‍ عرض ارادت به حضرت رقیه (س) حاج روح الله رمضانی ⚘⚘⚘⚘ سرود ترکی ⚘⚘⚘⚘ ایلیوب دهری جنان دخت شه هفت آسمان قویدی دنیایه قدم چون عمه صاحب زمان شهر یثرب دوندی طوره مولا حسینون خانه سی غرق اولدی نوره مایلم بس که سروره ساقی منی دعوت ایدور جام طهوره عالمه قویوب قوم عزیزه حسین دختر ملک خدم عزیزه حسین عالمی روشن ایلیوب شرف عالمین جان خانیم رقیه جان خانیم رقیه جان ⚘⚘⚘⚘⚘⚘⚘⚘⚘⚘⚘⚘⚘⚘⚘ مشعل کاشانه دی شمع حقه پروانه دی حشراولونجا اهل عالم شقینه دیوانه دی اهل عشقه دلربادی وردزباندی عالمه اول گویچک آدی افتخار نه سمادی بند دل شاه شهید کربلادی کعبه ی شرافتین خانیم حاجیسیدی اکبرین بو نازنین گوزل باجیسیدی فاطمیه بنذری وار آدینا جان فردا جان خانیم رقیه جان خانیم رقیه جان ⚘⚘⚘⚘⚘⚘⚘⚘⚘⚘⚘⚘⚘⚘⚘ سویگولودی اکبره نوربصردی حیدره گرد گامین ایلیر سرمه ملکلر گوزلره واردی چوخ چوخ احترامی جشن ولادتدی گزور اللرده جامی جنتیمدی شهر شامی میلادی خوشحال ایلیوبدی خاص وعامی باغلارین لالاسیدی بو نازنین بالا فاطمه بالاسیدی بو‌ نازنین بالا عشق ابوالفضلیدی بو اوچ یاشینداخانیم جان خانیم رقیه جان خانیم رقیه جان ⚘⚘⚘⚘⚘⚘⚘⚘⚘⚘⚘⚘⚘⚘⚘

‍ عرض ارادت به حضرت رقیه( س) استاد حاج روح الله رمضانی ⚘⚘⚘⚘ سرود ترکی ⚘⚘⚘⚘ ‌ گل آشدی گلشنون ای شاه خوبان گوزون آیدین حسین جان اولوبسان بوگجه شاد وخرامان گوزون آیدین حسین جان اورکده یوخ ملالون -خوش وخرمدی حالون گلوب عز و جلالون -بو قیزدی پروبالون ایدوب دارفنانی گل قدومیلن گلستان گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘ بوگون دللر دولی شوروشعفدی چراغان هرطرفدی بوگون خندان لب شاه نجفدی چراغان هرطرفدی بو گون اهل ولا ساغر بکفدی چراغان هرطرفدی ال آت جام بلوره - می ناب و طهوره یتوب نوبت سروره -مدینه دوندی طوره گلوب اوردا ظهوره چون بوگون انواریزدان گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘ گلوب دنیایه زهرای سه ساله گوزی بنذور غزاله یوزونده نور حقدن واردی حاله ویرار طعنه هلاله خانم زهرایه بو قیزدی سلاله باخون عزوجلاله عزیز دو جهاندی - چراغ کارواندی سه ساله قهرماندی -بیزه روح رواندی اولا جانیم اولا جانیم بیله مولوده قربان گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘ چاتار زینب قوجاقینده کماله بو زهرای سه ساله اولار محبوبه ذات ذوالجلاله یوزی آی گوز پیاله ایدر آدینه دل ملکین قباله چیخار تخت جلاله مثالی یوخ جهاندا-تمام انس وجاندا هر عصروهر زماندا -فراز آسماندا گله مثلی بودنیایه داخی یاران یوخ امکان گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘ اوزی زهرا سیر آدی رقیه تقیه هم زکیه سوزی در و گهر آدی رقیه تقیه هم زکیه بیزه نور بصر آدی رقیه تقیه هم زکیه خانیم زهرایه بنذر -مطهر دور مطهر گل باغ پیمبر - سرور قلب حیدر ایدوب زیبایوزی گویده مه تابانی حیران گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘ اولوبدی بوقیزین الگوسی زینب مودبدی مودب آدی دیلده قالار هرروز و هرشب مودبدی مودب دیر آدین ملک گویده مرتب مودبدی مودب مه برج وفادی -در بحر حیادی گل باغ ولادی - سفیر کربلادی ایدوب شامی گوزل قبری شرفده مثل رضوان گوزون آیدین گوزون آیدین گوزون آیدین حسین جان ⚘⚘⚘⚘⚘⚘⚘⚘⚘⚘⚘⚘⚘⚘⚘

