شجاعت حضرت زینب (سلام الله) وورميسان شامه عجب پرچم ارشاد خانم نه گوزل مکتب آچوبسان ائوون آباد خانم گرک البته حسينين باجيسي زينب اولا عفّتی عصمتي شخصیّتی زين اب اولا پایتخت اُموي ده حرمي مکتب اولا هر گلن کاخ يزيدين باخا ويرانه سینه یوز قویا زينب مظلومين عزاخانه سینه ائوون آباد خانم رتبه وی ممتاز ائلدون عالم عشقده عشّاقي سر افراز ائلدون صبری شرمنده ائدوب واقعاً اعجاز ائلدون آتاوا اولمادي ممکن قویا شاماته قدم سن ووروبسان دل سوریه ده فتحيله علم هانسي دکتردي مطبّی تاپا بير بيله رواج هانسي خاتوندي اولا درگهي ينبوع نتاج چاره سیز درده خانم شامده سندندي علاج سکه عشقون اقاليم ده رايجدي خانم ناامید ائتمه قاپون باب الحوائجدي خانم نه مطبّون ويزيتي نوبه گئجه گوندوزي وار نه طبابتده سنه بير جه طبيبون سوزی وار سن علينون قزيسان سنده جهانين گوزي وار سن خانم شامده بیچاره لرين چاره سی سن دوشموسن ائلدن آرالی وطن آواره سی سن شامدن واردي خانم سنده آجی خاطره لر باملردن باشووا توکدوله کول فاجره لر گولدولر حالوه اللرده دف و دایره لر تيشهٔ عدل خدا ريشهٔ ظلمی کسه جاق نقدر وار بو جهان پرچم زینب أسه جاق گینه گلديم قاپووا درديمه درمان ائده سن اي علی نايبه سی سائلم احسان ائده سن منی اوز سفرهٔ احسانوه مهمان ائده سن اهل عالم سيزي مين حاتمه سرور تانيوب هر نه اولسام منی ده زينبه نوکر تانيوب حاج حسین کریمی مراغه ای

ای منی آواره گویان ابولفضل ابوالفضل از سلیم موذن زاده 🥀🥀🥀 ای منی آواره قویان ابالفضل ابالفضل گلمیشم ایمداده اویان ابالفضل ابالفضل لطف ائله دون نوکریوه حسینیم حسینیم آل منی زیرِ پَریوَ حسینیم حسینیم قدری دُجا مرد وفا ابالفضل ابالفضل گوزلریمه نورو ضیا ابالفضل ابالفضـل قالدی الیم بئلده اخا ابالفضل ابالفضل آچ گوزوی یاندیم امان ابالفضل ابالفضل 🥀🥀🥀 باغلامیشام عشقیوه دیل حسینیم حسینیم ظلم ائدیب عبّاسی خجیل حسینیم حسینیم مشکیمه باخ دردیمی بیل حسینیم حسینیم آل منی زیرِ پَریوَ حسینیم حسینیم لطف ائله دون نوکریوه حسینیم حسینیم آل منی زیرِ پَریوَ حسینیم حسینیم 🥀🥀🥀 آرخام ائلیم شهپریوه نه گلدی نه گلدی سروُ سهی پیکَرُوَ نه گلدی نه گلدی سؤیله کَرم الَّروَه نه گلدی نه گلدی مرد جدل شیر ژیان ابالفضل ابالفضل ائتدیله ظلم اهلی کمین یولمدا یولمدا خنجه ره توش اولد ساغم سولمدا سولمدا آدوا قربان دی ایکی قولمدا قولمدا غصه یئمه نوکریوه حسینیم حسینیم لطف ائله دون نوکریوه حسینیم حسینیم آل منی زیرِ پَریوَ حسینیم حسینیم 🥀🥀🥀 عشق و صفا واردی شیرین سوزنده سوزنده قان تر آچیب خطّی بلا یوزونده یوزونده واردی سنین یاره قارا گوزونده گوزونده قیل منه بو دردی بیان ابالفضل ابالفضل ای منی آواره قویان ابالفضل ابالفضل

