👆👆

روضه حضرت زهرا(س) بسم الله الرحمن الرحیم چرا زیوسف زهرا خبر نمی آید؟ چرا غم شب مارا سحر نمی آید؟ عزیز فاطمه مهدی بیا به مجلس خود مگر به روضه مادر پسر نمی آید؟ سن گلمسون بو مجلسین اولماز دوزی دادی زهرا ننون گلر سوروشار اوغلوم هاردادی؟ آقا به جان مادرت، آن مادر غم پرورت مارا مرانی از درت، یابن الحسن یابن الحسن آقا هلالی قاشیوه، اوچ یوز اون اوچ یولداشیوه گلسون دولانوخ باشیوه، یابن الحسن یابن الحسن یابن الحسن یابن الحسن(۴) تار موی تو به دنیا ندهم یا زهرا خاک کویت به ثریا ندهم یا زهرا آن در سوخته را که در عرش خداست به در جنت العلی ندهم یا زهرا آن قنوتی که به یک دست ادایش کردی به نماز شب اسرا ندهم یا زهرا ای بنازم شرفی را که به هستی دادی به دو عالم شرفت را ندهم یا زهرا ای عالم اسلامین صبحونده صفا زهرا امدادایله اسلامه یافاطمه یا زهرا ای احمد مختارین دلبسته ودلخواهی گون عرش جلالونده بیر نقطه دی واللهی گون نقطه اولان یرده آیدان نه دیسین شاهی شاهی سنی وصف ایلر نه شیخ وشهنشاهی سنسیز نیه لازمدی شعر وشعرا زهرا سن صبح ولایت سن،سن عمر امامت سن سن روح کرامت سن،سن عین عبادت سن سن کوثر رحمت سن،سن جوهر عصمت سن سیلی سنه نئیلر سن،باشدان باشا غیرت سن قلبوندی سنون مکه،دردوندی منا زهرا فاطمه مشتاقی گرچه درد و سوز و داغ اولار فاطمه مشتاقینی آتسان اوتا اوت باغ اولار سن چراغ رهنماسن جانلارا یا فاطمه سنسیز انسان غرق اولار اعصیانلارا یا فاطمه سن منه بیر یول بویورسان ای گدای درگهیم تا عبد ناز ایلرم سلطانلارا یا فاطمه آی گویلره یردن چوخ آوازه سالان احسن سن آتشه امر ایتسون اول گلشن، اولار گلشن بسدور سنه بو منصب ای قلبی یانان غمدن سلطان شهیدانی سن تربیت ایتدون سن سن محشر کبراسن یا کرب وبلا، زهرا؟ اوجالدی شعله سرشک ملال توکدون سن حیات گلشنیوه بذر ماتم اکدون سن قاپی دالندا خانم بولمورم نه چکدون سن بونا امام زمان آشنادی یا زهرا (خانم یوزون دولاندردی زینبه) اوحالدا آچدی گوزون مادر قبیله عشق بویوردی زینبینه قوخما ای عقیله عشق غم ایتمه گر آناون غم سراسی واردی قیزیم سولوبدی یاسمنی بزم یاسی واردی قیزیم یازم بلیمیش اویمده سنا قابرقالارم الیوی سینمه ورما یاراسی واردی قیزیم دیمه بو شهریده یوخ بیر کسی غریب آنامین هله غریب آناوون مرتضاسی واردی قیزیم الیمی دوت دولانوم بیر عمواغلومون باشنا طواف کعبه عشقون صفاسی واردی قیزیم باش آچما باشیمون اوستونده ای فرشته غم سنون باش آچماقوون ماجراسی واردی قیزیم بو قدری آغلاما زینب توکمه گوز یاشیوی قاباخدا قارداشیوون کربلاسی واردی قیزیم (اما زینب یوزون دولاندردی ننه سی زهرایه ننه بولورم نه دیرسن) گوز آچ یاتما ننه آغلور حسینین آغلور حسینین غمونده سینه سین داغلور حسینین داغلور حسینین قاباخدا وار منه چوخ غملی گونلر چوخ غملی گونلر اوچولده سسلرم مظلوم حسینیم مظلوم حسینیم نجه طاقت گتیریم قمچیلره دوزه بولمم ننه جان قمچیلره قاپیوی یاندران اعدا بولورم وراجاخ اوت ننه جان خیمه لره زینب سنه قربان ننه قلبیم اولوبدی قان ننه لای لای ننه لای لای ننه 👇👇👇👇

