(نوحه شهادت امام رضا و گریز ب قتلگاه امام حسین) (با اهنگ میگذرد کاروان...) گل آنا اوغلون رضا سوز و گداز اوسته دی جان یتیشیب لبلره   راز و نیاز اوسته   دی          قلبیمی زهر ائتدی قان ننه        غربتده  من    وئرم  جان تته خوشه ی انگوری من میل ائلدیم  آی ننه پارچالادی قلبیمی زهر جفا وای       ننه آل باشیمی سینوه چال منه لای  لای   ننه غربتین اهلی عجب  خلقه نساز  اوسته دی        قلبیمی زهر ائتدی قان ننه        غربتده  من    وئرم  جان تته مثل حسین هی رضا یئرده چکیردی    ئوزون گرد غریبی دوتوب گورنجه  زیبا        یوزون گاهی آچور گوزلرین گاهی یوموردی  گوزون لبلرینی  قان دوتوب  گوزلری  ناز اوسته دی        قلبیمی زهر ائتدی  قان ننه        غربتده  من    وئرم  جان تته گوی دئیوم ایندی سوزی قلبیلره اود   سالیم سویلدی اوغلوم یتیش دادیمه  دردین     آلیم پیکریمی ائت کفن قویماکی  یئرده      قالیم  روحیم اوچوب گویلره  خط  مجاز   اوسته دی        قلبیمی زهر ائتدی قان ننه        غربتده  من    وئرم  جان تته قالدی رضا اول زمان مثل حسین  بی    کمک گوهره زرگر  آخی وئرماز     عزیزیم    محک کرب و بلاده اوگون آغلادی   انس و      ملک گوردولر پیره زمان    کوی  نیاز  اوسته  دی        قلبیمی زهر ائتدی قان ننه        غربتده  من    وئرم  جان تته دوشدی حسین توپراقا سینه ده اوچ شعبه اوخ یاره دئیوبدی اوقدر اوخلارا  هیج سایغی   یوخ مقتلیده تک حسین  قاتل و   جلادی         چوخ خنجرینی شمر چکوب تشنه بوغاز    اوسته دی        قلبیمی زهر ائتدی   قان ننه        غربتده  من    وئرم  جان ننه تله باخور      منتظر     زینبی    تلدن      گله قلبینی یاره ائدوب تیریله    حیف         حرمله شمره دئدی بیر نفر  بسدی  اوتان شرم    ائله اللها دردین دئیور  ایندی  نماز        اوسته دی        قلبیمی زهر ائتدی   قان ننه        غربتده  من    وئرم  جان ننه خنجری چکدی باشا توکدی  گوزونون   یاشین شمر دنی اول زمان کسدی حسینون    باشین ال باشیدا سسلیور باجیسی ئوز     قارداشین قالدی نه حاله خانیم  سوز حله راز  اوسته دی        قلبیمی زهر ائتدی   قان ننه        غربتده  من    وئرم  جان ننه 🌺شعر اثر طبع(حسین خدایی     ✨اَللّهُمَّ عَجِّل لِوَلیِّکَ الفَرَج✨

شام غریبان امام رضا ع قاره چکیلیب دیر بو گئجه ارض و سمایه یا فاطمه گل شام غریبان رضایه اگهسن اوزون حقه وفاداری دی شیعه اگنیندا قرا زار و دل افکاری ده شیعه غربت ده کی مظلومه عزاداری ده شیعه گل سنده عنایت ائله بو بزم عزایه یا فاطمه گل شام غریبان رضایه مامون دنی ایلمه د ی شرم خدادن مسموم ایله دی اوغلوی انگور جفادن اکبادی دوتوب اود یانیری ظلم و جفادن تقدیر ائلییب دکتری محتاج دوایه یا فاطمه گل شام غریبان رضایه غربت ده غریب اوغلوون اشکی اخا راغلار حسرتله مدینه یولونا هی باخاراغلار بیر اه چکیب کون و مکانی یاخار اغلار گویا دم اخیر سوزی وار نازلی بالایه یا فاطمه گل شام غریبان رضایه یا فاطمه گل بیر دم اخر باشی اوسته گور اولدی از عمرونده نجه ظلمله خسته یوخ طاقت دی از بس ائلیوب زهر شکسته یوخ دادرسی ائیله خبر العبایه یا فاطمه گل شام غریبان رضایه زهرین اثریندن گلیری اه و فغانه قلب یانیری گوزدن اولور اشکی روانه سسلیر سنی امدادینه هردم یانایانه عالمده دوزر کیم بو قدر دردو بلایه یا فاطمه گل شام غریبان رضایه #مدهوش #هوشمند

