آهنگ . زبانحال حضرت امیر المومنین ع در بالین حضرت زهرا .س. آچ گوزون ای وفالی زهرا ... گُل وجودی یارالی زهرا چوخ چَتیندور غم فراقون... دوشمه مندن آرالی زهرا یاتما دور ای وفالی دلداریم اویان هر چتین گونده یار و غمخواریم اویان ..اویان زهرا ... اویان زهرا ..اویان زهرا ....... ای گُلِ گلشن رسالت ... خلقته گُل وجودی زینَت جان و دلدن همیشه اولدون... عشقیله حامی ولایت ایتمَدون راه حقّی بیر لحظه رها اولدون آخر رَه ولایتّده فدا اویان زهرا ..اویان زهرا ...اویان زهرا ..... ای خَدَنگ غمه نشانه ... درد اَلیندن گلَن فَغانه محنت و جور اشقیادن ..ای دونَنن قامتی کمانه ظلمیده اهل کینه طغیان اِلَدی ظلمیله گوزده اشگیوی قان اِلَدی اویان زهرا ..اویان زهرا ..اویان زهرا ...... ای منیم پرشکسته یاریم.... غم گونی یار و غمگساریم فرقَتون یاده سالدیقیجا ... اوج ایدور عرشه آه و زاریم ای منیم یاورِ وفاداریم اویان دلبریم، همدمیم ، هواداریم اویان اویان زهرا ..اویان زهرا .. اویان زهرا ..... آچ گوزون باخ بو دلفگاره....گورنه اشگیم آخور عذاره درد هجران چتیندی زهرا.... دور اُئوزون قیل بو درده چاره یاتما دور چاره سیز قالان حیدره باخ باشین اوستونده فاتح خیبره باخ اویان زهرا ...اویان زهرا ... اویان زهرا ...... ای شرف بُرجنون هُماسی...حیدرین یار دلرباسی یاره لندون ولایت اوسته...یاره وین اولمادی دواسی گورمَدی سینوین علی یاره سینی اُلمَمیش تا ایده اونون چاره سینی اویان زهرا .. اویان زهرا ... اویان زهرا ..... دوقّوز ایل ای منیله همدَم... محنت و درد و غمده باهم سن کی گیتدون علینون اولدی...دهریده روزگاری برهم یوخ تسلّی ویرن بو محنتّده منه آغلارام تا وارام غریبانه سنه اویان زهرا...اویان زهرا..اویان زهرا .... سنله گیتدی اِئویم صفاسی...باتّدی درد و غمه فضاسی دورت یتیمون بو دودماندان ...عرشه اوج ایلوری نواسی آچ گوزون قیل نظر سولان گُللریوه هم صدا اول بو خسته بلبلریوه اویان زهرا ...اویان زهرا ...اویان زهرا التماس دعا ... خاک پای حسینیان عزیز ...ستار رزاقی ...تبریز .. ۲۳ آذر ۱۴۰۰

‍ وصیت حضرت زهرا (س) به حضرت زینب (س) سبک :: دولانور علی قیزی مقتلی و ... بالام آغلاما ... باجی دور گئداخ ... حاج ولی اله کلامی زنجانی آناوین چخور یورولان جانی گَل اماندی زینبیم آغلاما گیدورم بهشتیده محسنیم نگراندی زینبیم آغلاما سن ایوین بویوک قیزیسان گرک آناوین یرین آلاسان بالا سنی گوزلریم کیمی ایسترم اورگیم سوین بالاسان بالا بویوموش یازون که اوشاق چاقی باشوا قرا سالاسان بالا آناسیز فقط بُلر آیریلیق نه یاماندی زینبیم آغلاما ایله گون سایاردیم ئولن زمان باشیم اوسته آغلاماقون گوروم گوزوم آختاراردی بو ساعتی بیله سینه داغلاماقون گوروم دوروب ایله سینمی خشکبند بالا یاره باغلاماقون گوروم یارا باغلاماق یاراشور سنه بو عیاندی زینبیم آغلاما سن عزیزیم عالم عشقیده منیم اوز یریمده نشانه سن حسنیله همدم و همقدم غم ایوینده صاحب خانه سن آنا عزّتی آتا زینتی دُر بی دلیل و یگانه سن سنه جان دیدیم که محبّتون منه جاندی زینبیم آغلاما اوزیوی یوروب منی پوزما چوخ گوروسن ایاقه دورانمورام باشیم اوسته دورما اوتور یره ئولورم دوروب اوتورانمورام آناوی بغیشله که زلفیوه بیر الیمله شانه وورانمورام قاپوموز یاناندا الیم قولوم یارالاندی زینبیم آغلاما دیمیشم علی آتاوا اوزی قازا قبریمی علن اولمیه گئجه وقتی دفن ایده نعشیمی بو قضیّه نی بُلن اولمیه غربا کیمی منی اوخشیون ایوه قورخورام گَلن اولمیه که سحر خدا اوزی ناظر جریاندی زینبیم آغلاما کمک ایله سن دوروب اشکیله اورک آتشین خنک ایلرم عوضینده من اوزیمی سنه هامی غمده مشترک ایلرم توکولنده خیمه لره قوشون گَلرم سنه کمک ایلرم هله صبر ایله که یامان گونون او زماندی زینبیم آغلاما من او پیرهن که نوائیلن توخیوب سنه دیمیشم سوزون گوز ایوینده ساخلا او کوینگی سفره گیدنده آپار اوزون اونی سندن ایسته سه قارداشون بوغازیندان اؤپ ولی یوم گوزون آناسیندان اوغلونا یادگار او نشاندی زینبیم آغلاما خبر آلما علّت فوتیمی آنا قلبینه سوزون اوخ ساچار سنه چوخ سوزی آچا بُلمرم ولی کربلاده فلک آچار او زمان که خیمه لروز یانار سویولوب رقیّه چوله قاچار گَلرم سنه دیرم قاپوم نیه یاندی زینبیم آغلاما منه آغلینجا حسینه باخ غم کربلاسینی یاده سال کسیلنده قارداشیوین باشی باشیمون بلاسینی یاده سال سینه سیندن اوخلاری هی چکوب سینمون یاراسینی یاده سال قانی گَلسه باشه یاخوب دینه بو او قاندی زینبیم آغلام

