▪️مصیبت حضرت زهرا (س) در روز عزای حضرت خاتم الانبیا(ص) و امام حسن (ع) 🎼سبک : الهی دفن ایدیم نجه... قرا   گیوبدی   فاطمه  ،   بو گون   آتا   عزاسینه توکور سرشک چشمینی ، خانم  حسن  بالاسینه دیور  اورکدن   گهی   آتام   وای صولان دوداقی حسن  بالام وای ویروبدی    قلبینه    یارا   پیمبرون    بو    محنتی نقدر     اذیّت   ایلیوب      او    باغریقانه      امّتی سالوب    توان   و    تابیدن   اونی    آتا  مصیبتی یانور    غریب    آتاسینون    بلا   و     مبتلا سینه اسیر    عشق   یار    اولان   یقین  بلانی  آختارار همیشه   محنت   و    بلا    غم   آشنانی    آختارار یامان   گونونده   قیزلارون گوزی  آتانی   آختارار همیشه   سس  وئرر  آتا   بالاسینون   صداسینه دیور غمونده   آی  بابا  یانوب   جهانی   داغلارام منیم که یوخدی بیر کسیم عذاره اشکی باغلارام نه وار آتام نه قارداشیم ئوزوم  سنه تک آغلارام گرکدی   صبر   ائده    بلی   مشیّت   اقتضاسینه سنون  غمونده  آی  بابا  اشدّ اولوب حسن غمی بُؤلوبدی اوچ پر اوخ کیمین بو شرحه شرحه سینه می خیانت    ایلیوب   اونا   ائوینده   یار  و   محرمی گرک    یته   او   بی  وفا  جهاندا  ئوز    جزاسینه توکوبدی   زهری  کوزیه  او   بدمرام  و  کینه جو اویاندی  نصف  شب حسن  ایچوب بدون گفتگو جگرلرینی  دوغرادی  اود   اولدی عاقبت  بو سو جهانی   آغلادار   بالام   بو    غملی    ماجراسینه کیمون صولوب حسن کیمی جهاندا باغ و گلشنی او   باوفانون   هر   زمان   بو  دردی  آغلادار منی عیال     بی مروّتی    ائوینده    اولدی     دشمنی غریبدور    بالام   گرک    گئدم   همیشه  یاسینه دیم  ائوینده    دائماً   غم   و   بلا   چکن  اوغول اؤرک   سوزینی همسره  آچوب  دینمین   اوغول مزاره    قلبی  غصّه لی   جهانیدن  گئدن  اوغول قبول   ائدن   مصائبی    همیشه   حق   رضاسینه نقدری    بو     جهانیدن    چاتوبدی    ابتلا سینه قونوبدی    زاغیلن   زغن   جفائیلن   بو    گلشنه سنون  بو  محنتون   اوغول چوخ  ایلیوب اثر منه گوروم که  جُعده   توش اولا جهاندا ئوز بلاسینه نقدری  پستیمیش  اوغول  او   بی حیای فتنه گر محالیدور    گوله   یوزی   اولار   همیشه    دربدر بو  ظلم   و    بو  جنایتین  جزاسین  عاقبت  چکر قالوبدی  مات  و  دیده تر  هامی اونون جفاسینه

‍ زبانحال حضرت معصومه سلام الله علیها قارداشیم گل دادیمه بند قلب فاطمه ال یتور معصومیه باخ شرار آهیمه گوزلرون قربان رضا دردیمه درمان رضا جان رضا جانم رضا جان جانانم رضا شهر قمدا داده گل جان وئروم آسوده من گور سارالدی غصّه دن گور نئجه باغ و چمن عشقیوه خاطر اخا ایلدیم ترک وطن آند اولا ئوز جانیوه آند اولا اللهیمه آغلیار احوالیمه کیم ائشیتسه سوزلری ساوه ده سندی اخا خواهرون بال و پری قانه غرق اولدی هامی جمله بیر بیر ائللری گلمدون قارداش ندن ساوه ده سن دادیمه اهل قم چخدی هامی گورجک استقبالیمه ائتدیلر عرض ادب هم آغلیوبلار حالیمه آرزو ایلر هامی تا من یتم آمالیمه وئردی رونق اهل قم با صفا اجلالیمه #یادگار_غمکش 🏝🏝🏝🏝🏝🏝

