قوتارسا بو گئجه صبح اولسا بخت یار اولاجاق حقیقتین گونشی گون تک آشکار اولاجاق اگر چه باغلاری بیر بیر خزان یئلی تالاییب نفس گلوب چمنه تازه دن بهار اولاجاق محبتین یئلی بو خسته جسمه جان وئره جک گئچن گئچوب گله جک یاخشی روزگار اولاجاق بو باغدا بیر دونه ده قوش گلوب یووا قوراجاق قاناد چالوب اوچا هر سمته اختیار اولاجاق صفاسی باغیمیزین سیل کیمی آشیب داشاجاق فرحلنوب گله بلبل باخوب خومار اولاجاق بولوطلار آغلاسادا ، گول چیچک آچیب گولجک بولاقلار ین گوزون یاشی آبشار اولاجاق نسیم مهر و محبت جهانی دولدوراجاق چمن صفا تاپاجاق دشت لاله زار اولاجاق غرور و جهل و تکبر یئرین صفا دوتاجاق او گون که حجت حق، شهره شهریار اولاجاق * داریخما دوز هله کونلوم صباحه چوخ قالوری قرا گیجه هامی اسراره پرده دار اولاجاق خوشا او عاشقه کی یاره انتظار چکیر خوشا او یاره کی شوقیله یاره، یار اولاجاق بو یول بوتون دره دی داشدی یا تیکانلیقدی اورک جفاییله یوللاردا زخمدار اولاجاق یورولما سسله گورونمز نگاری دادیوه سن که چوخلار عشق مسیرینده شرمسار اولاجاق گئنه گلون اوخیون وان یکاد یاره گوره صفالی دولتی عشقیله برقرار اولاجاق

🍁﷽🍁 🌺🌺مولودی حضرت زهرا (س)🌺🌺 🎼 سبک:نامهربونی نمیخواهم بدونی.... 🎼در آواز دشتی آچیـلدی گوللـر بوگـون اولـدی گلستـان گلـوبدی باغ رضـوان جشـن ولادت دوتـوبـدی اهـل ایمـان گلوبـدی نـور تـابـان باغ جنان گلدی اسلامه جان گلدی بیت پیمبر اولوب نور منور گلوب دنیایه کوثر شاداولدی دیللرملائک اولدی خندان گلوب زهرای اطهر روح و روان گلدی اسلامه جان گلدی زهرا گلوبدی گل طاها گوبدی بوگون گول گولنوبدی خالق عنایت ایدیب اهل ولایت بوگونـده دینجلوبدی روح و روان گلدی اسلامه جان گلدی عرش اهلی یکسر چالور عالملره پر ویریب حی تبارک نسوانلارا سر  اولوب شافع محشر دئیون سیزده مبارک باغ جنان گلدی اسلامه جان گلدی ✍علی اصغر عباسعلی نژاد (کیوج)سراب التماس دعا🙏🏼

❣﷽❣ 🌸مولودی_حضرت_زهرا_سلام الله علیها 🌸 🎶سبک افتخاری من و زخم این زمستون مکه در نور و سروره چون شب میلاد نور آسمونها شد چراغون همه جا وادی طوره ام‌ابیها اومد یاسین و طاها اومد میگن تو آسمونها حضرت زهرا اومده هر دو عالم به غم عشقش اسیره اومده تا نسل کوثر پا بگیره ذکر لبهای ملائکه شده امشب فاطمه یا فاطمه خیر کثیره 🌹یافاطمه یازهرا امشب از بیت پیمبر اومده حضرت کوثر تا که زهرا دیده وا کرد از ره آومد روز مادر ای تو مادر سادات ای تو روح مناجات ای تو همسر حیدر تویی قبله‌ی حاجات یامحمد چشم تو گردیده روشن دامن پاک خدیجه گشته گلشن یاس خوشبوی خدا دیده گشوده شد منور از جمالش کوی و برزن 🌹یا فاطمه یازهرا کوثر کثیر قرآن بر نبی‌گشته نمایان حضرت خدیجه مادر شد ز سوی حی سبحان عالم به زیر دین است بر احمد نورعین است هم مادر حسن شد هم مادر حسین است بر امیرالمومنین یار و شفیق است خاتم پیغمبران را این عقیق است دخترش زینب عقیله در دو عالم برحسین و برحسن نیکو رفیق است 🌹یافاطمه یازهرا ✍(مرتضی_محمودپور) #ولادت_حضرت_زهرا_سلام_الله_علیها

خجسته میلاد کوثر قرآن ✍سرود :: جد ید . ازکتاب - نوای جاهد جلد هفتم     ○●○●○●○●○●○●○●ه ای دردیمیزه درمان   یازهرا  یازهرا میلاد یوه جان قر بان.یازهرا.یازهرا یازهرا  یازهرا <۲> عرش اهلی دیور به به.فرش.اهلی دیوراحسن ریحانه ی پیغمبر  هم علت  خلقتسن یا زهرا  یا زهرا <۲> سن ام ابیهاسن   بند دل طا هاسن مصباح هدایتسن محبوبهءیکتاسن یا زهرا  یا زهرا <۲> سن کوثر قرآنسان یا زهرا  یا زهرا قرآنه نگهبا نسان   یا زهرا  یازهرا یا زهرا  یا زهرا <۲ ------------------ نور ازلی  زهرا   خلقت  گوزلی   زهرا هر دفتر و دیوانین بیت الغزلی زهرا یا زهرا  یا زهرا <۲> ____ ای جوهره ی باور .شاه شرفه یاور در دانه ی پیغمبر.دلدار علی حیدر یا زهرا  یا زهرا <۲> ____ ای کنز حیا زهرا . آئین صفا  زهرا یار ضعفا زهرا . هر درده دوا زهرا یا زهرا  یازهرا <۲> آئینه ی  عصمتسن آئین نجا بتسن سرمایهء خلقتسن الگوی شرافتسن یا زهرا  یا زهرا التماس دعا #ولادت_حضرت_زهرا_سلام_الله_علیها