۞﷽۞ زبانحال حضرت علی (ع) در فراق حضرت زهرای مرضیه (س)علیها 🎵درسبک:باشدان هله سوفکرین آت ای مـاه مـدیـنــه زهـرا بو دهریده قالدیم تنها یانّنام شـراره نـاره سنسبز گللّم مـن آه و زاره سنسیز (( ایوای وفالی فاطمم وای )) (( سینه آرالـی فاطمم وای )) آز عمروده چکدون چوخ غـم محـنتـدن اولـوب قـدین خـم بـوائـوده سـن اولـدون منـلـه هــر درده شــریـک و هـمـدم (( سنـسیز منه دنیا قفسدی )) (( سن نصوراکیم دادرسدی )) هجـرونـده عـلی دیل داغـلار وار عــمـــری نـقــدری آغـلار بـاخـدوقـجـا یـانـان درگـاهـه رخـسـاریـنـه اشگـیـن بـاغـلار (( ظلمیلـه درگاهیم یانـاننّان )) (( سالدی سنی تاب وتواندان)) بـوردا آچـیـب اهــل کـیـن ال ووردی سـنــی قـــوم ارذل بـو نـیـسـگـلـه یـاننـام هـر دم ئـوز درگـهـون اولـدی مـقـتـل (( فضه چاغوردون داده تیزگل)) (( ئـولـدی بـالام امـداده تیزگل )) اولـدوزکـیـمـی بـاتـمـا زهــرا گــوزدن مــنــی آتـمـا زهــرا حـسـرتـلـه بـاخـیـراطفـالـیـم سـس ویـر مـنـه یاتـمـا زهـرا (( سویلورحسن ایوای آنام وای )) (( الــده ئــولــن ایوای انام وای )) احـوالـیـوه زیـنـب آغـلـیـر کـلثوم سینه سینی داغـلـیـر ایـوای آنـا سسلور حسین گوزیـاشـیـن ئوزه بـاغـلـیـری (( دور گور بالام نـه حاله قالدی )) ((گل تک سولوب رنگی سارالدی)) دور قـویـمــا گـَلـه نـوایـه آهــی اوجــالـا ســمــایــه آل گویلونی ئوپ بوغازین بـاشـی دوشـه جـاخ بـلایـه (( ایلـر سـفـر چـون نیـنـوایـه )) (( عـاجـز )) گـلـر آه و نـوایـه )) ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

◦•●◉✿ اَُِلَُِلَُِهَُِمَُِ َُِعَُِجَُِلَُِ َُِلَُِوَُِلَُِیَُِکَُِ َُِاَُِلَُِفَُِرَُِجَُِ ✿◉●•◦ ●گیتمَ فاطیمَه رحم اِیله مَنه توخدی اولفتین دِلدَ زهرا سنَه ●یاندی دَر گهین چوخ چکدین بلا بَنظیر پیکرین لاله و سوسَنه ■آغلارام بهارُم خزان الدی زهرا اورگ دردینَ دولدو زهرا گل وصلمیز سولدو زهرا ■آغلارام علیم یار بیمار اَلینده قالوبدی گلوم خار اَلینده گلیب درد مسمار اَلینده ‌‌★وای قاپو یاندی اُوت  لاندو سینَه وای اُو گون دن یارا اُلدی سینه۲ ●دردیم حیدریم سیندیر دی بِلیم گتمه صبر السو زینب یرین ●قویما قُصه دَن آغلاسون بالام صبر ایله قیزین بیر گون السون گلین ■زینب ای رضا اولما دردین چوخ السین بلا تیرینین جانَ السین قیزین باشینه قاره سالسین ■زینب ای باشوندا بلا یاسی واردی نقدری غم و یاسی واردی یاریم گونده غوغاسی واردی ★وای ای گونده دونر تِوی عزایه فاطــیمه سندَ گَل کربلایَه ــــــــــــــــــــــــــــــــــــــــــــــــــ شبهای جمعه میگیرم هواتو اشک غریبی می ریزم براتو بیچاره اونکه حرم رو ندیده بیچاره تر اونکه دیدکربلا را اللهم الرزقنا کرم فی لیلة الجمعه حرم #ترکی ✍تایپ:امیرحسینღ