🎤مداحی "کربلایی مرتضی بیابانی" ایام فاطمیه

مقدمه و روضه حضرت زهرا(س) من او زهرایم آز عمرومده جگر داغلامشام آقامون جنگیده دوخسان یاراسین باغلامشام یاراسین تئز تئز اوپوب سینه وروب آغلامشام معرفت واعظی منبرده دیر یازهرا عشق رزمنده سی سنگرده دیر یازهرا مرتضی جبهه خیبرده دیر یازهرا سر یحیی طبق زرده دیر یازهرا من دیرم دردیم وار سنده دئنن یازهرا سوزومون محوری زهرادی قلم ایله تلاش نجه زهرا اونا حوران بهشتی قره باش دیمه قارداشسیزیدی ورما دل حیدره داش هم اونا همسریدی شیر خدا هم قارداش فاطمه باغ نبوت گلودی نه گل یاس بو گلون عطرینه مین رایحه ایتمز احساس شأنیده فاطمه نی مریمیله ایتمه قیاص ایکی دنیایه دیر اوغلی علمدار عباس روز محشرده کی حق محکمه سی باشلاناجاخ اهل گمراهه اوگون چاره یولی باغلاناجاخ فاطمه گلمسه امت اوت ایچینده یاناجاخ مصطفانینده گوزی فاطمه نی آختاراجاخ یا حسین سسلینی الله اوتاندرمیاجاخ فاطمه امر ایلسه اوت بیزی یاندرمیاجاخ گله لعنت خانمن درگهینی یاندرانا ملکنی غصب الیوب غاصبه حدین دانانا ئوز ایوینده اونی مین درد و بلایه سالانا نجه انسان دیوم آیا اونا سیلی ورانا قویما دائم زینب باشه قرا معجر باغلاسون شعله آهیله قلب مجتبانی داغلاسون آغلاسا عالم اگر قویما حسینیم آغلاسون

