‍ #روضه_باسبک روضه شهادت حضرت علی اصغر(ع) تا سرین سو گوررم قلبیمی ایلر سو کباب گه دوشر یادیمه اصغر گهی بیچاره رباب ائدرم گوزلری یاشلی سووا حسرتله خطاب سن نجه تاب ائلدون اصغر عطشدن یاندی قان اولیدون سنه خاطر قوناقون اوخلاندی اولمادون قسمت حسینون صودامر اصغرینه التجاء ایتدی گوزی کرب وبلا لشگرینه حرمله وردی سه پر تیری سوسوز حنجرینه دالیا باش آخنوب شاخه کیمی سیندی بالا گوزلرین یومدی آتا قوش کیمی چرپندی بالا جابجا ایلدی حضرت الی اوسته همان نالانی دیله دوتدی بالانی چکدی سه پر پیکانی باشلادی چشمه کوثرکیمی داشلاندی قانی اوجونا دوتدی آخان قانی حسین مثل گلاب آتدی عرش عالمینه هدیه یار ایتدی حساب صورا ئوز قانلی الین چکدی سارالمش یوزونه باخدی بیر عرشه طرف گوز یاشی دولدی گوزونه بالاسی الده بیرآز آغلادی شاه ئوز ئوزونه دیدی یارب بوگلی من سنه تقدیم ایدیرم راضی اول سن ئوزوم اخیامه خجالت گیدیرم اله بیر حاله قالوب باشی بدندن اوزولوب بوغازی پارچالانوب قان دوداقوندان سوزولوب قطره قطره قدم آتدوقجا قوم اوسته دوزولوب گیدیرم صاق وصولا آه پیاپی چکیرم بالام القانه باتان دشتیده لاله اکیرم الغرض باخدی حسین بیر صاقنا بیر صولونا قالخزوب ایتدی بالا باشینی تکیه قولونا بالا الده آتا یوز قویدی خیامین یولونا حضرتین طاقت وآرام دیلین آلدی قوشون هردیدوخجا بالا لایلای اونا ال چالدی قوشون فکر اله بیکس حسین قالدی اولحظه نه حالا مرکبین چکدی لجامین دایانوب باخدی دالا دوتولوب قلبیم دیدی گوزلرین آچ یاتما بالا آغلاهرگون کی کیمین نالون اقلا گلسون سسین آلسون سخلان سینه بیر آز دینجلسون یتشیدی سسین ایکاش سنی مندن آلانا تا دییدیم منز آواره گوروب ال چالانا آخی ال چالالار مگر عالمده بوحاله قالانا؟ سس یتیشمور اورگیم سینه ده قوش تک چالشور سوکولن حلقوه باخدوخجا وجودیم آلشور (بیله بالانین سارالان یوزونه باخور آی بالا) علی سن بولورسن آدیما قرعه ماتم‌چخلوب اکبریم خیمده بیر قانلی عبایه سخلوب علقم اوسته اوحا قامتلی ابوالفضل یخلوب بیر کسیم یوخدی علی آنداولا یورقون جانوا قالانم بیر سنیدون سنده بویاندون قانوا دادرس یوخدی علی جان باخورام هر طرفه (بیر دونوب باخردی نهر علقم سمتینه آی ابوالفضل بالام الرده قالوب هاردا قالبسان آی قارداش) دادرس یوخدی علی جان باخورام هر طرفه بولمورم خیمه لره ساری گیدیم یا نجفه حرمله آتدی بیر اوخ فورا اوتوردی هدفه آناوون تیر دعاسی ولی رد اولدی بالا سوداساچخدی سوتک آغزوا قان دولدی بالا داشلانور قان قورویان لبلریوی نرم الیور عاطفه عالمی بازارین اوغول گرم الیور گوزوه باخماقا آواره آتان شرم الیور سینه ده داغلی اورک غصه شرارینده یانور گل گیداخ خیمه لره باشیمه میدان دولانور بالاسی الده گلوب خیمه لره آز قالانی شرمیدن باخدی گوروب طاقتی دلدن تالانی ویرمگ اولماز دیدی بوحالدا ربابه بالانی آغلادی گویده ملکرده حسینون حالنا گیتمدی خیمه لره گچدی خیامین دالنا اولمادی بیر نفر الدن دوتان اللهه گوره دفنیده یاری ایده دردین اورکدن گوتوره قامتین ایدی حسین قانلی گلی قویدی یره خنجریلن الدی قوملاری آهسته کنار حاضر ایتدی بوغازی اوخلانان آهویه مزار باخا بولموردی حسین چون کی اوطفلین گوزونه آغلیوب یول بویی گاه اصغرینه گاه ئوزونه یولدا چکمیشدی اوآغ دوشلوگی قانلی یوزونه بحر تک غصه وغم جزر الدی مد الدی صورتیندن اسوب اول دوشلوگی یل رد الدی (اله باخور بالانین اوسارالان یوزونه اله یانایانا سسلدی) دوندی گوردی اوتوروب توز سوزولن گوزلرینه قانلی قنداقینه القانه باتان الرینه اییلیب قویدی