دل اورگشن گوندن سسلیرم سنی آقا آتام آنامدان چوخ ایستیرم سنی آقا ائلیم آییم هفته ام، گونلریم گچیر سنلن هدر اولار عمروم راضی اولماسان مندن آنام ویرن صودون حقینی ایلرم ادا بوقدری آغلارام جانم اولا سنه فدا کاش، بزم ماتمینده گوزلریم سولا قاره کوینگیم منه کفن اولا صبر ایله کرم هیئتده ئولم عزیزیم حسین عزیزیم عزیزیم عزیزیم حسین نه طالب تخت و جاه و شهرت و تاجم شاه جهان اولسام کربلایه محتاجم شام و سحر روحیم کربلاده مهماندی حرم فراقینده یاندی قلبیم اولاندی سنی آنان جانی قویما منی شمادته داریخمشام آقا ایسته گلیم زیارته بو، قلبی تیر عشقیله گرک بولم آلتی گوشه قبریوی گورم ئولم عشقیمدی حسین بین الحرمین عزیزیم حسین عزیزیم عزیزیم عزیزیم حسین

کربلایی اتابک عبدالهی

زبانحال حضرت امیرالمومنین (ع) در لحظات وداع با حضرت زبنب (س) ( سبک : ساخلا ناقه می کاروانیدن ) تار اولوب اگر شمس و الضحا واردی ماهلن کوکب آغلاما گر ئولور علی ساقدی مجتبا آغلاما قیزیم زینب آغلاما **** آغلاسون اگر آغلیار حسن صبر ایله قیزیم سالما شور و شین واردی چوخ سنون نازیوی چکن یدی قارداشون ساقدی نور عین دورگلن منه بیچگیلن کفن ئولمیوب هله قارداشون حسین آغلادار سنی دشت کربلا آغلاما قیزیم زینب آغلاما صبر قیل قیزیم گر چه بوردا من دوشموشم بئله محنت و غمه آغلاسوندا گر اوندا آغلا سن سرنگون اولان قانلی پرچمه قارداشون ابوالفضل بی وطن سر و دوشر نهر علقمه سسله هارداسان صاحب لوا آغلاما قیزیم زینب آغلاما حقلی سن اگر ناله ائتمه گه جان وئرور یارالی غریب امام عادت ائت بلا جوری چکمگه درد و محنتون اولمیوب تمام حاضر اولگلان شامه گئتمگه آغلا شامیده ای اسیر شام قمچیلر وورار شمر بی حیا آغلاما قیزیم زینب آغلاما باشیمی دیزون اوسته آل بالا باغلا باشیمی یاره دور باشیم یادیمه دوشور دشت کربلا قان اولور منیم گوزده گوز یاشیم ناقیه مینن وقته ائت صدا مشکی اوخلانان تشنه قارداشیم گلگیلن منی شامه سال یولا آغلاما قیزیم زینب آغلاما رسمدور آناسی ئولن صورا قیز آناسینا یادگار اولار صبر قیل بالا سینه داغلاما قبرده آنان داغدار اولار باش آچوب باشی اوسته آغلاما روح فاطمه بیقرار اولار ناگران قالار خیرةالنسا آغلاما قیزیم زینب آغلاما بیچ کفن منه عادت ائتگیلن ای کفن بیچن نوحه خوانلارا کربلا دیارینده گئتگیلن درس وئرگیلن نوحه خوانلارا خیمه لر یانان وقته گورگلن یاور اول قیزیم باغریقانلارا قویما اودلارا عابدیم یانا آغلاما قیزیم زینب آغلاما قلبیمی دوتوبدور سپاه غم حالیمی ائدیر کربلا کدر نیلر اوندا بس شاه غم حشم اوخلارا ال اوستونده صود امر سسله نر باجی من گلنمرم گئت ربابی سن ایله باخبر گورسون اوغلونی غرق اولوب قانا آغلاما قیزیم زینب آغلاما آغلا اوندا ای دربدر قیزیم گلشن وفا ظلملن صولار آغلا اوندا ای خونجگر قیزیم قارداشون ئولر بیدقی یاتار آغلا اوندا ای دیده تر قیزیم محمله سنی شمر ائدر سوار سسله یا علی وا محمدا آغلاما قیزیم زینب آغلاما (( نادری )) دوشوب بیر تلاطمه وقت اولوب گئنه گوگلر آغلاسون وئر بو مطلبه بوردا خاتمه آز قالوب قلم دفتر آغلاسون مجلسه گلوب ایندی فاطمه باشدا کی قرا معجر آغلاسون یوخ مصیبته حد و انتها آغلاما قیزیم زینب آغلاما ** مرحوم قدرت اله نادری میانجی

