی ولی سوایچمدی (نهریدن اصلا(۲) سالدی اونون قوللارینی (قهریلن اعدا(۲) دگدی گوزوندن اوخ اونون (باشینه فولاد(۲) یاری ائدوب او طایفه (شاه دورانی(۲) دفن ائتدی زین‌العابدین (اهل معنانی(۲) عونیله فضل و جعفر و (جمله یارانی(۲) تپراقدا یاتدی نازیله (قاسم داماد(۲) بیرآلتی گوشه قبر اودم (ائتدی آماده(۲) اوغلانلاریلا دفن اولوب (شاه آزاده(۲) یوخدور اوقبره شأنیده (تای بو دنیاده(۲) او قبره واله دور بلی (عالم ایجاد(۲) بیرآز ائدوبدور عابدین (تا عزاداری(۲) دوردی یول آلدی لاجرم (علقمه ساری(۲) تاآهیله دفن ایلیه (تشنه سرداری(۲) گوردی اوقولسوزپیکری (رهبرعبّاد(۲) تاپدی اولده صاق قولون (شیر میدانون(۲) گزدی تاپوبدور صول قولون (غملی سقانون(۲) یاندی بو محنتده بلی (قلبی زهرانون(۲) خیردا مزاره دفن اولوب (قامت شمشاد(۲) یارالی لب عطشـــــــــــان حسینجان حسینجــــان #دفن_شهدا

‍ ‍ اربعین: #سبک_ممد_نبودی_ببینی  (واگیر : آه و واویلا ) #سبک_بزم_عزاده_گیمیشم . دور اى وفالى قارداشیم زینبون گلدى                  زینبون گلدى کرببلالى قارداشیم زینبون گلدى                  زینبون گلدى---------------------------------- اى نور چشم مصطفى آچ گؤزون قارداش جان عزیز مرتضى آچ گؤزون قارداش پرورده‏ى خیر النّسا آچ گؤزون قارداش                     پوزغون جلالى قارداشیم زینبون گلدى احوالیمى دور آل خبر باغریقانم من یوللار یوروبدور جانیمى خسته جانم من دیندیر بو غملى زینبى میهمانم من                     آه اى وفالى قارداشیم زینبون گلدى اى رهبر عشقیم منى پیشواز ائله دور بو سفیر نهضتون سرفراز ائله قارداش باجونلان بیر دانیش کشف راز ائله                     باشى بلالى قارداشیم زینبون گلدى پاتخت ظلمه ولوله سالدیم آى قارداش الله بیلور زنده نجه قالدیم آى قارداش اول دوردمین‏اوخلى‏کوینگون آلدیم‏آى‏قارداش                     چوخدور مقالى قارداشیم زینبون گلدى اى کعبه‏ى شش گوشه‏سى قبله‏ى آمال یاتما کفنسیز قبریده چوخ پریشانحال دور دورد مین اوخلى کوینگون زینبوندن آل                     ائلدن آرالى قارداشیم زینبون گلدى اى شهریار شهر غم گلدى مهمانون قید اسارتدن رها اولدى طفلانون گلدى باجون زینب اولا مرثیه‏خوانون                     قلبى یارالى قارداشیم زینبون گلدى قان آغلادیم قارداش حسین کوفه‏دن شامه عشقونله اوردا باشلادیم اؤزگه هنگامه تنگ ایلدیم بو عالمى چشم ظلاّمه                     زهرا مثالى قارداشیم زینبون گلدى قانه سرشگیم قاتدیلار دؤزدوم آى قارداش قیزلاروى آغلاتدیلار دؤزدوم آى قارداش کول سپدیلر، داش آتدیلار دؤزدوم آى قارداش                     آرتدى ملالى قارداشیم زینبون گلدى چوخ غصّه چکدیم قالمیشام لیک پاینده بیر غم ولى بو زینبى ائتدى شرمنده ئولدى رقیّه اولموشام من سرافکنده                     پوزغوندى حالى قارداشیم زینبون گلدى لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️زبانحال مولا علی (ع) ✍بقلم استاد حاج غلامرضا عینی فرد زنجانی 🎼#سبک_بزم_عزاده_گیمیشم (واگیر : وای زهرا وای زهرا ) 🎼#سبک_ممد_نبودی_ببینی (واگیر: آه و واویلا ... ) 🎼#سبک_بر_کشتگان_نینوا_اربعین_آمد 🎼#سبک_ای_دلبر_آزادگان . . منیم وفالی همسریم      آغلارام زهرا بقیعده قالدی گوزلریم        آغلارام زهرا بو زندگیده خیر یوخ فاطمه سنسیز گوزیمده وار دیرسن اوخ فاطمه سنسیز بوقان اورک داریخدی چوخ فاطمه سنسیز ئورکده قالدی اللریم آغلارام زهرا   بقیعده مجلس ایلرم هر گجه برپا تک اگلشوب تک آغلارام دردیمه زهرا سسیمه سس ویرر فقط ئوز سسیم تنها آدون اولوبدی ازبریم آغلارام زهرا مزاریون داشین گلیب اشگیله سیلّم ائشیتمه سم گوزل سسون غصّه دن ئولّم گجه اولاندا قبریوه تک دوروب گلّم یاران ساغالدی دلبریم آغلارام زهرا فلک الیمدن آلدی بیر باوفا همسر سن اولماقیلا دهریده تک قالوب حیدر الیم، دلیم، قاپیم، منیم باغلانوب یکسر قرانلق اولدی گونلریم آغلارام زهرا قویاندا قبره جسموی کاش ئولیدیم من بئلیم بوکولدی فاطمه بو مصیبتدن قوجاخلیوبدی دیزلرین مرد خیبرکن باتوبدی ماه انوریم آغلارام زهرا بلال شامیدن گلوب حیدره غمخوار بیلوبدی ئولماقون سنون سینه سین داغلار حسینه گه اذان دییر گه ئوپوب آغلار موذن پیمبریم آغلارام زهرا حسین بلاله یالوارور ایلوری شیون حزین سسیله ای عمو بیر اذان سسلن آنام گلر ائوه اگر سن اذان وئرسن داریخدی قلب مضطریم آغلارام زهرا حسینی ساخلاماق اولوب چوخ بیزه دشوار یوخودا هی گورور سنی دیسگنوب آغلار قبولی یوخ آناسینی ئولدوروب مسمار دیور هایاندا مادریم آغلارام زهرا اولوبدی «عینی فرد» گِنه دیده لر گریان دیور آنام وای آغلوری شاه مظلومان علی دیلیجه یاز سوزون مطلعین باشدان منیم وفالی همسریم آغلارام زهرا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🎼 #سبک_بزم_عزاده_گیمیشم_قاره_یاعباس.. 🎼#سبک_ای_سرور_آزادگان... 🎼#سبک_ممد_نبودی_ببینی... #اجرا_احسن_حبیبی_نوروزلو سینونده مسمار یارووه آغلارام زهرا                  آغلارام زهرا سیلی دَیَن رُخسارووه آغلارام زهرا                  آغلارام زهرا یازهــــــــــــــرا - یازهــــــــــــــرا(٢) باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