#زبانحال_امام_حسین_ع_در_بالین_ حضرت_علی_اصغر_ ع ✍حاج غلامرضا هادی اردبیلی الهی شیر خواره می قویوب مزاره آغلارام الیمده قوش تک اوخلانان گوزل شکاره آغلارام سو تاپمادی قالوب سوسوز سارالدی غنچه لر کیمی دوداقی اولدی خشک اولان چمنده برگ تر کیمی سولوب سارالدی صورتی ستاره سحر کیمی سحر ستاره سی سوزوب باتان مداره آغلارام مزارون اوسته آغلیوب بونی چوخ اینجدنمرم ترابه اصغری قویوب دوشوب یولا گئدنمرم ئوزون عنایت ایتمه سون بو طفلی دفن ایدنمرم آناسین آگه ایلیوب گلوب دوباره آغلارام نمازه باشلادی غرض او سرور جهانیان گوزونده اشگ حسرتی النده قان یوزونده قان نمازی قورتاروب دیدی اَیا خدای لامکان سنون رضایتوندی چون بو جان نثاره آغلارام سنوندی داغلانان اورک دولوبدی سوز و سازیلن شکسته دل ال آچمیشام حضوریوه نیازیلن تحمل ایت منه عطا بو قیلدیقیم نمازیلن که طاق اولوبدی طاقتیم چکوب شراره آغلارام حسین نه کاره دور خدا صدف سنون گهر سنون شکسته دل سنون کیدور بو اوتلانان جگر سنون سوسوز قالانلاریم سنون بو اوخلی صودامر سنون قنادی قانلی بلبله ایدوب نظاره آغلارام بلا اوخی بوغازینه ایله اوتوردی بلمدیم قانا بلشدی قوش کیمی یوزین گوزونده سلمدیم گر ایستسون ننه م کیمی علامتینده گزلدیم که اللی ایلدی روز و شب ایتن مزاره آغلارام کوسوبدی گاهواره نون اوزی داشین آتوبدی بو بشیکدن اینجیوب گلوب مزاریده یاتوبدی بو ستاره سحر کیمی چیخوبدی تیز باتوبدی بو باتان ستاره اوستونه توکوب ستاره آغلارام https://eitaa.com/Hazrate_Abalfazll

‍ ‍               ﷽ #زبانحال_حضرت_رباب(س) #با_حضرت_علی_اصغر(ع) #سبک_خرابه_چراغونه_امشب #شعر_ترکی #عطشدن یانان نازدانه گتورمه ربابی فغانه سویوم یوخدی شرمنده یم من اولور اشک خجلت روانه گمانیم سوده گلمور اوغلوم دوتوب اود چکور دل زبانه آلوپ دوره وی خیردا قیزلار دیوللر هامی یانه یانه ششماهه جیران آز آغلا آز آغلا آز آغلا ای طفل عطشان ازاغلا از آغلا از آغلا 🥀 گیدیب تشنه لیقدن قرارون دا گلمور سنون آه و زارون چالورسان بیله ال ایاق سن پوزور حالیمی بو فشارون چخور گوییا جان بدندن داخی قالمیوب اختیارون دولانمور آغیزدا زبانون اولیدیمسنین جاننثارون ششماهه جیران آز آغلا آغلا آز آغلا ای طفل عطشان ازاغلا ازاغلا ازاغلا 🥀 آپارسا آتان رزمگاهه اثر ایلر حالون سپاهه ویرر بیر ایچیم سونی دشمن ترحم ایدر بی گناهه بو حال نزارون که واردی اثر ایلیر مهر و ماهه سن ایچسن سو سیراب اولونسان مورخ لر ایلر سیاهه ششماهه جیران آزاغلا ازاغلا ازاغلا ای طفل عطشان ازاغلا ازاغلا ازاغلا 🥀 گوزوم قورخور اما عدودن همان خصم بی آبرودن گیدورسن اوپوم قوی دویونجاق علیجان بو زیبا گلودن بودور اصل قورخوم ایچیرده سنه سو سه شعبه سبودن دگه گر اوخ عطشان گلودن ربابی سالار های و هودن ششماهه جیران از آغلا ازاغلا ازاغلا ای طفل عطشان ازاغلا ازاغلا ازاغلا 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج

‍ ‍                   #شهادت_حضرت_علی_اصغر(ع) ✍#مرحوم_شهاب_تبریزی #ترکی 🖤 ای غنچه ی خندان لایلای علی لایلای جانیم سنه قربان لایلای علی لایلای 🖤 پوزقون گوروب حالون یانّام علی اصغر رنگون سوسوزلوقدان سولموش گله بنزر یوخدور سودوم آخِر نیلوم علی اصغر لایلای علی لایلای لایلای بالام لایلای 🖤 سالدی منی دلدن درد و غمون آخِر اظهار ایدوم حالون واردور کیمون آخِر یوخدور علی اصغر عبّاس عمون آخِر لایلای علی لایلای لایلای بالام لایلای 🖤 چوخ گل خزان اولدی سولدی بو گلشنده بو گون سوسوز گل تک پژمرده سن سنده گورّم سولان رنگون یانّام اوغول منده لایلای علی لایلای لایلای بالام لایلای 🖤 بو گون اوغول بولّم اوچ گوندی عطشانسان بیر دسته سنبل تک بی تاب و لرزانسان حقّون وار آغلارسان بیله پریشانسان لایلای علی لایلای لایلای بالام لایلای 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     #اجرای_سبک 1400//4/22

‍ ‍ 💦💫🥀💦      ﷽                #زبانحال_حضرت_امام_حسین(ع) #در_شهادت_علی_اصغر(ع) #سبک_ای_ویرن_ویرانه_یرده ✍#مرحوم_سید_احمد_یاسر_نجفی #ثریا_تبریزی #ترکی  شاهد اول یارب الیمده اصغری عطشان گتوردوم اولموشام شرمنده سندن تحفۀ ارزان گتوردوم شوقیله مینای عشقه اصغری عطشان گتوردوم سن بلورسن گئچموشم من سندن اوتری اکبریمدن بیر نه یالقوز اکبریمدن عون و فضل و جعفریمدن کشف اولور حالیم الهی ایمدی حال اصغریمدن آلتی آیلیق طفلی ایمدی کویوه قربان گتوردوم درد فرقتدن جهاندا بسکه یا رب جانه گلدیم  آتش هجراندا یاندوم ناله و افغانه گلدیم  اصغری گوتدوم الیمده درگه سلطانه گلدیم  بیر محقّر ارمغاندور دستۀ ریحان گتوردوم چوخ ریاضتلر چکوب تا یتموشم من بو مقامه  شأن و قرب اصغری گوسترّم ایمدی اهل شامه  اهل شامه چوخ دیدیم هر حجّتی یتدی تم ... 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج    

#_روضه_علی_اصغر_،ع، بیر آز دولاندی چولی چکدی آهی آه اوسته ئولوبدی لشگروسرلشگری قالان یوخودی جنازه نی اَلی اوستن گلیب آلان یوخودی غلط دگیل دئسم گوزیاشی دونوبدی قانا دولاندیریر بالانی هی باخیر اویان بویانا سیلیردی گوزیاشین شه جهانی داغلوردی باخوردی خیمه لره هی توکوردی گوزیاشینی هر آینه چاغوروردی وفالی قارداشینی گوردولر ئوزون دولاندیردی نهر الغمه طرف بیردفه یانایانا دئدی اباالفضل گل بالام ئولدی ای ✍کریمی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

اوغول اوغول نازلی بالام گوزل بالام دل آچمیان بالام ایوده ملییب یرییب قاچمیان بالام (کاش ایكی نوع آداملارا گونون باتار چاقی اولمیا؛بیری اوغلی ئولن ننه دی بیری ده یتیم اوشاقدی؛گونون باتار چاقی اولاندا اویتیم بالا همیشه بوینی چینینده دولانار هیچ اورگی گلمز کوچه ده اوشاقلارا قوشولا؛اوغلی ئولن ننه ده دیزلرین قوجاخلار یانا یانا آغلار؛ رباب یانایانا دییردی بالا آتما منی) بالا گل اولسان اگر باغبانیوم چولرده آلتی آیدی سنین ناگرانیوم (معمولا کی ننه کی بالادان خجالت اولار ؛اوغول ئولونجک آغلارام الریوی باغلادیم؛خانم زینب ربابدان بوسوالی خبر آلدی رباب ده گوروم غارتده سنی نجه وروبلار سینون گوریب رباب دیدی خانم بالامین ال ایاقین باغلادیم بالا گوررسن معمولا دیزی اوسته یاترداندا ایاقلاری سینیه طرف اولار خانم بالام اوقدر ایاقلارین چالردی سینمه ) اوغول حقلیسن گلمیه سن چون سنی خوش ساخلامادیم کور اولونجا گرک آغلیدیم اوغول آغلامادیم الیوی باغلادیم اما یاراوی باغلامادیم (کربلادن آیرلاندا گوردولر هره قاچیر ئوز بالاسنین جنازه سی اوسته سریه قاچیر قاسم بالینینه ام کلثوم قاچیر ابوالفضل جنازه سینین بالینینه لیلا قاچیر علی اکبر بالینینه سکینه دییر گوردوم ننم رباب بئله آواره دولانیر گلدیم قاباقا ننه نیه بئله آواره دولانرسان دیدی قیزیم گورورسن هره قاجیر ئوز بالاسنین جنازه سینین اوستونه اما منیم اوصودامر بالامنان خبر یوخدی دیدی ننه عاشورا گونی بابام گتیردی علی اصغری خیملر دالندا دفن اله دی ؛دیدی قیزیم نولار منی آپار بالامین قبری اوسته بالامی گویلوم ایستیر بایرام اولاندا عزیز گون اولاندا اوغلی ئولن ننه هامیدان قاباخ دورار ایاقا چادرن سالار باشناسوروشسان خانم بایرامدی هارا گیدیرسن دیر اول گیدیرم بالامین قبری اوسته بالاملا بایراملاشام سکینه دییر گلدوخ علی اصغرین قبرینین کنارینه گوردوم ننم رباب بیر صاقا باخدی بیر صولا باخدی گوردوم ننم ایلشدی یره باشنان معجرین آشدی دیدیم الله گوره سن ننم نیه بئله الیر سکینه دییر گوردوم ننم رباب دوشونون صودون توکور بالانین قبری اوسته دوشومده من بو صوتی شامه آپارمارام بالا مرغک زخمی من لانه بیا شویمت چهره خونین تورا در بغل گیرمو از غصه رهم بهر تو آب دهم دانه دهم سنبل آچوب چمنلرده بویونجا بوی بوخونون گورنمدیم دویونجا آتما منی گل اولسان اگر باغبانیوم چولرده آلتی آیدی سنین ناگرانیوم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- #روضه_زبان_حال_حضرت_رباب_

