خبردار ای عزاداران حسینین یاسی باشلاندی اولونسون عالمه اعلان حسینین یاسی باشلاندی آلور بازاریدن گوردوم کی بعضی شخصیلر قاره خبر آلدیم نه اوضاعدور آچوبلار نطق گفتاره مگر گورمورسن اطفالی دوشوبلر کوچه بازاره دیوللر با دل سوزان حسینون یاسی باشلاندی دیدی ای شاعر نالان ندن بیلدون بو پیغامی اونا عرض ایتدیم ای مومن بو سوزلر اولدی الهامی اولور چون نهم ذی الحج کی یعنی بایرام آخشامی سحر کی کسدیلر قربان حسینون یاسی باشلاندی او گوندن کی حسین اولموش قتیل لشگر اعدا همان گوندن الی محشر گرک اولسون عزا برپا هامی یر کربلا دشتی هامی گون یوم عاشورا کفایتدور بو بیر برهان حسینون یاسی باشلاندی اگر فکر عالمیلن ایلسن سن گوگلره معراج گوررسن حضرت روح الامین باشدان گوتورموش تاج بلند آوازیلن سویلر الا ای فرقۀ  بهاج اولون غمگین بودور فرمان حسینین یاسی باشلاندی گئدیب بیر طفلد‌ن آلدیم خبر آیا، نه عالمدیر دئدی آلما خبر ای مرد محرمدیر، محرمدیر بیزیم گوز یاشیمیز آخر حسین زخمینه مرحمدیر اونون لطفی بیزه درمان حسینین یاسی باشلاندی گوزومد‌ن یاش اولور جاری، قلم آلدیم اله فی‌الحال یازام بیر شمّه بو حالی خیالیمدن گئچیب گودال همان گودالی آلمیشدی آرایه دستۀ  اطفال هامیسی دیدسی گریان، حسینین یاسی باشلاندی آچیبدیر باشینی زینب او نعشین اوسته دلخسته نه حالدیدی دولاندیردی خلاصه آرخاسی اوسته باجیدیر قارداشین اوخشار ولی آهسته  آهسته میان مقتل میدان، حسینین یاسی باشلاندی گوروب بیر اوچ یاشیندا قیز مصیبت باشیدن آشدی دئدی دردین باباسینه محبت قایناییب داشدی آتاسی قوللارین آچدی، بالا گلدی قوجاقلاشدی باخیر اطرافید‌ن عدوان، حسینین یاسی باشلاندی ✍ #استاد_مضطر_اردبیلی

✅ یـاحسیـــــن(؏)✅ عـاشقـم عشـق‌ حسیـن  مـدرک ایمانیمـدور اسـم اعظـم دی  آدی   زینـت دیـوانیـمـدور بودی‌ فخـریم‌ کی‌ شرف‌ درگهینیـن‌ خادمی‌ام یوسـف‌فـاطمـه،‌سلطـان‌ لـب ‌عطشـانیمـدور باغلیـام  معـرفـت  احـرامی  طوافینده  گرک آلتی ‌گوشـه حـرمی  ‌ کـعبـهٔ‌ عـرفـانیـمـدور بیر گوزل ‌مروه صفـادور  منـه ‌بیـن‌الحرمیـن وادی  کـرب ‌و بـلا (روضـهٔ رضـوانیـمـدور) ✍مِن کَلام(فرهادی مراغه ای