میلادیه حضرت زهرا (سلام‌الله علیها) گریز به شهادت ✍مرحوم شعاع تبریزی . . قویدی دنیایه قدم خسرو خوبان آناسی اصل قرآن بالاسى ناطق قرآن آناسی . . آدی زهرا اوزی محبوبۀ خلّاق جهان خلق ایدوب عالم نسواندا اونی تک یارادان مکّه ده اولدی بو گون طیّب و طاهر آنادان باخوب اولدی بالانون حُسننه حیران آناسی . . نجه زهرا که سپهر ادبه شمس ضحا معدن عفّت و عصمت اوزی دریای حیا صورتی معنی والشّمس مه برج وفا فلک عشقده اون بیر مه رخشان آناسی . . نجه زهرا که اونی خالق مابعد وازل یارادوب سویگولوسون دهرده بی مثل و بدل اودی عالمده گوزل لردن اولان عُمده گوزل گورسه حیرتده قالار یوسف کنعان آناسی . . نجه زهرا که اونا فاطر افلاک و زمین اوز آدیندان قویوب آد خالق بی چون و قرین فاطمه اولدی مسمّا اودی بو ماه جبین زینبین قویدی باشا تاج زرافشان آناسی . . نجه زهرا که قویان لحظه قدم دنیایه شرقیله غربه ویروب نور رخی پیرایه بو همان نوریدی حیرت گتوروب موسایه اولا قربان اونا مین موسی عمران آناسی . . نجه زهرا که اولوب زینت آدی قرآنه عرضیمون صدقینه باخ سورۀ الرّحمانه یخرج منهما الّؤلؤ وَالمرجانه بوله سن باخسان اودی لؤلؤ مرجان آناسی . . نجه زهرا که سالوب باشینه قرآن سایه چونکه قرآندا اولوب شأنینه نازل آیه شأنه باخ اوغلونا جبریل امیندور دایه بسدی بو فخر اولوب منبع احسان آناسی . #ولادت_حضرت_زهرا_سلام_الله_علیها

ولادت حضرت زهرا س آهنگ " من عباسم منه دریالر" 🌸🌸🌸🌸🌸🌸🌸🌸 قدم قویدی بو گون دنیایه زهرا دوباره  لطفِ حق اولدی  هویدا ایشیقلاندی   جمالیندن  عوالم چراغان  اولدی  بو  عالم  سراپا گَلدی یارِ حیدر    غمگسارِ  حیدر فاطمه    عزیز   و  جانِ     پیمبر 🌸🌸🌸🌸🌸🌸🌸🌸 جهانه عصمتین معناسی گلدی نبی نون قلبینون  یاراسی گلدی وئرون   مژده   تمامِ    عاشقانه عطا وبخششین دریاسی گلدی گَلدی یارِ حیدر    غمگسارِ حیدر فاطمه    عزیز  و  جانِ     پیمبر 🌸🌸🌸🌸🌸🌸🌸🌸 ملائِک سربِسر اولموش ثنا خوان حجازی لحن اوخورلارشادوخندان به   یُمنِ   مقدمِ   زهرایِ   اطهر چراغانی اولوبدور کون و امکان گَلدی یارِ حیدر    غمگسارِ حیدر فاطمه    عزیز  و   جانِ    پیمبر 🌸🌸🌸🌸🌸🌸🌸🌸 نه   زهرا   کاروانِ   عشقه  رهبر نه   زهرا   کشتیِ   ایمانه   لنگر نه   زهرا   کوثر  و   جنّاته  معنا بو  کوثر  دور ، علی  ساقیِّ  کوثر گَلدی یارِ حیدر     غمگسارِ حیدر فاطمه     عزیز   و   جانِ   پیمبر  🌸🌸🌸🌸🌸🌸🌸🌸 نجه   زهرا   گلِ   باغ   رسالت فروغِ   دیده   ی  اهلِ  محبت مقامه  باخ  آنا  سسلردی طاها او دور  امِّ  اَبیها  تاپدی  شهرت گَلدی یارِ حیدر    غمگسارِ حیدر  فاطمه عزیز     و     جانِ  پیمبر 🌸🌸🌸🌸🌸🌸🌸🌸 گلِ   گلزارِ  دین   زهرادی  زهرا فروغِ   عالمِین   زهرادی   زهرا صفا  بخشِ  دلِ  اهلِ حقیقت بولر   اهلِ  یقین زهرادی  زهرا گَلدی یارِ حیدر   غمگسارِ حیدر فاطمه   عزیز    و    جانِ  پیمبر 🌸🌸🌸🌸🌸🌸🌸🌸 گلوب  "دلجو"  گینه  آه و  فغانه بو  مولودی   ائدوب  الده  بهانه تیکوبدور  گوز  بو درگاهه یقیناً براتِ    کربلا     وئر     عیدیانه گلدی یارِ حیدر    غمگسارِ حیدر فاطمه   عزیز   و    جانِ   پیمبر 🌸🌸🌸🌸🌸🌸🌸🌸 #دلجو#