ایام فاطمیه من او زهرایم آز عمرومده جگر داغلامشام بامداحی بهنام تخت مینا

زبانحال حضرت صغری (س) در مدینه دوشوب   عجب   قرا  گونه  بو   بخت  قاره  اکبریم وطن   غریبی   اولموشام   گل   ایله   چاره   اکبریم باتاندا    گون   مدینه ده  دومان   دوتاندا   داغلاری غروب  اولان   زمان   یانار   بو  ایولرون  چراغلاری خیاله  سالام  اوندا   من  کوچوب گیدن  اوشاقلاری نه   قالدی   بیر جوان   منه    نه  شیر خواره  اکبریم بوش  ایوده     زندگی  منه  اولوبدی   زهریدن آجی قرا   گوزون   فداسیم   آدوندی   باشیمون      تاجی تصوّر  ایت   مدینه یه   گر  ئولسه  بو  ناخوش باجی کیمیم    قالوبدی کیم    قویار   منی   مزاره   اکبریم خیاله   سال    بو    شهریده    غریب لیگیله     نیلیم سرشکیمی   توکوب   یوزه   گئجه نی  گوندوز  ایلیم اوگی لیگیم   قالوب    هله    بو    بختیدن    گلیلیم سالوبدی     درد    فرقتون    منی    فشاره    اکبریم تفکر     عالمینده   من   اولان    زماندا     فرصتیم کچن گونه   خیال   ایدوب   اورکده  آرتور  حسرتیم ننه م   ئولندن   اسگلوب   سنون    یانوندا   قیمتیم گوزه    گورنمین    اِیدَر    بو   درده   چاره     اکبریم طوی   ایلیینده     قاسمه   چاغور    قبیله   طایفانی منیده  دعوت    ایله  سن     سنی    رقیّنون   جانی چاغور ماسون دیلله  بس سنون  اوگی باجون  هانی ایدوب    بو    ماجرا    منی    اورگی    یاره    اکبریم فلک   آپاردی   شهریدن     اورگیمون    دایاقلارین بیر  نامه  چاتسا  جمع  قیل   قبیله نون  اوشاقلارین منیم که  چاتمیور   اَلیم   اوپ  اصغرون  دوداقلارین دل    آچسا    یاز   جوابیده    او    ماه   پاره   اکبریم یوخومدا  گوردیم   اصغری   ائمکلیور   گلور    سنه یواش یواش دیل اورگنوب شیرین  شیرین  دیور نَنه قوجاقیمه آلوب  دیدوم   دانیش  دانیش  قادون  منه صولان  یوزه    گولومسنوب  گوزل   ستاره   اکبریم چتین  اولور  غریب لگون سحر  چاغیندان  آخشامی غروب  اولان  زمان   دولور  ستمله   قلبیمون جامی تاری   بیلور  نه چکمیشم   وطنده  من  بو   بایرامی ئولیدی  چیخمییدی  کاش    باجون   بهاره   اکبریم ** محمد تقائی اردبیلی ✨اَللّهُمَّ عَجِّل لِوَلیِّکَ الفَرَج✨

تقدیم به ذاکرین گرانقدر آل الله... جلوهٔ عشق بود رتبت مداحی ما لطف مولا سند عزت مداحی ما ادب ومعرفت وپاکی واخلاص وصفا هست سرمایهٔ شخصیت مداحی ما چشم وگوش ودهن ازمعصیت ار حفظ کنیم هرگز از کف نرود فرصت مداحی ما مدح ارباب بلی ، مدح اجانب هرگز کز ریا حفظ شود ساحت مداحی ما با چه روئی به درِ فاطمه خواهیم استاد اگر امضا نشود رتبت مداحی ما تا توانی ز هوس دل کن و گمنام بمان کافت محض بود ، شهرت مداحی ما کند از نوحه‌ی ما حضرت صادق تقدیر اگر از صدق بود  خدمت مداحی ما صله ات میدهد ارباب تو خود میدانی برکت دارد از او ... دولت مداحی ما در قبال هنر معنوی ات ،،، چانه مزن بیش از اینهاست یقین قیمت مداحی ما بهتر آن است خود آسیب شناسی بکنیم تا به مکتب نخورد ضربت مداحی ما ما اگر فاطمه را جای خدا بشناسیم !!! این غلوّ  است نه از رفعت مداحی ما همدلی پیشه نما ، معرفت اندیشه نما تا دگرگون نشود  وحدت مداحی ما وصف صورت چو کنی مادح سیرت هم باش ظاهر اینگونه شود قدرت مداحی ما شور زیباست گر آمیخته باشد به شعور ور نه سودی ندهد کسوت مداحی ما گر «کلامی»ادب وفضل رعایت نکنیم شیعه را می شکند ، آفت مداحی ما اثر استاد کلامی زنجانی

