#شهادت_حضرت_رقیه_سلام_الله_علی السلام

روضه حضرت زینب س☝️☝️ بانوای حاج جعفرایمان نژاد اردبیلی

نوحه جدید چاپ نشده حضرت رقیه سلام الله علیها ۱۴۰۳ درسبک نه وقتدور شام ویراندا پریشانم پریشانم گوزوم یاشیلا ای بابا عریضه یازمیشام  سنه خرابه ده  یورولموشام  دوزمروم  بو  محنه اگر چه   دختر   شهم  یریم  نیه  خرابه دی گلنده  شامیان  بیرا  شمادت  ایلیور   منه یارالی سان یارالی سان فاطمه نون مارالی سان سنه فدا سنه فدا رقیه اولسون ای بابا دیمورم ایندی ای بابا اسارت دوزنمورم ایاقلاریم   یارالیدی  اذیت     دوزنمورم اجام ولی وقاریمی بی یرده سیندیرانمورام اجیقلیقا دوزوم  واریم   شماتت  دوزنمورم یارالی باشیوی نجه گلوب قوجاقه المیشام عزالیام سنه بابا باشیما قاره سالمیشام دوداقلارون یارالیدی قولاقلاریم یارالیدی سنون کیمی یامان گونه بو یرده منده قالمیشام گلوب باشون  خرابیه رقیه سینه داغلاماز طنابیلن بو  اشقیا گلوب قولومی باغلاماز ایاقیمی یره چالوب اویان بویانا قاچمارم سن اولسون حالیمه منیم بوزینب عمم اغلاماز کناره گیتمه ای بابا منی گوزون اتما سن گیدوب بو خون دلیمی بو گوز یاشیما قاتما سن منه ترحم ایت اوزون بیر اوچ یاشیندا بیر قیزام منیله قال ولی گیدوب  او طشتین ایچره یاتما سن یارالی باشیوه فدا غم اولدوزون رقییم خرابه یرده بی پناه آدامسیزون رقییم انیوی یاد ایدن زمان منه باخاردی  گوزلرون زماندن اورگی قان باخ او قیزون رقییم

🎼سبک شعر بالا 🎤با نوای استاد عزیزم حاج امیر نوری اردبیلی

روضه حضرت رقیه (س) پروانه عمرونی باشا ویردی یانا یانا باش دوشدی بیر یانا اوبالا دوشدی بیر یانا زینب  اوجادان سسلدی الله بالام ئولدی کلثومه دیدی گل باجی والله بالام ئولدی (اما او لحظه امام سجاد آقا یوزون دولاندردی یزیدین قصرینه یزید اوین داغلسین دیدی یزید ) غساله گوندر عمه لریم ئولدورور ئوزون (غساله گلدی او بالیا غسل ویره زینب دیر گوردوم غساله غسل ویرمدی چکیلدی دالیا گلدی یاخنا خانم دیدی غساله اولمویا بیزی آدامسیز گوردون نیه بالاما غسل ویرمیسن باخدی بیر زینبین یوزونه ، خانم نیه بالانین بدنی بئله یول یول اولوب باخدی غسالیه دیدی غساله ) دیدی غساله دایان هر ایشین ئوز چاره سی واردی دیمیرم صبر اله دستبندیله گوشواره سی واردی ولی آهسته دولاندر الیوی بالامین یاره سی واردی چون بدن یاره لیدی چخدی بدن حدیندن گوزله غساله بیرآز قمچیلرین ردیندن