نوحه امام رضا علیه السلام آذری ازکربلایی طاهرنوروزی 🌴 اوغلوم جواد امداده گل حالیم یاماندی زهر جفادن لبلریم قانه بویاندی تزگل هرایه،،،،، دوشدوم بلایه 🌴🌴🌴🌴🌴🌴🌴🌴🌴🌴 زهرجفادن گور نجه مسمومم اوغلوم حالیم پوزولدی آهیله مغمومم اوغلوم جدیم کمی بو اولکده مظلومم اوغلوم تزگل هرایه ،،،،،، دوشدوم بلایه 🌴🌴🌴🌴🌴🌴🌴🌴🌴 یوخ بیر نفر آلسین خبر نولدی بودمده رنگیم منیم مانند گل سولدی بودمده گوزلریمه زهریله قان دولدی بودمده تزگل هرایه ،،،،،،،دوشدوم بلایه 🌴🌴🌴🌴🌴🌴🌴🌴🌴🌴 عترتیم آغلاشدی اوگون طوسه گلنده مأمون دون سالدی منی ایندی کمنده حسرتله گوزلریم. قالوب الآن وطنده تزگل هرایه،،،،،، دوشدوم بلایه 🌴🌴🌴🌴🌴🌴🌴🌴🌴🌴 غربت مکاندا گوزلریم گریاندی تزگل زهرجفادن بو جگر دوغراندی تیز گل جسمی سراسراوددوتوب اودلاندی تزگل تزگل هرایه،،،، دوشدوم بلایه 🌴🌴🌴🌴🌴🌴🌴🌴🌴🌴 گل سینوی بو غصه ده داغلا جوادیم یوخ آغلیانیم سن منه آغلا جوادیم جان اوستیم گل گوزلریم باغلاجوادیم تزگل هرایه ،،،،،،دوشدوم بلایه 🌴🌴🌴🌴🌴🌴🌴🌴🌴🌴 نوروزی یاز طوس اوخشادی کربوبلایه اهل شقاوت ظلم ایدوب شاه ولایه بیر عده شیعه لر گلوب آه و نوانیه تزگل هرایه،،،،،، دوشدوم بلایه

عرض ارادتی خدمت امام رئوف حضرت ثامن الحجج علیه السلام وبا استعانت از شاهکار مرحوم حسینی سعدی زمان (با آهنگی زیبا و شور انگیز زینتِ طوس ، اَبالحسن شَمسِ شموس ، اَبالحسن عشقیوه ، مُبتَلایم سائلِ ، بینوایم کَرَم قیل ، جانِ زهرا اَلی بوش ، بیر گَدایم لُطفووه ایتمیشم ، همیشه عادت شَه ایدَر غُلامه چونکی عنایت گویلومه ، دوشوبدی، شوقِ زیارت قبروندن اوتری گوگلوم اَسور مثل برگ بید بیر سائلم قاپوندا سیَه روی و مو سفید ویرّم قسم جوان بالاوا ایتمه ناامید قیل مُفتخر عنایتیوه یا ابا الحسن السُّلطان ، ابا الحسن وَجهِ خُدا ، نورِ جَلی کانِ کَرَم ، مِثلِ علی بَرتر از ، هر بَیانسان عزّتِ ، شیعیانسان اولموسان ، بِیله مشهور امامِ ، مهرَبانسان نَظر قیل، گَدایه ، ای گُلِ رضوان سُفره ی ، لُطفووه ، قیل منی مهمان جانِ نا قابلیم ، آدیوا قربان سن مظهر جمالِ خدای عَطوف سن کَشّافِ هَمّ و غَمّ و کُروب و لُهوف سن معروف سن بو اِسمه امامِ رَئوف سن جانلار فدا عطوفتیوه یا ابا الحسن السُّلطان ، ابا الحسن جلوه گَرِ ، خاتَمِ عشق بَحرِ سَخا ، حاتَمِ عشق مُعینَ الضُّعَفاسن غَریبَ الغُرَباسن همیشه ، زائرون وار کی حَجِ ، فُقَراسن قلبیمی ، قان ایدوب ، تیرِ فَراقون دوتور خسته دیلیم گینه سُراغون نولور بیرده منی اِیْله قوناقون ای جود و بخشش و کَرَم و فضل معدنی اوغلون جواد جانینه ویرّم قسم سنی بیرده قوناق چاقور او گوزل قبریوه منی مشمول قیل کرامتیوه یا ابا الحسن السُّلطان ، ابا الحسن ای گول آدی ، قلبه جَلا یارِ دلِ ، اَهلِ ولا عالَمه ، ای شَهنشاه درگَهون ، حَقّه درگاه اَلیمدن ، دوتماسِیدیز اولاردیم ، منده گُمراه مُریدم ، مُریدِ ، راهِ ولایت دامَنون ، دوتموشام ، تاپام جَلالت عُمرومون ،کاش اولا ، خَتمی ، شهادت جدّون اوزی بیله بویوروبدی مُفَضَّله قرآندی اصل مدرکی، روشندی مسئله واللهی قبریدن دوراجاقدی گوله گوله قائل اولان ولایتیوه یا ابا الحسن السُّلطان ، ابا الحسن #امام_رضا_علیه_السلام #ثامن_الحجج التماس دعای فرج الاحقر مهدی عبادی

