🏴شهادت حضرت علی اصغر علیه السلام 🏴زبانحال حضرت رباب سلام الله علیها 🎼 به سبک تا مشکتو تو آب زدی الله منیم دیلسیز بالام میدانه گیتدی گلمدی قالدی گوزوم یولدا منیم مقصوده یتدی گلمدی یانوب قلبیم غصه و غمدن آغلارام من فراقینده باشیمه قاره باغلارام من نقدری اولسا منیم عمروم بو جهاندا غمینده اصغر سنین سینه داغلارام من علی جان علی جان 2بار چیکدی سوسوز لوق اوغلومی آخر او میدانه طرف نامردیلر اوخ ورودولار تیر غمه اولدی هدف گولوستاندا گول کیمی اوغلوم اولدی پرپر بوغازینان ورودولار بیر اوخ ئولدی اصغر خیامه گئتدی آتاسی اول شیرخواری اولوبدی خیمه سراده بیر آیری محشر علی جان علی جان 2بار لب تشنه شیر خوارمی سیراب ائدوبدی حرمله میداندا اوخلاندی بالام اولدی خیمده ولوله بوغازینان اوخ دگوب اصغر گولدی یاتدی جهانی عشق شهادتله باشدان آتدی شهید اولدی دین اسلامی ائتسین احيا باتوب قانه تشنه لب اوغلوم کامه چاتدی علی جان علی جان 2بار اوچ گون بالام گوز آچمادی اوخ دگدی گولدی گوز آچوب یاتمیشدی بیدار ائتدی اوخ قلبیمه تیر غم ساچوب فراقینده قلب زاریم اود دوتدی یاندی یانوب قلبیم کاسه ی صبریم دای جالاندی الی سین سون من گوروم الله حرمله نین غم هجری تا وارام بو دیلده قالاندی علی جان علی جان 2بار لای لای منیم دیلسیز بالام نه صوت نه سو اولدی سنه لب تشنه باتدین قانه سن اولدی چتین بو غم منه بهار عمروم خزان اولدی کربلاده یانوب قلبیم داغدار اولدوم نینواده فراقین سالدی منی چوخ درد و بلایه فدا اولدون دین و قرآنه سن مناده علی جان علی جان. 2بار منی ملر قویان بالا نه گلدی باشیوه سنین سو ایستدین سو اولمادی فراقین اولدی چوخ چتین سنه چکدیم آلتی آی زحمت من علی جان دئیردیم سن دیل آچوب منله بیر دانیشسان سنه آئتمیشدیم بو آلتی آیدا من عادت آنان اولدی غصه و غمدن ایندی نالان علی جان علی جان 2بار ملتمس دعا ✍حاج مهدی ملکی زنجانی ______

🎼سبک نوحه فوق👆👆 🎤#بانوای_حاج_علی_سیفی_افشار 👌پیشنهاد دانلود100% ________

نوحه علی اصغر (ع) (نوحه شماره ۶) سن حسینون صودامر سربازیسان سینه مه خاطره ی غم یازیسان ال ایاق چالما بالا صبریمی آلما بالا یات لب عطشان بالا یات (۲) برج غم اولدوزی تک باتدین علی آتا آغوشین اوخا ساتدین علی اوخا گولدون منی آغلاتدین علی آرزووا چاتدین علی نازیلن یاتدین علی یات لب عطشان بالا یات (۲) گولومی حرمله قئردی ولدی اوچ پر اوخ حلقوه ووردی ولدی آتادان اوغلون آییردی ولدی سنی قانه بلدی چولده جیران مله دی یات لب عطشان بالا یات (۲) نه بیلیدیم بئله بیر ساعت اولار منه حسرت سنه اوخ قسمت اولار سپرم عرشه قانین زینت اولار مقتلین خلوت اولار فاطمه دعوت اولار یات لب عطشان بالا یات (۲) وار هله حرمله نین بهتر اوخی منه قسمت اولاجاق آخر اوخی بوغازیندان چکرم اوچ پر اوخی گؤرمه سین مادر اوخی ائتمسین باور اوخی یات لب عطشان بالا یات (۲) الیم اوسته سنه لایلای دییرم آناوین حالینه ایوای دییرم زحمتی اولدی علی زای دییرم من اوغول وای دییرم یوخ سنه تای دییرم یات لب عطشان بالا یات (۲) سن اوغول گلشن غم بلبلوسن سن رقیه بالامین سویگولوسن محسنین یولداشی جنت گولوسن باغ غم سنبلوسن آغلورام سن گولوسن یات لب عطشان بالا یات (۲)

