نوحه اول ماه محرم ✅ گریز به عاشورا و قتلگاه حاج رحمان شاجری سبک : ای باشی سرنیزه ده ... محرمون گلدی آقایاحسین شیعه لرون گیدی قرایاحسین حسین حسین جان حسین جان سنه قربان حسین ای آدی گوشوارهٔ عرش برین چکدی سنون نازیوی روح الامین سینهٔ زهراگُلوسن بی قَرین سنله جهان تاپدی صفایاحسین سایه وی کسمه باشیمیزدان آقا امتون اولدی ئورگی قان آقا کرب وبلایه ائله مهمان آقا سنده دی بودرده دوایاحسین یاسه گلوب حسینی لرسربه سر باشین آچوب دلدن حسین وای دیر مسجدومحرابه قراچکدیلر عالَم اولوب بزم عزایاحسین ناله ائدورگویده ملکلرسنه اهل ولایرده گلوب شیونه آزقالورآفت یتشه گلشنه غنچه لرون پرپراولایاحسین فاطمه جنتده اورک داغلوری اوغلی حسینون حالنا آغلوری باشینه بوغمده قراباغلوری دلدن ائدورآه ونوا یاحسین ائیل دولانوب ماه محرم گلوب نالیه عرش اهلی دمادم گلوب دسته لرالده قره پرچم گلوب موج ائدوری بحر بلایاحسین ای سوکنارینده سوسوزجان وئرن جاننی جاناننه عطشان وئرن دینینه یتمیش ایکی قربان وئرن ای ایلین عهده وفا یاحسین واریری شیعه سنه دلدن یانا چون بدنون یاره سی گلمز سانا قتلگه ایچره بویانوبسان قانا اورک یاراسینه یارایاحسین یاره دگنده دل ناشادیوه اولمادی بیرکس یتشه دادیوه گلدی حسین جان باجون امدادیوه سسلدی دوریاندیم اخا یاحسین «شاجری»یازنوحه حسینه مدام یازدیقیوی دفتره ائت انضمام دردیوی یالوار دئ آقایه تمام عرض ایله ای کان سخا یاحسین #ورود_محرم

🏴زبانحال حضرت امام جواد علیه السلام در لحظه شهادت 🎼سبک: تا مشکتو تو آب زدی 🎼سبک:حسین دوشوبدی مقتله ... ✍جهان سلیمانی الهی قلبیم اودلانور قالوب سینمده اللریم وئروبدی سم دون منه اولوبدی قاتل همسریم سنه روشندی خداوندا عرض حالیم نه شکوَم وار نه اورکده واردور ملالیم فقط قلبیم اود دوتوب دور بو رنج و غمدن منه قاتل اولدی عالمده اوز عیالیم غریبم الهی ۳ امام امتی ندن سالوبلا تنگه ای خدا اوز همسریم ندن چیخوب منیله جنگه ای خدا ایدوبدی زهر کین اثر سینمده قان اولوب جگ ویروبلا سانکی قلبیمی سر خدنگه ای خدا چکور آتش قلبیمون باشیندان زبانه منیله بی مهری ایتدی هرگون زمانه منم خورشید امامت کی باتدی گویده منی مسموم ایلدی قاتللر شبانه غریبم الهی ۳ مدار عشقیده آیام سپهر غم سُهیلیم زمانه اینجیدوب منی زمانه دن گیلیلیم بهار عمریمی خزان قیشا هدایت ایلدی نه عرض ائدوم که محرمیم نجه جنایت ایلدی ننم زهرانین یری العان بوردا بوشدی منه لای لای باشلاسا زهرا ایندی خوشدی بالالارین ئولدوروبدی دست ستم گر منی ده دست زمانه اون لاره قوشدی غریبم الهی۳ منی سالوبلا حُجریه باشیمدا واردی مین بلا حسین حسین دیور دیلیم گله غریب کربلا او شاه محترم گله او قولاری قلم گله آنام دینده اوخشاما بیز آغلیاق آتا بالا منه جدیم مصطفی جنتده غمیندور منه آغلار چون جناب روح الامیندور حسن آغلار حالیمه ای وای سسللر اوغلوم سنون دردون  ئوز آتونداندا چوخ چتیندور الهی غریبم۳

