زبانحال عروس فاطمه سلام الله علیها
.
ای اولان گل کیمی خندان
وای عم اوغلی وای عم اوغلی
طوی حناسی اولان القان
وای عم اوغلی وای عم اوغلی
.
عروسم
باشیما کولر الندی
بدنون قانه بلندی
.
.
.
بلمورم هانسی غمونده ایلیوم ناله و افغان
عمّن آغلور آنان آغلور بو نه طویدور سنه قربان
بو نه عالمدی اولوبسان طوی گونی قانیوه غلتان
عروسم
باشیما کولر الندی
بدنون قانه بلندی
.
.
.
گورماقا تازه عروسی شوق و ذوقیله گللر
قرمزی گل گوتوره للر حجله گاهوندا سپلر
بو نئجه طویدی گلنلر گوز یاشین گوزدن اللر
عروسم
باشیما کولر الندی
بدنون قانه بلندی
.
.
.
مجلس عیشیدی بلمم یا کی بیر بزم عزادی
نار فریاد و بکادن نه فلک یانسا سزادی
قونشولار بیر بیره سویلر بو قیزون بختی قرادی
عروسم
باشیما کولر الندی
بدنون قانه بلندی
.
.
.
تازه داماد اگر ئولسه اونا دلسوزلاری آغلار
سس چکر بزم غم ایچره هجله سین قیزلاری آغلار
نو عروس قاره گیونسه گویون اولدوز لاری آغلار
عروسم
باشیما کولر الندی
بدنون قانه بلندی
.
.
.
جسموین نقشی عم اوغلی پوزولان گلشنه بنزر
آغلیان بلبلی چوخدی هانسی بلبل منه بنزر
مجتبانون گلوسن سن هانسی بیر گل سنه بنزر
عروسم
باشیما کولر الندی
بدنون قانه بلندی
.
.
.
پوزولوب گلشن جسمون سارالوب غنچه دوداقون
باشیوین قانی سوزولموش قانه باتموش ال ایاقون
قتلگاهوندی عم اوغلی دئگوروم یا طوی اتاقون
عروسم
باشیما کولر الندی
بدنون قانه بلندی
.
.
.
آتش فرقته یانّام هر بلایه دوزرم من
قانلو باشون هارا گئتسه دالیسجا گزرم من
گر وطن قسمتم اولسا طوی اتاقون بزرم من
عروسم
باشیما کولر الندی
بدنون قانه بلندی
.
.
.
باشیوین درد و بلاسی کاش گلیدی من زاره
پیکرون یاره سی گلمز سانا مانند ستاره
بطنوه بیر یارا دگمیش منی ائتدی گونی قاره
عروسم
باشیما کولر الندی
بدنون قانه بلندی
.
.
.
«تابع دینی» دعا ائت غمی دلدن اولا زایل
چوخ سیخور گردش دوران ائدیری طی منازل
نه گوزل طرزیله یازدی سوزونی ایلدی کامل
عروسم
باشیما کولر الندی
بدنون قانه بلندی
.
مرحوم محمد حسن تابع دین تبریزی
#عروسم_باشیما_کوللر_الندی
#قاسمیه
#تابع
فایل صوتی👇👇👇
@Hazrate_Abalfazll
ای منیم دادخواهیم الله***
یوخدی سنسیز پناهیم الله
اوخلانوب اصغریم الیمده***
دیلده وار سوز آهیم الله
ای خدا شاهد اول اوخا گولدی بالام***
آخدی قان یومدی گوزلرین اولدی بالام
-------------------------------------------------------------------------------------------------------
حرمله اوغلوما اوخ آتدی***
دلده کی دردیمی چوخاتدی
چهره ی آسمان قراتدی***
آق بلک تازه قانه باتدی
اللهیم چوخ حساب ائله سن بو آزی***
اوچ پر اوخ دیدی بیشدی نازک بوغازی
---------------------------------------------------------------------------------------------------------
وار غم بیکرانیم الله***
قورتانری امتحانیم الله
اوز قوجاقیمده قانه باتدی***
آخرین قهرمانیم الله
اصغریم چالدی هی بلکده ال ایاق***
بالامی یولادیم ابوالفظله قوناق
#ای_منیم_دادخواهیم_الله
#اصغریه
فایل صوتی👇👇👇
@Hazrate_Abalfazll
VC_2024_07_31_08_46_31.mp3
953.9K
شهادت امام سجاد(ع) تسلیت باد🏴🏴🏴🏴
بانوای عبداللهی ====👆
در شهادت امام سجاد علیه السلام
. #سبک_دولدوروب_جهانی_واحسین_صداسی
گلموسوز بو گون سیز مجلس عزایه
تسلیت وئرون اول حضرت رضایه
جدّینه یانار آغلار
غصه قلبینی داغلار
یا امام سجّاد (2)
.