دوداقین بالانین حنجرینه تیر غم سینه پر دردینی صد چاک الدی گوز یاشیلان بالانین گوزلرینی پاک الدی صورا یردن گوتوروب اوغلونی دریای وقار دیدی حاضردی یرون آی بوغازی قانلی شکار ایلوب الده ویره اصغره قبر ایچره قرار قلبی چرپندی الی اسدی دوشوب اوت صبره حضرتین گلمدی قلبی قویا اوغلون قبره گینه ده قویدی یره ئوز بالاسین شاه حجاز الیوب صاحت صبحانه اورک سرینی باز روبه قبله دایانوب قیلدی او سربازه نماز قالخزوب قانلی الین پادشه یوم جزا گوزی یاشلی دیدی یارب منه صبر ایله عطا الیم اوسته بو چالشدی من آلشدیم حالنا آتانین ئولسه بالاسی گرک اونان آلنا آلان اولمادی گتیردیم بونی خیمه دالنا اله حالیم پوزولوب بولمورم هیچ من نلیم صبر عطا ایله خدایا بالامی دفن الیم (اله یانایانا بالاسنا لایلای چالوب بالاسین قویدی قبر ایوینه دوردی گلیر خیمه لره گله گله اله بالا وای سسلیوب آغلور) قوناق گلوب ولی عطشان قالان بالام لایلای قناری تک الیم اوسته قانا باتان لایلای حاج عبدالله داداشی @Hazrate_Abalfazll🔰

‍ زبانحال حضرت رباب سلام الله علیها سیفی اردبیلی اصغر ای بختیمین اولدوزی دوشدون سحابه قالدی درناق یری سینه ده نسگل ربابه هجرونده یانام دل داغلارام من اللر دوشومده قان آغلارام من آلتی آی داغ کیمی دردوه دوزدوم دایاندیم آغلادون هر زمان باشوه دوردوم دولاندیم نه سو اولدی نه صود من سنه باخدیم اوتاندیم اود وروب قلبیمی غصه دوندردی کبابه گون غروبه یتوب نیر تابان باتاندا من باساردیم سنی باغریما ائللر یاتاندا اینجیدردون منی سینمه درناق آتاندا سن ملر من ملر هی دوشردوک پیچ و تابه اوخشیوب لبلرون گوزلرون دردون آلاردیم گل دیوب دیندیریب لای لای چالاردیم هی بوزردون دوداقلاروی حیران قالاردیم قلبیمی محنتون ایدردی التهابه سن باخاردون منه من سنه زارو پریشان دردوی آندرار دون ولی اولمازدی درمان کپریگون اوخ کیمی سینمی ایلردی شان شان یالوارار دی آنون خالق مالک رقابه تشنه لیکدن آخاردی اوغول اوغول قان تز یوزوندن ضعف ایدردی سنی دمبدم مدهوش ئوزوندن منده ناچار ئوپردیم علی تز تز گوزوندن هی دیردیم گلوم جیرانیم دوز رنج آبه هرنه جهد ایلدوم گلمدی دردون دوایه یوز قویوب تپراقا باشلادیم ذکرو دعایه جور اشراریدن ایلدوم حقه گلایه رحم ایله ربنا سویلدوم بیکس ربابه ایستدی سروریم رهبریم گیتسون جهاده شوق میدانیلن سنده اولدون پر گشاده گتمگون گلدی اول منه آسان و ساده بیلمدیم سو دونر سن گیدن یرده سرابه یوخدی گوردوم الیمده منیم نه آب و دانه چرپنوب قوش کیمی دمبدم گلدون فغانه ساخلیام من سنی تاپمادوم نیلوم بهانه باغلادیم قونداقون دوشلگون امر ثوابه شیشه ی قلبیمه داش دگوب داشلار دالینجا یاره قوشدوم سنی شوقیله قوچلار دالینجا یوللا دیم عرصیه آلتی قارداشلار دالینجا قان ویرم منده ایثاریلن نخل کتابه سنده شورو مواساتیله جان ترکین ایتدون آلدی آغوشه سلطان سنی مقصوده یتدون نسکلیم وار اوغول سنگره قول باغلی گیتدون غوطه ور ایتدی هجرون ربابی اشک نابه پیک جانان گتوردی خبر کامه چاتوپسان قوش کیمی صید اولوب سربسر قانه باتوبسان یاخچی لایلای چالوب اوچ پر اوخ راحت یاتوبسان حنجروندن آخوب سو کیمی قانون ترابه غنچه تک صر صر ظلمیلن دوشدون خزانه وای اولا اصغریم بر بیله دور زمانه قانلی قونداق گلوب اوستومه سندن نشانه گل اوغول اولمشام گور نجه خانه خرابه جور اعدا ربابی اوغولسوز لاره قوشدی هر نه جانان رضاسی اولا دلداره خوشدی وار داغون قلبیده ئوز یرون سینمده بوشدی زحمت آرتور ما گل رهبر عالی جنابه اوچ پر اوخ سالدی اصغر سنی تاب و تبوندن کربلا آبرو تاپدی خون اطیبوندن برده گل سینمه قوی ئوپوم لعل لبوندن اولسون آغشته جسمیم علی بوی گلابه استادموذن زاده @Hazrate_Abalfazll🔰

