🏴#شهادت_حضرت_علی_ع ▪️#یتیم نوازی حضرت علی علیه السلام ▪️#گریز به #حضرت_رقیه_شهادت باب سخا علی علی درده دوا علی علی سینۀ اهل حقّیدن عقده گشا علی علی مشکلون اولسا هر زمان صدقیله سسله یا علی پیکرۀ کرم علی بندۀ محترم علی فلسفۀ قِدَم علی فرصت مغتنم علی مائدۀ نِعَم علی نفس مسیحه دم علی ورد زباندی دمبدم شیعیه مقتدا علی سرور و رهبریم علی مسجد و منبریم علی ساقی کوثریم علی شافع محشریم علی دافع غملریم علی دیلده که ازبریم علی من سگ آستانیم هی دیرم آقا علی مرشد و مفخریم علی عشق مقدَّریم علی مونس و یاوریم علی قلبیده باوریم علی حافظ سنگریم علی اوچماقا شهپریم علی سوزلریمه جلا علی گوزلریمه ضیا علی ذکر و اطاعتیم علی حسن عبادتیم علی عمریمه زینتیم علی خلقه وصیتیم علی عزت و شوکتیم علی شأن وشرافتیم علی هر ایکی دهریده منه مونس علی رجا علی زینت انجمن علی لذت هر سخن علی سجده ده راضی ایلیوب سائلی قیترن علی هاردا گلر زمانیه قاتله رحم ائدن علی سویلدی عفو ائدر سنی ئولمه سه مرتضی علی صحنۀ هر جهادیده پنجه سی اود توکن علی فعل مدبرانه سی تخم وفار اکن علی بیوه لره یتیم لره هر گئجه باش چکن علی آج یاتوب عاجز امته بذل ایلین غذا علی مسند حقده اگلشوب کهنه قبا گین علی نوکرینه لباسینون تازه سینی وئرن علی کوچه به کوچه نصف شب ناله ائدوب گزن علی هر آتاسیز آدامسیزا چاره سیزه آتا علی قید مقدراتیده قوللاری باغلانان علی باب سخا و عزتی شعله چکوب یانان علی فاطمه سی یارالانان سینه سی داغلانان علی حکمت حقدن ایلین همتیله حیا علی پنجۀ عدلی ایلین پایۀ ظلمی ریشه کن آتمیش اوچ ایل حیاتیده سِلم خدا یولون گئدن قلبینی غصه لر یاران دردینی چاهه کشف ائدن سوز دل یتیمیلن مونس و همصدا علی بیر گونی مرتضی علی کوچه دده طی راهیده بازی ائدولَّه بیر نچه طفلی ائدوب مشاهده لیک اولارون دوروب بیری غرقیدی سوز آهیده حسرتیلن باخوب یانار گوردی او بینوا - علی گلدی اونون کنارینه مهر و وفالی مرتضی آلدی او طفلیدن خبر حجت حیّ لایری وار نه دلیلی سن گیدوب اویناموسان گوزل بالا دردیوی قیل بیان اوغول تا ایله سون دوا علی باخدی علی جمالینه حسرتیلن او طفل زار سویلدی روزگار ایدوب قلبیمی غملره دچار غصه لیم ئولوب آتام بختیم اولوبدی تیره تار تنگیدی بیر قفس کیمی روحیمه ماسوا علی شعلۀ آهیمه وورار جور زمانه دامه قوی بو ئورکده دردیمی ایندی آچوق دیوم سنه یوخدی آتام قوشولمیور کوچه ده تای توشوم منه ایلیوب اهل ناریدن غصه منی جدا علی بیلدی او نیک منظرون تا که علی ئورک سوزون قلبینی یاردی تیر غم دولدوروب اشکیله گوزون آلدی اونی قوجاقینه ناز ایلیوب ئوپوب یوزون اولدی او غملی طفلکون دردینه آشنا علی قیلدی بیان او کودکِ غم کشه خسرو انام سنده قوشول اوشاقلارا اوینیوب اول خجسته کام کیمدی سوروشسالار آتون سویله علینون اوغلیام سنده بو مدعا ایچون دیلدن اولار رضا علی نازیله گز بو شهریده ای گل ناز خوشمرام غم یمه غمگساریوم هر سوزون اولسا من وارام اوغلوم حسینیدن سنی عاطفه ده آیرمارام بیکس و بینوالری دائم ائدر دعا علی عارفه « #سیفی » سوز گرک جلب توجه ایلیه یغدیلا آل حیدری شامیده بیر خرابیه ئولدی رقیه گلمدی دفنینه مرتضی نیه زینبی سینه داغلیوب هی چاغوروردی یا علی گل بابا بو خرابه ده آتش ظلمه یانمیشام قارداشیمون سولوب گولی اشک