حضرت رقیه سلام الله علیها مهدی قلندری آی منه دردانه رقیه دوندی ئورک قانه رقیه سندن آیردی منی آخر منزل ویرانه رقیه اسیر ستم لایلای گرفتار غم لایلای یوزی نیلی قول باغلی سه ساله ننم لایلای رقیم وای ( 2 ) دوشمه قیزیم ائلدن آرالی بیرده منی ائتمه عزالی دور یارووی باغلاسون عمّون قبر ائوینه گئتمه یارالی یانور دل فراقوندان ئوپوم قوی دوداقوندان ئوپور باش یولان قیزلار یارالی ایاقوندان رقیم وای ( 2 ) هاردا قالوبسان آی اباالفضل عرش وفاده آی اباالفضل زینبه ویرانه ده باش چک الده گتیر بیر پای اباالفضل نه تختیم نه تاجیم وار نه الده علاجیم وار بالام ئولدی آی قارداش کفن احتیاجیم وار رقیم وای ( 2 ) کاسۀ صبریم جالانوبدی قلبیمه غملر قالانوبدی وار سنه امّیدیم اباالفضل ظلمیله خیمم تالانوبدی منی یاده سال خوشدی ئورکده غمیم جوشدی جنازه قالوب یرده غریبم الیم بوشدی رقیم وای ( 2 ) تئز گل اخا آز منی یاندیر زینبیوی باشه دولاندیر لطف ائله سن شامه گلنده بیر دیلیلن اکبری آندیر دئنن تیر غم گلدی دوباره ئورک دلدی گئدک اکبریم شامه باجون ئولدی دینجلدی رقیم وای ( 2 ) بیرده دئنن ای گل لیلی اشکیمیزون یوزده دی سیلی چوخ یولووی گوزلدی اکبر غملی باجون ئولدی گلیلی غمون درده سالمیشدی جمالی سارالمیشدی چیخان وقتیده جانی گوزی یولدا قالمیشدی رقیم وای ( 2 )

احوالات حضرت رقیه سلام الله علیها ✍ مهدی قلندری اجرا : احسن دهقان #اللهم_عجل_لولیک_الفرج❤️

(احوالات و زبانحال حضرت رقیه(س) در خرابه شام) عمه  بو  خرابه   یِره  مهمان نیه گلمور دیداریمیزه ناطق قرآن نیه گلمور قلبیم   داریخور غربت  ویرانه سراده ویران اولونان قلبیمه سامان نیه گلمور آغلار گوزومون چاره سی بیر یاره لی باشدی ویرانیه باش چکماقا سلطان نیه گلمور پروانه کیمی گلسه دولانّام باشی اوسته ظُلمت گئجه دی شمع فروزان نیه گلمور قوش تک چوبالور قلب حزینیم بو وِصاله هجران غمینه موسم پایان نیه گلمور بو فِرقتیله صبح اولا گر شام سیه دور خورشید سحر جلوه تابان نیه گلمور چوخداندی مریضم بیلوسن خسته راهم یول یولداشی تا ایلییه درمان نیه گلمور شامون یولی چوخ یوردی منیم جانیمی آلدی شمع تک اَریَّن جسمیمه بیر جان نیه گلمور بَس یاره ویروبلار گویَروب جسم نحیفیم بو یاره لریمدن توکولور قان   نیه گلمور زهرا  ننمون  تَک   الی   پهلوده    دولانّام سیلی یِرین اِئتدیم گنه پنهان  نیه گلمور ____ بو   ناله لری   ائتدی   اثر   گورماقا  یاری ویرانیه   گلدی  شه  عطشان  گئجه  یاری گلماق نجه گلماق باشی‌ وار پیکری یوخدی طشت ایچره‌ قویوبلار‌اُو باشین یاره‌سی چوخدی تا   گوردی   رقیه   سَرِ   شاه   شهدانی یَحیای  بَتولین   بوغازیندان  ئوپوب  آنی سسلندی  سلام  ای یورولان  باشی جداده قویدون   منه مِنّت  بابا   ویرانه    سَراده عفو  ایله دورانمام  اَیاقا  خسته  قوناقیم چوخ  قمچی  ویروبلار منه گلمور اَل اَیاقیم ای نور خداوند مبین ، حُجّت سبحان کیم قانه‌ خِضاب اِئتدی باشون ای مه تابان قوی مَنده سیلوم یوز گوزوون قانینی بابا نصرانی یُووان باشیله گور نیلیوب اعدا یا قوی من ئوپوم دیل دوداقیندان اولا مَرهم گل ترک ائلیاخ بو گجه ویرانه نی باهم گر سَنده ئوزون ایستَمسَن  گلمَلی یَم  من بو وضعیله حتما بو گِجه ئولملی یَم من گر ئولماقیمی بیلسه  منیم روح  مناجات ویرانه  ده  آغلار  قالاجاق  عمه سادات اَلقِصه بو قیز قلبینی غملر اُوخی  بُولدی ویرانه ده اکبر باجیسی جان وئروب ئولدی شیوَن سَسی قُوزاندی خرابه بوجاقیندان گوزیاشی آخوردی یوزه ، گوزلر بولاقیندان آغلوردی     خانیم   زینبیلن    اهل    خرابه سس گلدی او دم باخدی هامی سمت ربابه سسلوردی رباب: ای شه عطشان بالان ئولدی اصغر باجیسی ، اصغره لایلای چالان ئولدی ✏احمد کاظمی

اربعین یولو ۱ گلیب اهل عالم فغان و نوایه چیخیر آه و ناله اورکدن سمایه ولا اهلی الده علم دیلده لبیک گئدیر شور و شوقیله کرب و بلایه ولا ملکینون پادشاهی حسین دیر بو عاشقلرین عز و جاهی جسین دیر امیری حسین و نعم الامیرُ ۲ گل ای مدعی باخ غم و اشتیاقه نئجه یوز قویوب گور جماعت عراقه یاراتمیش حسین عشقی دیللرده غوغا چاتیب اهل عالم بو یئرده وفاقه امیر دیار محبت حسین دور چراغ شبستان وحدت حسیندور امیری حسین و نعم الامیرُ ۳ حسین عشقی حکم ائلییور کائناته تلاطم سالیر محنتی شش جهاته حسینسیز بو دنیانین اولماز صفاسی حسین دور که معنا وئروبدور حیاته فدا جسم و‌ جانلار جلال حسینه فدا اهل عزت کمال حسینه امیری حسین و نعم الامیرُ ۴ کیم ایستر جهاندا یئتیشسین مراده دی گلسین ره وصل یاری پیاده جهان تشنه دور جام عشق حسینه چاتار کامه هر کیمیسه گلسه فتاده حسیندور شهید و رئیس شهیدان حسیندور کلام حق و بطن قران امیری حسین و نعم الامیرُ ۵ آخار سو نئجه که یول اوسته دایانماز غم و غصه اهل ولانی یورانماز نقدری نفس وار حسین دور امیریم حسین عاشیقی آیری رنگه بویانماز گلیر سس اورکدن حسین وای حسین وای ایشیت نه فلک دن حسین وای حسین وای امیری حسین و نعم الامیرُ ۶ بو یولدا چاتار غملی دیللر سروره گلیر هر قدم ده حقیقت ظهوره بو همت بو‌ وحدت بو شور و صلابت اولار ختم بیر گون مسلم ظهوره حسینین قیام و مرامی عیاندی عزا بانی سی شخص صاحب زماندی امیری حسین و نعم الامیرُ ۷ گوزلدور طریق وفانین هواسی یورولدوقجا ارتار اورکلر صفاسی حسینه قوناق دیر بو قاره گیننلر ویرر روز محشرده اجرین آناسی قوروب انس و جان بزم ماتم حسینه سلام اولسون ارباب عالم حسینه امیری حسین و نعم الامیرُ ۸ اگر تاپسا فرصت یزید زمانه دوباره ائدر ظلم و کین شیعیانه گلین اتحادیه بو بزم عشقه مبادا باتا قانلی باش بیرده قانه دییک هر زمان شاه بی یاره لبیک حسین تک محبتلی دلداره لبیک امیری حسین و نعم الامیرُ ۹ گل عشقی سالیب درده غملی هزاری ائدیر هجریدن دم به دم آه و زاری عزا باشلانیر تازه دن اربعین دیر گلیر زینبین کربلایه قطاری دئیور ای وئرن جانینی تشنه سلطان باجین آلتی گوشه گوزل قبره قربان امیری حسین و نعم الامیرُ ۱۰ گر اولسا آقامدان دوباره عنایت واریمدور باشمدا هوای زیارت گلیب اربعین ده اورک قانی جوشه خدایا او قبری بیزه ائیله قسمت نقدر عمروم اولسا گدای حسینم فدا اولدی دینه فدای حسینم امیری حسین و نعم الامیرُ #کربلا #اربعین #هوشمند #مدهوش 👇👇👇 @Hazrate_Abalfazll

اربعین هواسی شاعر:کربلایی محمدهوشمند بانوای: کربلایی منوچهرحسن زاده گلیب اهل عالم فغان و نوایه چیخیر آه و ناله اورکدن سمایه ولا اهلی الده علم دیلده لبیک گئدیر شور و شوقیله کرب و بلایه ولا ملکینون پادشاهی حسین دیر بو عاشقلرین عز و جاهی جسین دیر امیری حسین و نعم الامیر @Hazrate_Abalfazll

روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه #

روضه حضرت زینب س☝️☝️ بانوای حاج جعفرایمان نژاد اردبیلی