شهریارشهره ی دهرکرامتدورحسن شهریارشهره ی دهرکرامتدورحسن اولین فرزند سلطان ولایتدورحسن دومین ماه درخشان امامتدورحسن حضرت زهرا کیمی کوه شهامتدورحسن حضرت حیدرکیمی دریای غیرتدورحسن وسعت وصف حسن مافوق هرادراکیدور فرشیده گرچه ولیعهد شه لولاکیدور عرشیده اما اوزی شاهنشه افلاکیدور رتبه ده مولای بی باکه برابردورحسن درحقیقت عرشیده بیر آیری حیدردورحسن مرتضا تک مجتبانون گویده عزوجاهی وار قصرلاهوتون جوارینده اقامتگاهی وار مجتبانون یردن ارتوق گویده خاطرخواهی وار بت شکن مولی کیمی افلاکه لنگردورحسن هم یره هم گویلره سردار وسروردورحسن پای چاتوبدور مجتبادن روح پیروزی بیزه مکتبیندن شامل اولمیش حکمت آموزی بیزه بذل ایدور الله اوناخاطر بیله روزی بیزه ابتدای چشمه ی باران رحمتدورحسن انتهای مقصد راه سعادتدورحسن جان سبوسین مجتبانون عشقی لبریزایلیر مرده جسمه روح جاویدانه تجویزایلیر شوره زاره گرنظر سالساشرفخیزایلیر چونکه تفسیر کمال بی نهایتدورحسن آنداولا زهرایه سرتاپاشرافتدورحسن مهربان الله عطای بی کران خلق ایلیوب یعنی قلبون وسعتین بیراسمان خلق ایلیوب مرتضانون ارشد اوغلین مهربان خلق ایلیوب شوکتی قالسون هله گنج محبتدورحسن مهربانلیقدا دیه بیلم قیامتدورحسن تشنه ی جام محبتلردیلریاحسن رهروان کوی رافتلر دیللریاحسن عاشق قرآن وعترتلردیللریاحسن مست صهبای ولایتلردیللریاحسن عشقیله آزاده ملتلردیللریاحسن یاحسین ویاحسن ذکر اولوالالبابیدور هرایکی شاهون مقدس ادلاری جذابیدور هم حسین همده حسن عشق اهلینه اربابیدور سایل باب کرامتلر دییلریاحسن عشقیله پاکیزه فطرتلر دییلریاحسن کیم چاغیرسا یاحسن روح حسینی شادایدر لطف مولا هرایکی دنیاسینی ابادایلییر حضرت زهراونا محشر گونی امدادایدر تشنه ی جام شفاعتلردییلریاحسن روزمحشر باسعادتلردییلریاحسن سنبل اسطوره های استقامتدورحسن حضرت حیدرکیمی کوه شجاعتدورحسن آنداولاز هرایه سرتاپاشرافتدورحسن عمق دیلدن باشرافتلردییلریاحسن آشنای بزم الفتلردییلریاحسن گرچه قبری بی چراغ و سایبانسیزدورهله گوزلروک قبرین چراغان ائتمگه مهدی گله کیم اوتوزلی قبره اما باخساچشم قلبیله ایلسه گرارزیابی گوزلریندن یاش گلر قبرینون داش تپراقی والله طلادن باش گللر هشتادایل صبرایلیوب شیعه زمانون جبرینه اجرعطا ایلر خدا داغلی اورکلر صبرینه آسمانون طاقی قربان سایه بانسیزقبرینه کهنه قبریکی گورورسوز اگلشوب توزداشینه گونده مین یول آسمان اهلی دونللرباشینه ای قلم لال اول مجلل مرقدی نیلورحسن چوخدی گویدن زائری رفت آمدی نیلورحسن قبری عرشه سایباندور گنبدی نیلورحسن سایبانسیز قبرینون گردین جهانه ویرمروک بیراووج خاکین تمام کهکشانه ویرمروک کربلایی که فضیلتدن سمایه اوجی وار مثل دریاتربتینده فضل ورحمت موجی وار کربلانوندا اوپوزقون قبره والله بورجی وار هامی سسلرجان حسین سسللرحسینده جان حسن یاره لی سینم یارالی سینووه قربان حسن مجتبانون ایندیده قلبینده گیزلین یاره وار یدی سینیننده باشین سالدی بلایه روزگار اغ گویرچینلر کیمی مظلوم دهرون. اهل نار کوچه ی باریک یثربده پرین سیندیردیلار بوینی چینیننده حسن باخدی آناسین ووردیلار لبلری گولمز اوشاقون قلبینی سیندیرسالار رشته ی جانین حضورینده ستملن قیرسالار گوردوشرایانه غوغایه آناسین وورسالار حمله وراولدی حسن اول اونادان دشمنه اشگی گوزلرده صورا سسلندی بیریول جان ننه اوغلینون دوتدی الیندن سینه سی مجروح انا ئوز گوزین اوپدی صورا جان مثلی باسدی باغرینا سیلدی اشکین گوزلریندن ویردی آرامش اونا صبرایله اوغلوم دیدی گیزلین غمون آگاهی وار عیبی یوخ دینمه بالا بی کسلرون اللهی وار باشیم اوسته غم یمه سایه سالانیم واربالا قارداشیمدا اولماسا لای لای چالانیم واربالا حضرت مهدی ادیندا قان الانیم واربالا سن کیمی بیرگون اودا هی سسلنرای وای انا قبریمون اوسته اچارباشین دییرلای لای انا جایگاه دفنیمی تنهابالام مهدی بیلر قبریمون گردو غبارین قان الان اوغلوم سیلر سویرینه قبریم اوسته سویگولوم اشکین چیلر سسلنر ال عبانون گلشنین سولدوردولار ظلمیله مظلوم انامی ووردیلاراولدوردیلار درد زهرا سالدی دیلدن زینبون قارداشینی سوزدوشنده کوچه ده ن توکدی یوزه گوزیاشینی قویدی بوینین چینیننه سالدی اشاقه باشینی غم غبارین یاره لنمیش سینه دن سیلدیرمه دی دردینی زهرا اولینجه بیرکسه بیلدیرمه دی گون باتا ندا آه وزاریله چیخاردی کوچیه اشکی گوزدن آب زمزم تک اخاردی کوچیه حسرتیله بوینی چیننده باخاردی کوچیه کوچه ده محشرقوپان یرده گلردی شیونه سسلنردی محنتوندن یاندی قلبیم ای ننه عرض ایدردی مهربان اللهه اودلی سوزلرین یادینه سیلی دوشن وقته یوماردی گوزلرین اگلشوب یرده قوجاقلاردی اوخردادیزلرین هی باخوب دیواره ساری سسلنردی جان ننه گوزلریم اولسون گویرمیش صورته قربان ننه