هجوم به خانه وحی سبک :: یارالی جان یارالی... چیرپدیلار دین قاپی سین حضرت زهرا باشینا🔹 سالدیلار شال عزا زینب کبرا باشینا قاپینی آچماق اوچون قوم ستمگر چالیشیب اود ووروبلار قاپیا درگهِ زهرا آلیشیب حضرت فاطمه نین گوزیاشی قانه قاریشیب یغیشیب آل علی ام ابیها باشینا دست ظالم اوجالیب خانۀ مظلومی یخیب درو دیوار آراسیندا ائله زهرانی سیخیب نالۀ دخت نبی یئردن او دم عرشه چیخیب دولانیب ارض و سما حضرت عذرا باشینا حیدرین قوللارینی اهل ستم باغلادیلار حضرت فاطمه نین سینه سینی داغلادیلار آل حیدر اوجادان ناله چکوب آغلادیلار آز قالیب ناله یِئته گویده ثریا باشینا باب زهرایه گلیب ثانی ظالم دایانیب ائله بیر ظلم ائلییب قانینه زهرا بویانیب یوزونه سیلی ووروب صورت ریحانه یانیب کول اولا عالم امکانیده دنیا باشینا دنیادان حمزه گئدیب فاطمیه یوخدی کمک تک قالیب شیر خدا غصب اولونوب باغ فدک آغلایار بو غم اوچون دریادا حیطان و سمک آتش غم یئتیشیب قافیده عنقا باشینا گؤیریب فاطمه نین صورتی چون سیلی دییب ولی مسمار یاراسی قامتِ زهرانی اَییب قبض روح ائتمک ایچون قابض الارواح گلیب سالینیب شال عزا زینب صغرا باشینا یاندیریب فاطمه نی دهرده مسمار یاراسی یوخودی قارداشی گئتمیشدی جهاندان آتاسی ظلمیله اولدی شهید دنیادا محسن بالاسی سیل غم غصه گلیب حضرت حورا باشینا شیر حق قالمیشیدی دنیادا تنها و وحید یاندیریبلار قاپیسین ظلمیله مردان پلید ائتدیلر اهل نفاق حضرت زهرانی شهید آغری لار ، مرغ کیمین قوندولا مولا باشینا

باجیوی شامه علی گرچه بوزنجیرچکور _________________ ________________ ✔️زبانحال حضرت سکینه سلام الله علیها مرحوم حسین طوری تبریزی باجیوی شامه علی گرچه بو زنجیر آپارور جذبه ی عشق چکر، زلف گره گیر آپارور ** ایستدی قدرتینی گوستره خلّاق ازل ایلدی سلسله ی هاشمی خلقتده گوزل سنیدون جدّیوه بو سلسله ده مثل و بدل عشقیوه سلسله بندم منی تصویر آپارور ** مکتب غمده وفا درسینی مشق ایلمیشم لوح حسنونده باخوب خطیوه عشق ایلمیشم مشق تحصیله دوشوب عزم دمشق ایلمیشم خِطّه ی شامه منی اول خط تحریر آپارور ** عالم ذرّیده ارواحه یتن دمده خطاب روح لر اولدولا بی روح حسین ویردی جواب اولدی تقدیر مقدّر، یازیلوب امّ کتاب نیزه باشینده آتام باشین او تقدیر آپارور * سالدی عشق عالمی عالمده بلایه باشیوی گتدی عنوان بیله مصداق منایه باشیوی سربلند ایلماقا ووردی جدایه باشیوی حق باشون مجلس ناحقّه او تدبیر آپارور **** نیزه باشیندا او بیر باش که اَنَا الحق دانیشور حقّی اثبات ایلیوب حقّیده مطلق دانیشور فعل ماضینی مُضارعده محقّق دانیشور امر مجهولی کتاب اهلینه تفسیر آپارور **** کربلایه منی گتدون سن علی عزّتیله شوکت و جاه و جلال و خدم و خدمتیله ایمدی سرّی ندی بس سن باخوسان ذلّتیله قولی باغلی منی بو شمر خداگیر آپارور *** نرگس مستون عجب ایلدی مستانه منی ایتدی مجنون کیمی سرگشته و دیوانه منی گوز تیکوبدور یولوما گوزلوری ویرانه منی منی معمار قدر ایتماقا تعمیر آپارور ** بلبل عشقم علی ایمدی چمن سیزلمیشم گلیمه یتمور الیم، سرو و سمن سیزلمیشم اگ باشون نیزه دن آخِر علی سن سیزلمیشم گور بو بیر کلمه نه اندازه ده تقریر آپارور ** بو گوزون یاشی که طوری گوروسن شوردی بو سالما گوزدن اونی، اهل نظره نوردی بو یوزه جاری ایله، محشر گونی منظوردی بو نیکبخت اوردا اودور گوزیاشین اکسیر آپارور ** #راه_شام #اشعار_محرم #طوری _ ✔️ « روضة الاشعار » 🕌

