استقبال از شهید گمنام به سبک : امیری حسین و نعم الامیر 👇👇👇👇👇👇👇👇👇👇👇👇 سلام و علی ایها العرفا سلام و علی ایها الشهدا سلام ای شهید ره مرتضا سلام ای گلستان عشقه صفا سلام ای چتینلرده مشکل گشا سلام ای ائدن دینه جانین فدا واگیر: (سلام ای سوسوز گول کیمی تز سولان سلام ای آدی یادی ایتگین اولان) ۲ بار (یارالی یارالی یارالی شهید) ۴ بار 🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷 بو عالمی گوزدن عجب آتمیسان مقام وصال حقه چاتمیسان یارالانمیسان ،قانیوه باتمیسان تابوت ایچره دینجلمیسن یاتمیسان واگیر: (سلام ای سوسوز گول کیمی تز سولان سلام ای آدی یادی ایتگین اولان) ۲ بار (یارالی یارالی یارالی شهید) ۴ بار 🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷 شب جمعه لر وا حسین وای دئدون گوزوندن آخاندا قان ایوای دئدون ربابون دیلنجه علی اصغره سوسوز آج قالان وقته لایلای دئدون واگیر: (سلام ای سوسوز گول کیمی تز سولان سلام ای آدی یادی ایتگین اولان) ۲ بار (یارالی یارالی یارالی شهید) ۴ بار 🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷🇮🇷 شعر از بهمن جعفری زینجناب ۱۴۰۳/۹/۱۱

قالدیم آواره الهی دیوم هانسی یارادان باشلیوم سینه حدیثین ننه دن یا بالادان یارا ارث اولدی حسینه بو یارالی آنادان قوی دیوم آغلا ایکی حالدا ایکی خون جگره بالا آماج اوخ اولدی ننه اوخدان بتره کربلاده اوچ اوخ آتدی او دنی تیرانداز بیر جبین پارچالیوبدور بیر ئورک بیرده بوغاز قانلی مسماریده اوچ قان توکوب ، ای اهل نیاز بیری زهرا ، بیری محسن ، بیریده مظلوم علی حیدرین دلدی او مسمار ئورگین اوخ مَثلی

سلام     سلام اولا اوقانا که یاخولدی دیواره   سلام اوسینیه که دوزدی رنج مسماره سلام او بیکسه که داده فضّه نی چاقوروب    مزاحم اولمادی گوشه نشسته   کرّاره سلام اولا اواشاقه  تولُدونده اونون    ننه سی یاره لنوب یاندی نار اشراره سلام اوزینبه که قانلی صحنه نی گوردی     قاچوب اویان بویانا لیک تاپمادی  چاره سلام اوصبره که دشمن وراندا زهرانی    نبی وصیّتی اولدی   ملاک   اوبی یاره

۞﷽۞ زبانحال حضرت علی (ع)درفراق حضرت زهرا(س) 🎵 درسبک : ایران اگردل تورا شکستند 🌷 با مداحی حاج جواد حسن زاده 🌷 ۱۴۰۳/۹/۱۳ زهرا خـزانــه دونـدی نـو بـهـاریـن پوزولـدی گورنـه لالـه زاریـن رضاگل اولماچوخ پوزولسون وقـاری غـمـلـی شـهـریـاریـن زهرا تــرحــم ایـلـه بـیـرآمــانـدی یـانـان دیلیم غمونده یـاندی کـیـمـه دیـیـم غـم و مـلالیم سمـایـه سـوز دیـل دایـانـدی زهرا دوشـنـده نیسگیلین خـیـالـه گـوزومـده گون دونور زوالـه قاپیم یانان زمان دویولـدون یــری وارآغـلاسـام او حـالـه زهرا ولایت اوسته قـانـه بـاتـدون نـه تیـزعلینـی گوزدن آتـدون قـولـی قـابـیـرقـاسـی یـارالی مـزاریده گـیـجـیـلـه یـاتـدون زهرا فراقـیـوه حسـیـنـیـم آغـلـور حسنده سینه سینـی داغـلور اَلـیـرعـذاره زیـنـب اَشـگـیـن بـوغـمـده باشـه قـاره بـاغلور زهرا دیـور جـوان ئـولــن آنـام وای قـابـیرقـاسی سینان آنـام وای قـاپــی دالـیـنـدا ظـلـم اَلـیـلـه بـالاسی سـقـط اولان آنام وای زهرا حـســن اَلـیـنــده گــو شــواره یـانــور دیـلـی شـــراره نــاره او کـوچـه ده نَـلَــر گـوروبـدی دیـلـیـنـده هـی اِئـدور اشــاره زهرا آنـام یـولـونـی کَـسـدی ثــانــی جـفـا اَلـیـن ویـریــب نـشـانــی عــذاریـنـه ووروبـدی سـیـلــی گـوزونده تـارائـدیـب جـهــانــی زینب او نـیـلـگــون یــوزی سـارالـدی کَــدَرلـی قـلـبـیـنـی غــم آلــدی یـخـیـلــدی سـسـلـدی الـهــی یانـیـب یوزوم ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

