یاحسین نوکرووم برگ برات ایستیورم ایتدیگیم خدمته خاطر حسنات ایستیورم ختم مرسل بیوروب سنده دی کشتی نجات روز محشرده او بحراندا نجات ایستیورم اشعار احسان بدرخانی

شعبانپور: ابوالفضل علمدار- سپهدار- او سردارِ وفادار-  گلور تیغی شرربار-  علی اوغلی دی بوو قاتلِ کفار- اودور دشمن اشرار عقاب اوسته- کمر بسته- دلیرانه یارور دشمنی ایلیر بو جوان دسته به دسته علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) اودور جلوه ی ایثار -  اودور دینه هوادار- اودور یارحسین ابن علی، میرِ علمدار-   اودور فارِسِ میدان- علی اوغلی دی بو ساقی طفلان-   اگر چکسه علی نعره سی نی، جان قوتارانماز بیریده لشکر عدوان علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) اودور ساقی و سقا-  اودور سرور و والا-  خدایا-   اودور سینه سپر کرده ی فرزند و جگر گوشه ی کرار و یدالله مینیب زین عقاب ئوسته-  کمر بسته گل یاس-  او فرمانده با عفت و احساس-  علی اوغلودی بو حضرت عباس-  قاچور دشمن خناس-   دورانمور قاباغیندا احد الناس-   کسور تیغه ی شمشیری چو الماس - خدایا علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) -  گلور نهر فراته آلا سو اهل خیامه- باخور لشکر شیطان صفت کوفی و شامه-  دیور کیمده جیگر وار گله تا واصل ائدم قعر حطامه- مگر من قویارام صدمه یئته بی کس امامه- -  کرامت ده، شجاعت ده، شفاعت ده، شرافت ده، شهامت ده،  مروت ده  چاتار کیم بو علی اوغلونا وقتی کی علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) یاریب لشکر اعدانی دوزوبدور خطراته- یئتیب نهر فراته-   توکوب مشکینه سوو  تا آپارا بلکه بناته-  آلوبدور اله سو تا اولا سیراب، ولی گئچدی نظردن بالالار هامموسی بی تاب-   دییر آب دییر آب – توکوب نهر فراته سویی لب وورمادی اصلاااا- خدایاااااااااا میزیب زین عقاب ئوسته شتابان- گلور خیمله لر با لب خندان،  دییر شکر اولا اللهه فراوان – کی سعد اوغلی وئریب لشکره فرمان –  کی ای قوم دغلکار و جفاکار و ستمکار – ندن لرزه دوشوب جانیزه زینهار –   قالوب یکه و تنها –  وورون نیزه سنان خنجر و پیکان- سالون قوللارینی چاتمیا سوو اهل خیامه علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) اولان اولدی—  دگیب آنّنا بیر داش-  باتوب قانه گوزل قاش –  دوشوب توپراقین ئوسته  او عمودیله سئنان باش – فقط بیر دفعه سسلندی کی قارداشششششش –  سالوب گور نه گونه قارداشیوی لشکر اوباش –  گورم بوو دم آخرده سنی بیر دفعه ده ای کاااااااااااااااااااااااااااش علی اوغلیدی فرمانده عالمدی ابالفضل ( سقای حرم ابالفضل- دریاری کرم ابالفضل) #بحر_طویل_

بحر طویل - الامان شاعر : علی اکبر صابر الامان ، سرکش اولوب گونده بیر احواله دوشن دور ، قضانین ، بو دل آزار جفاکار ، مخالف عملیندن ، که یاقوب عالمی ناره ، قویوب آواره ، خصوصن من بیچاره ، کی همواره یابنو ، نی کیمی اودلاره ، بئله جوش و خروش ائیلیورم ، سانکی سماواره دؤنن قلبیمه بین لرجه شراره وورولوب ، اشک تریم جاری اولور ، کاسه چشمدن ، امان بار خدایا ، بو نه سوزش ، کی دوشوب جسم نزاره ، دل زاره کیم ائدر دردیمه چاره ، کی گلوب عرصه یه تازه اوقوموش ، بیر نئچه پاره عرفا و ادبالار ، کی قویوب بدعته علم آدنی ، ترغیب و، تحریص ائلیور لر بیزی ، ، ول امر شنیعه گئنه بونلار ، نه دئیه عئیب ائله مز ، چونکو گئدیب علم اوقویوب ، قورصی تمام ائیلیور ، آز چوخ نه اولا کسب مراتیبده ادیبلر ، آ کیشی تنگه گتیردی منی واللهی ، بو ناققال شعرالر ، هده ره ندن ، پده ره ندن نه بیلیم ، بویماده ره ندن ، نئجه سرسم دانیشیرلار ، نه ایش اولسا قاریشیرلار ، نئجه عیب آختاریشیرلار ، نئجه گؤر یولدان آزیرلار ، نه گؤرورلرسه یازیرلار ، نئجه حرمتلو « غریب » اولسادا فورن تانیشیرلار ، قولاغیم باتدی ، نه چوخ چوخ دانیشیرلار ، بو نه مکتب ، نه مکاتب ، نه مراتب ، بیزه بونلار نه مناسیب ، عجبا جدیله اجدادیمیز ارثی اولوب بیزلره میراث حقیقی ، قالان عادت علاماتله اعمالیمیز ، جمله بو افعالیمیزی ، شعرله تغییر و تبدیل ائله مک ، فکر شنیعینده اولوب ، بیزی هر بدعته ، اغفال له ، ایصال ائلیورلار ، کی آپار اوغلونو ویر اوشقولا ملاسینا ، اگلش بالاوین یاسینا ، باخ بیرجه سن الله بولارین وئردیگی فتواسینا ، یعنی اؤز الینله الئه اولادیوی روس ، صد افسوس کی ، بیر پاک و پاکیزه مسلمان بالاسی ، خارجی اولادی کیمی ، شاپقا قویوب ، ایشتوت میشتوت اوقویوب ، آخیری بیر دوقتور اولوب ، ملت اسلامده ، درده دوشنه ، ایستیکانین نیصفی چاخیر ، نیصفی سواجزالارینی ، چاره بیلوب ، مؤمن دیندارین ائده قارنینی مردار ، و حال آنکی ، گؤزو سورمه لی ، ساققالی حنالی، الی تسبیح لی ، الله قولو ، پیغمبریمیز امتی ، گؤگلونده ترحم کؤک آتیب ریشه سالانی بیر کسه ، اصلا ابدا ، بیرجه خیانت ائله مه ک ، بیلمیوب ، عمرونده خرید ایله فروشی ، دوز اولوب ، مشک عوضی مشتری یه رب وئره ن ، اول حضرت حال الحرمین ، گؤزل عطار دکانینده کی ، هرگز ده سیچان هنده وریندن اوتوشوب فضله سالا بیلمه دیگی ، آغزی قاپاقسیز قوصولاردا ، کی اون ایلدن بری ساخلانماق ایله ، عطریده ، تاثیریده آرتماقدا اولوب ، ناخوشو هر درد و مرض دن، قوتاروب ، غصه دن آزاد ائله یه ن ریشه ختمی ، گول بالونه سنا مرمکی با حب سلاطین ز گرک ، بهمن پیچ ایله ، هلیله و بلیله قالا ای وای آلان اولمویا ،ازوای ، گئده قیش گله هم یای اؤته ، ایل دولانا ، آی ، ساتا بیلمیه مومیای ، ایش اولدی بودا ، های های #بحر_طویل_الامان_