‍ شاعر: شهاب داغلار آغلار داشلار آغلار ماتمونده یا حسین نیزه لرده باشلار آغلار ماه ماتم باشلانوبدی غملی گوزلر یاشلانوبدی اهل عالم گیدی قاره سرور دین حیدر آغلار دل غمونده داغلاروخ بیز عاشقانه آغلاروخ بیز عاشق مولا اولانلار آه و افغان ایلر آغلار قورموشوخ ماتم اساسی شیعه گیدی غم لباسی گوز یاشی توکدی عذاره قطب دین پیغمبر آغلار ماتمونده عالم آغلار آدم آغلار خاتم آغلار غم ائله غمدیور بو غمده مومن آغلار کافر آغلار آغلوری گوگده ملک لر اوخشوری محراب و منبر بیر قولاق وئرسن گوررسن مسجد اوخشار منبر آغلار غصه دن طاها سیزیلدار حضرت زهرا سیزیلدار سسلوری ای وای اوغول وای مادر غم پرور آغلار عاقل و دیوانه آغلار کعبه و بت خانه آغلار بو غم عظماده شیعه آچ گوزون گور کیملر آغلار شاه دینین یاسی گلدی روز عاشوراسی گلدی آتش غمده یانانلار گل آدیوی سسلر آغلار آت اورک بیر کربلایه اوردا باخ شور و نوایه بیر نظر سال قتلگاهه حنجر اوخشار خنجر آغلار محنت مولا قوتولماز سوز یازاندا پرده لی یاز ساخلا ال یازما «شهابی» خامه اوخشار دفتر اغلار @Hazrate_Abalfazll🔰

‍ سبک سینه زنی ، زمینه،راه شام ((حسین یارالاریوا قربان)) بند اول گئدنده شامه دیده گریان علی قیزی اورکده افغان ورد المیشدی دیلده هر آن حسین یارالاریوا قربان اسیر بالالاریوا قربان بند دوم بلالی زینبه فکاره کسیلدی هر نه راه چاره دییردی اللرینده یاره حسین یارالاریوا قربان اسیر بالالاریوا قربان بند سوم اورکده واردی غم هواسی پوزولدی قاسمین حناسی عروس مضطرین صداسی حسین یارالاریوا قربان اسیر بالالاریوا قربان بند چهارم سولوبدی گلستان دا گوللر اوخا نشان اولوبدی اصغر رباب بختی قاره سسلر حسین یارالاریوا قربان اسیر بالالاریوا قربان بند پنجم اوشاخلارین اوزونده حاله ائدر دیلر فغان و ناله نوای دختر سه ساله حسین یارالاریوا قربان اسیر بالالاریوا قربان بند ششم رقیه قورخودان اَسردی قولون طناب کین کسردی ویراندا ساربان دییَردی حسین یارالاریوا قربان اسیر بالالاریوا قربان بند هفتم جدا باشیندا شبه طاها ناقه لر اوسته غملی لیلا بوییدی ذکری دیلده گویا حسین یارالاریوا قربان اسیر بالالاریوا قربان @Hazrate_Abalfazll🔰

‍ ‍ احوالات تنور خولی نقل ایدور همسر خولی بو اسفلی سخنی بستر ایچره گیجه یاری یوخی دوتموشدی منی بلمیوردوم شرفین ماهی بیزیم ایوده باتوب فاطمه اوغلی تنور ایچره کول اوستونده یاتوب بلمیوردوم ایویمون دورین آلیب حور و ملک بیزه پهلوسی سینان فاطمه مهمان گَلَجک ویردی بیر ناله سسی قلبیمه رویاده تکان خواب غفلتده یاتان گوزلری آچدیم یوخودان یاندیروب مشعلی سالدیم ایوه دقتله نظر گورمه دیم ناله و افغان ایلیندن هیچ اثر قلبیمی ناله سسی کوزکیمی گوردوم داغلار ایو عزاخانیه بنذر در و دیوار آغلار ایشیدوردوم او سسین صاحبی دردین سانادی سوزلریندن بلنور اوغلی اولن بیر آنادی دیور آهسته لب خشکوه زمزم قربان آلنون یاره سینه یاره لی سینم قربان بالالارین حرمین گوزدن آتان اوغلوم وای جسمی چولده باشی کول اوسته یاتان اوغلوم وای (دییر گوردوم اوغلی ئولن ننه سسلور بالا) دگولم ئوزگه قرا گونلره قالان ننوم بهشت خانملارینا بالا قاره باغلادان ننوم الینده یارالی باشون شمری آغلادان ننوم تشنه لب قانلی باشی ذبح اولان اوغلوم لایلای گوزینون کاسه سینه قان دولان اوغلوم لایلای دیدیم ای قلبیمی شان شان الین سن کیم سن بالا وای