#شهادت #حضرت_علی_اصغر(ع) #نوحه_جوشی #ترکی #آهنگ یخلیوب عباسیم نهرفرات اوسته #!!سه پنج روز که بوی گل نیومد الیمین اوستونده بالام قانه باتدی گل آل مندن زینب سوسوز طرلانی بویانوبدور قانه گور چینلر مثلی ربابون ششماهه گوزل جیرانی آناسیندان آلدیم آپاردیم میدانه دیدیم ای انسانلار بالام عطشاندی گله بنذر اوغلوم سارالوبدی رنگی سوسوزدی اوچ گوندی عطشدن یاندی سوزومی آغزیمدا سه پر پیکان قویدی بوغازیندا دگدی آیوردی باشین ایله بیلدیم زینب ابوالفضلین بیرده منیم ئوز یانیمده گوزی اوخلاندی قوجاقیمدا باشین اوّل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسمیشدی ربابون جیرانی دوداقیندان ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربان ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسایدی بلگینده اسدی دگنده اوچ بیر اوخ نجه گلشنلرده اسر ریحانلار ایله بیلدیم یرده کسوبلر قربانلیق مناده حاجیلر کسر قربانلار بو قوزی قربانی قوجاقیمده امّا سوسوز کسدی دشمن چراغیم سوندی یری وار بو غمدن توکه گوزدن قان یاش دیه لای لای اصغر سوسوز جیرانلار ایله کی گوز یومدی دیدیم لای لای اوغلوم باجون گوزلور الان یوبانسون آغلار یاره وی آهسته آچار باشدان معجر دیر لای لای اصغر رقیم باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمللرده دیر یاندیم قارداش عزاسین ساخلار # اللهم صل علي محمدوال محمد وعجل فرجه ⬇️⬇️⬇️

🎧#حاج محمد باقر منصوری #روضه_علی_اصغر_(ع) #الیمین اوستونده. بالام قانه باتدی ⬆️⬆️⬆️

#روضه_علی_اصغر طایر نیمه نفس تک آچوسان شهپریوی وروسان قونداقیوا هی بالاجا الریوی الی قوینوندا نجه قویدی فلک مادریوی اورک آیینه سینه دوده آهی یاخورام وای منیم بختیمه سن جان ویروسن من باخیرام اوطوی سوز شهیدلر ده یاداولسون اولاریندا ننه لرینین الری قالدی قوینوندا علی اصغرین کوینگی آغدی ولی میداندان گلنده قانا بویانمشدی زینب اله اوخشاما دیدی علی گدنده یولداسنی کیم گوروبدی دیندیردی لباسیوی چخادوب قرمزی گیندیردی لباس قرمزینی کیم روا بولوبدی بالا چخارد اونی قره گی اکبرین ئولوبدی بالا کاش کی قاره بولوتلار بوچوله سایه سالا گیزلنه گون بولوت آلتندا حرارت آزالا گلشن آل عبا سولمیا ایمنده قالا هرنفسده جگرین آتمیا سوز عطشی گورتارا شاید آنیلا بالانون کشمکشی دیزینین اوستونه آلور گورور آرام اولمادی اورگینین باشنا باسور گورور آرام اولمادی ننه نین بیر عادتی وار اوشاقین یوزون قویار یوزونه یوزون قویور اصغرین یوزونه گورور آرام اولمادی قویور یره قنداقین آچور تازادان قنداقین بلیور گینه گوردی آرام اولمادی بیردن دیدی ابوالفضل بالام ئولور نقدر خیمه لری گزدی خانم عمه لرون بیر ایچیم اولمادی سو آخمیا تا اشک ترون نفسون تنگه دوشوب دم به دم آرتور خطرون نه روا گل کیمی لبلر سوسوزونان یانسون سویولی باغلیانون چاره یولی باغلانسون