واقعا دست مریزاد باید گفت به همه دست اندر کاران این کلیپ بسیار جالب حتما ببینید و نشر دهید خیلی عالیه

‍ ‍ ‍ شهادت حضرت زهرا سلام الله علیها ای قلبیمین آرامش و صبر و قراری آغلار گچر سن سیز علینون روزگاری سینونده یاره گیتدون مزاره بو درده ایلوم ایندی نه چاره سنسیز منه دنیا بویوک زندان اولوبدی قلب شکسته فرقتونده قان اولوبدی همواره پیشم ناله و افغان اولوبدی سینونده یاره گیتدون مزاره بو درده ایلوم ایندی نه چاره طوفان ظلم اسدی شکست اولدی سفینه قورتار میان ضربه دگیب ار کان دینه محسن شهید اولدی سنوب پهلو وسینه سینونده یاره گیتدون مزاره بو درده ایلوم ایندی نه چاره سن سیز حسینیله حسن گل تک سارالدی کلثوم وزینب الری قوینوندا قالدی سن سیز منیم قلبیمی طوفان غم آلدی سینونده یاره گیتدون مزاره بو درده ایلوم ایندی نه چاره دنیای روشن گوزلریمده تار اولوبدی قاتل سنه سیننده کی مسمار اولوبدی یوخ یوخ سنه قاتل در و دیوار اوولوبدی سینونده یاره گیتدون مزاره بو درده ایلوم ایندی نه چاره ای عزت عالم  ندن  سن خوار اولوبسان گه مبتلای ثانی خونخوار اولوبسان گاهی گرفتار در ودیوار اولوبسان سینونده یاره گیتدون مزاره بو درده ایلوم ایندی نه چاره قلبیمده زهرا جان بویوک داغلار قالوبدی کلثوم لن ذینب گوزی آغلار قالوبدی گوررم جفائیلن قاپون باغلی قالوبدی سینونده یاره گیتدون مزاره بو درده ایلوم ایندی نه چاره قنفذ سنه وردی نقدری تازیانه فریاد ایدیب گلدین جفائیلن فغانه تاثیر ایدوب قلبیم دونوب بیر پارچا قانه سینونده یاره گیتدون مزاره بو درده ایلوم ایندی نه چاره محنت لباسین پیکریندن سویمادون سن بیر بالش آسایشه باش قویمادون سن سینونده یاره گیتدون مزاره بو درده ایلوم ایندی نه چاره

حضرت زهرا سلام الله علیها ای قلبیمین آرامش و صبر و قراری آغلار گچر سن سیز علینون روزگاری بانوای مرحوم زنده یاد حاج سلیم موذن اردبیلی، #روحش شاد

‍ ‍ ‍ حضرت زهرا سلام الله علیها الهی یانمیوم نجه شرار محنت و غمه منیم آنام جوان اولوب مدینه باتدی ماتمه (( سنی چوخ ووروبلا یات آی ننه سنه قربانام یارالان ننه)) منیم بهار آرزوم اولوب خزان مدینه ده اوجالدی توستی گوگلره توکولدی قان مدینه ده دیوللّر اولدی میخ در بلای جان مدینه ده بو غمده قاره چکدیلر ملک لر عرش اعظمه منیم آنام دفاع ائدوب ولایت نگاریدن بابام علی وفا گوروب او یار باوقاریدن نه لر چکوب آز عمریده بو غملی روزگاریدن اولاردی سو،یاغیدی گر بو غم جبال محکمه الهی شاهد اول منیم آناما سیلی ووردولار گلنده غملی کوچه دن یولونون اوسته دوردولار قباله اوسته مادر حسن حسینی یوردولار شهیده گئتدی دهریدن او بانوی مکرّمه منیم آنام غریبیدی مریضلره طبیبیدی چکردی دورت گولون نازین وفالی عندلیبیدی ملک لره عزیزیدی ئورکلره حبیبیدی حبیبۀ خدا گئدوب قوناق رسول اکرمه پس از پیمبر ارثینی عداوت اهلی بؤلدولر ملال آل هاشمه بنی امیّه گولدولر الهی اوچ یوز اجنبی بیزیم ائوه توکولدولر ووروبلار آتش ستم حریم یار محرمه الهی شاهد اول عدو آنامی الدن آلدیلار اوشاقلیق عالمی منیم باشیما قاره سالدیلار نه تک آنام که شیعه لر قاپی دالندا قالدیلارن قیامته کیمی وورار بو اود شراره عالمه هانی او مهربان آنام منه عزیز جان آنام هایاندا منزل ایلیوب او قبری بی نشان آنام الهی رحم ائله منه یارالیدی جوان آنام نه تاپدی دردینه دوا نه چاتدی سینه مرهمه ✍️ استاد کلامی زنجانی            