ولادت حضرت زهرا سبک 👇🙏 الله اکبر  خمینی رهبر سسلور ملک لر  الله اکبر دنیا یه گلدی دخت  پیامبر  ۲بار بلبل اوخور نغمه  آی گون قالوب حیران طاها یه لطف  ایتدی الله  بوگون احسان زهرا نی خلق ایتدی حی حق سبحان          دنیا یه سالدی نورینی دنیا  ایشقلاندی                  یوخدی بومولودین نظیری  عالم  حیراندی  ۲بار مژده ویرون ایللر گلسونله دیداره شبنم دوشوب یکسر  باغیله گلزاره گلدی اولا حامی دنیا ده کراره             باغ نبی دوندی گلستانه بوگون یاران           شهر پیامبر  ای عزیزان اولدی گلباران  ۲بار نوری ایشق آیدان  به به نه گوزلدی آی گون قالوب حیران طاها یه بنزردی بانی  یه  خلقتدی  شمسه بو مثلدی       بوشمع ایدی دورینده پروانه اونون عالم           آچدی گوزون دنیا یه  یاران نوگل خاتم   ۲بار دلبنده طاهادی عصمتده  والادی یوخ مثلی دنیا ده   به به نه زیبادی جشن سرور الان  هریرده  برپادی        علم نی نین  مخزنی صدیقه ی کبرا             ای میوه‌ای باغ نبی وی صاحب تقوا    ۲بار ویردی بومولودی  طاها یه  الله  پای بوماه رخساره  حیران قالوبدی  آی طاها یه کوثردی  گلمز بونا دای تای          ویردی رسوله حضرت حق نازلی بیر دختر          گلدی اولا عالمده بیر گون یاور حیدر   ۲بار بیر گون گلر اولسون  دینه خانم یاور طاها یه  دختردی بو حیدره  دلبر تا اولمیوب قویماز  یالقوز قالا  حیدر          آرام وجان حضرت  طاها دی بو گلدی               نازل اولان سوره اونون شأنینده کوثردی   ۲بار فخرایله  ای شیعه  بیر بیله مولوده صدیقیله گل سنده زهرانی سال یاده قورخما گلر حتمآ محشر  گونی داده          دردانه‌ای  طاها قدم قویدی بو دنیایه           جانلار فدا اولسون قودوم دخت طاها یه   ۲بار عرض ایلرم منده ای بانی خلقت لطف ایله زهراجان  ای صاحب  عصمت مهدی نی   عالمده  قویما دوتا غفلت          بوروسیاهین دوت الیندن روز محشر ده دیواررو درده قالماقون  سالدی منی درده  ۲بار حاج مهدی ملکی زنجانی

سرود ولادت حضرت زهرا (س) 🌹☘🌹☘🌹☘🌹☘🌹☘🌹 ای وفا گنجینه سی نو گل طاها عصمتون آئینه سی حضرت زهرا               باغ   جنانه    ای   گل     زیبا               اولسون مبارک مقدمون زهرا 🔸🌹🔸🔸🔸🔸🔸🔸🌹🔸 میوه ی   باغ   جنان   نور  الفتدی صورتون لطف و صفا گلشنه گتدی گویده قوشلار سسلنور حسنوه به به بلبلون خوش نغمه سی گلدن آیتدی           بو گل یوزوندن شاد اولوب گلشن           ختم  النبینون   گوزلری    روشن 🔸🌹🔸🔸🔸🔸🔸🔸🔸🌹🔸 محرم   سرّ    نبی    راز    خلقت سن گر چه جسمون یئرده دی عرشه زینت سن آدوی  هر  کس   دئسه   نا  امید  اولماز کایناته   شبهه  سیز   باب   رحمت  سن                   آل عبایه    مایلم    والله                   منده قاپوندا سائلم والله 🔸🌹🔸🔸🔸🔸🔸🔸🔸🌹🔸 انتِ  بنت  المصطفی صاحب  کوثر خیر من وطا الحصی شاهینه دختر زینت  بیت  نبی   جلوه سی  حورا سرور  کل  نسا    مونس      حیدر               اون بیر امامین مادری سن سن               شیر  خدانین    یاوری سن سن 🔸🌹🔸🔸🔸🔸🔸🔸🔸🌹🔸 شمع سن سن فاطمه شیعه   پروانه عقل کل سن سن هامی جمله دیوانه تا در  احسانوه    آشنا         اولدوم شاه و  حاتملر    منه   اولدی بیگانه                 کویونده سائل دردمنداندی               خیل کنیزون جمع نسواندی 🔸🌹🔸🔸🔸🔸🔸🔸🔸🌹🔸 عترت عشقون سینمه بسلرم زهرا دردیم اولسا آدوی سسلرم    زهرا من گنهکارم خانم چوخ گناهیم وار سن شفاعت ائتمه سن نیلرم زهرا                چشم امیدیم سنده یا زهرا                قویما اولام شرمنده یا زهرا 🌺🌺🌺🌺🌺🌺🌺🌺🌺

🌷آنا     سلام    آنا      سلام🌷 🌷آنا     بئشیک   آنا     بلک 🌷آنا گوزل   لای لای دئمک 🌷آنا    گوله  گول    آچیلار 🌷آنا  کیمن   گول   تاپیلار؟ 🌷آنا    تاتی    آنا     یئریش 🌷آنا    اومود    آنا   گولوش 🌷آنا    آ یئم    آنا      گونوم 🌷آنا  من  باشینا   دونوم 🌷آنا  سوزوم   آنا    دوزوم 🌷آنا   گویلرده    اولدوزوم 🌷آنا     آیئم    آنا    گونوم 🌷آنا  من.  باشووا  دونوم 🌷آنا.  باغیم    آنا   گولوم 🌷آنا     باغیمدا    بولبولوم 🌷آنا   هایئم   آنا    هویوم 🌷آنا  یریشیم هم   بویوم 🌷آنا   ایشیقلیم     گونوم 🌷آنا    ابدی      سوگولوم 🌷آنا   اویاق   آنا    اویاق 🌷گجه  گونیز  منه دایاق 🌷آنا   دامارداکی   قانیم 🌷آنا سنسن  منیم جانیم 🌷آنا  باشیمدا  بایداغیم 🌷آنامنیم  تاب توفاغیم 🌷آنا  کونلوم   آنا  دیلیم 🌷آنا   طایفام  آنا  ایلیم 🌷آنا    یاراشیقلی   ملک 🌷آنا دا اولماز هچ  کلک 🌷آنا   آینا   تکین   زلال 🌷آنا کیمین یوخدی مارال 🌷آنا    محبت    دریاسی 🌷آنا یانی جان سئوداسی 🌷آنا یانی    درد  مرحمی 🌷آنایانی  سوز   محرمی 🌷آنابیردوستدو  آیرلماز 🌷آنایانی یاددان چیخماز 🌷آنا 🌷آنا 🌷آنا 🌷ننه 🌷هرنه یازام.  آزدی  سنه 🌷او کی خلق اولدو بی همتا 🌷آلاه     قویدو  آدین    آنا آنا لار گونو موبارک

