در مدح و شهادت حضرت امیرالمومنین علیه السلام #گریز به #قتلگاه . . #سبک_زینبم_جان_اوستیم ... 4 سبک . مرحوم خوندل تبریزی . ای جمالی کعبه ی اهل حقیقت یا علی سن شهید اولدون شهید اولدی عدالت یا علی . . کوفه ده ظاهرده بیر یعسوب دین ئولدوردولر باطناً آیات قرآن مبین ئولدوردولر یعنی کفر اهلی امیرالمومنین ئولدوردولر قویدولار اسلامیده ظلم اهلی بدعت یا علی . . بیر نه تک آل علینون قلبینی قان ایتدیلر بیر غلط منظوری بو مورد ده عنوان ایتدیلر وجه وجهُ اللهی القانیله الوان ایتدیلر قانیویله دولدی محراب اطاعت یا علی . . بو غلط حکمه بو گون دشمنده ایلر اعتراف عمروعاصیله ایدوب تا پور سفیان ائتلاف حُکم منفور حَکَم اسلامیدی آچدی شکاف قالدی بو آثار شومی تا قیامت یا علی . . زاده ی ملجم، او بی شرم خطاکار و لعین اولدی تا بیر بی حجابیله گئجه خلوت نشین وعده ی وصل آلدی اولسون مُنهَدم ارکان دین قتلیوه اولدی اودا بیر عمده علّت یا علی . . اوز جمالین بی حیا قُطّامه تا ویردی نشان زاده ی ملجمدن آلدی جلوه سی ... لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

در ضربت خوردن حضرت امیرالمومنین علیه السلام #گریز به ظهر عاشورا و #قتلگاه 🎵سبک: اوت یاپوشدی سینه‌مه... 🎵سبک: قانون ساعدی کربلاده... 📝◾️مرحوم حسینی سعدی زمان ➖➖➖➖➖➖➖➖➖➖ افلاکدن گلور سس - شاه ولایت ئولدی تنها نه شیر داور - علم و عدالت ئولدی یر گوی گلوب نوایه ، آغلالّلا مرتضایه اسلامه یتدی صدمه دین شریعت ئولدی بیر کیمسه که واریدی شخصیت جهانی هر کلمه حق سوزینده مین حکمت و معانی محرابده توکولدی دست ستمله قانی حقّ و حقیقت ئولدی روح سعادت ئولدی نهج البلاغه سیندن مفهوم اولان حقایق دنیا بویی جهاندا ناحق و حقه فارق فوق کلام مخلوق ، دون کلام خالق دین ئولدی دانش ئولدی ، نام فضیلت ئولدی گِزلَتدی ابر خونین سیمای آفتابی ظلمت جهانی دوتدی باغلاندی علم بابی چکدی تراب تیره آغوشه بو ترابی باب مجاز آچیلدی روح حقیقت ئولدی اول راد مرد تاریخ اول رهبر سعادت بسکه قضاوتینده گوستردی چوخ عدالت تا شدّت عدالت تولید ایدوب عَداوت ئولدوردولر علینی ، بِالله عدالت اولدی شخصیتین اولیدی گر خارجی وجودی شکل علیده مطلق مرئی اولوردی بودی ارض غَرّیه اولسون ربُّ السَّما درودی اوردا یاتان ئولن گون روح شهامت ئولدی خاکیله زر ، علینون یکسانیدی گوزینده خلق اولمیوب نظیر و مانندی یر یوزینده هر خیره امر ائدوبدور موجودیدی اوزینده تاپدی علی شهادت جود و سخاوت ئولدی مستجمع صفات ضدّینیدی بو مولا محرابده دوراندا مرآت زهد عیسی میدان رزمگهده شیر صفوف هیجا شیر ئولدی صولت ئولدی نام شجاعت ئولدی باشدان قلجلاناندا ، اُول رادمرد عالم اولدی بو شش جهاتین نظم و نظامی برهم باش وئردی صبح صادق کشف اولدی راز مُبهم آزاده گی ، فتوّت ، زهد و عبادت ئولدی روح الاَمین بو سرّی ایتدی جهانه اعلام ئوولدوردولر علینی سندی ستون اسلام باش سجده ده بویاندی قانه کفیل ایتام یعنی که ابن عمّ ختم رسالت ئولدی یردن اوجالدی عرشه فریاد واعلیّا بو سسلری ایشیدی زینب او ستر عُلیا قالدی نه حاله بیلمم توضیحه یوخدی یارا سسلندی اودلی دلدن مهر و عطوفت ئولدی اغلار گوزیله گلدی عرض ائتدی مجتبایه اوضاع منقلبدور ، یر گوی گلوب نوایه دور گور نه دور بو سسلر ؟ نه گلدی مرتضایه بیر سس گلور دیوللر شاه ولایت ئولدی با اینکه چوخ سُوَردی زهرا قزی آتاسین بونلان بیله الندن ویرموبدی اوز حیاسین ایتموبدی عزم مسجد گورماقلیقا باباسین اولدی حیاسی غالب مهر و محبت ئولدی #گریز به ظهر عاشورا و قتلگاه دشت بلاده امّا قارداشی شاه عطشان آتدان دوشنده یورقون آماج تیغ و پیکان اللر باشیندا قاچدی میدانه دیده گریان سسلندی دیزده طاقت قلبیمده قوّت ئولدی گلدی بلالی زینب گوردی او قوم کافر دُور امامی دوتموش اللرده تیغ و خنجر یوز دوتدی اشقیایه کای لشکر ستمگر دینوز که یوخدی نولدی سیزلرده غیرت ئولدی؟ بیر یاره سی واریدی سلطان اولیانین چوخدور اونیله فرقی سلطان کربلانین مثلین ولی حسینون گورمز گوزی جهانون جسمینده اول غریبین سان سیز جراحت اولدی یازما دایان « #حسینی» اوضاع قتلگاهی سوز درون زینب یاندیردی مهر و ماهی بو قدر وار ئولن گون مظلوملر پناهی مرجانه اوغلی اولدی رسوا سیاست ئولدی #شهادت_حیدریه لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

در شهادت حضرت علی علیه السلام #گریز به #قتلگاه . . #سبک_کوفه_را_ماتم_گرفته . حاج علی زلفی تبریزی . شورش محشر بپادی قدسیان غرق عزادی . ماه رحمت دوشوبدور خسوفه آغلاشوللار یتیمان کوفه . یاعلی یا علی یا علی جان (2) . . . باش آچوب جنتده طاها ذکری دیلده واعلیا عالمین بو عزا پوزدی حالون سولدوروب اهل بیتون جمالون . . . گویلره قاره چکیلدی زینبون قدی بوکولدی قلب زاری گلردی نوایه سسلنردی آنا گل عزایه . . . جان ویروب روح مناجات بیرده مثلی گلمز هیهات . بولمدی قدرینی اهل عالم غصه دن اولدی چوخ حالی برهم . . . چوخ جلالیله نهایت دفن اولوب شاه ولایت شیعیان جسم شاه شهیدان قالدی گونلر قباقینده عریان جان یارالی یارالی یارالی ... . . #گریز به قتلگاه . گرچه حیدر دلشکسته جان وئروبدور زار و خسته . اوغلی اما او میدان ایچینده قالدی گودالیده قان ایچینده . . . بیر طرفده شمر ملعون بیرده زینب گلدی دلخون . ال آتوب قاتلین خنجریندن تا دوتوب قان آخوب اللریندن ... لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

در ضربت خوردن حضرت امیرالمومنین علیه السلام #گریز به کوفه 🎵سبک: زینبم جان اوسته یم ➖➖➖➖➖➖➖➖➖➖ سجده ده ضربتلنوب شاه ولایت کوفه ده آل طاهایه اولوب برپا قیامت کوفه ده ➖➖➖➖➖➖➖➖➖➖ حضرت کلثومه اولشه بو گیجه مهمانیدی صبحه تک مشغول طاعت آیت ایمانیدی واقف اوز قتلندن اول شاهنشه مردانیدی هردم اوز قتلندن ایلردی اشارت کوفه ده راوی مطلبدی آرام دل فحل الفحول ام کلثوم بلا کش در دریای بتول نقل ایدر گوردوم بابامی بو گیجه خیلی ملول مضطربدور حالی ایتمور استراحت کوفه ده عالم علم لدنی هادی دین الاه نچه دفعه چخدی صحنه حالی پوزقون دلده آه ثابت و سیاره ایتدی گوزده گوز یاشی نگاه ذکر لا حول ایلدی اولشه قرائت کوفه ده عادت مآلوفیله محبوب حی دادگر اول شبدن عبادت ایلدی صبحه قدر عازم اولدی مسجده صاقدا قضا صولدا قدر آچدی اوز اولادینه ابواب محنت کوفه ده گلدی محراب عبادتده دایاندی شاه دین اولدی مشغول نماز اول حجت روی زمین ابن ملجم تیغ زهر آلودیله ایتدی کمین حجه اللهین باشندان وردی ضربت کوفه ده باش بولوندی وجه وجه اللهی رنگین ایتدی قان سر وانشق القمر محرابده اولدی عیان سسلدی فزت برب الکعبه شاه انس و جان یعنی قورتولدوم مصیبتدن بو ساعت کوفه ده تاجینی باشدان آتوب روح الامین ایتدی نوا سندی ارکان هدا الدی علی المرتضی تا ایشتدی بو سوزی اوغلی حسین و مجتبی قویدولار یوز مسجده افسرده حالت کوفه ده مجتبی یردن گوتوردی پارچالانمیش باشینی دیزلری اوسته قویوب توکدی یوزه گوز یاشینی آغلادی آغلادی شوریله حسین قارداشینی سولدی باد ظلمیله باغ رسالت کوفه ده کوفه نی ویران اولا چوخ گوزلری آغلار قویوب لاله تک چوخ قلبلرده غصه دن داغلار قویوب زینب کبری قاپوسین ظلمیله باغلار قویوب عصمت صغری چکوب درد اسارت کوفه ده کوفیان دوندردیلرقانه اونون گوزیاشینی کربلاده تشنه لب الدوردولر قارداشینی داد او گوندن نیزده گوردی حسینون باشینی محمله وردی باشین اول کان عصمت کوفه ده بیر خانم که گورممشدی گل جمالین آفتاب کوچه و بازارده زلفی جمالنده نقاب کوفه شهرینده دولاندی هر ایکی قولدا طناب کف چالوب کفار اونا ایتدی شماتت کوفه ده بیر گلیم القصه احباب ولایت گتدیلر شهریار زخمداری منزله حمل ایتدیلر تا کنار بیت شیر کردگاره یتدیلر آچدی قانلو گوزلرین دریای رآفت کوفه ده ایتدی اصحابین مخاطب اول یارالی شهریار اوز ایویمه اوز ایاقیمله گرگ ایلوم گذار زینبیم قورخار منی گورسه باشیمدان زخمدار باشیمه بلمور گلوبدور نه مصیبت کوفه ده یا امیرالمومنین ای معدن رحم و عطا اولمادون راضی گوره زینب باشوندا بیر یارا بس نجه گوردی همین بو زینب بی اقرابا بیر حسین باشنده اون یدی جراحت کوفه ده باشلیوبدور نیزه ده حق اوسته تحقیقاتینی تا ایده تکمیل دین اوستنده تبلیغاتینی آل سفیانی پوزا بالمره تشکیلاتینی ناطق قرآن ایدور قرآن تلاوت کوفه ده باشلادی زهرا قیزی بیر خطبه خیلی آتشین حیدر کرار تک دلده کلام آتشین زینبون هرکیم ایشتدی صوتینی ایتدی یقین باشلیوبدور مرتضی منبرده صحبت کوفه ده ای سخاوت کانی ای شیر خدا شاه حجاز صادر ایله «صابره» بو جمعیله لطفا جواز سن قیلان محرابده بو ایل قیلاخ بیزده نماز مسلمین قبرین ایداخ جمعا زیارت کوفه ده ✍مرحوم صابرتبریزی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

پنج تن #حدیث_کسا (1) #گریز به #تنور_خولی . . #شاجری_زنجانی . گوگل حدیثِ کِسا بیر گوزل روایتدور (2) مقام فاطمیه مدرک جلالتدور . دل التهابه دوشوب الده خامه لرزاندور سرشگیم عارضه گوزدن روان اورک قاندور . گلوبدی منزل زهرایه ختم پیغمبر خطاب ائدوب اورگیم بندی ای نِکو منظر . گتور کسا ٕ یمانی که حال ضعفیم وار اونی چک اوستومه ای فخر عترت اطهار . خانم دییَر ائلدوم امتثال فرمانه عبانی گتدوم او ساعتده ماه تابانه . گئچوبدی بیر نچه ساعت گلوب امام حسن سلام ائدوبدی جواب سلام وئردیم من . سؤال ائدوب آناجان منزل ایچره واقعه وار مشامه جدّیمین عطری گلور نه رائحه وار . یقین بو ائوده ائدوب جدّیم ای آنا مسکن دئدیم کساده اوغول جدّون ایلیوب مأمن . کسا جَوارینه گلدی او دم امام حسن سلام ائدوب دئدی ای هادی زمین و زَمن . اجازه وئر منه جدّا اولوم کسایه دخول محبّتیله وئروبدور اجازه ختم رسول . آلوبدی اذن دخولین او نوگل یاسین گلوبدی تاکه او دم منزله امام حسین . سلام ائدوبدی او شهزاده سویلدی آناجان مشامیمه گلوری عطر سرور دوران . بئله بیان ائلدی فاطمه او کان حیا اولوبلا وارد حسن جدّیویله تحتِ کسا . حسین کسایه طرف گئتدی با دل خرّم ادبله ائتدی سلام حضرت رسوله او دم . گَلَم دئدی یانیوا اذن واردی یا جدّا؟ بویوردی داخل اول ای نور دیده ی زهرا . حسین آلوبدی اجازه کسایه داخل اولوب کِسالت نبوی اول زماندا زایل اولوب . گلوبدی منزله اول دم علی ولیّ خدا سلام ائدوب دئدی ای دخت حضرت طاها . بو منزل ایچره گلور نکهت رسول الله یقین بو ائوده جُلوس ایلیوب نبی الله . جواب وئردی خانم، کی دو عالمه سروَر کساده دور حَسنینیله جدّی پیغمبر . گلوبدی سمت کسایه علی ولیّ خدا سلام ائدوب ادبیله اولوبدی عضو کسا . اجازه آلماقا زهرا گلوب کسایه طرف گوروب کساده گوزل انجمن او کان شرف . اولوبدی وارد زیر کسا او کنز حیا حضور حضرت زهرا وئروب کسایه صفا . عبا ایچینده جمع اولدی جَمیع آل عبا خطاب ائدوبدی خداوند ربّی الاعلا . بو امره واقف اولون ای فرشتگان جهان که پنج تن آدینا خلق اولوب زمین و زمان . تمام انجُم و افلاک و شمس و عرش و قمر بو بش نفردن ئوتور خلق اولوبدولار یکسر . یاراندی لوح و قلم کائنات و جنّ و بشر اولوبدی ما خلق اللهه پنج تن زیور . سؤال ائدوب او زمان جبرئیل روح الامین بو بش نفر کیم اولا ای خدای عرش و برین . بویوردی ذات حق، هُم فاطمه اَبوهادور حسن حسینیله بیرده علیّ والادور . اجازه ایستدی روح الامین نزول ائلیه قاریشا پنج تنه کام دل حُصول ائلیه . گلوبدی پیک الهی کسا برابرینه پیام داوری گتدی رسول محضرینه . اجازه وئر دئدی ای نسل آدمه مولا که فیض بَزم محبت منه ده قسمت اولا . اجازه وئردی رسول خدای لَم یزلی اولوب کسایه دخول عرض ائدوب بو نوع ولی . یارانوب عالم امکان سیزون محبتوزه بو امری فرض بیلوب یتدیم ایندی خدمتوزه . یتوردی آیه ی تطهیری حق داوردن اجازه آلدی قیتدی رسول اطهردن . اِنَّما یُریدُ الله لِیُذهِبَ عَنکُمُ الرِّجسَ اَهلَ البَیتِ و یُطَهِّرَکُم تَطهیراً (3) . وجود آل عباده مقام و شوکته باخ جلالتیله گلوب آیه لطف و رحمته باخ . کسا ٕ فضیلتینه گلدی آیه ی تطهیر تنور خولی غمی ایلر عالمی دلگیر . جفای خولیه باخ ماسوا فغانه گلوب حسینی گورمگه زهراده یانه یانه ... #شاجری_زنجانی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#مجالس_ترحیم #روضه_پدر و گریز به قتلگاه /حاح بهزاد جاوید بسم الله الرحمن الرحیم یا رحمان یارحیم ، حسبناالله ونعم الوکیل ، نعمل المولی و نعم النصیر ، یا ربَ الحسین، بحق الحسین اِشف صدر الحسین بظهورالحجه ز داغت دیده ام دریاست بابا دلم چون لاله صحراست بابا به پا خیز ببین کاشانه ما ز هجرت ساکت و تنهاست بابا 😭 هر گون بیر عده عزیرلردن بیر به بیر کناریمیزدن کوچوب گیدور بو دنیای فانی نی ترک الیوب آخرت ایوینه راهی اولور قیامتنجک خاطره لری بیزینندی ، پس نقدر یاخچدی کی، آخرت فکرینده اولاخ پیس اعمالی دن اوزاخلاشاخ و یاخچی اعمالیلن بیر توشه آخرت گوتوراخ ، نیه کی بیزده بیر گون بو کاروانه قوشولوب ، و ئولنلر صفینده اولاجیوخ هر ده ده نین آرزوسی بودی دنیانی ترک ائلین زمان بالالاری باشی اوسته اولا ، هر آتانین آرزوسی دی باشی اوغول دیزی اوسته جان ویره ، آی بو مرحومین بالالاری سیز بیلمیم آتوز دنیادن گیدنده کنارینده دوز یا یوخ ...... #گــــــــــــریز : اما کربلاده بر عکس اولدی بیر آتا جان ویردی غریبانه 😭 یا حسین غریب جانوا قربان آقا گودی قتلگاهیده یخلوب تپراقلار اوسته قارداش یوخ باشی اوستونه گله ، اوغول یوخ گله بابانین مبارک باشین آلا دیزی اوستونه پس نلر اولدی یا رسول الله (ص) مبارک بدن سر تا سر یارالی ، قاتل باشی اوسته دی راوی دیور بو حالدا خانم زینب (س) ئوزون یتوردی قتلگاهه یوز دوتدی شمره سسلدی بیزدن نه ایستوسن عرض ایتدی ساخلا ، شام غریبان حسینوه سسلندی دوش اشاقه که تنگه دوشوب نفس بلکه ایده بالالارینی گــــــــــورمگه هوس خانم بیوردی : ظالم عبثدی خنجر برّان حسینمه بسدور اورکده داغ جوانان حسیمه تز دوش اشاقه ظالم ، آغرلاتما سینه سین باری ئوزوم ویریم سر و سامان حسینمه ترک ایله قتلگاهی چکیل بیر کناره سن ایستور عیالی باش آچا بیر آن حسینمه ظالم تلسمه سینه سینون اوخلارین دریم چخسون دوباره درد اولا ، آسان حسینمه باخ بیر ایاقون آلتنا گور هاردا دورموسان ایتمز بله جسارت هیچ انسان حسینمه ئولدورمه ئولدورورسن اقلاً سو ویر بیر آز مهرّیهٔ بتولی قیل احسان حسینمه (۱) من زینبم بودار فنادن گلیلیم😭😭 اصغر ربابی اکبریمه مثل لیلیم مظلوم ننم مدینه لیلردن گلیلیدی منده اونونجه کوفه لیلردن گلیلیم😭😭 (۱) شعر گلچین از صد منظره زتده یاد مرحوم استاد منزوی صل الله علیک یا اباعبدالله لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

غزوه ی اُحُد و شهادت حضرت حمزه سیدالشهدا علیه السلام (1) #گریز به #قتلگاه حاج داود بیدق داری . قادراللهین آدیلان یازورام بوخبری مایه ی نوحه دی گر اولسا عنایت نظری قصد قربتله ائدم بلکه ئوزوم نوحه گری نظریم واردی احد غزوه سینی یاد ائلیم روح پیغمبر والانسبی شاد ائلیم . سال سوم که اولوب هجرته توفان یارادوب اهل تاریخه احد غزوه سی حرمان یارادوب دولانوب چرخ زمان قورخولی میدان یارادوب بیر طرفده دایانوب جیش رسول مدنی بیرطرف کفریدی،کفرینده دایانمش علنی . نقشه ی جنگی چکوب حضرت یاسین او زمان داغ شکافینده ائدوب بیرنچه سربازی نهان اوردا آماده هامی الده دورا تیر وکمان دالیدان اولسا اگردشمن او ماواده عیان اوخ اتانلار اولاری ایلیه لر تیره نشان . جنگ باشلاندی اول تن به تن اولموشدی قرار گلنی وردی علی ایلدی قوش مثلی شکار دایانا بیلمدی کفر اهلی اولوب اهل فرار قاچان ئوز اسلحه سین آتدی یره جان قوتاروب مال دنیانی قویوب جانینی سالم اپاروب . قاشدی دشمن توکولوب یرده قالوب اسلحه جات ایلدی خیره باخان گوزلری برق ادوات چخدی یاددان او پیمبر بویوران تازه نکات سنگری بوشلادیلار تا که غنیمت تاپالار دینی دنیایه ساتوب جنگیده ثروت تاپالار . اولدی مشغول بولار جمع ائده لر مال ومنال دشمن دین خدا تاپدی بو اثناده مجال بوش قالان یردن اولوب حمله ور اشباه رجال قالدی آتلار ایاقی التدا چوخ انسان او زمان نه غنیمت آپارا بیلدیله نه نام ونشان . بوهمان جنگیدی کی لطمه سی دنیایه دگوب ناله یردن اوجالوب طاق ثریایه دگوب بوهمان غزوه دی دوخسان یارا مولایه دگوب جان پیغمبری حیدرقوتاروب معرکه دن پیکری یاره لنوب چخدی ولی مهلکه دن . حمزه قدرتله گیدور عرصه ده هی صاق وصولا هر گیدنده سالوری باشلاری تیغیله یولا دئیور ایکاش او اندازه منه فرصت اولا همتیله بو دنی دشمنی نابود ائلیم اولانیم جاندی اونی هدیه ی معبود ائلیم . عجبا چرخ زمان دوندی مخالف طرفه ساتدی د نیای دنی گوهری یونگول خزفه وحشیه فرصت اولوب تا که یتشسین هدفه آللانوب وعده ی آزادی ودیناره گوره حمزه نی قیلدی هدف هند جگرخواره گوره . سینه ی حمزه یه بیرنیزه نی پرتاب ائلدی قلب پیغمبری بو ظلمیله بی تاب ائلدی احدون دامنه سین قانیله سیراب ائلدی یومدی حمزه گوزینی وصلت دلداره چاتوب روحی گویده جگری هندجگرخواره چاتوب . حمزه نین جسمین ائله سویدولا گوی اهلی یانوب بشرین ظلمینه ذررات طبیعت اوتانوب گلدی پیغمبررحمت باشی اوسته دایانوب گوردی گل مثلی ورقلنمیش اوسردار رشید اوستونه چکدی عباسین دئدی عریاندی شهید . حمزه نین جسمین عبایه بورودی جان جهان یارالانمش بدنی ائتدی عبا ایچره نهان تاکه گورسه باجیسی ائتمیه چوخ آه وفغان پوزدی افکاریمی بوواقعه ای اهل عزا یادیمه دوشدی گنه منظره ی کرب وبلا . یرده قالموشدی حسین پیکری قان بستری قان چابالوردی یئرین اوستونده شه عرش مکان باخدی بیر زینب اونا سسلدی ای جسمیمه جان چوخ سورونمه یارالی اوچ پراوخا وئرمه تکان هر تکاندا ائلیور مقتلووه قان فوران ـــــــــــــــــــــــــ (1) غزوه احد در روز ۷ شوال سال سوم قمری اتفاق افتاد.برخی نیز گفته‌اند در نیمه شوال همان سال رخ داده است. . #غزوه_احد

شهادت حضرت امام جعفر صادق علیه السلام . . حاج مجید بدایعی (اشکی تبریزی) . شیعه لر قان آغلیون صاحب زمان آغلار بو گون حضرت صادق غمینده قدسیان آغلار بو گون . باد ظلمیله گل گلزار پیغمبر سولوب صادق آل محمد زهریله مسموم اولوب گر دیسم زیبنده دور زهرا بو گون زلفین یولوب عالم معناده میر مومنان آغلاربوگون . بغضیله منصور نور وحدتی خاموش ایدوب پیشوای دین حق جام شهادت نوش ایدوب جعفری مذهبلری محنتله هم آغوش ایدوب گوز یاشی گوزدن توکر اهل جهان آغلار بوگون . باعث ایجاد عالم حامی دین خدا نور یزدان مظهر توحید سبط مصطفا مذهبه رونق ویرن دینه بویوک بیر پیشوا درک ایدوب فیض شهادت انس و جان آغلار بوگون . شور محشر شهر یثربده بو گون اولدی عیان وا اماما ناله سی خلقه اولوب ورد زبان بوینی چگنینده توکردی گوز یاشی اسلامیان تابعان حضرت صادق عیان آغلار بوگون . جان ویروب جانانه یتدی بو امام ممتحن ایلدی اوز اوغلی موسی جسمینه غسل و کفن اولدی چوخ اجلالیله تشییعینه چوخلی گلن کربلا مظلومینی یاده سالان آغلار بوگون . #گریز #دفن_شهدا . قالدی اوچگون یرده گل جسمی یارالی بیکفن اولمادی بیر کس او گون پیغمبر اوغلین دفن ایدن گون ایوینده قانه غلطان قالدی یتمیش بیر بدن بیله بیر احواله هر شیعه یانار آغلار بوگون . یتدی اوچگوندن صورا بیماره چون فرمان حق دفن اولونسون تا نقدری وار سوسوز قربان حق کربلا صحراسینه اعجازیله سلطان حق گلدی بو اعجازیدن آگاه اولان آغلار بوگون . بیر قبیله اهلینی گوردی ملول و دلفکار قصد دفنیله گلوب اللرده حفر اسبابی وار دفنینه اما او گل پیکرلرین حیراندیلار بو سوزه اول جمع تک حیران قالان آغلار بوگون . باخدی اوّل بیر آتاسی نعشینه چکدی فغان سویلدی ای بذل ایدن جانانینه لب تشنه جان کربلانی ایتموسن اوز قانویله گلستان یاسمن سر و سمن هر گلستان آغلار بوگون . بیر مزار اول شهریاره قازدی با شور و محن گوردی لازمدور اولا شاهانه بیر عالی کفن قالدی حیرتده او گل جسمه کفن ایتسون ندن بو مصیبتده تمام افلاکیان آغلار بوگون . امر ایدوب اول جمعه سوز آهیله یالقیز امیر بیکفن دفن اولماسون مقتول اشرار شریر تاپدیلار اول دشتیده زحمتله بیر پاره حصیر قبره شه جسمین حصیریله قویان آغلار بوگون . گوردی لیلانین علی اکبر اوجالدوب باشینی گل کیمی خندان اولوب توکدی یوزه گوز یاشینی دفن ایدوب پایین پاده اول جوان قارداشینی ایمدی اول ششگوشه قبره هر باخان آغلار بوگون . سن امام صادقه صدقیله «اشکی» دوش دخیل حاجتین ایلر روا فورا او میر بی بدیل ناامید ائتمز او شهدور سن اونا نوکر ذلیل اولسا گر نومید سائل شاهه دور نقصان بوگون #شیعه_لر_قان_آغلیون_صاحب_زمان_آغلار_بو_گون #اشکی_تبریز

🏴شهادت حضرت امام جعفر صادق علیه السلام #گریز به #قتلگاه 🎼سبک:ای کربلانون تشنه لب قربانی قاسم . ✍بقلم مرحوم تائب تبریزی . ای جعفری مذهبلرین آرام جانی گیتدون عزادار ایلدون اهل ولانی . واگیر :: ای صادق آل عبا اولسون سنه جانلار فدا ای وای آقام وای . . . ای دللره داغلار قویان ای وای آقام وای امید ائوین باغلار قویان ای وای آقام وای ای شیعه نی اغلار قویان ای وای آقام وای ای ایلین ماتم زده پیر و جوانی . ای سینه سی گنجینۀ علم الهی ای محضر درسی اولان دین پایگاهی ای سایۀ قدسی اولان حق شاهراهی مذهبده روشن ایلین اهل ولانی . جسم بیانه ای ئوزی بیر روح ناطق ای خالق فضل و ادب مخلوق خالق تعلیم ائدن ای اهل صدقه فقهِ صادق ای اوستاد مکتب علم و معانی . گمراه ایدوبدی امتی باطل یازنلار حق علمینی مدفون ایدوب مدفن قازانلار تاپمازدی یول سن اولماسیدون یول آزانلار فقهیله آگاه ایلدون کلّ جهانی . سن آچماسیدون مکتب درس و دیانت سن سالماسیدون عالمه نور فقاهت تاریک اولاردی عالم دین و شریعت سن زنده ائتدون شرع حکم مصطفانی . سن فقهیله دانانی جاهلدن آیردون سن علمیله نادانی عاقلدن آیردون چکدون ریاضت حقی باطلدن آیردون واردور سنون فقهونده روح جاودانی . مولا سنون اسلامیده چوخ خدمتون وار هر بیر پریشان جمعده جمعیتون وار اهل تشیُّع گردنینده منتون وار سنسن سرافراز ایلین بو شیعیانی . سن حکم شرع ذات بیچونی دیریتدون عاشورده ناحق آخان قانی دیریتدون قاندان حسین یازمیش او قانونی دیریتدون دوتدون مرام شهسوار کربلانی . آچدون سن اسلام اهلینه راه سعادت منصور جانی ائتدی بو امره حسادت آری اولار گمراه اولان لاردا بو عادت قصد ائتدی خاموش ایلسون نور خدائی . ائتمیشدی بسکه سست اونی جام غروری حقی گورنده خیره اولدی چشم کوری حقّونده آرتوردی سنون هر ظلم و زوری ظلمینده چخدی حددن اول خصم جانی . باخموب که سن دلبند پاک مصطفاسن باخموب که سن فرزند شاه لافتاسن باخموب که سن صبر دل خیرالنساسن بُلدی روا حقونده هر جور و جفانی . باخموب که سن چشم چراغ ماسواسن باخموب که سن بیر یادگار مجتباسن باخموب که نور چشم شاه کربلاسن گتدی بلالی باشیوه هر بیر بلانی . ئوز کینه سین زهرایه معلوم ائتدی آخر سن تک امید خلقی مظلوم ائتدی آخر انگور مسمومیله مسموم ائتدی اخر سندن او زهر آلدی داخی تاب و توانی . آچدون گوزون باخدون دوشنده احتضاره گوردون بالان موسا آلوب باشون کناره جدون حسین اما دوشنده پاره پاره گوردی باش اوسته زینب بی خانمانی . فرمایش ائتدی ای منه جانانه زینب شمع وفایه ای اولان پروانه زینب بوردا دایانما بوردا وار بیگانه زینب گئت خیمه گاهه باشه یغ آل عبانی . ال آچسا ظلمه آل فرزند سمیه قویما وورا قزلاریمی آل امیه قویما خصوصاً آغلاسون نازلی رقیه چوخ ایسترم اول دختر شیرین زبانی . بیر کوچه مشگی نوحه خوان ائتدی تقاضا شوقیله تائب ائتدی بیله نوحه انشا امیدوار روز جزا خاتونی زهرا اوتدان قوتارسون شاعریله نوحه خوانی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

آتاسیزلیق دردی #ختم_خوانی #گریز #حضرت_رقیه_شهادت . جعفر فتح اللهی (شاکر) . زمانه نین یوزونه گولمز هئچ زمان آتاسیز آتالیق عاطفه سین ایلمز نهان آتاسیز . گئدر گزر دولانار بلکه غصه سی داغیلا بیر آزدا غصه سی آرتار ائدر فغان آتاسیز . گورنده تای توشونی نوز آتاسی ایله گزور چکر بیر آه اولار قلب زاری قان آتاسیز . ایکی الینی قویار قوینونا باخار مأیوس ایکی گوزوندن ائدر اشکینی روان آتاسیز . آتاسی ایله گزن گونلری دوشر یادینا دانیشار ئوز ئوزونه محنته نشان آتاسیز . باشین اشاقه سالار ناگران ائوه قییدر ائدر قاپونی آچاندا بئله گمان آتاسیز . آتاسی ائوده دی تئز تئز بابا بابا چاغیرار سسین ائشیدمز ئوزون گورمز آختاران آتاسیز . اتاقه وارد اولار غم دورار قباقینده دیر آتان یرینه غمدی میهمان آتاسیز . آتاسینون یرینی بوش گورر اوتاقینده اوخور ئوزی ئوزینه غملی داستان آتاسیز . اولاندا بایرام هامی آل یاشیل گییوب دولانار قرا گییوب ئوزون ایلر غم آشیان آتاسیز . اوشاقینه آتا بایرامدا عیدیانه آلار قالار ولی گوزی اللرده ناگران آتاسیز . گئدر هامی گوروشه خویش و اقربا ائوینه قالوب ائوینده قورا بزم جان بستان آتاسیز . اوشاق أَولجه دییر ئوز آتاسینا تبریک دییر منی آتاجان گورمسین زمان آتاسیز . مشاهده ایلیرسوز چیخاندا قبر اوسته آتا مزارین ائدر بهترین مکان آتاسیز . گورر آناسینی غم دیزلرین قوجاقه آلوب باخار یانا یانا نار غمه یانان آتاسیز . آچار قولون دولیار بوینونا سیلر گوزونی دییر چوخ آغلاما گرچه قالوب بالان آتاسیز . سن آغلاسان بو قدر من ئوزومی ئولدورّم بو درده دوزمز اوشاق اولسا یا جوان آتاسیز . آتام کمی منی دیندیر سینقدی گویلومی آل سولار، سینار، سارالار گویلون آلماسان آتاسیز . آتام حسینه فدا من فدا رقیه سینه ایتیم اوشاقلارا سردسته دی همان آتاسیز . گئدردی زینیین آغوشینه گلردی دیله دییردی پس منی کیم قویدی عمه جان آتاسیز . بابام گئدندن آی عمه یاتانمورام گئجه لر مگر یاتار بو بیاباندا قورخودان آتاسیز . مدینیه گئده بیلسن یوبانما تئز یولا دوش روا دگیل اولا دشمنله همزبان آتاسیز . من ئولمه میش آپار عمه مدینه میزده ئولوم عزاسی خوار اولی غربتده وئرسه جان آتاسیز . بو غربت ئولکه ده که خوار اولوب آتام یاسی دوشنده یاده بو مشگل ییوبدى قان آتاسیز . من آغلادیم باباما قمچی ووردیلار باشیما آتاسین اوخشیا لازمدی هر زمان آتاسیز . گوزوم دوشور آتامی ئولدورنلرین گوزونه آلور قراریمی الان منی قویان آتاسیز . اوتوندا الله اوشاقین یامان گونه قویسون منیم کیمی اودا بیلسین اولار یامان آتاسیز . اونوندا قلبی داریخسین تفاقی اودلانسین بئله نقدری یانور خیمه سی یانان آتاسیز . .  #فتح_اللهی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#شهادت حضرت جواد علیه السلام #گریز به شام غریبان 🍁🍁🍁🍁🍁🍁🍁🍁 ✍مجید قلعه بیگی ( فقیر خویی ) یاندی اورگیم سینه ده اودلاندی الهی امداده گلن یوخدی،جگر یاندی الهی عَموم کیمی قاتل منه ئوز همسریم اولدی دشمن ئوز ایویمده منه ئوز دلبریم اولدی نالان بو مصیبتده گینه مادریم اولدی نالَم بو گجه گویلره قوزاندی الهی اؤلدوردی منی،دختر مأمون خطاکار آغلار منیم احوالیمه گویلرده کی قوشلار شاهددی ئورک سوزلریمه بو در و دیوار احوالیمه داغ داشدا پریشاندی الهی عَموم حسنی جعده او گون ایلدی مسموم جانانه وئرن لحظه ده جان،او شه مظلوم یانینده اونون حاضریدی زینب و کلثوم بیکس ئؤله سن دهریده آساندی الهی؟ گر گلسه بوگون شیعه لریم داد و فغانه گوز یاشلاری دریا کیمی گر اولسا روانه واردور یری قان آغلویالار شاه جنانه زهرا بالاسی سینه سی سوزاندی الهی جنّتده آچوب باشینی چون سید بطحا کوثرده دوروب گوزلوری یول،حضرت زهرا چوخ شکر اولا آللاهه اولوب وصل مهیا گوزلوردوم همین ساعتی، چوخداندی الهی اولاد بنی هاشمه بو گردش دوران چوخ چوخلی ستم ایلدی ای خالق رحمان دوشدی گینه ده یادیمه او شام غریبان مخیمده بالا قیزلاری عطشاندی الهی پامال ایلدی چرخ دنی، چرخ ولانی بیر سمته سالوب قوللاری، بیر سمته لوانی بیر سمته حسینون توکولوب سو کیمی قانی بیر سمتیده زینب جگری قاندی الهی بیر سمتیده شعله چکوب اخیام امامت بیر سمتیده دشمن ائلوری خیمه نی غارت گویا او گجه زینب ایچون اولدی قیامت چوخ سوزلر هله سینه ده پنهاندی الهی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

‍ یتیم نوازی حضرت علی علیه السلام #گریز به #حضرت_رقیه_شهادت باب سخا علی علی درده دوا علی علی سینۀ اهل حقّیدن عقده گشا علی علی مشکلون اولسا هر زمان صدقیله سسله یا علی پیکرۀ کرم علی بندۀ محترم علی فلسفۀ قِدَم علی فرصت مغتنم علی مائدۀ نِعَم علی نفس مسیحه دم علی ورد زباندی دمبدم شیعیه مقتدا علی سرور و رهبریم علی مسجد و منبریم علی ساقی کوثریم علی شافع محشریم علی دافع غملریم علی دیلده که ازبریم علی من سگ آستانیم هی دیرم آقا علی مرشد و مفخریم علی عشق مقدَّریم علی مونس و یاوریم علی قلبیده باوریم علی حافظ سنگریم علی اوچماقا شهپریم علی سوزلریمه جلا علی گوزلریمه ضیا علی ذکر و اطاعتیم علی حسن عبادتیم علی عمریمه زینتیم علی خلقه وصیتیم علی عزت و شوکتیم علی شأن وشرافتیم علی هر ایکی دهریده منه مونس علی رجا علی زینت انجمن علی لذت هر سخن علی سجده ده راضی ایلیوب سائلی قیترن علی هاردا گلر زمانیه قاتله رحم ائدن علی سویلدی عفو ائدر سنی ئولمه سه مرتضی علی صحنۀ هر جهادیده پنجه سی اود توکن علی فعل مدبرانه سی تخم وفار اکن علی بیوه لره یتیم لره هر گئجه باش چکن علی آج یاتوب عاجز امته بذل ایلین غذا علی مسند حقده اگلشوب کهنه قبا گین علی نوکرینه لباسینون تازه سینی وئرن علی کوچه به کوچه نصف شب ناله ائدوب گزن علی هر آتاسیز آدامسیزا چاره سیزه آتا علی قید مقدراتیده قوللاری باغلانان علی باب سخا و عزتی شعله چکوب یانان علی فاطمه سی یارالانان سینه سی داغلانان علی حکمت حقدن ایلین همتیله حیا علی پنجۀ عدلی ایلین پایۀ ظلمی ریشه کن آتمیش اوچ ایل حیاتیده سِلم خدا یولون گئدن قلبینی غصه لر یاران دردینی چاهه کشف ائدن سوز دل یتیمیلن مونس و همصدا علی بیر گونی مرتضی علی کوچه دده طی راهیده بازی ائدولَّه بیر نچه طفلی ائدوب مشاهده لیک اولارون دوروب بیری غرقیدی سوز آهیده حسرتیلن باخوب یانار گوردی او بینوا - علی گلدی اونون کنارینه مهر و وفالی مرتضی آلدی او طفلیدن خبر حجت حیّ لایری وار نه دلیلی سن گیدوب اویناموسان گوزل بالا دردیوی قیل بیان اوغول تا ایله سون دوا علی باخدی علی جمالینه حسرتیلن او طفل زار سویلدی روزگار ایدوب قلبیمی غملره دچار غصه لیم ئولوب آتام بختیم اولوبدی تیره تار تنگیدی بیر قفس کیمی روحیمه ماسوا علی شعلۀ آهیمه وورار جور زمانه دامه قوی بو ئورکده دردیمی ایندی آچوق دیوم سنه یوخدی آتام قوشولمیور کوچه ده تای توشوم منه ایلیوب اهل ناریدن غصه منی جدا علی بیلدی او نیک منظرون تا که علی ئورک سوزون قلبینی یاردی تیر غم دولدوروب اشکیله گوزون آلدی اونی قوجاقینه ناز ایلیوب ئوپوب یوزون اولدی او غملی طفلکون دردینه آشنا علی قیلدی بیان او کودکِ غم کشه خسرو انام سنده قوشول اوشاقلارا اوینیوب اول خجسته کام کیمدی سوروشسالار آتون سویله علینون اوغلیام سنده بو مدعا ایچون دیلدن اولار رضا علی نازیله گز بو شهریده ای گل ناز خوشمرام غم یمه غمگساریوم هر سوزون اولسا من وارام اوغلوم حسینیدن سنی عاطفه ده آیرمارام بیکس و بینوالری دائم ائدر دعا علی عارفه « #سیفی » سوز گرک جلب توجه ایلیه یغدیلا آل حیدری شامیده بیر خرابیه ئولدی رقیه گلمدی دفنینه مرتضی نیه زینبی سینه داغلیوب هی چاغوروردی یا علی گل بابا بو خرابه ده آتش ظلمه یانمیشام قارداشیمون سولوب گولی اشک غمه بویانمیشام یوخدی کفن رقیّمه هر طرفی دولانمیشام نازلی نَوون ننم کیمی اولدی گونی قرا علی جور زمانه سوزدوروب حقّ ائوینون ستاره سین کسدیله نازدانه مون ظلمیله راه چاره سین ئولدی علاج ائدنمدیم یوزده کی سیلی یاره سین تاپمادی درد و غصه دن نازلی نَوَن شفا علی غنچه نی سولدوروب فلک وئردی بو چولده یللره هامّی چوخ ایستین قزون ماتمی دوشدی دیللره بوکدوم علاجیم اولمادی آغ گولی قاره معجره دفن الیدیم خرابه ده قلبی یانان یانا علی گون سحر ایستیر چخا گوگده دان اولدوزی باتار بلبل اوچار چمنلره ساحتِ وصلته چاتار هاردا منیم رقیه سیز بیرده ملر گوزوم یاتار باتدی ایشیقلی اولدوزوم قلبیم اولوب یارا علی عمر ایلیوب اوچ ایل بالام عزته نایل اولمادی فاطمه تک حیاتینه دهریده مایل اولمادی چون یارالیدی قوللاری عسلیده کامل اولمادی گور نجه قاره بخت ایمیش بو قره گوز بالا علی ✍سیفی اردبیلی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