حضرت زهرا سلام الله علیها الهی یانمیوم نجه شرار محنت و غمه

#سلام_اربابم ياحسین‌علیہ‌السلام🌺✨ ﺭﺩ ﮐﻨﯽ ﯾــﺎ ﻧﮑﻨﯽ ﺟﺎﯼ ﺩﮔـﺮ ﻧﯿﺴـﺖ ﻣـﺮﺍ ﺷﺎﻩ ﻋﻄﺸﺎﻥ ﻧﻈﺮﯼ ﮐﻦ ﮐﻪ ﮔﺮﻓﺘﺎﺭ ﺗـﻮیـیـم لبیـڪ‌یـاحســــین❤️

‍ ‍ زبانحال حضرت علی (ع) در شهادت حضرت زهرا (س) تقی سیفی اردبیلی دردیم دواسی زهرا روحیم صفاسی زهرا گیزلینده قبره گئتمیش گیزلین یاراسی زهرا آواره دیر عم اوغلون زهرا منی دانشدیر آز قلبیمی آلشدیر گؤگلون کوسوبدو مند‌ن انصافه گل بارشدیر آواره دیر عم اوغلون رسوا ائدیبدی کفری پیغمبرین شعاری سندیردی دست ظلمو زیبا سؤزۆن ، وقارون بیلمَم کی دوشدو هاردان جبراً سنین گُذارون غسلون وئرَ‌نده گوردوم نیلی اولوب عُذارون آواره دیر عم اوغلون واردیر یئری اوجالسا هر لحظه شور و شینیم قول باغلیام قضادَ‌ن چارَم کسیلدی نئیلیم آواره دیر منیم تک ایسته‌کلی نورِ عینیم زینب غموندا اوخشار دایم ملر حسینیم آواره دیر عم اوغلون جسمون بوروندو  نوره فانی دیاره گلدی اون سگگیز ایلده بختون تئز دوندو قاره گلدی مسمار اولوبدو باعث سینه ن فشاره گلدی بیر گونده دوقّوز ایللیک عشقون عیاره گلدی آواره دیر عم اوغلون من شاهکار خلقت سن شأنِ مُلکِ جنّت آیاته من مفسِّر سن سوره‌لرده‌ن آیت والشمس و الضحایه من سن گوزَ‌ل علامت سن یاتمسان یارالی من قالمشام خجالت آواره دیر عم اوغلون ظلم اهلینین داغلسین زهرا گوروم تیفاغی گلزاری برهم ائتدی سندیردی گُل بوداغی آخشام یانار چراغلار خلقین گلر قوناغی باخ گور آناسیز ائوده کیم یاندیرار چراغی آواره دیر عم اوغلون قبر اۆستونه گلنده من دل شکسته هر شب اشک ملایم ایلر گوز کاسه‌سین لبالب گوررَ‌م حسین سزیلدار اوخشار سنی مرتّب غم دیزلرین قوجاقلار آغلار دالمجا زینب آواره دیر عم اوغلون قوش آشیانی مثلی برباد اولوب تیفاقیم هر گون گوره‌م مزارون وار دیلده اشتیاقیم روحیم دوشوب صفادَ‌ن گلمَز یئره اَیاقیم هیچ یانمیوب مرتبّ سنن سورا چراغیم آواره دیر عم اوغلی