غمه بویانمیشام یوخدی کفن رقیّمه هر طرفی دولانمیشام نازلی نَوون ننم کیمی اولدی گونی قرا علی جور زمانه سوزدوروب حقّ ائوینون ستاره سین کسدیله نازدانه مون ظلمیله راه چاره سین ئولدی علاج ائدنمدیم یوزده کی سیلی یاره سین تاپمادی درد و غصه دن نازلی نَوَن شفا علی غنچه نی سولدوروب فلک وئردی بو چولده یللره هامّی چوخ ایستین قزون ماتمی دوشدی دیللره بوکدوم علاجیم اولمادی آغ گولی قاره معجره دفن الیدیم خرابه ده قلبی یانان یانا علی گون سحر ایستیر چخا گوگده دان اولدوزی باتار بلبل اوچار چمنلره ساحتِ وصلته چاتار هاردا منیم رقیه سیز بیرده ملر گوزوم یاتار باتدی ایشیقلی اولدوزوم قلبیم اولوب یارا علی عمر ایلیوب اوچ ایل بالام عزته نایل اولمادی فاطمه تک حیاتینه دهریده مایل اولمادی چون یارالیدی قوللاری عسلیده کامل اولمادی گور نجه قاره بخت ایمیش بو قره گوز بالا علی ✍سیفی اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ در مقام حضرت امیرالمؤمنین علیه السلام #گریز به حضرت رقیه سلام الله علیها ✍سید تقی سیفی اردبیلی علی شاه مردان علی شیر یزدان علی قاف همت هماسی علیدور امید و پناه یتیمان علی عالمین مقتداسی علی مالک خانۀ حق و مُلک جنتدور علی یاور بی نوایان و یار اُمّتدور واگیر: علی جان علی جان علی جان گوزل آدیوه شیعه قربان علی میر کوثر علی شأن منبر علی عشقه جوهر علی حقه مظهر علی باب کیفر علی مهر داور علی شور محراب علی مرد میدان علی یار طاها علی شوی زهرا علی فضل تقوا علی خصم اعدا علی حِلم یکتا علی علم اعلا علیدور سراسر تجلای قرآن علی تاپدی بیت خداده ولادت علی اولدی آیات قرآنه زینت وئروب سجده گهده پیام شهادت ایچوب بادۀ خون میثاق و پیمان علیدور نوای دعای شبانه علیدور دل اهل عشقه بهانه علیدور عدالتدن عالی نشانه علی رهبر اهل تقوا و ایمان علی نطق گیرنده هر منبر اوسته علی تیغ برنده هر سنگر اوسته علی کئچدی باشدان حقِ داور اوسته ایدوب جان فدای تولّای جانان علیدور چخان سوز هر عاشق دیلیندن علی چوخ معطردی جنت گولوندن علیدور دوتان هر یتیمون الیندن اولان مونس و غمگسار غریبان علی حقه قویمازدی چکسونله پرده گلردی دمادم دل تنگی درده گزردی قرانلوق گئجه کوچه لرده یتیم لر ائوینده او آزاده انسان مراعات ائدردی حقیقت مرامین اوجالداردی اعمالی قرآن کلامین ئوزی حمل ائدردی یتیمون طعامین علی نیمه شب کوفه شهرینده پنهان آدامسیزلارون چوخ اولاردی قوناقی آلاردی قوجاقه آتاسیز اوشاقی ئوپردی یوزوندن گولردی دوداقی یتیمه دیردی علی جانی قربان دلیم ئوز سوزومدن غم و درده گلدی قلم سیسنه می تیر محنتله بُولدی نه حکمتدی یارب رقیه آج ئولدی ئوره گی یارالی غریب و پریشان دیردی الهی او ویرانسراده آتام ئولدی قالدیم آدامسیز اراده دولاندیم بیابانی پای پیاده دوگوب یوردی اعدا منی سالدی جاندان دلیمده شراره جفادن کوزوم وار ئوزوم داغدارم یانقلی سوزوم وار سفرده عزیزیم یولوندا گوزوم وار آتا گورمدیم من جهاندا دویونجان منیم باشیمه گردِ ماتم الندی غبار غمه قاره زلفیم بلندی آنام تک دوگولدوم یوزوم یاره لندی اسیرم یوخومدور نه چاره نه درمان اجل وصلینه ایندی دلبستیم من داخی طاقتیم یوخدی جان اوستیم من یارالی کبوتر کیمی خستیم من قوتار بارالها منی بو مکاندان لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