بحر طویل ای فلک شاعر : علی اکبر صابر ای فلک ظلمون عیاندیر ، بو نئجه دور و زماندیر ، کی ایشیم آه و فغاندیر ، منی یاندیرما آماندیر ، گؤزومون اشکی رواندیر ، اوره گیم دوپ دولو قاندیر ، هامی غمدن بو یاماندیر ، کی نئجه اهل قلملر ، بوراقیب جانیمه غملر ، قاریشوب درد به هم لر ، اوره گیم ایندی ورملر ، غازیته ژورناله بو کفر شیمر لر ، نئجه جراتله رقملر یازوب ، ایسلامه سیتملر ائلیوبلر ، کی گرک عالم اسلانده ، هر اولکه ده ، هر شهرده ، دینار و درملر ساچیلوب ، مکتب نسوان آچیلیب ، قیزبالالار ، مکتبه حاضر اولالار ، باشدان آیاغه گئیه لر دون ، گئده لر مکتبه اون اون ، دوتالار شیوه بدعت ، اوخویوب نحو له حکمت ، آلالار درس طبابت ، بیله لر جمله کتابت ، ائده لر یازماغا عادت ، ایته عصمت ، یاتا عفت .... آمان ای واه آی الله : بو قوم اولدو نه گمراه ، بو نه شیوه اکراه ، بو نه زمره بدخواه ، سالوب عالمه پرخاش ، بولار لال اولا ای کاش ، دوشه باشلارینا داش ، خدایا بو نه گفتار ، نه رفتار ، نه مردار ، نه بی عار فناکاره ، بیزی سوق ائله مه ک فیکرینه آماده اولوبلار ، قیزا لازیمدیر اگر بیلمه ک ، اودا ائو ایشی ، پالتار تیکیشی ، کهنه یوماق ، یون داراماق ، دون یاماماق ، صحن و سرانی سوپوروب ، کاسه نی قابی اوفوروب ، کوفته کلم دولماسی ، مت حالواسی ، ات بوزباشی ، یا لوبیالی آش ، بیرداهی تندیر لاواشی ، ائله مکدندیر عبارت ، کی اگر بونلاری دا بیلمه سه عیب ائیله مز آنجاق ، قیزا گر لازمه او بیر ایکی اوچ مسئله نی بیلمه ک ، بو اولومر امره کفایت ، بو اولور کی گلین گئتدیگی ائوده ، باجاروب قاین آنایا قاین آتایا چیمخیرا بیلسین ، کی اونا سؤز دئمه یه ائتمیه بیر کیمسه ده جرات ، ( بریده قینی ایله صاحبی مابیننه برحادثهء‌ تفرقه درکیم آگا دایر ایده حیلت که بش اوچ گونده چون ایلدن قازانلمش بوقدرمهرومحبت اوله تبدیل عداوت بری هم آخری اک عمده سی دامدا باجانک هم خوخی تک خورتدانک آدلارینی بلمگده گرک سعی ایده عورت نه قدر فایده سی وار بو ایشک گر اوله دقت که اگر آغلیا یا اینکه دجلک ایده بر طفل نهایت آناسی سویله بو آدلاری فی الفور ایده ر اولادنی راحت و قالارعقلی سلامت باشی چکمزده ملامت . ) بو دور عالم نسوان بودور حال مسلمان گرکدیر ائده محدو اؤز ائولادینی اینسان سن اما هله قانما اینانمیرسان اینانما فرحلن عملیندن اوتانمیرسان اوتانما #بحر_طویل_ای_فلک_