‍ شهادت حضرت جواد علیه السلام 📝▪️مرحوم صابر سبک :: زینبم جان اوستیم .. نوش ایدوب اوغلون تقی جام اجل یا فاطمه باشیوه دور قاره سال بغداده گل یا فاطمه ایستدی بیر شاخه گل باغ امامتدن کسه محرمی ایتدی جفا بو نوجوان بی کسه ناله سی شمس الشّموسین چخدی چرخ اطلسه وای اوغول وای سسلدی صبح ازل یا فاطمه گرچه اهل عترتون اهل جفا مظلوم ایدوب لیک بو اوغلون غمی عالملری مغموم ایدوب من دیمم اوز عورتی نه نوعیله مسموم ایدوب پرده ده لازمدی قالسون بو عمل یا فاطمه چوخ آز عمر ایتدی جهاندا بو سمیّ مصطفی اولدی آز عمریله امّا چوخ بلایه مبتلا گاه توهین ایلدی گه دوغرادی اهل جفا بلکه ایتسونلر شئونین مبتذل یا فاطمه قلب عالم قلبینی تا دخت مامون داغلادی قویدی یالقوز ایوه بو شاهی قاپونی باغلادی وا اماما سسلدی سکّان افلاک آغلادی ویردی یالقوز جان حبیب لم یزل یا فاطمه یوز قویوب دیواره گه سولموش دوداقلار غنچه وش بیربیره لمس ایلیوب گاهی دیردی العطش کربلا مظلومی تک جان اوسته گه ایلردی غش گه دونردی صاق صولا قلبینده ال یا فاطمه بیر کنیزی غم احاطه ایلدی چون دایره الده بیر کاسه گلوب مظلوم امامه سو  ویره امّ فضل آلدی الیندن کاسه نی چالدی یره تشنه جان ویردی اولوب عکس العمل یا فاطمه امّ فضل بیحیا تا حاصل ایتدی مدّعا بامه حمل اولدی جنازه آه یا خیرالنّسا نولدی بولمم، کوچه ده قالدی امام الاتقیا گون ایوی گل جسمینه اولدی محل یا فاطمه قالدی اوچ گون یرده نعش سرور ابرار زار وارث اولدی جدّینه بو نوجوان گلعذار سرور مظلومیله امّا بونون چوخ فرقی وار یوخ مصیبتده حسینه بیر بدل یا فاطمه گرچه اوچ گون کوچه لرده قالدی بو اوغلون تقی اولمای مُثله ولی جسم تقیّ متّقی آه او گوندن کربلا دشتینده اشرار شقی تاپدی جرات ختم اولا ساعت جدل یا فاطمه تا اله گلدی عمر سعد جفاجو مطلبی امر ایدوب ایتسونله مُثله اول وجود اطیبی داغدار ایتدی بو غم قلب جناب زینبی اللری باشدا دیدی فریاده گل یا فاطمه ایتدیلر قربان کیمی قسمت حسینین پیکرین ساربان بیحیا کسدی بیلکدن اللرین بجدله بذل ایلدی انگشتیله انگشترین قانلی باشه شامه گزدی ال به ال یا فاطمه ایلدی اعراب وحشی آل طاهانی اسیر کوفه و شامه آپاردی قیزلارون قوم شریر هانسی قانون بیر بیله ظلمی بولر آیا جدیر شاهزاده طاهرات عریان جمل یا فاطمه نوکرون «صابر» خانم یا فاطمه دلخون اولوب بیر اوزون مدّتدی ناکس کسلره مدیون اولوب فکری پوزقون روحی خسته محنتی افزون اولوب بورجی دورت یوز مین ریالدور ماحصل یا فاطمه              