🌑نوحه  زبانحال حضرت ام البنین(س) ▪️بسیار سوزناک ✍بقلم استاد ابوالفضل فرهنگی 🎤#بانوای_حاج_علی_سیفی_افشار ____________________________ آنان ئولور آی اباالفضل ئورکده نسگلی چوخدور اورک فقط سنی ایستور فراقه طاقتی یوخدی غمه دچارم اباالفضل-یوخومدی چارم اباالفضل فلک بلایه سالوبدی گوزوم یولونداقالوبدی بوغملی قلبیمی اوغلوم غم مصیبت آلوبدی غمه دچارم اباالفضل-یوخومدی چارم اباالفضل اورکده چوخدی غم اوغلوم گرک غمه دوزم اوغلوم هایاندا قالدی خدایا اوصاحب کرم اوغلوم غمه دچارم اباالفضل-یوخومدی چارم اباالفضل اجل گلوب گل اباالفضل یانیمدا دینجل اباالفضل الیم الیوه یتشمور یتورمنه ال اباالفضل غمه دچارم اباالفضل-یوخومدی چارم اباالفضل ــــــــــ  ابوالفضل فرهنگے  ـــــــــــــ 🍀🍀🍀🍀🍀🍀🍀🍀🍀🍀🍀

▪️منقبت حضرت ام البنین(س) ✍بقلم استاد رمضانی( خاکی) 🎤#بانوای_حاج_علی_سیفی_افشار #بسیار_سوزناک_طوفانی_احساسی 🕌هیئت مسلم بن عقیل(ع) ارومیه 👌پیشنهاد دانلود100% ___________________________ صدف خلقته گوهردی اباالفضل آناسی فلک عزته اختردی اباالفضل آناسی بعد زهرا و خدیجه، دئسم ایراد ائلمه هامی عورتلره سروردی اباالفضل آناسی قالوب آواره قلم وصفینی شرح ایلمگه وصفیدن چونکه فراتردی اباالفضل آناسی مجدو تعریفینه بو جمله کفایت ائلییر همسر حیدر صفدردی اباالفضل آناسی صبرو ایثاریده هم منزلت وشوکتده دئیوم آلله کیمه بنذردی اباالفضل آناسی جسمه اوخشاتسالا ایثاری بو دنیاده اگر جسم ایثاریده کی سردی اباالفضل آناسی گلمیوبدی آدی قرآندا، ولی عزته باخ مفخر مریم و هاجردی اباالفضل آناسی گوئیا باخبریمیش هامیدان اول عقیل مام عباس دلاوردی اباالفضل آناسی مرتضی خدمتینه  گلدی   عقیل  دانا دئدی آختاردیقون همسردی اباالفضل آناسی وئردی اوغلاننارینی پرچم اسلام اوجالا حافظ شرع پیمبر دی اباالفضل آناسی حالینه آغلادی مروان کیمی بی رحم بشر گوردی چوخ زارو مکدردی اباالفضل آناسی سینه ده جانی،  یوزی قبله ده گوزلر یولدا گوزل عباسینی گوزلردی اباالفضل آناسی یاسلیدی رخت عزایه بورونوب جنتده حشر اولونجا قره معجردی اباالفضل آناسی آغلیور اوغلی اباالفضلین اوزون قولارینا خاکی هرثانیه مضطردی اباالفضل آناسی

‍#روضه_حضرت_زهرا_سلام_الله_علیها ویژۀ ایام شهادت حضرت زهرا سلام الله علیها #سینه_زنی / #ترکی عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیرمحفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله ندیم عم اوغلی یورولموشام چوخ یوروب منی دوران اگرمن ئولسم عذاریوه سیل اشکیوی، آشما فراقیمه صبرایله علی ،قلبه تیرغم ساشما حسن یانندا عم اوغلی چوخ کوچه صحبتین آشما چیخا علی بلکه کوچه نین دردومحنتی یاددان او بلبلم کام آلانمادیم بیردویونجا گلشندن همیشه غم غصه عمروده همره اولدولار مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان بجادی نار فراقیمه سینه یاندیرا زینب اورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تزدی غصه دن نی کیمی ایده افغان بوغم منی نا گران ایدیب ای شهنشه دوران اجازه ویر دل ملالینی ایلیوم سنه اعلان حسینه وقتینده سو ویرین قویمیون قالا عطشان ایچنده سو لبلریندن ئوپ یادایله منی هرآن اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور؛سوگرک ایچه قربان #فاطمیه_۱۴۰۲ #شهادت_حضرت_زهرا_سلام_الله_علیها ✨اَللّهُمَّ عَجِّل لِوَلیِّکَ الفَرَج✨#رضاابوالحسنی