سوال و جواب اربعین_ترکی ------- سوال: #قرخ_گونده_بابا_اهل_حرم_مشکله_ دوشدی_ یورقون بالالار،بندیده چولدن چوله دوشدی یوللاردا باشین نیزده الدن اله دوشدی یاندی اتگیم دشمنین اخیامی سویاندا چوخ آغلامیشام نیزده قرآن اوخویاندا ---------- جواب: جان جان گوزلیم،آغلاما عالملری یاخما آی تک دوتولوب،بیر بیله،اولدوز کیمی آخما یورقون بالا،بیرده دولانوب یوللارا باخما یوللاردا ئوزون آگهیدون رمز و رموزه قرآن اوخودوم،آنّیما داش ویردی عجوزه ____ سوال: سس ویر منه بابا ئورگیم دینجله بیرده دور گویلومی زهرایه گوره آل اله بیرده گوزلر ساتاشور سن سورونن مقتله بیرده وای عمه مه،عمم نه چکوب شمری گورنده ال باشدا قاچوب دگدی یره تلّی اننده -------- جواب: دشمن باشیمی کسمگه،مقتلده تلسدی ظلمت ایکی دنیانی دوتوب،قاره یل اسدی عمه ن،دیدی شمره داخی،ظلم ایلمه بسدی مرجان کیمی قان سینمون اوستونده دوزولدی دوتدی کسری،بارماقینون قانی سوزولدی سوال: بابا چمنون گورنجه ظلمیله سولوبدی باخ گوزلریمه،ابرِ کیمی گور نه دولوبدی قوللاریمه بیر باخ،نجه گور یول یول اولوبدی بو قمچی یری بنزیری سینونده یارایه سس ویرمنه،دوربیرایاقا، گلدیم عزایه ------- جواب: چوخ ویردی سنی زجر جفا پروری گوردوم یولدا یوزوه سیلی ویران اللری گوردوم قاتللر الینده،قیزیم انگشتری،گوردوم دورت مین یارا،عمه ن،بدنیم اوسته سایوبدی سینمه ده کی،یاره گوزلیم توختامیوبدی سوال: بابا بو یانان قلبیده غملر کوزی چوخدی دیندیر علی اصغر آناسین،هیچ حالی یوخدی بو حاله ربابی سالان اوچ شعبه لی اوخدی بالای سرونده،ئوزونی ساخلیا بیلمور بیکسدی،حیادن اوجادان آغلیا بیلمور __ جواب: گوز یاشین ائله آخدی قیزیم دوندی سرابه سن تک گوزلیم،آغلامیشام منده ربابه چوخ دل یاراسی ویردیلا اول قلبی کبابه گور حرمله نیلوبدی او خونین جگریلن؟ لای لای دیوری اصغریمه چشم تریلن

لای لای گل نازیم بالا    همدرد و هم رازیم بالا #لای_لای_گل_نازیم_بالا_همدرد_و_هم_ رازیم بالا آیریلدون عمندن نیه جان خوردا سربازیم بالا لای لای بالا  - لای لای بالا گوردن طبقده قانلی یاش رخساره توکدون قانلی یاش بولدون آقاج محکم دیوب ئوپدون او لبلردن یواش لای لای بالا  - لای لای بالا ای یولدا محملدن دوشن  چولده اوزاق ائلدن دوشن سن کاروان زنگیمسن ای  ویرانه ده دلدن دوشن  لای لای بالا  - لای لای بالا دردون بالا گیزلتمرم  داغون فراموش ایتمرم سنسیز اگر امکان اولا  من کربلایه گیتمرم  لای لای بالا  - لای لای بالا گیتدون  قوناق پیغمبره چاتدون وصال اکبره گیت آیریلیق دردین دانیش باب و الحوائج اصغره لای لای بالا  - لای لای بالا صبریم گولون دردون بالا پوزدی منی  دردون بالا غربتده ئولدون باغریمی سن قانه دوندردون بالا لای لای بالا  - لای لای بالا سن ناز ایدر دون آفاقا  باتدون نیه توز تپراقا گیت بلکه تاپدون اصغری    لای لای دی قانلی قونداقا لای لای بالا  - لای لای بالا سن آغلیاندا آغلادیم دل داغلادون  دل داغلادیم جان اوسته سن اکبر دیدون آخر گوزون من باغلادیم لای لای بالا  - لای لای بالا نه حال دا سان بیلّم بالا دردون چکوب ئولّم بالا بوردا سنی تک قویمارام گیتسم گنه گلّم بالا لای لای بالا  - لای لای بالا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

▪️زبانحال حضرت زینب (س) در هفتمین روز شهادت برادرش امام حسین (ع) 🎼سبک: بوغربتده الله گوزوم یولدادی... ئولوب یدّی گوندی حسین قارداشیم آخورگوزلریمدن. ئوزه قانیاشیم اولوب غسلی القان قالوب جسمی عریان اسیرم ئوزیم(۲) اونون یدی گوندور کسوبلرباشین آلوبلارالیندن اوغول قارداشین اونون یدی گوندی ئولوب لشکری ائدوبلر گوزینده اونون قان یاشین ئورک داغلیام من قولی باغلیم من اسیرم ئوزیم(۲) دُویوب یدی گوندی بوزینب جانا داغیلدی وجودی اونون میدانا ائدوب کربلانی اوگونده منا باتوب کربلاده حسینی قانا گونیم باتدی الله. علم یاتدی الله اسیرم ئوزیم(۲) منیم یدی گوندی ئولوب یاوریم عباده گلوبدور علی. اکبریم اوزوم یدی گوندی اسیراولموشام ئولوب شیرخواره علی اصغریم علی اوخلانوبدی. ربابی یانوبدی اسیرم ئوزیم(۲) حسین یدی گوندی کسیلدی باشی نه من آغلادوبدی داغیلان داشی حسینین غمینده سینه داغلویام علم یاتدی باتدی قانا قارداشی دونوب قانه اشکی. دولوب قانه مشکی اسیرم ئوزیم(۲) حسین یدی گوندی بوصاحب یانور یازورغملی شعرین ئورک اودلانور اوشاخلوخدان اولموش سنین نوکرین آدین قلبه یازموش سنی تک تانور گلوبدور نوایه. گله کربلایه اسیرم ئوزیم(۲) ✍ حاج عباسعلی دهقان(صاحب )۱۴۰۳/۴/۲۹ #محرم_۱۴۰۳ #هفتم_شهادت_امام_حسین_علیه_السلام

‍ احوالات قتلگاه 🎼 سبک: گلپونه های... دور گلمیشم وفالی قارداش             آچ گوزلرون یارالی قارداش         غملی شاهیم ، ای پناهیم تنها قالوب گریان رقیون            گوزلور سنی عطشان رقیون         منتظردی ، خیمه گاهیم گودالیده لب تشنه یاتما -- جان حسینیم جان حسینیم. دور زینبی گوزوندن آتما -- جان حسینیم جان حسینیم. گولور منه اعدا  بو چولده              من قالموشام تنها بو چولده        بیر کمکسیز ، بیر عزالی بو قتلگهده غملی قارداش           آلوبدی دورون نیزه اوخ داش       دور یارالی ، دور یارالی آدامسیزام دور ایله چاره -- زینبم من زینبم من. باشی بلالی بختی قاره -- زینبم من زینبم من. گلوبدی   زینب   قتلگاهه               محتاجیدور  تک  بیر نگاهه      گوزلرون آچ ، تشنه قارداش جسمون  اولوبدی  پاره پاره                   قان آغلیور سینونده یاره     جان وئریدوگ ، باهم ای کاش سینون دونوبدی لاله زاره -- دور حسینیم دور حسینیم. رحم ائت بو قلب بی قراره -- دورحسینیم دور حسینیم. سالدی  بیزی  فلک  آرالی              دور یاتما ای زهرا مارالی        محنتونده ، سینه قاندی دورکمک اول، بو بی پناهه              دشمن دولور دای خیمه گاهه       تشنه قزلار ، نیمه جاندی قارداش منی سالما بلایه -- بی پناهم بی پناهم. دور سسله عباسی هرایه -- بی پناهم بی پناهم. یارالی قارداش بی کفن سن                    اللرده ظلمبلن ئولن سن          ایلیوبلر ، قانه غلطان سینونده ای وای، یاره چوخ وار            اصغر امن بیر اوچ پر اوخ وار     ای لب عطشان ، پیکر عریان هجران نسیمی تز اسوبدی -- کربلاده کربلاده. کیم باشووی دالدان کسوبدی -- کربلاده کربلاده

#نوحه_کوچ_اسرا_از_کربلا_ ✍شعراز: کربلایی محمدرضامحمدی(ناعم) 🎼سبک:کربلامنتظرماست بیاتابرویم... 🌴🌴🌴🌴🌴 کربلادن گئدورم کوفیه قول باغلی حسین جبریلن آیریلورام من اوره گی داغلی حسین موکبیم دوشدی یولا دورمنی ایله دعا 🌴🌴🌴🌴🌴 چاره م اولسا اولارام معتکف کرب وبلا ائده رم باشوون اوستونده حسین آه ونوا گئتمورم من،آپارولّارمنی بوقوم دغا جبریلن آیریلورام من اوره گی داغلی حسین 🌴🌴🌴 باخورام باشووه سرنیزه نون اوستونده حسین سنده هردن منه باخ نیزه دن ای نوردوعــیـــــــن من دیوم نوحه سنه،سنده ائله شیون وشیــــــــن جبریلن آیریلورام من اوره گی داغلی حسیـــــــــــــڹ موکبیم دوشدی یولا دورمنی ایله دعـــــــا 🌴🌴🌴🌴 پیکرون قالدی چوخوریئرده باشون نیزه سوار قلبیلردن آپاروربومحنون صبروقرار تازیانیله بودشمن بیزی بوردان آپارار جبریلن آیریلورام من اوره گی داغلی حسین موکبیم دوشدی یولا دورمنی ایله دعـــا 🌴🌴🌴🌴 سیلرم کوفه ده بوگوزدن آخان گوزیاشیمی قویمارام خوارالیه کوفه لیلرقارداشیمی ویرارام محمله غیضیله بلالی باشیمی جبریلن آیریلورام من اوره گی داغلی حسیــــن موکبیم دوشدی یولا دورمنی ایله دعـــــــــا 🌴🌴🌴🌴 سالارام ابن زیادون جانینا اوردا شرر ائلسه نطق شررباریم اونامرده اثر غیرتی اولسااگر،تختینون اوستونده ئولر جبریلن آیریلورام من اوره گی داغلی حسین موکبیم دوشدی یولا دورمنی ایله دعــــــا 🌴🌴🌴🌴 قویمارام صدمه یئته غصه لی اولدوزلارووا پیشمرگ اولّام ئوزوم قلبی یاراقیزلارووا چپ باخانمازبیری یوللاردا آدامسیزلارووا جبریلن آیریلورام من اوره گی داغلی حسین 🌴🌴🌴🌴 کربلای .....فیاض 🖤🖤🖤😔😔😔

#یخیلیب_عباسیم_نهر_فرات_اوسته؛_بلیم_ سیندی زینب علمدار اولدی●♪♫ بویاندور قانه وفالی سرداریم؛ قرانه وفادار اولدی●♪♫ یارالی شهید قرانی امید طفلانیم؛ جوانیم لایلای●♪♫ اوجا بوی سرداریم وزیر درباریم؛ وفالی غم خواریم ابوالفضلیم وای●♪♫ امان ای دل ای دل زینب؛ سینیب والا بلیم زینب…●♪♫ اوزون ایله آگه حیالی قیزلاری؛ دنن دیدی پیکان سو مشکین دلدی●♪♫ سیزه خاطیر کچدی ایکی؛ قول بیر گوزده●♪♫  منی قویدی؛ تنها فلک دینجلدی●♪♫ سینه سی اوستونده؛ نیستانلار گویا●♪♫ یارالی اعضاسی؛ تمامن اوخدی●♪♫ ولی اوخلار قان چوخ کنارینده زینب؛ نه دور عیلت بیلمم آغیر قاش چوخدی●♪♫ چوخالوبدیر قاشلار سینیبدی آیینه؛ یانیر غم نن سینه آخیر گوز یاشی●♪♫ اوجا بوی قارداشیم اولیبدی اللرده؛ یاتیبدی چوللرده قراریم یوخدی●♪♫ ───┤ ♩♬♫♪♭ ├─── نریمان پناهی یخلیب عباسیم نهر فرات اوسته

