اورکلر اولدی فراقینده باغریقان سید هایانداسان سنه قربان اولا بو جان سید ندن داخی او گوزل با صفا سسین گلمیر ندن علاقه کسیب سن ، هایانداسان سید اماندی قویما غمین صد صبریمی ییخسین اویان اماندی بو طوفانیده اویان سید اویان که چوخلاری گوزلور سنین هله یولوی اومید بیلیر سنی بیر جمع ناتوان سید اماندی قویما بو جمعیتی بئله باشسیز اولیدی کاش بو غملی خبر یالان سید خزان اپاردی سنی ایری بیر گلستانه یانیر غمینده ولی باغ و باغبان سید اگر چه اهل وطن دن، سن ایریلیب گئتدین آدین یادین دیریدی واردی تا جهان سید #هوشمند

فراق یاریده مجنون اولان دیوانه لر یاندی شرار عشقیده محزون اولان پروانه لر یاندی... دوشنده ایریلیقدان سوز گوزوم یاشی گلیر موجه غمینده آشنا دوندی کوله بیگانه لر یاندی #تسلیت_ایرانم #تسلیت_ایرانم #سبک_دشتی #حبیبی_احسن #هوشمند ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#نجوای دل بیر عمردور که غم و درده عادت ائیله میشم شرار هجره یانیب استقامت ائیله میشم فراق محنتینین شرحینی گئجه گوندوز گوزوم یاشیلا یوزومده کتابت ائیله میشم اگر چه سسلییرم گل ولی اوزوم بیلیرم وظیفه مه عمل ائتماقدا غفلت ائیله میشم اگر دئديم کی سنه عاشقم یالان دئمیشم مني باغيشلا بو قدري جسارت ائیله میشم اگر چه دیلده آدین ازبر ائتمیشم صد حیف فقط دعائیله ذکره کفایت ائیله میشم منيم يولوم هارا سيز گورسدن مسير هارا هوی نفسیمه افسوس اطاعت ائیله میشم سبب بو آیریلیقا اوز عمللریم دی آقا اگر چه آیریلیقیندان شکایت ائیله میشم نقدر گل یئرینه دیلده خار و خس اکدیم نقدر خرمن ایمانی غارت ائلیه میشم یئتیش هرایه آماندی ایتیرمیشم اوزومی خدا بیلر داخی احساس غربت ائیله میشم گناهکارده اولسام منیم امیدیم سن اودور خیالیمی بیر ذره راحت ائیله میشم نولار که بیر گئجه حتی گورم سنی یوخودا دييم که یاریمی منده زيارت ائیله میشم خیال وصلیله روحیم قوشی اولور # مدهوش خرابه کونلومی یادونله جنت ائیله میشم #هوشمند #مدهوش ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یاده سالموسان بو غریبه نی خوش گلوبسن ای مهربان بابا باخ خرابیه باخ رقییوه گورهارا اولوبدی مکان بابا سن منی گوزوندن سالان کیمین ائیلدی فلک باغریقان منی هر زمان فراقینده آغلادیم یولدا ووردی شمر و سنان منی تنگه گلدی از بس سیزیلدادیم سالدی چوللره ساربان منی قورخلی بیاباندا حالیمه بیر نفر یوخیدی یانان بابا باخما منزلیم بیرخرابه دی یوخدی فرشی توپراقدی بستریم قال قوناق بیزه فخر ائدیم سنه باشوون فداسی بو گوزلریم طعنه و شمادت ائدیر بیزه شام قیزلاری یوخدی یاوریم درد هجریوه من دوزنمیرم آیریلیق آلیب دی توان بابا وای منه سنین گول دوداقلارین علتی ندور تازه قان وئریر بو یارالی باشین خرابه ده باشوون بلاسین نشان وئریر باشیوی کسن لرسنین بابا گور بیزه هایاندا مکان وئریر تنگه گلمیشم بو خرابه ده بس گولور منه شامیان بابا هانسی بیر شل اولموش جفا الی من بلاکشی ائیلدی یتیم بوینوون دامارلارینی کسیب قان ائدوبدی گوز یاشیمی منیم قال یانمیدا گئتسون اجازه وئر منده باشیوون آردیجا گلیم تنگه گلمیشم درد و غصه دن دیلده چوخدی درد نهان بابا تک خرابیه گلموسن اوزون پس هانی علی اکبریم منیم یوخ عموم ابوالفضلیدن خبر هاردا قالدیلار ائللریم منیم تاپمورام آلام بیر قوجاقیمه هاردادور علی اصغریم منیم یوخ منه بیرهمدم بو شهریده غصه قلبیمی ائتدی قان بابا شمر دون ورور قمچی باشیمه دشت کربلادن یورولموشام