‍ ‍ ‍ #زبانحال حضرت امیرالمومنین (ع) در کنار مزارحضرت زهرا (ع) سبک : ای حرمینه ناز ائدن ... عطری گلور محرمون ... واردی باشیمدا یا حسین ... فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم گرد غمون نشست ائدوب قلبیمه چوخ چتین سیلم جان یتیشوب دوداقیمه فاطمه راضیم ئولم گلمیشم ایندی قبریوون اوسته بیر آزجا دینجلم ئولمور علی ندن؟ ندن گلمیشم آغلیام گئدم سن ائویمه گلین گلن وقته یوخیدی چون آنان غصه لَنَردون هر زمان گوز یاشین ایلدون روان زینب عروس اولان زمان بخت ائوینه گیدن زمان فاطمه نیلوم اوندا من گلمیشم آغلیام گئدم آیریلیقون سالوبدی اود بو دل پر شراریمه یالوارورام یوخی گَله دیدۀ اشکباریمه محسنی آل قوجاقیوه گَل یوخودا کناریمه روح تاپا بو خسته تَن گلمیشم آغلیام گئدم محنت فاطمه سنی ایلدی «عینی فرد» حزین قلبووی یاندیرار چخار سینه دن آه آتشین شعر یازاندا صدقیلن یاز ائله پاک نیّتین گور نه گوزلدی سر سخن گلمیشم آغلیام گئدم

‍ سینه زنی حضرت زهرا (س) من فاطمیم زندگیدن دویدوم عم اوغلی خوش گونلریمون جامه سینی سویدوم عم اوغلی گیتسمده مزاره گینه سندن نگرانم دشمن قاباقیندا سنی تک قویدوم عم اوغلی من فاطمیم قلبیمی درد و محن آلدی دوشدی نفسیم تنگه داخی وقتیم آزالدی راحت اولورام رنج و فشار و غم الیندن آغلار بالالاریم سنون امیدیوه قالدی هئچ کیم بیله بیلمز من بی یار ، فشارین ضرب دریلن سینه ده مسمار فشارین بیر ظلمیدی من گوردوم اونی من بیلورم تک هئچ کیم بیله بیلمز در و دیوار فشارین من فاطمیم خون دلیم آخدی گوزومدن درد اهلی بیلر حالیمی بو اودلی سوزومدن پیغمبر آنا سسلدیگی خسته بتولم ئوز حقیمون اوستونده دگولم بانوای زنده یاد حاج محمد باقر منصوری اردبیلی 👇👇👇👇

‍ ‍ ‍ روضه حضرت زهرا (س) کیم سن کیمی آفاقیده محتادیدی صبره دوزدون ئوز عمواوغلونان اوتور سن هامی جبره گتدیم ئوز الیمله گئجه قویدوم سنی قبره راحت گئجه لر یاتمازدون بو گئجه یاتدون بو قبریده اما یارالیدون نجه یاتدون بیجا یره من آغلامرام واردی دلیلی ثانی ال آچوب وردی یول اوسته سنه سیلی گل صورتیوی سیلی یری ایلدی نیلی بنذردون اوگونن سارالان یاپراقا زهرا قویدوم او گورمیش یوزوی تپراقا زهرا (خانمی قویدی قبره باخدی بیر او ارین بدنه زهرا زهرا) قولوون سینماقی سیندردی منیمده بیلیمی قسم اولسون یارالی جانیوه زهرا یانارام غسل ایدن وقته سنه اولموشم الله بولوری آگه اولدوم غم پنهانیوه  زهرا یانارام ای عمواوغلونان  همیشه ناگران ای منه خاطر اودان بیر عمرقان ای ئوزونن چوخ منه جان یاندران