#حضرت_علی_اصغر_نوحسی ✍اشعار گمنام ✍ اوخلاندی بالام آی قارداش گل یاتدی علم آی قارداش دین و شرف و قرآنه قرباندی بالام آی قارداش نهر اوسته لب عطشان یارالی جان وئردی ربابین مارالی ((لای لای علی لای لای علی لای )) عطشانیدی الدن دوشدی قان ایچدی عطشدن دوشدی باخدی منه اوغلوم گولدی گوز یومدی نفسدن دوشدی عالی هدفه چاتدی اوغلوم اللریم اوسته یاتدی اوغلوم ئوپدی بوغازین اوخ قارداش یاندیردی منی چوخ قارداش دیلسیز بالام آغوشیمده اللردن آلان یوخ قارداش ایش دوشدی گئنه مشکله گل دیلسیز بالاما رحم ائله گل پیکان که دگوب حنجردن قان آخدی یانان لبلردن گوردوم اوخی چکسم قارداش باشی اوزولر پیکردن اوغلوما باخدیم یاندیم اخی سسلدیم الله چکدیم اوخی گل گور نه حالا قالدیم من اوجومدا قانین آلدیم من سپدیم گویه آغوشمیده لایلای بالاما چالدیم من سس سسه وئردی گویده ملک سسلندی لایلای قانلی بَلَک #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سینه زنی همراه باروضه #حضرت_علی_اصغر_(ع) اوغول علی سو قابلاری قوریوب سوتاپولموری بوردا سویی مضائقه ایتمز آنا بالادن اوغول اوغول علی صود اولمادی آنا ئولسون خجالتم سندن (پروانه کیمی دولانور علینین باشنا یانایانا دییر علی آغلاما بالا ننوم بالا ننوم بالا) صود اولمادی آنا ئولسون خجالتم سندن باخانمرام یوزوه کسرت حیادن اوغول نه سو وار خیمده نه منده اوغول آناوی ایلمه شرمنده اوغول آغلاما دردون آلوم / باشیوا من دولانوم سوسوزونان سارالوب دل دوداقون سارالوب لالیه بنذر یاناقون وای منه اوت ویریری ال ایاقون آغلاما دردون آلوم / باشیوا من دولانوم ندن حسرتله یوزومه باخوسان یاندروب اوت تک آناوی یاخوسان سحرین اولدوزی تک تئز اخوسان آغلاما دردون آلوم / باشیوا من دولانوم اوغول علی اوتانرام دولانام باشیوه یوزوندن اوپم وارومدی شرم بیبون دخت مرتضادن اوغول اوغول علی بولوب خجالتیمی باخموسان منیم یوزومه (اوغول ننوم بالا ننوم بالا ؛اله سسیوی گویلوم ایستور اوغول) سنه باخدوخجا جگر داغلامشام آغلیوبسان سنه من آغلامشام وای منه الریوی باغلامشام آغلاما دردون آلوم / باشیوا من دولانوم اوغول اوقدر آغلادون آخشامنان علی باتدی سسون چرپنور قوش کیمی قلبون ولی گلمور نفسون آنالار صود اوشاقون عشق الر آشسون بلسون گیتدی بو ذوق آناندان بالا قربانون اولوم آغلاما دردون آلوم / باشیوا من دولانوم https://eitaa.com/Hazrate_Abalfazll