‍ نوحه شهادت حضرت زهرا(س) وصیت به مولا علی علیه السلام ساقی کوثر ئولورم یاعلی فاتح خیبر ئولورم یاعلی گل اوخو قران منه ای سروریم یار پیمبر ئولورم یاعلی علی علیجان علی(۲) جان سنه قربان علی(۲) ⬛️ اهل سمانین اورگین داغلاما صورتووه گوزیاشووی باغلاما فکریمی برهم ایلمه دلبریم صون نفسیمده بو قدر آغلاما علی علیجان علی(۲) جان سنه قربان علی(۲) ⬛️ شیشه ی عمریم چالانوبدور داشا عمروم آز اولدی ولی چاتدی باشا دردیمی گیزلتدیم ئوزوم آغلادیم قارداشیم اولمادی دیَم قارداشا علی علیجان علی(۲) جان سنه قربان علی(۲) ⬛️ دختر طاهانی ندن ویردیلار همسر مولانی ندن ویردیلار اولمادی حق اوسته دورا بیر نفر غمزه‌ده زهرانی ندن ویردیلار علی علیجان علی(۲) جان سنه قربان علی(۲) ⬛️ درگهیمی ثانی گلوب یاندیروب قول قنادیمی او ندن سیندیروب گورنجه ظلم ائتدی او ملعون منه محسنیمی قانینه بویاندیروب علی علیجان علی(۲) جان سنه قربان علی(۲) ⬛️ عفو ائله تنها قویورام من سنی ترک ائدورم بو پوزولان گلشنی گوندوز اگر ئولسم عموغلی گجه گیزلین آپار قبر ائوینه سن منی علی علیجان علی(۲) جان سنه قربان علی(۲) کربلایی_حسن_طیبان

آرزوی کربلا( بدرقه زائر کربلا) گئدن زیارته ای کربلایه زائر اولان گئدن قدملریوه یوللارا ئوزم قربان نقدر آرتوخ اولار یوللارین غم و رنجی گلایه ایلمه که رَنجبَر تاپار گنجی همان او گنج اوزی بس رنجلر خزینه سیدی آدی حسین دی پیمبر سُرور سینه سیدی ازل او یرده دایان کاظمین دور آدی او شهر ایچینده سراغ ائت غریب بغدادی گیرنده روضۀ غمناکینه یانا یانه غریب امامه سلام عرض قیل غریبانه یانیندا یاتمیش امام جوادی گور مسموم او بیر ضریحیده همدرد اولوب ایکی مظلوم ایکی سینین یادا سال نسگلین ئورک داغلا آدامسیز ئولدوله سس چک دویونجا بیر آغلا سفر تدارکی گور کربلایه ایله گذر او آلتی گوشه لی قبره یتنده ایله نظر گورنده روضه ده غمدن گونون قرا گئجه دی سلامدن صورا عرض ائت یارالارون نئجه دی ایاق طرفده مراعات احترام ایله جوانلارین دیلیجه اکبره سلام ایله اوزووه بو سوزومی هر دقیقه فرض ایله قوجالاریندا سلامین حبیبه عرض ایله اون اوچ یاشیندا جوانلار که چوخ گلور داده یتور سلاملرین حجله گهده داماده باخ اون یاشیندا جوانلار ئورک یارالارینا یتور سلاملرین زینبین بالالارینا بو خوردا قیزلاری دا مقضی المرام ایله سوسوز ئولن ایکی خوردا قیزا سلام ایله اونوتما سود امر اطفالی آل گلن نظره اوشاقلاریندا سلامین یتور او سود امَره مُخَدَّره آنالاردا بو خواهشی ایلر آناسیز اصغره لایلای سفارشی ایلر فرات اوسته یتنده حریم سرداره سلام عرض ایله یالقیز یاتان علمداره بو روسیاهه ده لطفون حَدِ تمامه یتور منیم سلامیمیده اول قره غلامه یتور

زبانحال مادرانه ای عشقیمین گویونده گزن آفتاب اوغول یاندیر بو داغلی سینمی ائیله کباب اوغول هر لحظه هر نفس اوزومه ایستیرم ئولوم سنسیز بو فانی عالمی نیلییر رباب اوغول گلمیر سسین قولاقیمه اوغلوم هایانداسان یاندیم شرار غمده من دلکباب اوغول نیزه باشیندا باخ منه هردم گوزل بالا ائتمه بو قدری شام خرابه شتاب اوغول داغلی دلیم قدم به قدم داغلانیر علی اولسون بنی امیه نی خانه خراب اوغول عطرون گلیر منه ولی چاتمیر الیم سنه گل آچمامیش فلک سنی ائتدی گلاب اوغول هر گول گورنده غنچه زمانی خزان اولوب جوشه گلر اورکده غم بی حساب اوغول عمه ن بیلیر نقدری غمیم وار بو سینه ده قلبیمده وار دی شام و سحر اضطراب اوغول هردم یوخوما گل بیر اوپوم قانلی صورتین بو بیقراره ائتمه بو قدری عتاب اوغول منده یورولموشام ستم روزگاریدن هر بیر نفس وئریر منه رنج و عذاب اوغول یاده سالاندا عمروون آخر دقایقین شرمنده لیک اودی منی ائیلر کباب اوغول نه سو تاپولدی نه سودیم اولدی همان گئجه نه سنده اولدی تشنه لیقا صبر و تاب اوغول چاره م کسیلدی اللریوی باغلادیم سنین آغلار گوزوم بو محنته مثل سحاب اوغول خلوت اولاندا اوز اوزومه سسلرم سنی اما نه چاره اولموری سندن جواب اوغول عفو ائت منی که اوخ یاراوی باغلیانمادیم دردین شراری روحیمی ائیلییر مذاب اوغول مونس اولوب منیله خیالین داریخمارام خوشدور که اولماسین آرامیزدا حجاب اوغول هر قدر صبره دعوت ائدیر عمه لر منی دردیم ورقلنیر یازیلیر مین کتاب اوغول