زینت طوس اَبالحسن

عرض ارادتی خدمت امام حسن مجتبی علیه السلام (مناسب برای آهنگهای مختلف) ای زَهرِ کینه قلبین ، سوزان ایدن حسن جان زهرایه جَنَّت ایچره ، مهمان گیدن حسن جان کانِ کَرم حسن جان ای بی حرم حسن جان دردین کیشی ایوینده ، سویلَر وفالی یاره غَمخوار اولار عیالی ، اِیلَر او درده چاره سالدی وفاسیز عورت ، درده سنی دوباره نامَحرم اولدی مَحرم ، بولمَم نَدن حسن جان اصحابِ بی وفاچوخ ، ایتدی سنی اذیّت واردار ایدوبله صُلحه ، چَکدون نه چوخ مصیبت خنجر جراحتیندن ، جسمونده وار علامت ایتدی هَره جَسارت ، بیر گوشه دن حسن جان قبره گیدنده نَعشون ،گلمیشدی دوزدی چوخلار کیم بیر امام جسمین ، آخر بو نوعی یوخلار؟ گویا او پیکروندن ، چخموردی بعضی اوخلار گیتدی مزاره آخر ، قانلی بدن حسن جان مظلوم اولان سنون تَک ، واردور جهاندا آیا؟ بِش ، آلتی سینّیدِیدون ، حَشرون اولوبدی برپا سن اوندا جان ویریبسن ، گوردون یخیلدی زهرا دوشدون اودور اَیاقدان ، سن غُصّه دن حسن جان بیر تنگ کوچه افسوس ، تنگ اولدی رهگذاره بیر اَل گیدیب هوایه ، رَدّی دوشوب عُذاره دردین آپاردی گیزلین ، آخر آنان مَزاره توپراقه قان سوزوبدی ، گوشواره دن حسن جان ثانی یارالی بیر گول ، توپراقلار اوسته سَردی بیر گول یوزونده اَکدی ، بیر قانلی گولده دَردی بیر سیلی دَیدی اَمّا ، صاقی صولی گووَردی بِیْله سولان گُلُستان ، یوخ گورسه دن حسن جان شیعه سنه حسن جان ، آخر حرم دوزه لدَر شایسته بیر ضریحی ، چوخ محترم دوزه لدَر چون سن کریمیدون بیر ، بابِ کَرم دوزه لدَر دوشمَز یادا گورنده ، باغِ عَدَن حسن جان خونِ دیلون آخیبدی ، آخر دوداقلاروندان ظُلمیله آیری دوشدون ، مظلوم اوشاقلاروندان آلدیم خبر مزارون ، وضعین قوناقلاروندان پوزقوندی نه گَلن وار ، نه وار گیدن حسن جان #امام_حسن_مجتبی_علیه_السلام التماس دعای فرج الاحقر مهدی عبادی