شهادت حضرت امام حسن (ع) ✍️مرحوم صحاف تبریزی توکمه اشکون ایلمه بیر - بیله افغان باجون ئولسون توکدی کول باشیمه یوخسا - گینه دوران باجون ئولسون گول کیمی رنگ رخون اوزگه صفایه بَزَنوبدور بلمورم باشیمه قارداش گینه نه کول اَلَنوبدور بو نه قاندور که بو قانیله جمالون بَلَنوبدور دوزموسن لؤلؤ خضر اوستونه مرجان باجون ئولسون گورورَم عارض گلناریوی پژمرده دی قارداش توکوسن گول یوزه گوزدن بیله بیفاصله قانیاش کیم سنی سالدی بو احواله ئولِیدی باجون ایکاش زینبه دردیوی دئ جان سنه قربان باجون ئولسون گئجه وقتینده منیم طاقتیمی اَلدَن آلورسان نگران چوخ باخوسان قلبیمی تشویشه سالورسان گَه سولوب گَه سارالوب گاه برادر چابالورسان کیم سنی ایلدی بو نوع هراسان باجون ئولسون اشقیا ظلمیله بیله سنی مهموم ائلیوبلر تازه دن ای آنام اوغلی بیزی مظلوم ائلیوبلر دئ گوروم بو گئجه آیا گینه مسموم ائلیوبلر اثر سمّ اولوری سنده نمایان باجون ئولسون اولدی آگه منه باشیمده منیم چوخلی بلا وار آچمامیش باشدان آتام قاره سینی تازه قرا وار بو قرادن صورا هم واقعۀ کرب و بلا وار غمدن آیریلمیاجاق زینب نالان باجون ئولسون گوره جاق زینب غمکش پوزولوب گلشن زهرا کربلا دشتین ائدوب کوفه لیلر قانیله دریا جسمی صد چاک دوشوب ایستی قوم اوسته شهِ بطحا گون قباقینده قالوب قانینه غلطان باجون ئولسون چوخ چتیندور منه اُول عرصه گهِ کرب و بلاده اوندا که گورّم حسین باشی اوخور آیه جداده منیده شامه چکور شمر جفا پیشه پیاده قولی باغلو باش آچوخ دیده سی گریان باجون ئولسون اوزینی خلق بو درگاهه امیدیله سالوللار آلماقا ایستدیقین باب کرامتده قالوللار عاقبت اجرلرین باب کرامتدن آلوللار آغلا «صحاف» او دلیله دئ حسن جان باجون ئولسون #شهادت_امام_حسن_علیه_السلام

✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان)

نــــــــــوحه شهادت امــــــام حـــــــــسن مجتبی(ع) ئولورم یانمدا ایلش جگریم یارادی قارداش منه بو مدینه مدفن سنه کربلادی قارداش یتجاخ تمامه صبریم قالاجاخ خرابه قبریم حسنین مزاری پوزقون اولا گر روادی قارداش مظلوم آقام حسن جان مسموم آقام حسن جان از غربت دور از وطنان هیچ غمی نیست ایوای برآن مرد که در خانه غریب است هیچ کیمسه غریبلخدا امام حسن اولماز آند اولسون حسینه بئله مظلوم ئولن اولماز مظلوم آقام حسن جان مسموم آقام حسن جان

سبک عرض ارادت به آقا امام رضا(ع) سلام آقا کی سن پشت و پناهیمسن یامان گونده منیم تنها رضا جان تکیه گاهیمسن رضاجانم... خدایه شکر اولا مولا ، گینه پابوسیوه گلدیم اوزومه اوز سالوب  اقا ، بو ارض طوسیوه گلدیم رضاجانم... سلام آقا گلوبدی خسته زوارون بولورسن کی گویول اولموش اودور چوخداندی بیمارون رضا جان... بو قلبیمده سنه چوخلی بولورسن کی سوزوم واردی یشیل پرچم و گنبده ئولونجه چون گوزوم واردی رضاجانم... سلام آقا گوروسن گلمیشم مایوس الی بوش سالما گل یولا ایا ای شاه ارض طوس رضا جانم... منیم قیدیمه گل سن قال کی اوزگه قیدیمه قالماز گدانی رسمیدور شهلر رضا جان بوش یولا سالماز رضاجانم... سلام آقا یانوب قلبیم  فراقونده گذر روحوم قوشی دائم گوزل صحن و رواقونده رضا جانم... شکسته گویلمه والهی تنها جان ، جانانسان نه بلکه شهر مشهد کی هامی ایرانه سلطانسان رضاجانم... سبک 👇👇👇👇👇👇👇