وصیت حضرت زینب به حضرت سکینه وصیت حضرت زینب (س) به حضرت سکینه (س) گل جان ویرورم حالیمه باخ آغلا سکینه آچ معجریوی، گوزلریمی باغلا سکینه ای قارداشیمون نازلی بالاسی سنه قربان دوندر یوزومی قبله ی جانانه ویروم جان گرچه باخارام یولّارا چوخ چوخدی ملالیم زلفیم کیمی پوزقوندی پریشاندی خیالیم دنیا بویی نسگل اولی اهل دله حالیم آغلالّا، منی یاده سالوب شیون ایده لّه قبریمدن اوتور مصره گهی شامه گیده لّه بیجا دیمه اشکیم آخوری عارض زرده اُلسم من اگر چکمه بو درد و غمه پرده قارداشیم حسین هجری گتوردی منی درده سسلردیم اونی داده گله، گلمدی امّا بی مهر دگولدی منه، وار علّتی گویا عمّن ایلوری ایمدی سنه نچّه وصیّت ترک ایلسه دنیانی بو گون ایلسه رحلت گر یثربه گیتسن وطن اولسا سنه قسمت سویله آنامین قبرینه ای باشی بلالی زینب قیزون اُلدی اورگی غملی یارالی جسمیم یارالی، قلبی شکسته اُلورم من گل گوزلریمی باغلا قیزیم ایلمه شیون قوی من اُلوم، اوندانصورا شیون ایلسن سن گوزدن یوزیوه اشک تر حسرتی باغلا باغلا گوزومی، صوندا یانان سینوی داغلا گل سینمی حسرت اوخی چوخ دلدی سکینه غم یورقونی عمّن داخی دینجلدی سکینه قرآن اوخیون پیک اجل گلدی سکینه قرآن اوخیان اکبر و عبّاسیم اُلوبدی هم عون و هم جعفریله قاسم اُلوبدی بیرده بو وصیّتدی اگر اولماسا زحمت زحمتده قیزیم اولسا اگر قوی منه منّت بو پیرهنی قبریمه قوی گر اولا فرصت تا قبریده زهرایه ایدوم ردّ امانت بو کوینک اولار امّته اسباب شفاعت بو کوینک او کوینکدی که شاهنشه بطحا گیموشدی بونی اگنینه تا سویمیه اعدا بو کوینک او کوینکدی که ایتموشدوله یغما غارتدن آلوب ساخلاموشام مایه ی شیون قارداشیم حسینندی بونی چوخ سویرم من دلدن دوشوب ازبسکه دیوب دل او وفالی یاندی دلی اولدوقجا بی بی حالینه حالی نسگل شرریندن اورگی اولدی یارالی چوخ حسرتیله گوردی گوزی صاق صولی گوزلر گویا گوزی یولدا گلنی وار یولی گوزلر سویلوب نیه حسرت باخوسان صاق صولا عمّه آز قالدی گوگل کاسه سی قاندان دولا عمّه سن تک باخورام منده چوخ حسرت یولا عمّه فکر ایلیورم قوم و قلبیلم گله ای کاش گاهی دیورم هاردا قالوبسان علی قارداش گل گور نجه عمّن قالوب آواره وطندن ناخوشدی عیادت نظری وار علی سندن که سسلر آتامی گهی ایستر سنی مندن عمّم اُلوری لطفیوی شامل ایله قارداش گل آغلیاق احوالینه قارداش باجی قانیاش بو شام یرین عمّه گوروم بیر باغ اولیدی دورینده حصاری بو باغین بیر داغ اولیدی ایکاش ابوالفضل عموم ایمدی صاق اولیدی سن حسرتیله ترک جهان ایلمییدون یولّاره باخوب باغریمی قان ایلمییدون مرسومیدی اود یانسا اود اوسته قازان آغلار غربتده غریب اُلسه مزارین قازان آغلار غم دفترینه درد و ملالین یازان آغلار یاز سنده بو نسگللری قبریم داشی اوسته بولسونله اُلوبدی بو باجی قارداشی اوسته بیر قدر سکینیله دانیشدی او بلاکش دوندی قاپویه باخدی اولوب حالی مشوّش بیر آه چکوب سالدی دل عالمه آتش سولدوردی او آهی گل زهرانی ساراتدی یعنی چمن و گلشن طاهانی ساراتدی سسلندی گل ای حجّت حق شاه ولایت گل یاخشی گلوبسن قیزون ایلور بابا رحلت چوخ شکر اولا اللهه منه اولدی سعادت گلدون دیمه که ایلمدی زینبون اعزاز یوخ تاب و توانی سورونوب ایلیه پیشواز قربان او گلن یولّاران ای حجّت رحمان ای ناطق قرآن اوخی قرآن ویرورم جان تاپشور ملکُ الموته آلا جانیمی آسان سویله بدنی خسته دی ایذا و جفادن جسمینده نشان وار ستم کرب و بلادن زهرا بالاسیندان «حسنی» بیر صله ایسته هر شام و سحر بو صله نی گل دله ایسته نه تک بو ایله بلکه تماماً ایله ایسته یعنی اولاسان کرب و بلا دشتینه زوّار بو جمعیله هر ایل اولاسان اوردا عزادار حسین حسنی افشرد