‍ سینه زنی، ای سویگلی جانانیم اللرده ئولن زهرا قبره گیجه تابوتی گیزلینجه گیدن زهرا یاندون اریدون غمدن پروانه کیمین گیتدون گلشنده خزان ویرمیش ریحانه کیمین گیتدون بو شهریده سن قبره بیگانه کیمین گیتدون زندانون اولوب آخر گونلرده وطن زهرا قویدون منی آواره مقصوده ئوزون چاتدون آز اولدی گوزل عمرون صبح اولدوزی تک باتدون تپراقلارین آلتیندا نیلی یوزیلن یاتدون ایلر گونومی قاره بو درد و محن زهرا سن بیر گولودون مثلون عالمده دوبار اولماز سن عطریده هیچ گلشن خوش منظر و بار اولماز کیمدور دئیه بیر گولنن عالمده بهار اولماز مین فصل بهار اولدی طاهایه علن زهرا سننن صورا دنیاده واللهی پریم سیندی بیر ظلم ایلیوب ثانی رخشان گُهریم سیندی گوردوم سنی قان ایچره زهرا کمریم سیندی یوخ دردیمی دنیاده بیر کیمسه بیلن زهرا بو سینه ی سوزانی هجران اوخونا دلدون ای قدی کمان قبره سینونده یارا گلدون غم غصه دن آند اولسون ئوز جانوه دینجلدون یات قبریده آسوده ای غصه چکن زهرا حشره کیمی بو نسگیل یورقون سینمی داغلار گوز آلتی قیزون زینب مسماره باخار آغلار قویدون نه یامان یئرده زهرا قاپومی باغلار یوخ عرض تسلایه صد حیف گلن زهرا قان آغلارام اطفال بی یاره گوزوم دوشسه یا زینب مظلوم و خونباره گوزوم دوشسه ئوللم من اگر ایوده مسماره گوزوم دوشسه چاره م ندی بس نیلوم لطف ایله دینن زهرا بنذردی گوزل چهره اون دورت گیجه لیک ماهه تنگ اولدی فنا دنیا سن سیز اسداللهه سندن صورا حقیم وار دردیمی دیسم چاهه یخدی ایویمی قوم بی دین و فتن زهرا یاده سالارام دردون ای عشقیمه پروانه سن تک گله مظلومه هیهات بو دورانه ووردی یوزیوه ثانی بیر سیلی خصمانه مندن ایلدون پنهان رخساروی سن زهرا یوخ حیدرون عالمده بو زندگیه میلی غسلون ویریلن وقته اولمیشدی یوزون نیلی بیلدیم که ووروب ثانی گول صورتیوه سیلی سندن او زمان اولدوم خجلت زده من زهرا زهرا یوخوما بیر گل تجدید وصال ایله شرمنده عم اوغلوندان سن دفع ملال ایله ئوز حقّووی مولایه دنیاده حلال ایله سن سیز منه زنداندی هر باغ و چمن زهرا عزّت یولی عشقونده همّیشه فراز اولسون کیم وار منه دنیاده سن تک گول ناز اولسون سن ایله دعا عمروم سندن صورا آز اولسون سینمده گیدر قبره بو درد کُهن زهرا ** مرحوم حاج فرهاد فکری اردبیلی

حالات غسل صدیقهٔ طاهره سلام الله علیها قویدی مغسل اوسته یارین یارینه یار آغلادی دیل آچیب گلدی دیله دلداره دلدار آغلادی جسمی اولدی نچه دم بیگانه یورقون جانینه إئتدی سیزقین ناله نی تحمیل محض افغانینه جان عالم حسرتیله باخدی بیر جانانینه داغلی دیلدن چکدی بیر آه شرر بار آغلادی ائیلدی غسله اراده تا امیرالمومنین ال آپاردی خارج ائتسین سرّ حقین کوینگین اللری اَسدی ائله بیر حاله قالدی ، دل غمین مغسل اوسته حالینه آهسته غمخوار آغلادی گول سریلجاق اوستونه ناگه گلاب اولموش نثار گول نه گول سینمیش بوداقی ظلمیله فصل بهار آشکار اولدی او دم کی سینه سینده زخم خار باغبان ای وای دئدی حسرتله گلزار آغلادی اولدی آثار جراحت چوخ مؤثر حیدره هر اثر پوزدی پوزولموش حالی بیرده یکسره بیر اثر القصّه احساسی یئتیردی بیر یئره اوز اوزه قویدی ئؤرکدن شاه ابرار آغلادی سویلدی ای إئتمین اهل ستمدن واهمه کیم دئدی بیر بیله محنت چک منه امّا دئمه من سنی آخر نجه تغسیل ائدوم یا فاطمه بو نه غمدور کی بونا هر نه غمیم وار آغلادی ایستدی تا طاهر ائتسین طهر محضی شستشو سویلدی اسمایه اسما گل اله آل بیر سبو وار یاراسی قیل رعایت توک ولی آهسته سو که بو یاره اوسته قانه باتدی مسمار آغلادی توش اولوبدور شیشه ی قلبی ملالت داشینا باغلی گوزلر اوسته بیر باخ جمع اولان گوز یاشینا بیرده اسما چوخ یاواش توک سو آغارمیش باشینا کیم بو باشین محنتینده چرخ دوّار آغلادی اهل باطل بو حقیقتله مقابل دوردولار ذلّت اوسته خیمه ی دعوانی ناحق قوردولار بو وجودی کی وجودومدور منیم چوخ ووردولار سانمادی هر بیر ووران کی بو وفادار آغلادی چشم عین الله اولوب همدم سرشک غربته اشکی گویا غسل وئردی سمبل حریته مغسل اوسته تا گوزو دوشدی گویرمیش صورته بیرده یاندی داغلی قلبی چشم خونبار آغلادی بیر یئره ختم اولدی محنت دوشدی طاقتدن بئلی ناگهان سینمیش قولا دگدی یدالهین الی قویدی دیواره اوزون ای وای دئین لحظه علی ناله سیندن در فغانه گلدی دیوار آغلادی ائتدی فرمایش اولان ای اشکی جاری دامنه گوزلریم آخرده دوشدی گور نه حالتده سنه دوشموسن باخ گور نه حاله فاطمه ای وای منه وای کی بو غمده عم اوغلون چکدی بیر جار آغلادی دست محنت پوزدی بیر بیر نقشه ی پرگاریوی ائیلدی غرق ملالت کشتی افکاریوی قیل بیان سالموش بو حاله کیم سولان رخساریوی کیم بو سرَّ واقف معنای اسرار آغلادی بیر وصیت ائیلدون آخر منه جان اوسته سن نه وصیت که إئشیدجاق آغلادیم گیزلینده من کیم گوروب یار ایلسون اوز یارینه غسل و کفن بو خبردن اولدی ائوده کیم خبردار آغلادی دیده ی (( دلپاک )) اولور همدم سرشک آلیله ماتمینده گورسنور گوز یاشلی قاره شالیله چکدی تا شعره ملال غسلی پوزقون حالیله دفتر اوسته خط به خط شوریله اشعار آغلادی رضا غلامپور(دلپاک)

‍ 🍂آجرڪ‌الله_یابقیة‌الله 🍂 🍂روضه وصیت حضرت زهرا(س)به زینب کبری وگریز به قتلگاه🍂 اوچ گون قالوردی اولماقینا خیرالنساء تبدیل ایدوبدی منزلینی بزم خلوته بیر زینبیدی بیر ئوزی منزلده فاطمه گلدی دله بیان ایدوب اول کان عصمته گل همدم اول منه سنه وار سری سوزوم ساخلا ایکی گوزون کیمی بو کوینگی آینده ده گیدرسن حسینیله غربته قارداشیوون بو پیرهنه احتیاجی وار بیر گون بونی گییب گده جاخ بزم وحدته هروقت حسینیم ایسته سه سنن بوکوینگی بیر ساعتین قوناقیدی بول آل عصمته گوندوز خیامه فرصتیم اولماز گلم قیزیم خاطر جم اول گئجه گلرم سر سلامته ایا امام زمان ئوزون کمهلیخ ایله عمرونده چوخدی غملی گونون غملی ساعتون هیچ ساعتون یتیشمیه جاخدور اوساعته زهرابولوردی اوچولده نلر اولاجاخ دیوردی قیزیم یادندا ساخلا اولحظه ای کی الین الدن اوزولر بالام قالار دشمنلر الینده اوزماندا سنین اوگونن چتین ساعتین یوخ غرض کرب وبلا خلیلی گیدی اوکوینگی سعد اوغلی قویمادی کفن اولسون او حضرته عریان قویوب دیدی کفنی نیلیورحسین بی نیت ایلشمه ها مریض لرده یاد اولسونلار سالسون گرک یارالاری گون اذیته بیر ظلم ایدم گرک باجسی غصه مرگ اولا نه ظلم ایستور الیه کی باجسی غصه مرگ اولا؟ گلدیلر عمرسعده لعینه بولموروخ حسینین ایشی تمام اولوب یانه دستور ندی؟ عمر سعد دستور ویردی من بولوندورم حسین جان ویروب یا نه دستور ویردی آتلارین نعلین عوض اله دیلر بیر ظلم ایدم گرک باجسی غصه مرگ اولا او اسناده قوشون یول آشدلار بیر طرفده قلب خونین بیر طرفده همهمه ای گون آزاد حرارتیوی یاندی قارداشیم بس گورموسن کی عالمه سلطاندی قارداشیم خانم یتیشدی او گودالین کنارینه باجیسی زینب کبری گلنده قتلگهه تعجبّیله نظر سالدی بیر یارالی شهه نه گوردی وار نه باشی نه لباسی پیکرده لباس سهلیدی، یوخدور بیلکده اللرده گورنده واردی نه باش نه لباس قارداشدا مدینه سمتینه یوز دوندروب الی باشدا آدیله سسلدی اوز جدّینی او دریا دل جفای اهل جفادن آچوب شکایته دل دیدی بابا بو حسینوندی قاننه غلطان کسوبدیلر دالیدان نازنین باشین عطشان یارالی جسمده واردور نه پیرهن نه قبا نه واردی خامس آل عباده بیرجه عبا عمامه سین آپاروبلار ستمله تاراجه یارالی باشی چخوب نوک نی ده معراجه #روضه_حضرت_زهرا_سلام_الله #فاطمیه ✨اَللّهُمَّ عَجِّل لِوَلیِّکَ الفَرَج✨