‍ روضه حضرت علی اصغر(ع) اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم @Hazrate_Abalfazll

‍ روضه حضرت رقیه سلام الله علیها رقیه آدی کی معروف اولوبدی دیلرده هامی بولور او قیزی ئولدوروبلر الرده نه سریدور که سوزی باشلانور اورکلر اسور دین ویا ایشیدن فیض آپارماقا تلسور نقدری صفحه تاریخینه غبار النوب زمانه کهنلور اما رقیه تازه لنور ئولوبله عصریده مینلر رقیه آدلی بالا محالیدور بیرینون آدی دیلرده قالا نجه رقیه که ویرانسر وطندی اونا نجه رقیه قرا معجری کفندی اونا نجه رقیه نجه رخت عیشی سویموشدی زمانه دن نه گوروب اوچ یاشیندا دویموشدی نجه رقیه گورنده بیر آتیلا بیر بالانی دیردی عمه اونون وار نه یاخشی ال دوتانی (باخدی بابانین یارالی باشینا بابا جان) یوسف بازار عرفانسان خدادور مشترون واعض اسرار حق سن نوک نیزه منبرون ایندی کی دیداره گلدون کاش اولیدی الرون قول بویون باهم اولیدوخ بیر نچه ساعت بابا عشق سرگردانیم بو انتخابه قانعم ماه بختیم باتسادا دوتقون صحابه قانعم من طلانی نیلیرم بند طنابه قانعم چون گتیرمز سیم وزر انسانه شخصیت بابا بی کس قیزون خرابه ده نقاش اولیدی کاش اولمازدی حالی بیر بئله مضطر گوزل بابا بیرجه چکیدیم اکبریمون ماه صورتون دیواریده اولیدی مصور گوزل بابا هر کیم سوروشسا اکبری عکسین نشان ویرم منده دییم باخون بودی اکبر گوزل بابا روزه داران کیمی از بس که بابا آج سوسوزام اول آخشام باشیم اوسته مه تابان گزیرم تاپمشام ماهیمی العان قوی آچوم سفره میزی نچه مدتدی که افطاریمه مهمان گزیرم شرطی وار سفره نی بوش گورسن اگر کوسمویه سن رقییم خرابه لر مهمانیم رقییم اسیر کنج خانیم گیدیبدی قارداشیم الیمدن آی فلک منده اونون لایلاینون محتاجیم غمونده سینه داغلارام مظلوم بابا گجیله گوندوز آغلارام مظلوم بابا یوخومدا گوردوم آی بابا بو صحنه نی یارالاریوی باغلیام مظلوم بابا @Hazrate_Abalfazll

‍ مناجات ماه رمضان حاج حسین غفاری اردبیلی کسمه یارب الیمی گوشه دامانوندن بی نصیب ایتمه منی سفره احسانوندن باغلیوبدور گوزیمی پرده نامرئی نفس چیخمیشام دایره اقدس فرمانوندن یاجلیلی قاپوا عبد ذلیلوندی گلن گلمیشم قسمت آلام خرمن غفرانوندن اعتراف ایلیورم خبط وخطا ایلمیشم بند تکفیروی آچ بنده نادانوندن سن ئوزون ایله هدایت منی سرمنزلوه یوخسا آتش دو تارام آتش نیرانوندن باده وصلوی ئوز عاشقوه ایله حلال جام صبریم جالانوب سختی هجرانوندن ای کرم صاحبی اکراموه من مستحقم الی بوش قویما اولام معجزدرمانوندن کیمیا ایله مس قلبیمی زنگار دو توب نور توک سینمی روشن ایله قرآنوندن ماه غفرانیدی خاطیلره ماه رمضان رقعه عفوی دریغ ایلمه مهمانوندن میهمانه بویوربسان کی گرک حرمت اولا کسمه الطلافوی مهمان پویشانوندن عمروین قرخ ایلی اولدی سپری «غفاری» چکمه ال دامن رحمانی رحمانوندن بیرخانم فاطمه نون ویرمه الوندن اتگین بیرده غفلت ایلمه دیده گگریانوندن @Hazrate_Abalfazll