در احوالات حضرت رقیه (س)   قویوب رقیه نی چون قبره عترت اطهار وئروبله سس سسه بیر سس چکوب سیزیلدادیلار   بُیوک کیچیک گلین عورت اوشاق کنیز و حرم او قبر دوره سینه وئردی حلقۀ ماتم   سیزیلدیان باش اچان زلفینی یولانلاردان دایاندی قبّۀ افلاکه صیحۀ افغان   مخدّرات طهارت قاریشدی بیر بیرینه آخاردی خون جگر گوزدن اشگ تر یرینه   ز بس موثریدی داغ محنت هر دلده ایدردیلر هره مین شور و ناله بیر دلده   او آغلیانلارا اولمازدی بیر تسلی ویرن او گون خرابه ده شور قیامت اولدی عَلَن   باخوب او حالده زینب بیر امّ کلثومه گوروب چوخ ایلوری شیون او زار مهمومه   ایله او معدن صبرین گیدوب قرار الدن او قدر صیحه ووروب آز قالوب دوشه دلدن   اگر بو وضعیله بیر قدرده نوا قیلسون وار احتمالی که روحی بدندن آیریلسون   دئدی آز آغلا باجی اولما چوخ ملول و فکار سن آغلیاندا بو اطفال بیقراره نه وار   گلوب تکلُّمه گویا او غمکش ایّام جواب ویردی باجی من نجه دوتوم آرام   باخاندا هر یانا ای دخت شهریا عرب رقیه نون یری بوش گورسنور باجی زینب   خیال ایدنده جمالی نظرده جلوه لنور گورنده یوخدی برابرده گوزیاشیم النور   نجه من آغلامارام قانه دونمز اشک تریم عزیز جانیم ئولوب اود دوتوب یانار جگریم  ادامه 👇

جگر که یاندی سیزیلدار ئورک چکر دل داد دگل منیم اوزومیله که چکمیم فریاد   نه بیر دقیقه یادیمدان چخور خیالاتی نه محو اولور نظریمدن رقیه حالاتی   دوشر خیاله او حالی چکوب سس آغلاردی بابا بابا دیوب اشکین توکوب سیزیلداردی   دیزین قوجاقلیوب ایلردی نالۀ دلسوز فغان و دادی قولاقیمده ایمدیده وار هنوز   بیله گمان ایدرم اگلشوب باخار یوزیمه کمال یأسیله حسرت گوزین تیکوب گوزیمه   گهی دولاندیرور هر یانه نازنین گوزینی گهی باخار منه امّا دینموری سوزینی   قالوردی آج ولی اوز آجلیقین دینمزیدی طعام اولاندا گلو گیر اولوب یینمزیدی   دیردیم ای بالا دردین دی چاره سین بُولَنَم دیمزدی درد دلین ایستمزدی غصّه لَنَم   اوزی صغیریدی مُعتادیدی ولی صبره ئورکده ساخلادی دردین آپاردی تا قبره   گورنده قبرینی صبریم گیدور فنایه باجی فلک چوخ ایلدی جبرین او بینوایه باجی   آدی گلور دله نسگللری دوشور یاده کیمی خرابه ده دفن ائتدیلر بو دنیاده   مریضیدی مرضینده اسیر دشمنیدی دواسی طعن و شماتت غذاسی شیونیدی   وجودین ایله اریتمیشدی بوتۀ محنی آدی وجودیدی تشریح محضیدی بدنی   نه بیر رمق واریدی نازنین وجودینده نه اختیار قیامینده نه قعودینده   دوراردی بلکه گزوب بیر خرابه نی دولانا بدن ضعیفیدی ایلدری میل اویان بویانا   باخاردی دورماقا یوخ طاقت و توان اینجیر گوروردی اگلشه توپراقلار اوسته جان اینجیر   گئدردی عالم فکرتده بیر زمان هوشه قوجاقلیوب گئنه جان تک باساردیم آغوشه   گئنه او حالیله گوزلردی رسم آدابی رضا دگلدی بوله حال زارین اَحبابی   ئورکلنوردی ولی گیزلدردی ناله سینی که عمّه لر باجیلار تا ائشیتمسون سسینی   صغیر سنّیله رسم وفا نشان وئردی بابا باب دیوب آخر غریب جان وئردی   بس ایله نظمووی ((ذهنی)) بو غم تمام اولماز رقیّه شرح غمی نظمیله خِتام اولماز   مرحوم ذهنی

