#ورود_به_مدینه #زبانحال_حضرت_زینب_س_در_کنار_قبر_مادرش_حضرت_زهرا_س گوزی یاشلی گلورم کرب و بلادن آنا جان زینبون جانه دویوب آه و نوادن آنا جان یثربی ترک ایلیین گونده منیم دورَمده واریدی نچه جوان آل عبادن آنا جان اکبر و قاسم و عباس جلوداریم اولوب شانیم عرشه اوجالوب مهر و وفادن آناجان بولمورم شرح ایلییم هانسی غمی هانسی سوزی نه دییم؟ زینبون عاجزدی ادا دن آنا جان ائتدیلر قطعه به قطعه هامی یاور لریمی دویمادی اهل ستم جور و جفا دن آنا جان سو یانیندا سوسوز ئولدوردی عدو قارداشیمی کسدیلر  باشینی  ظلمیله  قفادن آنا جان بیر یاریم گونده واریم گیتدی الیمنن، گیده لی دویمارام عمر بویی آه و نوا دن آنا جان هر نه دن اولدی چتین شام غریبان گیجه سی بیر اشاره  ایلییم شام  عزا دن  آنا جان ییغدیم اطفال پریشانی یانان بیر چادرا نازدانه بالالار دوشدی قُوا دن آنا جان ائتدیم آرام اوغولسوز لاری بیربیر او گیجه عرشه چیخمیشدی نوا دشت بلادن آناجان نصف شب گوردوم اوغول وای سسی اود جانه سالور اورگیم درده گلوب غملی صدادن آنا جان نِینَدیم صبحه کیمی یاتمادی اصغر آناسی مَلَر آهو کیمی دویموردی بُکا دن آنا جان او گیجه صبحه کیمی آغلادی آغلاتدی بیزی ناله افلاکه اوجالدی اسرادن آنا جان #بداهه #دلجو

✅روضه امام حسن مجتبی(ع) ✅گریز به حضرت زهرا(س) دور خواب نازیدن باجی یاندی جگرلریم ئوز منزلینده اولدی دچار جفا حسن اولسیدی فاطمه سنه اولمازدی زحمتیم (باجی محبتین قارداش محبتین هیچ محبتینن قیاص الماخ اولماز ) قارداش باجی او حالیده بیر اولدی قول بویون او حالیله نچه دفعه اتاقی دولاندیلار گه صاقه میل ایدوب گه صاقدان دونوب صولا گویا که بیر بالیخدی دوشوبدی سودان کنار تا خاک لحد بستر وجه الحسن اولدی دنیاده حسینین سوزی ایوای حسن اولدی دنیانی گوروم گلشنینون گلری سولسون هر غنچه سینون باغری قزل قانیله دولسون سن اول آنام اولسون بابامیز روضه سی اولسون قوی قارداشین آواره قالوب چولره دوشسون گیت سن منی گر ایستسه گویلون سنه قربان گل کرببلا دشتینه بیر گون منه مهمان گورسن یارالی قوملارون اوسته ویریرم جان ممکن اولا بیر جرعه گتیر سو منه احسان ✅سبک اورک یارام ایندیکی دییر ماجراسی چوخداندی سگیز یاشمدیدی کوچه ده قلبیم اوت توتوب یاندی آنامی دشمن دوین گونن بو جگرلریم قاندی شرار جان سوز آهیله سینه داغلادیم یولدا آنام یخلمشدی کوچه ده باخدیم آغلادیم یولدا (زینب یادیمنان چخمیوب او کوچه ده گله گله بیر باخدیم ننمین یوزونه ) او یرده چرخ اصالتدن بیر ستاره دوشموشدی یول اوسته ایوای بالا باجی گوشواره دوشموشدی چون قباله پاره قلب اولدی یارا یول گیدور زهرا ولی بولمور هارا

