‍ السلام علیک یا فاطمه الزهرا ای دوشن مشکله گل حضرت زهرانی چاغیر اوائمه آناسی ام ابیهانی چاغیر مشکلون اولسا آچار اون بیر امامین آناسی دردوی صدقیله دی دختر طاها نی چاغیر ایام شهادت بی بی دو عالم خانم فاطمه زهرادی التماس دعا خانمین آخرین لحظه لرین ده مولا علی مسجده مشغول نماز یدی گوردی قاپیدا بالالار سسلندی گل هارداسان ای شاه ولایت ننه ام اولدی۲ قرآنی اوزون ایله تلاوت ننم اولدی هیچ بیزه باخ میرگوزلرین آچمیر ننه ام جواندی ای بابا اولوم یاراشمیر علی بو سسی ایشید نده مولانین دیزلی اسدی ایلشدی یره اوقهرمان علی گلیر ایوه اوآز مسافتده نیچه دفعه ایلشدی یره دوردی ایاقا یاپشیب بالا لارین الیندن وارد اولدی دودمان ولایته اولین مرحله کی منزیلینه گلدی علی گوردی خاموش اولوب پرتو نور ازلی علی وارد اولدی ایلشدی یره َ الْعِمَامَةَ عَنْ رَأْسِهِ، عمامه علی عمامنی گوتردی، وَ إِذَا بِهَا مُلْقَاةٌ عَلَى فِرَاشِهَا . زهرا داخل بستر،گوزدری باقلی علی اوچ دفعه سس لدی وَ نَادَاهَا یَا زَهْرَاءُ فَلَمْ تُكَلِّمْهُ، یا زهرا سس گلمدی ، فَنَادَاهَا یَا بِنْتَ مُحَمَّدٍ الْمُصْطَفَى فَلَمْ تُكَلِّمْهُ بار سوم،بیرجمله دئدی : یَا فَاطِمَةُ كَلِّمِینِی فَأَنَا ابْنُ عَمِّكَ عَلِیُّ، من علیم مظلوم علی زهرانین باشین آلدی دیز اوسته زهراجان اوقهرمان علی اوچ دفعه سسلندی یابنت رسول الله یا فاطمه الزهرازهراعم اوغلوام گوزون آچ زهرا آدامسیزم زهرا کمکیم یوخدی اوقهرمان علی گور نجه مظلوم اولوب بالا لار بیر طرفده آغلا شیرزهراروبه قبله نقدر سسلدی سس گلمدی دلدارینن قالدی آواره غم آلتیندا اوطاقت کانی گوردی سرمایه عمرون ویروب الدن حیدر یوخدی بو فاجعنین حشره کیمین جبرانی علی هر نقدر سسلدی گوردی زهرا گوزینن آچما دی هردن بیر باخبر گوروب زینب آغلیر حسنین آغلیر هردن گورور حسن حسین اوبالاجابالالار اللرین قویوب اورینون باشینا ناردانه بالالار آغلاشیلار بولحظه ده علی یوزون دولاندیردی گوی عالمینه دیدی یا الله گل طاهانی دوباره منه ور المامندن اونی زهرانی دوباره منه ور الله بیلوسن دای کمیم یوخدی الله بیلوسن دای زهرادن سورا بیرکسم یوخدی التماس دعا انشااله بوگجه ناله وو گووش علینن ناله سینع بیرقطره گوزون یاشین نثارایله زهرانن روحینه علی زهرانین باشین الیب دیزی اوسته بیرتوکین زهرا بیلوسن مین عالمه ورمرم یاروه قربان اولوم دیندیر دانشدیر حیدرم زهرا عموغلوام کمک سیزم زهرا ادام سیزم زهرا اوجادنن یا زهرا علی گوردی گنه زهرا گوزدرین اچمادی بعله مظلومان باخدی (یَا فَاطِمَةُ كَلِّمِینِی فَأَنَا ابْنُ عَمِّكَ عَلِیُّ،ابن‌ابی‌طالب من علیم مظلوم علی ) زهرامنی دانشدیر عم اوغلون علیم زهراراضی اولما بالارون یتیم قالا راضی اولما حسنینم گل کیمن سولا ناگهان کونه تکان وردی علی زمزمه سی اتی عجاز اومسیحانی دیریلدن نفسی داغلی دلدن اوجالیب عرش مواسا ت سسی یاالله کاینات ایلدی تکرارعلین سوزونی مستجاب اولدی دعا فاطمه اجدی گوزونی یا الله زهرا بیر گوزلرین اچدی علی گورن منظرنی گوردی خانم گوردی علی اغلیر بالا لارآغلیر اولین سوزی بو اولدی عم اوغلی( اخرجه من کانه فعل بعد ) عم اوغلی حامینی اودن خارج اله اولیرم یارالی یا زهرا اخرین روضه م اولا اگر بوراجان رویون یامیب علینن مظلومیتنه بوردا بیرروین دولانسن التماس دعا بیادمدینه بیاد قبرستان بقیع خانم بیر باخدی عم اوغلی بالالری خارج اله علی باخدی اخ حسن حسین بالا بیر گیدون پیغبرن قبرنه ننه اوز دعا ایلیون بالالار گلدی پیغبرن قبرنه اخیه اول بیر دستماز الدلار ۲رکعت نماز قلدیلاراو بالاجا الرن گوزادلر گو عالمینه یاشیل عماملرین الدیلار اللرینه ایله دعا ایلدیلر الله بابام کمیه یوخدی الله اتام علینین کمیه یوخدی ننه ام زهرای شفاءوریارالی یازهرا ا ا ا الله الله گل طاهانی دوباره منه ورالما منن اونی زهرانی دوباره منه ور التماس دعا #اَللّهُمَّ صَلِّ عَلی فاطِمَة وَ اَبیها وَ بَعْلِها وَ بَنیها وَ سِرِّ الْمُسْتَوْدَعِ فیها @Hazrate_Abalfazll