نوحه روضه اربعین زبانحال حضرت زینب سلام الله علیها 😭😭 گلشنینده گلدیم باغبان اولام من ... گلمدیم بو چولده باغریقان اولام من ... اولما سنده راضی ناگران اولام من... دی گوروم یاران نجه دی... دردیلن آران نجه دی ... ای عزیز زهرا. ...ای عزیز زهرا... من مریض عشقم تربتون دوادی... توتیای عالم خاک کربلادی... آلتی گوشه قبرون گور نه با صفادی... قبریوه اوزوم قربان... یاتما ای عزیز جان... زینبم یارالی. ..زینبم یارالی. ... قبرین اوسته قارداش گلمیشم نوایه... سسلرم آنامی تا گلر عزایه... اوج ایدوبدی آهیم طاق نه سمایه... گون هواده گریاندی... حالتیم پریشاندی... ای عزیز زهرا...ای عزیز زهرا... کاخ ظلمی ویران ایلدیم حسینیم. ... نهضتیوی اعلان ایلدیم حسینیم. .. دشمنی پریشان ایلدیم حسینیم. .. شامده علم ووردوم... من یزیدی سندردیم... زینبم یارالی. زینبم یارالی ... کوینگون الیمده اولموشام نواخوان... قبرون اوسته ساللام دلده آه و افغان. .. سسلرم بو چولده تشنه لب ویرن جان... من عزالیام قارداش... دل یارالیام قارداش... ای عزیز زهرا... ای عزیز زهرا... یاتموسان بو چولده اصغریله باهم... زیر پاده اکبر سنله اولموش همدم... ماه آل هاشم بین نهر علقم.... سن دی اکبریم ایوای.... منده اصغره لای لای... ای عزیز زهرا ...ای عزیز زهرا... شامیده رقیه گل کیمی سارالدی... گون به گون قرارو صبریم الدن آلدی... آتش شراره قلب زاره سالدی... خردا قیزلارا باخدی... آغلادی گوزی آخدی... ای عزیز زهرا... ای عزیز زهرا 👇👇

بهار عمروم دونوب اوغلوم آلتی آیدا فصل خزانه سنه آغ کوینک گیندیردیم شاهیمه ویردیم عاشقانه سوسوز جیران مثلی سینمده آیرلوب گیدون وعدگاهه فرات آخدی چولره ساری سن سوا باخدون یانه یانه بالام لای لای گلوم لای لای علی لای لای علی لای لای ننه قربان گل قوجاقیمه بوش قالوب سینه ام آغلورام من گئجه دن خیمه کنارینده عالمون قلبین داغلورام من گزیرم بیر خالی گهواره ترپدم تا بوش گاهواری اولوب آخشام قانلی قنداقی هی آچورام هی باغلورام من بالام لای لای گلوم لای لای علی لای لای علی لای لای چرخ بی عار الیوب گوندوزومی لیلیه تار ائلر ایچره نجه گور مادریوی خار ایله دی گون کی باتدی گتیروب خیمه ده سو پایلادلار ایچمیردیم بالا جانی بی بین اسرار ایله دی صود گلیبدی ولی یوخدی امنی تئز گل اوغول گور نجه صود ننون جسمینی آزار ایله دی وقای این حنجر کوچیک با سه شعبه شد نامرتب یه تیر اینقدر کشته داد بابا من رباب و تو عمه زینب یه تیرانداز آرزوهایی که دل من باشش رو برده از اون بدتر خنده ایه که حرمله رو لبهاش آورده زدن داره آخه شش ماهه حجم تیر بیشتر از گلوشه یه قطره آب یه کاری کرده حنجر تشنه ات زیرو رو شد

