. #سبک_ای_درد_بی_درمانلارا درمان … . مرحوم عاصی تبریزی . ای زینبی آغلار قویان وای قارداشیم وای گَلدی باجون یاتما اویان وای قارداشیم وای . . زینب بو توزلی قبریوه قربان یارالی اوخشار باجی قارداشینی آغلار یارالی . . قارداش گیدنده شامه من باشی بلالی گونلر ایوینده نعشیوی گوردوم یارالی یاددان چخارتماز زینبون هرگز او حالی قیلّام گئجه گوندوز فغان وای قارداشیم وای . . غم گوزلریمون بارشین دوندردی ابره اولدوم ته دلدن ولی تسلیم صبره کیم غسل وکفن ایتدی سنی،کیم قویدی قبره ای پادشاه انس و جان وای قارداشیم وای . . قارداش حسین آخِر سنه کیم قبر قازدی شش گوشه قبرون اوسته کیم بو خطّی یازدی گَلسم ئوُلونجه شیون و فریاده آزدی گوز یاشیمی ایتسم روان وای قارداشیم وای . . عورت اوشاق شامه گیدنلر دست بسته پوزقون ، پریشان، سینه سوزان، دل شکسته بو اربعین گَتدیم تماماً قبرون اوسته ناله کُنان و مو کَنان وای قارداشیم وای . . وار دور رقیّه جانبیندن انفعالیم سرّی اودور بو نوعیله پوزقوندی حالیم حالی دوشنده یادیمه آرتار ملالیم ویرانه یرده ویردی جان وای قارداشیم وای . . اولموشدی غمدن زلف تک حالی پریشان ایتمیشدی غصّه قلبینی لاله صفت قان ویردی قوری توپراقلار اوسته آج سوسوز قان ویرانه ده ایتدی مکان وای قارداشیم وای . . سندن او گون که جبریله اولدوم جدا من نه ظلم لر ایتدی منه بی رحم دشمن شامه کیمی نه چَکمیشم آگاه سن سن دل یوخ ویرم شرح و بیان وای قارداشیم وای . . گوردوم یارالی باشیوی نوک جداده طالعدی گون تک ائیلیوب شامه اراده گاهی برهنه ناقه اوسته گه پیاده اولدوم دالینجا من روان وای قارداشیم وای . . نوک جدانی طلعتون دوندردی طوره گَتدون کلیمُ اللهی سن عشقونده شوره خولی قویوب اوّل گئجه باشون تنوره اولدون کُل اوسته میهمان وای قارداشیم وای . . یاتدون اگر چه بیر گیجه کول اوسته راحت اولدی یارالی باشیوه چوخ هتک حرمت دیره یئتینجه گورمدون بیر استراحت نه سایه نه بیر سایبان وای قارداشیم وای . . دین مبین دن راهبه گوستردون آیت معناده سن ائتدون اونا قارداش حمایت اولدی مسلمان عاقبت تاپدی هدایت وئردون ره حقی نشان وای قارداشیم وای . . اوضاع شهر شام اولور دیلده مجسّم قلبیم یانو ر گوزدن آخور اشگیم دمادم صبر ایلدیم هر قدر یوز وئردی منه غم غمدن قدیم اولدی کمان وای قارداشیم وای . . باشون عجوزه داشینه اولدی نشانه گوردوم او حالی نی کیمی گلدیم فغانه وئردوم باشیمی محمله من یانه یانه باشیم یاریلدی آخدی قان وای قارداشیم وای . . ظلمون یتوردی شمر دون قارداش تمامه چکدی عیالون باش آچوق بازار شامه دوندی جفادن گوندوزوم شام ایچره شامه تار اولدی دیدمده جهان وای قارداشیم وای . . چکدیم ز بس ظلم و ستم من غم کشیده بار مصیبت قدّیمی ائتدی خمیده گئتدی عیالون عاقبت بزم یزیده قوللاردا یکسر ریسمان وای قارداشیم وای . . قویدی یارالی باشیوی طشت طلایه صبر ائلدیم او بزمیده هر بیر جفایه چاره م کسیلدی عاقبت گلدیم نوایه یاندوم ویراندا خیزران وای قارداشیم وای . . وئردون کسوک باشونله سن اسلامه رونق بزم یزید ایچره دئدون اِنّی اَنا الحقّ اول جمعیدن بیر جاثلیق اولدی موفق گئتدی بهشته کامران وای قارداشیم وای . . حیرتدیم بو باره ده قارداش نئدیم من نه نوع درد هجره بولمم تاب ائدیم من سن سیز نئجه بس یثربه بیرده گئدیم من هجرانیوه یوخدور توان وای قارداشیم وای . . عبد ذلیل اول «عاصیا» بو آستانه دی زینبه دردون دئمه بیر اوزگه یانه بسدور بو سوز سندن صورا قالسون نشانه یاتما بو قبر ایچره اویان وای قارداشیم وای #الّلهُـمَّ‌عَجِّــلْ‌لِوَلِیِّکَـــ‌الْفَـــرَج