بو غملی دودمانیدن کناره گتمه آی ننه اوینن آیریلیب گجه مزاره گتمه آی ننه یارالامیش سینوه آدم سینه داغلیر آی ننه فراغونن زینبین باشا قارا باغلیر دیر گویا نوحه دیوار و در غمینده قاپینین قانا باتان مسماری قان آغلیر واویلا یا زهرا یا زهرا واویلا یا زهرا واویلا یا زهرا واویلا یا زهرا واویلا یا زهرا فلک بلالی باشیمه ستمله قارا باغلیریرب آی ننه فلک بلالی باشیمه ستمله قارا باغلیریرب حسن دیزین قوجاخلیب غمینده سینه داغلیریب تمام اولن ننه لریمیزی یاد الیراخ اُ ننه لر کی بیزه گجه گونوز زحمت چکیبلر بویا باشا یتیریبلر اگر اولاریکی ننه لری اولوب ایکی قطره گوزوون یاشیندا احسان ائله ننه وین روحینه آتاوین روحینه شام غریبان خانم زهرادی اما اگر ننه ن قالیر گت آیاغینان اوپ الینن اوپ دولان پروانه کیمین ننه وین باشینا دنن ننه عمروم سنه قوربان ننه جانیم سنه قوربان ننه بالالاریم سنه قوربان ننه فلک بلالی باشیمه ستمله قارا باغلیریرب حسن دیزین قوجاخلیب غمینده سینه داغلیریب آنا سن سیز نینرم بو ماتم سراده اوزوم گولمز وار یقینیم دهر فناده جوان اللرده اولوبسن ای مهربانیم اولوم تک آغلارام بو بزم عزادا واویلا یا زهرا یا زهرا واویلا یا زهرا واویلا یا زهرا واویلا یا زهرا واویلا یا زهرا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

ویژه ایام فاطمیه #شعر:بهمن جعفری زینجناب تمامِ    عالمینون     دعاسی    یازهرادی کی درد عشقون والله دواسی یازهرادی تمامِ      سینه زن لر    نواسی یازهرادی بو هیاتون  اوّلدن     صفاسی یازهرادی ایامِ فاطمیه ده سینه می داغلیّرم من خانیمون مصیبتینده  اوجادان آغلیّرم من زهرا  یازهرا  ۴ بار ________________________ چکیلدی   قاره  پرچم   دوباره  بو  عالمه نه تک  مدینه بلکه ،   باتوب جهان ماتمه حسن حسین آناسی یتوردی عمرین باشه گلوبدی تنگه نَفَس،یوموب گوزون فاطمه گوزلرین یوموبدی زهرا  آیریلوب روحی بدندن مرتضا قدّی بوکولدی  بئله بیر درد و محندن زهرا یازهرا  ۴ بار ________________________ قرا یِل اَسدی گویده گینه بولوتلار دولدی گلوب   خزان   گلشنه  ز بس جفالر اُولدی تیکانلی خار ،ظلمیله گولی ریشه دن یولدی علی ولی آللهون ،گلِ وصالی سولدی حیدرون پوزولدی حالی  یوخدی آرام و قراری تاپشیریلدی گیجه یاری، توپراقا دار و نداری زهرا یازهرا  ۴ بار ________________________ بو درد و غصه دن گوزیاشی عذاره آخدی آخوبدی گوزیاشی   قانیله یوزینه یاخدی توتوبدی     حلقه ی   ماتمِ عزا    زهرایه یتیم اوشاقلاریلن  او بوش یرینه باخدی زینب آغلیردی یانیردی ، آنا یرینه باخیردی اوخشویوردی آنام ایوای،یوزه گوزیاشی آخیردی زهرا یا زهرا ۴ بار _______________________ #شعر:بهمن جعفری زینجناب

۞﷽۞ زبانحال حضرت علی (ع) در فراق حضرت زهرا (س) سلام الله علیها ای جوان سینّیده تیز جانه دویان زهراجان اهـلبـیتـون ایلـیـن قـلبـینـی قـان زهراجان آچ گوزون یاتمابیله نازیله دیندیر منی سن یالقیزام رحم ایلـه ای جانیمه جان زهراجان قاپیمیزیاندی چکیب شعله دولوب توسدی ائوه هر نـه اولدی منه اولدی او زمـان زهرا جان سالـدی دشمـن نـه جفـائیلـه سنی طاقتدن باتدی میسمـار سینوه گیتدی توان زهرا جان دئمـیـرم اولـدی نـلـر پیکـر مجـروحیوه تـک محسنون ظلـم الیلـه اولـدی خزان زهرا جان چیخیرام صحنه گوزوم یاشی منه ویرمور امان دوشدوقون ئیر ایلوری باغریمی قان زهرا جان صـبـر ایلـه گیتمـه دایان بیرده فـدا گـوزلـریوه زینبون تـا ئیریوی توتسون هـر آن زهرا جان آناسی ئولـسـه قیزی تـار اولـی دنیا گـوزونـه بـو قـدر قـویـمـا اولا اشـگ فشان زهرا جان گـون گچیب آی دولانیب محـنـت ایّـام گـلـر گوز یاشی جرب و بلاده اولـی قان زهرا جان زفـلـری قـارداشـینـین قـانینـه الـوان اولاجـاخ گـلـشـن آل عـلی قـانـلـی مـنـاده سـولاجـاخ گـلـه جـاخ بیر گـونـی (مهجور)بالامین محنتینی (عـاجـزیلـه) ولی گوزیاشلی کتابت ائده جـاخ ❇️التماس دعا 📝علی جعفری(عاجز تبریزی) #فاطمیه(۱۷) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