حضرت رقیه (س) زبانحال حضرت رقیّه (س) به رأس پدر بو   دل   شبده   منی  یاد   ایلدون   سن یارالی بو   نه  عالمدی   بابا   سن  یارالی  من  یارالی گلموسن بو گیجه  وقتی قیزیوی شاد ایده سن غملی دور غصّه لی دور غصّه دن آزاد ایده سن غصّه   ویران    ائلین   قلبینی  آباد    ایده   سن ائوین   آباد   اولا   گل یاخچی گلوبسن  یارالی من  بولردیم  که سینیق  قلب لری سن آلاسان رأفتیله     یارالی     دیللره     مرهم    سالاسان گلموسن  بو گیجه  ویرانه ده   مهمان  قالاسان قالسان  اولّام  ستم    شمریدن   ایمن   یارالی دولانوم  باشیوه  من  کیم سنی  بو حاله سالوب سنی  بو  حاله  سالان تاب  و  توان مندن آلوب بو  باشوندور  بابا جان بس  بدنون هاردا قالوب کسدی باشون دئ گوروم هانسی دل آهن یارالی کیم  ویروب  دست  ستمله  بو گوزل باشه یارا باشیوه    یاره    ویرانلار   گونومی  ایتدی   قرا سن  هارا    یاره   هارا  من  هارا   ویرانه   هارا عزّتیم  سنله  گیدوب   ای  سر بی تن   یارالی قان اولان گویلومی ویران ایلدی باش  یاراسی هامی بیر یاره دن اولموش لبوون باش یاراسی یاندیرر  قلبیمی    آنّونداکی   بو   داش  یاراسی دوتا   اوت   من کیمی دلدن  یانا دشمن یارالی گُل   دوداقینده کی  بو  قانی  آخان   یاره   ندی قانی خشک اولموری ایوای منه بس چاره ندی؟ منده    یوخ   چاره  ایدم   چاره   بیچاره  ندی؟ وئر  نشان چاره   یولون گل  دیله  دیللن یارالی آغلادار     باخسا      مدام    آل   خلیلی  یوزومه قان دولان گوزلرون آچ  بیرده منیم باخ یوزومه گور  نیجه شمر  ووروب ظلموله  سیلی  یوزومه ایلیوب طعن   اوخونا    سینمی   مخزن   یارالی سن  نیجه گون کیمی باتدون ایله  منده باتارام سنون  عشقونده  بوتون  عالمی گوزدن  آتارام کنج    ویرانه ده    قبریمده     کفنسیز    یاتارم دییر  عشّاق   جهان  عشقیمه   احسن   یارالی من دیدوم کوسموشم آتدی غمون ای طاقتی طاق عفو  ایله  گل  ئولورم  بیرجه دویونجا  دانیشاق قوی ئوپوم   بیرده  یارالی دوداقیندان دانیشاق سنه   نیسگیل  اولی ئولسم   منه شیون  یارالی بابا  ایستر   بو  (( شعاع ))  عاشق  دیوانه کیمی گله    مهمان     بیزه    بو   وقفه   قربانه  کیمی دولانا     باشیوه     بو    جمعیله    پروانه کیمی ایسته  قسمت  ایلسون  خالق  ذوالمن  یارالی

مفاخره کربلا با کعبه مرحوم یحیوی اردبیلی سسلندی کربلا ای کعبةُ الحرام گوندر حسینیمی من یاخشی ساخلارام شهزاده اکبرین ششماهه اصغرین سینم شکاف ائدوب جان تک قوجاقلارام کوه منا سنون میدانی وئر منه هاجرده صبر یوخ لیلانی وئر منه یتمیش ایکی سوسوز قربانی وئر منه توپراقیمه منیم آرتورسون احترام وار زمزمون سنون منده فرات وار قلبیمده چشمۀ آبِ حیات وار وئر اصغری منه منده ثبات وار لایلای دیوب اونی راحت یاتوردارام اُمُّ القُراء سن، اُمُّ المصائبم خاک شفا منم، هر درده غالبم خون خدائیله ، دائم مصاحبم حتی حسینیله جنتده من وارام خلق ایلیوب منی چون حی و کردگار زهرانون اوغلونا مدفن ویروب قرار عرش معظّمه