✅ اربعين حسيني ن#وحه_اربعین_ سبک: یا امام زمان شیعه ده احساسه باخ 🌸🌴🌸🌴🌸🌴🌸🌴🌸🌴🌸🌴🌸🌴 دور حسین شعله ی عشقه آلیشدیر منی گلمیشم قبروین اوسته دانشدیر منی      یورقونام خستیم - سنه دلبستیم                    جان حسینیم                    جان حسینیم گزمیشم چوللری دیلده نوا گلمیشم قانلی پیراهنین الده اخا گلمیشم اولموشام صاحب مشک و لوا گلمیشم             خسته غربتم - زائر تربتم                      جان حسینیم                      جان حسینیم زینبم ئولمدیم گلدیم حسین وای دییم پیکری دوغرانان اکبره ایوای دییم قنداقی قان اولان اصغره لایلای دییم     منی درده سالان - جان زهرا اویان                    جان حسینیم                    جان حسینیم دولانیب کوفه و شامی گلیب قیزلارین چوخ جفا چکدیلر یولدا آدامسیزلارین وای اوغول وای دیور خسته اوغولسوزلارین     سینه لر داغلیدی - قوللاری باغلیدی                    جان حسینیم                    جان حسینیم داغ هجران گؤرن زینبوی شاد ائله گویلون آل قلبینی غصه دن آزاد ائله فاطمه دلبری دور منه امداد ائله       چوخالیب محنتیم - بوکولوب قامتیم                      جان حسینیم                      جان حسینیم

‍ #روضه_حضرت_ابوالفضل_(ع) دیدی باغشلا دورا بولمورم یارام چوخدی دیمه یوخومدی خبر رسم و راه حرمتدن یوزون ایاقینه قویدی دیدی که عف ایله الیم یوخومدی دوتام دامن جلالتدن قولوم اوزولدی بدنن ولی نه باکیم وار اوزولمویوبدی الیم دامن ولایتدن سنون یولوندا شهیدم ئوزون که شاهدسن باشیم گدینجه من ال چکمرم حمایتدن قوجاخلاشوب ایکی قارداش باخدوقجا اهل حرم دایاندی عرشه فغان عترت طهارتدن منه غریبه بو غربتده یار بیر سنیدون (ابوالفضل سن منیم بالالاریمون پشت و پناهیدون بوگون بوچولده) منه غریبه بو غربتده یار بیر سنیدون منی قویوب گیدوسن الامان بو غربتدن قاباخجا چون گیدوسن اکبریمه ایله سلام گلینجه من اودیاره بو دار محنتدن دئنن اوغول سیزی قارداشسیز ایلدیم از من دو دست بر كمر و از تو بر زمين دست دگر کجاست که خاکی به سر کنم  ئوزی رعیتیدی گور نقدر جاه آپاروب امام کرب و بلاده اونا پناه آپاروب (میدانه گیدنده گوردی دالدان آرام آرام سس گلور عباس مهلا مهلا دایان قارداش چینینین اوستوندن گورماخ همین سیدالشهدا گلور ئوزون مرکبدن آتدی یره ابی عبدالله نیه بئله الیرسن؟ نیه زهرا یانندا منی خجالت الیرسن ) غنیمت بولوب زبده ناسیلن اولوب قول بویون بیرده عباسیلن (عباس قولاریوی بیر سال بوینوما آی قارداش اله کی قوجاخلاشدلار امام بویوردی ابوالفضل ایلش یره آقا پس نیه بئله الیرسن فرمایش اله دی عباس بوگون هم من هم بالالاریم سنون باشوا دولانمالیوخ هم باشیوا دولاناجاقام هم سنه رکاب دوتاجاقام ایندی بیول باخور ابوالفضلین او جنازه سینه ) از من دو دست بر كمر و از تو بر زمين دست دگر کجاست که خاکی به سر کنم  سندن ایکی ال یرده دور اولموش سبب گوز یاشیمه مندن ایکی ال بئلده دور باخدوخجا سن قارداشیمه اولسیدی بیر آیری الیم تپراق سپردیم باشیمه 👇👇👇

‍ ✅ توسل به حضرت ابوالفضل العباس علیه السلام بزم عزاده گیمشم   قاره یا عباس بیچاریم قیل دردیمه  چاره یا عباس یا باب الحوائج ( 2 ) ای پرچم حریّتی   ساخلیان سردار وی کاروان وحدته  قافله سالار مشکلده قالسام ایلرم  آدیوی تکرار قربان اولوم سن تک فدا  کاره یا عباس یا باب الحوائج ( 2 ) ای حق مناسینده گیین   قانلی احرامی گزدون یارالی باشیله  کوفه و شامی حفظ ائتدی ایثارون سنون  دین اسلامی اولدی نشان عمرون گُلی   خاره یا عباس یا باب الحوائج ( 2 ) كوي محبتده هاني  سن كيمي جانباز عشق عالمينده آلموسان  رتبه ممتاز هاردا آدون سسلنميشم  گورموشم اعجاز ائتمه اردات قيديمي  پاره يا عباس یا باب الحوائج ( 2 ) آند اولوسون آننوندا اولان  زخم پيكاره بير تار مويون وئرمرم  تخت شاهانه قانلي گوزون ياد ايلوب گلّم افغانه دگدي سنه اغياريدن  ياره يا عباس یا باب الحوائج ( 2 ) آتدان دوشده سسلدون  عالمين يارين گلدي غريب كربلا  تاپدي سردارين قانلي جبينونده ئوپوب سجده آثارين باتدي يوزي ثاراللهين  ثاره يا عباس یا باب الحوائج ( 2 ) سسلندي اي آرخام ائليم  آچ گوزون قارداش تاراج اولوب تاب دليم  آچ گوزون قارداش قارداش جاني سيندي بئليم  آچ گوزون قارداش چاره آزالدي گلميشم  زاره يا عباس یا باب الحوائج ( 2 ) اي يار قرآن مرحبا  بخت مسعوده چاتدون شهادت فيضيه   اولدون آسوده اوچدون هما تك ساخت  قدس مقصوده گئتدون يارالي محضر  ياره يا عباس یا باب الحوائج ( 2 ) ادرك پيامون خيمه ده  ايندي آلديم من گوردي باجيم نه غصه لي  حاله قالديم من قربان بو قولسوز قامته  دور قوجالديم من اولدي جفا سن تك وفا  داره يا عباس یا باب الحوائج ( 2 ) سنسيز حرمده عترت   بوتراب آغلار اولموش عطشدن قيزلاريم  دلكباب آغلار گه اصغره لاي لاي ديير  گه رباب آغلار عالم فدا بو چشم خون باره يا عباس یا باب الحوائج ( 2 ) عباس آقا دلدن نقدر  الامان گلسون ايستور كلامي قبريوه  نوحه خوان گلسون آچ باغلانان يولاريوي  كاروان گلسون ايسته بو جمعي توزلي در  باره يا عباس یا باب الحوائج ( 2 ) بانوای زنده یاد حاج محمد باقر منصوری اردبیلی     روحش شاد ویادش گرامی 👇👇👇#نوحه_بزم_عزاده_گیمشم_قاره_یا_ابالفضل_ @Hazrate_Abalfazll