گلون توسل ایده ک درد وغم یوران بالیا جمالی نیلی کیچیک قلبی لخته قان بالیا قاچانمیان غم الیندن یارالی قوشلار تک خرابه نی ایلین غملی آشیان بالیا آتا قوجاقینه ناز ایلین گوزل جسمی ایدن خرابه مصیباتی نیمه جان بالیا گوزینده قان یوزی نیلی اولنده صورتدن آناسی حضرت زهرایه هم نشان بالیا بی بی سی تک بودا باب الحوایجه تانینوب ده حاجتون بو ستمدیده ی زمان بالیا مزاره بیر قره معجرله جسمی دفن اولونان صغیره سنیله تاریخه قهرمان بالیا کفنی قاره,گونی قاره,معجری قاره بدنده غملرینی قمچیلر یازان بالیا گلنده غسل ایده غساله کنج ویراندا ترابون اوسته چیخان جانی ناتوان بالیا

‍ در جلالت امام جواد (ع) #سبک_یا_امام_زمان_شیعه_ده_احساسه_باخ استاد حاج ابوالفضل عباسی معروفان یا امام جواد ای گلِ باغ رضا پسر فاطمه بند دل مرتضی حیدرین نایبی ای کرم صاحبی دوت الیمدن - بینوایم درد عشقه - مبتلایم آفتاب ادب بحر شرف گوهری زلفی حبل المتین دست سخا اللری آدیوه عاشقم شیعه لرین رهبری سنه دلبسته یم عشقووین مستی یم دوت الیمدن - بینوایم درد عشقه - مبتلایم علوی سن آقا شیر خدا اوغلوسان زینت و سرور کل نسا اوغلوسان هشتمین اختر برج ولا اوغلوسان مقتداسن منه من غلامم سنه دوت الیمدن - بینوایم درد عشقه - مبتلایم

سلام صبح بخیر 🌸🌸🌸 گون آیدین 💐💐💐 اللهم عجل لولیک الفرج ❤️🌹

مصریده یوسف زیبا چکیلوب بازاره بو خبر تیز یتوب اشرافیلره تجاره اغنیا گلدی خریده فقرا دیداره گلدی بیر پیر زن بیوه ده الده کلفی گوردیلر واردی اونون یوسفی آلماق هدفی هامی انگشت تعجب آپاروبدور دهنه چوخی تحقیر ایلیوب گولدولر اول پیرزنه دیدی منده بیلورم یوسفی ساتمازلا منه ثروتیم یوخدی گیم اکنیمه جیران دریسی یوسفین ایستیورم چوخ گورونه مشتریسی

‍ سینه زنی حضرت عباس علیه السلام🥀 🎶سبک منم باید برم.... علم دوشوب یره ۲ سوزوم دوشوب بو دیللره اماندی داده گل باشیم دوشوب دو اللره اماندی داده گل باشیم دوشوب دو اللره 🔳آقام اقام اقام حسین آقام اقام اقام علم دوتان قولوم دوشوب داخی علم دوتانمورام منی گذشت ایله حسین ایاغوا دوران مرام گذشت ایله حسین ایاغوا دورام مرام گیتسن خیمیه قیزلاری یغ باشیوَ دو چال دیله بو ساغ قوزم اوخلاماسن گویما باجیم زینب بیله 🔳آقام اقام اقام حسین آقام اقام اقام فرات فرات فرات چه بی وفایی ای فرات رقیه منتظر بود برات فرات فرات علی اصغرم بود کباب برات فرات دلم یجوریه آره پر از صبوریه غم تو اصغرم واسه دلم یجوریه۲ 🔳علی لالا لالا روله لالا لالا لالا گولوم لالا لالا علی لالا لالا لالا