وار منده افتخار بو شأن و شوکتی الدن بوراخمارام خاکیمدی کیمیا داشیم جواهرات منده مقام ائدر ، حَلّالِ مشکلات هر مشکله دوشن، منده تاپور نجات حق منده ایلیوب ئوز نعمتین تمام اوچ گون قاپون آچوق تک اغنیالره سنده طوافه یوخ یول بینوالره فیضیم یتر منیم شاه و گدالره درگاه رحمتی من باغلی قویمارام بیر قطره تربتیم طوفانی ساخلادی نوحه تلاطمِ دریانی ساخلادی سنده کسیلمدی قربانی ، ساخلادی الله فدالری منده ائدر خرام مدّتدی گوزلرم شبه پیمبری تأخیره سالما چوخ قوی گلسون اکبری سرسون بو سینه مه زلف معنبری بیر تار مویینی دنیایه وئرمرم عباسه وئرمیشم اطراف علقمی گلسون حسینون اول همراز و همدمی وورسون گرک ئوزی نهر اوسته پرچمی شاهون وزیریدور زحمتده قویمارام شهزاده اصغرین ویرسه منه رباب بیر دایۀ کَمین، ائتسون منی حساب اول طفلون ایلرم گهوراه سین تراب من یاخشی آغلارام من یاخشی اوخشارام لیلا آچاندا باش بیگانه گورمه سون تلّیم حجابدور میدانه، گورمه سون زینب ،حسین دوشوب طوفانه ، گورمه سون طوفان اشکیمی گوزدن قوتارمارام بیر منزل ائتمیشم آماده قاسمه تا یادگار اولا دنیاده قاسمه طوی ایلسه حسین شهزاده قاسمه داماده من گرک طوی حجله سی قورام ✨اَللّهُمَّ عَجِّل لِوَلیِّکَ الفَرَج✨

«قیزیل‌قلم»: «ورود کوفه» زبانحال‌حضرت‌زینب«س» نیزه‌باشینده باشون گون‌کیمی‌تاباندی‌حسین باجون‌ئولسون بونه‌حالت بونه‌عنواندی‌حسین ــــــــ یارالی ای یارالی سنه قربان یارالی زینبون‌بویارالی باشووه‌قربان گؤزون آچ کؤرپه‌سربازووه،قارداشووه،قربان،گؤزون آچ صبرووه،اجرووه،پاداشووه،قربان گؤزون آچ اولمیازینبی گؤزدن آتانااوخشیوسان یارالی‌کوللرون اوسته یاتانا اوخشیوسان ــــــ یوخ!سنی من‌تانیرام ای‌باشیمین‌تاجی‌حسین اولمیشام کعبهٔ‌حسنونده‌سنین حاجی،حسین زندگانلیق منه‌سنسیزاولاجاق آجی حسین نیزه اوسته گؤرورم دیللننه اوخشیوسان حیف‌اولاگوللری‌سولمیش‌چمنه اوخشیوسان ـــــــــ قلبیمی‌کوفه‌لی‌لرگؤرنئجه قان ائیله‌دیلر یارالی‌باشووی داشلاره نشان ائیله‌دیلر صبریمی الدن آلیب سَلبِ توان ائیله‌دیلر چاره‌سیزدردیمه درمان‌ائدنه اوخشیوسان زینبین مشکلون آسان ائدنه اوخشیوسان ـــــــــ داش‌دگیب سجده‌گهوندن نئجه‌گؤرقان‌سوزولوب نیزه‌نین دوره‌سینه شَتّه‌ی‌مرجان دوزولوب قوللاریم باغلیدی قارداش الیم الدن اوزولوب ولی سن زینبووی شاد ائدنه اوخشیوسان بوسینیق قلبیمه امداد ائدنه اوخشیوسان ـــــــــ آنّنووا داش‌وورانین کاش‌اوره‌گی‌یانسین‌حسین دودمانی داغیلیب قلبی اَلولانسین حسین داشادونسون‌اَلی،لَحم ‌و رَگی اودلانسین‌حسین من‌دعاائیلسم آمین ديينه اوخشیوسان زینبین‌مطلبینی ایستیینه اوخشیوسان ـــــــــــ آنام اوغلی یارالی باشووه فرّاش اولارام باشیمی محمله وورّام سنه یولداش اولارام آلتی‌قارداشین اؤلوب من سنه قارداش اولارام دئمه‌کی کوفه‌ده یالقیزقالانا اوخشیوسان قوشونون یوخدو آدامسیزقالانا