ای زینبی آغلار گویان زنده یاد حاج محمد باقر منصوری

یخلمشام توپراقا یتیش هرایه اخا داده گل یالقوزام قیل کمک قولسوزام مشکیم اوخلانیبدی اخا قلبیم اوتلانیبدی اخا باشیمی دوشمن کسر تز یتیش دادیمه تز گل ایمدادیمه ای شهنشه بی نظیر جان وریر یارالی وزیر شهید عشق خدا ایاقینا فدا اولماغا طالبیم قلبیدن راغبم گل گوزل جوانیم گوروم…قلبینین اوتون سوندوروم شهنشه محترم قولاغینا قیل کرم…یندی باشه عجب باشیمین اوسته گل گورسه شه اوزو جان وریر زبس سرافراز گئیمیشوک قاره وی ای صاحب مشک و عَلم گلمیشوک ماتمیوه ای قولی تن نن قَلم هاممی میز مبتلا ، عاشق کربلا یا اباالفضل ای رشید علوی بند دل مرتضی عبد صالح لقبون جانیوه جاننار فدا…آستانیندی سنین شیعه وه باب الرجا سائل درگه ووک سن آقا صاحب کرم

یخلمیشام تپراقا اجرا در دستگاه سه گاه زنده یاد حاج سلیم موذن زاده

حاج محمود کریمی یل یاتار طوفان یاتار یاتماز حسینون پرچمی دیده ی دوران یاتار یاتماز حسینون پرچمی بوحسینونده عزیزان پرچمی اوچ رنگیدی گنبدی اوستونده قرمز یادگار جنگیدی هم یاشیل اعلان ایدورعباس اونون سرهنگیدی سن قرا پرچم گوتور بو زینبون فرهنگیدی . سسله هر بنیان یاتار یاتماز حسینون پرچمی . قاره پرچم،قرمزی پرچم،یاشیل پرچم دیور جاوداندور کربلا،خلقه حدیث غم دیور تک حسینی لر دیمور بلکه هامی عالم دیور ای مسیحی لر بو ذکری عیسی مریم دیور . پایه ی ادیان یاتار یاتماز حسینون پرچمی . ای عراقین تپراقی ویر شور و شَینوندن خبر سنده دی آلتی امام ،ایفای دَینوندن خبر یانجف یا سامرا یا کاظمینوندن خبر هرطرفدن اود یاغور قبر حسینوندن خبر . قورخما بوبحران یاتار یاتماز حسینون پرچمی . عالمی ظلمت دوتوب شمعی گزور پروانه لر آشنالردن دی دوتسون فاصله بیگانه لر خانه ی امنیّت و احساندی ماتم خانه لر قوی دیسونلر قاره سین گیدی گنه دیوانه لر . عالم امکان یاتار یاتماز حسینون پرچمی . بیز بو پرچمدن برات آللوخ ایشتسین مدّعی گیتمه روخ آیری مسیره گیتسه گیتسین مدّعی طعنه لر بسدی خطا یولدان قیتسین مدّعی کیفر صدّامه باخسین عبرت ایتسین مدّعی . کاخ نامردان یاتار یاتماز حسینون پرچمی . یوخ موّرخده او قدرت ایلیه حفظ وفاق چوخ قیامی ثبت ایدوب امّا پوزوب دست نفاق شاه مظلومان مین اوچ یوزیتمیش ایل بوندان قباق بیر قیام ایتدی سسیندن تتردی دوقّوز رواق . یازدی هر ارکان یاتار یاتماز حسینون پرچمی

دعای سفره بسمِ اللّه اَلرَّحمنِ اَلرَحیم   اََلحَمدُ لِّلهِ اَلَّذی یَخلُقُ وَ لا یُخلَق ؛ وَ َیَرزُقُ وَ لا یُرزَق ؛ یُطعِمُ وَ لا یُطعَم ؛ زادَ اَللّهُ النَعَم َ؛ دَفَعَ اَللّه النَقَمَ ؛ بِحَقِّ سَیِّدِ العَرَبِ وَ اَلعَجَم ؛ هَنیأً لِلا کِلینِ ؛ وَ بَرَکةً لِلباذِلینِ ؛ صِحََّةً لِلجالِسین ؛ و َشَفاءً لِمَرضَی اَلمُومِنینَ وَ اَلمومِنات ؛ و َسَلا مَةً لِسَفَرِ اَلمُسافِرینِ ؛ وَ مَغفِرَةً لِاَمواتِ اَلحاضِرینِ ؛ سیِّما اَمواتِ صاحِبِ اَلاطعِمَة وَ اَلاشرِبة اَللّهُمَّ طَیِّب تُرابَهُم وَ یَسِّر حِسابَهُم وَ اَحشُر هُم مَعَ اَلائِمَّة َ اَلمَعصومین عَلَیهِمُ الَسَّلام ؛ اَللّهُمَّ اَجعَل قَبرَهُم رَوضَةَ مِن رِیاضِ اَلجَنَّة وَ لا تَجعَل قَبرَهُم حُفرَةِ مِن حُفَرِ النِیرانِ ؛ بِحَقِّ القُرانِ وَ بِحَقِّ سورَةِ المُبارَکَةِ الفاتَحةَ وَ الاِخلاصِ وَ اَلصَّلَوات [[ آمینَ یا ربَّ اَلعالَمین ]]    