سسلنوب افغان الین سن کیم سن دولدوروب ناله سسون قلبیمه وحشت کیم سن عالمی درد وغمی یاندران عورت کیم سن ایلیوبس کیمه سن تعزیه برپا کیم سن (گوردی جواب ویرمیر آندا ویردی) سنی زینب جانی گورسن گوروم آیا کیم سن سوسوز دوداقلارون پندینه ننون قربان اورگیوین قرلان بندینه ننون قربان سنی زینب جانی گورسن گوروم آیا کیم سن ایستیرم درک الیم کیمدی بو اوتلی دانشور قولاقم نالوی آلدیقجا وجودیم آلشور اعتنا ایلموسن خواهشیمه نه سوزومه (بیرده آندا ویردی) سن بیل الرده ئولن فاطمه گورسن گوزومه نه گلوب باشیوه کیم سن منه جریانی دانش (سن بیل او اوخشادوقون شخصین آخان قانی دانش خانم) ظاهراول باهم ایدک ناله گل اقدسیوه ایستیرم منده قوشام نالمی یورقون سسیوه (نقدر سسلدی خانم گورسن گوروم کیم سن یانایانا آغلورسان گینه سوال اله دی) اوخشادورسان یارالی شیره مثلده بالاوی ئولدوروبلر بئله معلوم اولی الده بالاوی قلبیمی هر بالا وای ناله سینه داغلیوسان نیه بس خولی ایوینده بالاوا آغلیوسان هی قسم یاد الیوب آغلوردوم اله ئوز ئوزومه ناگهان غصه لی بیر صحنه گوروندی گوزومه بیر نچه عورتی گوردوم گینیبلر قاره بیری اما آغاران زلفی توکوب رخساره صاق صولونان یاپشوبلار غمی چوخ اعظمدی بلیدور سنی جوان قامتی اما خمدی (دیدیم الله بیرننه نین کی سنی جوان اولا قامتی خم زلفی آغاروب دیدیم حتما بوکوله باتان دوداقلار کی شخصیتی کی قانی آخوبدی منیم ایویمده حتما ننه سی بو اولاجاق) صاق صولونان یاپشبلار غمی چوخ اعظمدی بلیدورسنی جوان قامتی اما خمدی زلفی افشاندی اسور برگ گلون مثلی دوداق دیدیم الله بالاسی الده ئولن بو اولاجاق اشکی گوزدن سوزولور معرفت آیینه سینه بیر کوله قانه باتان باشی باسوب سینه سینه دیور ای قانلی یوزی عالمی یاسه باتران قله معرفته پرچم قرآنی وران باشون آردیجا بیابانلاری سنله گلورم سن گلن یولارا گوز یاشیمی گوزدن الیرم تاپمشام ایندی تنور ایچره یارالی باشیوی وای منه کول بورویوبدی گوزلیم گوز قاشوی آی کیمی مغرب مقتلده پریشان باتما یات سنان سینمون اوسته کولون اوسته یاتما دیدیم اول صورتی القانه باتان باش کیمدی گوزلروندن توکوسن اوستونه قان یاش کیمدی نیه بو حاله قالوب قاره سالوبسان کیم سن نیه قدین بوکولوبدی قوجالوبسان کیم سن دیدی بیر آد کی اولده ایلدون ایما اومنم اوکی بیر گون دیلوردی گل بطحا اومنم اشیدوبسن اوکی ثانی اونا سیلی وردی اشیدوبسن اوکی پهلوسینی درسندردی حقی اوسته دویولوبدورئوز ایوینده علنی دویولنده ولی هیچ اولمادی داده گلنی یاخشی باخ دقتیلن ایندی همان زهرایم ساچمی غملر آغردوبدی جوان زهرایم سینمون اوسته کی باش نور دوعینیمدی منیم ئولدوروبلر سوسوز الرده حسینیمدی منیم @Hazrate_Abalfazll🔰

‍ ‍ سینه زنی ‍ آخشام اولدی ننه قربان اولّام سنه سنده یارالی منده یارالی ایندی سس ویر منه باشلیاق شیونه سنده عزالی منده یارالی قاپلاری باغلیاق, سینمیز داغلیاق,سس چکوب آغلیاق آی چیخدی گویده سوندور چراغی خلوت ایدک بو غملی اتاقی هر دم آلدیم خبر, دیدون آخشام گلر, آخشام اولدی سحر هی قاش آغاردی شفق قارالدی بابام گلمدی گوزوم سارالدی هر گون آخشام اولور, قلبیم قانه دولور, گول تک رنگیم سولور گونده آتامی یادیمه ساللام مسجدّن چیخوب قاپودا قاللام قلبیمه غم دولور, غم غم اوستن گلور, گوزلریم اشک اولور یول گوزلمکدن دوشدوم ایاقدان هامّی یتیمی تانور اوزاقدان صبحیدن آخشاما, باشلارام اوخشاما, آز قالور بایراما الله پوزولدی شادلیق اساسیم کهنلدی گیتدی بایرام لباسیم گل دوشک چوللره, یوز دوتاق گویلره, اوخشیاق ئیللره آتام گیدندن گیتمیش قوناقلار سینمی داغلار باغلی اطاقلار غم فلبیم سیخاندا, کوچیه چیخاندا, تای توشوم باخاندا, گورّم ویروبلر باهم باش باشا منه باخانلار ایستور آغلاشا هر کیم منه باخار , گورّم اشکی آخار, هیچ بلمورم نه وار هر دم قلاقیم بیردن سسلنور گورّم دیوللر آتاسیز گلور ✍مرحوم منزوی اردبیلی بانوای زنده یاد مرحوم حاج سلیم موذن زاده اردبیلی 👇👇👇 @Hazrate_Abalfazll🔰