زین العابدینین قلبی قانه دولدی
اللی یدیایل عمر ایلیوب یورولدی
آغلادی اوتوز بئش ایل ائله پوزولدی
گوز یاشین توکردی شاه کربلایه
سو گورنده آغلاردی
بو جهانی داغلاردی
یا امام سجّاد (2)
.
ابن بابویه دور راویِ روایت
زهر وئردی هشام چکمه دی خجالت
چون واریدی دلده کعبه دن عداوت
فَرزَدَق ائدنده مدح او مقتدایه
انتقامونی آلدی
شیعه نی غمه سالدی
یا امام سجّاد (2)
جان وئرن زماندا یغدی آشناسین
آلتی نوجوانین تک به تک بالاسین
ایلدی معرف حجت خداسین
باقر اوغلی یتدی منصب ولایه
دین ائوی اولا تأمین
جانشین ائدوب تعیین
یا امام سجّاد (2)
.
پس امام باقر ایلوری روایت
اؤز آتام بیوردی وار هله فراغت
ایستدی سو آلسین دستماز او ساعت
من سوئی گتوردوم حجت خدایه
سویلدی وضو اولماز
میته وار بو سو اولماز
یا امام سجّاد (2)
.
تازه دن آپاردیم ایلیم عوض من
موش مُرده گوردوم سو ایچنده بیردن
سو گتوردوم آلدی دستمازین ایمن
امر ائدوب گل اگلش گلمه چوخ نوایه
گور دویونجا بو زاری
من علیل بیماری
یا امام سجّاد (2)
.
بو گئجه یتوبدور وعدۀ وفاتیم
بی وفا جهاندان قورتولوب حیاتیم
بو شهادتیله کشف اولور نجاتیم
هر نه غم یتیشسه ائتمرم گلایه
بیر اسفلی ناقم وار
چوخ اونا علاقم وار
یا امام سجّاد (2)
.
آبیله علف ائت ناقه مه مهیا
چوخ نوازش ایله بیرده تشنه قویما
بولسه ئولموشم من غصّه مرگ اولار یا
قبریم اوسته گلسه یوز دوتار سمایه
قلبی چوخ گلر درده
جان وئرر همان یرده
یا امام سجّاد (2)
.
دفن دن صورا اول ناقۀ وفادار
صاحبیندن اؤتری ائتدی ناله و زار
گلدی قبری اوسته ائتدی بیله گفتار
دور گئداق دوباره خانۀ خدایه
مرکبون فغان ایلر
گورمه سه سنی نیلر
یا امام سجّاد (2)
.
دردلرین دیوردی حسرتیله ناقه
یعنی سیّدی دور قبردن ایاقه
یوخ منیم بولورسن طاقتیم فراقه
آهی اوج ائدوردی عرش کبریایه
قالمادی داخی طاقت
جان وئروب اولوب راحت
یا امام سجّاد (2)
.
زین العابدینه آغلیاندا ناقه
یر گوی اهلی آغلار بو غم فراقه
واردی شیعه لرده بیر بویوک علاقه
«غمگین» آغلا سنده شاه کربلایه
اوغلی جان وئروب نالان
پیکر حسین عریان
یا امام سجّاد (2)
.@Hazrate_Abalfazll
منصوری ( حضرت علی اصغر).mp3
3.11M
روضه حضرت علی اصغر(ع)
👇👇👇👇برای آگاهی اعضا
ابی عبدلله بالانی آپاردی خیمه لر دالندا تپراقلار آلتندا بالانی گیزلتی کی دشمن ال تاپانماسین، اگر دفن السیدی دا نبش قبر الیوب امامین سینه سینده دفن الینمزدیلر
دیدی بالا
سن منیم گلشن نازیمده گل نازیمیدون
آخر صفده گلن خرداجا سربازیمیدون
بوگوزل رتبه نی زر عالمی آلموشدون علی
آزدی سینین اودور آخره قالموشدون علی
بالا اله فکر ایتمیه سن رخت علایق سویورام
اله فکر ایتمیه سن قانلی یوزوندن دویورام
اله فکر ایتمیه سن دائمی قبره قویورام
سری وار عالم امکانی پریشان ایدورم
سری وار قوملارون آتدا سنی پنهان ایدیرم
ایستیرم کوفه لی لر جبریده چوخ دورمویالار
بوندان آرتخ ننوین قلبینی سندرمیالار
باشوی ذبح الیوب نیزه لره ورمویالار