ای زهر کینه قلبین سوزان ایدن حسن جان

سلام و عرض ادب خدمت حضرت ثامن الائمه علیه السلام ای ایدن جَنّت خراسانی سلام ا‌ولسون سنه دوندَرن فِردوسه ایرانی سلام اولسون سنه بیزدن سلام اولسون سنه رضا رضا ، رضا رضا ، امام رضا وَصفیوه عاجزدی دیل ای زاده ی فَخر الاَنام سن شَهنشاهِ دوعالَم منه سنه کمتر غُلام سینه ده دَستِ اَدب ،بوردان سنه ویررم سلام شامل ایت لُطفه نَواخوانی سلام اولسون سنه نوکرِ درگاهیوا ، شَهلر غلام و بَنده دی کیم پناهَنده اولا درباریوا ، ایمَنده دی هر ایکی عالَم آقا ، چَشمِ اُمیدیم سنده دی نا اُمید ایتمه باجون جانی سلام اولسون سنه دامَنون چوخلار دوتوب ای معنیِ حَبلُ المَتین هر نجه سائل گَلوب ، حفظ ایتموسن حِیثییَتین کیم سنی دوز سَسله سه ، حتماً آلار اوز حاجَتین عالَم ایچره ای کَرَم کانی سلام اولسون سنه شَهپَرین فَرش ایلیوب فوجِ ملائک صَحنیوه دسته دسته اَنبیا هر گوندی سالک صَحنیوه عالَمی دوتسا بلا ، گَلمز مَهالک صَحنیوه ای ضَعیفانین نگهبانی ، سلام اولسون سنه کیم گلوب پابوسیوه سندن عطا ایستیر آقا وار نچه بیماریمیز درده دوا ایستیر آقا بعضی زَوّارون ولی کرب و بلا ایستیر آقا اِیلَمه مأیوس مهمانی ، سلام اولسون سنه چوخ جواندان والِدینی ناگراندی سیّدی هِی چَکور ناله ، ایشی آه و فَغاندی سیّدی اَللریندن دوت اوزون آخر اَماندی سیّدی رَحم قیل سن بیل بالان جانی سلام اولسون سنه هر سینیق بیر قلب اولا ، نِی تک نواسی سنده دی غُصّه لر محزون ایدن ، دیللر صفاسی سنده دی ( بیکَس ) و درماندییم ، دردیم دواسی سنده دی آشِکارا یاکی پنهانی ، سلام اولسون سنه #ای-ایدن-جنت-خراسانی-سلام-اولسون-سنه #امام_رضا_علیه_السلام #ثامن_الحجج التماس دعای فرج الاحقر مهدی عبادی

ای ایدن جنّت خراسانی سلام اولسون سنه

عرض ارادتی خدمت امام رضا علیه السلام (با آهنگی جدید و شور انگیز) ای شاهِ ماسِوا ، علی موسی الرضا بو بَسدی اولموشام ، درگَهونده گدا پَرونده م سیاهیدی بو سوزده صادقم آقا ، بو سوزده صادقم آقا هر نجه نالایق اولام من سنه عاشقم آقا، من سنه عاشقم آقا رو سیاهم یابنَ زهرا ، عزّتیم سن سن رضا دهریده ، شأنیم ، وقاریم ، شوکتیم سن سن رضا یا رضا مولا رضا مولا رضا مولا رضا ای دریایِ کَرَم ، آدیوی سَسلرم اَربابیمسان منیم ، من سنه نوکرم فخریم دور کی نوکرم سنکیمی بیر شَهنشَهه ، سنکیمی بیر شَهنشَهه آنداولا معصومیه من گیتمرم آیری درگهه ، گیتمرم آیری درگهه قووما درگهدن منی ای جلوه ی ذاتِ صمد سایه ی لُطفونده مولا دالدالاننام تا اَبد یا رضا مولا رضا مولا رضا مولا رضا خَلٌاقِ عالمین ، ای گوزل آیتی ایرانین اَهلینین ، ای وَلی نِعمتی بو آسِتانِ رَحمتین بیر عُمرودور قوناغیوخ ، بیر عُمرودور قوناغیوخ فاطمه اوغلی سُفره وین شُکر اولا ریزه خواریوخ ، شُکر اولا ریزه خواریوخ زائرون سندن آلار ، لطفیله مولا توشه سین ویرمه رم مینلَر بهشته قبریوین بیر گوشه سین یا رضا مولا رضا مولا رضا مولا رضا رَحمَتوندن سنون ، عالَم شَرمنده دی وار دیلده دردیمیز ، چاره سی سنده دی رئوفِ آل مصطفی گَدالَرین گویلونی آل ، گَدالَرین گویلونی آل پابوسیوه سَسله صورا کرب و بلایه یولا سال ، کرب و بلایه یولا سال (اولموشام مُدّتدی قبروندن حسین دور آغلارام ئولمه سم گَلَّلم اورکده وار بو منظور آغلارام) یا رضا مولا رضا مولا رضا مولا رضا #ای-شاه-ماسوا #امام_رضا_علیه_السلام #ثامن_الحجج التماس دعای فرج الاحقر مهدی عبادی