سرود میلاد حضرت زهرا (س) لطف حقدن آچیلوب باب رحمت یاران گلدی گئنه    عید    ولادت قویدی قدم جهانه           چشم و چراغ احمد                فاطمه خوش گلوبسن                        صل    علی      محمد 🔸🌹🔸🌹🔸🌹🔸🌹🔸 دریا   دریا   یاغوب   ابر  کرامت دنیا  دنیا   گلوب   عطر    محبت یثرب غرق شعف و شور و شادی گلدی   زیبا   گل    باغ     رسالت گلشن عشقه آخدی         چشمه پاک کوثر                 فاطمه جلوه سیندن                           عالم   اولوب   منور 🔸🌹🔸🌹🔸🌹🔸🌹🔸 زهرا زهرا  گوزون   آچدی   جهانه گل عطریندن دونوب عالم   جنانه هر کیم گوردی دئدی والله گوزلدی اثبات اولدی هامی پیر   و   جوانه فاطمه دلربادی           زمزم با صفادی                    گوهر ناب خلقت                            دختر مصطفادی 🔸🌹🔸🌹🔸🌹🔸🌹🔸 دشمن قلبی سئخلوب درد و غمدن باغ طاها گل آچوب اولدی   گلشن نازون چکدی یوزون ئوپدی پیمبر بستر   گتدی  اونا   حورا   عدندن احسن او عز و جاهه         گوندن ایشیقلی ماهه                 جان و   دلین   ملکلر                            وئردیله   بیر   نگاهه

🌴تقدیم به مادران عزیز🌴 بو نه عالمدی خدایا ئورک ایستر ننه نی نه قدر مال و منال اولسا تک ایستر ننه نی الی الدن ئوزولوب تنگه گلن وقته بشر او چتین وقتیدی انسان کمک ایستر ننه نی.... 🌹🌹🌹🌹 یاخجی دقت ائله سن مظهر جاناندی ننه گیزلدن دردلرینی، غملره سلطاندی ننه نئیلورم من ایکی دنیاده بهشت اولسا منیم سوزلری آیه قرآن ئوزی رضواندی ننه... 🌹🌹🌹🌹🌹 یاخجی باغبان اولا گول مثلی سارالماز ننه لر یاخجی اولاد اولا هیچ وقت قوجالماز ننه لر دوقوز آی زحمتینی درک ائلیوب یوخلویاسان عمروده چاتسا صونا گوشه ده قالماز ننه لر.. 🌹🌹🌹🌹 ننه بیر نعمت عظمادی گوزل قدرینی بیل آغلیان وقته گوزوندن او آخان یاشینی سیل نقدر واردی نفس خدمتون اولسا ننییه آنانین زحمتینه چاتماز عمور اولسا مین ایل.... 🌺🌺🌺

سرود ولادت حضرت زهرا سلام الله علیها به سبک با ز هوای وطنم حضرت زهرا گوز آچوب گوز آچوب عالمه گلدی جهانه بو گیجه بو گیجه فاطمه فاطمه یا فاطمه ای گل خیرالورا 2بار شیعه ی اثناعشرین گل نیلوفری دین خدانین بو گلوب اولا تا یاوری حیدر کرارین اولار بو خانم همسری وئردی شرافت قدمی قدمی آدمه گلدی جهانه بو گیجه بو گیجه فاطمه فاطمه یا فاطمه ای گل خیرالورا 2بار عالمه اعلان ائلیون دل و دلبر گلوب حمد و ثنا خوان ائلیون مه انور گلوب شهری چراغان ائلیون گل احمر گلوب گویده ملکلر آدینی ائدوری زمزمه گلدی جهانه بو گیجه بو گیجه فاطمه فاطمه یا فاطمه ای گل خیرالورا 2بار جشنیده شرکت ائلیوب هامی پیر و جوان عالمی انور ائلیوب گل باغ جنان جنت العلایه دونوب بو گیجه آسمان عرشیده دوشدی نجه گور نجه گور همهمه گلدی جهانه بو گیجه بو گیجه فاطمه فاطمه یا فاطمه ای. گل خیرالورا 2بار اون بیر امامین آناسی آناسی فاطمه امت پیغمبر ه بو اولاجاق عالیمه میوه ی باغ نبوی گوز آچوب عالمه دشمن دینون جانینا سالا جاق واهمه گلدی جهانه بو گیجه بو گیجه فاطمه فاطمه یا فاطمه ای. گل خیرالورا 2بار حضرت زهرا آدینا آدینا جان فدا دفتره ویردی بو گوزل بو گوزل آد صفا «مهدی» یازاندا آدینی دیدی یا مرتضا عرض ارادت ائلیوب ائلیوب خاتمه گلدی جهانه بو گیجه بو گیجه فاطمه فاطمه یا فاطمه ای. گل خیرالورا 2بار ملتمس دعا مهدی ملکی 🌺🌺🌺