دعای اخر .مجلس با زبان تركی بارالها نظر رحمتی بیزدن کسمه باشمزدان توکولن نعمتی بیزدن کسمه بار الها بیزی تیر غمه آماج ائلمه عشق سائللرینی هئچ کسه محتاج ائلمه ای خدا مهدی زهرایه بیزی یار ایله بو عزاداری حسینی قبرینه زوّار ایله ای خدا سینه زن عاشقلری بیمار ائلمه هئچ زمان شیعه نی نامرده گرفتار ائلمه ای خدا قفل غضب وُرما عنایت درینه ثبت ائله آدیمیزی فاطمه نین دفترینه دلده کی حاجتی حضّاری روا ایله خدا هر کیمین دردی اگر واردی دوا ایله خدا بارالها گئجه لر محرم راز ایله بیزی آچ عبادت قاپوسین اهل نماز ایله بیزی ای خدا حالیمیزی حالت عرفانی ائله نور قرآن یله بو دللری نورانی ائله نا امید ایلمه یارب سنی زهرای بتول چک قلم معصیته توبه میزی ایله قبول جان چخان وقته خدایا بیزه امداد ایله قبرین اول گجه سی روحمیزی شادایله بیزدن اوز حجتوی راضی ایله یا الله آرادا خانم فاطمنی قاضی ایله یا الله یتیم ایمانیمیزی اهل ولا پایسینه بیزی محشر گونی جمع ایله آقام حسین سایه سینه ای خدا حالیمیزه مرحمتون شامل ایله دانش دینه بیزه عالم ایله عامل ایله 🤲🤲🤲🤲🤲🤲🤲 (التماس دعا) ✨اَللّهُمَّ عَجِّل لِوَلیِّکَ الفَرَج✨💫 @Hazrate_Abalfazll

احوالات حضرت زهرا سلام الله علیها گَل اتاقی بیر خلوت ایلیاق تنگه گَلدی سینم عم اوغلی جان آغلیاق حسینیله زینبه بیر دویونجا باهم عم اوغلی جان دوقّوز ایلدی بو ایوده لطفیوین سایه سینده من دالدالانموشام جان دیوب سنه جان ایشیتمیشم سن یانان مصیبتده یانموشام هر گئجه حسینیم سو ایستیوب فضّه دن قاباق من اویانموشام یوز گوزین اوپوب استراحتین ایتمیشم فراهم عم اوغلی جان خاطر شریفون بو سوزلرین خاطرینه ناراحت اولماسون زینبین اوزوم زلفینی یودوم فضّیه دیدوم زحمت اولماسون اوز وظیفمه ایتموشم عمل خدمتیم سنه منّت اولماسون بو دله گَلن سوزلریمده وار آیری سرّ مبهم عم اوغلی جان نه بو ایوده کی خدمته گوره جان ویرن زمان اجرت ایستورم نه حسین نه کلثوم و زینبیه ویردیقیم سوده قیمت ایستورم بو سینمده کی قان اولان سودین خاطرینه حلّیّت ایستورم سن منی حلال ایله تا ایدوم جان نثارِ مقدم عم اوغلی جان دردمند اوشاقلاریمی چاغور شرح درد هجران ایدوم گیدوم صبری تاپشوروم غم چکنلره درد اَلیله درمان ایدوم گیدوم ویر حسینیمی بیرده سینمه، جان حسینه قربان ایدوم گیدوم واضح اولسون آخِر وداعیده ابتدای ماتم عم اوغلی جان گون باتاندا سعی ایله بو ایوه ظلمت دجی سایه سالماسون آخشام اولجاقین بو یتیملر خاطرین غبار غم آلماسون سن اوزون چراغ یاندور هر گئجه زینبیم قرانلوقدا قالماسون زینب اوخشاسا منده آغلارام قبر ایچینده هردم عم اوغلی جان قلبی تیز سنار لحظه الفتین بیر نفر کسنده حسینیلن قویما سنده بیر لحظه آیریلا قارداشی حسنده حسینیلن بیر زمان هله آیری گَزمیون مجتباده، سنده حسینیلن سن یتیملر دادخواهی سن ای پناه عالم عم اوغلی جان دست چشم بند قضائیلن سن که یانمالیدون فراقیمه کاش او گون اُلِیدیم که ووردولار یاره قلب پر اشتیاقیمه آستانه ده دفن ایدوب منی محسنی ویرِیدون قوجاقیمه قبر اولیدی دلسیز شهیدیمه بو یارالی سینم عم اوغلی جان یاندی ظلم ثانیدن ای عجب آستانه ی وحی لم یزل باغلادی سنون قولّارون فلک، دشمنون منه قویمادی محل قائد شریعت عیالینه اوز ایوینده آخِر آچیلدی اَل بوسه گاه جِبریله ووردولار پشت پای محکم عم اوغلی جان دفن و کفنیمون قیل تدارکین نصف شبده ویر غسلیمی اوزون کوینگیم چخارتما یارالیم فاش اولونماسون سرّی بو سوزین آی اگر ایشیق سالسا سینمه نالوی بلند ایتمه، یوم گوزوم بیرده بیر گیچن حادثاتی سن ایلمه مجسّم عم اوغلی جان مرحوم استادمنزوی @Hazrate_Abalfazll