احوالات کوفه (سبک : خرابه چراغان امشب) یارالی باشون نوک نی ده منی گئتدی شوره حسین جان دوشوب باشیوین آردیجان من گلدیم بو شهره ئوره ک قان سن سیز دوزنمز باجون زینبِ زار یارالی دوشمه اوزاق مندن ای فاطمه نون مارالی علّت نه اولدی گئچن گون حسینیم حسینیم دوشدون بو بختی قرادن آرالی آرالی ای وای یارالی یارالی یارالی حسینیم **** منی درده سالدی ملالون اُیور قلبیمی غملی حالون مگر یاتمیشیدون کول اوسته باتیب کوللر گول جمالون پرده چکیب کول اولا حیف او قانلی جماله اوخشاتدی کوللر جمالون او دوتقون هلاله آچ قانلی بیر گوزلرون باخ یارالی بو شهره دوشوموش بلالی باشیم گور نئجه قیل و قاله ای وای یارالی یارالی یارالی حسینیم **** شمادت ائدور حزب شیطان توکور گوز یاشی آل عمران قوتار سن بیزی بو بلادن اوخی سن جدا اوسته قرآن اولدوق نئجه گور بو شهر ایچره بیز غرقِ محنت قویما بو قدری ائده کوفه اهلی حسینیم شمادت اعجاز ایله نوک نیَ ده یارالی حسینیم بولسونله بو کوفه اهلی بیزوخ آل عصمت ای وای یارالی یارالی یارالی حسینیم **** سن ائدون تلاوت حسین جان آتور داش سنه اهل عصیان بو غمده نئجه تاب ائدیم من یارالی باشوندان آخور قان شل اولسون اللر سنه کی جداده آتیر داش دگسون او داشلار دئیورم یارالی منه کاش تقدیر بئله یازدی نیلَک یارالی حسینیم دوشدوق کی چُولَدن چولَه بیز ایکی باجی قارداش ای وای یارالی یارالی یارالی حسینیم **** گیرندن بو شهر ایچره قارداش دونوب گوز یاشیم اولدی قان یاش دوروب بامیلرده جماعت آتیلار حسینیم بیزه داش هی داشدی یا کولدی پرتاب ائدور بو جماعت هارادان دگور داش ائدور شدتیلن جراحت بیر بیله داش کی یاغور بامیلردن حسینیم قورخوم بودی قالمیا خیردا قیزلار سلامت ای وای یارالی یارالی یارالی حسینیم **** حسین گوزوم یاشیم اولدی القان جداده باخورسان لب عطشان یانار غملرونده (( ثمودی )) دییَر سن کیمین شاهه قربان شاها گدایم سنه سنده مولا گوزوم وار گیدیم قَراوی حسین جان من اولدوم عزادار هر قَدری عمروم جهاندا گر اولسا حسین جان عشق عالمی اوللام عشقیمده مولا وفادار ای وای یارالی یارالی یارالی حسینیم ** کربلایی صابر ثمودی https://eitaa.com/Hazrate_Abalfazll ꧁꧁꧁♕꧂꧂꧂

روضه دیر راهب دیدی قسم ویریرم باش سنی خداونده دانش منیله گوروم وار نه ماجرا سنده (راهب او باشی قویوب برابرینه ) دانش منیله گوروم وار نه ماجرا سنده گلیبدی نطقه او لحظه عزیز پیغمبر بیان ایدوب اناالعطشان دیدی یارالی عطش لبلرینده ظاهردور آدون ندور سنه قربان گلوب دیله رهبر انالغریب انا مظلوم غریب و مظلومم بو غربتین دیدی روشندی ای مه انور آدون بیان اله سن مظهر العجایب سن انا بن احمدم اوندا دیدی قوری لبلر بیر آز یاخنلاشوب اهدافه راهب زاهد محمدین دیدی هانسی بالاسی ای بهتر انا بن فاطمه فرمایش ایلدی ناگه دوتوبدی لرزه اودم راهب حمیده سیر دوروب دولاندی اوساعت قوناقینون باشنا دیدی سنه قربان آقا شبیر حسین سن یا حسن سن؟ جواب ویردی حسینم شهید راه شرف اوپوب دوداقلارینی دقتیله ایتدی نظر دیدی یارالی سنی قسم ویریرم جدیوه امام غریب منی شفاعت ایله سن اولان زمان محشر بیوردی راهبه شفاعت اولار مسلمانه بوقولی راهب حسیندن سن ایستیورسن اگر اول مشرف دین مبین اسلام اول نبوتین ثمرین بول ولایت حیدر اصول دینه فروعه ئوزون مهیا قیل شفاعته صورا یول تاپ سن ای نکو منظر ولایتیله تاپار نخل بار عشق ثمر ایشیتدی بو سوزی راهب چکوب اورکدن آه اوجا سسیله دیدی لا اله الا الله آچلدی صبح گتوردی باشی سپاهه طرف ویریبدی خولیه تحویل شرح ایدر خامه دیدی بو باشی اماندی جداده گزدیرمه (آخی بونون باجیلاری باخور آخی بونون اوچ یاشندا قیزی باخور نجه اورگیزدن گلور بو یارالی باشی وراسیز نیزیه) دیدی اماندی بو باشی جداده گزدیرمه مطاع اولمادی خولی او عالی پیغامه آلوب اوباشی او ظالم وفالی راهبدن دیدی بو سوزوی یتیرم اینان بو اتمامه (راهبدن او یالی باشی آلدی دیدی نیلک ورمارام نیزیه ) وروبدی نیزیه راهب باخاباخا اوباشی #دیر_راهب