روضه بسته شدن آب فرات (من کلام : ذهنی زاده) باغلانوب سو یوللاری بو گونده آل حیدره کربلادن العطش فریادی چخدی گویلره   باخدی سعد اوغلی زیادین اوغلونون فرمانینه باغلادی سو یولارین کرب و بلا سلطانینه اولدی باعث عترت پیغمبرین افغانینه سو گمانی قالدی اشگیله دولی چشم تره   خیمه لردن قوتولوب سو یاندی آل مصطفا سو خصوصینده خجل اولدی بالاسیندان آنا کربلانون هر بلاسی بیریانا سو بیریانا آرتوخ اولدی سو غمی هر غمدن آل اطهره   شرح ایدوب موسایه بیر سوز که اوگون پروردگار کربلاده بی کم و کیف اولدی مطلب آشکار تشنه لیقدان درک ایدوب چوخ تشنه طفلی احتضار بیر سو اوسته اولدی اوخ دایه علی اصغره   لیله دیجوره دوندی چوخ سوسوزلار گوندوزی چوخ سوسوزلارین ایشیق گوندوزده گورمزدی گوزی چوخ سوسوز دللر دولانمازدی بیان ایتسون سوزی رمزیله درد دلین قیز عرض ایدردی مادره   کربلاده هر بلانی سو گتوردی باشلارا بیرسو اوستونده قیزیل قانلار سپیلدی باشلارا بیر سو اوسته قالدی حسرت باجیلار قارداشلارا خیمه لردن اوج ایدر ناله سپهر اخضره   بیر سوسوزلوق آتشی چوخ داغلی دللر داغلادی چوخ اوزون قولاری یالقیز بیر سو مشکی باغلادی بیر سو اوسته تشنه سقا گوزلری قان آغلادی مشکی اوخلاندی سویی آخدی توکولدی یرلره   ذهنیا آغلا بوگونده باغلانوب راه فرات ناله المانیله دولدی خیام طاهرات تشنه لبلر حالنه قان آغلیوبدور کاینات هر طرفدن یر یوزی تنگ اولدی آل حیدره

🔳 #ترکی #شب_هفتم #محرم 🌴روضه حضرت علی اصغر(ع) 🌴ابی عبدالله گلدی میدانه 🎤 #نادر_جوادی 👌بسیار دلنشین

🔳 #واحد #شب_هفتم #محرم 🌴اوغول علی آغلاما یات 🌴اوغول علی آغلاما یات 🎤 #مهدی_رسولی 👌بسیار دلنشین

بسته شدن راه فرات 🕋🌹🕋🌹🕋🌹🕋🌹🕋🌹🕋🌹🕋🌹 کوفیان سو یولونی باغلادیلار دلِ اهل حرمی داغلادیلار قدغن اولدی سو اهل حرمه ایش قالوب صاحب مشک و علمه 🌸🌴🌸🌴🌸🌴🌸🌴🌸🌴🌸🌴 کسدیلر آب حیاتین یولونی مایه ی شور و نشاطین یولونی دشمنون لشگری سد ایلدیلر خیمیه نهر فراتین یولونی سو آخوب چوللره داغلار دئدی وای گلشن عترته باغلار دئدی وای قوریان مشکه باخوب حسرتیلن خیمه ده تشنه دوداقلار دئدی وای اشقیا ظلم مدام ایلدیلر علقمی عترته دام ایلدیلر فاطمه اوغلونا اشرار زمان مهر زهرانی حرام ایلدیلر محنت و غم بولودی گویده شاخور نهر علقمده سو آهسته آخور الده سو جامی سوسوزلار دایانوب گوزلری مشک ابالفضله باخور راه چاره نجه گور کسدی عدو تشنه لر خیمه ده سسلندی عمو عمو رحم ایله ربابون گولونه بیر ایچیم اصغره احسان ائله سو کربلاده بو گئجه محشر اولوب بانگ یا فاطمه صحرایه دولوب اسدی محنت یلی حیدر باغینا فاطمه گللری ظلمیله سولوب شعر از : ابوالفضل عباسی معروفان اهری

بالا قوجاقینده ابی عبدالله آقا گلدی میدانه؛بالانی ویروب عبانین آلتنا لشکر اله بولدی آقا قرآن گتیریب میدانه عبانین آلتیندا اما گوردولر عبانین آلتندا بیر صود امر بالانی نشان ویرور لشکر بالام یانیر گوردولر عمرسعد دستور ویردی حرمله ئوزون جوابین ویر حرمله دیزلرین یرده برکیتدی اوخی قویدی کمانه اوخ کماننان قوتاروب قیلدی مسیرینده شتاب قورخولی یلر اسوب گون یوزونه سالدی نقاب دیدی حلق اصغره خیمده دیسگیندی رباب اوزمانی که اصغرین بوغازینن اوخ دی گوردولر خیمده رباب الرین قویدی گوزونه بالانی قویدی یانان اورگینین باشنا بالا هی ال ایاق چالدی حسین هی باغرینا باسدی آغلاما دینمه بالا دینمیه نین وار دیننی بالا بالا قوجاقینده اله اوتانیر خیملره گلمگه نه میداندا قالا بولور نه خیمه لره قییده بولور خیمیه ایستیرم گیدم گلمیرئوزوم گدنمیرم حرمله هی باخیر گولور عرصده تاب ایدنمیرم قوی گئنه خیمیه گئدیم حرمله نی گورمیرم