‍ ♻️سینه زنی گوزلیم جان ویروب پیغمبره بنذربالا نورعین ساقی کوثربالا گول بالام اطهر بالا م اکبربالام جان ویروب جانانیمی ای جان صاحبی گول صولوب اغلورگلستان صاحبی ال بالامین قانین ای قان صاحبی نهضتی احقاق قران اوسته دی 《گوزلیم جان ویرور الله اکبر》 《یاره سی قان ویرور الله اکبر》 الله الله اکبریم جان اوسته دی قانلی گوزلر عهدوپیمان اوسته دی سسلدیم من نغمه قران گلوب خنجراوستن نیزه وقران گلوب اوغلومون الله باشینان قان گلوب بیر بیله هنگامه قران اوسته دی الله الله اکبریم جان اوسته دی قانلی گوزلر عهدوپیمان اوسته دی گوزلیم جان ویرور الله اکبر یاره سی قان ویرور الله اکبر سسلدی جدیم منی سیراب ایدیب قلبیمی دوتدی سسی بی تاب ایدیب یااونا رضوان فتح الباب ایدیب مرغ روحی باب رضوان اوسته دی اکبریم دوتدی پیامیمدن منی اغلادیب اخرسلامیمدن منی نصب ایدیب بیرقانلی جامیمدن منی گوزلیم جان ویرور الله اکبر یاره سی قان ویرور الله اکبر الله الله اکبریم جان اوسته دی قانلی گوزلر عهدوپیمان اوسته دی خوشدی جان فکرینی بوگون باشیمدان اتام اکبریمدن حسرت قاره چاتام ایستورم بیرقبریده باهم یاتام بانوای حاج داود علیزاده اردبیلی 👇👇👇 @Hazrate_Abalfazll🔰

‍ ‍ ✹﷽✹ #روضه قتلگاه صاق صولا باخما حسین یاندرماقلب زینبی صاق صولاباخماحسین یاندرماقلب زینبی گیت نگران اولما دعاایلر آدامسیزلارسنی ای قارداش حسین حسین بالاجابالالارون باخیرنگران اولما گیزلتماق اولمازمطلبی گیت اللری باشدابالاقیزلاردعاایلرسنی سالدی قارداشی یولا وقت اووقت اولدی کی ریحان کیمی سولدی حسین اوغلی قارداشی دوشوب یادینه دولموشدی حسین ایلیوب نیزه سینه تکیه یورولموشدی حسین یاالله تک سلیمانیدی میدان دولی اهریمنیدی دوره سین آلمشدی جماعت هاموسی دشمنیدی (حسین ) بیرشل اولموش ال آنینابیرداش وردی حضرت فاطمه نین قلبین اوداش یاندردی یاالله نه الینن دوتانی اولدی نده قان دوردی قوزادی پیراهنین تاسیله گوزدن اوقانی سیلمه میش سسلدیلر اوصودامری اوخلیانی حرمله هایانداسان حرمله گرچه آتمیشدی اوخلارینون چوخونی آزموده دیدی وراردی هم اوزاقی هم یوخونی چخادیب قویدی کمانه اوذخیره اوخنی یاالله اوخ نه اوخ سینه نه سینه که قلم شرح ویرر قاتل اصغرعباس دیزینی قویدی یره اوخ باشلادی یول گئتمه عرش معلاتیتردی مخیمده دیسگیندی خانم جنت ده زهراتیتردی زینب باخیر گوداله یاالله خانم بیرلحظه گوردی اوقاچانارقیتدیلر گوردی بیرلحظه اونیزه سین آتانارداش گوترورخانم گوردی اوخنجرین آتانلارنیزه گوترورالرین گویدی باشینا الری باشداکیمی سسلیوب امداده حسین اله بیریوخدی بیری مسلمان بودنیاده حسین سنه باجون قربان آی قارداش ئوزومه خاطر دیمرم ربابه خاطردیمیرم حسین بالالارواخاطرنگران دییرم زینب ندن نگرانسان؟ نیلرم وسالارخیمه سجاده حسین حسین بالوون خیمه سین یاندیردلار زینب باخاردی تلیدن میدانه دیلده واخا گوردی یرینن اوینادی بیردن گروه اشقیا یوز آسمانه دوندریب سسلندی نیلیم ای خدا یاربنایاربنا ارحملنا ارحملنا #استادطالبی