(عصر عاشورا گوردولر حرمله پکر حرمله ناراحت، حرمله اولمیا پشیمان سان، دیدی یوخ هرکس هرکسی ئولدوروب یارالی باشون وروب نیزه باشنا جایزه سین آلاجاق،اما من علی اصغری تاپانمامشام،نچه نفر دیدیلر حرمله ناراحت اولما ،ئوزوموز گوردوخ حسین اوبالانی الینده آپاردی خیمه لر دالنا، یاپشدی اولارین الینن نیزه دارلارا دیدی سیزده گلون، گوردولر حرمله نچه دنه نیزه دار آپارور خیمه لر دالنا امام سجاد وخانم زینب بولور نه وار اما اوشاقلار دیلر عمه نه وار حرمله گلیر،آززماندا گوردولر بولار کچدیلر خیمه دالنا نیزه لری ورولار یره رقیه ئوزون سالدی عمه نین ایاقلارینا عمه بولار نیه بئله الیلر)
قلب ترابیدن بالا ظلم الی گوهر آختارور
نیزه لری ورور یره حرمله اصغر آختارور
gamliinohalar-غملی-نوحه-لر.mp3
5.37M
منیله کوسمه اصغریم گوزوندن آتما سن منی
یولادوش آغلاما بالا بابابون گوزتلیور سنی
خداحافظ ای سرای عشقون نگاری
خداحافظ ای ربابین دارونداری
خداحافظ ا قانادی باغلی قناری
حلال ایت ربابی
بوغازیوی اوخ اینجدوب بواوخ سنی چوخ اینجیدوب
سالوب فشاره اصغری ایدوم نچاره اصغریم
سپاه ظلم وجفا یان یانه دوزولدی
بوغازوندن اوخ ویروبلارقانی سوزولدی
دوام ایله رد ایدیم تیری حنجرونن
بالا چرپنما باشین پیکردن اوزولدی
غنچه پرپریم اصغریم اصغریم
روضه حضرت ابوالفضل(ع).mp3
4.56M
یازلار یدی قدم قالاندا آقانین دای دیزلری گلمدی
ابی عبدالله آقا سورونه سورونه گلدی ابوالفضلین بالینینه
گلدی ابوالفضلین باشین آلدی دیزینون اوستونه
دیدی عباس
سن بیر قارداشیدون من بولورم ئوزگه سی بولمز
مین عالم اولا عالمه مثلین داخی گلمز
بیر قدی کی قارداش ئولومی بوکدی دوزلمز
عمامه نی گوتوروب گوزلرین قانین سیلم
یامان گونومدی برادر دانشماسان ئولم
آواره قالمشام اوتوروم یا دوروم گیدیم
صدپاره نعشیوی کیمه من تاپشوروم گدیم
من دیمورم مشکیوی دولدور گیدک
من دیمورم رقیم آغلور گیدک
قولون یوخدی تکیه ایله چینیمه
دشمن باخور یواش یواش دورگیدک
اوقدر دانشدردی گتدی ابوالفضلی دیله
گوردی ابوالفضل آغلادی
دیدی عباس نیه آغلوسان آی قارداش
اولمیا ننم ام البنین یادیوا دوشوب اولمیا بالان عبدالله یادیوا دوشوب
دیدی قارداش نه ننم یادیما دوشوب نه بالام یادیما دوشوب
اما منی منی آغلادان بودی، شب عاشورا خیمه لر دالندا نگهبانلخ وریدیم گوردوم ربابین خیمه سیندن آغلاماق سسی گلیر
یاخنلاشدیم گوردوم رباب اصغری آلوب آغوشینه بئله دیور
لایلای ننه قربان گوزوه صود امر اوغلوم
یات بو گئجه نی بلکه سو اولدی سحر اوغلوم
Haj Abdolahe Dadashi (6).mp3
1.02M
اوخشاما
زبانحال حضرت رباب(س)
علی بالام ،گوزل بالام، ناز بالام
سحر اولدوزی تک عمری آز بالام
خردا بارماقلارون باتر قانوا
احوالیوی هردن منه یاز بالام
گوزل بالام، شکیل بالام، گل بالام
دردی چتین درمانی مشکل بالام
آغلاماقون دشمن بولسه سوونر
بیر جور اله گاه آغلا گه گول بالام
(اوغلی ئولن ننه نین اورگینه هرسوز گلر، الله هیچ ننه نین اورگینه بالا داغی قویما)
علی بالام، شیرین بالام، بال بالام
جان ساتیرام بیر گوروشه آل بالام
بیر گئجه گل یوخوما تئز گیتمه
صبحه کیمی منه قوناخ قال بالام
علی کوینگون آغ ساخلارام
یوارام آغ ساخلارام
بیر گئجه یوخوما گلسون
سنی قوناق ساخلارام
Haj Abdolahe Dadashi (5).mp3
948.4K
سینه زنی
زبانحال حضرت رباب (س)
گئجه لر دل داغلارام
ائل یاتار من گوز یاشیم
یوزوم اوسته باغلارام