باخدوقیجا یوزوه سینمی من داغلامشام آغلادوقجا سنه لایلای دیمیشم آغلاموشام گاه آچوب الریوی گاه اوغول باغلاموشام رمزیله دردیوی اظهار الدون مادریوه سینمون قانینی یاخدون بالاجا الریوه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#نوحه_سینه_ زنی #شهادت_حضرت_علی_اصغر_(ع) الهی شاهداول ئوزون من آغلیرام بالام گولور یواش یواش یومور گوزون من آغلیرام بالام گولور آتیبدی حرمله اوخون کمانی سالدی چینینه الیمده بنزدی بالام یارالی بیر گورچینه سالار ئولونجه بو یارا ربابی غم کمندینه آناسی اولدورور اوزون من آغلیرام بالام گولور چکوب آناسی آلتی آی بو نازدانه نازینی یتوردی کربلایه تا آنا ئوز امتیازینی نجه آتار قماتینی نجه اوپر بوغازینی دیسم چتیندی اوخ سوزون من آغلرام بالام گولور من اوغلومی گتیرمیشم نگاریمه فدا ایدم گرک عزیزیمون قانون گویه سپوب دعا ایدم که تا تمام عالمی بو عشقه آشنا ایدم دیم بلالره دوزون من آغلرام بالام گولور نه سو ویریبدی حرمله نه ده ترحم ایلدی چمنده باغبانیله گلی تجسم ایلدی ایشیتدی فاطمه سسین بالام تبسم ایلدی بهشته دوندریب یوزون من آغلیرام بالام گولور من آغلرام بو علته آناسنون منتظر قالوب بالام گولور بونا گوره بهشتین عطرینی آلوب حرم قوشی قاناد چالوب قولونی بوینوما سالوب گوروبدی عشقینی گوزوم من آغلرام بالام گولور آناسی تیکمدی گوزون جهاندا سیر امیدینه بالاسی گیتدی یاره لی شهید عشق دینینه ئوزی گوزونی باغلادی کفن بیچیب شهیدینه دیدی بالامنان ال اوزوم من آغلرام بالام گولور #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_علی_اصغر_(ع) زبانحال خانم رباب(س) صودگویلی ایستین بالالار صودامیب یاتوب یانوخ ننه بالا ایسی فشارینه سن صوداسیریسن هله من سواسیریم دلسیزلرین ایشی قالوب پروردگارینه الله اوغول ویرر ننه باشین اوجاتماقا ویردی سنی غریب ننوی تئزقوجاتماقا (بالیایالوارور،اله حیالی خانمدی، شب عاشورا گوردس سینه سین درناخلیر بالانین الرین بلگینده باغلادی، شام غریبان گئجه سی زینب گوردی هامی یاتوب ،خانم هامنی بیربیرآرام اله دی، اما گوردی بیریانان چادردان سس گلیر بالام لایلای، ئوز آدین بولموین بالام لایلای، صود دادین بولموین بالام لایلای، شب عاشورا الین بلگینده باغلیوب اما شام غریبان گئجه سی زینب دییر گوردوم یانان چادردان اله بالا وای سسی گلیر یریدیم قاباقا گوروم کیمین سسیدی بئله یانایانا آغلور) گوردی زینب آل پیغمبر قویوب یوز تپراقا بیربه بیردیندیردی اطمینان خاطر تاپماقا بیرخانم گوردی دونوب صاقدان صولا،صولدان صاقا گوئیا خلوت یرایستیر دوشلرینن صود ساغا (باشیزا گلمسین، قونشودابیرصودامر ئوله، اونون ننه سی گئجه یاتابولمز دییلر گیدین قونشودان بیرصودامرتاپون گتیرون ویرون قوجاقینه اوگئجه ربابین یامان گئجه سیدی اله یانایانا دییردی) آی بالام گهواره سین غارت ایدن شوم ودنی بی مروت سنده چوخ گوردون منه گهواره نی گیت اوقولاری دوشن عباسه تاپشوردوم سنی دیدی خانم دونن صود یوخویدی بالام واریدی اما بوگئجه صودوار بالامنان