نماهنگ وفالی آنام 1402 🎤بانوای بهنام تخت مینا شاعر : ناعم تنظیم : امیر حسام #شهادت_حضرت_زهرا_سلام_الله_علیها

شهادت حضرت زهرا شاهکار حاج حسین عليزاده ( دلگیر ) عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیرمحفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله ندیم عم اوغلی یورولموشام چوخ یوروب منی دوران اگرمن ئولسم عذاریوه سیل اشکیوی، آشما فراقیمه صبرایله علی ،قلبه تیرغم ساشما حسن یانندا عم اوغلی چوخ کوچه صحبتین آشما چیخا علی بلکه کوچه نین دردومحنتی یاددان هامی جوان وقتینی سوور گر چه زندگانلیقدان جوانین عمری دولار یقین شور و شادمانلیقدان ولی من از بس کی اینجیدیم دویموشام جوانلیقدان اجل گله کاش ئولم داخی تز گیدم بو دنیادان او بلبلم کام آلانمادیم بیردویونجا گلشندن همیشه غم غصه عمروده همره اولدولار مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان بجادی نار فراقیمه سینه یاندیرا زینب اورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تزدی غصه دن نی کیمی ایده افغان بوغم منی نا گران ایدیب ای شهنشه دوران اجازه ویر دل ملالینی ایلیوم سنه اعلان حسینه وقتینده سو ویرین قویمیون قالا عطشان ایچنده سو لبلریندن ئوپ یادایله منی هرآن اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور؛سوگرک ایچه قربان

زبان حال حضرت علی(ع) در کنار بستر حضرت زهرا (س) سبک جدید و دلنشین سینه زنی دشتی علی نوروزی نوین گوز آچ یاتما زهرا اماندی اماندی زهرا فراقوندا قدیم کماندی اماندی زهرا نجه گور علی باغریقاندی اماندی زهرا غمونده قلبیم دونوبدی قانه گلوب عم اوغلون بو غمده جانه آدامسیزام من بو قلب زاریم خدنگ درده اولوب نشانه ای یاسیم ـــــ خزان وئروب گلزاری ای یاسیم ـــــ گل آتما بو بی یاری واویلا یا زهرا یا زهرا یا زهرا ......................................................... ندن جامهءی وصلی تندن سویوبسان زهرا علی قلبینی غم اوخیله اویوبسان زهرا عم اوغلون علیدن نه تز سن دویوبسان زهرا دور ای امیدیم وفالی یاریم منیم نگاریم حیالی یاریم ولایت اوسته دوزن بلایه اماندی سس وئر یارالی یاریم ای یاریم ــــ غمون علینی یاندیرار ای یاریم ــــ منی یاران اوتاندیرار واویلا یازهرا یا زهرا یازهرا ......................................................... اولان خسته گونلون قراری قراری زهرا شه لافتانین جهاندا وقاری زهرا آدامسیز علینون یارالی نگاری زهرا جوانلیقیندا خمیده قامت سالان وجودین بلایه محنت قان آغلاسام من غمونده آزدی علی ئولیدی اولوب خجالت دلداریم ـــــ منیم وفالی یاوریم دلداریم ـــــ گل کبود و پرپریم واویلا یازهرا یا زهرا یا زهرا ................................................ ت. ن ۹۶