هر زمان دوشسه گل یاسه گؤزوم  آغلیار حضرت عباسه گؤزوم  قره کؤینک گییرم  یا اباالفضل دییرم    گول کیمی پرپر ائدوب دشمن اونی  دوغریوب ظلمیله اهریمن اونی  او چیخاتماز منی یاددان بیلورم  نئجه یاددان چیخادیم بس من اونی    قره کؤینک گییرم - یا اباالفضل دییرم (۲)    باغبان بلبله اورگتدی گل یاسین آدین  منه ¬اورگتدی¬آنام¬اُول ¬شرف¬النّاسین آدین  من اوشاقلیقدان حسین نوکری¬ام  وئرمرم عالمه عباسین آدین    قره کؤینَک گییرم - یا اباالفضل دییرم (۲)    مشک و هم پرچم سقایه قسم  باجی¬سی زینبِ کبرایه قسم  نَقَدَر عمریم اولا یاس دوتارام  عصمت حضرت زهرایه قسم    قره کؤینَک گییرم - یا اباالفضل دییرم (۲)    کیم ابالفضل آقانی یاده سالوب  او گؤزل آدی دیوب مطلب آلوب  آند اولا قوللارینون حرمتینه  کیم اونا نوکر اولوبدور اوجالوب    قره کؤینَک گییرم - یا اباالفضل دییرم (۲)    سَرو تک قامتی رعنادی اونون  سینه¬سی سینه¬ی سینادی اونون  گونده باخسا اونا دویماز گونوزی  آی کیمی چون یوزی زیبادی اونون    قره کؤینَک گییرم - یا اباالفضل دییرم (۲)    قبر معطورینی گؤردوم من اوزوم  چوخلی باخدیم ولی دویمادی گؤزوم  او گؤزل قبری دوشنده یادیما  قالموری قلبیده بیر ذرّه دؤزوم    #قئره_کؤینَک_گییرم_یا_اباالفضل_دییرم_ (۲)

من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام

🎤 حاج سید محمد عاملی ▪️ روضه 😭😭😭 ▫️حضرت رقیه سلام الله علیها

شعر جدید در فراق مادر به سبک من مانده ام تنهای تنها لایلای ای روح و روانیم ای منیم آرام جانیم مهربـانيم ای منیم تاب و توانیم وی منیم نام ونشانیم مهربـانيم ایندی ای مادر اتاقین باغلی قالدی باغلی قالدی یاندی قلبیم غمده سینم داغلی قالدی داغلی قالدی ای صولان گل تک جهاندا قالدی چوخ آرزین نهاندا آغلارام من صولدی غمده نازلی گللر یاسه گلدی یکسر ائللر آغلارام من قامیشوق غملرده تنها مادر ای نازلی نگاریم دوندی سنسیز شام تاره ایندی مادر روزگاریم دوشدی سنسیز ایو صفادن دویماروق آه و نوادن یالقوزام من غصدن سن تئز قوجالدون عالمی سن باشدان آتدون یالقوزام من غصدن یانام آنا دای مادر ای آرام جانیم بیرده گلمز دای سنه تای ای منیم روح و روانیم گوزلریم قالدی دالینجا لایلای ای صبر و قراریم با وقاریم شام تاره دوندی مادر سنسیز ایندی روزگاریم با وقاریم باشیمه غم سایه سالدی آغلارام من آغلارام من گوزلریم یوللاردا قالدی آغلارام من آغلارام من ای امیدیم تکیه گاهیم قلب زاریم ایندی قاندی آغلارام من یوخدی سنسیز بیر پناهیم کاسه ی صبریم چالاندی آغلارام من بو غم هجرانه یاندیم ایندی مادر ایندی مادر گول کیمی صولدوم سارالدیم ایندی مادر ایندی مادر ملتمس دعا مهدی ملکی