نوحه شهادت امام حسن مجتبی (ع) ✍شعراز: محمدرضامحمدی ( ناعم ) 🌴 🌴 🌴 🌴 🌴 🌴 🌴 🌴 🌴 🌴 گل ای وفالی زینبیم**الولانوب یانور جگر دوشوب شرروجودیمه**ایله حسینیمه خبر بودل شب اودلانورام باجی جگریم یانور، یانورام باجی اولورم باجی ۲ * * * * * * * * * * * * بهارعمریم آزقالور**جفاییلن خزان اولا گرکدی منده بوگجه**گیدم علی گیدن یولا الیوبدی زهر جفا اثر اولورم حسینیمه ویر خبر اولورم باجی ۲ * * * * * * * * * * * * مسافرم ولی باجی**اوره کده بیرسوزوم قالور دوشنده کوچه یادیمه**وجودیمه شررسالور یولوم اوسته جوریله دوردیلار ننه می او کوچه ده ویردیلار اولورم باجی۲ * * * * * * * * * * * اوگونکه ویردی اود باجی**بودرگهه جفا الی طنابه باغلانوب اوگون**امیرماسوا الی من او گوندن آغلامیشام باجی ایله سینه داغلامیشام باجی اولورم باجی۲ * * * * * * * * * * * * ایوینده بوغریب اولن**باجی رواقی نیلیور بقیعده دفن اولارحسن**داخی چراغی نیلیور باشیم اوسته آز سینه داغلیون گون ایوینده قبریمه، آغلیون الورم باجی ۲ * * * * * * * * * * * * * * * * * * * * * ملتمس دعا. محمدرضامحمدی (ناعم 🔳🔳🔳🔳🔳🔳🔳🔳🔳🔳🔳🔳 اشعارمحمدی(ناعم)مداح

🎼 قطعه "دورون عاشقان" از آلبوم لبیک از شبکه جهانی(اون دورد)پر بیننده ترین شبکه شیعی در اروپا 🎼 (قطعه ۵آلبوم لبیک) بانام:"دورون عاشقان"سال۹٨ 🎤باصدای ملکوتی: #حاج_شهروز_حبیبی و ✍شعری فاخراز: #محمدی_ناعم

🎼 اربعین ۱۳۹۶ اویان حسینیم(آی قارداش) 🎙 اجرا:شهروز حبیبی ✍ شعراز:محمدی(ناعم)

🎼 اثراربعین (جاده عشق) 🎙 شهروزحبیبی ۹۷ ✍ شعراز محمدی ناعم ✅ تنظیم شهرام قلیخانی

آغلا امام حسنه ✍کربلایی قدرت چوپانی (مشعل) بخش1⃣ ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه برگرفته از کتاب 📚فرزانگان هستی

روضه شهادت امام حسن مجتبی(ع) بانوای:حاج نادر جوادی ئولدی حسنین باغلا قرا باشیوه زینب مهمان ایله قارداشیوی گوزیاشیوه زینب باغلا بو آخان گوزلری طاها عوضیندن آل باشیمی آغوشیوه مولا عوضیندن الرده ئولن یاره لی زهرا عوضیندن افغانیله گرم ایله منیم یاسیمی زینب اکبردن آیرما آتاسیز قاسمی زینب زهرا ایوینین گلشنی سولدی غم الینده تاراولدی ایشقلی گونوزوم محرم الینده گل سنده ننم گلدی قرا پرچم الینده جان شیشه سی زهرین اثریندن داشا دیدی ای باشی بلالی باجی عمروم باشا گلدی #امام_حسن

