🏴شهادت حضرت زهرا سلام الله علیها 🏴 ✍حاج علی پور علی ( جاهد ) آی قامتین غملر بوکن رخساره کوزدن قان توکن یاتما یارالی قبرده زهرای من زهرای من ز هرای من زهرای من آی باغبان آی باغبان سولدی سارالدی گلستان بولبولر اولدی باغریقان ایلور طرب زاغ و زغن زهرای من زهرای من(2) چیخمازعم اوغلون گولشنه باخماز چمنده سوسنه زینب دیینده وای ننه باغریم دولار آل قانیلن زهرای من زهرای من (2) ای مفخر حور و پری بیکس علینون یاوری دور بیر دانیشدورحیدری مظلوم اولوب خیبرشکن زهرای من زهرای من(2) آی قلبی قانیلن دولان لاله مثالی تئز سولان نعشی گئجیله دفن اولان آز عمرده چوخ غم گورن زهرای من زهرای من(2) گلمز بیانه غملرین هربیرغمه اولدون قرین رخسارده سیلی یرین ئوز همسریندن گیزلدن زهرای من زهرای #فاطمیه_۱۴۰۲ #شهادت_حضرت_زهرا_سلام_الله_علیها

🏴زبانحال حضرت امیرالمؤمنین علی علیه السلام کنار بسترحضرت زهرا علیها السلام🏴 🎶(من ایرانم و تو عراقی.....) گلِ یاسِ من،گُلِ طاها/نَرو زهرا، نَرو زهرا نزار حیدرُ، تک و تنها /نَرو زهرا، نَرو زهرا چشماتو وا بُکُن، بده به من جواب ای سکینه یِ، دلِ اَبوتُراب فاطمه بِری، میشم خونه خراب عزیزِ جونم از بابات بَرام، آخه نِشونی تو کاش میشد خانم، یه کَم بمونی تو یارِ خسته ام، هنوز جَوونی تو عزیزِ جونم علی ناله سین، گَل اوجاتما/بیله یاتما بیله یاتما منی فاطمه، گوزدن آتما/بیله یاتما بیله یاتما فاطمه یاتما، بو گون باتان زمان ای شهریده، علینی تک قویان آچ گوزلرون، عم اوغلووام اویان دوزَنمیرم من نچّه آیدی کی، غَم و نَوالیسان درد و غمدن، باشی بَلالیسان گیتمه زهرا، هَله یارالیسان دوزَنمیرم من علی ناله سین، گَل اوجاتما/بیله یاتما بیله یاتما منی فاطمه، گوزدن آتما/بیله یاتما بیله یاتما غُصّه و محنت، آلوب قراریمی سولدوروبلار، گُلِ بَهاریمی ثانی ووردی، ایویمده یاریمی کیمه دیوم من قلبیمی زهرا، بو غملی سوز دوتور اَبرِ محنت، یاغاندا گوز دوتور یاریم مندن، ایویمده اوز دوتور کیمه دیوم من علی ناله سین، گَل اوجاتما/بیله یاتما بیله یاتما منی فاطمه، گوزدن آتما/بیله یاتما بیله یاتما رَحم ایله زهرا، اَماندی (بیکَسم) سندن تـِزدی، عَلاقه می کَسَم زنده قالسام، سَنیله ئُولمه سَم چتیندی هجران هجرانوندان، دولار بالالارون باشدا زلفون، یولار بالالارون گیتسن زهرا، سولار بالالارون چتیندی هجران علی ناله سین، گَل اوجاتما/بیله یاتما بیله یاتما منی فاطمه، گوزدن آتما/بیله یاتما بیله یاتما #فاطمیه_۱۴۰۲ #شهادت_حضرت_زهرا_سلام_الله_علیها التماس دعای فرج الاحقر مهدی عبادی                           ✨اَللّهُمَّ عَجِّل لِوَلیِّکَ الفَرَج✨💫