نوحه خاطره انگیز و ماندگار 🔉 با نوای دلنشین استاد سید محمد عاملی اردبیلی

آرزوی زیارت کربلا درآ هنگ (امان امان امان علم لرون اسیر) اورکده حسرتون قالوبدی کربلا قراریمی  بو  غم  آلوبدی  کربلا              ای عالمه رجا، صفالی کربلا ای پاک تربتی هر  درد ایچون دوا سنده  یاتوبدی  بیر  غریبِ  آشنا  هر دم  وصالیوه خسته گویول اسور جهاندا   اولموشام   فراقه   مبتلا            آدون درده دوا، صفالی کربلا چوخ  گویلوم  ایستیور گَلَم زیارته الهی  لطف  ایله  یِئتَم  بو  وصلته دلیمده ازبریم اولوب حسین حسین واردور  سوزوم  او  شاه  با  کرامته             ای معدن عطا، صفالی کربلا یئتمیش بیر عاشقه سن قبله گاه سن کوی محبَّته سن شاهراه سن بیر یِر مقامیوه چاتماز بو دهریده عرش خدایه عالی جلوه گاه سن            ای تربتی شفا، صفالی کربلا الهی بیر نولور فراته یول سالام نماز عشقه اوردا دستماز آلام حسینون آلتی گوشه قبرینی ئوپم ششماهه اصغرآرزوی زیارت کربلا در هنگ (امان امان امان علم لرون اسیر) اورکده حسرتون قالوبدی کربلا قراریمی  بو  غم  آلوبدی  کربلا              ای عالمه رجا، صفالی کربلا ای پاک تربتی هر  درد ایچون دوا سنده  یاتوبدی  بیر  غریبِ  آشنا  هر دم  وصالیوه خسته گویول اسور جهاندا   اولموشام   فراقه   مبتلا            آدون درده دوا، صفالی کربلا چوخ  گویلوم  ایستیور گَلَم زیارته الهی  لطف  ایله  یِئتَم  بو  وصلته دلیمده ازبریم اولوب حسین حسین واردور  سوزوم  او  شاه  با  کرامته             ای معدن عطا، صفالی کربلا یئتمیش بیر عاشقه سن قبله گاه سن کوی محبَّته سن شاهراه سن بیر یِر مقامیوه چاتماز بو دهریده عرش خدایه عالی جلوه گاه سن            ای تربتی شفا، صفالی کربلا الهی بیر نولور فراته یول سالام نماز عشقه اوردا دستماز آلام حسینون آلتی گوشه قبرینی ئوپم ششماهه اصغره بیر لایلای چالام             جانلار سنه فدا، صفالی کربلا 🌴🌴

نوحه حضرت رقیه رقیه چوخ آغلاما غم خانه ده گیشدی گونون گوشه ویرانه ده سالما اشاقه باشون                                                      توکمه یوزه گوز یاشون یولارا باخما قیزیم                        گلمز علی قارداشون آغلاما ای فاطمه ریحانه سی قارداشیمون سوگول دردانه سی گوردی فلک باشیوه غم شانه سی آز منی آغلات قیزیم                      گل سینمه یات قیزین آهو باخش نازلی شیرین دل قیزیم غصه سی چوخ هرسوزی نسگل قیزیم آغلاما بسدور گوزوی سیل قیزیم یولارا تیکمه گوزون                                عموه ده هر سوزون آخشام اولاندا باخوسان یولارا یولارا گل یوزوی قویما قیزیم دیوارا دیوارا قلبیمه ورما گوزلیم چوخ یارا چوخ یارا آخشام اولوب همشه گون باتاندا باتاندا گئجه گویه ستاره لر چخاندا چخاندا هی دیوسن عمه بابام هایاندا هایاندا آخشام اولوب هرگئجه گون باتاندا باتاندا هامی گیدیب ایولرینه یاتاندا یاتاندا هی دیوسن قالدی بابام هایاندا هایاندا چوخ باباوی سسلمه                          گلدی گئجه غم یمه دشمن دینین ایوی ویران اولا سالدی شمادت سنی حالدان حالا قویما یوزون تپراقا یورقون بالا یوردی شمادت سنی                        غصه قوجالدیب منی رقیه چوخ آغلاما غم خانه ده گیشدی گونون گوشه ویرانه ده سالما اشاقه باشون                                                      توکمه یوزه گوز یاشون یولارا باخما قیزیم                        گلمز علی قارداشون