صلوات فراتون   اوسته یاتان  تشنه سروره صلوات امید    آل پیمبر    دلاوره     صلوات گئجه نی یوخلامیان قورخوسوندان اعداسی صلابتی   علوی  میر لشگره  صلوات اوپنجه لرکه اماننامه نی آلوب جیردی تکن او اللره گوز خردا قیزلره صلوات قانا باتان علمه اوخلانان سو مشکینه آخان سومشکی کیمی اشکی گوزلره صلوات آقا  امام   رضا    اعتبار     ایراندی عزیز حضرت موسی ابن جعفره صلوات عزیزه خواهری فخر النّساءِ معصومه مقاماًحضرت زهرای دیگره  صلوات ارسالی اعضای محترم کانال

جمال احمده ماه رسالته صلوات کمال حیدره شاه ولا یته صلوات نوار نور من المصطفی الی المهدی چهارده گوهر درج عصمته صلوات جلال فاطمه نی ذات ذولجلال تانور او مظهر جلوات وجلالتینه صلوات حسن وصی علیدورکریم اهل بیت اوسبط اکبروکان کرامته صلوات حسین آدون الله ووروبدی گویده اعلم باشیندا قرمزی تاج شهادته صلوات عبادت اهلینه مفتخردی حضرت  سجاد امیرغافله ء استقامته  صلو ات علوم حضرت باقر جهانه شامل اولدی حکیم معرفت و استاد حکمته صلوات امام صادق ائدیب شیعه مکتبین ترویج اوبهر دانش وکنزفضیلته صلوات داریخما باب الحوا ئجدی موسی بن جعفر پناه  وملجاء ارباب حاجته صلوات رضا غریبدور بئله غریبه فدا گجه گوندوزحرمینده جماعته صلوات جوادسفره سی دائم آچوخدی جودینه باخ کریمدور کرم بی نهایته صلوات امام هادیه قوربان تمام شیعه لری ستاره ء شب وشمع هدایته صلوات امام عسگریدی مهدینین آتاسی آتالارین آتاسیدی پدرمهدی صلوات بو حسنیلر هاموسی جمع اولوبدی مهدیه گوزلرین گوزی کان کرامته صلوات ارسالی ذاکره اهل بیت سرکار خانم کریمی

سینه زنی امام رضا(ع) -(ای بلا دیده ی زمانه)☑️ بند اول ای بلا دیده ی زمانه منی غم لر گتیردی جانه ظلم مأمون بی حیادن اوغلوون باغری دوندی قانه آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند دوم گُل مثالی سارالمیشام گَل گور نجه حاله قالمیشام گَل اینجیدیم چرخ کج روشدن درد الیندن قوجالمیشام گَل آه سردیم آنا سمایه اوجالیب گوزلریم جان وئرن زمان یولدا قالیب آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند سوم کیمسه یوخ دردیمی بولیدی گوزلریم یاشینی سیلیدی حسرتیم دیلده قالدی ای کاش جان وئرنده باجیم گلیدی حالیمه آغلییدی معصومه باجیم گوزومی باغلییدی معصومه باجیم آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند چهارم تیر غمله بو قلبی اویدوم عمردن ظلم الیله دویدوم منده جدیم حسین مثالی سون نفس یوز ترابه قویدوم وار یری قان اولا گوزوم یاشی آنا ضبح اولوندی حسینیوین باشی آنا آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند چهارم تیر غمله بو قلبی اویدوم عمردن ظلم الیله دویدوم منده جدیم حسین مثالی سون نفس یوز ترابه قویدوم وار یری قان اولا گوزوم یاشی آنا ضبح اولوندی حسینیوین باشی آنا آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند پنجم گرچه درد و مصیبتیم چوخ سینه مه غصه لر اولوب اوخ زهر ایچسم ده بو مکاندا پیکریم اوسته آت چاپان یوخ کربلاده ولی اورک یاندی آنا اوغلوون پیکری ایاخلاندی آنا حسین مظلوم حسین مظلوم آنا جان دور مدینه دن دادیمه گل اولورم غربت ائلده فریادیمه گل ? غریبم من غریبم من / غریبم من غریبم من ☑️ بند ششم یا رضا روحیمه صفا وئر درد مندم منه دوا وئر گویلوم ایستیر حسین مزارین قیل کرم اذن کربلا وئر کیم قالار غصه ده یولون طوسه سالار کربلاسین شه خراسان دان آلار ? رضا جانم رضا جانم / رضا جانم رضا جانم