خبر یوخدی قلب اوتون ایتموری خاموش منیم آغلاماقوم غصه می یاکه آزاتمور بوئورک داغلاماقیم منه چوخ نیسگل اولوب الریوی باغلاماقون #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ #اصغریه_شهادت شهادت حضرت علی اصغر(ع)- غفاری ای یاره لی طرلانیم لای لای گوزلیم لای لای قنداقی قیزیل قانیم لای لای گوزلیم لای لای آخدی شب عاشورا صبحه کیمی گوز یاشون ششماهه شهید اولدون هیچ اولمادی بیر یاشون آزریم بـودی جنتـده محسن اولا یولداشون تک قالمیا جیرانیم لای لای گوزلیم لای لای گویا آنوا گویدن خوش گون دیدیلر بسدی اعـلان عـزا اولـدی طوفـان بـلا اسدی املیک قوزومون پیکان نازک بوغازین کسدی سو ایچمدی عطشانیم لای لای گوزلیم لای لای بو آیریلیقین اوغلوم وسعتلی دی میدانی بیر درده دچارم من تک سنده دی درمانی سن بیل باباووین جانی اولسا اگر امکانی اول بوگئجه مهمانیم لای لای گوزلیم لای لای بیر قورخولی جریانی قیزلاردان ایشتدیم من دیلر سنه بیر پیکان میداندا ووروب دشمن گویا چوخوموش اوغلوم پهناسی بوغازوندن آغلار سنه وجدانیم لای لای گوزلیم لای لای گتدی سنی میداندان تل اوسته بابون دوردی دینموردی دانیشموردی سسیز فقط آغلوردی قلبیم کیمی اندامی بیـر یـرده دایانموردی بیردن دیدی وای جانیم لای لای گوزلیم لای لای ماتمزده بی کسلر بیر خیمه ده آغلوللار اوغلی ئولن عورتلر غمدن سینه داغلوللار گوندوز دوگولن قیزلار الان یارا باغلوللار یوخدور ولی درمانیم لای لای گوزلیم لای لای نوحه با نوای مرحوم_حاج_محمدباقرمنصوری :👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

بالا قوجاقینده ابی عبدالله آقا گلدی میدانه؛بالانی ویروب عبانین آلتنا لشکر اله بولدی آقا قرآن گتیریب میدانه عبانین آلتیندا اما گوردولر عبانین آلتندا بیر صود امر بالانی نشان ویرور لشکر بالام یانیر گوردولر عمرسعد دستور ویردی حرمله ئوزون جوابین ویر حرمله دیزلرین یرده برکیتدی اوخی قویدی کمانه اوخ کماننان قوتاروب قیلدی مسیرینده شتاب قورخولی یلر اسوب گون یوزونه سالدی نقاب دیدی حلق اصغره خیمده دیسگیندی رباب اوزمانی که اصغرین بوغازینن اوخ دی گوردولر خیمده رباب الرین قویدی گوزونه بالانی قویدی یانان اورگینین باشنا بالا هی ال ایاق چالدی حسین هی باغرینا باسدی آغلاما دینمه بالا دینمیه نین وار دیننی بالا بالا قوجاقینده اله اوتانیر خیملره گلمگه نه میداندا قالا بولور نه خیمه لره قییده بولور خیمیه ایستیرم گیدم گلمیرئوزوم گدنمیرم حرمله هی باخیر گولور عرصده تاب ایدنمیرم قوی گئنه خیمیه گئدیم حرمله نی گورمیرم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- #روضه_حضرت_علی_اصغر_،ع،