کربلایی علی داداشی

سربه سر باشدان گوتورموش انبیا عمامه سین تک به تک تنن چخاردوبلار مصرت جامه سین حضرت خاتم ائدور اجرا عزا برنامه سین جعبنون آغزون آچوبدورسسلنور جان جان حسین دینیمین قربانیسن جدین سنه قربان حسین قیلدی معراج انبیا نازل اولوبدوربانوان قاره چادر شبلری باشلاردا عفتدن نشان دور ائدوب صندوقی  اولدی هربیری بیر نوحه خوان مریمو سارا وحوا آسیه ایوای دیور قانلی باشه گوزتیکوب زهرا بالام لای لای دیور بیری دییر لبلریوه چشمه زمزم قربان بیری دییر قاش گوزوه غم زده مریم قربان بیری دییر قانه باتان باشیوه عالم قربان (اما دییر گوردوم بیر خانم عورت یانا یانا دییر) حسین:اویارالی سینوه سینه زهراقربان ویردولار سینه خانملارناله وداد ایئدیلر اوپدولر قانلی باشی بیربیرمرامه یتدیلر دیریدن گوزیاشلاری گوزده کناره گیتدیلر رعشه دوتدی سسلنوبدور راهب پاکیزه خو من ایاقم ای خدا یاعالم رویادی بو حال وحشتلن یاخنلاشدی حسینون باشینه ایلدی دقت اوباشین کول دوتان گوز قاشینه پرتو سیماسینه هم حنجر خونپاشینه قانه باتمیش خطینه لعل لب خونبارینه سجده گاهینن سمایه قوزانان انوارینه سالدی بیر سینیه زرینه اول سبز حریر وسط سینیه قویدی اوباشی راهب پیر توکدی بیرظرف بلورینده سوا مشک وعطیر توکدی آهسته سو قانین یودی زلفون دارادی کولری ردایلدی گوردی دوداقلار یارادی عرض ائدیب ویرم قسم درک ایتدیگیم آیتلره دیریده باشین آچان نورانی شخصیتلره بیربه بیر قانلی دوداقینن اوپن عورتلره کیمسن آی باش بوقدر موی کنانین وار سنون عالم معناده چوخلی نوحه خوانون وار سنون #دیر_راهب

من بابا گلزار عزاده بیر بلبلودوم نالم سسی اینجیدی یوخسا جداده یاکه زحماتیم بی بیمه اولدی زیاده آیینه امیدیمی قویدن یره سالدوز گیتدیز ئوزوز اما منی چولدن چوله سالدوز دیله واردی بیر جذبه یتیمین هر نگاهنده یتیمه قیز هارا گیتسه گزر الله پناهینده یخان یخدی ولیکن ساخلیاندا ساخلادی زنده یامانلخ قالدی آخرساربانه ئولمدیم گلدیم سنه من نازدانیدیم هامی جان تک قوجاخلاردی وجود باغبانیله کیم آیا گل ایاقلاردی سنون ساغلقندیدی هامی گوز اوسته ساخلاردی داخی گوزدن دوشوب بو نازدانه ئولمدیم گلدیم اوحالیمده گوروب زجری اولده قاشمادم قالدم مسلمان فرض ایدیب ئوز شأنیمی گویدن یره سالدم اونامرده سلام ایدیم جوابنده ئوزوم آلدم اسور گوردوم الینده تازیانه ئولمدیم گلدیم منه زجر ایلدی حمله دیدیم رحم ایله ای ظالم منی ئولدورمه چولرده یتور ئوز عممه سالم قولومنان وردی بیر قمچی پوزولدی پوزقون احوالیم قانادم سندی اما آشیانه ئولمدیم گلدیم منه بیر بانگ وردی رعشه دوتدی بندیدن بندیم اوآتلی من پیاده پست وبالادن چخب اندیم یانمدا باغبانیم اولمادی گل تک ورقلندیم سارالوب گل کیمی دوندوم خزانه ئولمدیم گلدیم دوه لر یورقون اولاندا گرک ئولسون بالالار ایاق اوسته یومولوب گوزلری رویانی گزیر نیزه دار سر شاه شهدادندی خبر ئوزی نادان سوزی اما دل دانانی گزیر واردی بیر قیز اوقیزلاردا ولی سنی اوشاق کربلادن گوزوم اوندیدی کی هریانی گزیر نیزه اوسته باشی قویدوم یره یان یانه یاتاخ (هر شهره که وارد اولوردولار باشلاری صنوقلردن چخادردلار وروردولار نیزه لره خارج شهره چخاندا قویوردولار صندوقه دییر اوباشی فرصت اولمادی قویام صندوقه ) نیزه اوسته باشی قویدوم یره یان یانه یاتاخ گوردوم اول خرداجا قیز دوردی قضایانی گزیز منه دقتیلن باخدی هی چکولور گوره گر یاتمشام ئوز دردینه درمانی گزیر (دییر منده ئوزومی وردوم یوخویا گوروم اوبالا نیلیه جاق) پنجه سی اوسته گلوب ایلدی تعظیم اوباشا دیدی چوخداندی گوزوم بو مه تابانی گزیر دیزلرین قویدی یره الرینی صاق وصولا دیدی چوخداندی بودل بو لب ودندانی گزیر (دییر گوردوم یواش یواش یوزون قویدی باباسنین یوزونه) اوپدی عرض ایتدی خدا عمه مده قسمت ایله اودا من تک بو لب ودندانی گزیر #راه_شام https://eitaa.com/Hazrate_Abalfazll ꧁꧁꧁♕꧂꧂꧂