دایانب اوتوز مین لشکرین برابرینده قارداشلار ئولوب بالالار ئولوب یاقوم هل من ناصر ینصرنی آیا بخاطر جدیم رسول الله منه کمک الین وار یایوخ فرمایش ایتدی زینبینه شاه کربلا باجی گیت خیمه ربابه اله کشف ماجرا درد فراقی گوز یاشینا سن بهانه ویر آل غچه تری گتیروب باغبانه ویر تحفه ام الیمده بزم نگاره گدیم باجی بازارعشقی عشقیله تاگرم ایدیم باجی لیلایه گوش ربابی دل افسرده قالماسین اکبر گئدیبدی بو یولی اصغرده قالماسین امر امامه حامل اولوب زینب حزین گلدی رباب خیمه سینه زارودل غمین صبرایت دیور یانان دیلیمی داغلاما علی بالا شرمندیم یوخومدی صودوم آغلاما علی گلدی بیانه زهره ثانی ایدیب خطاب ایستیر حسینیم اصغری آی باوفارباب ایله وداع بو غنچه پرعطرونورسی اوپسون دوداقلارینی صورا زینب عمه سی عرض ایلدی ئولونجه خانم کنیزم سنه بیرآز زمان بوخیمده مهلت ویرون منه یوخ اصغری یوباتماقما آیری بیرغرض فکریم بودور لباسینی من ایلیم عوض آلدی اجازه دلده کی مهرین بولوندوروب شش ماهه اوغلونا اوخانم آغ گیندیریب تسلیم ایدیبدی زینبه دنیانی داغلادی یاندی اورک؛دالیجا دوروب باخدی آغلادی زینب حریم عصمتی تئز قیلدی باخبر سس دوشدی خیمیه جمع اولوب هاشمیه لر الدن اله ویریلدی هامی اوپدی لبلرین بیرخرداقیز سرشکیله ایسلاتدی معجرین عرض ایلدی بویورگوروم آی مهربان بابا شش ماهه اصغری آپاریرسان مگرهارا سینیم آزاولساداپی آپاردیم مرامیوه معلوم اولان گتیرمیجکسن خیامیوه لطف ایلیوز اونی من آلیم بیر قوجاقیمه لای لای دییم دویونجا لب عطشان قوناقیمه

روضه حضرت علی اصغر(ع) الله بالام اوخلاندی یاندی اورگیم غمدن یوخ بیر نفرآلسون بودلسیز بالامی مندن لایلای بالاما لایلای لایلای بالاما لایلای الله بالامی سالدی اوخ سوزوگدازیندن چون حلقی یارالیدی جان چخدی بوغازیندن لایلای بالاما لایلای لایلای بالاما لایلای (بالانی قویدی یره، شمشیرین اوجوینان قماتین پاره لدی بالا آسوده جان ویره نه میدانداقالا بولور نه خیمیه گله بولور منیم بوبیر یارامی چوخ یارادان آزساناما (بابا یارالیم منی گیترآپار) یاره درین، صودامراوشاق، غملی محلکه نازوک باغازیله اورگ ایستیر که تاب ایده