ای شاهِ ماسِوا

عرض ادبی خدمت حضرت علی بن موسی الرضا علیه السلام دیمورم کی زائرون اولموشام بورا من زیارته گلمیشم اَلی بوش یوزی قَره بیر قولام قاپیوا عنایته گلمیشم سیزه فرقی یوخدی اوزاخ یاخین رَویشوز همیشه کَرَمدی بَس گَتیرَن منی بورا یا رضا بولوسن کی عشقیدی نه هَوَس منه سیزدن اوزگه سی سیّدی تاپیلار مگر اولا دادرس غم و غُصّه لر منی چوخ یوروب اودی من شکایته گلمیشم قاپوزا بیر عُمرودی سیّدی سیخیلوب قازانمیشام آبرو بولورم یوخومدی لیاقتیم دایانام ضَریحیوه روبَرو سیزه یوخدی گیزلین اولان سوزوم کی سایام حضوریوه موبَمو بولوسوز منیم هامی دردیمی طَلبِ سعادته گلمیشم قاپی باغلاماخ سیزه نَنگیدور بونی دُشمَنوزده بولور آقا گَلوب اوز دَواسینی تِز آلار اودی روز و شب هامی مُبتلا مین اُمیدیله بورا گلمیشم او کَرَملی اَللریوه فدا بورا کیم گلوب آلوب حاجتین درِ با جَلالته گلمیشم بولورم کی واقفِ سِرّیسَن دیمه میش سوزی بولوسن اوزون ولی خوشدی زائر اولان دیه آقانین حضورینه هر سوزون توتولوب دیلیم دانیشانمورام اَلیوه تیکوبدی گَدا گوزون دیمه میش دوا ایله دردیمه بولوسن نه حاجته گلمیشم منی گَر بهشته آپارسالار سنه کی مُصاحب اولانمارام سن اولان یره گَله بولمه رَم سنه روبَرو اوتورانمارام وار اُمیدیم ای شَهِ ماسِوا سنه عاشقم اودا یانمارام یوزومه دوتوب باجیوین آدین آقا من شفاعته گلمیشم دولاناندا صَحن و رَواقیوی غم و غُصّه دن اولارام رَها ساتاشاندا گُنبَدیوه گوزوم گوزومه او نوری ویرور ضیا بولوسن کی (بیکَس) و مُضطَرم قیل اوزون نَظر ، منه یا رضا باخ اوزون جوان بالاوا گوره آقا من بو نیّته گلمیشم #دیمورم_کی_زائرون_اولموشام #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ارادتی خدمت سلطان سریر ارتضا حضرت علی بن موسی الرضا علیه آلاف التحیّةِ و الثَّنا ایشیتمیشم امام رضا ، اورکلره صفا ویر ایشیتمیشم امام رضا ، مریضلره شِفا ویر مولا علی موسی الرضا آقا علی موسی الرضا زیارت ایستیرسن اگر ، یاپیش رضا دامنینی ایشیتمیشم امام رضا ، برات کربلا ویرر معصومیه قَسم ویریب ، حاجتیوی آل آقادان چون اونی چوخ سووَر رضا ، حاجتی برمَلا ویرر من بولورم امام رضا ، هیچ کیمی مأیوس ایلمز چاره سی اولمییَن گَلر، چاره سینی رضا ویرر اوزولسه هر یردن اَلون ، یتیر اوزون مشهدینه ایشیتمیشم امام رضا ، چاره سیزه دوا ویرر ایشیتمیشم هر کیم اونی آند ویره جوانینا ایسته دیقین تِز ایسته سین ،چون آقا جابَجا ویرر کیم اولا عاشقِ رضا ، غم گونی افسوس ایلمز ضامن آهودی آقام ، یأسی آلار رَجا ویرر نیازی یوخ یالواراسان ، تا سنه ده رضا باخا اَز بَس آقادی بولورم ، دردی آلار شِفا ویرر رئوفِ آلِ فاطمه گَدانی قووماز قاپیدان سَسله آدین امام رضا ، سائلینه جَزا ویرر دوزدی جهاندا هر غمه ، چاره خدا اَلینده دی خدا نه ایسته سه ویره ، بخاطر رضا ویرر (بیکَس) و دَرمانده لرین ، دردینه درماندی رضا نوکر دوشَنده مُشکله ، حاجتینی آقا ویرر #ایشیتمیشم_امام_رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ادب خدمت حضرت ثامن الائمه علیه السلام ( ای صفای قلب زارم) ای سینیق دیللر صفاسی ای آدی دردیم دواسی دَهریده پشت و پناهیم سن سن ای زهرا بالاسی اَیا شاهِ ولا سنه جانیم فدا اولوب ذکریم منیم علی موسی الرضا علی موسی الرضا عشقیوه من مبتلایم آستانونده گدایم افتخاریمدور جهاندا سائل کوی رضایم منیم تاجِ سَریم امام و رهبریم بَسیمدی وار آقا سنه تای دلبَریم علی موسی الرضا ای رئوفِ آل طاها اِیله احسان جانِ زهرا حالیمی یاخجی بولورسن لطفووه محتاجم آقا آدون هِی سَسلَرَم قاپوندا نوکرَم سنی اوغلون جَواد منه اِیله کَرَم علی موسی الرضا لطف ایدوبسن غم سیخاندا صبر ایوین غُصّه یخاندا نه اولار گَل باشیم اوسته جان دوداقیمدن چیخاندا حَبیبی یا رضا ویرنده جان، گَدا نَکیر و مُنکَره منی تاپشیر آقا علی موسی الرضا #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ارادت خدمت امام رضا علیه السلام با آهنگی شور انگیز السلام ای شَهِ، کوْن و امکان ای ولی نعمتِ ، اهل ایران دیلده ذکریم هو ای لاله ی خوشبو یا ضامن آهو مولا رضا جان عالَمه سَروَر ای شافعِ مَحشر اهل ولا سَسلر مولا رضا جان ای سینیق دیللرین لطف و صفاسی شیعیانین آقا سنسن آقاسی یا رضا یا رضا مولا رضا جان آل زهرانین ای، مهربانی بوش یولا سالماسان، هیچ گَدانی ای مَهِ رَخشان شاهِ مَلَک دربان گول آدیوا قربان مولا رضا جان ای کَرَم کانی معصومه وین جانی حفظ اِیله ایرانی مولا رضا جان سایه ی لطفووه دالدالانوخ دردلرین چاره سین، سندن آللوخ یا رضا یا رضا مولا رضا جان رَشکِ جَنَّت اولوب، خِطّه ی طوس کاش اولا قسمتیم، بیرده پابوس ای بیزه غمخوار ایکاش اولاخ زَوّار شوق زیارت وار مولا رضا جان ای گُلِ جَنّت ای معدن رَحمت بو جَمعه یاز دعوت مولا رضا جان (بیکَسوخ) لطف ایله، اهل ولایه یوللا بیرده بیزی، کرب و بلایه یا رضا یا رضا مولا رضا جان #امام_رضا_علیه_السلام #ثامن_الحجج التماس دعای فرج مهدی عبادی