دعای آخرمجلس به زبان عربی اَللّهُمَّ اِنّا نَسْئَلُکَ وَ نَدْعُوکَ بِاسْمِکَ الْعَظيمِ الاْعْظَمِ، اَلاْعَزِّ الاْجَلِّ الاْکْرَمِ، بحقِّ امامِ زمانِنا، بِدَمِ المظلوم ده مرتبه يا اَللّهُ يا اَللّهُ يا اللّهُ... یا رحمن یا رحیم یا مُقَلِبَ القُلوب ثَبِت قُلوبَنا علی دینِک و علی مُحَبَهِ الحُسَین فِی الدُّنیا و الاَخِرَه الهی يَا حَمِيدُ بِحَقِّ مُحَمَّدٍ يَا عَالِي بِحَقِّ عَلِيٍّ يَا فَاطِرُ بِحَقِّ فَاطِمَه يَا مُحْسِنُ بِحَقِّ الْحَسَنِ یا قدیم الاحسان بحق الحسین (ع)

‍ #شهادت_حضرت_مسلم_ابن_عقیل مرحوم یحیوی اردبیلی مسلمون شهادتی کربلا اساسی دور فاطمه عزیزینون قتلینون بناسی دور مکه دن چخوب گلور کاروان کربلا یولدا ویردیلر خبر مسلمون عزاسی دور شهر کوفه دن گلور گوردیلر شتر سوار ساخلادیلا کوفه نون حالینی سوروشدولار عرض قیلدی حضرته دردناک و اشکبار مسلم آل هاشمون اولین فداسی دور دوره دن داغیلدیلار قالدی واحد اول جناب بیر نفر غریبیدی شهرون اهلی بی حساب آسمانه اوج ایدوب های هوی انقلاب سسلنن قلجلارون سهمگین صداسی وار کوفه اهلی ابتدا ساخلادیلار حرمتین چکدی زادۀ زیاد نقشۀ شهادتین بیعت ایلیوب صورا سیندیروبلا بیعتین مسلمه او مردمون ائیتدیگی وفاسی وار زنده یادحاج سلیم موذن زاده #مسلمیه

(مسلمون شهادتی کربلا اساسی دور فاطمه عزیزینون قتلینون بناسی دور) #نوای_ماندگار سلطان الذاکرین سلیم موذن زاده

زبانحال حضرت مسلم بن عقیل (علیه السلام) مسلم ابن عقیلم جماعت واردی قلبیمده عشق شهادت رهبر انقلابیم حسیندی قوی ئولوم من او قالسین سلامت من بنی هاشمه نور عینم جان نثار شه عالمینم هر کسین دلبری بیر گوزلدی منده قربان راه حسینم کوفیه گلمیشم دینه خاطر باتمیشام قانه آئینه خاطر حاضرم قان دولاگوزلریمه اهلبیت خدابینه خاطر نایب بر حقم من امامه قوش کیمی دوشموشم ایندی دامه عاشقم نیلیرم تاج و تختی واردی باشیمده قانلی عمامه #مسلمیه

روضه حضرت مسلم بن عقیل(ع) هردم دیور ای داد آدامسیزلخ الیندن چوخ سینه سی سوزان دولانور کوفه غریبی ایستور گیده هر سمته گورور باغلیدی قاپلار (الله هیچ کسی غریب المسین مخصوصا جان ویرنده ایستور گیده هر سمته گورور باغلیدی قاپلار بیر صاحب وجدان دولانور کوفه غریبی (دیدی آی منی دوره لینلر منی محاصریه سالانلار ) من غریبم سفیریم آقامون دفترینده دبیریم آقامون نامردیلر قولومی باغلامیون من قاچمارام اسیریم آقامون من غریبم گوزوم ایکی یاردادی بیری حسین بیری علمداردادی کوفه لیلر ایوده راحات یاتوبلار من بولمورم بالالاریم هاردادی آی ابوالفضل گوز تیکمیشم یولوا یغ قهرمان سپاهی صاق صولوا ده زینبه وان یکاد اوخوسون من قورخورام نظر دیه قولوا من قورخورام یل اسه طوفان اولا آقام گله بو شهره مهمان اولا من قورخورام بیر شربه سودان اوتری علی اصغر قاننا غلطان اولا آی حاجیلار سحر قربان گونودی صدقه پایلیون احسان گونودی مناده آغلیون دیون مسلمون جنازه سی یرده قالان گونودی (ایکی نفر سلام دیوبلر بزرگواریلردن اما سلاملارینین جوابی آلنمیوب بیری علیدی امیرالمومنین مدینه ده پیغمبردن صورادیلر سلام ویردی اما جواب ایشیتمدی، بیریده حضرت مسلم آقا کوفه ده بیر گونه قالدی هرکسه سلام ویردی جواب ایشیدمدی ) من غریبم بیر قیدیمه قالان یوخ غربت یرده منی یادا سالان یوخ ایندی بولدوم عموم علی نه چکوب قلبیم سنوب سلامیمی آلان یوخ