السلام علیک یا صدیقه الشهیده زبانحال حضرت زینب (س) با مادر در تشیع به سبک میگذرد کاروان... علی نوروزی نوین غرق غم اولدی جهان ناله ایدور قدسیان زینبه ورد زبان گیتمه آنا فاطمه باشه ویرور مرتضا ذکر حسین وای آنا سسلنوری مجتبا گیتمه آنا فاطمه گل گیتمه صبر ایله قال آنا یانمیشام گویلومی آل آنا یارالیسان گیتمه (۳) (۲) ………………………………………………… آی کیمی دوتقون آنا سن هارا تابوت هارا قال گیجه اولسون سحر واردی سیننده یارا من نجه سنسیز قالوم گیتمه قوی عطرون آلوم اشگیله بو یاره لی سینوه مرهم سالوم زینبین گل کسمه چاره سین قوی اوپوم سینوین یاره سین یارالیسان گیتمه (۳) (۲) ………………………………………………… گل کیمی من سولموشام ابر کیمی دولموشام وای اولا احوالیمه منده یتیم اولموشام واریری قان آغلیوم سینمی من داغلیوم گیتمه بو تعجیلیله قوی یاراوی باغلیوم ای دردین گیزلدن آی آنا دویمادیم من سندن آی آنا یارالیسان گیتمه (۳) (۲) ………………………………………………… درگهی اوددا یانان قامتی چوگان اولان یوخدی نه مدت آنا زلفومه شانه ویران غم اوتوروب گلشنه سسلرم ایوای منه شل اولا ثانی الی سیلی ویروبدور سنه هجرونله قلبیمی اویموسان زینبدن نه تز سن دویموسان یارالیسان گیتمه (۳) (۲) ………………………………………………… باشه یتوب محنتون درد و غم غربتون سن قویاجاقسان نجه توپراقا گل صورتون تز گیدوسن قال گئجه (گئجه：تأخیر کن) صبر ایلیوم من نجه محسنه خاطر آنا گل یوخوما بیر گیجه قلب زاریم گلسن دینجلر محسندن گل منه ویر خبر یارالیسان گیتمه(۳)(۲) ………………………………………………… واردی یادوندا آنا سویلمیسن بر ملا زینبیم آماده اول وار سفر کربلا کرب وبلا صحبتی آرتیروری رقتی باغریمی قان ایلیر قارداشیمون غربتی آگاهم بولم بو مطلبی غصه لر قوجالدار زینبی یارالیسان گیتمه (۳) (۲) ………………………………………………… یوم بلا داده گل ناله و فریاده گل غارت اولاندا خییم زینبه امداده گل غارتی یازما (نوین) باشه ویر ایله انین ایسته صله تا ویره زینب زار و حزین بانیه بو شعری ایت دعا ایسته بو جمعیله کربلا یارالیسان گیتمه (۳) (۲) …………………………………………………

السلام علیک ایتها الصدیقه الشهیده درآهنگ قدم قدم... علی نوین بهار عمریمه منیم اسوبدی صرصرخزان عم اوغلی جان اولوبدی قلب فاطمه خدنگ محنته نشان عم اوغلی جان گل آل کناره باشیمی سرشگ چشموی عذاره باغلاما سن آغلوسان دوزنمورم اورکده قالموری توان عم اوغلی جان غریب علی غریب علی غریب و بی معین یار عم اوغلی جان(۲) ……………………………………………… عم اوغلی اوج خدمته لوای دم ویرانمورام یارالیم** ایویمده آغلینمورم بساط غم قورانمورام یارالیم گورنده گل جمالیوی صفا تاپور بو قلب بی قرار من ولی گذشت ایله علی ایاقوه دورانمورام یارالیم غریب علی غریب علی غریب و بی معین یار عم اوغلی جان(۲) ……………………………………………… حسن بولور نلر اولوب که واضحین سنه دینمورم علی ولی نه چاره ایلیوم بو دردی دیلده گیزلدنمورم علی اجازه ویر دیوم سنه بو درد جان شکاری من عم اوغلی جان دوشوبدی نوریدن گوزم اوزاقدان هیچ کسی گورنمورم علی غریب علی غریب علی غریب وبی معین یار عم اوغلی جان(۲) …………………………………………… **وام واستفاده شده از شعر شاعرجلیل القدر مرحوم استاد حاج غلامعلی طاهری خسروشهری التماس دعا ت.ن 95

زبانحال حضرت علی (ع) بر سر مزار حضرت زهرا (س) ای آسمان محنتین باتان هلالی فاطمه بقیعه مرتضی گلوب اویان یارالی فاطمه دور آی زهرا اوستومه درد و غم توکولدی دور آی زهرا قبرون اوسته قدّیم بوکولدی سنی مندن آلدی ظلمیله اهل کینه منه زندان اولدی سنسیز مُلک مدینه غریبم،غریبم(٢) سن آیریلاندان ئوز ائویم اولوبدی محبسیم منیم مدینه نون غریبی ام یوخومدی بیر کسیم منیم دور آی زهرا رشته عشقی پاره قویما دور آی زهرا مرتضانی آواره قویما سنه دوقّوژ ایل دی من یارم گوزدن آتما منیلن خوش خاطراتی یاددان چیخارتما غریبم،غریبم(٢) نه تئز قوتاردی فاطمه منیم صفالی گونلریم سن اولماسون بو دهریده کئچر عزالی گونلریم یوزوم گولمز ماتمونده دل داغلارام من دوشر کئچمیش گونلریم یاده آغلارام من او ائوده دائم محبّت رختین گییردون هاچان من زهرا دئسیدیم سن جان دییردون غریبم،غریبم(٢) بو مدّتی نه چکمیشم مدینه اهلی بیلمه دی اقلّی بیر نفر گلوب یوزومدن اشکی سیلمه دی عجب امّت دوز چورک حقین داندی زهرا قاپیمدان آرتیق یانان قلبیم یاندی زهرا نفسدن دوشدوم منه دور تازه نفس وئر علینون قلبی سنقدی سن باری سس وئر غریبم،غریبم(٢) مهدی قلندری اردبیلی

