‍ 🌴عم اوغلی چوخ گول سارالار... عم اوغلی چوخ گول سارالار آغلاما خداحافظ بو سن بو ائو بو بالالار آغلاما خداحافظ بو ائوده هر درد و غمه سنده یانموسان منده یاتانمادیم چوخ گجه لر سنده آغلادین منده خیال ایله بیر گولودوق سنده سولموسان منده چمنده چوخ گول سارالار آغلاما خداحافظ عم اوغلی یانّام بو غمه اولدی درگهون مقتل بو نسگلون بسدی منه فضّیه دئدیم تئز گل منیم غمیم بسدی سنه قوی گئدیم بیر آز دینجل بو سن بو ائو بو بالالار آغلاما خداحافظ سنون بیله آغلاماقون قلبیمی ائله داغلور سنه باخور گول بالالار گوز یاشون یوزه باغلور گوزون یاشون توکمه بیله آغلاما حسین آغلور او آغلاسا دل یارالار آغلاما خداحافظ حسن بیلور کوچه غمون قویمادیم دیله سالسون او کوچه ده اولدی نلر روز محشره قالسون گرک گله مهدی بالام انتقامیمی آلسون گله حسین قانین آلا آغلاما خداحافظ اگر چه آز عمروم اولور نسگلیم منیم چوخدی ئورکده هر درد و غمیم قلبیوی دَلَن اوخدی ئوزون منی قبره آپار قارداشیم منیم یوخدی بو سن بو ائو بو بالالار آغلاما خداحافظ او ناگران گوزلرووه گوزلریم فدا اولسون من آغلورام آغلاما سن قویما گوزلرون دولسون بالالاریم نازینی چک قویما گوللریم سولسون تک ائوده قومیا قالالار آغلاما خداحافظ گجیله وئر غسل منه دفن ائله گجه یاری مزاریمی ایتگین ائله ای بلا گرفتاری مزاره قوی تئز گئت ایوه قویما تک بالالاری یولووی گوزلر بالالار آغلاما خداحافظ حسینیله زینبیمون غصه قلبینی داغلار حسینیم اللرده ئولر زینبیم باخار آغلار وئرنده جان گوزلرینی کیم حسینیمین باغلار عم اوغلی چوخ گول سارالار آغلاما خداحافظ بانوای حاج ابراهیم رهبر

یازینب س سلام اولا شهدایه چوخ آغلیان خانما باشینا اللی بیر ایل قاره باغلیان خانما سلام اولا آنا یاسینده باش آچان خانما جنازه نین دالیسیجا گجه قاچان خانما سلام اولا الینه زلفلرین آلان خانما حسینی قانلی منایه یولا سالان خانما سلام اولا یوزینه گوزیاشی آخان خانما یارالی قارداشینا تلّیدن باخان خانما سلام اولا نگران مقتله اَنَن خانما کنار سرور عطشاندا گورسنن خانما سلام اولا نچه ایل رنج غم اوتان خانما حسینی ئولدرَنون خنجرین دوتان خانما سلام اولا الی میداندا دوغرانان خانما گلنده خیمه‌لره ✨اَللّهُمَّ عَجِّل لِوَلیِّکَ الفَرَج✨ چوخلانان خانما استاد معزی اردبیلی

‍ سینه زنی حضرت زهرا(س) به سبک ییخیلوب عباسیم بش یاشوندا گولم___نوالی بلبلم فلک قویمورگولم____آغلارام ننه باخیرام کفنه___هیچ یاراشمور سنه دردون گله منه ____ آغلارام ننه واویلا واویلا ____یازهرا یازهرا آنا یازهرا ننه سیزاوشاقلار___یانانداچراغلار دیزلرین قوجاقلار___آخشام اولاندا دورآل بیردستماز _اولوب وقت نماز آچمیشام جانماز_بوش اتاقوندا واویلا واویلا ____یازهرا یازهرا آنا یازهرا گونوم اولدی قاره قالمیشام آواره یوخ دردیمه چاره____آغلارام ننه آنا سن دویمادون ____گل بالالاروندان هله کی قان گلیر____یارالاروندان واویلا واویلا ____یازهرا یازهرا آنا یازهرا یاس دوتوب مدینه _غرق اولان سفینه یارالاندی سینهنی تک سیزیلار سوزون قولاقیمده___آدون دوداقیمده کلثوم قوجاقیمده___ آغلارام ننه واویلا واویلا ____یازهرا یازهرا آنا یازهرا دفنون قالدی گئجه___محشردور بوگئجه صبرائلیوم نئجه _من فراقوندا دویمادیم سوزوندن___قوی ئوپوم یوزوندن لکه لی گوزوندن___آغلارام ننه واویلا واویلا ____یازهرا یازهرا آنا یازهرا #بش_یاشیندا_گولم #فاطمیه