#رحلت_حضرت_رسول_اکرم_(ص) دولدوروب دنیانی غم آغلار بوگون ارض و سما سس گلور هر سمتدن وا محنتا وا مصطفى یاسه باتوبدور ماسوا بو مصیبتده بوگون یاسه باتوب اسلامیان توک عذاره اشگوی شیعه بو غمده آغلا قان باخ نجه گور ، دولدوربدور یثربی آه و فغان باش آچوب زلفین پریشان ایلیوب خیر النّسا ایلیوب بر پا عزا خانه بو غمده بو تراب آغلاماقدان آز قالور اولسون حسینی دلکباب نی کیمی آغلار سیزیلدار زينب عليا جناب غرق دریای سرشگ ایلر جهانی مجتبی دار دنیانون گوروب بو مقتدا هر محنتين امّت مَیشومنون چکدی ئولونجه زحمتین تاپشوروب آخرده بیر قرآنی بیر اوز عترتین ایتدی فرمایش که قرآن اولماز اهلیمدن جدا عترت خيرالانامه ياخشی حرمت قویدولار مجلس شورا آچوب قانون بدعت قویدولار شمع دینی سوندوروب دنیانی ظلمت قویدولار ظلمیله خانه نشین اولدی علی میر هدا رسم آئین کلام اللهدن يان دوردولار ظلم اليله اود ویروب باب اللهى ياندوردولار حجت الله دامنین اشگیله اسلاندیردولار خشک و تر یاندی بو ظلمین آتشیندن برملا اود ویراندا اهل کین ای شیعه باب رحمته دوشدی پیغمبر عزیزی فاطمه چوخ زحمته یخدیلار نه ظلمیلن زهرانی خاک ذلّته داخل اولدی خاندان عصمته اهل جفا سسلدی فضه اماندور تیز یتیش امدادیمه سقط اولوبدور محسنیم تعجیل قیل یت دادیمه بس عم اوغلوم هاردادور سسله گله فریادیمه آز قالوبدور ئولدوره بو بینوانی اشقیا بولمورم نه حاله قالدی صاحب دين مبين اولمادی بیر کیمسه اول شاهه او گون اولسون معین آلدیلار اطرافنی شیر خدانون اهل کین باغلیوبلار قوللارین اول جمع بی شرم و حيا بیر تفکّر ایلیون یاران باخون اول حالته دستگیر اولدی امام حق او اهل بدعته مسجده نه نحویلن ثانی آپاردی بیعته اعتذاریم وار صريحين عرض ايدوم واذلّتا حاله گلدی غشّدن صدّیقه ی کبری او دم مسجده اوغلانلاریله گلدی اول مریم شیم باش آچوخ گوردی علینی ساخلیوب قوم ستم ایتدی فرمایش ایدون شرم ای گروه بی وفا ال آپاردی معجره غیظیله اول عصمت مآب قوزانوب دیوارلر گورسندی شور و انقلاب یوز دوتوب سلمانه بو حالی گورنده بوتراب سویلدى قويما بتولى عالمی ایتسون فنا گلدی سلمان محضر زهرایه محزون و فکار ایلدی عرض آغلاما ایتمه فغان و آه و زار صبر ایله ای رحمةً لِلعالمینه یادگار صبره امر ایلور سنی آقا علی المرتضا بولمورم زینب نجه صبر ایلیوب ایتدی دوام شرب بزمنده دوراندا عترت خير الأنام گوردی برگ گل کیمی تیترور او دم بیمار امام آز قالور روح شریفی جسمدن اولسون جدا مجلسین حالین داخی ال ساخلا (( شوری)) ختم ایله اول یزیدون جور و ظلمین سن گتورمه چوخ دیله شیعه نی چوخ یاندیرور قان آغلادور بو مسئله دوردی بزم شربده زنجيريلن زين العبا ** مرحوم میر محمودآقا شوری تبریزی #حضرت_محمد_، ص،

‍ درماتم حضرت محمّد صلوات الله علیه وآله (سبک : یخلوب عباسیم) اوجالوب واویلا ، ماتم دوتوب بطحا ایلور نوا زهرا ، جان ویردی طاها غمه دوشدی امّت ، آغوش آچوب جنّت یاسه باتوب دنیا ، جان ویردی طاها **** گوگه چیخدی افغان ، قاره گیوب قرآن قان آغلوری امکان ، الله اکبر سوونوب اهریمن ، کامه چاتوب دشمن اولاد بوسفیان ، الله اکبر یانوب آغلور هرآن ، اباذر و سلمان ویلان و سرگردان ، الله اکبر ایدور همّت کافر ، نا اَمنِدور سنگر تنها قالوب مولا ، جان ویردی طاها غم و حُزن رحلت ، اولدی اَشَدّ محنت مظلوم اولوب عترت ، ای وامصیبت قالوب حیران صفدر ، بی یار بی یاور خصم آختارور قدرت ، ای وامصیبت چالوشور خلوتده ، غصب خلافتده اوباش بد خصلت ، ای وامصیبت بو نجه بدعتدی ، ضد دیانتدی آشوب ایدور اعدا ، جان ویردی طاها نظر ائت عِصیانه ، بد کینه عدوانه اَشباه انسانه ، تنهادی حیدر چکوب ال غیرتدن ، رسم فُتوّتدن دشمن وَقیحانه ، تنهادی حیدر یل فتح خیبر ، داماد پیغمبر آغلور غریبانه ، تنهادی حیدر حسن ایلور افغان ، حسین زار و گریان دیللرده واجدّا ، جان ویردی طاها بیله عالم اولماز ، خلوت ماتم اولماز غم اندر غم اولماز ، یاندوردی جانی چکولوبدور پرده ، نعشی قالوب یرده علی کفن ایلور ، جسم طاهانی مه بطحا ئولدی ، مهر و وفا ئولدی صدق و صفا ئولدی ، عهد اولدی فانی بو نجه بیعتدی ، ضدّ دیانتدی ثانی ایدوب برپا ، جان ویردی طاها پوزولوب پیمانلار ، بی ریشه ایمانلار تازه مسلمانلار ، غدیری داندی اله دوشدی فرصت ، دنیا طلب امّت خوش چهره شیطانلار ، غدیری داندی جری اولدی کافر ، غاصب ، اولوب رهبر حکمونده نادانلار ، غدیری داندی اورگون اولدی قان ، ویر مطلبه پایان ای (( منتظِر )) آغلا ، جان ویردی طاها ** محمدعلی منتظری شریف آباد #حضرت_محمد_، ص، #سبک_یخیلیب_عباسیم_