بانوای:#سلیم_نظرآباد_منوچهر_حسن زاده ‍ فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم

‍ حالات حضرت زهرا (س) یتیشدى موسم هجران علی زهرادن آیریلدی اجل گلدى حسین صدیقه ی کبرادن آیریلدی باشی اوسته دوروبدور مرتضی گوزدن توکور قانیاش دیور نیلوم جهاندا اولمادی زهرایه بیر قارداش نه اولدی بیر آنا ، باجی ، جنازه اوسته آچسین باش آتایدی بیر اودا بوندان قاباق دنیادن آیریلدی علی دن دورد اوشاق دان ،غیری بوردا بیر کسی یوخدی گره ک قان آغلییاق دائم ملال و محنتی چوخدی یخیلمیشدی او یئر کی صحنده بئش قلبه بیر اوخدى ز بس اوردا وجودی طاقت و یارادن آیریلدی گئده جک هامّی دنیادن ، ولی زهرا جوان گئتدی کانّه مرتضی نین دیزلریندن بیر توان گئتدی ؟ بو دیل بیلمز اوشاقلاره اولان بیر پاسبان گئتدی ائوین بى صاحب ائتدى منزل و سکنادن آیریلدی باخاردی مجتبی نین صورتینه دقت ائیلردی دییردی چوخ گوزلسن ، دیندیرردی صحبت ائیلردی دانیشاردی حسن زهرایه آرتیق لذت ائیلردی بو گول بیلمم نئجه اول بلبل شیدادن آیریلدی حسین هر سوز دئسیدی تئز جوابیندا دییردی جان نه ایستیرسن اوغول سن آغلاما امّا آنان قربان اسیروندور بو زهرا تیز دی ائیلوم دردووه درمان نجه دوزدی؟ نه نوعی بو گول زیبادن آیریلدی ائله تیز تیز داراردی زینبینون زلفینی زهرا دییردی ائیله بیر قیزسان گورنمز مثلووی دنیا آنام یوخدور آنام سن سن منیم ای دختر زیبا نئج اولدی اول محبّت زینب علیادن آیریلدی کیمه تاپشیردی گئتدی خوردا کلثومی چوخ ایستیردی نئجه رام ائیلرم من آغلاسا؟ مشکلدی چوخ دردی طراوت لیدى باغدا تازه بیر ریحانه بنذردی سولار بوندان صورا ریحان کیمی زهرادن آیریلدی عزالی ناتوان زهرا بلادن باغریقان زهرا غم و درده نشان زهرا وفالی مهربان زهرا گئدن الدن جوان زهرا ائدردی چوخ فغان زهرا علی دن ، دورد اوشاقدان فضّه دن اسمادن آیریلدی ** مرحوم حاج شفیع تفاخری اردبیلی

زبانحال حضرت علی (ع) بر سر مزار حضرت زهرا (س) ای آسمان محنتین باتان هلالی فاطمه بقیعه مرتضی گلوب اویان یارالی فاطمه دور آی زهرا اوستومه درد و غم توکولدی دور آی زهرا قبرون اوسته قدّیم بوکولدی سنی مندن آلدی ظلمیله اهل کینه منه زندان اولدی سنسیز مُلک مدینه غریبم،غریبم(٢) سن آیریلاندان ئوز ائویم اولوبدی محبسیم منیم مدینه نون غریبی ام یوخومدی بیر کسیم منیم دور آی زهرا رشته عشقی پاره قویما دور آی زهرا مرتضانی آواره قویما سنه دوقّوژ ایل دی من یارم گوزدن آتما منیلن خوش خاطراتی یاددان چیخارتما غریبم،غریبم(٢) نه تئز قوتاردی فاطمه منیم صفالی گونلریم سن اولماسون بو دهریده کئچر عزالی گونلریم یوزوم گولمز ماتمونده دل داغلارام من دوشر کئچمیش گونلریم یاده آغلارام من او ائوده دائم محبّت رختین گییردون هاچان من زهرا دئسیدیم سن جان دییردون غریبم،غریبم(٢) بو مدّتی نه چکمیشم مدینه اهلی بیلمه دی اقلّی بیر نفر گلوب یوزومدن اشکی سیلمه دی عجب امّت دوز چورک حقین داندی زهرا قاپیمدان آرتیق یانان قلبیم یاندی زهرا نفسدن دوشدوم منه دور تازه نفس وئر علینون قلبی سنقدی سن باری سس وئر غریبم،غریبم(٢) مهدی قلندری اردبیلی