سبک نوحه فوق☝️☝️ با نوای#بهنام تخت مینا

روضه حضرت فاطمه زهرا(س) سن ئولمزیدین جوان بولوردوم باعث قاپی یاندیرانلار اولدی خلوت کوچه ده الیندن آلدی محکم سندی جرانلار اولدی بولدولر علی ال آچمیاندی سیلی یوزوه ورانلار اولدی دویمازدی علی فاطمه دن، سن دیمه دویدی غم تیری علی قلبینه دگدی نجه اویدی الله بولوری روحینی قبره نجه قویدی زهرا او شهین پیکرینه روحیدی الله روحوندا قولی سینه سی مجروحیدی الله (اما سسلدی زهرا نجه گیدیم ایویمه) آغلار گوزیله گلدی علی غم سراسینه حسرت نگاه ایدوب چمن بی صفاسینه افسرده دل بالالارینی یغدی باشینه خوش انجمن قوروبدی بتولون عزاسینه هر قلبی یاندیرار آناسیز قیزلارون سوزی قیلدی خطاب زینب بخت قراسینه قلبیم دولوبدی مشتریم اوخشاما دِئسون ترویج ویر قیزیم آناوین بزم یاسینه زینب آناوین کشتی عمری گله دوشدی دفن اولدی بقیعده غمی دلدن دله دوشدی  (مولا علی اوچ دفعه خانمی قویدی قبره اورینن گلمدی بیر باسدی باغرینا گنه قبریدن چخدی اشیه اوچومونجی دفعه ده گوردوله علینین آزقالور روحی بدنینن آیرلابیر دفعه گوردی رسول الله الرین آچدی ویر بالامی ) آلدیم الیم اوسته قویام آهسته مزاره گوردوم ارییوب جسمی اوزی منزله دوشدی . یاخجی اولدی  ایکی ال آناوی  آلدی الیمدن محنت اثری هم گله هم بلبله دوشدی . سس گلدی عم اوغلی بئله ساخلالار امانت مرضیه بالام من سیز ایویندن چوله دوشدی ترویج ویر قیزیم آناوین بزم یاسینه اما ئورکده کی سوزووین هاموسون دیمه ساخلا بیر آزدا قارداشوون کربلاسینه (الیکی باباسینان بیر باخدی باباسینا ایستمیردی باباسینین اورگین اونان آرتخ درده گتیره اما دوزنمدی به کیمه دانشا دردلرین کیمه دیسین؟سسلدی بابا گوزونن ایراخ) سینه ده غملریم سان ویریردی من باخردیم ننم جان ویریردی سینه ده یاره لر......... کوینک آتدا یارا قان ویریردی مدینه اهلی گلون اوخشویاخ جوان ننمی قاپی دالندا تحاجم گونی قالان ننمی او کوچه ده نلر اولموشدی منده بولموردوم کی بیر گونی دیله دوتدوم او مهربان ننمی دیدیم ننه نیه منن یوزوی گیزلدیسن سوالیم ایتدی پریشان شیرین زبان ننمی دیدی قیزیم گوزتله علی بولمسین یوزوم گویریب باتاندا سینه سینه میخ در هایاندیدوز که فضه داده گلینجه آپاردی قان ننمی ........ چخرام صحنه گوزوم هی در و دیواره دوشور گوزی کی باغلاماق اولماز گینه مسماره دوشور ✅ارسالی بزرگوار (م. مروت دل) ✨اَللّهُمَّ عَجِّل لِوَلیِّکَ الفَرَج✨

#زبانحال_مولا_علی_ع #اجرا_احسن_حبیبی_نوروزلو 😭😭😭 بیر کوکبیدون فاطمه سن چرخ ادبده مشهوریدون آفاقیده مرضیه لقبده مخفی نیه بو قبریده یاتدون دل شبده ظاهرده اگر چه منی سن گوزدن آتوبسان باطنده علینون ولی قلبینده یاتوبسان ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