🏴حضرت امام حسن مجتبی علیه السلام ✍مرتضی اسکندری ( ساعد) بانوای:کربلایی منوچهر حسن زاده دور یاتما زینب آی بختی قاره اودلاندی سینم گل ایله چاره فتنه لردن داخی جانه گلدیم آند اولا مرتضایه دینجلدیم جان حسن جان حسن جان حسن جان(٢) دور سسله گلسون مظلوم حسینی محبوب ر خلاقِ عالمینی گویلوم چوخ ایستور نور دو عینی مهمانم ایندی پروردگاره جعده مسموم ایدوب مجتبانی قاره پوش ایله دی ماسوانی جان حسن جان حسن جان حسن جان(٢) آچ گوزلرون ای کانون رحمت قوی مجتبانون باشینه منت دور سسله گلسون دریای غیرت تاپشور حسینی اول نامداره جان سنون زینبیم جان حسینون قویما تک قالسون نور دوعینون جان حسن جان حسن جان حسن جان(٢) قربانون اولّام ای دلشکسته آچ گوزلرون ای بانوی خسته دور باشیمی آل دیزلرون اوسته اکبادیم اولوبدور پاره پاره لبلریمده باجی لخته قان وار گورسه منی بالالاریم قورخار جان حسن جان حسن جان حسن جان(٢) گوز یاشیمی خون ِ قلبه قاتما گوزدن منِ بی نوانی آتما جانیم چیخونجا صبرایله یاتما قوی جان ویریم آسوده نگاره گر چه زهرادن یادگارم من درد بی درمانه دچارم من جان حسن جان حسن جان حسن جان(٢) دل ویرموشم پیمان السته من نیله مشدیم جعده ی پسته بیر کوزه قویموشدی باشیم اوسته بیر جرعه ایچدیم یاندیم شراره ئوز عیالیم منه اولدی قاتل کوزیه توکدی زهر هلاهل جان حسن جان حسن جان حسن جان(٢) ای مجتبانون آرام جانی عرشه ا وجالتما آه و فغانی سال یاده زینب کرب و بلانی یردن اوجالسا عرشه شراره اودلاسا قوم کین خیمه گاهی سن اولارسان قیزلارون پناهی جان حسن جان حسن جان حسن جان(٢) @Hazrate_Abalfazll

🏴حضرت امام حسن مجتبی علیه السلام ✍مرتضی اسکندری ( ساعد) بانوای:کربلایی منوچهر حسن زاده دور یاتما زینب آی بختی قاره اودلاندی سینم گل ایله چاره فتنه لردن داخی جانه گلدیم آند اولا مرتضایه دینجلدیم جان حسن جان حسن جان حسن جان(٢) #سلیم_نظرآباد #کربلایی_منوچهر_حسن_زاده #کربلایی_مرتضی_اسکندری #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

✔️شهادت امام حسن مجتبی علیه السلام بانوای:کربلایی منوچهرحسن زاده شاعر: رامین محمدزاده ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » #رامین_محمد_زاده(پریشان) #کربلایی_منوچهر_حسن_زاده #سلیم_نظرآباد #پیشنهاد_دانلود #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