🌹 #نجہ‌زهــــــرا_س 🏴 ____ زهرا نجه زهرادی یتوب حدّ کماله وصفی اولا گُنجیده چتین ظرف مقاله زهرا نجه زهرا که حیا چرخینه زهره پیغمبره ریحانه، ادب باغینه لاله زهرا نجه زهرا که اگر ائتسه قوناقلیق عیسانی قویار مریم ئوزی صف نعاله ایستر بُیوده شانینی بیر آزدا کیچیلدر انسان قلمی مدحینه گر یازسا مقاله چون فاطمه معصومه‌دی مرضیه حمیده مکتبده مُدرّسدی ئوزی عترت و آله عصمت ائله بیر رتبه‌دی گلمز رقم اوسته تدوین اولا یوزلر بئله دیوان و رساله مدحینده نظر ایله کسا آدلی حدیثه تعریف ایلیوب عَزّوَجَل جَلّ جلاله بلبل کیمی گول بسلدی ئوز شهپری آلتدا قوشدی ایکی جیران قیز ایکی نازلی ماراله آیا دویولنده قاپی گلدی قاپی آچسون؟ یا اینکه اونی همسری گوندردی قتاله؟ گر جنگ ائلموردی اونا هاردان یارا دگدی بین در و دیواریده ائتدی نیه ناله نادان عربون ریشه سین الله اوتا چکسین کیمدور اولا منطقلی جوابی بو سواله #مرحوم‌استادمنزوی‌اردبیلے @Hazrate_Abalfazll

#زبانحال_حضرت_علی_ع ـــــــــــــــــــــــــــــــــــــــــــــــ قاپومی ایلیوم تعویض اونون دیوارینی نیلوم بنادن یا ائدیم ویران نهان اسرارینی نیلوم قاپی قالسون همین حالدا اونون مسمارینی نیلوم مورخ یازماز ال دگسه قالان آثاره زهرا جان وطن زندان اولوب سنسیز اورگیم غصه دن دولدی نه بیر عرض تسلایه نه ترحیمه گلن اولدی دیوم نولدی گوزوم دولدی یل اسدی گللریم سولدی اسر یل باغبان آغلار سولان گلزاره زهرا جان دئدیم غسلون وئرن وقته من اسمای دل افکاره ایکی گوشواره سین ساخلا نشانه زینب زاره کناره زلفوی وردیم نه گوردوم تکدی گشواره دئدیم وای کوچه ده قالدی سنق گشواره زهرا جان #مرحوم_استاد_رحیم_منزوی_اردبیلی @Hazrate_Abalfazll

ذکر و تقویم روز و سلام صبحگاهی ارباب ــــــــــــــــــــــــــــــــــــ #ذکر_روز سه شنبه: يا ارحمَ الرّاحمين (100مرتبه) ــــــــــــــــــــــــــــــــــــ #‌‌سه‌شنبه »»»»»»»»» ۱۴۰۲/۹/۲۱ 🙏سلام صبحگاهی ارباب بی کفن... 💓💓💓💓💓 به رسم هر روز صبح با سلام بر ارباب بی کفن روز مون رو شروع کنیم... 🌺🍃🌸🍃🌺 اَلسَّلامُ عَلَيْكَ يا اَبا عَبْدِاللهِ ، وَعَلَى الاَْرْواحِ الَّتي حَلَّتْ بِفِنائِكَ ، عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ ، وَلا جَعَلَهُ اللهُ آخِرَ الْعَهْدِ مِنّي لِزِيارَتِكُم ، ❤️ اَلسَّلامُ عَلَى الْحُسَيْنِ 💚وَعَلى عَلِيِّ بْنِ الْحُسَيْنِ 💛وَعَـلـى اَوْلادِ الْحُسَيْنِ 💙وَعَلى اصحاب الحسین

کوی جاناندا گزن جانانلارا اولسون سلام کر بلا دشتینده کی قوربانلارا اولسون سلام قانیله امضا اولان پیمانلارا اولسون سلام حقی تصدیق ائیلین وجدانلارا اولسون سلام عشقی تفسیر ائیلیین انسانلارا اولسون سلام کربلاده نهرعلقمده دوشن بازولره داش تیکان اوستونده غارتده قاچان آهولره قتلگهده قانیله رنگین اولان گیسولره کوی حقده مقصد عشقه چاتانلاره سلام یارالی توپراقلار اوستونده یاتانلاره سلام هم حسینه هم حسینین یاور و انصارینه حقیله و باطل آراسیندا اولان معیارینه هم صفای عشقینه هم پرده لی اسرارینه نهر علقمده یاتان قولسوز علمداره سلام نصفی یانمیش خیمه ده یورقون اوشاقلاره سلام