عرض ادب خدمت حضرت امام رضا علیه السلام با آهنگی حماسی و دلنشین به نام و یاد کِردگارِ سُبحان گینه ملائک اولدولار غزل خوان خیاله دوشدی بیر صفالی مَرقَد گویول قوشی پر، ووردی تا خراسان (سنه فدای ای پورِ مرتضا آدون فداسی، اَیُهاَالرضا) 2 شفیع محشر/ عزیز حیدر / بَتوله بَنذَر/یا مولا مولا یا اباالحسن ٣ غلام کوی آل حیدرم من حدیث عشقی دیلده اَزبَرم من نه دردیم اولسا، عشقیله اورکدن غریبِ طوسی داده سسلرم من (آدین یازیلدی دیلده رَج به رَج دَخیلیوَم یا، ثامن الحُجَج) 2 شَهِ دو عالم / دَوای دردَم / سنه غلامم/یامولا مولا یا اباالحسن ٣ گوزوم اَلونده ای شَهِ ولایت گدایه سلطان، ایلییَر عنایت گوزل مزارون گویلومه دوشوبدی باشیمدا واردی حَسرَتِ زیارت (من عاشقانه سَسلَرَم سنی چاغیر دوباره قبریوه منی) 2 عزیزِ دوران / گَل اِیله مهمان/ او قبره قربان/ یا مولا مولا یا اباالحسن ٣ حَرَمده زائر باشلاسا نوایه سینیق دیلیله اَل آچار دعایه اَلی اورکده عرض ایدر رضاجان بو(بیکَسی) سن یوللا کربلایه (خیاله دوشدی ساقی حَرَم او خیردا قبری منده ایستَرَم) 2 به یادِ عبّاس / خدای اِحساس/او اَشجَعِ ناس / یا مولا مولا یا اباالحسن ٣ #امام_رضا_علیه_السلام #ثامن_الحجج التماس دعای فرج الاحقر مهدی عبادی

آغلا امام حسنه ✍کربلایی قدرت چوپانی (مشعل) ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه #شهادت_امام_حسن_مجتبی_علیه_السلام #هفتم_صفر #بیست_هشتم_صفر

بنام خدا رحلت_پیامبر_اعظم زبانحال خانم فاطمهٔ زهرا س بر بالین پدر •┈┈••✾••✾••┈┈• بند1️⃣ روح الامین غمینده عالم بوتون قان آغلور زهرا اولوب مکدر بو غمده سینه داغلور عرض ائیلیور خدایا اولدی خزان بهاریم صبریم تالاندی یارب تار اولدی روزگاریم گئتدی آتام الهی اوتلاندی قلب زاریم گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند2️⃣ ای شهریار عالم دای سوندی شمع راهیم سندن سورا یوخوم دی والاهی سر پناهیم ای وای آتا عم اوغلوم دلخون و دل غمین دی اشکین توکور عذاره چوخ زار و چوخ حزین دی سندن سورا پدرجان گونلر منه چتین دی گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند3️⃣ من زینبی نه نوعی آرام ائدیم آتا جان سسلورسنی او دختر آغلارگوزیله هرآن سسلور حسن حسینی آغلور اونیلا با هم زینب باخیرحسینه گوزیاشلاری اولور یَم بابا اولور منیم ده قلبیم او لحظه پر غم گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند4️⃣ اولدوم آتا یتیمه یاندی منیم وجودیم خاکستر اولدی بابا بو غمده تارو پودیم سندن سورا یقیناً دشمن تاپار جسارت ایلر بو قوم جاهل زهرایه چوخ اهانت مظلوم اولار باباجان بی شبهه آل عصمت گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند5️⃣ فاخر بو محنت و غم قلب جهانی داغلور احباب اولوبدی دلخون اشکین عذاره باغلور عالم اولوب سیه پوش گویا اوچوب فلک لر محزون ودل غمیندی هریئرده پاک اورک لر بزم عزا قوروب دی گویده بوتون ملک لر گئتدی الیمدن ای وای تاب وتوانیم آلاه عزتلی شهریاریم روح و روانیم آلاه "" "" "" "" "" "" "" "" " ✍شاعر : مسلم فرتوت #شهادت_حضرت_رسول_اکرم #بیست_هشتم_صفر