باشیم اوسته اغلاما ای روحیمه ریحان حسین صبر ائیله بو قدری ایتمه ناله و افغان حسین اوز اویمده محرمییم ظلمینده طغیان ائیله دی سینمی زهر جفا ییله بیله قان ائیله دی آل طاهانی بو ظلمیله پریشان ائیله دی صبر ائیله قورتاردی وصلت باشلانیر هجران حسین آغلاما ائتمه بو قدری شیون و آه ونوا وارسنون باشیندا قارداش چوخلی غملی ماجرا چوخ زمان چکمز سنی لب تشنه قوم اشقیا کربلا ده ائیلییلر قانیوه غلطان حسین گرچه قلبیم داغلانوب آتشفشان مثلی یانار یادیمه کرب وبلا دوشدوقجا قلبیم اودلانار زهریلی شمشیریلن جسمون او چولده دوغرانار اوستوه هر سمتیدن لشگر توکر پیکان حسین دعوت ائیله للر اول ده کوفیان مهمان سنی سیندیریب بیعت قویاللار زار و سرگردان سنی سو کنارینده کسلر تشنه لب قربان سنی قدرینی بیلمز امامین امت نادان حسین من سنه باخدوقجا درد بیکرانه آغلارام قانلی لب لرده جفای خیرزانه اغلارام اوز غمیم یاتدان چیخیب بیر ائیله جانه آغلارام ظلمیده اهل جفا قویماز قالا نقصان حسین آیریلق هنگامی قارداش قلب زاری داغلاما من سنه قربان اولوم ای تشنه قربان اغلاما سیل دوداقیمدن قانی اشکین عذاره باغلاما قارداشین جان اوسته دی بیر آز اوخی قران حسین دیلده چوخ گیزلین ملالیم وار یوروب محنت منی چاتدی کامه بو گئجه زهریله دینین دشمنی آل اطهاری سنه ،اللهه تاپشریدیم سنی من که گئتدیم وار قاباقدا غملی بیر دوران حسین طشته چوخ باخما ملالیلن برادر یوم گووزن شعله ور ائتمه اورکده اتش هجرین کوزون گل دانیش آهسته اولسا سینه ده هرنه سوزون دم غنیمت دور هله تا وار بدن ده جان حسین یاندی قلبیم دوغرویوب اکبادیمی زهر جفا اوزائویم ده اولموشام بو درده قارداش مبتلا قان گورنده قان ائدیر بو قلب زاری کرب و بلا اول مناده ذبح اولار یئتمیش ایکی قربان حسین #مدهوش #محمد_هوشمند

احوالات حضرت امام حسن مجتبی (ع) ای      غمکشیده      خواهریم آچ    گوزلرون    زینب   اویان زهریله        یاندی        لبلریم آچ    گوزلرون    زینب   اویان **** دور   گور نئجه   بو چرخ  دون ایلر    منی       سندن      کنار جور    و     جفای     جعده دن بو    دل     دوداقیم     اودلانار تاثیری  وار   قلب  اود  دوتوب بیر    پارچا     آتشدور     یانار سوندورموری    اشک     تریم آچ    گوزلرون    زینب   اویان بیر   باد   ظلم   اسدی    باجی یکسر     پوزولدی      گلشنیم ایچدیم  سویی  سیراب  اولام اود   دوتدی   یاندی   خرمنیم بیرده       آچیلماز     بولموشم گلشنده      سرو       سوسنیم صولدی    سارالدی      گللریم آچ    گوزلرون    زینب   اویان از بس   باجی   خرسند    ایدر بو      دعوت     جانان      منی یاریم         ضیافت     خانه ی عشقه    ایدوب   مهمان   منی زلف        نگاریم       گورسنور هر  دم    ایدر    حیران     منی حسرتله     آغلار        گوزلریم آچ    گوزلرون    زینب   اویان باجی     آییلسان       خوابیدن معلوم    اولار    حالیم      سنه گول   صاحبی     