#یامهدی #شام_غریبان_عصمة_الله_الكبری_حضرت_فاطمة_الزهرا_سلام_الله_عليها ای پردهء غیبتده گُوز یاشی دونن قانه جان وِئردی آنان زَهرا گل شامِ غریبانه ایوای آنا وای سُویله اَشکون یوزیوه باغلا آغلور حَسَنِین، سنده سس وِئر اوُلارا آغلا نه حالیله شرح ایلوم کیفیّتِ زَهرانی هر مُحنته دنیادَه دوزدی او بلا کانی ئولموب اوُزی مَعنادَه، ئولدوردی اونی ثانی واضح دیمورم هرگز زَهرایه نه ظلم ایتدی دنیادَن آنان امّا آخِر یارالی گیتدی بیر دُرّدی مَرضیّه گنجینهء عصمتدَه بیر گُلدی اونا هیچ گُل چاتمازدی لَطافتدَه مشکلدی اولا بیر گُل بو عطر و طَراوتدَه افسوس او رَعنا گُل خاریله یارالاندی ظلمیله خزان اوُلدی گُلشندَن آرالاندی عالملر اولا گُلشن زَهرا کیمی گُل اولماز گورسِیدی اونی هر کیم، سویلردی بو گُل اوُلماز سُولدُوردُولا ظلمیله، گُوز اشگیله گُور دولماز ریحانهء پیغمبر دنیادَن ایله دویدی گتدی ولی اطفالین، چون آهو مَلَر قویدی بو غمده علی اشگین خونِ دلینه قاتدی ایستوردی وِیره غسلین بیر اوُزگه غمه باتدی بو غصّه او صبریله شاهَنشَهی آغلاتدی گُویا که وجودیندَه نیلی یرینی گُوردی گُلبرگ جَمالینده سیلی یرینی گُوردی غسلندَن اولوب فارغ گُوز یاشلی نَجف شاهی رُخساره تُوکُوب اشگین عرشه اوُجالوب آهی بو غمده علی دوزدی، دوزمز بیری واللّهی ناگه حَسَنین گلدی بیر مَحشر اوُلوب بر پا سویلَردیله شُوریله ایوای آنا یا زَهرا سالدی اوزینی گُللّر، اول جسمِ کفن پوشه سویلردیله دور بیردَه آل گُللّرون آغوشه چوخ آغلادیلار گَلدی مِهری آنانُون جوشه آخِردَه کفن اِیچره زَهرا قولینی آچدی بیر گُل، اِیکی تَر غُنچه، اوُل دمدَه قوجاقلاشدی سس گلدی علی قویما گَلسُون حَسَنین داده آغلور مَلکُوت اَهلی بو عالمِ بالادَه آغلاتدیلا دنیانی گُور بو اِیکی شَهزاده بو منظره مولانین آرامین آلوب الدَن بلبللّری گُوز یاشلی آخِر آیروب گُلدَن القصّه علی صبرین الدَن بو مُحن آلدی زَهرانی سُولان گُللّر اشگیله یُولا سالدی آهویِ حرم گِیتدی، اطفالی مَلَر قالدی سُویلردیله دنیادُه ایوای آناسیز قالدوخ اولدوخ عَجب اُفتاده، ایوای آناسیز قولدوخ دولدوردی نَجف شاهی قان یاشیله گُوز اَبرین دَفن ایلدی اوُز روحین، گُور بیر او شَهین صبرین وار علّتی زَهرانُون اِیتگین اِیلدی قَبرین فکر ایتدی جَفا اهلی ظلموندَه اِیدر طُغیان گنجینهء آمالی اَغیاره اوُلا پنهان زَهرانی قویوب قَبره اَشگی یُوزینه آخدی بلبل گُلی ترک اِیتمز، حسرتله دوروب باخدی بیر آه چَکوب کُونی یاندیردی او دَم یاخدی وار حقّی دیسم اَشگی بارانی خَجل اِیلر زَهرادَن علی آیا آیریلسا گُورون نیلر آخِرده گلوب