مدح حضرت زهرا(س) -(اي دليلِ خلقت عالم خانم يافاطمه) ۱ ۳۹۰ اي دليلِ خلقت عالم خانم يافاطمه تاپدي سندن عزّتين آدم خانم يافاطمه ايلينده ربّ اعلا ييله سن رازونياز مُهریدي يئر صفحةعالم سنينچين جانماز يوزقويانداتپراقاتپراقاولارديسرفراز گُل لرايچره هانسي گُل اولدي سنين تك عمري آز چكميسن آز عمريدة چوخ غم خانم يا فاطمه آدمه سنسن آناامّ ابيهاشهرتين فاطمه يعني اوزاق اوتدان ايدَن اوزامّتين اولسا محشر گورسنر واردي نقدري شوكتين آدمي مسجودايدن اولدي سنين حيثيتين نورچشم حضرت خاتم خانم يا فاطمه اولماسيدي مرتضي اولمازدي بيرهمتاسنه هرگوزلليق واردي ويردي خلق يكتاسنه زُهره دن آرتيق ايشيقليق چاتدي يازهراسنه حيف اولا غمخانه اولدي عُمريده دنياسنه اي وليّ اعظمه همدم خانم يا فاطمه سيرتين چوخ چوخ گوزلدي صورتين پر نوردي سن مَلَك مسجوديسان خادم سنينچين حوردي چوخ كچيك خشتي ائوين واقع ده كوهِ طوردي درگهينده خدمته روح القدس ماموردي قلّة عشقه ويران پرچم خانم يا فاطمه وار يئري يا فاطمه عالم سيزه پا بوس اولا خلق ايديپ الله سيزي تا رحمتي ملموس اولا درگهيزده اولمادي بيركس گليپ مايوس اولا بيلمدياما عربلر قدريزي افسوس اولا عرض عجز ايلر سيزه حاتم خانم يا فاطمه چهارشنبه ۲۶ خرداد ۱۴۰۰ ساعت ۱۳:۲۱ نوشته شده توسط یوسف اکبریشاعر: سید ناصر ولائی زنجانی #شهادت_حضرت_زهرا_سلام_الله_علیها

زبان حال حضرت امیرالمؤمنین علی علیه  در قبرستان بقیع سبک اللهی ننمدن  اوزولدی الیم به قلم کربلایی صابرثمودی 🏴🏴.............🏴🏴 اللهی  سینم یاندی نار غمه ئولوب یاوریم باتمیشام ماتمه گئدوبدور نگاریم.....منیم  غمگساریم حزین آغلورام گئدوبدور قراریم.......او باغ و بهاریم سینه داغلورام 🏴🏴..........................🏴🏴 بو دهر ایچره چکدی نئلر مرتضی سرشکین عذاره اللر مرتضی گئجه لر بقیعه گلر مرتضی گوزم جامی یارب....دولوبدور لبالب حزین آغلورام ئورکده غم و تب..خدایا دل شب سینه داغلورام 🏴🏴........................🏴🏴 ادامه  اش به زودی التماس دعا دارم #فاطمیه_۱۴۰۲ #شهادت_حضرت_زهرا_سلام_الله_علیها

نوحه سینه زنی حضرت زهرا سلام الله علیها به قلم کربلایی صابر ثمودی 🏴🏴🏴 سبک#عالمی گوزدن آتانیم لای لای سبک#بلایه آغوش آچانیم لای لای باشیمون اوسته ایلمه افغان سنه علی جان فاطمه قربان ای نازلی نگاریم آغلاما علی جان ای دار و نداریم آغلاما علی جان 🏴🏴🏴 گوزون یاشین ایلمه جاری.ایسلاتدی اشکون غملی رخساری سن آغلیاندا اوتلانور قلبیم.صبر ایله مولا آغلاما باری ای نازلی نگاریم آغلاما علی جان ای دار و نداریم آغلاما علی جان 🏴🏴🏴 چاتوبدی عمریم باشه یا مولا.جهانی ایستور ترک ائده زهرا حضور یاره گئدورم افسوس.باشیمدا قاره سینه ده یارا ای نازلی نگاریم آغلاما علی جان ای دار و نداریم آغلاما علی جان 🏴🏴🏴 چتیندی یارَ چکه گر هجران.فراق ِ یارَ اولاجاق گریان تسلّی تاپسون اورگیم باشلا.باشیمین اوسته اوخی سن قرآن ای نازلی نگاریم آغلاما علی جان ای دار و نداریم آغلاما علی جان 🏴🏴🏴 آتام ئولنن چکدون اذّیت.قولووی باغلوب قید مشیّت بو سون نفسده ایلیور زهرا.سنه عم اوغلی نچّه وصیّت ای نازلی نگاریم آغلاما علی جان ای دار و نداریم آغلاما علی جان 🏴🏴🏴 گجه غسلون وئر گجه دفن ایله.بقیعده گیزلین منی دفن ایله منی اینجیدیب ثانی دنیاده.قبریمی باری اوردا اَمن ایله ای نازلی نگاریم آغلاما علی جان ای دار و نداریم آغلاما علی جان 🏴🏴🏴 عمواوغلی قویما گولریم سولسون.منیم غمیمده گوزلری دولسون باشیمین اوسته آغلیان وقته.مباد زینب زلفینی یولسون ای نازلی نگاریم آغلاما علی جان ای دار و نداریم آغلاما علی جان 🏴🏴🏴 واریمدی دورت گل منه دلبسته.مواظب اول ای شه خجسته حسین یاتاندا گجه لر مولا.سو جامی دولدور قوی باشی اوسته ای نازلی نگاریم آغلاما علی جان ای دار و نداریم آغلاما علی جان 🏴🏴🏴 سو آدی گلدی اولارام گریان.سو اوسته بیر گون قوپاجاق طوفان بلا چولونده اورگیم بندی.منای عشقه دوشه جاق عطشان ای نازلی نگاریم آغلاما علی جان ای دار و نداریم آغلاما علی جان 🏴🏴🏴 این نوحه سینه زنی به سفارش کربلایی حسین اسماعیلی النجق سروده شد 1400/9/23 ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۲ #شهادت_حضرت_زهرا_سلام_الله_علیها