ایلر      علاج آفت         دوشنده        گلشنه ای    من       غریبه      باغبان دور   چاره    ایله    سن     منه ای         جانشین        مادریم آچ    گوزلرون    زینب   اویان از بسکه   دل   تشویق   ایدور لرزه        دوشوبدور     جانیمه سرّی    اودور      بو      نوعیله باعث         اولور        افغانیمه دور       بی  پدر       اطفالیمی جمع     ایله      باجی    یانیمه موجه       گلوبدور       غملریم آچ    گوزلرون    زینب   اویان دور    ویر    خبر     قارداشیمه بولسون     منیم        احوالیمی ویرسون      تسلّی        قلبیمه سیلسون    بو    اشک   آلیمی گورسون    نئجه    دورِ    فلک قویدی      یتیم        اطفالیمی اولسون     حسینیم      یاوریم آچ    گوزلرون    زینب   اویان دور     پر شکسته       قوشلارا آماده      ایله      بیر      قفس قاسمله                 عبداللهیمه عبّاسیم     اولسون     دادرس تنگ     اولیدی      میر    قافله باجی دوشوب سسدن  جرس قوینومدا       قالدی      اللریم آچ    گوزلرون    زینب   اویان بو    شاهراهی     ای       باجی جدّیم    بیزه   ویردی    نشان ظلمیله     مسموم        ایتدیلر پیغمبری         بو        کوفیان حیدر     قلجلاندی   ،    حسن زهریله     اولدی       باغریقان قورتولمیوب            محنتلریم آچ    گوزلرون    زینب   اویان یرده    حسینی     ای     باجی قوم    کین      ایلر       بند بند باشی         اوجالسا       نیزیه اسلامی       ایلر       سر   بلند دردینده       قارداشیم     ایدر دنیانون      اهلین        دردمند آغلار      ((  ثریّا  ))       نوکریم آچ    گوزلرون    زینب   اویان ✍مرحوم ثریا تبریزی 🏴🏴🏴🏴

زبانحال حضرت امام رضا (ع) بانوای کربلایی منوچهرحسن زاده مرحوم کهنمویی و مرحوم ساعی تبریزی . معصومیه ای باد صبا گیت خبر ایله قارداشون ئولور طوسه باجی بیر گذر ایله . بو گوشۀ غربتده منیم یوخدی پناهیم هر لحظه اؤرکدن اوجالور شعلۀ آهیم اودلی دلیمه گوزده کی گوزیاشی گواهیم باخ حالیمه جاری یوزه اشگ بصر ایله . بو زهر جفا چوخ منیم آرامیمی آلدى گوز یولدا یوزوم یرده الیم سینه ده قالدى نه گلدی جوادیم نه باجیم صبریم آزالدی تعجیل ایله گل آز منی خونین جگر ایله . چوخ سعی ایدرم بلکه بو قلبیم تاپا آرام آخر نفسیمده سنیله قول بویون اولسام غربت غمی تخفیف تاپار کام دل آلّام گل بو دل پردرد ده دفع کدر ایله . هجران اودی هر لحظه یانار سینه نی داغلار گل قویما قالا قارداشوین گوزلری آغلار بو رسمدی قارداش گوزین آغلار باجی باغلار قارداشون ئولور طوسه باجی بیر گذر ایله #سلیم_نظرآباد #کربلایی_منوچهر_حسن_زاده #پیشنهاد_دانلود @Hazrate_Abalfazll

☑️احوالات امام حسن مجتبی (علیه السلام) نه بهارین نه گُلون نه چمنین عاشقیم نه ده آهو کیمی دشت و دمنین عاشقیم نیلورم گلشنی بیر گون سولاجاق خوار اولاجاق نه شقایق نه ده کی نسترنین عاشقیم قالمیوب هئچ کیمه دنیا،منه ده قالمیاجاق دئمرم شوکت چرخ کهنین عاشقیم منده بیرگون ئولرم، بیرجه وصیّت ائدورم سنگ قبریمده یازون پنج تنین عاشقیم احمد و حیدرو زهرا،و حسن بیرده حسین ایکی دنیا بو گؤزل انجمنین عاشقیم حضرت فاطمه نین نوکرینون نوکریم شیعیان شه خیبر شکنین عاشقیم هرکس اوز دلبرینون سؤزلرینه عاشق اولار من ولیکن ایکی شیرین سخنین عاشقیم بیری مولای حرمدور ،بیری دریای کرم ایکی شهزاده حسین و حسنین عاشقیم بیرینون قبری بقیعده ائله نسگللی یاتوب ای مدینه،او غریب وطنین عاشقیم بیریده کرب و بلانی ائلیوب کعبهٔ عشق نوکرم من او شه ممتحنین عاشقیم بیرینون پارچالانوبدور اوز ائوینده جگری ظلمیلن سو یئرینه زهر ایچنین عاشقیم بیرینونده بئلی سیندی کمکی باتدی قانا نهر علقمده او قولسوز بدنین عاشقیم آغلا شیعه بیرینون اوخلادیلار تابوتین یاندیم الله بئله مظلوم ئولنین عاشقیم بیریده ایستی قومین اوسته سوسوز جان وئردی اورگیم قاندی شه بی کفنین عاشقیم گؤردی زینب ائله بیر حالدا حسینی کی دئدی یوسفیم غارت اولان پیرهنین عاشقیم باجون ئولسون بو نه حالتدی تانینمور کیمسن بلبلم پرپر اولان یاسمنین عاشقیم حسنه آغلامیشام چوخ سنه ده آغلیارام من که بیر عمریدی درد و محنین عاشقیم هانی بیر یئر که ننم تک الییم گؤز یاشیمی سئورم خلوتی بیت الحزنین عاشقیم انتظارینده دی ((صادق)) آقاسی مهدینون سویلویر منده امام زمنین عاشقیم

رحلت حضرت رسول اکرم (ص) ••••••••••••••••••••••• بیست‌وهشتِ‌ صفرِ اؤن‌بیرِ هجرت گئجه‌سی گؤرسنیب‌ حضرتِ‌ پیغمبره رحلت گئجه‌سی ••••••••••••••••••••••• روح پیغمبر ائدیر جنت‌الاعلایه سفر آلیب اطرافینی ایستکلی‌لری دیده‌سی‌تر نازپرورده قیزی جاری ائدیر اشک بصر حضرت فاطمیه اولدی مصیبت گئجه‌سی ــــــــــــــــــــ بانگ‌ ماتم اوجالیب گؤیلره هرمأوادن یِئر اوزی ماتمه باتدی بو غم عظمادن یعنی پیغمبر اسلام گئدیر دنیادن آل‌ طاهایه نمایانیدی محنت گئجه‌سی ـــــــــــــــــــ ایکی‌ عدّه سئوینیر تِئز قوتارا عُمرِ رسول! بیر گروهی‌کی اولوب حکم‌ غدیر اوسته ملول ظاهراً جِزیه‌ وِئرن‌لرده‌کی ائتمیشدی قبول باشلانیر زمزمه بَلّلندی ریاست گئجه‌سی ــــــــــــــــــــــــ زهر دیرینه سالیب رَعشَه پیمبرجانینا تبِ‌ رحلت اثر اِئتمیشدی اوحضرت قانینا سسلدی اهل‌وعیالین هامی گلدی یانینا لحظهٔ آخر عمرایدی بودعوت گئجه‌سی ــــــــــــــــــــــــ ایسته‌ییردی‌ قلم‌ و کاغذ او کانون‌وفا آخر عُمرِ مبارک‌ده اِئده بیر سؤز اَدا بیر نفر مانع اولوب قیلدی بو موردده جفا اِنَّ  اَلْمَرْءُ لَیَهْجُرْ دئدی صحبت گئجه‌سی! ــــــــــــــــــــ بو آغیر تهمت اثر ائتدی گلن اصحابه اعتراض