☑️   سالگرد امام خمینی (ره) 🎶 با آهنگ یا امام زمان گل آماندی🌹 نور حق روح یزدان روح الله مظهر دین وایمان روح الله گیتدی زهرایه مهمان روح الله اولدی ملت پریشان یا الله الله الله واکبر یا الله (۲) ➖➖➖➖➖➖➖ گلدون ایرانه ملت خوش اولدی آچدی گلشنده گللر خوش اولدی غصه لر گیتدی دیلر خوش اولدی گیتدی زهرایه مهمان روح الله اولدی ملت پریشان یا الله الله الله واکبر یا الله (۲) ➖➖➖➖➖➖➖ بیلمدوخ قدریوی هیچ ازلدن چوخ جفالر سنه ایتدی دشمن اون بش ئیل آیری دوشدون وطندن مونس درد و هجران روح الله گیتدی زهرایه مهمان روح الله اولدی ملت پریشان یا الله الله الله واکبر یا الله (۲) ➖➖➖➖➖➖➖ گلمه گون ویردی ایرانه عزت گون به گون تاپدی ملت شرافت سن کمین کیم ایدوب دینه خدمت مثل  شاه  شهیدان  روح الله گیتدی زهرایه مهمان روح الله الله الله واکبر یا الله (۲) ➖➖➖➖➖➖➖ نهضتون ایتدی محشر نمایان چکدی طاغوته بیر خط بطلان پیروی سندن ایتدی شهیدان ای ابرمرد ایران  روح الله گیتدی زهرایه مهمان روح الله الله الله واکبر یا الله (۲) ➖➖➖➖➖➖➖ غصه لر چکدون ایمان دیریلدی گلدون ایرانه  ایران  دیریلدی ئولدی ظالم مسلمان دیریلدی حامی دین و قرآن روح الله الله الله واکبر یا الله (۲) ➖➖➖➖➖➖➖ گیتدون اما یتوب  فصل هجران صولدی گل بلبل اولدی نواخوان گیتمگون ایتدی خلقی پریشان امتین اولدی گریان روح الله گیتدی زهرایه مهمان روح الله الله الله واکبر یا الله (۲) ➖➖➖➖➖➖➖ فرقتونده یانار هر مسلمان گردوغم  توتدی بزم جماران دؤز اؤتز ایلدی آغلور عزیزان «شیری»یاز دفتره یا روح الله گیتدی زهرایه مهمان روح الله الله الله واکبر یا الله (۲) ➖➖➖➖➖➖➖ ✍

زبانحال حضرت زینب به سرمبارک امام حسین علیه السلام باآهنگ نوحه: ای منه دردانه رقیه آچ گوزون ای شاه شهیدان ئولدی بالام دوراوخوقرآن ئوپدی اوقانلو دوداقیندان قمچی لرآلتینداوئروب جان قوجاقه آلوب نالان   رقیم اولوب گریان دئدی کیم یتیم ائتدی  کیم ائتدی قاناغلطان         حسین قارداش(۲) دشمنه اولموشدی  گرفتار جسمیده وارقمچیدن آثار خورداایاقلاری یارایدی یولداشیمیدی منه دلدار سولوبدی گوزل پیکر   دییردی هانی اکبر آنام تک ئوزی نیلی     قالاآج سوسوزنیلر        حسین قارداش(۲) قانه باتان    باشیواقربان گوزده کی قانیاشیواقربان اولدی خرابه بیزه   مسکن یاورویولداشیوا قربان ملال وغمیم چوخدی  الیمده کفن یوخدی منه مونس اولموشدی   ئورکده غمی اوخدی          حسین قارداش(۲) الده ئولوب دخت سه ساله گوزوورولوب گئتدی زواله قمچیلره اولمادی طاقت جسمینی گورقالدی نه حاله بالام الده جان وئردی یری جسمینده سان وئردی بدن نیلی اولموشدی منه هی نشان وئردی       حسین قارداش(۲) مسکنیمیز اولدی خرابه قویدی ئوزین یاندی ترابه اصغره لایلای دئدی یاندی آغلویورام دیده پرآبه یانارصاحبیم آغلار   غمیمده سینه داغلار توکر گوزیاشی نوکر   عذاره یاشون باغلار        حسین قارداش(۲) ✍ حاج عباسعلی دهقان(صاحب)۱۴۰۲/۵/۲۸