چادری که رو سر خواهرامونه هدیه فاطمه به مادرامونه خانومیه همه دخترامونه هدیه فاطمه به مادرامونه

زبانحال حضرت امام زمان (عج) در غم حضرت زهرا (س) . مرحوم محمد حسین جنتی مقام ( صحاف تبریزی ) . ای دفنی گجه زمانی گیزلین ایام وفاتی قبری ایتگین . یانّام آنا اود جهانه سالّام بیر گون گلر انتقامین آلّام . . . مین ایلدی آنا غمونده یانّام رنگ غم و محنته بویانّام گوز یاشلی بو چوللری دولانّام یانّام آنا اود جهانه سالّام بیر گون گلر انتقامین آلّام . . حسرتله باخوب بو ذوالفقاره گوز یاشیم آخار آنا عذاره بو دردی آپارمارام مزاره یانّام آنا اود جهانه سالّام بیر گون گلر انتقامین آلّام . . گر اذن ظهوره ویرسه خالق گَلَّم هامی مشکلاته فائق قویمام قالا زنده بیر منافق یانّام آنا اود جهانه سالّام بیر گون گلر انتقامین آلّام . . جدّیم آنا ایلینده رحلت تاپشوردی سنی او گون امانت امت سنه یاخشی قویدی حرمت یانّام آنا اود جهانه سالّام بیر گون گلر انتقامین آلّام . . یاددان آنا هئچ چخارتمارام من یاندوردی قاپون اوگون که دشمن ئولدوردوله ئولمدون اوزون سن یانّام آنا اود جهانه سالّام بیر گون گلر انتقامین آلّام . . گر شرح ایله سَم بو ماجرانی فریاده گتورَّم انبیانی ئولدوردی سنی یخاندا ثانی یانّام آنا اود جهانه سالّام بیر گون گلر انتقامین آلّام . . بیر حامله غم کشیده عورت اوچ یوز نفر اشقیای امت بیردن توکوله نولار او ساعت یانّام آنا اود جهانه سالّام بیر گون گلر انتقامین آلّام #امام_زمان_عجل_الله #فاطمیه_۱۴۰۲ #شهادت_حضرت_زهرا_سلام_الله_علیها

#درد_دل زبانحال باشیم اوسته گل روزگاریدن دویموشام داخی جانه یا علی گل منی حلال ائیله آز قالیر جان وئره م غریبانه یا علی گل اوتور بیر آز صحبت ائیلییاق داغلاما دل داغداریوی دمبدم چکیب اه آغلاما پوزما ای عزیزیم وقاریوی گرچه سالدیلار فتنه شیخ لر تیره ائتدیلر روزگاریوی یاورم سنه غم یئمه اگر امت اولدی بیگانه یا علی صبر ائله بو درد و مصیبته آغلاما بئله پوزما حالیوی قلبیمین باشی اود دوتور یانیر یاد ائدنده دیلده ملالیوی سن جهان عشقه امیرسن آرتیرا گوروم حق جلالیوی قویما غم ایاق دان سالا سنی صبر ائله بو هجرانه یا علی داغلی قلبیده چوخدی نیسگلیم وار بو صون نفس شرحینه نیاز حقیوی دانانلار بو درگهه گلماقین داخی بیلمیرم مجاز وئر اوزون منه غسل نیمه شب صبر ائیله اوزون قیل منه نماز قبریمی نهان ساخلا خلقیدن ای حکیم و فرزانه یا علی دورت بالام منه چوخ عزیزدور ساخلا جان کیمی روزگاریده گوللریم اگر سولسا غصه دن آه وداده گللم مزاریده قویما فتنه لر ائلسین خزان باغ صبریوی نوبهاریده سعی ائله ائوین با صفا اولا گلمه اه و افغانه یا علی بو صفالی ائودن مزاریمه من شکسته خاطر مسافرم ائیله باشیم اوسته حسینیمی صون نفسده حاضر مسافرم یاندی شمع جانیم مصیبته اولدی عومروم آخر مسافرم گتدی غصه لر بو غریبه نی بو آز عمریده جانه یا علی قاخمیری قولوم باغریما باسیم صون نفسده من نور عینمی جلوه ائیلیور کربلا چولی هر زمان گورنده حسینمی داد او وقتدن قتلگاهیده سالام عالمه شور و شینمی ائیلیوم زیارت دویونجا بیر باتمامیش هله قانه یا علی #محمد_هوشمند #مدهوش #حضرت_زهرا