ائیله‌دیلر اِبنِ‌ اَبي‌الْاَنْصابَه دئدی قرآن بیزه بسدیر سؤز آتیب اعرابه ظالمِ اوّله لعنت اوخی لعنت گئجه‌سی ـــــــــــــــــــــــــــ بستر رحلت ایچینده او حبیب داور امّتین‌دن نگران قالدی گؤزل پیغمبر آلیب اطرافینی اولاد بتول اطهر زینبین‌ و حسنیینه اولوب حسرت گئجه‌سی ــــــــــــــــــــ اوغلویوخ‌ قارداشی‌یوخ‌ باجی‌سی‌یوخ‌ وای‌ سؤلییه تک وجودی‌کی اوناکیمدی بوگون اَشک اَلییه گؤزونون نوری فقط بیر قیزی‌دیر نوحه دییه نئجه‌کی آغلادی هجرانینه هجرت گئجه‌سی ـــــــــــــــــــــ دست پیغمبری آلدی الینه شاه ولا گاه آچیرگؤزلرینی گاه یومور خیرالوَرا آل هاشم باشینین اوسته اِئدیر آه و نوا اولوب اصحاب وفاپروره فرقت گئجه‌سی ــــــــــــــــــــــ دیزینین اوسته علی آلدی پیمبرباشینی ائله آهسته تؤکور صورتینه گؤزیاشینی صبح اولونجاق فلک الدن آلاجاق قارداشینی شام هجرانه مبدّل اولی وصلت گئجه‌سی ــــــــــــــــــــــ مرتضی گؤردی او دم یارین آتیب یار گئدور چاره یوخ گئتملیدور یار و فادار گئدور دئدی آماده اولون احمدمختار گئدور اهل اسلامه ولی اولدی قیامت گئجه‌سی ــــــــــــــــــــــ ائتدی دنیانی وداع سرور و سالار اُمم مرتضانین یوزونه اولدی جری اهل ستم بیعت اوسته قاپیسین چکدی‌ اودا قوم ظُلَم یازدیلار صفحهٔ تاریخ‌ده بدعت گئجه‌سی! ـــــــــــــــــــــــ او شقی‌لر کی چکیب باغلادی طاها قاپیسین شعله‌ور اِئتدیله ظلمیله او مولا قاپیسین گون‌ گون‌اورتا چاغی یاندیردیلا زهرا قاپیسین! او زمان‌دان گؤرونوب شیون‌وظلمت گئجه‌سی ــــــــــــــــ قاپینی یاندیران اشرار اولوب بانی شر شرّه فتوا وِئرن البته گؤرر عمده ضرر اَللی ایلدن صورا بیر واقعه‌نی اِئتدی ثمر هجرتین آلتمیشی اوج ائیلدی غارت گئجه‌سی ــــــــــــــ گلدی غارت‌ سؤزو یافاطمه امدادیمه گل کوفه اجلافی تاپیپ زینبین اجلالینه ال خیمه‌لر یاندی دگوب بیربیره اوضاع ملل قاچاقاچ دوشدو یانان خیمه‌ده وحشت گئجه‌سی ـــــــــــــــــــــــ یانار اوددان قوتاران قانلی‌ بیابانه قاچور بیری نهرعلقمه‌ساری بیری‌میدانه قاچور بیری سسلور بی‌بی‌سین چاره‌ودرمانه قاچور او گئجه اولدی خانم زینبه شدّت گئجه‌سی ـــــــــــــــــــ بیری سسلور گولووی ائتدی خزان زحمتِ خار بیری سسلور بی‌بی اولدوم ‌نئجه‌ گؤر درده دچار تیکان اوستونده قاچان‌دا آیاقیم اولدو قابار عمه عمه چاغیریر هر قیز اسارت گئجه‌سی ــــــــــــ اولدو«ستاری»بوگون حضرت طاهایه دخیل بالاسی فاطمه‌يه اُمِّ‌اَبیهاٰیه دخیل اول رقیه بی‌بی‌سی زینب‌کبرایه دخیل بو خانم حلّ ائله‌ییر مشکلی خدمت گئجه‌سی التماس دعا اکبرستاری 🏴«قیزیل‌قلم»🏴