ورود به ماه محرم ✅ زمزمه شب های محرّم محمد حسن زاده (خادم) سبک: شب به گلستان تنها... قاره علم دنیاده لوای عشقیمدی کرب و بلا سلطانی خدای عشقیمدی ماه بنی هاشمدی سماده مهتابیم فخر ایدرم هر یرده (حسیندی اربابیم)3 عالملره پیرایه دی بین الحرمینی تا وار نفسیم سسلیرم منده حسینی خلقتده سرشتیم-بو عشق حسیندی دنیاده بهشتیم-بین الحرمیندی سلطان دشت کربلا-حسین حسین مولا جانلار سنه اولسون فدا-حسین حسین مولا حسین حسین مولا(3) __ بند دل حیدردی دلبر طاهادی هر گون اونون زواری یوسف زهرادی اوجه یتوردی عشقی زینب کبراسی سالدی جهانه طوفان(اوزون قول عباسی)3 دریالری خجلتده قویوب ساقی عطشان تا وار نفسیم سسلیرم قولارا قربان پرچم اله آلدی-سردار مظفر میدانه گیدنده-سسلوردی مکرر سلطان دشت کربلا-حسین حسین مولا جانلار سنه اولسون فدا-حسین حسین مولا حسین حسین مولا(3) ____ بو قاره نون معناسی نسان عزتدی گویده گزن پرچملر پرچم غیرتدی دوشدی اگر مرکبدن حسینون عباسی پرچم الینده دوردی(سه ساله زهراسی) 3 دشمنلری رسوا ایلدی نام رقیه خوار اولدی ذلیل اولدی بوتون آل امیه ویردی قرا پرچم-شاماته رقیه یازدیردی بو شعری -جناته رقیه سلطان دشت کربلا-حسین حسین مولا جانلار سنه اولسون فدا-حسین حسین مولا حسین حسین مولا(3) ____ ️اهل ولایت دلدن بو امره آگهدی بیر گون اولار سلطانیم دیر اناالمهدی کعبه دن اعلان ایلر جهانون اربابی منم سفیر حیدر (کور اولا وهابی) 3 من منتقم خون شهیدان خدایم من زایر گلزار شه کرب و بلایم این گلشن جدم-گردیده بهشتم بر قله جنت -این جمله نوشتم سلطان دشت کربلا-حسین حسین مولا جانلار سنه اولسون فدا-حسین حسین مولا حسین حسین مولا(3)

من رقیه اکبرون مارالیام کربلادن اونولان آرالیام ساربانلار اوقدر وروب منی دائم آغرور بدنیم یارالیام آخ اومهربان بابام هاردا قالوب نیه گوزدن بیزی بو‌نوعی سالوب یاندروب آه وفغانیم عالمی هیچ دیمور شمره ورور رقیه می هاردادی گیدم دیم کی آی بابا سالدی دلدن بیزی قوم اشقیا آخ اومهربان بابام هاردا قالوب نیه گوزدن بیزی بو‌نوعی سالوب زجر دائما عناد اوسته دورور هرکیم آغلور اوزونه سیلی ورور بابا جان کسدیله راه چاره می آلدلار خرداجا گوشواره می آخ اومهربان بابام هاردا قالوب نیه گوزدن بیزی بو‌نوعی سالوب یولدا مین غمه باشم دچار اولوب بابا جان سیلی گوردیب یوزومی هانسی دردیمی بیان ائدیم بابا نجه شرح داستان ائدیم بابا آخ اومهربان بابام هاردا قالوب نیه گوزدن بیزی بو‌نوعی سالوب کیم گوروب خرداجا قیز اوشاقنی داش تیکان پارچالیا ایاقنی کیمه اظهار الیوم من بو غمی آغلیان وقته ورولار عمه می آخ اومهربان بابام هاردا قالوب نیه گوزدن بیزی بو‌نوعی سالوب

حضرت رقیه (س) عمّه بو ویران سراده بیر دُرِ شاهانیم من سیز اگر بش گون قوناقسوز بوردا صاحب خانیم من عمّه من درگاه حقده شامل لطف عمیمم شیشه ی ناموس عالم، بنده ی حیّ قدیمم سیندیروب شمرون جفاسی، یوخسا بیر دِرّ یتیمم دوشموشم گوزلردن ایمدی چون سنق دردانیم من شامیده تبلیغیم ایلوب ایله ایجاد تحوّل آز زمان چکمز ایده لّر شیعه لیق حقّین تقبّل تیز تاپار قصری یزیدین بو تحرّکدن تزلزل پایه ی ظلمه مخرّب، کاخ دینه بانیم من شام قیزلاری دیولّر بو قیزون یوخدور آتاسی حالینی ایلور حکایت گوز یاشی کهنه لباسی باشیمه سن اَل چکنده قلبیمون آرتار صفاسی باشیمه تیز تیز اَلون چک اَللرون قربانیم من صبحلر آلّام اَلیمه بو پریشان زفلریمی من دعا ایتدوقجا اشکیم ایسلادار اوز معجریمی ایلرم دیواره تکیه، گوزلرم هی اکبریمی گوشه ی ویران سراده عشق سرگردانیم من شاهباز اوج عشقم من بو باغلی شهپریله سایمارام گَلسه یزیدون دختری زیب و زریله گَلسون او