#نوحه_شهادت_امام_جواد_ع💔 یابن‌موسےالرضا شیعیه احسان ائله اوگوزل قبرووه سن بیزی مهمان ائله نور چشم رضا - مرقَدی جان فزا             یابنَ زهـــــرا(۲) ای جواد ای گُل گلشن آل عبا ماتمونده ائدر عالَم و آدم نوا مرقد پاکووه شیعه‌لر اولسون فدا شیعه‌نی دعوتِ روضهٔ رضوان ائله نور چشم رضا - مرقَدی جان فزا             یابنَ زهـــــرا(۲) شهر بغدادیده ظلمیله مسموم اولان اثرِ زهریدن عارضی گول تک سولان جگری دوغرانوب لبلرینه قان دولان سسلدون گل آنا یاسیمه افغان ائله نور چشم رضا - مرقَدی جان فزا             یابنَ زهـــــرا(۲) بو عزاده آقا باشه قرا باغلاروق یانه‌یانه سنون محنتووه آغلاروق قاره کوینک گیوب سینه‌میزی داغلاروق لطفووی شامل شیعهٔ نالان ائله نور چشم رضا - مرقَدی جان فزا             یابنَ زهـــــرا(۲) معتصم مکریله دعوت ائدوبدور سنی غرق آه و غم و محنت ائدوبدور سنی جَبریله دعوت شربت ائدوبدور سنی سویله‌دی میل ائدوب حظِّ فراوان ائله نور چشم رضا - مرقَدی جان فزا             یابنَ زهـــــرا(۲) شربتی میل ائدوبسن جگرون قان اولوب محنتوندن آنون فاطمه گریان اولوب جنّتی تَرک ائدوب حُجرووه مهمان اولوب سسلنوب جان بالا آز ئوره‌گیم قان ائله نور چشم رضا - مرقَدی جان فزا             یابنَ زهـــــرا(۲) ای رضانین جوان اوغلی جوادیم بالا هِی‌چالوب‌ال‌ایاق‌دوشمه‌چوخ‌حالدان حالا آز منیم قلبیمون مجمرینه کوز قالا سینه‌می داغلیوب آز منی گریان ائله نور چشم رضا - مرقَدی جان فزا             یابنَ زهـــــرا(۲) معدن جودیسن بابِ سخادور آدون سن رضا اوغلیسان رمز شفادور آدون عالمین دردینہ عین دوادور آدون شیعه‌نین دردینه یکسره درمان ائله نور چشم رضا - مرقَدی جان فزا             یابنَ زهـــــرا(۲) شاعرت تشنۂ جام سبوی شما طالبِ(فیضی)از بخشش کوی شما عالمی روشن از جلوهٔ روی شما منیچون خانهٔ قبری چراغان ائله نور چشم رضا - مرقَدی جان فزا             یابنَ زهـــــرا(۲) #رحیم_فیضی_اردبیلی