ساقیا بیرجام وئر اولسون عنایت دن دولی دل یانیر خوشدور اولا پیمانه شربت دن دولی بیر نئچه مدت دی کی هجران اودیلا یانمیشام آهیم اوج ائیلور سمایه سینه محنت دن دولی اولسا گر ممکن یازام اوز بختیمه بیر نامه من گوزیاشیلا یوللارام اما شکایت دن دولی یاریمیله وار ازلدن عهد و پیمانیم منیم اولموشام دیدارینه مشتاق همت دن دولی یاریمین واردور آدیندا بیر مقدس جذبه سی گوزلری افسون ائدیر خلقی ملاحت دن دولی هر نه حکم ائتسه منه اجراسی واجب دور بلی اولسا گر اجراسی حتی رنج و زحمت دن دولی اربعینه آزقالیر یارب اوزون قیل بیر نظر گویلوم اولموش بیر نئچه گوندور که حسرت دن دولی بو بلانی قورتار الله جانه گلدوخ رحم ائله ائیله دنیانی خدا سِلم و سلامت دن دولی روسیاهم بی پناهم رحم قیل شرمنده یم نامه اعمالیم اولموش جرم و غفلت دن دولی هر کیم اولسام ، هر نه اولسامدا حسینه عاشقم آند اولا عشقه اولوب عشقیم صداقتدن دولی تشنه یم آب فراته بیر نولار دعوت گله چرپنیر قوش تک اورک عشق و محبت دن دولی بیر نولار اولسام پیاده کربلانین زاییری هر طرف اولسون گوروم سیل جماعت دن دولی کربلا جنت دی عشاقه بونی عالم بیلور گورمه سم یانام اولار قلبیم جراحت دن دولی دفتر عشق و صفادور کربلانین یوللاری کلمه کلمه، جمله جمله، پند و حکمت دن دولی مسجد کوفه دوشور یاده واریدیق بیر گونی گون قبافینده، اورک، شوق عبادت دن دولی مسجد حنانه ده، قیلسام جماعتله نماز نامه اعمالیمی ائیلر شفاعت دن دولی کربلا گر قسمتیم اولسا سورونم شوقیدن عاشقانه آغلارام گوزلر رضایت دن دولی حضرت عباس صحنین ده گر آلسام دستماز مشکی ساللام یاده که اولدی خجالت دن دولی ببرده گورسم آلتی گوشه قبره مهمان اولموشام سجده شکر ائیلرم شور ولایت دن دولی الله الله سن حسینین خاطری احسان ائله بیر ده اولسون کربلا شور قیامت دن دولی کربلا بازارینه دوشسه یولوم نذر ائتمیشم ائیلییم سوغاتیمی مهریله تربت دن دولی بیر نولار یولدا قابار چالسا ایاقیم اینجسه شامی سالام یادیمه اولام حکایت دن دولی بیلمیرم بو داغی قلبیمده نئجه پنهان ائدیم اولموشام مدهوش جان، جانیم حلاوتدن دولی # مدهوش #هوشمند

◼ایام فاطمیه◼ سبک:حسینه یرلرآغلارگویلر آغلار... گینه باشلاندی زهرانون عزاسی قورولدی عالمه ماتم بناسی گینه عالملری دولدوردی ناله دولوبدور یر گویه محنت هواسی چکیلدی عرش و فرشه قاره یکسر غمیله دولدی عالملر فضاسی ایله بیر ظلم اولوب دُختِ رسوله گلونجه محشره اولماز دواسی ووروبدور ثانی اود بیعت آلاندا یانوبدور ظلمیله باب رجاسی ووراندا ظلمیله زهرانی قنفذ سولوبدور غنچه باغ ولاسی بالاسی سقط اولوب پهلوسی سیندی دئینده فضه گل یاندیم صداسی گینه یاسه باتوب بو غمده شیعه دئیر واحسرتا شاه و گداسی دئیر جنتده پیغمبر بالام وای وورار باشه گوزی یاشلی آناسی گینه زینب دئیر ایوای آنام وای علینون اوج ائدر عرشه نواسی حسن آغلار یانار ، زینب سیزلدار دئینده وای آنام کلثوم بالاسی سالار باشه قرا زینب قان آغلار دوشنده یادینه مسمار یاراسی حسین نوحه دئیر عرش ایچره آغلار خدای ذوالجلالون انبیاسی امام عصری بو غصه قوجالدار اگر شرح اولسا کوچه ماجراسی نَه اولموشیدی یول اوسته یازما"شیدا" قالا گیزلینده قوی ثانی جفاسی بو قدری سن فقط ایله اشاره پوزولموشدی او رخسارین نماسی کربلایی محمدرضا صادقی _شیدا

🏴زبانحال حضرت علی بعدازدفن زهرا🏴 ✍شاعر : علی عبدی روضه سوزناک گوزوم یاشی اولوب زمزم آخور رخساره من نیلوم اولوب سلب اختیار اَلدن یوخوم بیرچاره من نیلوم قوتارسا گوزده گوزیاشیم سنه قان آغلارام زهرا سرشکیم آخماسون سن تک وفالی یاره من نیلوم اگر امکانی اولسیدی آئوومده آغلامازدیم من گوزوم زهرا دوشن وقته در و مسماره من نیلوم غبار غم سالوب سایه قرانلیق بیت الاَحزانه در و دیواریمه آتش چکوبدور قاره من نیلوم قیزین خُلق وخویون ئووده آنا یاخچی بیلر زهرا قویاندا زینب نالان یوزون دیواره من نیلوم قرانلیق منزلین زینب ائدیبدور مجلس روضه گلنده دورت گلون نی تک او ئووده زاره من نیلوم اِئلیکی اوخشویار زینب اولار محنتلریم تازه اَلو تک غملریم دلده اِئدر فواره من نیلوم سارالموش گللرین هرگون ویرار بو قلبیمه یاره نظاره ایتمیوم زهرا صولان گلزاره من نیلوم وئرنده غسلوی گوردوم قوَرمیش بازوانین من او گوندن واردی قلبیمده بیوک بیر یاره من نیلوم منیم خوش گونلریم سنلن یتوشدی عمری پایانه فراق یاریدن اولموم نجه آواره من نیلوم گرک سندن صورا منده ئولیدیم ئولمدیم اما بو درده حیف اولا یوخ بیر اَلیمده چاره من نیلوم مزارین هر گئجه یاری زیارت اِیلرم گیزلین عیان تا اولماسون قبرین سنون اشراره من نیلوم یواشجا آغلارام آللام دویونجاق قبرین آغوشه دولاننام قبریوین اوسته گئجه آواره من نیلوم رضای حق اولوب باعث کوسم من ذوالفقاریمدن واِلّا شهری سرتا سر چکردیم ناره من نیلوم بیلورسن قدرتیم واردی آلام قانین عدولردن ولی وا قویدوم اوللاری حق داداره من نیلوم بوگوندن چوللرین چاهی منه یولداش اولارچونکه وئرر تسکین و آرامش غم بسیاره من نیلوم گوزوم یاشیله دولدورّام مداوم چوللرین چاهین دوباره تازه جان وئررم قورو چاهلاره من نیلوم چکردیم بیرگونی دولچا اَلیمده چاهیلردن سو گوزومله سو وئرم تا بو زمان اوللاره من نیلوم

مقدمه و روضه حضرت زهرا(س) من او زهرایم آز عمرومده جگر داغلامشام آقامون جنگیده دوخسان یاراسین باغلامشام یاراسین تئز تئز اوپوب سینه وروب آغلامشام معرفت واعظی منبرده دیر یازهرا عشق رزمنده سی سنگرده دیر یازهرا مرتضی جبهه خیبرده دیر یازهرا سر یحیی طبق زرده دیر یازهرا من دیرم دردیم وار سنده دئنن یازهرا سوزومون محوری زهرادی قلم ایله تلاش نجه زهرا اونا حوران بهشتی قره باش دیمه قارداشسیزیدی ورما دل حیدره داش هم اونا همسریدی شیر خدا هم قارداش فاطمه باغ نبوت گلودی نه گل یاس بو گلون عطرینه مین رایحه ایتمز احساس شأنیده فاطمه نی مریمیله ایتمه قیاص ایکی دنیایه دیر اوغلی علمدار عباس روز محشرده کی حق محکمه سی باشلاناجاخ اهل گمراهه اوگون چاره یولی باغلاناجاخ فاطمه گلمسه امت اوت ایچینده یاناجاخ مصطفانینده گوزی فاطمه نی آختاراجاخ یا حسین سسلینی الله اوتاندرمیاجاخ فاطمه امر ایلسه اوت بیزی یاندرمیاجاخ گله لعنت خانمن درگهینی یاندرانا ملکنی غصب الیوب غاصبه حدین دانانا ئوز ایوینده اونی مین درد و بلایه سالانا نجه انسان دیوم آیا اونا سیلی ورانا قویما دائم زینب باشه قرا معجر باغلاسون شعله آهیله قلب مجتبانی داغلاسون آغلاسا عالم اگر قویما حسینیم آغلاسون #فاطمیه_۱۴۰۲ #شهادت_حضرت_زهرا_سلام_الله_علیها

❁﷽❁ #زمزمه_ترکی #شهادت_حضرت_زهراعلیهاسلام #سروده_رقیه_سعیدی_کیمیا ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ زبانحال امیرالمومنین علیه السلام با حضرت زهرا سلام الله علیها:👇 _____________________ ای محرم اسرار من / ای غم گؤنی غمخوار من ای یارالی دلدار من / ای یارالی دلدار من گِئتمَه دولانوم باشیوه / قوربان اولوم گؤز یاشیوه ای قد کمان بیمار من / ای یارالی دلدار من داغوندا قلبیم قان اولدی / یاندی اِئویم ویران اولدی سن سیز صُولوب گلزار من / ای یارالی دلدار من باغ و بهاریم زهـــرا / دار و نداریم زهرا ای ماهِ شامِ تارِ من /ای یارالی دلدار من باخامّورام دیواره / قانه باتان مسـماره پر پر اولان یار من / ای یارالی دلدارمن ______________________ زبانحال حضرت زینب علیها سلام با حضرت زهرا سلام الله علیها:👇 آج گؤزلرون یاتما ننه / گؤزدن بیزی آتما ننه منی قان آغلاتما ننه / لای لای ننه لای لای ننه پر پر اولان یاســمن / سنــه یاراشمــیر کفـن آی مِثلی سن باتما ننه/لای لای ننه لای لای ننه سیلی دیوب آیینه وه /قوربان یارالی سینه وه دنیانی تئز ساتما ننه / لای لای ننه لای لای ننه زینبی درده سالما / ائویندن آیری قالما غمی غمه چاتما ننه / لای لای ننه لای لای ننه تئزدی منه یاس ساخلاماق/ باشه قَرانی باغلاماق زینبی اوخشاتما ننه / لای لای ننه لای لای ننه ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۹/۱۱

#درد_دل زبانحال باشیم اوسته گل روزگاریدن دویموشام داخی جانه یا علی گل منی حلال ائیله آز قالیر جان وئره م غریبانه یا علی گل اوتور بیر آز صحبت ائیلییاق داغلاما دل داغداریوی دمبدم چکیب اه آغلاما پوزما ای عزیزیم وقاریوی گرچه سالدیلار فتنه شیخ لر تیره ائتدیلر روزگاریوی یاورم سنه غم یئمه اگر امت اولدی بیگانه یا علی صبر ائله بو درد و مصیبته آغلاما بئله پوزما حالیوی قلبیمین باشی اود دوتور یانیر یاد ائدنده دیلده ملالیوی سن جهان عشقه امیرسن آرتیرا گوروم حق جلالیوی قویما غم ایاق دان سالا سنی صبر ائله بو هجرانه یا علی داغلی قلبیده چوخدی نیسگلیم وار بو صون نفس شرحینه نیاز حقیوی دانانلار بو درگهه گلماقین داخی بیلمیرم مجاز وئر اوزون منه غسل نیمه شب صبر ائیله اوزون قیل منه نماز قبریمی نهان ساخلا خلقیدن ای حکیم و فرزانه یا علی دورت بالام منه چوخ عزیزدور ساخلا جان کیمی روزگاریده گوللریم اگر سولسا غصه دن آه وداده گللم مزاریده قویما فتنه لر ائلسین خزان باغ صبریوی نوبهاریده سعی ائله ائوین با صفا اولا گلمه اه و افغانه یا علی بو صفالی ائودن مزاریمه من شکسته خاطر مسافرم ائیله باشیم اوسته حسینیمی صون نفسده حاضر مسافرم یاندی شمع جانیم مصیبته اولدی عومروم آخر مسافرم گتدی غصه لر بو غریبه نی بو آز عمریده جانه یا علی قاخمیری قولوم باغریما باسیم صون نفسده من نور عینمی جلوه ائیلیور کربلا چولی هر زمان گورنده حسینمی داد او وقتدن قتلگاهیده سالام عالمه شور و شینمی ائیلیوم زیارت دویونجا بیر باتمامیش هله قانه یا علی ✨اَللّهُمَّ عَجِّل لِوَلیِّکَ ا

#درد_دل☝️☝️ زبانحال حضرت زهرا سلام الله علیها باشیم اوسته گل روزگاریدن دویموشام داخی جانه یا علی با نوای استاد محمدی عزیز التماس دعا 😭😭😭

🏴شهادت حضرت زهرا سلام الله علیها ✍حاج علی پور علی ( #جاهد ) آی قامتین غملر بوکن رخساره گوزدن قان توکن یاتما یارالی قبرده زهرای من زهرای من زهرای من زهرای من آی باغبان آی باغبان سولدی سارالدی گلستان بولبولر اولدی باغریقان ایلور طرب زاغ و زغن زهرای من زهرای من(2) چیخمازعم اوغلون گولشنه باخماز چمنده سوسنه زینب دیینده وای ننه باغریم دولار آل قانیلن زهرای من زهرای من (2) ای مفخر حور و پری بیکس علینون یاوری دور بیر دانیشدورحیدری مظلوم اولوب خیبرشکن زهرای من زهرای من(2) آی قلبی قانیلن دولان لاله مثالی تئز سولان نعشی گئجیله دفن اولان آز عمرده چوخ غم گورن زهرای من زهرای من(2) گلمز بیانه غملرین هربیرغمه اولدون قرین رخسارده سیلی یرین ئوز همسریندن گیزلدن زهرای من زهرای من _______________

🎼سبک نوحه فوق👆 🎤#بانوای_حاج_علی_سیفی_افشار

درجلالت جضرت فاطمه علیها سلام اصغر فرشچی( عـدلی تبریزی) با نوای مداح با صفای هیئت های سید الشهدا و عجم کوچه باغ (صبح جمعه) تبریز. آقای یگانه هانسی دیلده گر اولا مهر و ولای فاطمه روزمحشرده اولارتحت لوای فاطمه دست قدرت وادی ایمن یازوبدی درگهین عاشقانه کعـبۀ دل دورسرای فاطمه حق ویروب گورنه جلالت خادمیدورجبرئیل حوریانه توتیادی خـاک پای فاطمه نطق گویا سیله آچدی شاهراهی امته مثل قرآن دلنشین دور خطبه های فاطمه منطقی ارشاد خلق حق باطلدن جدا دشمنی ایلوبدی رسـوا ادّعـای فاطمه اورگدوب درس حجابی بانوان عالمه مکتب قرآن دور دانشسرای فاطـمه هم سورۀ کوثر که نازلدی خدای حیّ دن ایلیوب اول سوره ده حمد وثنای فاطمه بار ها فرمایش ایتدی اول حبیب لم یزل میوۀ قلبیمدی زهرا جان فدای فاطمه بیر بیله عزّ و جلالت صاحبی مظلومه دور قلبیدن گیتمز هله درد و بلای فاطمه اونداکی ثانی ویروب درگاه وحیه اودیانوب قان توکولموش یراولوب کربوبلای فاطمه قامتی غمدن خمیده اولدی هرآن آغلادی قورتولا کسدی شجر دشمن بکای فاطمه قدرینی بولموبله لیل قدرتک افسوس اُمم اولدی پنهان جلوۀ احمد نمای فاطمه اجرومزد احمد مرسلدی حُبّ عترتی پس رضای حق سبحاندور رضای فاطمه روز محشر که اولار عزّ و جلالی آشکار غـملی اولماز شیعۀ غـم آشنای فاطمه واردی طومارشفاعت اوندا چون روز مَهیل اهل جنّت دوراوگونده اولیای فاطمه اولیانی دشمن ایچره بیر به بیرایلر جدا شامل احبابیدی لطف وعطای فاطمه خادم درگاهنون وار دور مقام شامخی خوش اوکیمسه حالینه اولدی گدای فاطمه ✨اَللّهُمَّ عَجِّل لِوَلیِّکَ الفَرَج✨