جوشه دریای مُحَن داشدی بلبل او زَمان گَلدی حسرتله اوُزاقلاشدی گَلدی حَسَنینیلَن منزلدَه بیر آغلاشدی سویلَری اوُلون آرام، چوخ اِیلمیون اَفغان بو گُوز یاشوزا آخِر عالملر اوُلا قربان ای نازلی حُسینیم سن گَلمه بیله فریاده بو گُوز یاشی بو شیون زَهرانی سالور یاده باخدوقجا سنه یانّام، من بو غمِ عُظمادَه دیواره یُوزون قویما گردِ اَلَمه باتما توکمه یوزه گُوز یاشون گَل زِینَبی آغلاتما سن شیونه گَلدوقجا فریاده گَلور زِینَب اشگون یُوزه آخدوقجا گُوز یاشون اَلور زِینَب باخ گُور نجه آهو تک حسرتله مَلور زِینَب آرامیمی سَلب ایلور بو زِینَبُون اَفغانی فریادی سالور یادَه اول دشتِ غم اَفزانی گُوز جامی بو ماتمدَه اشگیله نجه دولماز عالمدَه آنا چوخ دور، زَهرا تک آنا اوُلماز گُلشن پُوزولا آیا گُللّر سارالوب سولماز گُلشن پُوزولوب گِتدی، گُللر سارالوب سُولدی کُلثوم و خانم زِینَب عالمدَه یتیم اوُلدی بیر یاندا حسن اشگین گُل عارضینه باغلار بیر یاندا حسین اِیله حسرتله باخار آغلار سوزِ دلی دنیانی، مَعنادَه اونون داغلار بیر یاندا خانم کُلثون نِی تک گَلور اَفغانه بیر یاندا توکر زِینَب گُوز دُرّینی دامانه آی دوره سین اوُلدوزلار آلمشدیلا چون هاله پُوزقون گُوروب اوُلدوزلار اوُل ماهی اِیدوب ناله اوُدوزلار آرا بُولمم آی قالدی نه اَحواله اشگیله یَداللّهین گُوز کاسه سی دولموشدی اَطفالنه بو غمدَه سر خیل اوُزی اولموشدی ای #اعظمی بو غمده گَل ناله و فَریادَه بیهودَه یِره عُمرون صَرف اِیلمه دنیادَه یاز نوحه خانم زَهرا اَجرون وِیرر عُقبادَه نوکر خانما تُحفه گوندَرسه قبول اِیتمز مَحبوبهء عالمدی مَحشرده مَلول اِیتمز التماس دعای فرج لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت امام موسی کاظم علیه السلام من سنه ای غملی محبس میهمانم نچه ساعت چوخ سنه غم غصّه ویردیم من گیدیم اول سنده راحت گُل که سولدی گلستاندا رونق گلشن کسیلدی تا اجل باشه یتیشدی شیوه دشمن کسیلدی من که گیتدیم منزلوندن ناله و شیون کسیلدی بیرده سس گلمز قولاقه نه فغان و نه تلاوت یانیمه بیر کس بو مدت گلمه دی زهرایه خاطر بیر گَلوب هر دم مُسیب دلده عشقین ایتدی ظاهر عمرومون سوندی چراغی قاپلارون باغلاندی آخر اولماز اصلا کیمسه گَلسون ایلسون قصد امامت اولدی غارت باغ وصلیم گُل لریم سیندی بوداقدان سسلرم اوغلوم رضانی تا چیخینجا جان دوداقدان کیمسه یوخ جان اوسته گلسون کونده نی آچسون اَیاقدان نیلیوم بس ایل اوزاقدا کیمسه یوخ غربت ولایت دوشدی بو فکره ستمله عالمی آغلاتسین هارون زهری میل ایتدیم که جبراً تا مرامه چاتسین هارون قالدی معصومه آتاسیز بلکه راحت یاتسین هارون ایلسون حقّیله دیوان حق اوزی روز قیامت نی کیمی فریاده گللم دلده اندوه و مُحن وار نه دوا وار نه طبیبیم دردیمی نه بیر بولن وار باغلیدور قاپلار تماماً نه گلن وار نه گیدن وار بیر مریض ناتوانم ایلین یوخدور عیادت آغلارام من دورمیوبدور سنگ دل دشمن یانیمدا یوخ قیزیم معصومه ایتسون ناله و شیون یانیمدا جسمیمی قبره قویاندا کاش اولیدون سن یانیمدا دردیمی اوغلوم رضایه ایلییدون سن حکایت شمع دین پروانه سیدیم شعلۀ شمعیله یاندیم روز و شب بو دین یولوندا رنگ آلامه بویاندیم ویردیلار سیلی یوزومدن ایلدیم طاقت دایاندیم صبر قیلدیم جان ویرونجه ایلدیم دینه حمایت کیم گوروب محبسده ناخوش جان ویره زنجیره بسته بو مقامی آختاروردوم من غریب دلشکسته من گرک جدیم حسین تک جان ویرم توپراقلار اوسته امر ایدوب دینوم بو امره ایلیم منده اطاعت #اعظمی اوغلی رضا گر سسلوری ایوای غریب وای ویر اونا سس سنده آخر دی اِلیندن بی نصیب وای گوشۀ زنداندا یالقوز وای دواسیز بیر طبیب وای وای ایچن هارون الیندن زهریله جام شهادت ✍منکلام:مرحوم استاد حاج بیوک اعظمی تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️#شهادت_حضرت_رقیه_سلام_سلام_الله_علیه اِی شامِیان اوُلدُوز کِیمی باتدِی رُقَیّم یُورمُوشدُولار وِیرانَه دَه یاتدِی رُقَیّم پَروانَه تَک شَمعِیندَن اوُترِی چُوخ دُولاندِی شاماتِیدَه مَقصودِینَه چاتدِی رُقَیّم تَک قُویمُون قَبرِین، بُو بِیر یالقوز اوُشاقدِی یُوخدُور یانندا بِیر کَسی اِیلدَن اوُزاقدِی آخِر سیزَه نازلِی بالام بُوردا قُوناقدِی باشدان وَطَن فِکَرِین داخی آتدِی رُقَیّم ظُلمِیلَه اوُلدی دَستگیرِ قُومِ عِنادَه قُول باغلی گِیتدِی مَجلِسِ اِبنِ زِیادَه گَلدِی قانادسِیز قُوش کِیمی یُولّاردا دادَه آی تَک دُولاندِی شامِیدَه باتدِی رُقَیّم مَرگِ رُقَیّه اوُد سالُوب وِیران سَرایَه یُوخدُور آتاسِی قارداشِی گَلسُون عَزایَه گِیتسَم غَمِین شَرح اِیلَرَم صاحِب لَوایَه بُلسُون وِصالِی فُرقَتَه ساتدِی رُقَیّم نارِ مَلالِی عالَمی یاندُوردِی یاخدی قارداش فَراقِیندَه یُوزَه گُوز یاشی آخدِی گُوندوز گِئجَه اَکبر دِیدِی یُولّارَه باخدِی خُونِ دِلِین گُوز یاشِینَه قاتدِی رُقَیّم اَشگیلَه دَرسِین عارِضَه ازبَر یازاردِی بارماقِیلَه تُوپراقلارا اَکَبَر یازاردِی گاهِی سِیلُوب اَکَبَر آدِین اَصغَر یازاردِی مَدهُوش اوُلوب مَقصُودِینَه چاتدِی رُقَیّم گاهِی گَلَردِی نالِیَه، گه وای دِیردِی گاهی گُورُوب قَمچِی یِرِین اِیوای دِیردِی گاهی علیّ اَصغَرَه لای لای دِیردِی صُبح و مَسا گردِ غَمَه باتدِی رُقَیّم دَرد و مُصیبَت عالَمِی سالدِی گُوزُیندَن راضِیدِی جان وِیرسُون، خَبر آلدِیم اوُزُیندَن قَبرَه قُویاندا آغلادِیم اُپدُوم یُوزُیندَن یُورمُوشدُولار وِیرانَه دَه یاتدِی رُقَیّم وار #اعظمی عُمرُون سَنُون دُنیادَه آغلا بَزمِ عَزادَه نِی کِیمِی گَل دادَه آغلا بُو نُوحَه نِی شام و سَحَر سال یادَه آغلا اِی شامِیان اوُلدُوز کِیمی باتدِی رُقَیّم اِلتِماس دُعای فَرَج ✍#بقلم_زنده_یاد_اعظمی_رحمة_الله_علیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#شهادت_حضرت_رقیه_سلام_سلام_اللله_علیه اِی شامِیان اوُلدُوز کِیمی باتدِی رُقَیّم یُورمُوشدُولار وِیرانَه دَه یاتدِی رُقَیّم پَروانَه تَک شَمعِیندَن اوُترِی چُوخ دُولاندِی شاماتِیدَه مَقصودِینَه چاتدِی رُقَیّم تَک قُویمُون قَبرِین، بُو بِیر یالقوز اوُشاقدِی یُوخدُور یانندا بِیر کَسی اِیلدَن اوُزاقدِی آخِر سیزَه نازلِی بالام بُوردا قُوناقدِی باشدان وَطَن فِکَرِین داخی آتدِی رُقَیّم ظُلمِیلَه اوُلدی دَستگیرِ قُومِ عِنادَه قُول باغلی گِیتدِی مَجلِسِ اِبنِ زِیادَه گَلدِی قانادسِیز قُوش کِیمی یُولّاردا دادَه آی تَک دُولاندِی شامِیدَه باتدِی رُقَیّم مَرگِ رُقَیّه اوُد سالُوب وِیران سَرایَه یُوخدُور آتاسِی قارداشِی گَلسُون عَزایَه گِیتسَم غَمِین شَرح اِیلَرَم صاحِب لَوایَه بُلسُون وِصالِی فُرقَتَه ساتدِی رُقَیّم نارِ مَلالِی عالَمی یاندُوردِی یاخدی قارداش فَراقِیندَه یُوزَه گُوز یاشی آخدِی گُوندوز گِئجَه اَکبر دِیدِی یُولّارَه باخدِی خُونِ دِلِین گُوز یاشِینَه قاتدِی رُقَیّم اَشگیلَه دَرسِین عارِضَه ازبَر یازاردِی بارماقِیلَه تُوپراقلارا اَکَبَر یازاردِی گاهِی سِیلُوب اَکَبَر آدِین اَصغَر یازاردِی مَدهُوش اوُلوب مَقصُودِینَه چاتدِی رُقَیّم گاهِی گَلَردِی نالِیَه، گه وای دِیردِی گاهی گُورُوب قَمچِی یِرِین اِیوای دِیردِی گاهی علیّ اَصغَرَه لای لای دِیردِی صُبح و مَسا گردِ غَمَه باتدِی رُقَیّم دَرد و مُصیبَت عالَمِی سالدِی گُوزُیندَن راضِیدِی جان وِیرسُون، خَبر آلدِیم اوُزُیندَن قَبرَه قُویاندا آغلادِیم اُپدُوم یُوزُیندَن یُورمُوشدُولار وِیرانَه دَه یاتدِی رُقَیّم وار #اعظمی عُمرُون سَنُون دُنیادَه آغلا بَزمِ عَزادَه نِی کِیمِی گَل دادَه آغلا بُو نُوحَه نِی شام و سَحَر سال یادَه آغلا اِی شامِیان اوُلدُوز کِیمی باتدِی رُقَیّم اِلتِماس دُعای فَرَج #شادروان_اعظمی_رحمة_الله_علیه

مدح حضرت امام رضا علیه السلام . مرحوم حاج حیدر شبگرد ( خوندل ) و مرحوم حاج بیوک اعظمی . ای مقدّس بارگاهی عرش اعلادن گوزل قبرینون عطری دم جانبخش عیسادن گوزل . ای همایون شهریار ملک تسلیم و رضا افتخار طوس سلطان سریرِ ارتضا وی رضا هر بیر قضایه نازنین آدی رضا تربتون الحق اولور عالمده دیبادن گوزل . فیض آلار ای فیض حق عالمده قبروندن نفوس مِهر و مَه ای پرتو نور جمالیندن عکوس اولمیوب بی خود جهاندا شهرتون شمسُ الشّموس طلعتون مین آفتاب عالم آرادن گوزل . ای جمالی مظهر اوصاف حیِّ ذوالجلال ریزه خوار خوان فضلوندور هامی اهل کمال گون یوزون گورسه قبول ایلر حجاب انفعال ای سواد تار زلفی لیل یلدادن گوزل . گر ایلر بلبل گُلی، پروانه شمعی جستجو کعبه ی عشّقدور امّا بو قبر مشک بو گورسه هر کیم قبروی، ایتمز بهشتی آرزو ای همایون، مدفنی فردوس اعلادن گوزل . ای کلام الله ناطق وی کلیمه مقتدا وی غبار آستانی چشم حوره توتیا ظلِّ ممدود الهی قبله ی اهل ولا واردی آسایش سنون یانونده طوبادن گوزل . چون سنی ممتاز ایدوب لطفیله خلّاق علیم اولمیوب اولماز مقامون درک ایده عقل سلیم سیّدی محو کلام دل نشینون مین کلیم نور رخسارون یدِ بیضای موسادن گوزل . گر چه مین بیر آدلانوب عالمده حیِّ لایُری مجتمعدور بیر رضا لفظینده آنلار آشنا اسم اعظمدور آدون ای اسم پاکی کیمیا هاردا وار بو اسمیدن یا بو مُسَمّادَن گوزل . سن او شه سن قبروه شاه و گدا پابوس اولار گورمه سه هر کیم مزارون آهیله مانوس اولار گلسه بو درگاهه سائل مگر مایوس اولار؟ ای گُوی آلتندا رواقی چرخ مینادن گوزل . بو جلالیله که دنیانی دوتوبدور شهرتون اهل عشقی آغلادار امّا ملال غربتون هر گوگلده وار تمنّای شمیم تربتون اولمیوب اولماز تمنّا بو تمنّادن گوزل . ذکر اولاندا غربتون ای یادگار مصطفی طاقت و آرامیمی الدن آلور بیر ماجرا گوزلریمده ایلوری جلوه دیار کربلا جنّةُ المَاوی یقین اولماز او صحرادن گوزل . #گریز . گرچه سن غربتده جان ویردون غریب و دل فکار قویمادی اوغلون گنه آخر نفسده انتظار باشوی گلدی دیز اوسته آلدی اولدی کامگار سنده آلدون کام دل اول ماه سیمادن گوزل . قانه باتمشدی ولی جدّون حسینون اکبری نه واریدی بیر هواداری نه یار و یاوری حسرتیله صاق صولا حیران باخاردی گوزلری منتظر بیر انتظار اولماز او مولادن گوزل . باخمادی تخمیر اولوبدور عشقیله آب و گلی لشکر اشراریدن آیریلدی ناگه قاتلی تاپدی گرداب محبّتده شه دریا دلی گوردی بیر قان دجله سی، اولماز او دریادن گوزل . بیرده گلدی خیمه گَهدن زینب عالی تبار گوردی زهرانون گُلِ آغوشنی مجروح خار دوتدی قاتل خنجریندن ایلدی ایثار ثار کیم مواسات ایلیوب بو دخت زهرادن گوزل . بیر گئجه صدّیقۀ کبری بتولین ماتمی تاپدی دورت احباب بیر محفلده الفت عالمی تا او بزم شور و وحدت ایچره #خوندل ، #اعظمی یازدیلار بیر شعر هر اشعار زیبادن گوزل .

مدح حضرت امیرالمومنین علی علیه السلام علیدور پیرو قرآن علیدور رهبر اسلام علیدور عزّت عالم علیدور مفخر اسلام علیدور شیر بی پروا علیدور مرد بی همتا علیدور حکمته دارا علیدور صبریده دریا علیدور هیکل تقوا علیدور عالمه مولا علیدور ساقی کوثر علیدور رهبر اسلام علیدور آیت خلّاق علیدور آیته مصداق علیدور مصحفه اوراق علیدور منشا اخلاق علیدور بخشش و ارفاق علیدور چشمه ی میثاق علیدور منظر طاها علیدور مظهر اسلام علیدور منبع ایمان علیدور ناطق قرآن علیدور علم بی پایان علیدور خالقه برهان علیدور دینه پشتیبان علیدور شافع عصیان علیدور کشتی عزّت علیدور لنگر اسلام علیدور بازوی قدرت علیدور مخزن صولت علیدور معدن غیرت علیدور سایه ی رحمت علیدور مایه ی عزّت علیدور عالمه زینت علیدور محرم اسرار علیدور یاور اسلام علیدور حق درگاهی علیدور تخت دین شاهی علیدور گیزلدن آهی علیدور گوسترن راهی علیدور چرخ دین ماهی علیدور عالمین جاهی علیدور دینون اجلالی علیدور زیور اسلام علیدور بحر بی ساحل علیدور لایق و قابل علیدور کامل و فاضل علیدور علمینه عامل علیدور حاکم عادل علیدور مقصده نائل علیدور دینه پرچمدار علیدور مفخر اسلام علیدور آیه ی تطهیر علیدور نغمه ی تکبیر علیدور صاحب شمشیر علیدور جنگیده چون شیر علیدور دشمنه زنجیر علیدور قابل تقدیر علیدور شخصیتین تعریف ایدوب پیغمبر اسلام علی هر امره لایق دور علی جمع علایق دور علی فخر خلایق دور علی درس حقایق دور علی حقّه موافق دور علی خصم منافق دور اونون تیغیله تا فاتح اولوبدور لشکر اسلام علی بیر نور واحددور علی سرّ عقایددور علی مرد مجاهددور علی عابددی زاهددور علی فیض مشاهددور علی زیب مساجددور علیدور روح پیغمبر علیدور پیکر اسلام علی شمس امامت دور علی ماه عدالت دور علی دُرّ بلاغت دور علی گنج فصاحت دور علی نور هدایت دور علی کان شجاعت دور علیدور قلعه ی همّت علیدور سنگر اسلام علی یار محمّددور علی اولای مسنددور علی معنای ابجددور علی اعرازی سرمددور علی لفظ مویّددور علی احسانه اجوددور علیدور آیت قهّار علیدور سرور اسلام علی موجود اطیب دور علی ارکان مذهب دور علی فرخنده منصب دور علی درگاه مطلب دور علی زنده دل شب دور، علی استاد زینب دور گیدوب شامه قولی باغلی باشندا معجر اسلام علی ذکری اولوب یا حق علی حقدن اولوب مشتق علی باشدان اولوب منشق علی دینه ویروب رونق علی کونه ووروب بیدق علی ایتدی مدد مطلق بو شعری #اعظمی آدلی یازوب بیر نوکر اسلام 📝▪️مرحوم استاد حاج بیوک اعظمی #مدح_حیدریه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