‍ مدح و میلادیه حضرت امام حسن مجتبی علیه السلام 🌹🌹🌹🌹🌹 حاج رضا محمدی ولایی سبک: آقامون دلبره گلدی شاه زمن - خسرو مؤتمن شه والا حسن - سید و سالار کرامت گل زهرا لقبی مجتبی - گل خیرالنساء سید مه لقاء - زاده حیدر نوهٔ حضرت طه باخ - بو گل سفرهٔ ماه رمضانه گور- نجه لطف ایلدی حق اهل جهانه (یا حسن یاحسین ۲- آدیوا قربان اولوم ای سبط پیمبر) 🌹🌹🌹🌹🌹🌹 یوزی بدر الدجا - چون رخ مصطفی یوخدی بیله آقا - قاشلار هلالی٬قدی رعنا٬گوزی شهلا مفخر مومنین - دومین شاه دین علیه جانشین - حسن و وجاهتده دین سید بطحا جان - یارانوبدی یوزی عینا مه کامل جان - کرم و جودیده حاتم بونا سائل (یا حسن یاحسین ۲- آدیوا قربان اولوم ای سبط پیمبر) کنز حق سینه سی - شرف آئینه سی دشمنین کینه سی - باعث اولوب قبری قالور گون قاباقیندا نه نمالی اطاق - نه ضریج نه رواق نه ده فرش و چراغ - زائری غمدن سارالیر گون قاباقیندا آخ - ندن الله بو آقام بیله غریبدی یوخ - یوخ دواسی ئوزی هر درده طبیبدی (یا حسن یاحسین ۲- آدیوا قربان اولوم ای سبط پیمبر) 🌹🌹🌹🌹🌹🌹 الله الله ندن - بو امیر عدن هر بقیعه گیدن - غصه و درد و محنیندن بیزه سویلر اوخلانوب پیکری - دین حق سروری هامی زائرلری - اوخلارا حائل بدنیندن بیزه سویلر ای - الله الله بیزه ده ایله عنایت تا - قسمت اولسون بیزه ده بلکه زیارت (یا حسن یاحسین ۲- آدیوا قربان اولوم ای سبط پیمبر) @Hazrate_Abalfazll

من زینبم که کوفه ده یاندوردولار منی بی عاطفه جماعت اوتاندوردولار منی بیر شهریده که گورمدی قدیمی همسایه لر کوچه به کوچه اوردا دولاندوردولار منی،

نوحه ی حضرت رقیه (س) زبانحال حضرت زینب(س) 🏴_________________🏴 وای اورگین غم بئولنیم رقیه رقیه قمچیلر آ لتدا ئولنیم رقیه رقیه 🏴_______________🏴 کوکب اقبالی سو ز ن رقیه رقیه اشگینی رخساره دوزن رقیه رقیه هرغمه دنیاده دُوز ن رقیه رقیه لا یلا ی آجیندان ئولنیم رقیه رقیه 🏴______________🏴 لایلای علی اکبریمین مارالی مارالی قبرده زهرا کیمی یات یارالی یارالی قاره لچک قاره کفن عزالی عزالی بزمِ نگاره گئد نیم رقیه رقیه 🏴_______________🏴 آچ گوزون ای گوزلریمون ضیاسی.ضیاسی گوزدن آنام فاطمه نون نماسی نماسی آهو باخیش گزلروون فداسی فداسی یور قون اولان جان وتنیم رقیه رقیه 🏴______________🏴 عمه لر ین درده سالان فرا قی فرا قی قبره گئدن جسمی ننم سیاقی سیاقی سُوندی سنیله ائویمین چراغی چراغی شمعِ شبِ انجمنیم رقیه رقیه 🏴______________🏴 قلبینی غملر آ لا نیم رقیه رقیه اصغره لایلای چالانیم رقیه رقیه گوز لر ی یولدا قالانیم رقیه رقیه سوز باشی اکبر دیینیم رقیه رقیه 🏴_______________🏴