السلام علیک یا فاطمه الزهرا (س) زبانحال زینب کبری(س) در تشییع مادر ✍کربلایی مهدی عبادی (بیکس) آهنگ عروسم باشیما کوللر الندی گونی قاره زینبم من آنام ایوای آنام ایوای زینبون دویمادی سندن آنام ایوای آنام ایوای اِئووندن نصف شب هارا گدیرسن سینه ده یارا گدیرسن نچه آیدی اویمیزدن اوجالور ناله صداسی سنی آغلاداردی دائم باشیوون دردوبلاسی وای منه ساغالمیوبدی قانلی سینوین یاراسی اِئووندن نصف شب هارا گدیرسن سینه ده یارا گدیرسن کیم گوروبدی بیر جوانین قدّی سن کیمی بوکولسون نیلمیشدون قاپیمیزا نچه بی حیا توکولسون سینوی میخ در اُؤیسون زینبین قلبی سوکولسون اِئووندن نصف شب هارا گدیرسن سینه ده یارا گدیرسن آناجان جوانلیقیندا رخت وصلی نیه سویدون منی بو اوشاخلیقیمدا سن اوزون یرونده قویدون سنی درد و غصه یوردی نیه مندن بئله دویدون اِئووندن نصف شب هارا گدیرسن سینه ده یارا گدیرسن بو گئجه قال آنا ایوده سینه سین داغلیه زینب صبحه تک سنه دویونجا سس چکه آغلیه زینب او دوزلمیین یاراوی تازه دن باغلییه زینب اِئووندن نصف شب هارا گدیرسن سینه ده یارا گدیرسن ای پرستوی مدینه دوشموسن دام بلایه قوزانار ناله ی زینب آناجان عرش علایه ایاقونان اوپورم من گله سن کربوبلایه اِئووندن نصف شب هارا گدیرسن سینه ده یارا گدیرسن رسم عالمدی آنایه سویلییر دردینی هر قیز محنت و غم لر الینده قالدی زینب ولی یالقیز (بیکَس) اولسا غم و دردین کیمه سویله سین یتیم قیز اِئووندن نصف شب هارا گدیرسن سینه ده یارا گدیرسن