‍ رحلت رسول اکرم (ص) (سبک : آچیلدی پرچم ….) ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعه ی روز محشر آغلار باتوب عزایه ملک لر آغلار باتوبدی یاسه تمام عالم توکر عذاره سرشکین آدم قوروب ملائک بساط ماتم گوی اهلی بو غمده یکسر آغلار سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار گینه بو گوگلوم باتوب ملاله بیر اوزگه محنت دوشوب خیاله گلون ایداخ بیز حسینه ناله اونون غمینده پیمبر آغلار حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار گوز آچدی گوردی او شاه محشر اویاندا قاتل الینده خنجر بو یاندا زینب ملول و مضطر توکر سرشکین او مضطر آغلار بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایندی حرملر آغلار (( شهابون )) عمری تمامه یتدی حسینیلردن ال اوزدی گیتدی حسینه بسکه توسّل ایتدی (( شهابین )) اشکین گورنلر آغلار باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار (( شهاب )) یتمز بو غم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار ** مرحوم میرزا یوسف شهاب تبریزی #حضرت_محمد، ص،

#شهادت_پیامبر_اسلام_(ص) رحلت    ایلیوب   پیمبر     فاطمه     گلوب   فغانه وا   محمدا    صداسی   اوج     ایدوبدی    آسمانه بو  عزاده   حیدر   آغلار    سربسر   ملک لر  آغلار قاره   پوش   اولوب    تماماً     امت   پیمبر   آغلار چکدی چوخ غم و مصیبت امتیندن اول  شه  دین صبر قیلدی  هر  بلایه  ایتمه دی  او  قومه  نفرین آخری  غم  جهاندان دویدی  اول  رسول حق بین روح   مرغ    عزم    قیلدی  سیر    گلشن    جنانه حرمت     کلام     حقی     تاپشوروبدی       امّتینه بیرده تاپشوروب او قومه حرمت   ایتسون    عترتینه ایتمدی        عمل     ولیکن     امّتی       وصیتینه گتدیلر    بیر   آز   زماندا   هر  نه   ظلم  وار  عیانه باب    وحیه    اود    ازلده    وردی   ثانی   ستمگر ظلم   سامری  دوباره   اولدى  یثرب ایچره  اظهر بو قضّیه دن  تاپوبلار  جرآت    اول   گروه    کافر تا   مخالفت   قیلوبلار  حکم  شاه   انس  و   جانه حقّ   شاه   اوصیانی  غصب   ایدوب   گروه  کینه نصب    قیلدیلار   ستمله    کفر    بیدقین     زمینه قویمادیلا    راحت    اولسون   عترت   شه  مدینه یر   یوزونده   چکدی   هردم ظلمون  آتشی  زبانه نقض   عهد    ایدوبدی   امّت    پادشاه     اولیایه مکریله    کلام    حقّی   نصب    قیلدیلار    جدایه رسم    اولوبدی   بو   قضّیه   تا  یتیشدی  کربلایه ناطق    کلام   حقون   ویردیلار    باشین    سنانه کربلاده    اهل  کوفه  گور نه  نوعی  ایتدی طغیان ایتدیلر   پیمبر  اوغلون  ظلم    الیله   قانه   غلطان پاره  پاره   پیکرینی  سویدی  هم  او قوم  عدوان قیلدیلار  او  شاه  دینون  جسمین او خلارا  نشانه بسدی (( کاتبا ))   تمام  ایت  یازما بو قدر مصیبت آغلا    اشگ   چشموى   قیل  الده   توشۀ  قیامت روز   حشرده    اولاردور   خلقه   ایلین     شفاعت حق    یولوندا چون   اولوبلار   تیر   محنته   نشانه ** مرحوم کاتب اردبیلی

لب تشنه حسین عمریست که من طالب احسان حسینم لب تشنه ام و تشنه ی باران حسینم در زندگی ام منت اغیار نجویم درسایه ی حق دست به دامان حسینم از دولت و عنوان و غم مال و ریاست صد شکر خدا را که پریشان حسینم جز کرب وبلا جلوه گهی نیست دلم را مشتاق گل روی و گلستان حسینم از اهل ادب رسم وفا یاد گرفتم از کودی ام عاشق عنوان حسینم آزاده ام و ذلت وخفت نپذیرم در زندگی ام تابع فرمان حسینم با یاد حسین ابن علی می شوم آرام چون یاهوی بنشسته به ایوان حسینم از کودکی ام چشم طمع در سر من نیست با فخر و شرف ریزه خور خوان حسینم وابسته قید رسن غیر نباشم در دایره دولت شایان حسینم جز کرببلا دردل من نیست ملالی محتاج به درد و غم و درمان حسینم خواندم همه جا مبحث ایثار و شهامت اما همه سر گشته و حیران حسینم شاعر شده ام وصف کنم روی گلش را چون بلبل شوریده غزلخوان حسینم آشفته ام و مست می کوثر زهرا دیوانه ترین شاعر دیوان حسینم در بحر گنه غرقم و مدهوش ولیکن با دست تهی شایق احسان حسینم #محمد_هوشمند #مدهوش #غزل @Hazrate_Abalfazll