اوخشیوسان ــــــــــ نيزه‌اوستونده‌ حسين‌باشلادي‌قرآن اوخودي آيه‌ی‌كهفي نئجه ياره‌لي‌سلطان اوخودي زينبين ياره‌لنن دردينه درمان اوخودي قارداشين آلدي‌سسين دل‌دن هوسلندي باجي هوش‌دن گئتدي،حسين آديني سسلندي باجي ـــــــــــ قورخولو قيزلاراودم زينبین‌اطرافين آلیب دئديلرعمه ندن رنگ عذارین سارالیب گؤزون‌آچ كوفه‌نین‌اهلي دئمسینلرقوجالیب بي‌بي سن مُنتقَمَه ،قان‌آلانا اوخشيوسان ابنِ‌مرجانه‌ني تختدن سالان اوخشيوسان ــــــــــ كوفه بازاري دولوب كثرت جمعيت‌یلن تلسیر چوخلاري طعنه وورا ضديت‌يلن خانمين دوره‌سين آلدي بالالارنيت‌يلن يعني عمه ديله گل نطق‌ده اعجازائله‌سن يارالي‌باشي اوجاني‌ده سرافرازائله‌سن ــــــــ دَمِ روحُ‌القُدس اولدي خانماعقده‌گشا ديله گلدي يارالي عالمه‌ی‌آلِ عبا مرتضاتك سؤزون الحق،ائله‌دي حقين ادا اولدوسرمشق بوتون نهضت آزاده‌لره درس تنبيه وئریبدیراُموي‌زاده‌لره ــــــــ کوفه‌اهلی اوتانین شرم ائدین اعمالیزدن گؤرسنیرکفرونفاقیزبوتون افعالیزدن بیزی چوخ اینجیدیسیززهریلی اقوالیزدن دینی بازیچهٔ دست ائیلیینه اوخشیوسیز صالحین‌ناقه‌سی‌نی پئیلیینه اوخشیوسیز ــــــــــ صونرا یوز دوتدوْ عبیداللها غیظیله تمام چوخ‌شهامتله سؤزون‌باشلادی صدّیقه مرام کوفه‌شهرینده علینین قیزی ائیلیب‌دی قیام دئدی اسراری بوگون بیربه‌بیرافشاائدرم من علینین قیزییام ظالمی رسوا ائدرم ـــــــــــــ یَابْنَ‌مرجانه غروراوسته دوروب اولماسَفیهْ او زیادی‌دی آتان شهرت آلیب اِبْنِ اَبیْهْ او آنان اهلِ‌رَدَهْ سن‌ده اوملعونه شَبیهْ اُموی‌زاده‌لر هرزه علفه اوخشیوسیز سیزلجن‌زارده گَندیده‌کَفه اوخشیوسیز ــــــــــــــ بیزی فرض‌ائیلییسن دستِ‌کمینینده اسیر؟ دخترفاطمه‌یم اولسام اگر معرکه‌گیر اسدالله‌دیرآتام ،من‌ده همان زاده‌ی‌شیر سیزولی قلبیمی اودلاندیرانا اوخشیوسیز آنامین‌درگهینی یاندیرانا اوخشیوسیز ـــــــــــ حزبِ‌شیطان سیز اوگون دام‌سیاست قوردوز بیرسالین‌یادیزه هانسی قاپینی یاندیردیز آنامین‌صورتینه سیلی‌نی‌ده سیز ووردیز ثانینین‌ظلمینی تکرارائدنه اوخشیوسیز حقّی ناحقیله انکارائدنه اوخشیوسیز ــــ دئدی،بیرعدّه‌کی گویابوعلینین سسی‌دیر کوفه‌ده داغلی‌اوره‌ک‌لراوسسین تشنه‌سی‌دیر شقشقیّه‌سؤزودیریوخسااونون قصه‌سی‌دیر ائشیدنلردئدیلرساقی کوثردانیشیر منبراوستونده یئنه فاتح خیبردانشیر ـــــــ ناگهان گؤردوله بو حق‌دانیشان زینب‌دیر سؤزدانیشدیقجااوره‌کدن آلیشان زینب‌دیر قانادی‌باغلی‌هماتک چالیشان زینب‌دیر دئدیلروای‌بیزه وای‌زینبه خوارائتدی زمان زینبی کوفه‌ده چوخ درده دچارائتدی زمان ــــــ بیلدیلرقارداشی اللرده ئولن زینب‌دیر یئددی‌قارداش‌داغی بیرگون‌ده گؤرن زینب‌دیر یاایشیقلی گونوزی شامه دؤنن زینب‌دیر ولی بیلمیردیله زینب نئجه غم یورقونودی قولاری باغلی‌دی بو اهل‌ستم یورقونودی ـــــ سن‌ده«ستاری»خانم‌زینبه یازمدح‌وثنا دخترشیرخداائیله‌سین حقونده دعا نیتین‌خالص‌ائله محوائدراعمالی ریا قلمین‌یازدیقیجا زینبین اوصافین یاز ایکی‌دنیاده گؤررسن‌گؤزل‌اَلطافین یاز ..اکبرستاری«قیزیل‌قلم»🏴😭🏴 کتاب سفیربیداری. ✨اَللّهُمَّ عَجِّل لِوَلیِّکَ الفَرَج✨