آغلیاندا دشمن گولور بیزه طعنه و جفادن یورولاموشام بیر نفر بیزه اولمادی کمک ظلم اشقیادن یورولموشام جانه گلمیشم اهل کینه دن اینجیدیب بیزی ساربان بابا یاخشی گلموسن دادیمه بابا قیل منی و غم غصه دن کنار جانه دویموشام چوخ یورولموشام بس منه وئریب شامیان فشار سن تمام عالم طبیبی سن هر نه دردد اولا سنده چاره وار راضی اولما هجرونده روز و شب نی مثالی ائلییم فغان بابا #شام #هوشمند لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یا امام رضا ع نولار منه بو گئجه بیر عنایت ائیلیه سن بو آرزیلار باغینی با طراوت ائیله سن همیشه دوز چورگین دادمیشام سنه قربان بو بینوایه دوباره محبت ائیله سن نه وقتدیر اورگیم چرپینیر گویرچین تک نولار قاناد وئره سن استعانت ائیله سن منی ده آهو حساب ائیله یا گویرچین تک خوشام که دانه وئریب یا ضمانت ائله سن داریخمیشام بیلیسن ای امیر ملک ولا برات عشق یازیب بیرده دعوت ائیله ین مُحبّیوم بیلیسن عشقیوه گرفتارم خوشام که وصلیوی بو زاره قسمت ائیله سن اجازه وئر آقاجان تا گلیم زیارتیوه اورکده چوخلی غمیم وار طبابت ائیله سن اماندی اهل ولانی شماتته قویما گوزوم باخیر الیوه تا کرامت ائیله سن سنی قسم ویروم شانیوه به اذن الله منی ده روز جزاده شفاعت ائیله سن #مدهوش #هوشمند لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شام غریبان امام رضا ع قاره چکیلیب دیر بو گئجه ارض و سمایه یا فاطمه گل شام غریبان رضایه اگهسن اوزون حقه وفاداری دی شیعه اگنیندا قرا زار و دل افکاری ده شیعه غربت ده کی مظلومه عزاداری ده شیعه گل سنده عنایت ائله بو بزم عزایه یا فاطمه گل شام غریبان رضایه مامون دنی ایلمه د ی شرم خدادن مسموم ایله دی اوغلوی انگور جفادن اکبادی دوتوب اود یانیری ظلم و جفادن تقدیر ائلییب دکتری محتاج دوایه یا فاطمه گل شام غریبان رضایه غربت ده غریب اوغلوون اشکی اخا راغلار حسرتله مدینه یولونا هی باخاراغلار بیر اه چکیب کون و مکانی یاخار اغلار گویا دم اخیر سوزی وار نازلی بالایه یا فاطمه گل شام غریبان رضایه یا فاطمه گل بیر دم اخر باشی اوسته گور اولدی از عمرونده نجه ظلمله خسته یوخ طاقت دی از بس ائلیوب زهر شکسته یوخ دادرسی ائیله خبر العبایه یا فاطمه گل شام غریبان رضایه زهرین اثریندن گلیری اه و فغانه قلب یانیری گوزدن اولور اشکی روانه سسلیر سنی امدادینه هردم یانایانه عالمده دوزر کیم بو قدر دردو بلایه یا فاطمه گل شام غریبان رضایه #استاد مدهوش #هوشمند﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

هجر یار قلبیمیز غمدن داریخدی هارداسان ای ماه تابان سد صبری غصه ییخدی اولموشوق زار و پریشان غم دوتوب دنیانی تئز گل سن اناوین جانی تئز گل یابن زهرا یابن زهرا قلبلر هجرونده قاندیر ، حالیمیز سنسیز یاماندیر، وار يوخوم بير خسته جاندیر، سن گلن يولاره قربان اي سينيق ديللر صفاسي کوی عشقین رهنماسی، هارداسان زهرا بالاسی، ای امیر ملک ایمان گون به گون عمروم آزالدی آرزیلار باغی سارالدی گل گوزوم یولاردا قالدی اولموشام هجرینده نالان گر چی من غرق گناهم دوت الیمدن بی پناهم اولماسا لطفون تباهم من فقیره ائیله احسان ای اورکلر اشناسی چاره سیز دردلر دواسی بحر عشقین ناخداسی گل دوتوب دونیانی طوفان دولدوروب عطرین جهانی مست ائدیب اهل ولانی هارداسان زهرا نشانی قالموشام کویونده حیران گل جمالین بی بدل دیر شاهکار لم یزلدیر هر گوزل گولدن گوزلدیر هاردا سن تک واردی سلطان دولدوروب دونیانی ظلمت هارداسان