#عزاداری_حضرت_زهرا_سلام_الله_علیها_در_رحلت_حضرت_پیغمب_(ص) (سبک : سو یوخومدی قیزلاروندان) گینوبدی    قاره     زهرا      شه     انبیایه   آغلار گهی سسلنر حسن  وای گه  امام  رضایه  آغلار بو  جهانیدن   یوموبدی   گوزونی   رسول   اکرم دوتوب  انس  و   جنّ  عالم  او  عزیز  حقه ماتم بابا    وای دیینده   زهرا   اولار  آغلاشور  دمادم ائلیور   فغان   و    ناله   هامی   مصطفایه   آغلار توکور اشک   غصه  ییر گوی  او رئیس مرسلینه دوتوب عالمی بوتون غم چون ئولوب شه مدینه دیور  عالم  اهلی  نوحه   وئریلور   بو غمده سینه اورگی   دولوبدی   زهرا    شه   ماسوایه    آغلار دئمه   اولمیوبدی   لرزان   بوتون  عالم  و فلکلر اولونوب    سماده   غوغا   گیینوب    قرا    ملکلر بو  محنده   بو    عزاده   دولانوب   قانا     اورکلر قیزی فاطمه  دوتوب  یاس  اوزی  مقتدایه آغلار گه  اوغول غمینده  زهرا   توکر  اشک غم عذاره بالا   وای دئیر  بو غمده  غم  اودی  چکر شراره جگرین    یارادی    اوغلوم   حسنه  ائدر  اشاره گهی   مصطفی   غمینده  گهی   مجتبایه   آغلار دییر   ای  حسن   عزیزیم   منه ای  بهالی گوهر سنه ظلم  ائدوبدی جعده جگرین یارادی یکسر توکولوبدی طشته گورّم داخی دوغرانوب جگرلر بئله غمده  شیعه یکسر دیل  آچوب   نوایه آغلار حسن   ای   عزیز   داور حسن  ای  وفایه مظهر گل    گلشن    پیمبر    حسن   ای    گل    معطر بالا   وای   دیینده   مادر   پوزولار    بو  آل حیدر هامی سس  چکوبدی دیلدن  ائله دلربایه  آغلار بالاسی رضا  غمینده    بو  خانم   ائدردی  افغان بالا   وای دیلینده  گویا   اولوب  عازم   خراسان بالاسین گوروب  او یرده جگری  یارا وئرور جان او غریب   طوسی اوخشار   ائله  مه لقایه   آغلار گورورم اوغول سالوبدی سنی غم  دئدی فشاره داخی ظلم  ائدوبدی مأمون چاغیروبدی بو دیاره سنه وئردی زهر او  ظالم  جگرین  اولوبدی یاره بو یره  گلوبدی  زهرا  سن  جان   فدایه    آغلار گورورم اوغول  دوشوبسن اوزاقا  بوگون وطندن آنان  آیری  دوشمور   اما   غم  و غصه و محندن گهی  مصطفی   غمیندن گهی  محنت   حسندن گهی    بی کفن    یارالی   شه    کربلایه    آغلار نئجه صبر  ائدر   آناسی  بو حسین دوشنده یاده گتوروبدی   خیمه گاهه    دیر    اوغلونی    عباده (( رضوی )) دییر حسینون  قدی خم اولوب  مناده بوکولنده   نعش    اکبر   او   گونی   عبایه  آغلار ** محمدرضا بیگلی (رضوی زنجانی @Hazrate_Abalfazll

در احوالات پیامبر اکرم صلی الله علیه و آله و حضرت امام حسن مجتبی علیه السلام اهلِ جهان آغلار بو گون، ای سیدِ عالم سنه ماتم دوتوبلار شوریلن، هم مجتبایه، هم سنه * بو بی وفا امت سنه، ائتدیله هر جور و جفا دوزدون رهِ جانانیده، جمله بلایه بر ملا * قویدون امانه عتر تون، قویمادیلار یا مصطفی سندن سورا اعزازیلن، دوتسونلا بیر ماتم سنه * هر حرمتی بو امّته، ائتمیشدین ائتدیلر عوض دفن اولمامیش جسمون قاپون، یاندیردیلار اهلِ غرض * هر ظلم گلسه خاطره، ائتدیله اول گون الغرض تا وار نفس قان آغلاریق، هر لحظه و هر دم سنه * جورِ عدودن عترتون، اولمادی راحت بیر زمان اولدو شهید اوغلون حسن، زهریله ای شاهِ جهان * دوتماز دیلیم تقریر ائدم، وئردی او شه نه نوعی جان اولادیوه نه نوعی غم، یِتدی یِتیب اول غم سنه * سندن سورا بیر اوغلووی، زهریله مسموم ائتدیلر تا حشر اولونجا شیعه نی، محزون و مغموم ائتدیلر * اما حسینی کوفیان، بیر نوع مظلوم ائتدیلر واضحدی حالی اول شهین، ای سیدِ اکرم سنه * آلدیلا الدن بیر به بیر، مجموع یار و یاو رین ائتدیله غلطان قانینه، ناکام علی و اکبرین * گونلر او گونده قویدولار، آخر یارالی پیکرین اولدی حسینین بو غمی، بیر محنتِ اعظم سنه * جانلار بلالی باشیوون، اولسون فداسی یا حسین وار باشدا هانسی عاشقین، سن تک بلاسی یا حسین * دوشدوقجا یاده خولی و شمرین جفاسی یا حسین شام و سحر بیز آغلاریق، گوزلرده قان یاشلا سنه شاعر: مرحوم دلریش @Hazrate_Abalfazll