#ای_کربلانون _صود_امر_جیرانی_اصغر اَمدون عطشدن زهریلی پیکانی اصغر بیر دست خالی بنده یم سندن اوغول شرمنده یم ای وای امیدیم        لای لای شهیدیم   نازک بوغازیندن عزیزیم دگدی پیکان یاتمیشدون آچدون گوزلرون باخدون هراسان ویردون دوداقیندان منه بیر بوسه احسان محشرده جبران ایلرم احسانی اصغر کیم توکسه گوز یاشین سنه جنتده مهماندی منه ای وای امیدیم        لای لای شهیدیم   باشون سینه ام ده قالدی پیکاندان یاپیشدیم چکدیم بوغازیندن اوخی یاندیم آلیشدیم کوسموشدون ئوپدوم یارووی سنلن باریشدیم گویا زیارت ایلدیم قرآنی اصغر قالدی سینه ام ده سوزلریم قربانون اولسون گوزلریم ای وای امیدیم        لای لای شهیدیم   قانون بوغازیندن توکولدی اولدی جاری سس گلدی بو قانین منم قیمت گذاری توکدوم قالا عرش اوسته قانون یادگاری ویردیم امانت عرشه مظلوم قانی اصغر زهرا ننه ام دل داغلادی باخدی ملک لر آغلادی ای وای امیدیم        لای لای شهیدیم   الان سنی گوزلور ننون بیچاره آغلور لای لای دیوب هی ترپدور گهواره آغلور جیران رقیه ام گوز تیکوب یوللاره آغلور گوزدن توکور دامانینه دریانی اصغر ناز ایلمه سن چوخ منه ای کاش دگیدی اوخ منه ای وای امیدیم        لای لای شهیدیم   واردور یری تیر و کماندان چیخسا فریاد بو رسمیدور وورماز سوسوز آهونی صیاد ووردی منیم جیرانیمی بیر خانه بر باد آغلاتدی جنّتده ننه ام زهرانی، اصغر گئت جنّته بیر باش اوغول اُل محسنه یولداش اوغول ای وای امیدیم        لای لای شهیدیم   #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#سینه_زنی_حضرت_علی_اصغر_(ع) اصغر ای بخت ایویمده ستاره بسدی چوخ سینمه ورما یاره گوز یاشون گل کیمی صورتونده بنزیور شبنم نو بهاره آغلاما گیتدی الدن قراریم سویگولوم دلبریم شیرخواریم نی لر ایلر نوا آیرلیقدان غم دوتار ماسوا آیرلیقدان بلبلوم صد چمن یاسه باتسا باغدا قالماز صفا آیرلیقدان آغلاما گیتدی الدن قراریم سویگولوم دلبریم شیرخواریم اوچی الده کمان سان ویرندن تیرینه الده جولان ویرندن آی دیر نوحه اولدوزلار آغلار اوخ دیوب آهولار جان ویرندن آغلاما گیتدی الدن قراریم سویگولوم دلبریم شیرخواریم سیر ایدر باغ گلشنده عاشق دام غمده دوشر بنده عاشق تاب الر درده دلبر یولوندا سنده عاشق علی منده عاشق آغلاما گیتدی الدن قراریم سویگولوم دلبریم شیرخواریم ای گل عشق نو رسته لای لای تشنه لب بلبل خسته لای لای چرپنوب مندن آرامی آلما گل سالوم سینمون اوسته لای لای آغلاما گیتدی الدن قراریم سویگولوم دلبریم شیرخواریم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

باسلام شعر جدید شهادت حضرت علی اصغر علیه السلام به سبک زینب زینب زینب اصغر اصغر اصغر  آرام دل حیدر دین اوسته اولان پرپر اصغر اصغر اصغر ای جان دل اکبر وی قارداشینا دلبر غنچه ی پرپر.       جان علی اصغر ای جان وئرن عطشان. جانلار سنه قربان 2بار اصغر اصغر اصغر اوخ دگدی گولوب یاتدون عالملری آغلاتدون اصغر اصغر اصغر سو اوسته قانا باتدون سن کوثری آغلاتدون اصغر اصغر اصغر فیض شرفه چاتدون سن حیدری آغلاتدون غنچه ی پرپر.     جان علی اصغر ای جان وئرن عطشان. جانلار سنه قربان 2بار اصغر اصغر اصغر شمع شهدا اصغر ای باب رجا اصغر اصغر اصغر اصغر تقدیره رضا اصغر هر درده دوا اصغر اصغر اصغر اصغر تندیس وفا اصغر وی روحه صفا اصغر غنچه ی پرپر    جان علی اصغر ای جان وئرن عطشان  جانلار سنه قربان 2بار اصغر اصغر اصغر سن عشقیده دریاسن انوار تجلاسن اصغر اصغر اصغر بند دل مولا سن سن شآنیده والاسن اصغر اصغر اصغر سن ماه دل آرا سن سن بنده اعلاسن غنچه ی پرپر   جان علی اصغر ای جان وئرن عطشان جانلار سنه قربان 2بار اصغر اصغر اصغر دلدار حسین اصغر غمخوار حسین اصغر اصغر اصغر اصغر اسرار حسین اصغر گفتار حسین اصغر  اصغر اصغر اصغر ای یار حسین اصغر ایثار حسین اصغر غنچه ی پرپر    جان علی اصغر ای جان وئرن عطشان جانلار سنه قربان 2بار اصغر اصغر اصغر مظلومه دوران  قرانینه قربان اصغر اصغر اصغر عشقینده ائدن طوفان وی حامی قرآن اصغر اصغر اصغر لب تشنه ویروبسن جان ای روح با ایمان غنچه ی پرپر.   جان علی اصغر ای جان وئرن عطشان  جانلار سنه قربان 2بار اصغر اصغر اصغر لب تشنه شهید اولدون سن غنچه کیمی صولدون اصغر اصغر اصغر سن عالمه تئز دویدون آغلار آناوی قویدون اصغر اصغر اصغر  سن ابر کیمی دولدون عالملری سن پوزدون غنچه ی پرپر     جان علی اصغر ای جان وئرن عطشان. جانلار سنه قربان 2بار ملتمس دعا مهدی ملکی ارادتمند همه ی حسینیان عزیز بزرگوار        محرم نود و نه