عزاداری حضرت زهرا (س)در ماه صفر عزاداری حضرت زهرا (س)در ماه صفر گینوبدی    قاره     زهرا      شه    انبیایه     آغلار گهی سسلنر حسن  وای  گه  امام  رضایه  آغلار بو   جهانیدن    یوموبدی گوزونی   رسول   اکرم دوتوب  انس  و  جنّ   عالم او  عزیز  حقه   ماتم بابا وای  دیینده   زهرا   اولار    آغلاشور   دمادم ائلیور   فغان   و   ناله    هامی   مصطفایه    آغلار توکور اشک   غصه  ییرگوی  او  رئیس  مرسلینه دوتوب عالمی  بوتون غم چون ئولوب شه  مدینه دیور  عالم   اهلی نوحه  وئریلور  بو  غمده  سینه اورگی   دولوبدی   زهرا    شه    ماسوایه    آغلار دئمه    اولمیوبدی    لرزان   بوتون عالم  و  فلکلر اولونوب     سماده    غوغا    گیینوب   قرا    ملکلر بو  محنده    بو  عزاده     دولانوب    قانا    اورکلر قیزی  فاطمه  دوتوب  یاس  اوزی  مقتدایه آغلار گه  اوغول  غمینده   زهرا  توکر اشک  غم عذاره بالا وای   دیر   بو غمده  غم  اودی  چکر  شراره جگرین    یارادی    اوغلوم   حسنه   ائدر  اشاره گهی   مصطفی  غمینده   گهی   مجتبایه     آغلار دییر  ای  حسن    عزیزیم   منه  ای  بهالی گوهر سنه ظلم  ائدوبدی جعده جگرین  یارادی یکسر توکولوبدی طشته گورّم داخی دوغرانوب  جگرلر بئله   غمده   شیعه  یکسر دیل آچوب نوایه آغلار حسن   ای  عزیز   داور حسن   ای  وفایه  مظهر گل    گلشن    پیمبر   حسن    ای    گل     معطر بالا   وای    دیینده    مادر    پوزولار  بو  آل حیدر هامی سس  چکوبدی  دیلدن  ائله دلربایه  آغلار بالاسی   رضا  غمینده   بو خانم   ائدردی  افغان بالا   وای   دیلینده  گویا   اولوب   عازم خراسان بالاسین گوروب  او  یرده  جگری یارا وئرورجان او   غریب   طوسی  اوخشار ائله  مه  لقایه  آغلار گورورم اوغول  سالوبدی سنی غم  دئدی فشاره داخی ظلم ائدوبدی مأمون  چاغیروبدی  بو دیاره سنه  وئردی  زهر  او ظالم  جگرین اولوبدی یاره بو  یره   گلوبدی   زهرا    سن   جانفدایه    آغلار گورورم اوغول  دوشوبسن اوزاقا  بوگون وطندن آنان   آیری   دوشمور   اما  غم و غصه و محندن گهی   مصطفی  غمیندن   گهی  محنت  حسندن گهی    بی کفن    یارالی    شه    کربلایه    آغلار نجه صبر    ائدر   آناسی بو حسین دوشنده  یاده گتوروبدی    خیمه گاهه    دیر    اوغلونی    عباده (( رضوی )) دییر  حسینون  قدی خم اولوب مناده بوکولنده    نعش    اکبر    او گونی  عبایه    آغلار ** محمدرضا بیگلی (رضوی زنجانی) برچسب‌ها: محمدرضابیگی رضوی زنجانی

رحلت حضرت محمد ( ص ) رحلت حضرت محمد (ص) رحلت    ایدوب   حضرت   طاها   بوگون وای   بابا  وای   سسلوری   زهرا  بوگون غم  یتوب   حسینه  -   ماه      مشرقینه ملک لر آغلار  (2) بزم     عزا      روضة     رضوان     اولوب اهل    جنان    زار   و    پریشان    اولوب ما  خلق  الله     هامی     گریان     اولوب آغلوری   ما سوا    -  دلده   وا   مصطفی ملک لر آغلار  (2) یاسه     باتوب      ناله       ائدر       