راه شام منافی اردبیلی شیعه بی باک ترین مکتبی ایجاد ایلیوب شیعه ویرانه حریتی اباد ایلیوب شیعه  حزب شرفی قانیله بنیاد ایلیوب شیعه  چوخدان قوشولوب بیعت پروانه لره اگمیوب اگمیجک باشینی بیگانه لره شیعه مستکبر و طاغوتیله پیکاریده دور رمز پیروزی بی وقفه سی ایثاریده دور اوج پرواز و تجلاسی سر داریده دور قلب میداندا  گزر جاهد نستوه کیمی شیعه ظلمین قاباقیندا دایانار کوه کیمین شیعه بوینون نه سلاطینه نه تهدیده بورار قاف غیرتده ابوالفضل کیمین خیمه قورار شیعه نون باشیده گئتسه سوزونون اوسته دورار شیعه تاریخ بشرده حرکت باعثی دی یعنی یتمیش ایکی وارسته قانین وارثیدی شیعه عالمده گرک عاطفه فریادی اولا یتیشه بیر یره کی معرفت استادی اولا ئوز زمانینده پیام آور آزادی اولا دوشه زینب کیمی چولدن چوله حقدن دانیشا گلمیه قمچی الیندن دیله حقدن دانیشا کوفه دن شامه وورا باشه حسین وای چاغیرا توش اولاندا آقاسی داشه حسین وای چاغیرا باخا سر نیزه ده قارداشه حسین وای چاغیرا دئیه ای فاطمه ریحانی فدا گوزلروه اوخی قرآن باجوون جانی فدا گوزلروه ای قلم شام یولوندان سوز آچیلدی غمه باخ گئچمه سوزدن دایانوب بو محن اعظمه باخ کاروان اسراده علم ماتمه باخ ناگهان گوردیله گویده مه روشن دایانوب نیزه شاه شهیدان حرکتدن دایانوب نیزه ترپنمدی سعی ایلدی دشمن نه قدر هامی حیرتده قالوب بیربیرینه ائتدی نظر دئدیلر راز امامی تک امام اوغلی بیلر گلدی سجاد باخوب وضعه اولوب حالی غمین اسرادن دئدی یولدا ایتنی واردی یقین اسرادن سان آلوب فورا او دم زینب زار گوردی اول غم زده پروانه لرین هاموسی وار جمع ماتم ده فقط یوخدی بیر اوچ یاشلی نگار مضطرب اولدی اوشاقلار اوجالوب آه و نوا زجر مامور اولوب آهوی گریزانی تاپا گئتدی تاپسون  دل ظلمت ده رقیه خانمی دئمورم گوردی نه حالت ده رقیه خانمی قیتروب فورا او ساعت ده رقیه خانمی گلدی دوز گئتدی خانم راس شهیدانه طرف باخدی نه زینبه نه جمع اسیرانه طرف ئورگین قهریله دریای بلایه ووردی راس سلطان جنانیله مقابل دوردی گوردی بیر ایش کی هامی قلبیلری یاندیردی محفلی محفل عشقیله صفا فرض ائله دی چوخ ادبلن یارالی باشه سلام عرض ائله دی دئدی ای شاه سنه روح و روانیم قربان قوریان لبلروه سوز نهانیم قربان باخ منه دردیم آزالسون سنه جانیم قربان تیتریئن دل دوداقیم مشگله سالمیش ئوزومی دانیشا بیلمیورم سن اوخی گوزدن سوزومی آتسا هر بلبلی گر باغ و چمن والله ئولر کیمی صحراده اسیر ائتسه محن والله ئولر قورخودان من کیمی احواله دوشن والله ئولر ئولمدیم گلدیم ئوزونلن بابا صحبت ائلیم زجریدن محضر پاکونده شکایت ائلیم وار یادوندا دئیریدون منه مرضیه مرام ایندی بیر دقت ائله ای ئورگی داغلی امام هر جهتدن باخاسان فاطمیه اوخشیورام عمری تک خارین الیلن گل عمریم سولدی بیر گوزوم قانی آزیدی اودا تکمیل اولدی ثانی ِ ثانی بیابانیده تاپدی منی تک من دئدیم یوخدی الیمده سند ملک فدک دئدی تکرار اولا یثربده کی برنامه گرک ووردی بیر سیلی او دم جانیمی سالدی خطره یوخودی دوره ده دیوار یوزوم دگدی یره اوچ گئجه سن ساچیمی هورمدون الان منه باخ آخی آغوشیده یر وئرمدون الان منه باخ کوچه ده گر آنووی گورمدون الان منه باخ سپمیشوک حق یولونا هر ایکیمیز قان یارالی فاطمه سینه دن اما من ایاقدان یارالی سرنوشتی عجب اوخشور بو ننه ایلن نوه نین اودا اللرده ئولوب ئولملیم منده یقین ولی بیر فرق ائدروک عاقبت ای سرور دین اونا حیدر ائلیوب غسل کفن بوکدی گئنه من قرا معجر ایچینده گئدرم قبر ائوینه #راه_شام #شیعه_بی_باک_ترین_مکتبی_ایجاد_ایلیوب #منافی_اردبیلی #با صدای کربلای اتابک عبداللهی 👇👇👇 ارسالی ذاکر اهل بیت جناب مهدی پورحسین https://eitaa.com/Hazrate_Abalfazll ꧁꧁꧁♕꧂꧂꧂