سرود ولادت حضرت زهرا سلام الله علیها بانوای:#سلیم_نظرآباد_منوچهر_حسن زاده در آهنگ الله اکبر خمینی رهبر الله و اکبر الله و اکبر دنیایه گلدی زهرای اطهر 2بار گول آچدی گلشنده گلدی مه انور عشق آسمانینده ماه ملک منظر گوز آچدی دنیایه دلبند پیغمبر شهر مدینه اولدی نورانی جمالیندن حیران ایکی دنیا قالوب جاه و جلالیندن الله و اکبر الله و اکبر دنیایه گلدی زهرای اطهر 2بار محبوبه ی یزدان پاک آدینه قربان طاها یه دلبردی فخر مسلمانان دنیایه زینتدی عالم اونا حیران زهرادی آدی حضرت طاهایه دختردی مافوق خلقتدی خانم دریای حکمتدی الله و اکبر. الله و اکبر دنیایه گلدی زهرای اطهر 2بار دریای عصمتدی معنای قرآندی زهرای اطهردی شمع شبستاندی به به نه زیبادی بر جسته انساندی پای ویردی طاهایه بو مولودی حق منان آرام جان حضرت طاهادی ای یاران الله و اکبر. الله‌اکبر دنیایه گلدی زهرای اطهر 2بار آچدی بو گون گللر شاد اولدی بلبللر آواز اوخور بلبل خوشحال اولوب ائللر گلدی بو دنیایه فرزند پیغمبر چهچه وروبدی شوقیدن باغلاردا بلبلر قونداقینی آغوشینه آلدی ملائکلر الله و اکبر الله و اکبر دنیایه گلدی زهرای اطهر 2بار گون تک منوردی دخت محمددی معنای غیرتدی دارای عفتدی یار ولایتدی دریای عصمتدی نورین سالوب دنیایه دنیا اولدی گل باران فخر ایله سن شیعه بو مولوده مسلمانان الله و اکبر. الله و اکبر دنیایه گلدی. زهرای اطهر 2بار

رقیّیه سلام بانوای:#سلیم_نظرآباد_منوچهر_حسن زاده . . شاعر ؟؟؟ . . خرابه قلبینی سیخان رقیّیه سلام اولا یزیدی تختیدن سالان رقیّیه سلام اولا . . ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقیّیه سلام اولان . . فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقیّیه سلام اولا . . آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقیّیه سلام اولا . . دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقیّیه سلام اولا . . . #حضرت_رقیه #لاادری #حضرت_رقیه_شهادت #خرابه_قلبینی_سیخان_رقییه_سلام_اولا #ترکی #زبدةالاشعار

ا🍁🌾🌱🌷💐🥀 ا🌾🌸🌺 ا🌺☘️ ا🌾 #درد دل- با امام #زمان( ع) #سلیم_نظرآباد_منوچهر_حسن زاده انتظار م من سنه ای کائنا تون لنگری حسرتم دیداریوه یا حجت ابن العسکری مس کیمین قلبیم اولوب آلام دنیادن کدر یوخ دواسی قلب زاریم اینجدور بوپیکری من کیمم بودهریده مولاسنه گَل گَل دئیم تنگه گلدیم لاجرم یازدوم ولی بو سوزلری ای امام محتشم ای وارث خون خدا ای عزیز فاطمه کون و مکانون زیوری گر چه من نالایقم وصلِ نگاره چاتماقا فاطمه جانی ئوزون مولاقبول ائت بیزلری سرخوشام بوپرچمون آلتنداعمروم سیراولا دولتون برپا اولا شاید گورک خوش گونلری ئوز خیالیمده سنون دیدا ر یوه آماده یم یوسف زهرا آدون اولموش منه دل ازبری گرچه من آلوده ام امّا امیدیم وار سنه پاسلی سینم نن زدوده ایلیر سن غملری عشقوه خاطرجهاندا من تمسخراولموشام گل ئوزون مایوس ائله بو بزمیده ابترلری عاشقم روز ازلدن خانه دان عصمته محترم دوتدوم همیشه عترتِ پیغمبری بوطریق عشقده گزدیم دولاندوم روزشب انتخاب ائدیم ولایت ده جناب حیدری حیدرایلن اون بیراولادی امامیم دی منیم چون بولار نور هدایتدی فضیلت مظهری واقعی عاشق حساب ائتمه منی شرمنده‌ام دفترِ اعمالیمون یوخدی بیلور سن برتری روز شب وورام قلم اجدادیوه یابن الحسن محشر بی شک بهانه من گتورم دفتری ای سعیدی سن ابولفضلی فراموش ایلمه هیچ زمان سالما قلمنن سن بئله سرلشگری زینبی تمجید ائدم ام المصائبدور خانم کول منیم بو باشیما یادّان چیخاتدیم مادری ( #سعیدی )✍️✍️✍️ 🌺 🌾🌿 💐🥀🍃🍂🍁🌱🌿

🌹بسم الله الرحمن الرحیم 🌹 شعر در فراق مولای غریبمان حضرت حجت بن الحسن العسکری امام زمان (عج) در آهنگ (( تو مشگتو به آب زدی ) ای عالمینه افتخار اهل زمینه اعتبار عجل فرج سسلور هامی عاشقلرون لیل و نهار سنه عاشق ناره یانماز روز جزاده بو سوز عینا ثبت اولوبدور لوح قضاده سنه دیل ویدوخ بو دنیاده شاه خوبان بیزی مهمان ایله شاها خوان ولاده یامهدی یامهدی یا مهدی یامهدی _____________________ بیزدن سنه شاها سلام ای صورتی بدر التمام سنله منظم کائنات ای آخرین برحق امام فتاده لردن ظهور ایله قیل حمایت جهاندا میزان و عدلی ایله کتابت هامی وهابی الوندن افغانه گلدی نه ظلم ایلور دهریده بو قوم ظلالت یا مهدی یامهدی یا مهدی یا مهدی _____________________ آیت به حی لایزال زیبا سیر ای خوش مقال تیز گل که بو عاشقلری اولدوردی بو شوق وصال فراقوندا قلب عالم شاها داریخدی شرار بو آیرلیق نه افلاکه چخدی او حیدر گونه گوزون مولا من فداسی کمند هجرانون آقا جان قلبی سخدی یا مهدی یامهدی یا مهدی یا مهدی _____________________ گل دولتون آغاز ایله آز عاشقانه ناز ایله گیت بیر بقیعه سیدی لطف ایله کشف راز ایله خزان بو شیعیانی شاها بهار ایت او گیزلین قبری نولار بیرجه آشکار ایت عدودن آل سیدی کوچه انتقامین بو عالمده عدل و حریت برقرار ایت یا مهدی یامهدی یا مهدی یا مهدی ✨اَللّهُمَّ عَجِّل لِوَلیِّکَ الفَرَج✨💫 __________

#در_فراق_پدر 🎵سبک: رقیه نازلی صورتین... ➖➖➖➖➖➖➖ اوقدری آغلادیم  گوزوم تار اولوب بابا یوزومده گوز یاشیم منه یار اولوب بابا بابا جان (٢) فراق یوخدی   طاقتیم  گتمه ای  بابا منی  بلالی دهریده   قویما  سن تنها بابا جان (۲) منیم کیمن جهاندا هئچ داغدار اولماز اورگینون     یارالری   بیشمار    اولماز بابا جان (۲) فلکدن   ایلسم   گله  یوخدی  پایانی طبیبده  ایملز   علاج    درد   هجرانی بابا جان (۲) گلنده  قبرین  اوستونه  عطریوی آلام صفالی  خاطراتیوی    یادیمه   سالام بابا جان (٢)

‍ احوالات بسیار سوزناک حضرت ام البنین و حضرت عبدالله ابن عباس علیهم السلام ✅ ترکی نه آتماقا ئورگیم وار نه اوتماقا چارم یانان بو غمده منیم قلب داغداریمدی گورنده قانلی عَلَم گیزلین آغلارام اِئوده بلا یولوندا یتیم اوغلی هم قطاریمدی دییَم اوشاقدی هله بیلمَسین ائویم یخیلوب گوزلدی نازیدی شیریندی گوز خماریمدی اودورکی آغلامارام ائوده اولسا عبدالله تحمّل ایله مییَن روح بی قراریمدی سالاندا مشکی ئوزی چیگنی اوسته آخشاملار گِئدن الیمنن اَوَل گورّم اختیاریمدی ئورکده نوحه دیوب آغلارام سَسیم چخماز فشاره قلبی سالان گونده بو فشاریمدی ئولوبدی دورد اوغولوم آغلیانمورام راحت دلیمده گیزلی قالان درد آشکاریمدی اوقدری نوحه لریم واردی اودلی سینمده یوخومدادا گجه لر وای بالا شعاریمدی یوخومدادا ، گجه لر، آغلارام ابالفضله دلیمجه نوحه دیین روح سوگواریمدی دورار ولی سسیمه نصف شبده ، عبدالله خیال ائدر کی منیم حال احتضاریمدی دویونجان آغلامامش سسلیوب منی اویادار او رنج صبحیدی بو درد لیل تاریمدی قوجاقیمه سخلوب ایستیر دییَم لای لای بو صحنه هر گجه لر ائوده انتظاریمدی دوشر یوخی باشنا درد دل ائدر منّن دییَر باشمدا آنا دوز دئنن نه واریمدی؟ هاچاندی گورمه میشم کربلا علمدارین ئولوبدی کیمسه ، قرا جامه ی محاریمدی ندن گورنده منی آغلیور بیبیم زینب؟ اسیر غصّه ندن ایلِ نامداریمدی؟ باخاندا من آتالار اوپمیور نیه اوغلون؟ ندن بیلولّه منیم اوج انکساریمدی؟ چکیلَّر اَل باشما قونشولار نوازشلن بولار اگر چه منیم شرح اعتباریمدی بابامنان ئوزگه سینه ناز اِئتمرم هرگز منه بو درسی وِئرَن سنمیان وقاریمدی آنا هایاندادی بس با وفا ابالفضلون غمینده تنگه دوشن قلب غصه خواریمدی گوزوم دولوب دییرم شِکْوَه ائتمه عبد الله بابون همیشه منیم ، اوغلوم افتخاریمدی گدیبدی کربو بلایه ، عمون حسینیله حسینه نوکر اونون اولماقی قراریمدی دییَر ندن وطنه گلمیور عموم آنا جان؟ جوابی یوخدی دییم؟ قوزانان شراریمدی من آغلارام گجه لر ، آغلیار یتیم اوغلوم منه ،اوغول، دییَرم ، ئوز ائویم مزاریمدی آماندی سعی ائله بو کوچه لرده تک قالما اگر چه حافظ اولان حیِّ کردگاریمدی ویرالاّ طعنه سنه تک گورنده شهر اهلی نصیحتیم سنه بو پند پرده داریمدی قوجالمشام اگیلیب قامتیم الیمنن دوت یخان بالا ائویمی چرخ کج مداریمدی سالار باشین اشاقا آغلیار یتیم اوغلوم دییَر غلامون آنا روح جان نثاریمدی بو کوچه لرده منیم چوخ بلا چکوبدی باشیم اشاره لر کی دیورسن یک از هزاریمدی تحمّل ائتمه لیدی غصّه و مِحَن دردی چتیندی بایرامنان کهنه پیرهن دردی... #ورود_مدینه #حضرت_ام_البنین ✍️ حاج علیرضا امانی