در احوالات پیامبر اکرم صلی الله علیه و آله جان ویرور پیغمبر اکرم شه ابرار ئولور رهبر دنیای اسلام و دلِ افکار ئولور * جان ویرور بنیان گذار مکتب آزادگی صاحب قانون دنیای جدید زندگی * ضدّ تبعیضات و خوی فطرت و درّندگی مرد استقلال و ضدّ کفر و استعمار ئولور * ذورق حق ایمدی امواج خروشان اوسته دی پیشوایِ مسلمینِ واقعی جان اوسته دی * نصف شب پروانه لر شمعی فروزان اوسته دی چشمۀ فیض و بقا و مطلع الانوار ئولور * صاحب قرآن ئولور معناده قرآن آغلوری زهره و مرّیخ و ماه و مهر و کیوان آغلوری * واقعاً افلاکیان و خاکیان قان آغلوری باعث ایجاد کلّ ثابت و سیّار ئولور * هالۀ غم پرده کشدور عارض ماه اوستونه یوز قویوبدور لشگر حسرت یدالله اوستونه * گرد مرگ غم قونوبدی هیبت الله اوستونه اختیار حق گیدور چون احمد مختار ئولور * خوشه های خرمن گلزار پیغمبر سولوب ابر نیسان تک کنار گلده بلبللر دولوب * باغبان گلشن عشقین حیاتی قورتولوب گلستان و بوستان و گلشن و گلزار ئولور * دیدۀ پیغمبر اکرم باخور اطفالینه فکر ایدور بیربیر تمام آینده و آمالینه * ناگهان ایلور نظاره کربلا گودالینه قانینه غلطان گورور اؤز اوغلونی بی یار ئولور * تشنه دور داغ قوملار اوستوندن فرات اوسته باخور چشمه چشمه پیکریندن توپراق اوسته قان آخور * زلفینه زهرا او قانی خاک و خونیله یاخور بیر مُعیّر عشق عیّاری تاپوب معیار ئولور * سرزمین کربلا گویا منای عشقدور نالۀ نی دور اوجالمیش نینوای عشقدور * گلشن وحدت حریم باصفای عشقدور آتشی بیر گل میان تیغه های عشقدور * شمع فانوس هدایت آز قالور خاموش اولا اوخلار آلتدا سرّ حق پنهان و پرده پوش اولا * گل وجودی داشلار آلتیندا قالوب مفروش اولا عهد و پیمان السته قان ایدور ایثار ئولور * پیکر عنقای قاف حقّ اولوبدی غرق خون ذورق امّت قالوب دریا ایچینده واژگون * کاخ آزادی یر اوستونده قالوبدی سرخ گون کاخ اولوبدی منهدم ظاهرده چون معمار ئولور * ایستور اولسون انبیا و اولیادن سرفراز ایلوری هر لحظه ده معناده کسب امتیاز * قلبینون قانین یغوبدی ائتسون آب دستماز صاحب خون خداوند حق دادار ئولور * ختم قیل هادی سوزون خوشدور یقیناً مجملی فیضیوه شرکتدی شوریّ و چرندابی، علی * روح پاک هر وقتیده معناده حاضردور بلی روح ئولمز ئولسه جسم و پیکر بی عار ئولور شاعر: مرحوم هادی تبریزی @Hazrate_Abalfazll

در احوالات پیامبر اکرم صلی الله علیه و آله قورخما زهرا امر حق اولموش بو گون نازل منه گئت قزیم آچ قاپونی مهماندی عزرائیل منه * آغلاما اولما پریشان صبر قیل زهرا قزیم حکم خلاق ازل اولسون گرک اجرا قزیم * قابض الارواحدور ئوز امرینه دارا قزیم بی اجازه داخل اولماز اهل حرمتدور بالا * آخرین دیداریمیزدور وقت رحلتدور بالا بیل بو عزرائیل گلوبدور قبض روح ائتسون منی * گوللرون تاراح ائدوب خاموش ائده بو گلشنی ای منه روح و روان اللهه تاپشوردوم سنی * وئر اجازه داخل اولسون پیک سبحان منزله حکمی اجرا ایلسون گلسون رضای حق اله * وار یری عرض ایلیاق ای صاحب باغ فدک بی اجازه داخل اولمور منزله هئچ بیر ملک * پس ندن دوران دولاندی دؤندی بو چرخ فلک هتک حرمت ایلیوب یاندیردیلار درگاهیوی * مسجده جبراً عُمَر چکدی ولی اللهیوی بس نجه زهرایه قمچی ووردی قوم دون و پست * محسنی سقط ائتدی زهرا اولدی بازوسی شکست ییرمی بش ایل حق ولی سین ائتدیلر خانه نشست * دویمادی جور و جفادن قوم عدوان یا رسول آلادوب بیت الحزنده کائناتی بو بتول * غصب اولوب حقی علینون اولدی نالان فاطمه قالی یتمیش آلتی گون زار و پریشان فاطمه * آز بیر عمریله گئدوب عقبایه گریان فاطمه ایش بورا منجر اولوب گیزلینجه دفن اولسون بتول * ایلمز بو ظلمی حتماً خالق سبحان قبول دفن زهرانی بلوب اظرار عصیان ائتدیلر * خلقی تحریک ایلیوب قبر اوسته طغیان ائتدیلر نبش قبر اولسا اگر دنیانی ویران ائتدیلر * بو خبر درهم ائدوب شیر خدا احوالینی باغلیوب باشه علی فوراً غضب دسمالینی * ذوالفقاره ال آتوب دوندی غضب دریاسینه گئتدی قبرستانه باخدی غیضیلن اعداسینه * سسلنوب: آیا گلوبسوز سیز علی دعواسینه قورخیا دوشدی جماعت ترک مقصد ائتدیلر * تک قویوب مولانی قبر اوستن جماعت گئتدیلر سالدی بو سوز یادیمه کربو بلا صحراسینی * چون حسینون قتلگهده یوم عاشوراسینی سالمادون یاده ندن بس کربلا زهراسینی؟ * تل دن میدانه قاچدی درک ائده قارداشینی شمر الینده گوردی قارداشین کسیلمیش باشینی * اولمادی ممکن گئدوب قارداشینون نعشین تاپا یا حسین گویان قیتدی ایلسون محشر بپا * حکم اولوب لشگر حسینون نعشی اوسته آت چاپا زینبو فریادی سالمشدی سماواته طنین * هرادا قالمشدون او ساعت یا امیرالمؤمنین؟ بو خبر بیچاره زینب صبرینی الدن آلوب * یوز نجف سمته دوتوب فریاد واویلا سالوب گل بابا نعش حسین آتلار ایاقینده قالوب * یا ئوزون گل یا کمک گوندر اباالفضلی منه قالمشام آواره سرگردان دخیلم من سنه * «نادری» یاز یاعلی ترک عدالت ائتمدون نبش قبر حضرت زهرایه طاقت ائتمدون *** ظهر عاشورا ندن بس کربلایه گئتمدون؟ عترت زهرایه اوردا شامیلر ال تاپدیلار گوز قباقینده حسینون نعشینه آت چاپدیلار شاعر: مرحوم نادری @Hazrate_Abalfazll