زبانحال حضرت رقیه (سلام الله) در شهادت حضرت ابوالفضل (علیه السلام) نه سبب جمالیوه سیل تک آخوری سرشک ترون بابا عمومون باشیندا نه‌وار بئله چوخالوب غم و کدرون بابا بوگونی که گون ائلیوب طلوع سنه کربلانی ائدوبله تنگ توکولوب جوانلارون قانی ائلیوبدی تپراقی رنگ رنگ نفرات شامیله کوفه‌نی عجبا جری ائلیوب بو جنگ اولارون سانی چوخالور ولی آز اولور سنون نفرون بابا گئجه ترک ائدنده مدینه‌نی بوشالاندا ظلمله مسکنون نه جلالیمیز واریدی بیزیم نه جوانلارون واریدی سنون اورگیم اولاردی باخاندا شاد ائله با صفائیدی گلشنون سنی مبتلا بیزی دربدرائلیوبدی بو سفرون بابا اینانوبدی کوفه جماعتی نه خدا نه دین و نه مسلکه قوناق ئولدورنلر ائدوب بیزه بو دیاری صحنه مهلکه سو گتورسه صاحب پرچمون سو یولون کسن چتین اَل چکه قوشون اهلینون نظری بودور آرادان گئده اثرون بابا نگراندی بسکه خانم بی‌بیم منی گوندروبدی قباقیوه هدفیم دگول سنه ناز ائدم آلاسان و یا که قوجاقیوه دی گوروم عموم نه زمان گلورگتورور سو عورت اوشاقیوه بالا قیزلارون نظری بودور بویور اولسا هر خبرون بابا قوریوب دوداقلاریمیز یانور نجه که اوت اوسته یانار کباب دیریلیقدان اَل چکوب عترتون بوریوب اورکلری اضطراب اوزادوبدی خیمه‌ده قبلیه علی اصغرینی آنام رباب اوقدر سوسوز دوداقی اَموب یورولوبدی صودامرون بابا او زمانکه ایستدی آیریلا گئده کارزاره او بی‌بدیل قوریان دوداقیمی گوستروب دئمیشم اونا عمو الدّخیل دولی مشکیله گله عهد ائدوب اَنه تلّی سسلنه السّبیل هامودان قاباق منه سو وئره او جوان خوش نظرون بابا اَیاقین قویاندا اوزنگیه منی مطمئن ائلدی سوا باشیما یغوب بالا قیزلاری عمومی اوزوم ائلدیم دعا گهی خیمه‌گاهیده اگلشوب چیخورام گهی باخورام یولا من اوزوم نه تک تَلسورهامی گَله اول وفا سیرون بابا بو علم که شقّه‌سی سربسر بویانوبدی قانه کیمینکیدور نه قدر اوخا اونی اشقیا ائلیوب نشانه کیمینکیدور منه باخموسان اونا هی باخوب گلوسن فغانه کیمینکیدور عمومون لواسینه بنذیورسینوب اولما شاهپرون بابا اگر ئولسه صاحب پرچمون چاغیروم گله خانم عمّه‌می گورورم مناده یورولموسان اونا وئر بو بیرق ماتمی قوشونون قالوبدی مگر سنون کمک ایلیه آلا پرچمی سحری نهاره یتورمه‌میش بوشالوبدی دور و برون بابا بویانوبدی قانیله گل یوزون دوداقوندا وار قان علامتی عمومون مگر شهدا کیمی واریدی بدنده جراحتی یره یخسا کوفه‌لیلر اگر او همای اوج شهامتی سنه صبر مرحمت ایلسون اوزی حیّ دادگرون بابا سنی عمّه‌مین جانی بیر دانیش سارالوب نه علّته صورتون نیه باخموسان یوزومه منیم نیه یوخدی صحبته رغبتون بو گئدیش گلیشده نه گورموسن خم اولوبدی بیر بئله قامتون اَیاق اوسته دوز دورا بولموسن ائله بول سینوب کمرون بابا