راه شام زبانحال حضرت لیلا (س) معزی اردبیلی چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا گوروب دلبندینون باشین چکوبدور آهی آه اوستن بالانین محنتی گتدی آنانی جانه یوللاردا دیدی ای یوسفیم یومما گوزون حالی پریشانم تکان ویر بیر قدر قانه باتان مژگانه یوللاردا فلک اون سگّیز ایل قویدی باخام رخسارووه اما صورا دنیانی دوندردی منه زندانه یوللاردا منیم شمع حیاتیم سن آماندور تز جدادن اَن دولانسون باشوه بیر آز گِنه پروانه یوللاردا اَسوب یل کاکلون سرنیزه ده اولموش پراکنده نه خوشدور زلفووه ویرسا کنیزون شانه یوللاردا گلوبدور باش یاروندان قان دوزولموش ماه رویونده یوزونده خشک اولان قان بنذیور مرجانه یوللاردا ایدوب حُسن عالمی یکسر مسخّر لشکر زلفون کنار ایله باخوم بیرده رخ رخشانه یوللاردا چیخاندا نیزیه باشون کأنّه آی چیخور سیره باخور افسرده اولدوزلار مهِ تابانه یوللاردا فلک جان شیشووی چالدی عداوت داشینه بیر دن نظر قیل گور نجه آغلار نچه دُردانه یوللاردا هانی هاجر گلوب باخسون منیم تک هاجر عصره نه نوعی وورموشام زینت گوره قربانه یوللاردا دریغا یوسف عصری چکوب بازاره شام اهلی ساتوللار گور نه نوعی قیمت ارزانه یوللاردا ولی کیمده نه جرأت وار حسینون یوسفین آلسون خریدارم ئوزوم من یوسف دورانه یوللاردا دیدیم گر چه گوزون یونما ولی یوم مشتری چوخدور آلا گوزلر نهان اولسون باخور بیگانه یوللاردا یقین ئولم آلنسا قانلی باشون نیزه داروندن ایویمی یخماسن باخما من نالانه یوللاردا آپارسا هر یره دشمن منی گل سنده دیداره گجه صبحه کیمی سنلن قوروم غمخانه یوللاردا دیللّر ظالمی آنی یخار بیچاره نین آهی چکوم آهی سالوم اود عالم امکانه یوللاردا آنالیق مهری جوش ایلراورگیم برگ تک تیترر ترحّم ایلین یوخدور دل لرزانه یوللاردا طبیبا ناقه اوستونده مریض بی علاجم من منی محتاج ایدوب دردو غمون درمانه یوللاردا دعا من ایلرم آمین دییَر نازلی رقیّونده باشون تا اولمیا مهمان دنی انسانه یوللاردا ربابون اوغلی اللرده ئولوب بیلّم چیخار جانی پریشان گوزلری دوشسه قوزی جیرانه یوللاردا #راه_شام

▪️روضه سوزناک استمداد و احوالات امام جواد(ع) ✍شاعر لاادری الیم ئورکده اوغول لبلریمده قان ئولورم گوزیم یولوندا علی گل چیخوربوجان ئولورم بومامونین قیزی زهریله مسموم ایلدی گل یوخومدی داده یتن ایلورم فغان ئولورم وئریبدی زهریلی انگوریلن یانور جگریم یتیم ائدوبله سنی هم ئوزیم جوان ئولورم وئریبدی معتصمین زهرینی عیالیم اوغول یوخومدی بیرنفریم بوردا مهربان ئولورم غریبم ایندی بوبغدادیده هرایمه گل دیزاوسته باشیمی آل جان وئرن زمان ئولورم مدینه دن بالاتیزگل گوروم اوگول ئوزیوی اولوبدی رنگیم علی گل گورارغوان ئولورم گوزتلورم یولوی سون نفسده سن گله سن بالایوخومدی بودیزلرده بیرتوان ئولورم گوزیم یولونداقالوب باغلاگل بوگوزلریمی قوپدی گویلره بغدادیده فغان ئولورم گلوب جوان بالاسی غسل ائدوب جوان آتایا حسینده سسلدی گل اکبر جوان ئولورم بالانئجه گله سن دوغرویوبلا پیکریوی منه بوکوفه لیلر وئرموری امان ئولورم یئخوبلا قتلگهه اوخ قلج وورولامنه اوغول کسورباشیمی قوم کوفیان ئولورم گلوبله قتلگهه شمر وخولی باش کسه لر ووروبدی حنجریمه نیزه سین سنان ئولورم یارالی سینه بالا خارپشته بنزری،وار نه واردی حنجریمی شمریدن آلان ئولورم اماندی یازما داخی صاحبا حسین غمینی ئولنده سسله یتور شاه انس وجان ئولورم