عرض ادب خدمت امام رضا علیه السلام ای حَرَمی با صفا دردِ عالَمه دَوا گوزل قبریوه قربان یا غریب الغربا یا علی موسی الرضا ای گل خوشبو رضا ماهِ زیبا رو رضا سنسن فقط جهاندا ضامن آهو رضا حَجّه گیدر اَغنیا اطرافِ بیتِ خدا دنیا اهلی بولوللر سنسن حجّ فُقَرا پابوسیوه گَلَن لر آه و نوا ایده للر نظر قیلسان مولاجان اَلی دولی گیده للر من عَبد روسیاهم آلوده ی گناهم سندن صورا کیمیم وار لطف ایله بی پناهم جَنّت ایتدن ایرانی ای دردیمون درمانی مولا یاپیش الیمدن سن بیل معصومه جانی ای شَهِ والا گوهر عزیزِ آل حیدر افتخار اِیلَرهر کَس اولسا قاپوندا نوک ظلم ایدور قوم دَنی فقیره باخمور غَنی ایسته الله یتیرسین حجت ابن الحَسَنی #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

عرض سلام و ادب خدمت سلطان خراسان حضرت امام رضا علیه السلام (اصغریم، ای شیرین زبانیم) السلام ای شهِ خراسان ای اولان آدی درده درمان قبریوه بو روسیاهی اِیله سن دوباره مهمان السلام ای شَرَفِ خِطّه ی طوس السلام ای لقبی شَمسِ شموس رضا جانم رضا جانم حُجَّتِ خدای یکتا ای گُلِ گُلزارِ طاها بوش اَلیله گَلمیشم من اَلی بوش قِیتَرمه آقا السلام ای لاله ی خوشبو رضا السلام ای ضامنِ آهو رضا رضا جانم رضا جانم سنه دیلده چوخ سوزوم وار قلبیده دیمه دوزوم وار او کَرَملی اَللرونده یا رضا دائم گوزوم وار چاره قیل قلبیده کی درده آقا منه یاز تذکره ی کرب و بلا رضا جانم رضا جانم #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

عرض ادب خدمت حضرت امام رضا علیه السلام گلدیم گینه زیارته یا امام رضا گوزتیکمیشم عنایته یا امام رضا باخدون بو بی لیاقته یا امام رضا ای پادشاه ماسوا یا امام رضا عشقون منی چکدی بورا یا امام رضا آدون ویرر قلبه صفا یا امام رضا من بینوایم/غرق خطایم/عبد ذلیلِ/کوی رضایم علی موسی الرضا جان من روسیه بیر نوکرم یابن فاطمه باخ گور نجه دیده ترم یابن فاطمه بیچاریم ایله کَرَم یابن فاطمه ای محرم اسراریمیز یابن فاطمه ای دلبر و دلداریمیز یابن فاطمه ای غم گونونده یاریمیز یابن فاطمه گلدیم نوایه/باخ بوگدایه/بیر تذکره یاز/کرب و بلایه علی موسی الرضا جان فرزند پاک مرتضا اَیهاالرئوف سلطان مُلک اِرتِضا اَیهاالرئوف یا ضامن آهو رضا اَیهاالرئوف من گلمیشم دیداریوه اَیهاالرئوف گوزتیکمیشم ایثاریوه اَیهاالرئوف احسان ایله زوّاریوه اَیهاالرئوف سن سن پناهیم/امّید گاهیم/ مولا نظر قیل /ای دادخواهیم علی موسی الرضا جان من (بیکَس) و درماندیم یابن مرتضی بو علّته مشهد دیم یابن مرتضی اوز دردیمی سنه دیم یابن مرتضی ای معدن جود و سخا یابن مرتضی گُل آدیوه جانیم فدا یابن مرتضی سائل لری قووماز آقا یابن مرتضی سن مهربانسان/آرام جانسان/بو قلب زاره/تاب و توانسان علی موسی الرضا جان #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

در آرزوی زیارت و جلالت امام رضا علیه السلام ای پناه بی پناهان یا رضا ای طبیب دردمندان یا رضا باشیمه چوخدان دوشوب شوق حرم او گوزل قبریوه قربان یا رضا من نوکرم سنه رضا رضا لطف ایله سن منه رضا رضا سنسن آقا مایه ی عزّت بیزه ویردی عشقون شأن و شخصیت بیزه اهل ایران میهماندور سفره وه اولموسان مولا ولی نعمت بیزه ای شاه ماسوا رضا رضا جانلار سنه فدا رضا رضا ای اولان معصومیه آرام جان ای گدای درگهی اهل جهان بیر برات مشهد و کرب و بلا یاز بو عشّاقه سنی زهرا آنان باشدا شوق حرم رضا رضا آدیوی سسلرم رضا رضا ای کرم کانی امیر ماسوا سن شه مُلک ولاسن یا رضا ای اولان آهویه ضامن لطف ایله جان ویرنده باشیم اوسته گَل آقا (بیکَسه) لطف ایله رضا رضا تاپشور عزرائیله رضا رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll