#اوخدا گوزللرده‌ سچوب‌عباسی _________________________ سنده یاز(منزوی)الان اوحکیمانه سوزی رحمت الله یازوب اردبیلون بیضاسی 🌹 یتیشر محنت عظیم اولسا بیراعظم باشه هرکسین شأنینه نسبتدی غمِ عظماسی 🌹 گوز ائوینده اوخا یِر ویرمک ابالفضل ایشیدی بو بلالر بینر خضری نَه‌ده الیاسی 🌹 آختاروب تیرفلک چونکه شکارن گوزلین اودوکی اوخدا گوزللرده سچوب عباسی 🌹 #مرحوم‌استادمنزوی‌اردبیلي _______________________ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

🌹 #نجہ‌زهــــــرا_س 🏴 ____ زهرا نجه زهرادی یتوب حدّ کماله وصفی اولا گُنجیده چتین ظرف مقاله زهرا نجه زهرا که حیا چرخینه زهره پیغمبره ریحانه، ادب باغینه لاله زهرا نجه زهرا که اگر ائتسه قوناقلیق عیسانی قویار مریم ئوزی صف نعاله ایستر بُیوده شانینی بیر آزدا کیچیلدر انسان قلمی مدحینه گر یازسا مقاله چون فاطمه معصومه‌دی مرضیه حمیده مکتبده مُدرّسدی ئوزی عترت و آله عصمت ائله بیر رتبه‌دی گلمز رقم اوسته تدوین اولا یوزلر بئله دیوان و رساله مدحینده نظر ایله کسا آدلی حدیثه تعریف ایلیوب عَزّوَجَل جَلّ جلاله بلبل کیمی گول بسلدی ئوز شهپری آلتدا قوشدی ایکی جیران قیز ایکی نازلی ماراله آیا دویولنده قاپی گلدی قاپی آچسون؟ یا اینکه اونی همسری گوندردی قتاله؟ گر جنگ ائلموردی اونا هاردان یارا دگدی بین در و دیواریده ائتدی نیه ناله نادان عربون ریشه سین الله اوتا چکسین کیمدور اولا منطقلی جوابی بو سواله #مرحوم‌استادمنزوی‌اردبیلے @Hazrate_Abalfazll