جاندان دوشردی کونلوم، جـانانه اولماسایدی چاتمازدی شمعه شهرت، پروانه اولماسایدی تـئللر اسـیب سـالاردی عـاقیللری آیــاخـدامن زنــجیر زولفــه بـاغلی دیــوانه اولمــاســایدی میخانه لرده باده مـوشکول دوشــه ردی یـاده آهـو باخیشلی گــوزلر خـمخانه اولمـاسـایدی بــــاد صـــبا پــوزانــدا گیــــسولرین نــــظامین اولمـازدی یـاره کـونلوم گرشـانه اولماسـایدی مــنع شــراب ائـــدردیم زاهــد مـــثالی مــنده پــیمانی سـیندیراردیـــم پـیمانه اولمـاسایدی مــین درد عشــقه چــاره ائــیلردی بـیر اشاره جـان دردیــنه گــوزه للر بــیگانه اولمــاسـایدی گـول تک گـولردی اوزلـر قان آغـلامازدی گـوزلر گـــوندن دورو حــقیقت افسـانه اولمــاسایدی روحوم قوشون ائدردیم جان دوستاغیندان آزاد حاجت بو جسـم آدیـندا زنــدانه اولمــاسایدی گنج محبت "عاصم" سالمــازدی یئر اوره کـده جانان یـولـوندا کــونلون ویـــرانه اولمــاسایدی  عبرتنامه عاصی

اوخشاما🍁 سارالمیان گولوم باغیم واریدی آچان بو غصلی باغیم وارییدی حسین نیه سنه اورکدن اوخ وریبلار مگر اورکده سنون نه داغون واریدی (جواب ) نقدری اکبریم ساغیدی زینب باغیم صفالی باغیدی زینب منی یخامازیدی اوخ قوم اوسته منی یخان اوغول داغیدی زینب

✍شهادت حضرت ابوالفضل(ع) 🎼سبک: گل ای امید دل منتظران... 🎼سبک: دور ای بهارین گل یاسمنی... ☘☘☘☘☘☘☘ گول اوسته صرصر اسیلیبدی نه نه/ داخی امیدیم کسیلوبدی نه نه/ بو قلبیمی غم اوخی بولدی نه نه/ علم دوتان قارداشیم أولدی نه نه/ سیندی بلیم نه نه گل/ یوخ کمکیم نه نه گل/ قانلی منایه دوشوب / آرخام الیم نه نه گل/ وفالی قارداش ابوالفضل حیالی قارداش ابوالفضل یاتان بوایستی قوم اوسته یارالی قارداش ابوالفضل,, اولوبدی پرپر گل یاسمنی بو چولده صد پاره اولوب بدنی/ سالوبدیلارجسمیده قوللاری یوخ/ ووروبدیلار ساغ گوزی اوسته بیر اوخ/ پیکری قانه باتوب / تشنه بو چولده یاتوب/ گوزلرون آچمور آنا / چون منی گوزدن آتوب ,,,, باتوبدی القانینه کل وجود/ وروبدیلار آنلینا آهن عمود/ قانادسیز عنقا کیمی شهپری یوخ/ بو پیکرونده داخی صاف یری یوخ/ پیکرون اوخلار آلوب / ایستی قوم اوسته قالوب/ آی یوزونی بو عدو / گورنجه حاله سالوب,,,, غم اوستونه گور نجه غم قالانوب/ دیوبدی اوخ مشکینه سو جالانوب / جفا وغم طاقتیمی آلوری / بوچولده دشمنلریم ال چالوری/ یار ومریدیم اویان / تشنه شهیدیم اویان/ کرب وبلاده منیم/ سن سن امیدیم اویان,,,/ خیمده من زینبیمه نه دیوم/ سه ساله تشنه لبیمه نه دیوم/ نجه دیوم ساغ گوزون اوخلادیلار/ وفالی قارداشیوی دوغرادیلار/ آهو کیمی اوملر / اشکینی گوزدن الر بولسه رقیه قیزیم قانلی منایه گلر التماس دعا ✍بقلم کربلایی خوش نواز