زیب و زریله، منده کهنه معجریله ایلیوم مغلوب و رسوا مُلک غم سلطانیم من نیلورم زردوز رختی، یوزده رنگ زر بَسیمدور ساده پوشم، پیکریمده نقش نیلوفر بَسیمدور کهنه بیر پیراهنیله بو قرا معجر بَسیمدور نیلورم تازه لباسی، بِش گونون مهمانیم من شامیده چوخ یولداشیم وار یاد ایدر بو تلخ کامی هر گون ایلولّر تعارف شربت و آب و طعامی غیرتیمدن دادمارام من نان و آب شامیانی درسیمی چون سن ویروبسن، نفسیده مردانیم من اوچ یاشندا من بو شمر نابکاره نیلمیشدیم آلدی اَلدن شوکتیمی روزگاره نیلمیشدیم آخِر عمّه من یتیمِ بختی قاره نیلمیشدیم حاکم بیداد اَلینده بی گنه زندانیم من شمر اولوب ثانیّ ثانی، منبع ظلم و تعدّی منده اوز زهرا آنام تک صبریمون یوخ حَصر و حدّی گُل یوزیمده نقش سیلی، پیکریمده قمچی ردّی غسل ایدن وقته گوره لّر که بتول ثانیم من تاپشور عمّه قبریم اوسته هر کیم ایستور چاره گَلسون هر غریب و دردمند و بی کس و آواره گَلسون کیم چوخ ایستور خاطریمی اَلده بیر گهواره گَلسون اصغریمی اوخشاماقدا لای لای عطشانیم من منزوی وار بو سپهرون مین بلاسی هر نفسده شیری زنجیر آتدا ساخلار، مرغ خوش خوانی قفسده سالسالار سیمرغی دامه اعتنا ایتمز مگسده عاقلون تکلیفی چوخدور، سن دینن دیوانیم من

ملاقات خانم رقیه با راس مطهر امام (ع) ای عمه بابام شامیده دیداره گلوب باش چکماقا بو غصه لی قیزلاره گلوب عمه قان دولوب گوزلرینه طبقده قوناق باشی گلوب دخترینه دمیشدی قیزیم بیر گون گلم گورم سنی ساغ اولسون سالوب بو غربتده یاده منی طبقده گلوب باشی هانی بس بدنی آخر گئجنی ائتسین منه چاره گلوب عمه قان دولوب گوزلرینه طبقده قوناق باشی گلوب دخترینه دور دوت الیمی عاشق دیوانه کیمین قوی دولانیم من باشینه پروانه کیمین لبلرین اوپوم عاشق مستانه کیمین هاردان هارا گور باش چکه بو یاره گلوب عمه قان دولوب گوزلرینه طبقده قوناق باشی گلوب دخترینه بو ویرانیده دردی منی گتدی جانا لبلری کیمین بو سینمی ائتدی یارا قول وئرمیشدی گلم گلیبدی آپارا تاپشورسون منی بو گئجه مزاره گلوب عمه قان دولوب گوزلرینه طبقده قوناق باشی گلوب دخترینه دوشموشدی گوزوم یاورینه یولداشینا داش دگوب اونون لبلرینه هم باشینا نه گلوب بیبی اوزون قوللی قارداشینا بیلمیرم نلر سو اوسته سرداره گلوب عمه قان دولوب گوزلرینه طبقده قوناق باشی گلوب دخترینه بیلیردی بابام اصغریمه آی دییرم ایسترم اونین خاطرین ایوای دییرم گئجه لر اونا صبحه جک لایلای دییرم فکر ائتدیم اول الینده گهواره گلوب عمه قان دولوب گوزلرینه طبقده قوناق باشی گلوب دخترینه‌

شهادت حضرت رقیه (س) ای گوزلریمون نوری . غرق محنیم لای لای ای قمچی لر التیندا . دلدن دوشنیم لای لای دردیمون درمانی لای لای رقیه گوزلرون قربانی لای لای رقیه سن بیل باباوین جانی من بیکسی اغلاتما قلبون کیمی من یاندیم بختیم کیمی سن یاتما دوندی قانا گوز یاشیم گوزدن بی بی وی اتما ای اصغره گیزلینده لای لای دیینیم لای لای دردیمون درمانی ... دشمن بو باشا خاطر یولدا سنه داش وردی بعضیسی وروب محکم بعضیسی یواش وردی گلدون دله تا دلبر گلدی سنه باش وردی مهمانی گلن وقته الدن گئدنیم لای لای دردیمون درمانی ... نسگلدی انام جانی جسمون ارادا قالسون عمه ن گئجه نین وقتی هانسی قاپونی چالسون قبرون بالا کیم قازسون خلعت بالا کیم السون قالسون قره اگنونده یوخ اغ کفنیم لای لای دردیمون درمانی ... مظلوم بابان اول گون که اصلی وطنه گئتدی ئوپدی سنی تل اوسته تاپشوردی منه گئتدی بیلمم گوزلیم وئردی نه قولی سنه گئتدی گلدی یاسیوا یولدان یورقون گلنیم لای لای دردیمون درمانی ... ای طرفه گولوم منده سنسیز سارالوب سولام توزلی تئله باخدوقجا یانام باشیمی یولام نیلک گوزلیم نیلک غساله ن ئوزوم اولام دورسان دئمه غربتده یوخ قبر کنیم لای لای دردیمون درمانی .... بو شامه گلن گوندن باخدون یولا هر گون سن ئوز حاجتیوی الدون از بس قاپی دوگدون سن دور بیر اوپوشاخ باری مندن نیه کوسدون سن سیلی اجیسیندان دی . شیرین سخنیم لای لای دردیمون درمانی .... کلامی زنجانی