سبک آی منه دردانه رقیه☝️☝️ با نوای زنده یاد حاج محمد باقرمنصوری

حالات حضرت رقیّه (س) (سبک : خداحافظ ای آنام باجی..) رقیّه وم    گلمیشم    بابا    شام    شومیده     جانه گیجه    گونوز    بو    خرابه ده   آغلارام    یانا  یانه باخ      بو      دیده      گریانه گوز    یاشیم    دونوب   قانه دوشنده    قارداشلاریم   یادا   حالیمی   دولاندیرّام دوزنمَرم  هجره  صبریمون کاسه سین جالاندیرّام سیزیلدارام     نی  مثالی   من   کائناتی    یاندیرّام یانار     ملال      و    فغانیمه      آشنا    و      بیگانه باخ      بو      دیده      گریانه گوز    یاشیم    دونوب   قانه گوزل بابام ، مهربان بابام ،دوتموسان سراغ مندن ائویم  محقّردی  بوش  اَلیم  چوخ  خجالتم  سندن دعا   ایله   بو  گیجه  منیم   تئز  چیخا  جانیم  تندن فزوندی  دردیم ، گلن   دگل  هئچ  بیریسی  درمانه باخ      بو      دیده      گریانه گوز    یاشیم    دونوب   قانه شهِ  جهان جان جان جان  حقّه جان وئرن سلطان غریب  نوازلیق  ایدوب  بابا اولموسان  منه  مهمان نه   یاخشیدور  منده  جانیمی  ایلیم    سنه   قربان ائدرله     قربانی   رسمیدور    زیر    پای   سلطانی باخ      بو      دیده      گریانه گوز    یاشیم    دونوب   قانه او گون کی  دوشدی  بلالره  بو  باشیم  بابام  جانی آخور  یوزه   دائماً  منیم   گوز  یاشیم   بابام   جانی عموم  سالور  یادینه  نه ده   قارداشیم  بابام جانی فلک   منیم   اشک   چشمیمی   دوندروبدی   عمانه باخ      بو      دیده      گریانه گوز    یاشیم    دونوب   قانه رقیّون  یوخدی   دای   بابا    زنده     قالماقا    میلی ویروب منه یولدا  شمر  دون گاهی قمچی گه سیلی اوزونده گور   ایلیوب   نئجه   سیلی صورتیم   نیلی سیزیلتیما    شامیلر  کیمی   جانه     گلدی    ویرانه باخ      بو      دیده      گریانه گوز    یاشیم    دونوب   قانه نسیم اَسَر  گون باتان چاقی اوندان عطروزی آللام یوخوم دوشر  اوندا باشیمه یاده من سیزی ساللام خرابه شاهدی چوخ گیجه صبحه جک اویاق قاللام ترّحم  ایله   آپار   منی  ، صون   قویاق  بو  هجرانه باخ      بو      دیده      گریانه گوز    یاشیم    دونوب   قانه فراغته   اَل   تاپام    فلک   ویرمدی   امان   غمدن شیرین    یوخی   گورمرم    بابا    دهم    محرّمدن یانار  بیزه ذات حق  اوزی راضی اولسون عمه مدن شرار    شمعه    یانار     نئجه     عاشقانه     پروانه باخ      بو      دیده      گریانه گوز    یاشیم    دونوب   قانه گوره  واردی  دردی هر قیزون  ایلر عمه جان  چاره وئرر   مکرّر    غذاسینی   گونده     بعضی   قیزلاره عزا     دوتار  گه   سنه   گهی  تشنه  لب   علمداره دییر     خدا     لعنتون     گله      خاندان     سفیانه باخ      بو      دیده      گریانه گوز    یاشیم    دونوب   قانه یاتوبدی  قلبینده   نسکلی عمه مون   بابا  لای لای گهی دییر   ظلمیلن  ئولن   تشنه لب حسینیم  وای ربابی گورسه دییر  گهی لایلای اصغریم  لای لای یانار     یانار    نفرین   ایلیر    حرمله ایله     پیکانه باخ      بو      دیده      گریانه گوز    یاشیم    دونوب   قانه ساتاشدی    لیلایه   تا   گوزی  آغلیار   دییر    اکبر گهی  قوشار   سس  سریئیه  قاسم  جوان  سسلر دییر   فلک   یاخشی   ایلدون   زینبی   قرا    معجر یانام    گرک  تا    نفس  واریم   منده   نار  سوزانه باخ      بو      دیده      گریانه گوز    یاشیم    دونوب   قانه گلنده  شامه  یادوندا   وار چولده  بیر گیجه  قالدیم تاپاندا    زجر   لئین   منی   ناله    گوگلره   سالدیم قاچانمدیم تئز سلام ایدوب قمچی  مزدیمه  آلدیم آجیغلانوب   یولداشی  دیدی  رحم  ایله  بو  جیرانه باخ      بو      دیده      گریانه گوز    یاشیم    دونوب   قانه ** حاج ناصح اردبیلی