نوحه زبانحال امیرالمومنین علی (ع) به حضرت زهرا (س) -(آی یارالی زهرا جان) ۴ ۶۵۳ آی یارالی زهرا جان غموندن اولمــــوشام خونجگر سوکوبـدی سیـــنوی میخ در دور ایلمــــه منــــی دربــدر آی یارالی زهرا جان پهلولـــــرین اولــوبدی یاره یانام باخـاندا مــــن مسـماره گور اولمـــوشام نجـه آواره یارالی وفالی۲ آی یارالی زهرا جان سس ویر منــه گوزل نگاریم چـــوخ آغلیـــولّه بــالالاریم سن اولمـوسان نیدر قیزلاریم آی یارالی زهرا جان زینب ســــالوبدی باشه قاره آغلار باخــــار در و دیواره حسن الینـــده وار گوشواره یارالی وفالی۲ آی یارالی زهرا جان نه سیــــز ایو چراغی یانماز حسین بیــله غمــــه دایانماز آناسیز اولمـــاقون اینــانماز آی یارالی زهرا جان محکوم اولوبدی حیدر صبره گوزلریـــم اوخشیـــوللر ابره قویوم نـــه نوعی جسمون قبره یارالی وفالی۲ آی یارالی زهرا جان بوش یریوخ باخوب آغلارام سینمی غمــلریویلن داغلارام اولونجه یاسیـــوی ساخلارام آی یارالی زهرا جان اوخشور یـــوزون هلالِ شبه دوزنمورم بونوعی تاب و تبه چتیندی گیتماقون بالام زینبه یارالی وفالی۲ آی یارالی زهرا جان تیز باتما ای ایشیقلی ماهیم ای فخریم عزتیم و جاهیم عرشه گیـــدر شرار آهیم آی یارالی زهرا جان عدو سینمــه قویدی داغون دوتور حسن حسین سراغون زینبی اولـــــدورر فــراغون یارالی وفالی۲ پنج شنبه ۲۴ تیر ۱۴۰۰ ساعت ۱۳:۴۶ ✍نوشته شده توسط یوسف اکبری شاعر احمد پوریا #فاطمیه_۱۴۰۲ #شهادت_حضرت_زهرا_سلام_الله_علیها

🏴زبانحال حضرت علی(علیه السلام)🏴 🎶در آهنگ:منم باید برم..... هزاره اودلانار،خزان ویراندا گلشنی منیمده باغیمه،خزان یتوب پوزوب منی بیر عمردور بو غم،اورکده درد اولوب منه گوزوم باخا باخا،ائویمده دویدوله سنی یافاطمه اویان_یافاطمه اویان اویان قباله نین منه،دئمدین هیچ بلا سوزون دوشنده صحبتی،بو حسن اولدورور اوزون نه گلدی باشیوه،ائوه گلنده کوچه دن سویله سبب ندور،گیزلدیسن مندن ئوزون یافاطمه اویان،یافاطمه اویان اویان او گوندن هیچ دینوب،نه دانیشوب گولر حسن همیشه قلبینی،محنتیله بلر حسن گئجه گونوز بونون،ذکری اولوب ننه ننه بو نوع اگر گیده،بو غصه دن اولر حسن یافاطمه اویان_یافاطمه اویان اویان گچن گئجه دولوب،بزم وفا قورانمادین قنوتی دوتماقا،الیوی قالخیزانمادین گلنده من ائوه،دوراردین هی ایاقیمه ولی گچن گئجه،ایاقیمه دورانمادین یافاطمه اویان،یافاطمه اویان اویان جهاندا کیم دیله،خدنگ درد و غم تاخار کیمین منیم کیمی،عذاره گوز یاشی آخار دوزنمورم داخی،بو جور بی نهایته کیمین عیالینی،عدو دویه دوروب باخار یافاطمه اویان_یافاطمه اویان اویان ✍دلگیر #فاطمیه_۱۴۰۲ #شهادت_حضرت_زهرا_سلام_الله_علیها

(بسم رب الفاطمه) زمزمه_ترکی 🏴شهادت_حضرت_زهراعلیهاسلام زبانحال_امیرالمومنین_علیهالسلام🏴 🎶سبک:می گذرد کاروان.... ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ گؤزلرون آچ فاطمه !  اِیله حلال ، حیدری ســن منـی ترک اِیلمه ، ای گل نیــــلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤپ نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـــه (۲) ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۹/۱۷ #فاطمیه_۱۴۰۲     ✨اَللّهُمَّ عَجِّل لِوَلیِّکَ الفَرَج✨

🏴زبانحال حضرت زینب(س) در فراق حضرت فاطمه(س) سسلندی حَزین زینب نالان ننم ئولدی اوخشاردی کی،مَظلومه یِ دوران ننم ئولدی غمگین گئجه گوندوزلری گریان ننم ئولدی غملَن بوکولن قدی پریشان ننم ئولدی گویا یوخوموش دردینه درمان ننم ئولدی آغلور گوزی یاشلی بالالار، غَملی زماندی بولمور هَله کلثوم،سینوی لَخته ی قاندی بوندان بئله عترت باغینا فصل خزاندی حیدر ائوی شیوندی بو گون داد و فغان دی غملَر ائله میش قلبینی سوزان ننم ئولدی وئردی سنی ثانی اَلی سینمیش شَرر اولدی قارداشیم حسن هیچ دئمه میشدی نلر اولدی؟ دین گوهری اول کوچه ده سیندی هدر اولدی ای شهر نبی سنده کسوف ِ دِگر اولدی ای باغ نبیده گل ریحان ننم ئولدی ظلم اولدی علی حقّینه چوخ آغلادی زهرا پنهاندا او مِسمار یاراسین باغلادی زهرا چوخ آغلادی دونیانی بوتون داغلادی زهرا ئوز سرینی مولایه گوره ساخلادی زهرا حقینده گلن آیه ی ،قرآن ننم ئولدی همواره حمایت ائله دی حق علیدَن اینجیتمه دی، هم اینجیمه دی نور جَلیدَن اَل ئوزومه دی،بیر لحظه صراطِ ازلیدن گیزلَتدی ننم یاره سینی دیدِ علیدن ای حقّ ِ علینی اِئدن اعلان ننم ئولدی بیلسَیدیم آنا پشتِ درهَ من دایانِیدیم ای کاش عوضیندن ننه قانه بویانِیدم بین درودیواریده من اودتدا یانِیدیم سینمازدی قابیرقان، باشیوا مَن دولانِیدم قالدیم آناسیز،غمکش دوران ننم ئولدی ✍شاعرلاادر #فاطمیه_۱۴۰۲ #شهادت_حضرت_زهرا_سلام_الله_علیها