🏴 زبانحال مولا علی (ع)دربالین حضرت زهراسلام ✍معین عبازاده 🎼درسبک:صحرا صحرا دویده ام زهرا زهرا نه یاتموسان دور حیدر جانه گلوب دورشمعه دولانماقا گویا پروانه گلوب سس وئر زهرا عم اوغلووام اللر سینمده قالیب جان اوسته ئولماقین منیم جانیمه رعشه سالیب ای یار علی گوزون آچ غمخوار علی گوزون آچ ای محرم راز دل و اسرار علی گوزون آچ زهرا ...نه یاتموسان (2) زهرا بیر باخ حسینیوه اشکین رخساره یاخور گیزلین گیزلین حسن بالان غملی احواله باخور دور گور زینب بالان نئجه باشیوه هی دولانور گلثوم اشکین الور یوزه آرامی مندن آلور آغلور   ملیور   بالالار سن گئتسن علی قوجالار رحم ائت من غمزدیه "سن گئتسن ائویم ییخیلار" زهرا ...نه یاتموسان(2) غملر آرامیوی آلوب چهره ن پوزقوندی سنون مسمار در یوروب سنی سینن یورقوندی سنون سینم تنگه گلوب منیم ای یوزی آی یارالی باشون اوسته حسینه باخ سسلور لای لای یارالی ای نورجلی گوزون آچ عشق ازلی گوزون آچ سس وئر سسیمه یارالی ای جان علی گوزون آچ زهرا ...نه یاتموسان(2) ای پهلوسی سینان اویان اولما مندن آرالی باشون اوسته هی آغلورام سسلورم جان یارالی باشیوی من قوجاقلارام هر لحظه آغلیارام آچسان گوز بیرده من سنی گوز اوسته ساخلیارام ای دار و ندار علی ای تاب وقرار علی عالملری یاندیراجاق آهیله شرار علی زهرا ...نه یاتموسان(2)

: گفتگوی مادر با دخترش زینب س (زبانحال)                         خانمین اونداکی فضّه یاراسین باغلوردی              زینب آغلوردی اُ حاله حسنینین آغلوردی هِی دِییَردی آنا ،  ثانی سنی سالدی بو حالا قوخورام  توختامیا  بو  یارا   سینونده  قالا قُوی  یغُوم  بسترووی  بسدی داخی  یاتما آنا قوخورام چوخ یاتاسان غم گَلَه دردون چوخالا دُور بیر آز  اِئوده دولان جسمووه جان گَلسین آنا باشیما  قویما  منیم  غم  بُلُودی  سایه سالا آناجان بسدی داخی آغلییُوب آغلاتما منی دِءی  دانیش قویما سن الله بِئله رنگون سارالا ئورگیم دُءزموری  پوزقون گورم احوالووی من سن ئوزون اِیله دعا بلکه بوسینون ساغلا آنا جان  ،   محسنی ئوِدوردوله قالسیدی اگر صود   یی یَردی   نجه بوسینه دن اُل نازلی بالا دِءی  گوروم تک بو یاراندی سنی رنجور اِئلییُوب سنی  فکر  اِیلَمورم   بیر  یارا   بو حاله   سالا قولووین آغریسی واردی ؟ دِئنه مرهم دوشییُوم وار گمانیم  قولووین آغریسینی مرهم آلا گر قولون آغریموری  ، بس نیه  ای وای دییوسن؟ قُوی باخوم  ، آغریسی ممکوندی کی قالسا چوخالا قویوسان  بیر الووی   بس نیه   پهلولرووه  ؟! یِئرییَنده  دایانورسان  دوشوسن حالدان  حالا بیرده بو چادریوی قُوی یره ، راحت اولاسان باشداکی مقنعه  اِئوده نَیَه  لازمدی  قالا بیز  بو یثربده غریبوخ  بابامین یوخ کمکی قورخورام شیر خدا کثرت غمدن  قوجالا           دُور اُتور یاتما آنا بیر قولاق آس سوءزلریمه           سن یاتاندان یوُخی گلمیر گِئجه  گوزلریمه اُ   قَدَر  آغلادی  پروانه کیمی یاندی  غمه دِئدی الله بو جوان چاقی  نه گَلدی  ننمه گوردی تا حضرت زهرا قیزینی چوخ نگران دئدی  دُوندَرمه بِئله گوزیاشووی موج یَمه حالیمی اِئوده گوروب عصّه لنورسن بیلورم ولی بو سُوءزلریوی محضر مولاده دِئمه دردی چوخدی آقامین غصّه لیدی  آل نظره بوندان آرتیق بالا ،  قویما دوشه موج اَلَمه ایستورم بولمییَه بیعت گونی نَه  گَلدی منه اونداکی زاغ و زَغَن دولدولا یکسر حَرَمه منی ئولدورمسه ده ، سینه ده کی یاره لریم ئولدورر  درد علی ع، اُفّ اولا قوم ظَلَمه حُجّهُ الّلهدی آتان ،  ماخَلَقین   سروریدی بیعت ایستولله علی دن بالا گور ایندی کیمه بیر نفر یوخدی  عم اوغلومدان حمایت اِئله سین سپر اِئتدیم  سینه می، جسمیمه یِتدی صَدَمه جان   نه لایقدی  ، رهِ   عشق علیده  گوزلیم عالمین  جانی فدا  صاحبِ حُکم  و حِکمه                     ✨ اَللّهُمَّ عَجِّل لِوَلیِّکَ الفَرَج✨💫

۞﷽۞ زبانحال حضرت زینب (س) در حال احتضار حضرت زهرا (س) آغـلامـا اولـوم مـن گـوزلـرون فداسـی نـالـه ایلـمـه چـوخ قلبـیمون صفـاسـی گول یوزون ندن بس لاله تک سولوبدی گل دیلـه دانش بیر دردیـمـون دواسـی زینـبـون سـنـه قـربـان ائتمه قلبیمی سن قان آغلاماآناجان آغلاماآناجان گـلـمـه بـیربـیلـه سـن نـالـه و فـغـانـه ایـلـمـه سـرشـگـون گول یـوزه روانـه چوخ ئولوم سوزونی دیلده اِتمه جاری نار هجریله گل وورما اوت بـو جـانـه ائـتمـه دیل غمون افـزون باخ حسین اولوب دلخون اولـمـادی بـولـن بودردیوین دواسـیـن بـاغلـیـا آنـاجـان سینه وین یاراسـیـن حـسـرتـیـلـه بیلـه بـاخـمـا یـانـه یـانـه جـانیمـه آلیم قوی یاره وین قاداسین صـورتـون نـدن مندن گیزلدورسن هردم سن چوخ ئولوم سوزونی دلده ائتمه جاری ئـولماق آرزوسـین ائـتمـه تیزدی بـاری بـاشیوه دولانیر گـور نـجـه حسینـون اولماراضی سولسون گل کیمی عذاری قویما سینه داغلاسین فـرقـتـونـده آغلاسین باغبان گر ئولسه گوللّـری سولارمیش قیزلاریـن آناسیز گوزلـری دولارمیش تیزدی قـاره معجر باشیمه سالام مـن بیر آنـائـولـه گـر قیـز یتیم اولارمیش اُف اولا بـو دورانـه دوندی باغریم القانه ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

گلوب_بقیعه_سگ_و_روبه_اتفاقیله هامی لوازم حفریله، اشتیاقیله دیردی ثانی گرک تازه قبرلر آچیلا بتول قبرینه بیر بیدق فرح ساچیلا لزومدور هامسی نبش اولا بو تازه قبور چخا جنازه ی زهرا، اَله گَله منظور پیمبرین قیزینا قیلماسا خلیفه نماز دگل جنازه ی زهرایه کیمسه دفنه مجاز بو حاله واقف ایدوبلر علیّ عمرانی که قبر فاطمه نی آچماقا گَلوب ثانی او دمده بیر ساری دسمال باغلیوب باشینا علاوه عقده ی دل، بیر دوگون ووروب قاشینا بِلینده تیغ دوسر، یوز قویوب بقیعه طرف او قوم بی شرفه یتدی بحر عزّ و شرف نه گوردیلر که علی بِلینده ذوالفقار گَلور او شیره بنزری قصد ایلیوب شکار گَلور او حالینی گوره نون رنگ صورتی قاچدی چَکیلدی بیر طرفه شهریاره یول آچدی بیرینون اوسته گَلوب اَگلنوبدی قبرلرون گوروب ضلالتینی قوم کفرِ بدسیرون خطاب ایلدی . خطّاب اوغلونا او زمان ندندی ایلمیسن ظلمیده بیله طغیان اگر بو قبرلرون سوءِ قصد اولا بیرینه آخار بو عرصه ده قان چشمه چشمه سوریرینه بو تازه قبرلره وورسا بیر کلنگ اشرار قویام محالیدور اشراریدن قالا دَیّار بو تیغ تیزیمی قانیله ایلرم سیراب اگر دوباره آچلسا مزار امّ کتاب گوروب علیّ ولینی بو حالیده ثانی وجودی رعشه دوتوب، لرزیه دوشوب جانی رسول حق بویوران نکته یادینه دوشدی سارالدی رنگ رخی، اود نهادینه دوشدی که یعنی قورخون او گوندن غضبلنه بو علی گَله بقیعه قلج بِلده شیر لم یزلی باشندا بیر ساری دسمال شیر شرزه مثال مقام ایلیه بیر قبری مضطرب احوال تمام یر یوزی گر قوم کفر و باطل اولا او حالیده اونا ممکن دگل مقابل اولا آچوبدی معذرته دل او روبه مکّار ارادت دل و اخلاص قلب ایدوب اظهار دیردی یا علی بو اعتذاری ایله قبول به حقّ جاه رسول و به روح پاک بتول دگولدی قبر بتوله مرام سوء ادب اولوب ارادت قلبی بو اجتماعه سبب گرک اولیدیلا تشیعیده مسلمانلار گلیدی فاتیحیه اللرینده قرانلار بولوبلر ایمدیکه ، حاضر اولوبلا قبر اوسته چکولر آه گلوبلر فغانه آهسته خلاصه اوز ایوینه دعوت ایلیوبدی امام خدا بولور کی نه نوعی قیلوب همان گونی شام یقوبدی دور بره فاطمه یتیم لرین توکردی هم اوزی هم اهل بیتی اشگ ترین باخاردی زینب و گلثومه چشم حسرتیله گلردی شیونه ایلردی ناله رقتیله بیلوردی خاطر زینب دولیدی نسگیلیله دانشدیریردی آنا تک اونی شیرین دلیله دیمه آتادان اونون حل مشکلی اولماز آتا دلی ولی هرگز آنا دلی اولماز گهی گوروب حسنی اود دوتاردی آغلاردی گهی باخاردی حسینه یاناردی آغلاردی گلون. حسینه هامی بیزده آه و ناله ایداخ صدا صدایه ویراخ دشت کربلایه گیداخ