زبانحال به حضرت ابوالفضل العباس (علیه السلام) سبک : یاران چه غریبانه … لایلای گوزمون نوری…. عباسیم علمداریم آچ گوزلریوی قارداش گوزلور سنی قیزلاریم آچ گوزلریوی قارداش هجرون دله بیر اوخدی دشمن بولوسن چوخدی سنسیز کومگیم یوخدی آچ گوزلریوی قارداش ای اسوه شخصیت وی شیر خدا خصلت بیر لحظه ائله همت آچ گوزلریوی قارداش ای بیشه حق شیری چوخ ائتمه سو تدبیری یاندیرما بو دلگیری آچ گوزلریوی قارداش گل رخت وفا سویما مندن بئله تز دویما قارداشیوی تک قویما آچ گوزلریوی قارداش دریای کرم یاتما سقای حرم یاتما دور یاتدی علم یاتما آچ گوزلریوی قارداش بو چول دولی عدواندی وحشتلی بیاباندی یاندی اورگیم یاندی آچ گوزلریوی قارداش دلده عطشون چوخدی صد حیف قولون یوخدی جسمون باشاباش اوخدی آچ گوزلریوی قارداش غیرتلی علمداریم ای محرم اسراریم هر لحظه فداکاریم آچ گوزلریوی قارداش ائتدون منی افسرده گلدی اورگیم درده قالدی علمون یرده آچ گوزلریوی قارداش آرامیمی آلمیش غم دور اول منیله همدم اخیامه گئداخ باهم آچ گوزلریوی قارداش مشگلدی غم هجران بیر دردیدی یوخ درمان سس وئر سسیمه بیر آن آچ گوزلریوی قارداش بو غم نئجه تاب آلماز یا درده دلی سالماز گئتدون قوشونوم قالماز آچ گوزلریوی قارداش وار قلبیده چوخ سوزلر اشگیله دولوب گوزلر زینب یولوی گوزلر آچ گوزلریوی قارداش وار هاردا عزاخانه گئت «عافی» صمیمانه ورد ایله یانا یانه آچ گوزلریوی قارداش شاعر : مرحوم عافی تبریزی

زبانحال حضرت امام حسین (علیه السلام) دربالین حضرت ابوالفضل (علیه السلام) سبک : یانورام من ….. دشمن گولوراویان  ابوالفضل اولدی اورگیم قان ابوالفضل آیرلیقدان امان ابوالفضل یانورام من ….. منیله دورگئداق خیامه قارداش قدیم دوندی کمانه سالدی عجب آیری  زمانه یانورام من ….. سنسن منه وفالی قارداش اولدون نیه آرالی قارداش ایاقه دور یارالی قارداش یانورام من .‌‌‌‌…. گوزلور یولون خرداجا قیزلار عورت اوشاق جمله سوسوزلار سولوب عطش دن آی اولدوزلار یانور‌ام من ….. یوخ گورورم قول لار بدنده نولدی گوزو ؤه اوخ  دینده چکدون نلر آتدان دوشنده یانوارام من ….. سپاه هیمه سرلشکر یدون غملی گونومده یاور یدون لب تشنه ساقی ساغر یدون یانورام من ….. دور ای منیم ماه و قمریم گوز آچ اخا سئندی کمریم یانور خیمده صود امریم یانورام من ….. شاعر : احمد تقوی