نوحه حضرا زهرا (س) در سبک منزل به منزل ⬛️ فاطمه ظلمیله قانه باتدی بی کمک حیدری گوزدن آتدی گوزلریمندن آخان اشکی آلله فاطمه محنتی قانه قاتدی داغ زهراده نالانم آلله بو مصیبتده گریانم آلله ⬛️ گللرین اوسته شبنم اوتوردی باشیمه گرد ماتم اوتوردی گئتدی زهرا الیمدن خدایا قلبیمه محنت و غم اوتوردی داغ زهراده نالانم آلله بو مصیبتده گریانم آلله ⬛️ رحم ائله دورت بالام دربدردی قلبیدن من کیمین خونجگردی زینبیم درده توش اولدی یارب گوزلریندن آخان اشک تردی داغ زهراده نالانم آلله بو مصیبتده گریانم آلله ⬛️ زینبینیم باشا قاره باغلار هم حسین و حسن سینه داغلار قالمیشام منده آواره ایندی فاطمه گللری باهم آغلور داغ زهراده نالانم آلله بو مصیبتده گریانم آلله ⬛️ فاطمه حیدری درده سالدی درد هجرانی سینمده قالدی بو مصیبتده یانَام الهی سینه‌می محنت و ماتم آلدی داغ زهراده نالانم آلله بو مصیبتده گریانم آلله ⬛️ قلبیمی تیر غم بولدی آلله فاطمه چوخ جوان ئولدی آلله فاطمه جسمی تابوت ایچینده زینبیم ساچلارین یولدی آلله داغ زهراده نالانم آلله بو مصیبتده گریانم آلله ⬛️ باصفا دلبریم گئتدی الدن پُربها گوهریم گئتدی الدن شهر یثربده چوخ بیکسم من باوفا همسریم گئتدی الدن داغ زهراده نالانم آلله بو مصیبتده گریانم آلله ⬛️ دردیمون یوخ دواسی الهی قلبیمون یوخ قواسی الهی آغلادار حشره‌جک مرتضانی فاطمه ماجراسی الهی داغ زهراده نالانم آلله بو مصیبتده گریانم آلله التماس دعا #فاطمیه_۱۴۰۲ #شهادت_حضرت_زهرا_سلام_الله_علیها

‍ زبانحال حضرت عبدالله پسر حضرت ابالفضل ع با مادرش ام بنین (س)  سبک نوحه: عجب رسمیه  رسم زمونه 🔸🔹🔸🔹🔸🔹🔸🔹🔸🔹🔸🔹 مهربان آنام        هاردادی بابام گله بوینونا         قولومی سالام روحه ریحانیم_درده درمانیم_کاش گله دردین _جانیمه آلام هارداسان بابا4 🔶🔶🔶🔶🔶🔶🔶🔶🔶🔶🔶🔶 آخشام چاقیندا     گوزلریم دولار قلبیم اوتلانار       لخته قان اولار بیر باخ آی ننه_ائت چاره منه_گلزار گوزیم_ سارالوب سولار هارداسان بابا4 🔷🔷🔷🔷🔷🔷🔷🔷🔷🔷🔷🔷 پاره مشکی وئر        منه ننه جان باسیم باغریما          اولوم پریشان عمه ام نن آلدیم_چیگنیمه سالدیم_دوغرانمیش مشگی_ایلدیم افغان هارداسان بابا4 🔶🔶🔶🔶🔶🔶🔶🔶🔶🔶🔶🔶 کوچه ده هرکیم         گورنده منی یان یانا باخار             آرتار محنی باهم آغلوللار_سینه داغلوللار_دئللر بو گولون_ یوخدور چمنی هارداسان بابا4 🔷🔷🔷🔷🔷🔷🔷🔷🔷🔷🔷🔷 جواب حضرت ام بنین (س) قربانون اولوم            عمرومون گلی شهید اوغلوما            نازلی سئوگلی ایلمه نوا_من سنه فدا،باغ عشقیمون_ خسته بولبولی آغلاما بالا4 🔶🔶🔶🔶🔶🔶🔶🔶🔶🔶🔶🔶 دوتما باباوین          بو قدر سراغین آغلاما سوندور        ائوین چراغین باش باشه وئرک_اوخشاما دئیک_یاددان هله چات_دردِ فراقین آغلاما بالا4 🔷🔷🔷🔷🔷🔷🔷🔷🔷🔷🔷🔷 قلبیمون باشین        یاندورما بالا قاپی آغزیندا           گل دورما بالا قربانون اولوم_حیرانون اولوم_گل ننوی او+تاندورما بالا آغلاما بالا4 🔸🔹🔸🔹🔸🔹🔸🔹🔸🔹🔸🔹 التماس دعا