📝 استاد شاهی صحرا اوفصله خیره اولوب داشلار آغلادی باخدی جداده بیر بیرینه باشلار آغلادی تپراقه لمعه لمعه انیب استعاره لر تا طمطراقیله یولا دوشسون ستاره لر امن یجیب دیلده سوار اولدی ناقیه نور محمد ایسی وئرن ماهپاره لر تا وصف ائده او طفللرین شأن وشوکتین ،،شاهی،،سوزین آذانلارا سالدی مناره لر شربت گتیردی ساقی عرفان سپهردن ایچدی قدح قدح او سوسوز نور خواره لر سس گلدی عرشدن نچه یول ای بو قیزلارین زیب و زرین سویوب آپاران بد قواره لر اولدوز توکوب قباقینه صراف آسمان ائیلور درست او طفل لره گوشواره لر شامین یولوندا عدنه گئدن یئل لر اونلارین زلفون آچوب هواده ائدور استخاره لر طوفان سوروشدی کیمدی صلابت معلمی داغلار او خیردا قیزلارا قیلدی اشاره لر بو صبرو صولتیله باخاندا جدالره نی لر کیمی نوا ائدر اول قلبی یاره لر فورا وئرور او ناله لره قمچی لر جواب یئل لر گلیب دیله دیور ای بختی قاره لر ساکت اولون وگر نه ویریب ئولدورر سیزی بو تازه کارباره چاتان هیچ کاره لر جسمینده بونلارین نه خرد ایشلیور نه رحم ایشلر فقط یالان دانیشان آرواره لر بونلار گدادیلر که چاتیبلار صدارته بونلار قان ائیلیینده قورار جشنواره لر بونلار گلوی بلبله پیکان ویراندیلار بونلار کبوترین قانادین سندراندلار گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

زبانحال زینب (س) اربعین منی غم لشگری قارداش نجه گور سالدی تورا هیچ اینانمازدیم اخا زینبووی غصه یورا هی دییردیم که محال امراولا زینبون گله گلدیم ایندی آزقالور قلبیمی تیر غم دله دور مریض عشقووه شفا وئر ای سوسوز اخا سن دعا ایله باجون دینجله یا بوردا ئوله ..... گویلوم هیچ یوخدی حسین گله بهاریم یازاولا ..... قلبیدن ایستمیشم دهریده عمروم آزاولا 🖤🖤🖤🖤🖤 بوفلک کشتی امیدیمی طوفانه سالوب یئدی قارداش ایکی اوغلوم بالامی الدن آلوب اکبرین داغی حسین بیرطرفه قاسم ئولوب بو مصیبتده باجون کرب وبلاده قوجالوب ..... گور بوغم غملی باجون قلبینون آرامین آلار ..... داغا دگسه یخماسا یقین آرا پارچالانار 🖤🖤🖤🖤🖤 گئدنیم گئتدی الیمدن ایستورم صبریم اولا گوزمون بارشینه ایسته میشم ابریم اولا اول قدر قان آغلیام بو یولدا جانیم قوتارا من ئولندن صورا اول شامیده بیرقبریم اولا .... شامیده قالدی قیزون باجون یاری جاندی حسین .... بو سینیق قلبیمه باخ گورنجه القاندی حسین 🖤🖤🖤🖤🖤 غمی غملردن اوجا مراده دنیاده چاتان گئدورک بیزوطنه دوریولاسال تشنه یاتان هیچ دئمورسن که باجون قدینی غم اگدی حسین اکبر و اصغریلن زینبینی گوزدن آتان .... بیلمورم اهل و عیالون نجه آرام ائلیوم .... اول سینیق قلبیلرین رفع غم آلام ائلیـوم 🖤🖤🖤🖤🖤🖤🖤 اولسا یثربده منیم عمریم اگر قان آغلارام یاسووی هرگون حسین گوزیاشیمیلا ساخلارام تاکه وار سینه ده جان ذکریم اولار هارای حسین سالارام یاده سنی هاممیا سینه داغلارام تا ئولونجه بیرده من باشه حنانی قویمارام قاریووی من ابدا مدرک عشقی سویمارام بقلم کربلایی مهدی شفائی✏ گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

 نوحه : زبانحال حضرت رقیه(س) اثر : کریمی‌مراغه ای  سنیـن یانـونـدا گـور بابا، وورانـدا کـوفییان منـی گئدینجه شامه اولدوره‌ر، یقین بو ساریبان منـی هانی ازه‌لکی عیزّه‌تیم، نه گلدی آل‌ی‌هاشیمه؟ قالیب هایاندا اکبریم؟ ووروللا قمچی باشیمه عمیم هانی؟ گلیب باخا گوزیمده قانلی یاشیمه گوره سالیب نه حالته؟ بو گرده‌ن‌ی‌زمان منی مگه‌ر یتیمه قیزلاری سالار بو حاله روزگار نه وار باشیمدا معجریم، نه یوزده بُرقَع‌و‌خمار  جفای‌ی‌تازییانه دن وجودیم اولدو زخمدار ندیر گوناهیم ائی بابا؟ وورور بو شامییان منی ائدیبله غم خزینه‌سی، بو قلب‌ی‌پاره پاره‌می یاناندا خئیمه‌گاهیمیز، آلیبلا گوشواره‌می یوخومدو بیر کسیم بابا، کسیبله راه‌ی‌چاره‌می  سالیبلا آت قاباغینا، ائدیبله باغری قان منی یتیمه بیر قیزام بابا، اسیر‌و‌خواره‌م آغلارام گئدیبدی صبر‌و‌طاقه‌تیم، علیل‌و‌زاره‌م آغلارام گله‌ن وورار، گئده‌ن وورار، یوخومدو چاره‌م آغلارام غریق‌ی‌سئیل‌ی‌اشک ائده‌ر، بو چشم‌ی‌خونفیشان منی ووروبدی سیلی شئمر‌ی‌دون، بنووشه تک یانیب اوزوم اودور کی متّصل توکور، عذاره قانلی گوزیاشیم قولومو باغلاییب عدو، دونوبدو شامه گوندوزوم  کسیر قولومو اینجیدیر، بو بند‌ی‌ریسمان منی  نقدری صبر ائدیم مگه‌ر، دیل آچماییم شیکایه‌ته  هله جفاسی دوشمه‌نین، یئتیشمه‌ییب نهایه‌ته عیالیوی اسیر ائدیب، چکیلله هر ویلایه‌ته  خرابه‌لرده اولدورور، بو مئحنه‌ت‌ی‌گیران منی   علاج یوخدو دینمیره‌م، ووراندا شئمر عیتابیله باشون دالینجا شامه دک، گره‌ک گله‌م شیتابیله وئره‌م خرابه‌لرده جان، بو سوز‌و‌ائلتیهابیله  غم‌ی‌فیراقون ائیله‌ییب، علیل‌و‌ناتوان منی دویونجا آغلییانمادیم، اوره‌کده قالدی حسره‌تیم دییار‌ی‌شامه عازیمه‌م، چتیندی بیر رجعتیم بویور داریخماسین بی‌بیم، یئتیشسه هر اذیتیم قاباغا وئرسین اللــه‌رین، ووراندا ساریبان منی بو اهل‌ی‌کینه آنلاییب کی من چوخ ایستیره‌م سنی اودور سبب کی چکدیله‌ر، بو قتلگاهیده‌ن منی موزاحیم اولماییم داخی، مرخّص ائت رقیّه‌نی اگرچی سن‌سیز اولدورور، بو ناله‌و‌فغان منی گله‌نده؛ قارداشیم منی سوار ائدیردی محمیله محبّت‌ ایله ائندیریب یئته‌نده هر منازیله اودور کی آختاریر گوزوم، کی بلکه اکبریم گله سوار ائده کجاوییه او یار‌ی‌مئریبان منی کریمی‌نین رقیّه‌ده‌ن حیمایه‌ت آرزوسی وار همین بو شعره جاییزه شفاعه‌ت آرزوسی وار هوای‌ی‌شامی‌چوخ سویر، زییاره‌ت آرزوسی وار  دئییر یئتیر او قبره ائی، خودای‌ی‌لامکان منی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---