‍ داغلار آغلار داشلار آغلار ماتمونده یا حسین نیزه لرده باشلار آغلار ماه ماتم باشلانوبدی غملی گوزلر یاشلانوبدی اهل عالم گیدی قاره سرور دین حیدر آغلار دل غمونده داغلاروخ بیز عاشقانه آغلاروخ بیز عاشق مولا اولانلار آه و افغان ایلر آغلار قورموشوخ ماتم اساسی شیعه گیدی غم لباسی گوز یاشی توکدی عذاره قطب دین پیغمبر آغلار ماتمونده عالم آغلار آدم آغلار خاتم آغلار غم ائله غمدیور بو غمده مومن آغلار کافر آغلار آغلوری گوگده ملک لر اوخشوری محراب و منبر بیر قولاق وئرسن گوررسن مسجد اوخشار منبر آغلار غصه دن طاها سیزیلدار حضرت زهرا سیزیلدار سسلوری ای وای اوغول وای مادر غم پرور آغلار عاقل و دیوانه آغلار کعبه و بت خانه آغلار بو غم عظماده شیعه آچ گوزون گور کیملر آغلار شاه دینین یاسی گلدی روز عاشوراسی گلدی آتش غمده یانانلار گل آدیوی سسلر آغلار آت اورک بیر کربلایه اوردا باخ شور و نوایه بیر نظر سال قتلگاهه حنجر اوخشار خنجر آغلار محنت مولا قوتولماز سوز یازاندا پرده لی یاز ساخلا ال یازما «شهابی» خامه اوخشار دفتر اغلار

زبانحال حضرت ام البنین (س) در مدینه مرحوم انور اردبیلی خیالیمه سالارام عون و جعفر و فضلی ئولونجه اوخشیارام شیردل اباالفضلی باشینون اوسته ئولن وقته اولمادیم نیلوم آچوب بو زلف پریشانی یولمادیم نیلوم اگر اولیدیم او چولده قیامت ایلردیم بالاما دشت بلاده حمایت ایلردیم نقدر ائدیدوم اگر آه و ناله دویمازدیم کسیلن اللرینی توپراق اوسته قویمازدیم همان او قوللاری جان تک سینمده ساخلاردیم گلینجه قارداشی داده اؤپردیم آغلاردیم حسینیمه او کسوک اللری وئرردوم ئوزوم دیردوم آل بولاری ساخلا یوخدی منده دوزوم فغان و آهیمیلن کائناتی داغلاردیم حسین دینده بئلیم سندی منده آغلاردیم قولاق وئرردیم اونون دقّتیله نوحه سینه سسیمی منده قوشاردوم حسینیمون سسینه دینده آچ گوزون عبّاس نور عینیم وای دیردوم اوندا یقین منده وای حسینیم وای او باشی اوسته نوا ایلینده آغلاردیم ایاق طرفده ده من چکمه سین قوجاقلاردیم یارالی سینه سی اوستن چکنده پیکانی تزلزله گتورنده او دشت و صحرانی دیردوم آغلا بالا اوخلارا ال آتما حسین یاتوبدی نازیله عبّاسیمی اویاتما حسین چتین اولوب سنه گر چه بو نوعی یانما بالا باشینون اوسته اباالفضلیمون یوبانما بالا سن آغلاسون غمیوه کوفیان ائدلَّه طرب گئدک خیامه منیلن گوزتلیور زینب

گوزیاشیمی هیچ غم بو قدر قانه قاتانمز ، اکبر غمی قاسم غمی عباسه چاتانمز ، یاتدی علمیم عترتیم آسوده یاتانمز ، شام اهلی داخی پوزدیلا پرگاریمی زینب ، ئولدوردیلر اللرده علمداریمی زینب جان گلشننه باد مخالف اسیلوبدور ، جانان رقم عمرینی قانیله سیلوبدور ، فکر ایلمه تک قوللاری تندن کسیلوبدور ، یوخ باجی ئوزوم ناظریدیم ئوز عملیمده ، هر عضوینه ال آتدیم ایله قالدی الیمده