تصوّر ایلین اولسا مقامِ زینبدن دوشر تحیّره شان عظامِ زینبدن بو شان و رتبه ده دنیایه گلمیوب بانو به غیر حضرت صدیقه، مامِ زینبدن بو اعتقادده ام کسبِ احتشام ایلیوب عُموم مُحتشمه ، اِحتشامِ زینبدن نکاتِ تَسمیه دن بهره مند اولا هر کس عرایضیم اونا روشندی نامِ زینبدن هامی شرافته دارادور اصلاً و ذاتاً هانی اصیل نژاد مهامِ زینبدن؟ آتاسی شاه ولادور، که دین تکمیله یتوب وصایت باب گرامِ زینبدن آناسی حضرت زهرادی ، قارداشی حسنِین کمال لطف اولونوب لاینامِ زینبدن او که شرافت ذاتیدی بسته دور علمه نه جای بسطِ کلام ، علم تامِّ زینبدن همان خانمدی که شأنینده عَمّتی اَنتِ کلام صادر اولوندی امامِ زینبدن ادبده ده گر اولا شرافت ذاتی هانی مؤدّبه ذات گرامِ زینبدن؟ محالیدی که ادب آیریلیدی بیر لحظه قیام و یَقظه ، قُعود و مَنامِ زینبدن هامی مدایحی بیر یان ، شهامتی بیر یان عجبدی شدّته صبر و دوامِ زینبدن ثُبات و صبرینه باخ ، قتلگهده سجّاده حُصول تسلیت اولدی کلامِ زینبدن امامه نقل حدیث ایتدی، تاپدی بهبودی علیل زخم دلی ، التیام ، زینبدن (حدیث ام ایمن) حیاتی مَصرعِ اکبرده ایلدی تجدید حیاتِ عالمه باعث خُرام زینبدن یقیناً امر شهادت نتیجه ویرمزدی گر اولماسیدی اسارت مرامِ زینبدن یقیناً امر شهادت نتیجه ویرمزدی گر اولماسیدی اسارت مرام زینبدن او گلستانِ شهادتده باغبان اولدی گلِ مراد دریلدی قیامِ زینبدن او گلشنی که بهارینده جبرا" اولدی خزان اولوب همیشه بهار، اهتمامِ زینبدن جِدا باشیندا حسین یقدی باشلاری باشنا گیدردی سمت دمشقه ، اَمام زینبدن بودا دوزوب باشا هشتاده دین قرا معجر که شَه°جلالی چوخالسون نظامِ زینبدن اولاندا کوفیه وارد قطارِ آل الله تعجّب ایلدی خلق ، انتِظامِ زینبدن سرور بَربَط و چنگیله ایتدی استقبال همان او فرقهء بی ننگ و نام ، زینبدن دیردیلر که بولار خارجی اسیری دیلر بو سوز مخالف اولوب ، عینِ کامِ زینبدن مصمّم اولدی خانم قُوهء فصاحتدن بوله حقیقتی هر خاصّ و عام ، زینبدن او پرده لر که چکوب حقّه قومِ بی پرده جمالِ حق آتا عالی هُمامِ زینبدن بویوردی ساکت اولون ای جماعتِ گمراه طریقِ حقی تاپون اِعتصامِ زینبدن کسیلدی همهمه و قیل و قال و بانگِ جَرس همان او واجب الاذعان پیامِ زینیدن دل آچدی عالِمهء بی معلّمه نطقه شرر توکولدی لِسانِ حُسامِ زینبدن یانوب همان شرره دودمانِ سفیانی یخیلدی خانهء ظلم ، انهدامِ زینبدن ایدوب او صوت و فصاحتله خطبه سین ایراد بعین علی دانشور ، لیک کامِ زینبدن خدایه حمد دئدی ، گوندروب رسوله سلام خروش اوجالدی ، او حمد و سلامِ زینبدن هامی دیردی خدایا علی اوخور خطبه؟ رهِ اعانت فرض مدام زینبدن سینیق کجاوده یا بیر اسیر بانودور؟ عجب اسارت و وَقر تمامِ زینبدن او قیل و قالی خانم کسدی کسرِ صحبتیله خِتام°همهمه تاپدی ، ختامِ زینیدن دئدی علی دگولم لیک مرتضی قیزییَم بو لهجه ارثدی ، بابِ فَخامِ زینبدن اوتانمسوز که بیزه خارجی خطاب ایدوسوز؟ مگر بو نقصیدی بیر احترامِ زینبدن؟ سیزه بو شهرده بیش ایل خانملوق ایلمیشم حیا علیدن ایدون اتّهامِ زینیدن مگر دگلسوز اولار توتیای چشم آلدوز بیر عمر ، تربتِ درگاه و گامِ زینبدن او مرده دللری سِحرِ بیان ایدوب إحیاء سس آلدیلار او سیزیلدار عِظامِ زینبدن چکوب سس آغلادیلار اوج ایدوب گوگه شیون او شهر ایچینده حبیب و حضامِ زینبدن بویاندا باشلادی قرآن ، جِدا باشیندا حسین آزالدا بلکه اورکده ضرامِ زینبدن که یعنی باجی منم شاهدِ بیاناتون دم شهادته باخ مستضام زینبدن باجی ایشتدی که قرآن اوخور گینه قارداش بولوب حمایتی وار مستضام زینبدن اورکلنوب دئدی لحنِ حجازیوه قربان بو مرغِ روح ، بو مجروح دام زینبدن جِدا بویوندا گونوم نولدی سایهء لطفون دونن کسیلدی سرِ با لِثامِ زینبدن بو گون بو وقتده تشریفون ای شرف کانی سیلر گوگولده محندن قتام زینبدن قسم خدایه بو شهری ، بولییدیم اجلالون سولاردیم اشگیله سرشار°جام زینبدن آخور عذاره جگر قانی ، سندن آیریلالی گیجه گونوز مژهء چون سهام زینبدن قوییدیلر آپاراردیم سعادت شوطی او رأسِ باطنِ بیت الحرامِ زینبدن...