#زبانحال حضرت زینب سلام الله علیها🍁 #درسوگ مادر سبک یاندی پروانلر شمعی سوندی پشت درده ننم قالدی الله اشکیلن گوزلری دولدی الله محسنی سقط اولوب ضرب دردن وای ننم گول کمین سولدی الله سسلدی اول زمان پشت دردن گل منی قوزا سن فضه یردن طاقتیم یوخ یخلدیم یوز اوسته یاندی سینم امان میخ دردن غصه لر طاقتیم آلدی الله وای ننم گول کمین سولدی الله اولدی بیهوش قاپی ضربه سیندن عالمی یاندروب ناله سیندن میخ در اوخ کیمین باتمشیدی قان گلوردی ننم سینه سیندن آخ جوان مرگ آنام اولدی الله وای ننم گول کمین سولدی الله نیلمیشدی آنام اهل کینه وردیلار اوت اونون درگهینه باب رحمت یانوب ظلم الیلن صدمه یتدی ننم شهپر ینه قلبیمیز قانیله دولدی الله وای ننم گول کمین سولدی الله تازیانه ویروبلار قولیندان هم صاقیندان دگوب هم سولوندان سیندی پهلو لری ماجرادن چکمه دی لحظه ال دوز سولوندان هی بلوط تک آنام دولدی الله وای ننم گول کمین سولدی الله یوز قویوب مسجده دیلده یاره حامی اولسون شه دل فکاره نیلسون چون آتام یالقوزیدی آختاریددی آنام راه چاره شاهد اول گور نلر اولدی الله وای ننم گول کمین سولدی الله دلده بو یاره لر وای ساغالماز چوخ غمیم وار ولی هیچ آزا آمار فاطمه گلشنی سولدی الله باغبان اولمسه گل سارالماز زینبین قلبی قان اولدی 😭😭😭😭😭😭😭 ﷽🍁 ✨اَللّهُمَّ عَجِّل لِوَلیِّکَ الفَرَج✨

#اجرا_احسن_حبیبی_نوروزلو ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

عرض ارادت خدمت منجی عالم بشریت حضرت امام زمان عج شعراز:کربلایی محمدهوشمند بانوای:کربلایی منوچهرحسن زاده از بس که یوخ زمین و زماندا مثل سنه حیرتده دیر قلم نئجه یازسین غزل سنه تعریفوی یازاندا کیمه بنذه دیم سنی نه آی، نه گون، نه گول، اولا بیلمز مثل سنه حسن و وقاریده سنه بیر همطراز یوخ سن اصلسن، یاراشمیری اصلا بدل سنه نه تک منم که عشقیوه بیر ادعا ائدم دلبسته دور تمام خلایق گوزل، سنه از بس که قاف شان و جلالین رفیع دور سیمرغ دل محالیدی که، تاپسین ال سنه نقاش روزگار سنی چوخ گوزل چکیب احسان اولوب بو مرتبه روز ازل سنه سن نورسن، حقیقته عالی عیارسن شایسته دور که باش اگه شمس و زحل سنه یازسین گرک دی وصفیوی شاعر اوز آدیوه سن اصلسن بو دهردیده یوخدور بدل سنه عالم سنی امید بیلیر داده تئز یئتیش حی علی الظهوردی، خیرالعمل سنه مدهوش اولور گلنده آدین دفتر و قلم منت چکیر عومور بویی قند و عسل سنه #سلیم_نظرآباد #انتظار #کربلایی_منوچهر_حسن_زاده #کربلایی_محمد_هوشمند #پیشنهاد_دانلود #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

لب تشنه حسین ع شاعر:کربلایی محمدهوشمند بانوای:کربلایی منوچهرحسن زاده عمریست که من طالب احسان حسینم لب تشنه ام و تشنه ی باران حسینم در زندگی ام منت اغیار نجویم درسایه ی حق دست به دامان حسینم از دولت و عنوان و غم مال و ریاست صد شکر خدا را که پریشان حسینم جز کرب وبلا جلوه گهی نیست دلم را مشتاق گل روی و گلستان حسینم از اهل ادب رسم وفا یاد گرفتم از کودکی ام عاشق عنوان حسینم آزاده ام و ذلت و خفت نپذیرم در زندگی ام تابع فرمان حسینم با یاد حسین ابن علی می شوم آرام چون یاهوی بنشسته به ایوان حسینم در خوان جهان چشم طمع در سر من نیست با فخر و شرف ریزه خور خوان حسینم وابسته قید رسن غیر نباشم در دایره دولت شایان حسینم جز کرب وبلا درسر من نیست هوایی محتاج به درد و غم و درمان حسینم خواندم همه جا مبحث ایثار و شهامت اما همه سر گشته و حیران حسینم شاعر شده ام وصف کنم روی گلش را چون بلبل شوریده غزلخوان حسینم آشفته ام و مست می کوثر زهرا دیوانه ترین شاعر دیوان حسینم در بحر گنه غرقم و مدهوش ولیکن با دست تهی شایق احسان حسینم #محمد_هوشمند #مدهوش #کربلایی_محمد_هوشمند #کربلایی_منوچهر_حسن_زاده #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---