🍃🌹🍃🌹🍃🌹 🌹🍃🌹 🍃 ✨ ❤️زبانحال حضرت زینب به جناب زهرا(س)❤️ 🌹در آهنگ تو مشکتو تو آب زدی🌹 هارا گیدورسن آی ننه-اویـان وفالی زینبم هجریوه یوخدی طاقتیم-باشی بلالی زینبم آنا زهــــرا بش یاشوندا آغلار قیزام من نه تز گوزدن زینبون آتدون یالقیزام من گجــــه یاری تــــرک لانه ائتمه کبوتر بابام سسلور گیتمه زهرا  آدامسیزام من یارالی آی ننه وفالی آی ننه(2) —------------------ حسن دیـــــور جوان ننه- یـــــارالی مهربان ننه او صحنه نی گورند من – اورگیم اولدی قان ننه اوزوم گوردوم حقیوی دشمنـــدن آلاندا ننه گوردوم ثانی یول اوستونده دوراندا آجو قلاندی وردی بیر سیلی ساق یوزوندن اوزوم گوردوم پاره گوشواره آختاراندا یارالی آی ننه وفالی آی ننه(2) —---------------— قلبیمی سنسیـــز آی ننه- قان ایلیوب من آغلارام چادر نمازیوه باخوب – جان تک اونی قوجاقلارام آنا سنسیز درد یمی نجه فاش ایدوم من مدینه اهلینده یوخ وفا بس نیدوم من سینم گلدی تنگه بو غمدن آی یارالی دعا ایله شهــــــر پیغمبر دن گیدوم من یارالی آی ننه وفالی آی ننه(2) —------------------— حسین دیزین قوجاقلیوب – قراریمی الدن آلور باخور سنون بوش یریوه – اورگیمه شرر سالور سنون هجروندن قالوب آواره حسینیم قویور یکسر باشینی دیواره حسینیم توکور گوزدن اشگینی مادر گُل عذاره فغان ایلیور یوخ الینده چاره حسینیم یارالی آی ننه وفالی آی ننه(2) —---------------- حیاتیدن دویــــان ننه – بابامی تک قویان ننه باعث مرگی میخ در – محسنی سقط اولان ننه نه تز دویدون سن بالالاریندان وفالی نجه گئتدون سن شه خیبردن آرالی آنا زهرا قلبیمی سنسیز داغلارام من اولونجه یانام که گئتدون سینه یارالی یارالی آی ننه وفالی آی ننه(2) آغلادی (پورِیا )ننه – یازاندا نوحه نی سنه دیور که سن ایله عطا – خلوص نیَّتی منه دیور زهرا باشیمــه قاره باغلارام من فغــان ایلیوب ماتمینده دل داغلارام من سنی مولا بیـــر نظر قیل بو دل فکاره حسینون قبروینده وار گوزوم آغلارام من یارالی آی ننه وفالی آی ننه(2) ✨ اشعار کربلایی احمد پوریا

قضیه ی انار خواستن حضرت زهرا(س)_التماس دعا ______ گلدی بیر گون منزله مولا علی گوردی زهرانی، ملول اولدی،ولی فضه نون، مولا باخوب گوزیاشینه هی دولانور،فاطمه نون باشینه اهل کین گورستدیلر،ئوز کینه سین سیندیروبلار ذات حق آئینه سین کینه و ظلمون خدایا،حدی وار.. صورت زهراده سیلی ردی وار.. گل کیمی بین در و دیواریده وار خزان رنگی،نوک مسماریده آچمورام،قالسون،هله کوچه سوزی روضه سین بیر گون اوخور،مهدی ئوزی بستر بیماریده زهرا یاتوب یاره لی،انسیه ی حورا یاتوب تا علینی گوردی گولدی لبلری شاد ائدوب فتاح باب خیبری تز،سلام ایتدی او حالدا حیدره خلقا و خلقا چکوب پیغمبره شیرحق،زهرا یوزوندن،دویمادی ایسته دی دورسون ایاقه،قویمادی حیدره تسکیندی نام فاطمه ویردی روحیه سلام فاطمه باشینون اوستونده اگلشدی علی ایتدی فرمایش او دم،حقه ،ولی فاطمه؛قربان سنه اولسون جانیم امر ائله گویلون نمه ایستور خانیم؟ سویلویوبدی،ای ولی کردگار گویلوم ایستور میل ایدم الان انار تز ایاق اوسته دوروب شاه زمن فتح باب ایتدی او دم،خیبرشکن امر زهرانی اطاعت ایلسون فوری فرمانین اجابت ایلسون سالدی هر سمته، ولی حق،گذار تا تهیه ایلییه، بلکه انار گوردی اصحابی،دیوللر:یاعلی شاهکار خلقت ای نور جلی اولماسین ناراضی بیزلردن گوگول ایندی مولا،فصل اول میوه دگول بیر نفرده وار او میوه گوئیا آدی شمعون،دین یهودی،برملا قلب مولانی بو غم بی تاب ائدوب خانه ی شمعونی دق الباب ائدوب ماجرانی شرح ایدوب،اول نامدار اهل خانه عرض ائدوبدی،بیزده وار آلتی درهملن،آلوب اول میوه نی شاد ائده  دورت بلبلی،بیر گلشنی افتخار ماخلق، دوشدی یولا چوخ تواضعلن باخور صاق و صولا ئوز ئوزویلن ،ذهنیده ،ایلور خیال فاطمه خوشحال اولار،اولسا وصال گر یتیشسم منزله،الساعه من شاد اولار زهرا،حسینیلن،حسن انتظار فاطمه،پایان تاپار زینب و کلثوم و فضه،جان تاپار ایتدی بو افکار، ذهنیندن، خطور یولدا بیر،ویرانه دن، ایتدی عبور هی باخور الده اناره،دینجلور ناگهان گوردی حزین بیر سس،گلور بیر مریضی گوئیا اوردا یاتوب بیر کسی یوخ،عالمی گوزدن آتوب مرتضی،فورا،عیادت ایلدی حالینی گوردی ،حمایت ایلدی ایتدی فرمایش ولی کردگار صاحب شان و وقار و ذالفقار ایستییوب الله،بو یردن یول سالیم.. عرض ایله گویلون نه ایستور؟،من آلیم باخدی مولایه مریض خسته حال ایتماقا صحبت ،توان ویرمور مجال ائلیییور ویرانه کنجینده نوا... هم سوسوز،هم آجدی،هم ایستی هوا ضعفیدن،عاجزدی صحبت ایلییه دردینی ایستور که بیر نوعی دییه بیر بیریندن،گوتدی ناگه لبلرین لحظه ای بین دولب،اولدی سرین رهگذر!چوخ آشنا گلدی سسین عالمه،الله سنی چوخ گورمه سین قلب زاریمده گورورسن غصه وار گویلوم ایستور میل ائدم الان انار باخدی مولا صحنه یه،چوخ آغلادی سسلدی یا فاطمه،دل داغلادی اگلشوبدی باشینون اوسته علی آشکار ایتمور،ئورک سرین ولی باخدی بیر الده،انارین رنگینه اول مریضین،غصه لی آهنگینه اولمادی قسمت،گیده تز منزله لنگر ارض و سما گلدی دیله وار گوزی،بوندا،عزیزیمده منیم ایوده واردی،بیر مریضیمده منیم اول مریضون، بنده،خاطرخواهیدی عیبی یوخ الله،کریم،اللهیدی بو اناری،سن اجازه ویر منه دانه دانه نصفینی،ویررم سنه مرتضی،گور اول مریضه نیلدی؟ اول اناری دانه دانه ایلدی ویردی نصفین ئوز الیلن،شه ئوزی گوردی نصف دیگرینده وار گوزی تز او نصف دیگرینده بذل ائدوب دست خالی،پیش زهرایه گیدوب شاعرین،دولدی گوزی،مولا علی وار سوالیم ایندی سندن یا علی... بو گریزیم قلبیمه ویردی یارا کنج ویرانه هارا،زینب هارا؟ آج قالوبدی اهلبیت طاهره ویردیلار طعنه،او جمع حاضره حقی وار،گوزلر،بولود مثلی دولا اهلبیتون باغلویوبلار قول قولا یاعلی؛ظلمونده آخر حدی وار... هر اسیرین،قولدا قمچی ردی وار دهریده اعدا چاتوب آمالینه باخ مریض کربلانین حالینه چاتدی عرشه قیزلارین،یورقون سسی اوچ یاشیندا نازدانن،ناله سی مستحقه،سن کرامت ائتموسن هر مریضه،چوخلی حرمت ائتموسن ایندی فاش ایله ئوزون بو مطلبی شامه وارد اولدی زینب موکبی... بس نیه ویرانه ده جای طعام! یکسره ایودن چیخوبدی اهل شام پیشوازه،آتماقا،داش گتدیلر سو یرینه،بیر کسیک باش گتدیلر (بهلول حبیبی زنجانی)

🎧 حـاج نـادر جـوادی اردبیلی 🔻 درخواست انار حضرت زهرا(س) 🔺 #ایام_فاطمیه ۱۳۹۴

بانوای کربلایی احدرضایی 🌸🍃🌾🌼 💐🌺💐 🍃🌼 🍃 زهرا نه زهرا اصغر فرشچی ( عدلی تبریزی) عشقون ایدوب شیدا منی مولا علی مولائیم آوارۀ صحرا منی من عاشقم زهرائیم مولائیم مولائیم زهرائیم زهرائیم . . بازار یوسفده آلان مهرون دله مستانیم بوعشق ومهراوسته گهی شمعم گهی پروانیم مهرون گزور تا ابهری من سالک فرزانیم کشکول الینده سیرایدن درویشم و سودائیم مولائیم مولائیم زهرائیم زهرائیم . . زهرا نه زهرا وار اونا نسوان ایچینده برتری تفسیر ایدرقرآنیده معنای لفظ کوثری لایق بولوب الله اونی اولدی امامون همسری زهرایه طاعت فرض دور انسیة الحورائیم مولائیم مولائیم زهرائیم زهرائیم . . زهرا نه زهرا مریم و سارا کنیزمادری زهرا نه زهرا اوغلودی بو ماسوانون رهبری عیسی غلام درگهی موسی نگهبان دری عارف به حقّم یاعلی عیسائیم موسائیم مولائیم مولائیم زهرائیم زهرائیم . . زهرانه زهرا سینه ده گل تک حسینی بسلدی او سسلینده آی نه نه بو جان حسینیم سسلدی کیم معتصم زهرایه دی اوغلی حسینه وصله دی کرب وبلاسین یاد ایدوب مداح عاشورائیم مولائیم مولائیم زهرائیم زهرائیم . . قرآن ناطق همسری غمخوار مولا فاطمه سنسن سرور سینه لر اُمّ ابیها فاطمه وارچشم امیدیم سنه ای دخت طاها فاطمه محشرده تا گوزلر گوره زهرائیم علیائیم مولائیم مولائیم زهرائیم زهرائیم . . سن بضعۀ ختم رُسل کفو علیسن فاطمه مرضیه و معصومه سن نور جلیسن فاطمه اوّل اولان شهیدۀ راه ولیسن فاطمه سنسن قتیل اهل کین من(عدلی) واویلائیم مولائیم مولائیم زهرائیم زهرائیم . (ابهر = شاهرگی که به قلب وصل است) . 🌸 🍃🍂 🍃🌺🍂 🌸🍃🌾🌼

(بسم رب الفاطمه) #زمزمه_ترکی #شهادت_حضرت_زهراعلیهاسلام #زبانحال_امیرالمومنین_علیهالسلام #سروده_رقیه_سعیدی_کیمیا #سبک:می گذرد کاروان.... ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ گؤزلرون آچ فاطمه ! اِیله حلال ، حیدری ســن منـی ترک اِیلمه ، ای گل نیــــلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤب نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک، پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـــه (۲) ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ ✍رقیه سعیدی(کیمیا)