دایانب اوتوز مین لشکرین برابرینده قارداشلار ئولوب بالالار ئولوب یاقوم هل من ناصر ینصرنی آیا بخاطر جدیم رسول الله منه کمک الین وار یایوخ فرمایش ایتدی زینبینه شاه کربلا باجی گیت خیمه ربابه اله کشف ماجرا درد فراقی گوز یاشینا سن بهانه ویر آل غچه تری گتیروب باغبانه ویر تحفه ام الیمده بزم نگاره گدیم باجی بازارعشقی عشقیله تاگرم ایدیم باجی لیلایه گوش ربابی دل افسرده قالماسین اکبر گئدیبدی بو یولی اصغرده قالماسین امر امامه حامل اولوب زینب حزین گلدی رباب خیمه سینه زارودل غمین صبرایت دیور یانان دیلیمی داغلاما علی بالا شرمندیم یوخومدی صودوم آغلاما علی گلدی بیانه زهره ثانی ایدیب خطاب ایستیر حسینیم اصغری آی باوفارباب ایله وداع بو غنچه پرعطرونورسی اوپسون دوداقلارینی صورا زینب عمه سی عرض ایلدی ئولونجه خانم کنیزم سنه بیرآز زمان بوخیمده مهلت ویرون منه یوخ اصغری یوباتماقما آیری بیرغرض فکریم بودور لباسینی من ایلیم عوض آلدی اجازه دلده کی مهرین بولوندوروب شش ماهه اوغلونا اوخانم آغ گیندیریب تسلیم ایدیبدی زینبه دنیانی داغلادی یاندی اورک؛دالیجا دوروب باخدی آغلادی زینب حریم عصمتی تئز قیلدی باخبر سس دوشدی خیمیه جمع اولوب هاشمیه لر الدن اله ویریلدی هامی اوپدی لبلرین بیرخرداقیز سرشکیله ایسلاتدی معجرین عرض ایلدی بویورگوروم آی مهربان بابا شش ماهه اصغری آپاریرسان مگرهارا سینیم آزاولساداپی آپاردیم مرامیوه معلوم اولان گتیرمیجکسن خیامیوه لطف ایلیوز اونی من آلیم بیر قوجاقیمه لای لای دییم دویونجا لب عطشان قوناقیمه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- #روضه_حضرت_علی_اصغر،ع،

روضه حضرت علی اصغر(ع) 👇👇👇👇برای آگاهی اعضا ابی عبدلله بالانی آپاردی خیمه لر دالندا تپراقلار آلتندا بالانی گیزلتی کی دشمن ال تاپانماسین، اگر دفن السیدی دا نبش قبر الیوب امامین سینه سینده دفن الینمزدیلر دیدی بالا سن منیم گلشن نازیمده گل نازیمیدون آخر صفده گلن خرداجا سربازیمیدون بوگوزل رتبه نی زر عالمی آلموشدون علی آزدی سینین اودور آخره قالموشدون علی بالا اله فکر ایتمیه سن رخت علایق سویورام اله فکر ایتمیه سن قانلی یوزوندن دویورام اله فکر ایتمیه سن دائمی قبره قویورام سری وار عالم امکانی پریشان ایدورم سری وار قوملارون آتدا سنی پنهان ایدیرم ایستیرم کوفه لی لر جبریده چوخ دورمویالار بوندان آرتخ ننوین قلبینی سندرمیالار باشوی ذبح الیوب نیزه لره ورمویالار (عصر عاشورا گوردولر حرمله پکر حرمله ناراحت، حرمله اولمیا پشیمان سان، دیدی یوخ هرکس هرکسی ئولدوروب یارالی باشون وروب نیزه باشنا جایزه سین آلاجاق،اما من علی اصغری تاپانمامشام،نچه نفر دیدیلر حرمله ناراحت اولما ،ئوزوموز گوردوخ حسین اوبالانی الینده آپاردی خیمه لر دالنا، یاپشدی اولارین الینن نیزه دارلارا دیدی سیزده گلون، گوردولر حرمله نچه دنه نیزه دار آپارور خیمه لر دالنا امام سجاد وخانم زینب بولور نه وار اما اوشاقلار دیلر عمه نه وار حرمله گلیر،آززماندا گوردولر بولار کچدیلر خیمه دالنا نیزه لری ورولار یره رقیه ئوزون سالدی عمه نین ایاقلارینا عمه بولار نیه بئله الیلر) قلب ترابیدن بالا ظلم الی گوهر آختارور نیزه لری ورور یره حرمله اصغر آختارور #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- #روضه_حضرت_علی_اصغر_،ع،

نوحه_جدید_حضرت علی اصغر_در آهنگ (عم اوغلی چوخ گول سارالار) ----------- الهی اصغر قانا باتوب(۲) جان ویروب سوسوز اوغلوم_جان ویروب سوسوز اوغلوم(۲) گوزوندن عالملری آتوب(۲) جان ویروب سوسوز اوغلوم_جان ویروب سوسوز اوغلوم(۲) ------------- او قانلی میداندا اصغری(۲) شاه آلاندا آغوشه_شاه آلاندا آغوشه آتاسینون اللری اوسته(۲) گیتدیم اصغریم هوشه_گیتدی اصغریم اوسته بوغازینه انّی اوخ دگوب(۲) گوشیدن ئوزوب گوشه_گوشیدن ئوزوب گوشه اوخا گولوب صودامر بالام جان ویروب سوسوز اوغلوم_جان ویروب سوسوز اوغلوم ------------ بو رسمیدی ای خدای من(۲) داش قوناقه ویرمازلار_داش قوناقه ویرمازلار آنانون اولسا بالاسینا(۲) گر علاقه ویرمازلار_گر علاقه ویرمازلار دئین یوخویدی او ظالمه(۲) اوخ اوشاقه ویرمازلار_اوخ اوشاقه ویرمازلار سه شعبه اوخ حرمله آتوب جان ویروب سوسوز اوغلوم_جان ویروب سوسوز اوغلوم ------------- الهی سن شاهدن ئوزون(۲) یوخدی دردیمه چاره_یوخدی دردیمه چاره منه باخور حرمله گولور(۲) لعنت اولسون اغیاره_لعنت اولسون اغیاره خیامه اعدا هجوم ائدوب(۲) غارت اولدی گهواره_غارت اولدی،گهواره پوزولوب حالیم سسیم باتوب جان ویروب سوسوز اوغلوم_جان ویروب سوسوز اوغلوم ------------- سینمه ده،صود اولمادی سنی(۲) تا اَمیزدیرم اوغلوم_تا اَمیزدیرم اوغلوم امیدیم عباسیدی گله(۲) سنه سو ویرم اوغلوم_سنه سو ویرم اوغلوم خجالتم گلموری دلیم(۲) باری دیندیرم اوغلوم_باری دیندیرم اوغلوم گوزیاشیمی غم قانا قاتوب جان ویروب سوسوز اوغلوم_جان ویروب سوسوز اوغلوم (بهلول حبیبی زنجانی) #اصغریه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_علی_اصغر_(ع) الله بالام اوخلاندی یاندی اورگیم غمدن یوخ بیر نفرآلسون بودلسیز بالامی مندن لایلای بالاما لایلای لایلای بالاما لایلای الله بالامی سالدی اوخ سوزوگدازیندن چون حلقی یارالیدی جان چخدی بوغازیندن لایلای بالاما لایلای لایلای بالاما لایلای (بالانی قویدی یره، شمشیرین اوجوینان قماتین پاره لدی بالا آسوده جان ویره نه میدانداقالا بولور نه خیمیه گله بولور منیم بوبیر یارامی چوخ یارادان آزساناما (بابا یارالیم منی گیترآپار) یاره درین، صودامراوشاق، غملی محلکه نازوک باغازیله اورگ ایستیر که تاب ایده #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#زبانحال_امام_حسین_ع_در_بالین_ حضرت_علی_اصغر_ ع ✍حاج غلامرضا هادی اردبیلی الهی شیر خواره می قویوب مزاره آغلارام الیمده قوش تک اوخلانان گوزل شکاره آغلارام سو تاپمادی قالوب سوسوز سارالدی غنچه لر کیمی دوداقی اولدی خشک اولان چمنده برگ تر کیمی سولوب سارالدی صورتی ستاره سحر کیمی سحر ستاره سی سوزوب باتان مداره آغلارام مزارون اوسته آغلیوب بونی چوخ اینجدنمرم ترابه اصغری قویوب دوشوب یولا گئدنمرم ئوزون عنایت ایتمه سون بو طفلی دفن ایدنمرم آناسین آگه ایلیوب گلوب دوباره آغلارام نمازه باشلادی غرض او سرور جهانیان گوزونده اشگ حسرتی النده قان یوزونده قان نمازی قورتاروب دیدی اَیا خدای لامکان سنون رضایتوندی چون بو جان نثاره آغلارام سنوندی داغلانان اورک دولوبدی سوز و سازیلن شکسته دل ال آچمیشام حضوریوه نیازیلن تحمل ایت منه