انبیا جنّت          فردوسیدی        ماتم    سرا حور   و   ملک    ایلوری     نی تک     نوا قدسیان  روضه  خوان – غمزده  حوریان ملک لر آغلار  (2) ترک   جهان   ایتدی   بو گون   مصطفی عرش     خداونده         چکیدی        قرا مجلس   ماتم    اولوب    ارض   و   سما دخت   خیر   الورا  - سسلنور   وای   بابا ملک لر آغلار  (2) رحلت     ائدن     وقته       رسول     خدا گوردی    قیزی     فاطمه     ایلور       نوا سسلدی   گل    یانیمه    چوخ      آغلاما فاطمه      آغلاما  -   قلبیمی       داغلاما ملک لر آغلار  (2) رأفت      ائدوب       دختر      مدهوشینه اولمادی       حالی         آلا        آغوشینه سویلدی    بیر  سوز   خانیمین   گوشینه دینمیوب شاد اولوب – غمدن آزاد اولوب ملک لر آغلار  (2) بیر    نفر     اصحابیدن    ائتدی    سوال مطلبی    یا    فاطمه    قیل   شرح    حال وئرمزیدی   گوزده     سرشکین    مجال نه  بویوردی  آتان – اولمور اشکون روان ملک لر آغلار  (2) وئردی       جواب      دختر      خیر الانام بیله     بویردی    منه     ایمدی        آتام صبر   ائله     دوز    آغلاما    زهرا    بالام تئزلی    دینجلورسن – یانیمه   گلورسن ملک لر آغلار  (2) آغلادی      زهرا     دیدی    ایوای     بابا ساق     طرفینده        حسن       مجتبی صول       طرفیمده      شه     کرب و بلا باشی  اوسته   علی – اول   شه   منجلی ملک لر آغلار  (2) قویدی   حسین   سینه سی  اوسته  الین گورجک    اولوب   شیر   خدا     دلغمین توکدی    او دم    صورته    اشک   ترین سسلدی شاه دین - تئز الون چک حسین ملک لر آغلار  (2) گوز    یاشیمی    خون    دله    قاتما سن آغلاما     سن      جدیوی     آغلاتما سن سینه سین   ال   قویما     آغیرلاتما سن گورمیسن خسته دی – ایمدی جان  اوسته دی ملک لر آغلار  (2) یا  علی     اولسون    سنه    جانلار    فدا دوشدی    بو     یرده       یادیما     کربلا اوغلون حسین  سینه ده دورت مین  یارا تشنه    لب     یارالی –    ائلیندن   آرالی ملک لر آغلار  (2) کاش    گلیدون     او    زمان     یا   علی شمر   چیخوب    سینه سینه    چکمه لی چکمه      آغیردی    یا    حسینون     الی سینه سینده   اوخلار – یاره لر  سیزیلدار ملک لر آغلار  (2) من    دئمورم   سینه ده   یوخ   یاره سی وار   یارالی    جسمیده   چوخ   یاره سی قلبیده   اوچ    شعبه لی   اوخ   یاره سی قتلگهده  یالقیز – کومک سیز  اوغولسیز ملک لر آغلار  (2) ((  احمدیان ))     نی کیمی     ایله       نوا شام     و   سحر    ساخلا   حسینه   عزا ایسته     همی    مکه      همی       کربلا عرض   قیل    گدایم –   درده     مبتلایم ملک لر آغلار  (2) ** حاج اصغر احمدیان خسرو شاهی برچسب‌ها: اصغر احمدیان خسروشاهی