توسل به حضرت امیرالمومنین علیه السلام🍁 #گریز به شهادت حاج ولی الله کلامی مریض عشقیوم آقا علی علی مگر بو درده وار دوا علی علی اَتیم قانیم دئیر علی علی علی چخار جانیم دئیر علی علی علی سنه فدا اولوم که حق فداسی سن کیم اولسا ملتجی گره گشاسی سن گوزوم ضیاسی سن اورک صفاسی سن حبیب کبریا شها علی علی رسول اکرمین وزیری سن آقا دیار رحمتین سفیری سن آقا آیق اورکلرین امیری سن آقا ستوده حجت خدا علی علی نه جلوه جوهره عَرَض گر اولماسا هامی قبول ائدرغرض گر اولماسا طبیبی کیم تاپار مرض گراولماسا یازایندی نسخهٔ شفا علی علی بیزیم طبیبیمیز اولار مریضه یار که دردی توختاماز بیر آزدا آرتیرار مرض چوخالماسا یوخ عشقه اعتبار همیشه لیق ایله عطا علی علی سن ای زمانه ده بشیر مؤمنان ولایتون مهِ منیر مؤمنان سنه هامی دئیر امیرمؤمنان قاپوندا ماخلق گدا علی علی سنی ائدر ملک فلکده جستجو اولوب فرشتیه وصالون آرزو شهادتون وئروب نمازه آبرو وورولدی باشیوه یارا علی علی باشوندان آخدی قان صحابه آغلادی حسن حسینیله یاراوی باغلادی ادبلی زینبون دیزین قوجاقلادی دئدی یارالیسان بابا علی علی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

پندیات #گریز به شهادت حضرت امیرالمومنین علیه السلام 📝 جوانی تبریزی ای بشر سعی ائله ابلیس هوسدن اوزاق اول دینوه صدمه ویران دهریده کسدن اوزاق اول طائر روحیوی قویما دوشه بیجا خطره سالما دامه اوزوی رنج قفسدن اوزاق اول چاغورار صوت دل انگیزیله دنیا گلینی اعتنا ائتمه تلاش ایله اوسسدن اوزاق اول گونده مین یول بَزَنَر ایلیه اِغوا بیرینی بیریانار اوتدی گوزتله اوقبسدن اوزاق اول مؤمنه زنگ خطر دی او خوش آوازه‌لری بو فنا ملکیده نیرنگ جرسدن اوزاق اول قویما دگسین سنه حتی نفسی بیر لحظه آلار ایمانیوی مسموم نفسدن اوزاق اول فرصتون وار نه قدر جهد ائله آزاده یاشا دوز دولان عمرده افکار عبثدن اوزاق اول خار و خسدور بوجهانون حَشم و اجلالی باغلاما بئل اولارا خاریله خسدن اوزاق اول سرعتیله گئدوری مرکب جرمیله گناه اوزوی سالما بلایه او فرسدن اوزاق اول گتمه بیهوده قاباقدا دالی قالما بیرده بویوروب اهل نظر پیشله پسدن اوزاق اول سِرّ مکنونیوی فاش ایلمه داروغه لره محرم اولمازلا چوخی بعضی عسسدن اوزاق اول بئله فرمایش ائدوب قاسم نارو جنت نفسوی ساخلا فشارات رمسدن اوزاق اول گوشوار ایله قولاقوندا او مولا سوزونی مشعل راه سعادت بول علینین اوزونی عالم زهدیده مولای توانادی علی مظهر پاکی و ایمانیله تقوادی علی نفسینه غالب اولوب حال حیاتینده اودور رب الارباب کیمی شهرتی والادی علی بنده‌ی مطلق حق ، عبد خداوند کریم یاور اهل ولا دشمن ادنادی علی ها علیٌ بَشَرٌ کَیفَ بَشَردی او جناب حضرت ختم رسلدن صورا تنهادی علی گلمیوب عالم ایجاده اونون همتاسی نقدر واردی جهان قدریده اولادی علی بویوروب سرور کونین رسول مدنی شهر علمم اونا دروازه‌ی اعلادی علی تاپشوروب دینی پیمبر اوزی چون واقفیدی یوز وئره هرنه بلا، صبریده دریادی علی جنته رجعت ائدندن صورا زهرا آتاسی توش اولوب دردو غمه الده وار اسنادی علی یاندیروبلارقاپوسین صدمه گوروب فاطمه‌سی بی وفالر دئمیوبلر که معزادی علی حقی غصب اولدی اولوب یرمی بش ایل خانه نشین بولمیوبلر نجه شخصیته دارادی علی عدلینین صحبتی اولسا دئیلر هر یرده حاکم مقتدر و رهبر دانادی علی عدلی باعث اولوب ئولدوردوله آخرده اونی بیربئله غمده اورک قان اولا باجادی علی عرشه و فرشه چکلوب قاره اوگون اولدی عزا زینب غمزده نون اولدی گونی لیل دجا نار غم قلبینی یاندیردی گلوب فریاده صبحه‌تک شبنم اشگی دوزولوب سیماده اللری باشدا فغانیله دیردی آتا وای گوزیاشی قانه دونردی بوغم عظماده ناله سی عالم امکانی پریشان ائلیوب قالمیوب تاب و توان نائبه‌ی زهراده اوخشیاردی آتاسین یانه یانا سویلردی ای گورن عمرده هر درد و غمی دنیاده ابن ملجم ستمی یاندیروب آغلاتدی منی یوخ یتن پایه ی ظلمونده ائله جلاده باشوه وئردی نماز اوسته ستمله شمشیر سجده گاهوندن آخان قانه باتوب سجاده آیرلوب طائر روحون یورولان پیکردن اوچدی جناته طرف ائتدی مقام اعلاده قویدولار تپراقا جسمون گیجه‌نین نصفیده قوردولار حلقه ماتم ائله بیر مأواده وار یقینیم که آنام دفنیوه گلمیشدی ئوزی اود دوتوب یاندی منیم تک آنام اول اثناده بولمورم قالدی نه حاله، نلر اولدی او زمان باشوون یاره سینی گورجاق او دل ناشاده چخدی فکر ایلورم ئوز دردی یادیندان آنامون باغری قان اولدی جفا و ستم بیداده چاک ائدوب سینه‌ی مجروحینی اشگین الدی بزم ماتم سنه برپا ائلیوب معناده رشته ی الفتوی قیرما (جوانی) بیر آن سن علی نوکری اول غالب اولانماز شیطان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در توسل به پنج تن آل عبا و شهدای کربلا #گریز به #شام_غریبان . . سید بشیر حسینی میانجی . . اى خداحضرت پيغمبره جانيم قربان جانشين نبوى حيدره جانيم قربان . علت غائى خلقت قمربرج حيا حضرت فاطمه‏ى اطهره جانيم قربان . عالم حُسنيده يوخدورحسنين همتاسى اوّلين جام مىِ‏کوثره جانيم قربان . خامس آل عبايعنى شه کرب وبلا پيکرى بى سراولان سروره جانيم قربان – خوشدى سوز تاپسين ادامه شهدا شاهيندن شاه بى ياوروبى لشکره جانيم قربان – ائلدى حقّه فدا يتمیش ايکى قربانين لاله تک پرپراولان گوللره جانيم قربان – آل هاشمدن اَول قانه باتوب اوزاوغلى شبه پيغمبرعلى اکبره جانيم قربان – قاسمين نسگيلينه آغلادى مظلوم حسين غم باغندااوگل احمره جانيم قربان – مرتضااوغلى، خانم ام بنينين بالاسى يعنى عباس وفاپروره جانيم قربان – تشنه لرخاطرينه نهرى آلوب ايچمدى سو مشکى دولدوردى، نکومنظره جانيم قربان – گوئيا نهر ديوردى قوى ئوپوم لبلريوى سوکنارينده سوسوزلبلره جانيم قربان – قولارى اولدى قلم مشکى گوزى اوخلاندى يره السيزيخيلان پيکره جانيم قربان – هرقولى بيريانا، مشکى، علمى، بيريانه اوزى بيريانه دوشن ياوره جانيم قربان – اونى گورجک بئلينه قويدى حسين اللرينى ائله حالدادئديگى سوزلره جانيم قربان – دئدى داى چاره‏م آزالدى بوزمان سيندى بئليم آچ، اوقانيله دولان گوزلره جانيم قربان – علمين آلدى اله گلدى آقاخيمه لره اونى پيشوازائليين ائللره جانيم قربان – هاميدان گلدى قاباق زينب اوزى بيلدى سوزى آغلاماسويلدى چشم تره جانيم قربان – هله من ئولمموشم آلام اله پرچمينى اوعلمداراولان خواهره جانيم قربان –هرزمان کى گورورم ديلسيزاوشاق سويلويورم آلتى آيلوق صودامراصغره جانيم قربان – آتاسى اللرينون اوسته سوسوزاوخلاندى اونالاى لاى ديين ديللره جانيم قربان – الغرض اهل وعياليندن حسين آيريلدى باجيسى زينب ئوپن حنجره جانيم قربان – گى بوپيراهنى عرض ائتدى آنام امرائليوب سنه کوينک توخويان مادره جانيم قربان – مرکبه راکب اولوب سوردى بيرآزمرکوبى يولينى يولداکسن دختره جانيم قربان – حجتين ختم ائلدى باشلادى جنگ ايلماقى اوشجاعتلى غضنفرفره جانيم قربان – دشمن ودوست گوروب صولتينى سويله ديلر جنگيده شيرحقه بنزره جانيم قربان – صفلرى پوزدى وروبدورهاموسين بيربيرينه يوزى گون، آنّى مه انوره جانيم قربان – سعدين اوغلى دئدى دورت دوره‏ دن اطرافين آلون يتوشن عمرى داخى آخره جانيم قربان سالديلارقتلگهه باشينى شمرائتدى جدا اوشهه قاندان اولان بستره جانيم قربان – اوتلانوب خيمه لرى قاچدى چوله قيزلارى گون باتان چاقى قوپان محشره جانيم قربان – بيريانان خيميه يغدى يورولان اطفالى زينب زاروقرامعجره جانيم قربان – ساخلادى شام غريبان يارالى قارداشينا چشم خونبارودل مضطره جانيم قربان – ساربان يارى گئجه قتلگهه يوزقويدى اوبيلکدن کسيلن اللره جانيم قربان – اوسخاوتلى آقا، بجدل بى ايمانه ورديگى بارماقاانگشتره جانيم قربان – يولاسالمادى الى بوش گوروسن دشمنيده حاجتون اولسادئنن بودره جانيم قربان – جدّيوين آدينى يازدفترقلبونده »بشير« گوزل آدى يازيلان دفتره جانيم قربان – سنى دعوت ائلدى قبرينى گئتدون گوردون عرش تک قبرى اولان رهبره جانيم قربان – گلدى جسمون ولى اُول دشتيده روحون قالدى يئرى واردور ديه سن اُول يئره جانيم قربان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🍂‍ #روضه_شهادت_امام_صادق_ع🍂 #زمزمه #ترکی ✍زلفی تبریزی #سبک_می_گذرد_کاروان #سبک_ای_بوغازین_اوچ_پر_اوخ •-----🖤═✾🌺✾═🖤-----• باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ درشهادت امام جعفر صادق (ع) زلفی تبریزی باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا #سبک_می_گذرد_کاروان #سبک_ای_بوغازین_اوچ_پر_اوخ #زلفی_تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🍂‍ #روضه_شهادت_امام_صادق_ع🍂 #زمزمه #ترکی ✍زلفی تبریزی •-----🖤═✾🌺✾═🖤-----• باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا #سبک_می_گذرد_کاروان #سبک_ای_بوغازین_اوچ_پر_اوخ #باتدی_سراسر_بو_گون_عالمیان_ماتمه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مدح حضرت امام رضا علیه السلام . مرحوم حاج حیدر شبگرد ( خوندل ) و مرحوم حاج بیوک اعظمی . ای مقدّس بارگاهی عرش اعلادن گوزل قبرینون عطری دم جانبخش عیسادن گوزل . ای همایون شهریار ملک تسلیم و رضا افتخار طوس سلطان سریرِ ارتضا وی رضا هر بیر قضایه نازنین آدی رضا تربتون الحق اولور عالمده دیبادن گوزل . فیض آلار ای فیض حق عالمده قبروندن نفوس مِهر و مَه ای پرتو نور جمالیندن عکوس اولمیوب بی خود جهاندا شهرتون شمسُ الشّموس طلعتون مین آفتاب عالم آرادن گوزل . ای جمالی مظهر اوصاف حیِّ ذوالجلال ریزه خوار خوان فضلوندور هامی اهل کمال گون یوزون گورسه قبول ایلر حجاب انفعال ای سواد تار زلفی لیل یلدادن گوزل . گر ایلر بلبل گُلی، پروانه شمعی جستجو کعبه ی عشّقدور امّا بو قبر مشک بو گورسه هر کیم قبروی، ایتمز بهشتی آرزو ای همایون، مدفنی فردوس اعلادن گوزل . ای کلام الله ناطق وی کلیمه مقتدا وی غبار آستانی چشم حوره توتیا ظلِّ ممدود الهی قبله ی اهل ولا واردی آسایش سنون یانونده طوبادن گوزل . چون سنی ممتاز ایدوب لطفیله خلّاق علیم اولمیوب اولماز مقامون درک ایده عقل سلیم سیّدی محو کلام دل نشینون مین کلیم نور رخسارون یدِ بیضای موسادن گوزل . گر چه مین بیر آدلانوب عالمده حیِّ لایُری مجتمعدور بیر رضا لفظینده آنلار آشنا اسم اعظمدور آدون ای اسم پاکی کیمیا هاردا وار بو اسمیدن یا بو مُسَمّادَن گوزل . سن او شه سن قبروه شاه و گدا پابوس اولار گورمه سه هر کیم مزارون آهیله مانوس اولار گلسه بو درگاهه سائل مگر مایوس اولار؟ ای گُوی آلتندا رواقی چرخ مینادن گوزل . بو جلالیله که دنیانی دوتوبدور شهرتون اهل عشقی آغلادار امّا ملال غربتون هر گوگلده وار تمنّای شمیم تربتون اولمیوب اولماز تمنّا بو تمنّادن گوزل . ذکر اولاندا غربتون ای یادگار مصطفی طاقت و آرامیمی الدن آلور بیر ماجرا گوزلریمده ایلوری جلوه دیار کربلا جنّةُ المَاوی یقین اولماز او صحرادن گوزل . #گریز . گرچه سن غربتده جان ویردون غریب و دل فکار قویمادی اوغلون گنه آخر نفسده انتظار باشوی گلدی دیز اوسته آلدی اولدی کامگار سنده آلدون کام دل اول ماه سیمادن گوزل . قانه باتمشدی ولی جدّون حسینون اکبری نه واریدی بیر هواداری نه یار و یاوری حسرتیله صاق صولا حیران باخاردی گوزلری منتظر بیر انتظار اولماز او مولادن گوزل . باخمادی تخمیر اولوبدور عشقیله آب و گلی لشکر اشراریدن آیریلدی ناگه قاتلی تاپدی گرداب محبّتده شه دریا دلی گوردی بیر قان دجله سی، اولماز او دریادن گوزل . بیرده گلدی خیمه گَهدن زینب عالی تبار گوردی زهرانون گُلِ آغوشنی مجروح خار دوتدی قاتل خنجریندن ایلدی ایثار ثار کیم مواسات ایلیوب بو دخت زهرادن گوزل . بیر گئجه صدّیقۀ کبری بتولین ماتمی تاپدی دورت احباب بیر محفلده الفت عالمی تا او بزم شور و وحدت ایچره #خوندل ، #اعظمی یازدیلار بیر شعر هر اشعار زیبادن گوزل .

اگر چه اسم حسین زینت منابردور #باقریه_سعدی_زمان احوالات حضرت امام باقر علیه السلام #گریز #سجادیه (ع) #خرابه_شام . . . مرحوم حسینی سعدی زمان . اگرچه اسم حسین زینت منابردور توسّلیمده نظر لیک امام باقردور . بویوردی جابره بیر گون رسول عالمیان سنه چوخ عمر یازوب حیّ قادر سبحان . منیم بِشیمجی وصیّیم زمانی سن اولوسان نه حکم ایلسه مُجرادی، ایت گلن اذعان . منیم آدیمدور آدی شهرتی ابی جعفر علوم شرعی اودور خلقه ایلین اعلان . یارا نهنگ کیمی علم دین دریاسین نهنگ ایدر نجه ذخّار بحریده جولان . اودور که باقر علمُ النّبیّ دور لقبی اونون اَلیله اولور فسخ باطله ادیان . همان وصیّیمه مندن سلام قیل ابلاغ دی جدّیوون سنه واردور سلامی بی پایان . خبر ویروبدی پیمبر دولاندی دور دُهور او آفتاب سپهر وفادن اولدی عیان . اوچِ صفرِ سنه ی اَلّی یِتدیِ هجری قدم بو عالمه قویدی او مظهر یزدان . علیحده خبریله ا ... لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

آقا امام حسین پرچمی ... با توسل به ماه منیر بنی هاشم 🖤🖤🖤🖤 ویروب الله ئوزی چون عزّت حسین پرچمینه کج باخمانماز، اؤدی هیچ قدرت حسین پرچمینه کیم صفا صاحبی گر اولسا عزاده گورونر واقعا دوز صود اَمَن رخت مصیبت بورونر فاطمه اوغلی حسینون قاپوسیندا سورونر آشناسیندن آلار دعوت حسین پرچمینه خطّ شاه شهدا خطّ سعادتدی بیزه پرچمی پرچم قرآندی امانتدی بیزه باشمیزدا گورونن قاره شرافتدی بیزه نطفه سی دوزلر اگوب قامت حسین پرچمینه ساخلا بیگانه هله الده ریال و دلاری سوؤمیوب رهبر فرزانه میز هرگز اولاری دولاشوب مغزیده فکرون تانمورسان بولاری والله عاشقدی بو جمعیّت حسین پرچمینه نقدر آغلاسالار ماه عزا دویمازلار پرچم نصر من الله یاتا قویمازلار ایکی آی ایلده حسینیّه لری سویمازلار ویرولار، کیمده اولا نخوت حسین پرچمینه کوفه دن سرعتیلن دیلده محن چخدی حبیب دردمندیدی گزوب قانلی بیاباندا طبیب آستانینده یوزین قویدی همان مرد نجیب دیدی کی پرچم حریّت حسین پرچمینه گوردی رویاده حبیبی گجه بیر اهل کمال آرزوسی ندی قلبینده گنه ایتدی سوال گلدی گفتاره اجل ویرمدی دنیاده مجال بزم یاسینده قویام صورت حسین پرچمینه بو حسین مردم هشیاره بلوب رهبر اوزون بو حسین شرح ویروب کُلّ پیامینده سوزون بو حسین قاره غلامین یوزینه قویدی یوزون چون اوپن وقته چکوب منّت حسین پرچمینه نه عَلَم خانۀ صبریم محنیندن تالانوب نه عَلم شخصاً حسین سایه سینه دالدالانوب نه عَلم دشمنی گورجک اوره گی پارچالانوب یارادوبدور یارادان هیبت حسین پرچمینه #گریز به حضرت عباس(س) رسمیدی پرچم آلار جنگینده سردار الینه پرچم دینی حسین ویردی علمدار الینه خم اولوب بوسه ویروب سیّد اخیار الینه دیدی قاندان ویرَرَم زینت حسین پرچمینه مرتضی گللرینی پرپر ایده یاغدی دولی عاشر ماه محرّمده دوشوب صاق و صولی ویردیلار حربه دوشوب توپراقا عبّاس قولی دیرسگیله ایلدی همّت حسین پرچمینه فاطمه گلدی دیدی توکمه یوزه گوزیاشووی سالدی جنجاله فلک کرببلاده باشووی دادوه سسله گله قَدّی کمان قارداشووی سنده اوغلوم گورونوب خدمت حسین پرچمینه هر گُلون یاخشیسنی دست قضا پرپر ائدر باغبانی گوروسن غرق سرشگ تر ائدر علمون لنگر ایدنده بدنون لنگر ائدر ساخلا دوز دشمن ایدور دقّت حسین پرچمینه تیترَه دَر قلب ائوینی اوخ یاراسی سوز یاراسی یوخدی سنده آتون اوستونده هله یوز یاراسی سنه دنیانی قارانلوق ایلیوب گوز یاراسی قازانوبسان عجب حیثیّت حسین پرچمینه گوزیوی آغریدوب اوخ اشک دولوبدور گوزومه غاصب مُلک فدک سیلی ویراندا یوزومه گورمیشم منده گوز آغری یانور عالم سوزومه خون احمردور اوغول قیمت حسین پرچمینه صفدن عشقون دیدی قول ویرمگه مردانه چخل یورولوبسان گَل اوغول سنده بوداقیمده سخل سینه مون یاره سی وار سعی ایله آهسته یخل یاتماسون منده ایدیم شرکت حسین پرچمینه بدنون قولسوز اولوبدور ویریلان داشلار ایری عاشقه یاره نه ایلر اولا روحیّه دیری سن یخل صاف قولوما ساری سینوب سُسدی بیری گوسترک بیرده گوزل نیّت حسین پرچمینه دئدی ای مادر فهمیده و صدیقه نشان قانّیلار ایچره منیلن یانا یانه دانشان تشنه لر حالی اباالفضلی ایدوب اشک فشان گوزلرین تیکدی نچه عورت حسین پرچمینه کاملاً اولمشام آگاه گذشته غمووه دردوین تا دیمیوبسن چوخونی محرمووه ویرمرم یاریوه زحمت دوشرم مقدمووه قائلم زندگیده حرمت حسین پرچمینه مرد وارستیم امّا دگُل انسان طرفیم سعدون اوغلی نه بیلور دین مبیندور هدفیم دئدون اوغلوم منه عالم بوئی آرتدی شرفیم واقعاً بسته دی شخصیت حسین پرچمینه عارفم روز ازلدن سوزی سوزدن سچه نم پادگانینده حسین پرچمینه آند ایچه نم پاک اولان عشقنه خاطر ایکی قولدان کچه نم ویرموشام بوسۀ عبدیّت حسین پرچمینه من حسینون آنا دنیاده نمک پروریم آستانینده اوتوز دورت ئیل اولار نوکریم ساتسالار عشقینی مین جانیم اولا مشتریم قویمشام چونکه گرو غیرت حسین پرچمینه ای «معزّی» گوزوین یاشی آخور صورتووه یتیشرسن گون اولار دلده اولان نیّتووه فاطمه حشریده پاداش ویرر خدمتووه سیخلان وقته هامی امّت حسین پرچمینه ✍حاج یوسف معزی اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حسینچی ام ... #گریز ، ورود به مدینه 📝 محمد علی مصیبی تبریزی ذرّ عالمینده تابع پیمان حسینچیَم فیض ولانی حقدن آلاندان حسینچیم قلبیمده ثبت اولوبدی بو عنوان حسینچیم چوخ چوخ گوناهیم اولساداهرآن حسینچیم مولا منی قووما قاپوندان حسینچیم من بادۀ محبّتیوه ساغر اولموشام کنز ولایتونده آغیر گوهر اولموشام ایللر بویی گوزل آدیوی ازبر اولموشام شه لرگلوب گئدوب سنه من نوکراولموشام تا وار بو تنده هر نه قدَر جان حسینچیم من جوشش و خروشیمی دریادن آلمیشام اوج شرف ده اوچماقی عنقادن آلمیشام صدق و صفانی دلبر طاهادن آلمیشام حبّ ولانی زادۀ زهرادن آلمیشام دار فنایه من گوز آچاندان حسینچیم تنها نه من کی عالم و آدم حسینچی دی گویلرده سیر ائدن گل مریم حسینچی دی علقم حسینچی اولماسا زمزم حسینچی دی ام البنین، اوغوللاری با هم حسینچی دی بیربیر دیوبله دیل دانیشاندان حسینچیم #گریز #ورود_مدینه سس دوشدی یثرب اهلی گلون کاروان گلور بیرکاروان کی ظلم گوروب بی امان گلور سجّاد بوینی یاره ، جفادن نشان گلور زینب سالوبدی باشه قرا باغریقان گلور هر بیر قدم آتور ائدور افغان حسینچیم هردم سیزیلدور آغلاشوری ائللریم ئولوب دوغراندی اکبریم صودامر اصغریم ئولوب قوللار قلم ماه ملک منظریم ئولوب باشی جداده سیر ائلین رهبریم ئولوب عالم بولور آنادان اولاندان حسینچیم بو حین ده دوشوبدی سس ام البنین گلور یعنی همان مام علمدار دین گلور گوزدن عذاره سیل ائدن اشک ترین گلور دورد اوغلونین آناسیدی آغلار، غمین گلور گوزیاشلارین گورن ائدور عنوان حسینچیم حُضّار گوزلری او کلام و بیان دادی آیا تمام غصه سی یوزده عیاندادی؟ فکری اوغوللاریندادی یا آیری یاندادی؟ اوّل سوزی بو اولدی حسینیم هایاندادی؟ عباسه مادرم ولی جاندان حسینچیم بو سوزده آغلاشوب حرمین اهلی زار زار زینب وروبدی باشه ائدوب گوزیاشین نثار آلدی جوابین امّ بنین مام داغدار دوندی او حالیله اولا تا شهره رهسپار سویلوردی دورد بالام اولا قربان حسینچیم سسلندی بیر مدینه لی ای مام خونجگر بیلدون کی گون هایاندا باتوب گوزگوروب نلر آیا سوروشمیسان کی هایاندا یاتوب قمر آخر نه دن سن آلمادین عباسیدن خبر؟ منده سنیله هر دم و هر آن حسینچیم بیرآن دایاندی امّ بنین طیِّ راهیدن بیر آه چکدی سینه یانوب سوز آهیدن بیرباخدی جَمعه حسرت آخوراول نگاهیدن بیرسوزدئدیعیان ائدوب عشقین گواهیدن هرکس ائشیتدی ایله دی اعلان حسینچیم گر باغبانیم اولماسا من یاسی نیلورم بی اذن باده ، ساغر احساسی نیلورم بارماق کسیلسه حلقۀ الماسی نیلورم آخر حسینیم اولماسا عباسی نیلورم ائتدیم بو نوعی عشقیمی عنوان حسینچیم کیم نوکر اولدی درگه شاه مدینیه مشمول اولوندی مرحمت بی قرینیه حق رحمت ایله سین بو « رسول عظیمیه »(1) ایللر سوروندی بو قاپودا چالدی سینیه یعنی آقا قووما قاپوندان حسینچیم ➖➖➖➖➖➖➖➖ (1) این قطعه شعر برای مجلس ترحیم مرحوم رسول عظیمی از زحمت کشان هیات معظم سیدالشهدا (ع) تبریز سروده شده بود. #مدح_حسینیه #ورود_مدینه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