گئجه لر اشکیمی گوزدن الرم
بوش گوروب قنداقیوی هی ملرم
نالیه هی گلرم
یوزه اشکیم الرم
قانلی قنداقون علی
آچارام هی بلرم
سنه لایلای دییرم
قورو سول چای دییرم
فکریمی غصه قاتار
بعضی یول وای دییرم
لایلایم غملی اولار
کیم اشیدسه توز اولار
اوخشامام دوزلودی چون
گوزوم اشکیله دولار
بئله گلمیشدی یازون
اوپه پیکان بوغازون
اوخ بیر ایش گوردی علی
صوده یوخدور نیازون
آناوام آتما منی
ئوزگیه قاتما منی
من سنی آختارورام
سنده گل ساتما منی
ارزش حسینیان وقتی که از دنیا میرن
کیم دیلده حسین آدین ایدوب اَزبَر آپاردی
قبره الی بوش گیتمدی بیر گوهر آپاردی
تپراقدا خیانت ایلمز عشق حسینه
قبر ایچره بولر گوهر جان پرور آپاردی
چوخ گورمشوخ عالمده ئولن وقته حسین‌چی
قبره نه جلالیله اونی اِللّر آپاردی
گیت مجلس ترحیمینه باخ جاه و جلاله
گور عشقیدی یا مسئله دیگر آپاردی
بو عشق قمارینده بلی هیچ کیم اوتوزماز
اوّل اوتوزندا گوروسن آخر آپاردی
هر کیم کی جوان عمرینی بو یولدا اوتوزدی
آخر بله گوردوک آقادان نوکر آپاردی
هر کیم کی بو درگهده قوجالدوقجا اوجالدی
باشی آغاران رتبه‌ی والاتر آپاردی
چوخ آغ گونه چخدی قره تپراقلارون آلتدا
هر کس قره دسمالیلن اشک تر، آپاردی
فکر ایلمه‌سن آغلادون اشگون هدر اولدی
زر قدرینی از بس تانیدی زرگر آپاردی
سن گورموسن امّا دولانور شیشه‌‌سی الده
گوز یاشلارینی فاطمه‌ی اطهر آپاردی
(بیر امام حسینچینین مجلس ترحیمیدی هریانان گلوبلر دده سی ئولن بالالارا عزیزی ئولنلره تسلیت دیلر الان نچه گوندی بو دده بالالارینان آیرلوب ، حتما بو نچه گونده بالالارینون گوزی چاتاشور دده نین او بوش یرینه )
چشمه منیم چای منیم ای.....
اولدوز منیم آی منیم ای.......
والله سن ئولن گوندن
ذکریم اولوب وای منیم ای.....
(دده نین ایکی دنه اورینده آرزوسی اولاراولین آرزوسی اولار اولین آرزوسی بایرام گونلری آرزوسی اولار الله منیم بالالاریم گله کناریمه ایکیمجی آرزوسی ده بو اولار الله من ئوز ائلیمین چینینده گیدم قبره الله هیچ ایوی دده سیز المسین والله دده سیز ایوین ارزشی اولماز ایستریم اوریزی بیر دولاندرام کربلایه بئله دیرم خانواده معزا هر یانان گلوبلر سیزلره تسلیت دیه لر آخی پیغمبرین فرمایشیدی بویوروب گدین دده سی ئولنلره تسلیت دیون دییرم آرزوزا یتیشدوز بو باره دن که هامی گلدی سیزلره تسلیت ددیلر شرمنده اولمادوز اما بیر اوغولدان خبریم وارکربلاده زینب دیر روز عاشورا گونی گوردوم امام سجادآقا الین قویوب اورینون باشینا اله یانایانا آغلورگلدیم یاخنا اوغول سجاد سن بئله آغلیاندا من بو اوغلی ئولن ننه لری قارداشی ئولن باجیلاری آتاسی ئولن بالالاری نجه آرام الیوم دیدی عمه بیر قتلگاهه باخ گور قتلگاهیده نخبر وار)
یارالینی سوینازلار ای.....
سویوب یرده قویمازلار ای.....
یارالی ئولسه مگر
اونی قبره قویمازلار ای.....
(هامی گلیب خانواده معزایه تسلیت دیلر اما هیچ یاندا گورونمویوب قارداشی ئولنده دل یاراسی ورالار هیچ یاندا گورونمویوب دده سی ئولنه شمادت الیلر زینب بیر باخدی اویارالی جنازیه )
یوخ سوزوم هر باجینون قارداشی دعواده ئولر
رسمیدور خوش دیلیلن تسلیت اما ویره لر
کیم گوروب باجینی قارداش باشی اوسته دویلر