ای قلبی یاره زینبیم اقبالی قاره زینبیم ئولدی حسن باش قاره وی باغلا دوباره زینبیم سسله حسین قارداشیمی آغوشه آلسون باشیمی جان زینیم جان زینبیم ایله خبر عباسیمه آماده اولسون یاسیمه سعی ایلیون بولدورمویون جان ویرمگیمی قاسیمه قویما او نیکو منظری گورسون بو یورقون پیکری قورخار بو شیرین دل بالا گورسه بو قانلی لبلری سسله حسین قارداشیمی آغوشه آلسون باشیمی جان زینیم جان زینبیم دوشدی غمه باشون باجی قان اولدی گوز یاشون باجی آلام و درد و غصه دن دینجلدی قارداشون باجی سسله حسین قارداشیمی آغوشه آلسون باشیمی جان زینیم جان زینبیم گل مثلی سولدی دای حسن طاها دیر ایوای حسن زهرا وریندن سن دینن لای لای حسن لای لای حسن سسله حسین قارداشیمی آغوشه آلسون باشیمی جان زینیم جان زینبیم قربان اولوم گوز یاشیوه غملر آغاردان باشیوه یاس مجلسین برپا ایله مظلوم ئولن قارداشیوه آغلار منه داغلار باجی سیلر سولار آغلار باجی جنتده قلبیم یاره سین زهرا ننم باغلار باجی سسله حسین قارداشیمی آغوشه آلسون باشیمی جان زینیم جان زینبیم #امام_حسن

‍ امام حسین(ع) – سینه زنی حرمین باصفادی - کعبه دل کربلادی عالمه داروالشفادی - عجب دل آرادی تربتین کیمیادی -  کعبه اهل ولادی قبله عرش خدادی- جنت اعلادی سنه من نوکرم - بونا فخر ایلرم اوگوزل توربتون - جنّته ویرمرم آقام آقام حسین(۴)     فرقت کربلادن - گور نجه جان بر لبم من عبد درزینبم من - بنده درگاهم سائل بینوایم - بنده کوی منایم دردوغمه مبتلایم - عالمه من شاهم دیمیرم عاشقم - عبد نالایقم اوگوزل قبریوی - گورماقاشایقم آقام آقام حسیم(۴)     اگر ایتسن عنایت - مزارین ایتسم زیارت قلبیده قالماز بوحسرت - نار غمه یانام قسمتیم اولسا گلم - جامه غمده بورونم قبریوی گورسم سورونم - اوت توتوب اوتلانام سینمی داغلارام - قاروی باغلارام یاحسین سسلرم- یانارام آغلارام آقام آقام حسین(۴)     خاطره اولین بار- نگاه به صحن علمدار دلمروکرده گرفتار - دلتنگتم ای یار من ویه دل هوایی - خسته شدم از جدایی میخوام بشم کربلایی - مردم زتنهایی نمیگم عاشقم - آخه نالایقم میدونم آقاجون - برات آینه دقم آقام آقام حسین(۴)     دیونه کربلاتم - ازبچگی مبتلاتم سینه زن روضه هاتم - مدیون چشماتم وقتی شبا بیقرارم - سرموروتربت میزارم توروبه یادم میارم - دلبرودلدارم قربون روضه هات - عطر سینه زنات قربون پرچمه - حرم کربلات آقام آقام حسین