ای کان رحمت شیعییه ائیله حمایت گل اورکلر اولدولار قان گل بیزه خط امان وئر دیللره تاب و توان وئر دوز یولی حقه نشان وئر قالماسین غربتده قران ای جمالی حقه مظهر غم دوتوب دنیانی یکسر گل جهانی ائت منور هارداسان ای مهر خوبان آي و گون سندن آلیر نور دیللره عشقین سالیر شور جام عشقین بیرده دولدور اولموشام #مدهوش و حیران #هوشمند #مدهوش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت علی ع مدینه مدینه گرچی بو گونلر دیار غربت دی سنین وجودیویله رَشک باغ جنت دی اگر چی گلشنیمی سولدوربلا ظلمیله بو ائوده هر نفسین چون نسیم رحمت دی بو دورت گولون سنیله وار طراوتی زهرا گوله نوازش ائده باغبان ضرورت دی نه ظلم اولوب سنه زهرا منه آچیب دئمدین کی لحظه لحظه عومرون منه حمایت دی نه تئز چیخاتدی یادیندان غدیری شاهدلر بو امت ایچره ندن بیله شک و غفلت دی آتان اولن کیمی غصب ائیلییوبله حقیمیزی بیان حقیمه یانمیش قاپیم کفایت دی غم ائتمه کیمسه سلام ائیله میر سنه زهرا منیم سلامیمی خلق آلمیری نه مدت دی فدک بهانه دی سوز حق و باطلین سوزودور سبب بو ظلملره کهنه بیر عداوت دی آتان وصییتی دیر آلمیام اله شمشیر منی حلال ائله سندن علی خجالت دی او قدرتیم وار آلام حقیمی اوزون بیلیسن سکوت و صبره سبب بیر مقدس علت دی گرکدی صبر ائلییه م دین حق ایاق دوتسون جداله اولسا نظر قوللاریم سلامت دی اذان سسی کسیلر حقمی اگر آلسام دییه لّه شیر خدا تشنه ریاست دی اگر چتیندی ولی سنده صبر ائله زهرا فنا جهاندا بیزه درد و غصه قسمت دی آدامسیزام بیلیسن گل علینی تک قویما بو آیریلیق سوزی بیل سیندیران عبارت دی شکسته گویلومه بیر باخماقیلا رونق وئر سینه م غمیله دولوب طالب طبابت دی بو قدری ائیلمه تکرار آیریلیق سوزونی اگرچه آیریلیق حقدن بیزه مشیت دی اگر چی آیریلاجاق جمله یار یاریندن دانیش منیله دانیش دم هله غنیمت دی گوزوم باخا باخا دوشدون بئله طراوتدن ائدیم نه چاره کی گلشن دچار آفت دی یقین حسینله زینبده امتحان وئره جاق بلی دیینلره جام بلا سعادت دی قاپوندا کی یانان اود کربلایه یول تاپاجاق خیام عشقی گوررسن او چولده غارتدی چاغیرسا داده سنی زینبیم اگر، تئز گل الست عالمینین وعده سی او ساعت دی گورنده قارداشینی تشنه خنجر آلتیندا نشان وئره ر که نئجه حامی ولایت دی حسین و زینب ائده ر حفظ دین و قرآنی اساس ظلمی ییخان دهریده او نهضت دی قلم دایاندی غم و غصه دن اولوب #مدهوش کی سوز آغیردی و شاعرده بی بضاعت دی #هوشمند #مدهوش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💚عرض ارادت خدمت منجی عالم بشریت حضرت امام زمان (عج) از بس که یوخ زمین و زماندا مثل سنه حیرتده دیر قلم نئجه یازسین غزل سنه تعریفوی یازاندا کیمه بنذه دیم سنی نه آی، نه گون، نه گول، اولا بیلمز مثل سنه حسن و وقاریده سنه بیر همطراز یوخ سن اصلسن، یاراشمیری اصلا بدل سنه نه تک منم که عشقیوه بیر ادعا ائدم دلبسته دور تمام خلایق گوزل، سنه از بس که قاف شان و جلالین رفیع دور سیمرغ دل محالیدی که، تاپسین ال سنه نقاش روزگار سنی چوخ گوزل چکیب احسان اولوب بو مرتبه روز ازل سنه سن نورسن، حقیقته عالی عیارسن شایسته دور که باش اگه شمس و زحل سنه یازسین گرک دی وصفیوی شاعر اوز آدیوه سن اصلسن بو دهردیده یوخدور بدل سنه عالم سنی امید بیلیر داده تئز یئتیش حی علی الظهوردی، خیرالعمل سنه مدهوش اولور گلنده آدین دفتر و قلم منت چکیر عومور بویی قند و عسل سنه #انتظار #هوشمند لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سلام