عطا بو قیلدیقیم نمازیلن که طاق اولوبدی طاقتیم چکوب شراره آغلارام حسین نه کاره دور خدا صدف سنون گهر سنون شکسته دل سنون کیدور بو اوتلانان جگر سنون سوسوز قالانلاریم سنون بو اوخلی صودامر سنون قنادی قانلی بلبله ایدوب نظاره آغلارام بلا اوخی بوغازینه ایله اوتوردی بلمدیم قانا بلشدی قوش کیمی یوزین گوزونده سلمدیم گر ایستسون ننه م کیمی علامتینده گزلدیم که اللی ایلدی روز و شب ایتن مزاره آغلارام کوسوبدی گاهواره نون اوزی داشین آتوبدی بو بشیکدن اینجیوب گلوب مزاریده یاتوبدی بو ستاره سحر کیمی چیخوبدی تیز باتوبدی بو باتان ستاره اوستونه توکوب ستاره آغلارام https://eitaa.com/Hazrate_Abalfazll

‍ ‍               ﷽ #زبانحال_حضرت_رباب(س) #با_حضرت_علی_اصغر(ع) #سبک_خرابه_چراغونه_امشب #شعر_ترکی #عطشدن یانان نازدانه گتورمه ربابی فغانه سویوم یوخدی شرمنده یم من اولور اشک خجلت روانه گمانیم سوده گلمور اوغلوم دوتوب اود چکور دل زبانه آلوپ دوره وی خیردا قیزلار دیوللر هامی یانه یانه ششماهه جیران آز آغلا آز آغلا آز آغلا ای طفل عطشان ازاغلا از آغلا از آغلا 🥀 گیدیب تشنه لیقدن قرارون دا گلمور سنون آه و زارون چالورسان بیله ال ایاق سن پوزور حالیمی بو فشارون چخور گوییا جان بدندن داخی قالمیوب اختیارون دولانمور آغیزدا زبانون اولیدیمسنین جاننثارون ششماهه جیران آز آغلا آغلا آز آغلا ای طفل عطشان ازاغلا ازاغلا ازاغلا 🥀 آپارسا آتان رزمگاهه اثر ایلر حالون سپاهه ویرر بیر ایچیم سونی دشمن ترحم ایدر بی گناهه بو حال نزارون که واردی اثر ایلیر مهر و ماهه سن ایچسن سو سیراب اولونسان مورخ لر ایلر سیاهه ششماهه جیران آزاغلا ازاغلا ازاغلا ای طفل عطشان ازاغلا ازاغلا ازاغلا 🥀 گوزوم قورخور اما عدودن همان خصم بی آبرودن گیدورسن اوپوم قوی دویونجاق علیجان بو زیبا گلودن بودور اصل قورخوم ایچیرده سنه سو سه شعبه سبودن دگه گر اوخ عطشان گلودن ربابی سالار های و هودن ششماهه جیران از آغلا ازاغلا ازاغلا ای طفل عطشان ازاغلا ازاغلا ازاغلا 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج

‍ ‍                   #شهادت_حضرت_علی_اصغر(ع) ✍#مرحوم_شهاب_تبریزی #ترکی 🖤 ای غنچه ی خندان لایلای علی لایلای جانیم سنه قربان لایلای علی لایلای 🖤 پوزقون گوروب حالون یانّام علی اصغر رنگون سوسوزلوقدان سولموش گله بنزر یوخدور سودوم آخِر نیلوم علی اصغر لایلای علی لایلای لایلای بالام لایلای 🖤 سالدی منی دلدن درد و غمون آخِر اظهار ایدوم حالون واردور کیمون آخِر یوخدور علی اصغر عبّاس عمون آخِر لایلای علی لایلای لایلای بالام لایلای 🖤 چوخ گل خزان اولدی سولدی بو گلشنده بو گون سوسوز گل تک پژمرده سن سنده گورّم سولان رنگون یانّام اوغول منده لایلای علی لایلای لایلای بالام لایلای 🖤 بو گون اوغول بولّم اوچ گوندی عطشانسان بیر دسته سنبل تک بی تاب و لرزانسان حقّون وار آغلارسان بیله پریشانسان لایلای علی لایلای لایلای بالام لایلای 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     #اجرای_سبک 1400//4/22