شهادت امام حسن مجتبی علیه السلام ✅ احوالات شهادت و دفن مرحوم انور اردبیلی اجل اویاتدی غرض خواب نازدن حسنی گوروب سوسوزدی سوایستور وجودینون چمنی ایدوبدی نوش او سودان دوشدی لرزیه بدنی بیلوب جگرلری اول زهریدن یارا گورجک بفوری سوده الماس قانه جذب اولدی ئورک پیاله سی مسموم قانیله دولدی جگرلری آلیشوب رنگی گل کیمی سولدی دیدی بو حالی نجه خویش واقربا گورجک گیجه زمانی کیمی داده سسلیوم یارب حسین دوام ایلمز کشف اولونسا بو مطلب سزلتمی ایشیدوب ایندی دیسگینر زینب نقدری معجرینی زینبیم قرا گورجک بوسوزی بیر نفر عالم بویوردی منبرده یازوب اونون دیدیگین چکمورم سوزه پرده گوروب آلولانور اکبادی چوخ گلور درده فلک او خانه آبادی غم سرا گورجک حسیندن ایستدی بیر طشت ایهاالاحباب حسنه باخدی شه کربلا اولوب بی تاب چخارتدی زینبی دهلیز خانیه اوجناب بیلوردی قالسا خفا دردی برملا گورجک اطاقدن ایلدی مظهر بتولی کنار امام قی ایلدی طشته یا اولوالابصار جگرلری متلاشی اولوبدی گیتدی قرار مسلم اولدی حسن عمرینی فنا گورجک اوجالدی ناله سسی گتدی زینبی درده دوزنمدی اطاقا یوز قویوب دل افسرده حسین عباسینی طشت اوستنه ایدوب پرده جهان مگر او محبتده بیر اخا گورجک جنازه نی گتوروبلر غم وملالیله حریم احمده یوز قویدیلار جلالیله چخوبدی عایشه پیشوازه آیری حالیله دیدی مگر هر ایشی آل مصطفی گورجک ایویمده دفن ایده سوز مجتبانی یوخ امکان دگل پیمبر رحمت جواری قبرستان جنازه نی دالی قیتر مه سوز همین الان مدینه نبوی شورش خطا گورجک محمد حنفیه قیلوب اونا اظهار جمل عسکره اولدون اوگون ستمله سوار بوگونده استرون اوسته ویرورسن آیری شعار نقدری سندن علی عترتی جفا گورجک خطر جنگی گورن وقته سیدالشهدا خطاب قیلدی بنی هاشمه اومیر هدا قلنج چکمگوزه قارداشیم دگلدی رضا قویون نه ایش گوروری گورسون اشقیا گورجک طلیق زاده لره ایندی که کمکدی فلک بقیع سمتنه تابوتی قیترون نیلک جنازیه توخانان اوخلاری کنار ایلیک قوناقدی فاطمیه اوغلونی آنا گورجک اگر چه جنگ و جداله یوخوزدی دلده هراس گرک توکولمیه قان بیز دوتاق بقیعده یاس قویوب غلافینه شمشیرین آغلادی عباس دیدی بو قوللار هاچان بس ئوزون رها گورجک امامون امرینی اجرایه قویدی هاشمیان جنازه نی یتوروبله بقیعه ناله کنان نماز قیلدی حسین قبره قویدی ایتدی بیان بوقبری هر کیم اوپه نور کبریا گورجک غمونله قارداش حسن قلبیم اولدی مالامال سنه نوا ایدرم گوز یاشیم اولا سیال محالیدور ایلیم بیرده عطر استعمال گوزوم بو عالمی بی وقروبی بها گورجک داخی لباس نشاطی وجودیدن سویدوم زمانه لذتنه پشت پا وروب دویدوم سنون باشووی قرا تپراق اوستنه قویدوم تصور ایتمه حسین نرم متکا گورجک حجاز تپراقی هر قدر لاله زار اولسا صبا یلی نقدر گلستانه یار اولسا کبوتران هوا یا که اشکبار اولسا حسین ئوزون اوقدر عاشق نوا گورجک زیان گورن اودگل ای همای صلح وصفا اثاث منزلی یا خیمه سی اولا یغما زیان گورن اودی که قارداشین مزاره قویا یقین ایشقلی گونون لیله الدجا گورجک یوزوی گورسه حسین خوابیده تسلادور یوخوما گل دانشاق خواهش وتمنادور ئولنلرون بیلورم وعده گاهی رویادور گوزوم سنی یوخودا گورسه مطلقا گورجک #شهادت_امام_حسن_علیه_السلام ✨اَللّهُمَّ عَجِّل لِوَلیِّکَ الفَرَج✨