احوالات امام به علی اصغر (ع) اوپدی بوغازینن سنین اوچ شعبه پیکان اصغریم یات سینم اوسته سسلییم جان اصغریم جان اصغریم سیلم اوزوم گوز یاشیمی لایلای طرلانیم لایلای یات سینمه گوی باشیوی املیک جیرانیم لایلای اوخ دگجگین قنداغیده اسدی ایاقون تیتردی گویا گولیدون قیردیلار گولسوز بوداقون تیتردی باشون آخولدی سینووه قانلی دوداقون تیتردی سندن گوزل گول گورمدیم آخداردیم هر بیر گلشنی سنده علمداریم کیمین میداندا تک گویدون منی لایلای دییم یات قبریده اللهه تاپشیردوم سنی صبر ایسته الله دن منه ای قانه غلطان اصغریم یولاردا اوغلوم هر گئجه یوخلاردی اولدوزلار سنی اما بو آخشام خیمه ده اوخشار اوغولسوزلار سنی نعشون آپارسام خیمیه وئرمز منه قیزلار سنی بیر بوسه وئر ناز ایلمه احسان دی احسان اصغریم ای مرغ خونین شهپریم مدیوندی عاشورا سنه قول باغلی وئردون تشنه جان تنگ اولدی بو دنیا سنه جنتده باغلار یاره وی لایلای دیر زهرا سنه

🌸شعر جدید چاپ نشده میلاد حضرت زهرا سلام الله علیها ۱۴۰۲🌸 کنز وفا گوهری زهرا گلوب برج حیا اختری زهرا گلوب کل جهان خلق اولوب اونان ساری ماخلقین محوری زهرا گلوب دردللره درمانیدی صاحب احسانیدی زینت دنیادی خانم فاطمه مفخره عقبادی خانم فاطمه شانینه قرانیده کوثر گلوب دختر طاهادی خانم فاطمه روح ورواندی باباسی احمده راحت جاندی باباسی احمده اپدی یوزون ختم نبی سویلدی میوه ی جاندی باباسی احمده زادهٔ طاهایه دی قربان اولوم ام ابیهایه دی قربان اولوم گلمیوب گلمز نظیری عالمه حضرت زهرایه دی قربان اولوم دردی اولان دردیوه درمان ویرر بلایی باشیوه بو سامان ویرر سائل درگاهی گل اول من کیمی سائل درگاهینه احسان ویرر فاطمه ادینی فلک سسلیور عشقیله گویلرده ملک سسلیور شادوخرامان نجه اهل جهان دردی اولان غملی اورک سسلیور #ولادت_حضرت_زهرا_سلام_الله_علیها

سرود ولادت حضرت زهرا (س) آهنگ : ( همه جا بروم) ================== گوز آچدی عالمه       عالمین پناهی دخت پیغمبردی         وار جلال و جاهی نور ازلی      زهرادی زهرا جنت گوزلی       زهرادی زهرا زهرا یا زهرا (۲) عالمه جان گلیب          مقدمی مبارک جان جانان گلیب           مقدمی مبارک جسمیمده جانیم           زهرادی زهرا روح و روانیم             زهرادی زهرا خلقتین علتی        فاطمه فاطمه عالمین زینتی         فاطمه فاطمه محور خلقت          زهرادی زهرا خلقته علت           زهرادی زهرا نو گل پیغمبر          گل با صفادی گوللرین ایچینده       گولردن زیبادی گل نیلوفر          زهرادی زهرا یاس معطر          زهرادی زهرا (سالکم) اولموشام         فاطمه نوکری سسلرم دادیمه             زهرای اطهری زاده ی طاها              زهرادی زهرا ام ابیها                  زهرادی زهرا

آنا وصفینده یازدیقیم  شعری خلوص قلبیلن مهربان آناما  و تمام آنالارتقدیم ائدورم شاعرکربلایی صابرثمودی 🌿🌿 دولانیم باشیوا هر زمان سنون ای ایکی عالمده عزّتیم آنا قابلی یوخ بو جان  قربانون اولا  عزّتیم شرفیم شوکتیم آنا 🌿🌿🌿 دنیایا وئرمرم بیر باخشون من او گوزل باخیشدان محبّت یاغیر محبّت یاغیشین یاغدیران سن کوچور اورکده کی محنیتم آنا 🌿🌿 گویلوم ایستور ئوپم گول یاناقوندان ادب حکم ایلیور ئوپ ایاقوندان ئوپوم من ایاقون قوی گوزوم اوسته نقدری واریمدی فرصتیم آنا 🌿🌿 دوزدی کی  جنّت وار ایاقون آلتدا مگر من  ئوپورم جنّته خاطیر جنّتین داشینی باشیمدان آتدیم یوخومدی جنّته رغبتیم آنا 🌿🌿 دوشوم ایاقیوه  سجده ایلیوم فریضه دور سنه سجده ایلماخ حرمتون واجبدی نمازدان قاباق گرکدور اولمیا غفلتیم آنا 🌿🌿   لا شریک اللّهدی سوزوم یوخ بونا خطا دگول سنه من الله دئسم بولورم اللهیم غضب ایلمز سوزومده چون واریم دقّتیم آنا 🌿🌿 بویورموش قراندا حی لا یری  آنا مقدّسدی حرمت ایلیون باخیب کیم سوزومه ایلسه عمل شامل اولار اونا رحمتیم آنا 🌿🌿 حلالی حرامی منه اورگدن یئری واردور سنون غلامون اولام ایکی عالم اوزون آغ اولسون سنون چالیشدون دوز اولسون فطرتیم آنا 🌿🌿 دوشر نغمه لرون هر دم یادیما نه گوزل نغمه لر اورگتدون منه هر نغمه ده الله امام سوزی وار اولوبدولار دیلیمده صحبتیم آنا 🌿🌿 او نغمه لر ننه منی اوجاتدی دنیا گر یغیشا کیچیلده بولمز خانیم فاطمه دن آلاسان عوض سن اولدون باعث ِ رفعتیم آنا 🌿🌿 (ثمودیه) ننه صوت وئرن زمان یا علی فاطمه یا حسین دئدون او صود باعث اولوب ائللر ایچینده آدلانا شعوریم شهرتیم آنا 🌿🌿 خانیم فاطمه دن سن ایسته آنا اماندی گوزوندن سالماسین منی ساخلاسین دائماً علمی آلتدا  قویماسین اسگیله  قیمتیم آنا 🌿🌿 آنالار گونی مبارک