بر مهدی صاحب الزمان عج سلام اولسون سنه ای دلبر فرزانه یا مهدی آقا امداده گل قلبیم دونوب القانه یا مهدی نفس دن دوشموشم سس وئر منه بو غملی دنیاده یاخیندیر کاخ آمالیم اولا ویرانه یا مهدی یاغیر هر سمتیدن فتنه اوزون گل دوز یولی گوستر که سنسن ترجمان واقعی قرانه یا مهدی محبت اهلی چوخداندیر فراقینده پریشان دیر حضور اقدسونده دل چاتار سامانه یا مهدی اماندی آزقالیر عمریم گونی دونسون شب تاره نولار لطف ائیلسه ن بو نوکر نالانه یا مهدی نقدری جمعه ساییدیم ، هفته لر آیلار ایله دوندی گلر بو غملی دورانلار هاچان پایانه یا مهدی گئجه گوندوز گوزوم یاشی آخار حسرتله هجرونده نظر قیل لطفیله بو دیده گریانه یا مهدی زمانه تنگه گتدی سینمی دوشدوم نفس دن گل دونوب عالم گوزوم ده بیر قرا زندانه یا مهدی بیزیم احوالیمزدان آگهم حالی پریشان سان جانیم قربان سنین تک مهربان جانانه یا مهدی گل ای بحر کرم دنیا دولوب فقر محبت دن جهان لب تشنه دور بیر عمردور احسانه یا مهدی بو دور قورخوم ئولم اما جمالین گورمییم بیر دم رضایم که قادان گلسین بو خسته جانه یا مهدی #مدهوش #هوشمند ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

با نوای استاد محمدی 😔 التماس دعا بر مشامم می رسد امشب هوای کربلا می برد هوش از سرم شور و صفای کربلا تا که می افتد بیادم جلوه ی صحن و حرم می شوم دلتنگ آن صحن و سرای کربلا در دلم دارم غمی باید بگویم بر طبیب تا شوم بار دگر حاجت روای کربلا تا سلامی می دهم هر صبحدم بعد از نماز می شود آرام دل باروضه های کربلا دستبوس مادرم هستم که با دامان پاک خوب درسم داد و گشتم آشنای کربلا دوست دارم بار دیگر راهی دریا شوم تا بشویم چهره در آب بقای کربلا قطره ای هستم که دارم شوق دریا بر سرم اربعین خود را رسانم بر منای کربلا می شوم عاشق تر از پیش و پیاده ،دیده تر باز می گیرم بدست خود لوای کربلا لذتی دارد که باشی از حرم تا بر حرم همنوا با ناله و نای و نوای کربلا مکتب سرخ حسین ابن علی دانشگه است می رسد بر گوش جان آری صدای کربلا حضرت زهرای اطهر نوحه خوانی میکند می شود محشر بپا در نینوای کربلا ساربان با خود ببر این عاشق مدهوش را تا کنم جان را فدای جانفدای کربلا 1403 ✍️#هوشمند #مدهوش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#یاحسین 🎼سینه زنی_واحد 🎤#بانوای_حاج_علی_سیفی_افشار 🕌مسجد امام حسین (ع) ارومیه ۱۴۰۳/۱۱/۱۱ حسینین گل یوزی جنت دی والله وجودی خلقته زینت دی والله حسین عالملره روح و رواندی صفای گلشن خلقت دی والله حسین قانیله تفسیر ائتدی عشقی که بیعت ظلمیله ذلت دی والله قیام ائتدی کی قران زنده قالسین بیزه آزاده لیقی اورگتدی والله بو مکتبده اولان ظلمه باش ایمز سراپا مکتبی غیرت دی والله حسینین نوحه سی ذکر و دعادور عزاسی درس حیثییّت دی والله بو بزم عشقه هر کس یول تاپانماز گلر بیر کیمسه کی دعوت دی والله قرا پرچم بیزه نام و نشاندی قرا کوینک بیزه عزت دی والله بو درگهده بیری شرمنده اولماز نه احسان اولسا بی منت دی والله اولور تکرار اگر هر ایل عزاسی بیزه برنامه وحدت دی والله مریض عشقه وار دارالشفاسی دواسی قان اولان تربت دی والله گوزلدی هر مکاندان کربلاسی مزاری قبله حاجت دی والله هاچان دعوت ائدر "#مدهوشی" بیرده بیلیر قلبیم دولی حسرت دی والله منه لطف ائیله سه آخر نفسده نه غم، جان وئرماقیم راحت دی والله #هوشمند #مدهوش لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