شهریارشهره ی دهرکرامتدورحسن شهریارشهره ی دهرکرامتدورحسن اولین فرزند سلطان ولایتدورحسن دومین ماه درخشان امامتدورحسن حضرت زهرا کیمی کوه شهامتدورحسن حضرت حیدرکیمی دریای غیرتدورحسن وسعت وصف حسن مافوق هرادراکیدور فرشیده گرچه ولیعهد شه لولاکیدور عرشیده اما اوزی شاهنشه افلاکیدور رتبه ده مولای بی باکه برابردورحسن درحقیقت عرشیده بیر آیری حیدردورحسن مرتضا تک مجتبانون گویده عزوجاهی وار قصرلاهوتون جوارینده اقامتگاهی وار مجتبانون یردن ارتوق گویده خاطرخواهی وار بت شکن مولی کیمی افلاکه لنگردورحسن هم یره هم گویلره سردار وسروردورحسن پای چاتوبدور مجتبادن روح پیروزی بیزه مکتبیندن شامل اولمیش حکمت آموزی بیزه بذل ایدور الله اوناخاطر بیله روزی بیزه ابتدای چشمه ی باران رحمتدورحسن انتهای مقصد راه سعادتدورحسن جان سبوسین مجتبانون عشقی لبریزایلیر مرده جسمه روح جاویدانه تجویزایلیر شوره زاره گرنظر سالساشرفخیزایلیر چونکه تفسیر کمال بی نهایتدورحسن آنداولا زهرایه سرتاپاشرافتدورحسن مهربان الله عطای بی کران خلق ایلیوب یعنی قلبون وسعتین بیراسمان خلق ایلیوب مرتضانون ارشد اوغلین مهربان خلق ایلیوب شوکتی قالسون هله گنج محبتدورحسن مهربانلیقدا دیه بیلم قیامتدورحسن تشنه ی جام محبتلردیلریاحسن رهروان کوی رافتلر دیللریاحسن عاشق قرآن وعترتلردیللریاحسن مست صهبای ولایتلردیللریاحسن عشقیله آزاده ملتلردیللریاحسن یاحسین ویاحسن ذکر اولوالالبابیدور هرایکی شاهون مقدس ادلاری جذابیدور هم حسین همده حسن عشق اهلینه اربابیدور سایل باب کرامتلر دییلریاحسن عشقیله پاکیزه فطرتلر دییلریاحسن کیم چاغیرسا یاحسن روح حسینی شادایدر لطف مولا هرایکی دنیاسینی ابادایلییر حضرت زهراونا محشر گونی امدادایدر تشنه ی جام شفاعتلردییلریاحسن روزمحشر باسعادتلردییلریاحسن سنبل اسطوره های استقامتدورحسن حضرت حیدرکیمی کوه شجاعتدورحسن آنداولاز هرایه سرتاپاشرافتدورحسن عمق دیلدن باشرافتلردییلریاحسن آشنای بزم الفتلردییلریاحسن گرچه قبری بی چراغ و سایبانسیزدورهله گوزلروک قبرین چراغان ائتمگه مهدی گله کیم اوتوزلی قبره اما باخساچشم قلبیله ایلسه گرارزیابی گوزلریندن یاش گلر قبرینون داش تپراقی والله طلادن باش گللر هشتادایل صبرایلیوب شیعه زمانون جبرینه اجرعطا ایلر خدا داغلی اورکلر صبرینه آسمانون طاقی قربان سایه بانسیزقبرینه کهنه قبریکی گورورسوز اگلشوب توزداشینه گونده مین یول آسمان اهلی دونللرباشینه ای قلم لال اول مجلل مرقدی نیلورحسن چوخدی گویدن زائری رفت آمدی نیلورحسن قبری عرشه سایباندور گنبدی نیلورحسن سایبانسیز قبرینون گردین جهانه ویرمروک بیراووج خاکین تمام کهکشانه ویرمروک کربلایی که فضیلتدن سمایه اوجی وار مثل دریاتربتینده فضل ورحمت موجی وار کربلانوندا اوپوزقون قبره والله بورجی وار هامی سسلرجان حسین سسللرحسینده جان حسن یاره لی سینم یارالی سینووه قربان حسن مجتبانون ایندیده قلبینده گیزلین یاره وار یدی سینیننده باشین سالدی بلایه روزگار اغ گویرچینلر کیمی مظلوم دهرون. اهل نار کوچه ی باریک یثربده پرین سیندیردیلار بوینی چینیننده حسن باخدی آناسین ووردیلار لبلری گولمز اوشاقون قلبینی سیندیرسالار رشته ی جانین حضورینده ستملن قیرسالار گوردوشرایانه غوغایه آناسین وورسالار حمله وراولدی حسن اول اونادان دشمنه اشگی گوزلرده صورا سسلندی بیریول جان ننه اوغلینون دوتدی الیندن سینه سی مجروح انا ئوز گوزین اوپدی صورا جان مثلی باسدی باغرینا سیلدی اشکین گوزلریندن ویردی آرامش اونا صبرایله اوغلوم دیدی گیزلین غمون آگاهی وار عیبی یوخ دینمه بالا بی کسلرون اللهی وار باشیم اوسته غم یمه سایه سالانیم واربالا قارداشیمدا اولماسا لای لای چالانیم واربالا حضرت مهدی ادیندا قان الانیم واربالا سن کیمی بیرگون اودا هی سسلنرای وای انا قبریمون اوسته اچارباشین دییرلای لای انا جایگاه دفنیمی تنهابالام مهدی بیلر قبریمون گردو غبارین قان الان اوغلوم سیلر سویرینه قبریم اوسته سویگولوم اشکین چیلر سسلنر ال عبانون گلشنین سولدوردولار ظلمیله مظلوم انامی ووردیلاراولدوردیلار درد زهرا سالدی دیلدن زینبون قارداشینی سوزدوشنده کوچه ده ن توکدی یوزه گوزیاشینی قویدی بوینین چینیننه سالدی اشاقه باشینی غم غبارین یاره لنمیش سینه دن سیلدیرمه دی دردینی زهرا اولینجه بیرکسه بیلدیرمه دی گون باتا ندا آه وزاریله چیخاردی کوچیه اشکی گوزدن آب زمزم تک اخاردی کوچیه حسرتیله بوینی چیننده باخاردی کوچیه کوچه ده محشرقوپان یرده گلردی شیونه سسلنردی محنتوندن یاندی قلبیم ای ننه عرض ایدردی مهربان اللهه اودلی سوزلرین یادینه سیلی دوشن وقته یوماردی گوزلرین اگلشوب یرده قوجاقلاردی اوخردادیزلرین هی باخوب دیواره ساری سسلنردی جان ننه گوزلریم اولسون گویرمیش صورته قربان ننه