💚سرودولادت حضرت زهرا(سلام الله علیها)💚 ✍شعراز: محمدرضامحمدی(ناعم)    🔺فارسی    و     ترکی🔺 🌲🌲🌲🌲🌲🌲🌲🌲 میخونن فرشته ها دلبردنیااومده همگی مژده میدن حضرت زهرااومده هرکسی که بیماره*یا به سینه غم داره دامن مولابگیره  ذکریارهرابگیره  یازهـــــــــــــــرا     یازهـــــــــــــــــرا اومدکوثرقرآن،،،،اومد اُسوهٔ ایمان واکن دست گدایی   که عیدی میده جانان سرراش گل بریزیددخت پیمبراومد همسرحیدراومد تهنیت بگیدبه مهدی روزمادراومد دردوغمش سراومد مددی یافاطمه۲ 🌴🌴🌴🌴🌴 عاشقاشادی کنیدگوهرنایاب اومده شعرشادی بخونیدمادرارباب اومده هرکی کربلا میخواد  گنبدطلامیخواد دامن مولابگیره   ذکریازهرابگیره یازهـــــــــــرا    یازهــــــــــــــــرا پیچیدعطرگل یاس اومدمادراحساس واکن دست گدایی که عیدی میده عباس سرراش گل بریزیددخت پیمبراومد همسرحیدراومد تهنیت بگیدبه مهدی روزمادراومد دردوغمش سراومد مددی یافاطمه    ۲ 🌴🌴🌴🌴🌴🌴 🔻تــــــــــــــرکی👇 تهنیت شیعه لره یکسره دنیابزنوب تک نه دنیابوگئجه عرش معلابزنوب گلدی دریای ادب٭خلق دنیایه سبب فلک دیوریافاطمه   ملک دیوریافاطمه یازهــــــــرا     یازهــــــــــــــــرا اوخورنغمه ملکلر فرحلندی اوره کلر دنن شیعه مبارک گلوب یاورحیدر مددی یافاطمه۲ 🌴🌴🌴🌴🌴🌴🌴 هرکیم ایستوربوگجه عزت داداری گوره بوگئجه موهبت ورحمت سرشاری گوره باخسون عرش اعظمه یازیلوب یافاطمه فلک دیوریافاطمه ملک دیوریافاطمه یازهــــــــــــرا      یازهــــــــــــرا گلوب حقون عطاسی پیمبرون بالاسی حسینچیلراولون شاد گلوب عشقون آناسی تهنیت عالمه نوباوهٔ طاهاگلوب ام ابیهاگلوب جبرئیل گویده دیورعصمته مظهردی بو همسرحیدردی بو مددی یافاطمه    ۲

اوغول دوغوبدی فاطمه اسدقیزی، دوغوب اونو تاری اویونده فاطمه اسدقیزی، گوروبدو کی گوز آشمیری بو آی پارا، آپاردی تاپشیردی اونو پیمبره اسدقیزی، باخدی اونا نبی ددی ای فاطمه گوزآیدین، اسلامه دوغموشان اوغول یول آیدین، بو اُوشاقا آد قویورام علی من، من دِمرَم تاری دییر سسله گینن علی سن، اَکینچیلر،اکینتینی نجه اکیپ گوویرتدیلر، علینیده بیزیم ائله نبی گوویرتدی گول تکین، بیزیم ائله خان ایلدی ددی منه باشقا گلیپ، سُویُوندو بیر یامان آقا ددی منه قوشون گلیپ، بو ارسلاندی ارسلان،بو قورخمیاندی قورخمیان، بتون کُفُور ائللرینه بو اُوی یخاندی اوی یخان، دانشقی،یرشگی بتون سایاندی بو سایان، بهشتیده جهنمی بو پایلیاندی پایلیان، بو باشلیاندی باشلیان بو قورتاراندی قورتاران، علیدی بو یر گوی اوزنده آدلاناندی آدلانان، گوزلریزی آچین باخین جویوتلر، بو کیشینی سیز تانین جویوتلر، بایراقی وردیم بو کیشی الینه، قِیِم دورون خیبرزین دورینه، علیدی بو اول قاپینی سُوکَندی، علیدی بو قلینجنی اُورگیزه اکندی، علیدی بو ایلقاری سیندیران جویوتلر باخین، داغیتمامیش واریوخوزو تز آخین، معنای ایلقار میشه عهد ،پیمان، معنای سایان میشه مؤدب ومحترم معنای باشقا میشه مهم ،وزیر،معاون معنای جویوت میشه یهود بایراق میشه پرچم دوزلین:علی میناخانی