#ایام_فاطمیه_روضه ناله های حضرت امیرالمومنین (ع) در مزار بانوی کرام (سلام الله علیها) . سبک_ای_باد_صبا … ✍اصغر الماسی اهری . ای قبریده دیل خسته یاتان فاطمه لایلای آی مثلی چیخیب غملی باتان فاطمه لایلای قویدون منی تنها بو جهاندا نجه گتدون ائتدون عجله سرو روانیم گجه گتدون بیلمم کی نه اولدی سنه آخر قوجا گتدون تئز مقصدومنظوره چاتنان فاطمه لایلای . سنله اوگچن گونلره حیف اولسون عزیزیم گل تک سارالان پیکره حیف اولسون عزیزیم گویینک توخییان اللره حیف اولسون عزیزیم گل صورتی غمله سارالان فاطمه لایلای . نیسگیل بودی درمان سنه دنیاده یوخیدی گوردوم گویریبدی بدنون یاره چوخیدی سینونده کی یاره ائله بیل جای اوخیدی بین درو دیوار ، قالان فاطمه لایلای . سن دوقوز ایلی زندگیده عالی گوروندون آز گولدی یوزون آتش محنتله بوروندون سیلی اثریندن یوزی اوستونده سوروندون خون دیلینی اشکه قاتان فاطمه لایلای . الله منیم آمال و گواهیم گئدور الدن دنیاده اولان پشت و پناهیم گئدور الدن اَلدن دوتانیم یار وسپاهیم گئدور الدن قویدوم منی آواره اویان فاطمه لایلای . زینب غم هجرونده همیشه ملر آغلار زهرا،حسن اول کوچه دن هرگون گلر آغلار مسمار دری فاطمه جان کیم گورر آغلار دوقوز ایلی مندن اوتانان فاطمه لایلای . فاطمیه_۱۴۰۲ شهادت_حضرت_زهرا_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ __

سبک ای باد صبا

زبانحال حضرت زینب در شهادت حضرت رقیه علیهما السلام . ✍️ #زبدةالاشعار ✍️ . #سبک_ای_باد_صبا … 7 سبک 📣 مرحوم استاد #سلیم_موذن زاده . حاج اصغر احمدیان خسروشاهی . ای بادصبا کرب وبلایه گذر ایله اوردایارالی تشنه حسینه خبرایله . . عرض ایله اولوب زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره . . سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل صورتی غمدن ساری گل تک سارالوبدی . . رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشۀ ویراده سنسیز سن تک قوری یرده ئولوری غسل وکفن سیز . . قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون . . فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن . . القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی . . دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی . . هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده . . بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی . . اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون . . عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم . . دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون . . سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی . . بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان . . اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من . . عرض ایلدی بیر نسگله یانام بودی مطلب بوشیونه باعثدی رقیه م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم . . آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان . . وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من . . بونسگللی دوشدی یادیماناله م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون . . ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن . . #حضرت_رقیه_شهادت #احمدیان_خسروشاهی #ای_باد_صبا_کرب_و_بلایه_گذر_ایله @Hazrate_Abalfazll

آی گوزل جوانیم طاقتیم توانیم نازلی مهربانیم بیلمدیم عمرون گولی سولارمیش جوان ئولومی چتین اولارمیش بیگانه آغلادی 😭😭😭 ائل ماتم ساخلادی هجرون دل داغلادی دنیادن آخر جوان گئدوبسن گوز یاشیمی سن القان ائدوبسن جانه اود سالوبسان نه تئز آیریلوبسان هاردا بس قالوبسان نه تئز عمریوون چراغی سوندی طویون آی بالا عزایه دوندی دست اجل نئودوب جسمون قبره گئدوب فلک جفا ائدوب سن طوی گورمه میش قبره گئدوبسن منی هجرونده نالان ائدوبسن مختص دختر جوان 😭😭😭 دئدیم طوی ائدرسن مراده یتر سن حجلیه گئدرسن نه طویون گوردوم نه شیرنون ایشدیم خلعت یرینه کفنون بیشدیم