شهادت حضرت امام حسن (ع) ✍️مرحوم صحاف تبریزی توکمه اشکون ایلمه بیر - بیله افغان باجون ئولسون توکدی کول باشیمه یوخسا - گینه دوران باجون ئولسون گول کیمی رنگ رخون اوزگه صفایه بَزَنوبدور بلمورم باشیمه قارداش گینه نه کول اَلَنوبدور بو نه قاندور که بو قانیله جمالون بَلَنوبدور دوزموسن لؤلؤ خضر اوستونه مرجان باجون ئولسون گورورَم عارض گلناریوی پژمرده دی قارداش توکوسن گول یوزه گوزدن بیله بیفاصله قانیاش کیم سنی سالدی بو احواله ئولِیدی باجون ایکاش زینبه دردیوی دئ جان سنه قربان باجون ئولسون گئجه وقتینده منیم طاقتیمی اَلدَن آلورسان نگران چوخ باخوسان قلبیمی تشویشه سالورسان گَه سولوب گَه سارالوب گاه برادر چابالورسان کیم سنی ایلدی بو نوع هراسان باجون ئولسون اشقیا ظلمیله بیله سنی مهموم ائلیوبلر تازه دن ای آنام اوغلی بیزی مظلوم ائلیوبلر دئ گوروم بو گئجه آیا گینه مسموم ائلیوبلر اثر سمّ اولوری سنده نمایان باجون ئولسون اولدی آگه منه باشیمده منیم چوخلی بلا وار آچمامیش باشدان آتام قاره سینی تازه قرا وار بو قرادن صورا هم واقعۀ کرب و بلا وار غمدن آیریلمیاجاق زینب نالان باجون ئولسون گوره جاق زینب غمکش پوزولوب گلشن زهرا کربلا دشتین ائدوب کوفه لیلر قانیله دریا جسمی صد چاک دوشوب ایستی قوم اوسته شهِ بطحا گون قباقینده قالوب قانینه غلطان باجون ئولسون چوخ چتیندور منه اُول عرصه گهِ کرب و بلاده اوندا که گورّم حسین باشی اوخور آیه جداده منیده شامه چکور شمر جفا پیشه پیاده قولی باغلو باش آچوخ دیده سی گریان باجون ئولسون اوزینی خلق بو درگاهه امیدیله سالوللار آلماقا ایستدیقین باب کرامتده قالوللار عاقبت اجرلرین باب کرامتدن آلوللار آغلا «صحاف» او دلیله دئ حسن جان باجون ئولسون #شهادت_امام_حسن_علیه_السلام

✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان)

نــــــــــوحه شهادت امــــــام حـــــــــسن مجتبی(ع) ئولورم یانمدا ایلش جگریم یارادی قارداش منه بو مدینه مدفن سنه کربلادی قارداش یتجاخ تمامه صبریم قالاجاخ خرابه قبریم حسنین مزاری پوزقون اولا گر روادی قارداش مظلوم آقام حسن جان مسموم آقام حسن جان از غربت دور از وطنان هیچ غمی نیست ایوای برآن مرد که در خانه غریب است هیچ کیمسه غریبلخدا امام حسن اولماز آند اولسون حسینه بئله مظلوم ئولن اولماز مظلوم آقام حسن جان مسموم آقام حسن جان

سبک عرض ارادت به آقا امام رضا(ع) سلام آقا کی سن پشت و پناهیمسن یامان گونده منیم تنها رضا جان تکیه گاهیمسن رضاجانم... خدایه شکر اولا مولا ، گینه پابوسیوه گلدیم اوزومه اوز سالوب  اقا ، بو ارض طوسیوه گلدیم رضاجانم... سلام آقا گلوبدی خسته زوارون بولورسن کی گویول اولموش اودور چوخداندی بیمارون رضا جان... بو قلبیمده سنه چوخلی بولورسن کی سوزوم واردی یشیل پرچم و گنبده ئولونجه چون گوزوم واردی رضاجانم... سلام آقا گوروسن گلمیشم مایوس الی بوش سالما گل یولا ایا ای شاه ارض طوس رضا جانم... منیم قیدیمه گل سن قال کی اوزگه قیدیمه قالماز گدانی رسمیدور شهلر رضا جان بوش یولا سالماز رضاجانم... سلام آقا یانوب قلبیم  فراقونده گذر روحوم قوشی دائم گوزل صحن و رواقونده رضا جانم... شکسته گویلمه والهی تنها جان ، جانانسان نه بلکه شهر مشهد کی هامی ایرانه سلطانسان رضاجانم... سبک 👇👇👇👇👇👇👇

صلوات فراتون   اوسته یاتان  تشنه سروره صلوات امید    آل پیمبر    دلاوره     صلوات گئجه نی یوخلامیان قورخوسوندان اعداسی صلابتی   علوی  میر لشگره  صلوات اوپنجه لرکه اماننامه نی آلوب جیردی تکن او اللره گوز خردا قیزلره صلوات قانا باتان علمه اوخلانان سو مشکینه آخان سومشکی کیمی اشکی گوزلره صلوات آقا  امام   رضا    اعتبار     ایراندی عزیز حضرت موسی ابن جعفره صلوات عزیزه خواهری فخر النّساءِ معصومه مقاماًحضرت زهرای دیگره  صلوات ارسالی اعضای محترم کانال