زبانحال حضرت زینب (س) در شهادت حضرت رقیه (س) ای منیم دلبریم نازلی نیلوفریم آناما بنزریم آچ اوگوزل گوزلریوی یاتما رقیّه هم‌دادیم هم‌دوزوم سُوزولن اولدوزوم غربت اِئلده قیزیم بو بینوا عمّه وی آغلاتما رقیّه وای- نجه بو گوزلریوی باغلاسین عمّون وای- ‌آنام ای‌وای چاغوروب آغلاسون عمّون وای رقیّم ایوای (3) ایوای رقیّم ای اسیر مُحن یورولان غُصه‌دن اشکی قانه دُونَن قلبینی تیر غم بولن رقیّم ایوای ای صفای حرم دردی چوخ عُمری کم دیرم دَمبَدم قمچی‌لر آلتیندا ئولن رقیّم ایوای وای - گوزون آچ که قورتاروب غم فراقون وای- ایاقا دور گوزلیم گلوب قوناقون وای رقیّم ایوای (3) ایوای رقیّم وای بلالی باشیم اولدی قان گوزیاشیم یارالی یولداشیم دردیوه درمان گتوروب اویان رقیّم یانارام آغلارام عالمی داغلارام گوزیوی باغلارام دور دیلیمون اَزبَری اولدی جان رقیّم کاش- بوقدر عشقیده زینب یارئییدی کاش- بو قرا تلّلری بیرده دارئییدی وای رقیّم ایوای (3) ایوای رقیّم ای حسینون گُلی یورولان بلبلی اکبرین سویگُلی کاش باشون اوستونده سنون دلبر اولیدی منه آرام جان ای بَلالر یوران سن ویرن وقته جان آلماقا آغوشه سنی اکبر اولیدی وای- غصّه‌لَردن بیلورم که دینجلردون وای- اکبرین گوزلرینه باخوب گولردون وای رقیّم ایوای (3) ایوای رقیّم علیرضا حضرتی ( ناعمی )

زبانحال حضرت زینب در شهادت حضرت رقیه (س) آی منیم نازنین نگاریم آغلاما مهربان رقیه اوددوتوب قلب داغداریم اولموشام باغریقان رقیه یاره لی دلبرون منادن گلمدی اکبرون شامه کربلادن گلمدی بالام لایلای گولوم لایلای(2) غصه دن گوز یاشون آخاندا قالمیور منده صبرو طاقت یوللارا گوزلرون باخاندا عمه وی ئولدورور خجالت آغلاما سوز وئروبدی جانانون گلر بیر گئجه طشت زرده مهمانون گلر بالام لایلای گولوم لایلای(2) آند اولا جانیوه وطنده هرنه کی گویلون ایستر آللام جدیمون شهرینه یتیشسوک تازه دون تازه معجر آللام قویمارام گوز یاشون آخا صورتیوه شامیدن چیخماقون قالوب قسمتیوه بالام لایلای گولوم لایلای(2) آی ننمدن گوزل نشانه قوی ووروم تللریوه شانه بی ریا عشقوین عیارین جسمیوه یازدی تازیانه آفرین یاخشی استقامت ایلدون بینوا عمه وه حمایت ایلدون بالام لایلای گولوم لایلای(2) تیرمژگانیلن عزیزیم قلبیمی دوت نشانه اوخلا باشیوی توپراق اوسته قویما سینه می بستر ایله یوخلا خسته پر روحیمه توانسان گوزلیم سن منه عشق جاودانسان گوزلیم بالام لایلای گولوم لایلای(2) قوی آلیم بوسه گوزلروندن گوزلرون پاک و بی ریادی دویمارام غملی سوزلروندن سوزلرون دردیمه دوادی نیلیوم باغلیوبدی دشمن یولومی ئوپمه چوخ قمچیلر گویردن قولومی بالام لایلای گولوم لایلای(2) اشکیوی سیل قرا گوزوندن صبریمی الدن آلما ای گل قلبیمه وورما اود سوزوندن عمه وی درده سالما ای گل غم یمه اصغره توسل ائده روک بیر گونی کربلایه باهم گئده روک بالام لایلای گولوم لایلای(2) نیلیوم یوخدی راه چاره قلبیمی سیخدی رنج غربت التماس ایله کردگاره باشه چاتسین غم اسارت دوزرم ناقه لرده یوللار آجیسین قارداشیم اربعینه گوزلور باجیسین بالام لایلای گولوم لایلای(2)