بسته شدن راه فرات وگریز به احوالات حضرت علی اصغر علیه السلام سس دوشوب خیمه لره سو یولونی کسدی قوشون بیر نفر یوخدی دئیه شرم ایلیون بسدی قوشون      تشنه دی آل عبا            یاندی گلزار ولا.  2 بار منع ائدوب عترت اطهاره سویی قوم یزید نه روا بولدی او امری بو گون اشرار پلید چوخ جنایت ایلدی لشگر کفاره عنید تشنه قالسون کیم حسینه اولا بو چولده مرید         تشنه دی آل عبا               یاندی گلزار ولا 2 بار مهر زهرا دی بو سو دشمن اونا مالک اولوب اهل بیت نبوی تشنه دی گل مثلی صولوب قلب پیغمبر خاتم بیله بیر غمده دولوب بو سوسوزلوق بالا جا قیزلاری بو چولده یوروب        تشنه دی آل عبا              یاندی گلزار ولا 2 بار اهل بیتون بو گیجه گوزلرینه گلمدی خواب اولمادی سو غم اصغرده یانار غملی رباب عمه سی زینب اولوب غصه دن ای شیعه کباب سو یولون خیمه لره سد ایلیوب قوم عذاب              تشنه دی آل عبا                   یاندی گلزار ولا. 2 بار عترت فاطمه نی قویدولار حسرت او سووا مالک اولدی نچه گون اهل جنایت او سووا ویردی دلبند علی غیرتی قیمت او سووا ایشمدی سو گوره لر ایتمدی رغبت او سووا         تشنه دی آل عبا              یاندی گلزار ولا.  2 بار آلدی دریانی چاتوب ساقی برتر او سووا ویردی بیر جوت قولون عباس دلاور او سووا بیلدی حسرتله باخور بیر سری گوزلر او سووا یاندی اخیامیده گل تک علی اصغر او سووا          تشنه دی آل عبا               یاندی گلزار ولا  2 بار بو سویون فکرینی قیزلار داخی باشدان آتاجاق تشنه لب اصغره سو سهلیدی پیکان چاتاجاق آغلادا مادر گریانینی آی تک باتاجاق شه قو جاقینده گولوب یوخلادی راحت یاتاجاق             تشنه دی آل عبا                یاندی گلزار ولا   2 بار دهریده قویدی عدو ظلم بناسین گیتدی یاندی بو نار غمه عترت یاسین گیتدی خلفا گیدیلر اول ظلم رداسین گیتدی زینبین یولار آلوب خسته نواسین گیتدی        تشنه دی آل عبا                  یاندی گلزار ولا  2 بار «مهدی.» یازدون علی اصغر آدینی دفتریوه گر قبول اولسا ویرر قیمت ئوزی سوزلریوه اولاجاق توشه یقین روز جزا محشریوه آغلا یازدیقجا گوزون یاشی داما دفتریوه         تشنه دی آل عبا                یاندی گلزار ولا. 2 بار ملتمس دعا مهدی ملکی