جمال احمده ماه رسالته صلوات کمال حیدره شاه ولا یته صلوات نوار نور من المصطفی الی المهدی چهارده گوهر درج عصمته صلوات جلال فاطمه نی ذات ذولجلال تانور او مظهر جلوات وجلالتینه صلوات حسن وصی علیدورکریم اهل بیت اوسبط اکبروکان کرامته صلوات حسین آدون الله ووروبدی گویده اعلم باشیندا قرمزی تاج شهادته صلوات عبادت اهلینه مفتخردی حضرت  سجاد امیرغافله ء استقامته  صلو ات علوم حضرت باقر جهانه شامل اولدی حکیم معرفت و استاد حکمته صلوات امام صادق ائدیب شیعه مکتبین ترویج اوبهر دانش وکنزفضیلته صلوات داریخما باب الحوا ئجدی موسی بن جعفر پناه  وملجاء ارباب حاجته صلوات رضا غریبدور بئله غریبه فدا گجه گوندوزحرمینده جماعته صلوات جوادسفره سی دائم آچوخدی جودینه باخ کریمدور کرم بی نهایته صلوات امام هادیه قوربان تمام شیعه لری ستاره ء شب وشمع هدایته صلوات امام عسگریدی مهدینین آتاسی آتالارین آتاسیدی پدرمهدی صلوات بو حسنیلر هاموسی جمع اولوبدی مهدیه گوزلرین گوزی کان کرامته صلوات ارسالی ذاکره اهل بیت سرکار خانم کریمی

سینه زنی امام رضا(ع) -(ای بلا دیده ی زمانه)☑️ بند اول ای بلا دیده ی زمانه منی غم لر گتیردی جانه ظلم مأمون بی حیادن اوغلوون باغری دوندی قانه آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند دوم گُل مثالی سارالمیشام گَل گور نجه حاله قالمیشام گَل اینجیدیم چرخ کج روشدن درد الیندن قوجالمیشام گَل آه سردیم آنا سمایه اوجالیب گوزلریم جان وئرن زمان یولدا قالیب آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند سوم کیمسه یوخ دردیمی بولیدی گوزلریم یاشینی سیلیدی حسرتیم دیلده قالدی ای کاش جان وئرنده باجیم گلیدی حالیمه آغلییدی معصومه باجیم گوزومی باغلییدی معصومه باجیم آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند چهارم تیر غمله بو قلبی اویدوم عمردن ظلم الیله دویدوم منده جدیم حسین مثالی سون نفس یوز ترابه قویدوم وار یری قان اولا گوزوم یاشی آنا ضبح اولوندی حسینیوین باشی آنا آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند چهارم تیر غمله بو قلبی اویدوم عمردن ظلم الیله دویدوم منده جدیم حسین مثالی سون نفس یوز ترابه قویدوم وار یری قان اولا گوزوم یاشی آنا ضبح اولوندی حسینیوین باشی آنا آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند پنجم گرچه درد و مصیبتیم چوخ سینه مه غصه لر اولوب اوخ زهر ایچسم ده بو مکاندا پیکریم اوسته آت چاپان یوخ کربلاده ولی اورک یاندی آنا اوغلوون پیکری ایاخلاندی آنا حسین مظلوم حسین مظلوم آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند ششم یا رضا روحیمه صفا وئر درد مندم منه دوا وئر گویلوم ایستیر حسین مزارین قیل کرم اذن کربلا وئر کیم قالار غصه ده یولون طوسه سالار کربلاسین شه خراسان دان آلار ? رضا جانم رضا جانم / رضا جانم رضا جانم