❁﷽❁ #زمزمه_ترکی #شهادت_حضرت_زهراعلیهاسلام #سروده_رقیه_سعیدی_کیمیا ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ زبانحال امیرالمومنین علیه السلام با حضرت زهرا سلام الله علیها:👇 _________________ ای محرم اسرار من / ای غم گؤنی غمخوار من ای یارالی دلدار من / ای یارالی دلدار من گِئتمَه دولانوم باشیوه / قوربان اولوم گؤز یاشیوه ای قد کمان بیمار من / ای یارالی دلدار من داغوندا قلبیم قان اولدی / یاندی اِئویم ویران اولدی سن سیز صُولوب گلزار من / ای یارالی دلدار من باغ و بهاریم زهـــرا / دار و نداریم زهرا ای ماهِ شامِ تارِ من /ای یارالی دلدار من باخامّورام دیواره / قانه باتان مسـماره پر پر اولان یار من / ای یارالی دلدارمن __________________ زبانحال حضرت زینب علیها سلام با حضرت زهرا سلام الله علیها:👇 آج گؤزلرون یاتما ننه / گؤزدن بیزی آتما ننه منی قان آغلاتما ننه / لای لای ننه لای لای ننه پر پر اولان یاســمن / سنــه یاراشمــیر کفـن آی مِثلی سن باتما ننه/لای لای ننه لای لای ننه سیلی دیوب آیینه وه /قوربان یارالی سینه وه دنیانی تئز ساتما ننه / لای لای ننه لای لای ننه زینبی درده سالما / ائویندن آیری قالما غمی غمه چاتما ننه / لای لای ننه لای لای ننه تئزدی منه یاس ساخلاماق/ باشه قَرانی باغلاماق زینبی اوخشاتما ننه / لای لای ننه لای لای ننه ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌

#فاطمیه #زمینه دوباره نوای مادر / پیچیده توی روضه ها واسه بانوی روضه ها - قدما سوی روضه ها یه حسی تو قلبم میگه/ میون این حال و هوا یه سری میزنی به ما - تو مادری، ما بچه ها دستم از دامنت، جدا نشه ایشالا تو قلبم جز شما، پیدا نشه ایشالا مادر پسرتو نگاه کن مادر منو یه سر به راه کن مادر منو دور از گناه کن الهی العفو ، به تار موی مادرم الهی العفو ، به حق روی مادرم الهی العفو ، به آرزوی مادرم به همون موی سوخته به همون روی سوخته به همون آرزوی پشت پهلوی سوخته دریا دریا دریا/ داره میباره دنیا /کبوده روی زهرا مادرمو کشتن ای داد ای داد ای داد /تو کوچه مادر جون داد/ وقتی زیر پا افتاد مادرمو کشتن (وای مادرم مادرم مادرم) بند دوم یه ساله دلا بیتابه/ برا همین فاطمیه غمای ما دائمیه - کوچه بنی هاشمیه دوباره غم ناموسه/ کابوس این شبای ما دلیل ناله و بکا - آخه زدن حرومیا زیر پاهای تو، خدایی که بهشته حیدر نوکراشو، پسر تو نوشته مادر پسرتو دعا کن مادر گره، کارامو وا کن مادر منو پر از خدا کن الهی العفو به رد خون مادرم الهی العفو به ذره جون مادرم الهی العفو به هم زبون مادرم به همون خون دیوار به همون جون بیمار به همون هم زبون غریب و بی طرفدار غوغا غوغا غوغا/با دست بسته مولا/داد میزنه آی دنیا فاطمه رو کشتن کمتر کمتر کمتر/زن و جلوی شوهر/ بزن،میمیره حیدر فاطمه رو کشتن (وای، مادرم مادرم مادرم) 📌محمدرضا زاد سرور

روضه شهادت حضرت زهرا سلام الله علیها نینمیوشدون روزگاره فاطمه تا سنی سالسون فشاره فاطمه چوخ بلا گوردون پیمبردن صورا غملرون گلمز شماره فاطمه دور منی دیندیر عزیز مصطفی باخ ئوزون بو دلفکاره فاطمه اچ گوزون سولموش گل وگلزاره باخ گیتمه منن سن کناره فاطمه کوچه جریانین دیئنده مجتبی اشکینی توکدی عذاره فاطمه سویلدی ثانی سنه سیلی ویروب اوندا سیندی گوشواره فاطمه کوچه ده کسدی یولون اول بی خرد تاپمادون هیچ راه چاره فاطمه قاپینون دالیندا محسن سقط اولوب چون ؛ سنه دگمیشدی یاره فاطمه ضربه ی مسماره تاب ایتدون نجه فاش ائله بوغمگساره فاطمه یادیمه دوشدی اوغملی ماجرا گلمیشم من آه زاره فاطمه سن اجازه ویرمدون دشمنلری من چکردیم ذوالفقاره فاطمه درگه والانی سیندیردی عمر ظلملن چکدی شراره فاطمه غسل ایدنده جسموی قان اغلادیم یاره وی گوردوم دوباره فاطمه او مطهر جسمیوه باخدوقجا من اولدی قلبیم پاره پاره فاطمه تاپشورم تپراقا گل جسمیون نجه سختیدور بو دلفکاره فاطمه سن اولونجک من اولیدیم دلبریم کاش گیدیدیم من مزاره فاطمه قدریوی دنیاده زهرا بیلمدیم سن اولونجک بس نیا من اولمدیم دهریده سنلن اوجالدیم فاطمه گیتمگونله