روضه حضرت رقیه(س) عمه جان هر قیز آنادان ارث آپارار رسمیدور بله سیلی و تازیانه ننمدن چاتوب منه (هم سیلی یمیشم هم تازیانه، اما بو بالا بیر ایش گوروب باخدی باخدی دیدی بابا ) نه اولار نیزه باشندا باشیوی اندیره سن بو رقیه بالاوی بیر یول ئوزون دیندیره سن باشیوون قانی آخوبدور قارشوب گوز یاشوا ایستیور نازلی رقیون ده دولانسون باشوا (زینب دییر وقتی که یارالی باشی گتدیلر ) آتا گلمیشدی قوناق محول عحب محویلیدی جمع شمع و گل و پروانه اودم کاملیدی بیر خرابه دولوسی بلبلودی بیر گلودی خردا بلبلر اوخوردی گله هجران سوزونی حیف تئز یومدی اونون خرداجا بلبل گوزونی گل ئوزی بلبلونون حالینه قان آغلاردی یر گوی اهلی اواحواله باخوب آغلاردی او قیزین قاره گوزون عمه لری باغلاردی او قیز ئولدی اله وضعه اولاری سالمشدی آتانین یاره لی باشی آرادا قالمشدی (اله دیردی عمه اگر من ئولسم منیم قبریمی کیم قازاجاخ نه آتام وار نه قارداشیم ، دییر یرده بیر جمله یازر) علی یادندا وار منه سن گوشواره آلموشدون قولاقیمه اولاری ئوز الینله سالمشدون اولاری دشمن آلاندا هایاندا قالمشدون باجون نشانه نی ویرمزدی قطع اولوب چاراسی قولاقیمون علی العاندا قان ویرور یاراسی حسین قیزون عشقینی هر لحظه چکردیم محکه ایستیوردی اسرانون هامی دردون او چکه عین زهرا گوزونه دوشموشودی قانلی لکه دیدی عمه او آغر ال بوبالا صورتیه گوی گل اکیب ایندی بولدوم ننمه سیلی دینده نه چکوب یالوارادم باشیوی تپراقا قویما بالا سن فکره سالدی ولی بیر گون منی بو درد محن قوری یردن گوتوروب باغرما باسدم اونی من آیری بیر منظره اولدی هامی بولمز دادنی تپراقون اوستونه گوردوم یازور اکبر آدینی دیدی غم کلکی یازام وسعتی العان پوزارام من دیرناقلاریمیلان سنه مقتل قازارام من اکبر آدینی قبریوین اوسته یازارام من (دیدی قیزیم چخ بیر دولان دیدی عمه جان) ایشقلی گون بختیم کیمی قرادی شانه غم زفلریمی دارادی گویلوم ایستیر چخوب گزیب دولانام ولی نیلیم ایاقلاریم یارادی بوداشلی یول کربلانین یولودی بویول هرگون هرایلن دولودی خرابه ده سایه دوشدی چینیمه اله بولدوم عموم ابوالفضلین قولودی @Hazrate_Abalfazll 🎼🎤

گلمیشم آقا رخصت آلماقا سائل اولموشام حاجت آلماقا کربلا فراقینده یانمیشام گلمیشم آقا دعوت آلماقا امیری حسین و نعم الامیر<۲> -------------------- رخت عشقیوی سویمارام آقا آیری بابه یوز قویمارام آقا روز و شب گوزل آدیوی سنین سسلسم ده من دویمارام آقا امیری حسین و نعم الامیر <۲> -------------------- تا نفسیم وار دیرم یا حسین جان سنه قربان ائدرم یا حسین آدیوی گورسم یازیلیب توپراقا مین یول او آدی ئوپرم یا حسین ای شهادتی حکم ایله ازل برج عشقیده ماه بی بدن سنن ایستیرم ای شهید حق جان وئرن زمان باشیم اوسته گل امیری حسین و نعم الامیر <۲> #گلمیشم_آقا_رخصت_آلماقا #حسینیه @Hazrate_Abalfazll

او گون کی عشقین آدین اورگشوب خطاب الدیم ئوزومی دهریده عشاقیدن حساب الدیم تمام عشق لری بیر به بیر مرور ائتدیم حسینون عشقینی عالمده انتخاب الدیم -------------------- توتوب بو قلبی شور و شین آنام منه دیوب فقط دئیم حسین به عشق بین الحرمین آنام منه دیوب فقط دئیم حسین آقام حسین آقام حسین آقام آقام شهید کربلا حسین -------------------- مست صفای کوثرم آقام حسیندی من او شاهه نوکرم آدین جهانه وئرمرم آقام حسیندی من او شاهه نوکرم آقام حسین آقام حسین آقام آقام شهید کربلا حسین #او_گون_کی_عشقین_آدین @Hazrate_Abalfazll 🎼🎤