شعر جدید در فراق پدر به سبک من مانده ام تنهای تنها ای منیم نام ونشانیم وی منیم آرام وجانیم وای آتام وای دیلده یوخ تاب و توانیم وی منیم روح و روانیم وای آتام وای غصه دن قان اولدی قلبیم آغلارام من آغلارام من سینه می غملرده بابا داغلارام من داغلارام من دویمادم دنیاده سندن کوسمه بابا سنده مندن جان آتا جان عالمی تئز باشدان آتدون گون کیمی آخشامدا باتدون جان آتا جان ای منیم پشت پناهیم گیتدون الدن گیتدون الدن قالدی اول گوزده نگاهیم گیتدون الدن گیتدون الدن اف اولا بو روزگاره قلب زاره ورودی یاره وای آتام وای اولمادی بو درده چاره باخ بو چشم اشکباره وای آتام وای حیف اولا تئز گیتدون الدن سن آتا جان سن آتا جان دویمادیم دنیاده سندن من آتا جان من آتاجان دهریده ای عز و جاهیم قالدی یوللاردا نگاهیم مهربـانيم بو جهاندا جان پناهیم چیخدی عرشه اشگ و آهيم مهربـانيم گول کیمی صولدون جهاندا ای آتاجان ای آتاجان قالدی چوخ دردین نهاندا ای آتاجان ای آتاجان دل فراقونده یانوبدی قلب زاریم اودلانوبدی جان بابا جان غم غم اوستوندن یاقوبدی راه چاره باقلانوبدی جان بابا جان غم سالوبدی باشه سایه جان بابا جان جان بابا جان ائللرین گلموش نوایه جان بابا جان جان بابا جان زندگینون یوخ وفاسی سنسیز ای آرام و جانیم مهربـانيم اولموشام غم مبتلاسی سنسیز ای روح روانیم مهربـانيم دای داغیلدی عز و جاهیم وای آتام وای وای آتام وای گیتدی الدن جان پناهیم وای آتام وای وای آتام وای ملتمس دعا مهدی ملکی