‍ یا مهدی (عج) ( سبک : ای باد صبا …) ای سرور دین شاه مبین حجت سبحان گوزل آدوه قربان آخر نقدر شیعه قالور دیده سی گریان گوزل آدوه قربان اورکلر دولی قاندور یتیش داده اماندور آخر نقدر سایه نشین مهر درخشان گل ای خسرو خوبان آخر نقدر طول تاپار مدت هجران گل ای خسرو خوبان اورکلر دولی قاندور یتیش داده اماندور عفریت ستم سایه سالوب فرق جهانه گل ای شاه زمانه هر گوشه ده مظلوم گلور آه و فغانه گل ای شاه زمانه غم آتشی هر لحظه چکر دلده زبانه گل ای شاه زمانه اورکلر دولی قاندور یتیش داده اماندور شاه شهدا قانی آقا یرده قالوبدور بو غم صبری آلوبدور گوزیاشی توکن شیعه لر افسرده قالوبدور بو غم صبری آلوبدور عشاق حسین گل کیمی پژمرده قالوبدور بو غم صبری آلوبدور اورکلر دولی قاندور یتیش داده اماندور گوزلردن آنون فاطمه نون قبری نهاندور ایشی آه و فغاندور دورت قبره بقیعده او خانم اشک فشاندور ایشی آه و فغاندور اوغلانلارینون غملرینه گوز یاشی قاندور ایشی آه و فغاندور اورکلر دولی قاندور یتیش داده اماندور دلسیز بالانون یرده قالوبدور قانی شاها درنگ ایلمه مولا یاندی ستم حرمله دن عترت طاها درنگ ایلمه مولا تعیین ایلیوب قان آلاسان حق سنی تنها درنگ ایلمه مولا اورکلر دولی قاندور یتیش داده اماندور ** مرحوم حاج جلیل ناصر اردبیلی

با نوای آقای محمدعلی محمدی