‍#سینه_زنی_باسبک ای حجاز پادشاهی داده گل علم یخلدی سو یانندا تشنه سقا قولاری قلم یخلدی یوخ منه ایدن حمایت قالمادی بدنده طاقت باش یارا، بدن جراحت، صاحب علم یخلدی مشکیمون سویی اولاندا سلسبیل ایدردی رشکین شوقیله اودور باساردیم اوخلی سینمه سو مشکین بیر سوسوز اوخ ایتدی اما قان ایکی گوزیمون اشکین گلدی مشکیدن سو ایچدی شوق ایوی او دم یخلدی مندن ایلینده خواهش سو قیزون سکینه قارداش عهد ایدوب سو وعده ویردیم قویدوم ال جبینه قارداش اولمادی تعهدیمدن سو او دل حزینه قارداش سیندیروب جبینی پیکان ملجا حرم یخلدی گوردوم اصغره آناسی چوخ باخور یانور سیزیلدیر یوخدی سود دوشونده بلدوم دلدن اودلانور سیزیلدیر عترت بتوله سقا تک منی تانور سیزیلدیر آغلادیم بنای صبریم اولدی منهدم یخلدی چوخ منه موثر اولدی ایتدی قلبیمی شکسته سویلدیم آز آغلا ایتمه اوز اوزیوی بیله خسته سو دیدیم گتورم اما گیتدی قولاریم سو اوسته نهر علقم اوسته سقا گوزده قانلی یم یخلدی قیزلارون بلوردی منده واردی منصب سقایت سو دیوب ایدردی مندن تشنه لیقدا استعانت ویر خبر امیدین اوزسون خانواده ی رسالت ساقی حریم عصمت دلده یاس و غم یخلدی دینیمون وظیفه سیله تابع امامیدیم من قارداشام دیمم قاپوندا کمترین غلامیدیم من اهل بیتیوله ولیکن رکن احتشامیدیم من زینبین جلالی گیتدی رکن محتشم یخلدی بیر آجیقلی شیریدیم من اهل کینه همچو روباه حیف اولا کسیلدی پنجم تاپدی ال بو قوم گمراه باش آچوق قولی کسیلمیش بیر دمیر عمود ناگاه باشیمه ایله توخوندی توسن ایتدی رم یخلدی بوستان بوترابه سرویدی بو قد شمشاد قیردیلار قولین بوداقین کوفیان کینه بنیاد من یره دوشنده آتدان سسلدی بو لشکر عاد البشاره سرو ناز گلشن ارم یخلدی ای مسیح دم النده گل بو مرده جسمه جان ویر باشیمی آلوب کناره احتضاریدن امان ویر اوخلی مشکیمی آپارسان تشنه لبلره نشان ویر ویر خبر وفالی سقا غرق بحر غم یخلدی بیز مدینه دن چخاندا باشلادوخ بو امره شرکت ایلیاق الونجه باهم اعتلای دینه همت جان یتوب دوداقه مندن آخره یتیشدی خدمت گل قدملرون فداسی سنله همقدم یخلدی بیر مرامیلن ازل بیز باشلادوق قیامه عنوان کاخ ظلمینی یزیدین ایلیاق جهاندا ویران ظاهراً منی بو چولده یخدی قوم آل سفیان باطناً یخلماقیملا پایه ی ستم یخلدی تا نفس گلور (حسینی) یاز حسینه خدمت ایله آغلا گوزیاشون الونده توشه ی قیامت ایله مقطع کلامی بیرده مطلعی کتابت ایله ای حجاز پادشاهی استادطالبی

زینبیم بو دشت محنت وادی کرب و بلادی مدفن شاه شهیدان تربتی خاک شفادی مکتب عرفاندی زینب محضر جاناندی زینب ✖️✖️✖️✖️✖️✖️✖️✖️✖️✖️ گلمیشم کرب و بلایه من فقط اللهه خاطر محض ایفای وظیفه نه مقام و جاهه خاطر جانیمی سالدیم خطرده امت گمراهه خاطر اعتلای دین احمد آرمان پر بهادی مقصدیم قرآندی زینب محضر جاناندی زینب متصل ماه محرم اولدی چون ماه حرامه عشقیمی اثبات ائدم من خالق دین و مرامه ترک ائدوب میقاتی گلدیم یئتمدی حجیم تمامه کربلا میقات عشق و زمزم و سعی و صفادی موسم ایماندی زینب محضر جاناندی زینب بو یئره ایفای عهده اکبر و اصغر گتیردیم اصغره یوللاردا یولداش نازنین دختر گتیردیم قله قاف بلاده سئنماقا شهپر گتیردیم روح جاویدانه روحیم دلبره جانیم فدادی حقه جان قرباندی زینب محضر جاناندی زینب اگلشوب کشتی عشقیم بو دل دریاده زینب موج ائدور طوفاندا روحیم جان گلور فریاده زینب امر ائله الساعه اولسون خیمه لر آماده زینب بو دیار غم بش اون گون مسکن آل عبادی کشور سلطاندی زینب محضر جاناندی زینب باخ باجی نهر فراته داشلانور شور و شریلن چوللره ساری رواندی رحمه گلمز اصغریلن هی باخار حسرت رقیه علقمه چشم تریلن سسلر ای سو قطره سندن اصغره مشکل گشادی لبلری عطشاندی زینب محضر جاناندی زینب اولدی ذهنیمده مجسم هر نه درد و ابتلا وار علقمین دور و برینده آیری بیر حال و هوا وار پاره مشکیلن برابر یئرده بیر قانلی لوا وار عالم معناده گؤردوم ائللریم صاحب عزادی خیمه لر سوزاندی زینب محضر جاناندی زینب 🏴

روضه ترکی سیزلدا گورخماعلی حرمله یاتیبدی بالا شیکاری یوخ اولان اوخلارین آتیبدی بالا گلشن عاطفدن گل کیمین سولمییدیم کاش داغ اولیدیم داش اولیدیم ننه اولمییدیم کاش                ******* اینجیدسه سنی ناله سسیم آغلامارام گل اصغرجانی دای اللریوی باغلامارام گل آلابیلسم یارالیسینمه بیریولداسنی بله لای لای چالارام آغلادارام حرملنی              ******** #رضاابوالحسنی