ورد شمع گردانی برای شام غریبان حضرت زهرا سلام ا...علیها (گلمیشوخ ای شیعه لر شام غریبانه بیز) شمع عزا الده وار ،گلمیشوخ افغانه بیز حیدر ایوینده گیداخ، شام غریبانه بیز زینبین الدن بو غم صبرین آلیب ،شیعه لر اوخشاما سی او ایوه حشر سالیب ،شیعه لر او یاری یانمیش قاپی باغلی قالیب، شیعه لر حاضر اولون گیتماقا،منزل جانانه بیز لکّه سالوب دست کین صورت زیبا سینه یاره لی گیتدی قوناق خالق یکتاسینه اولمادی شرکت ایدن فاطمه نین یاسینه ایلیه روق عالمی بزم عزاخانه بیز غصّه لی قلبه دولوب محنت بی انتها ناله ایدور قیزلاری آغلوری هم مجتبا وای آناوای سسلییر تشنه لب کربلا سس سسه ویروق گینه شاه شهیدانه بیز فاتح خیبر داخی (بیکَس) اولوب آغلوری ناله سسی گلموری خسته دیلین داغلوری قانه دونن گوزیاشین عارضینه باغلوری تسلیت عرض ایلیاخ ناطق قرآنه بیز سنسن اَیا فاطمه محور اهل کسا زائری یوخ قبریوین ای شرف ماسوا ایتگین اولان قبریوه دعوت ایله یکصدا اوردا عزا ساخلیاق سرور نسوانه بیز #شمع_عزا_الده_وار_گلمیشوخ_افغانه_بیز #فاطمیه #حضرت_زهرا_س التماس دعای فرج

زبانحال حضرت زینب سلام الله علیها به دنبال تابوت مادر (سو گورنده دییرم وای) نصف شب منزلیوی بئله ترک ایتمه آنا هله سینن یارادی یارالی گیتمه آنا زینبون سسلیر ایوای وای یارالی آنام ایوای آنام ایوای آنام ایوای اَریوبدور بدنون سنی غم غصه سیخیب هانسی بیر سیره چیخان بئله گیزلینده چیخیب گتماقوندان گوروسن خسته قلبیم داریخیب زینبون سسلیر ایوای وای یارالی آنام ایوای آنام ایوای آنام ایوای نجه پروانه وورار شعله ی شمعه یوزون سنده یاندون آناجان سینده قالدی سوزون ثانی اولدوردی سنی یوخسائولمزدون اوزون زینبون سسلیر ایوای وای یارالی آنام ایوای آنام ایوای آنام ایوای قویمادی غصه لرون ائوده بیر دینجَلَسن واردی حقون ائویوی نصف شب ترک ائده سن ایاقوندان اوپورم کربلایه گَلَسن زینبون سسلیر ایوای وای یارالی آنام ایوای آنام ایوای آنام ایوای حَقلیم گوز یاشیما ایکی عالم بویانا توکولندن قاپیوا قالمیسان یانه یانا میخ در اولدی سبب قانه باتدون آی آنا زینبون سسلیر ایوای وای یارالی آنام ایوای آنام ایوای آنام ایوای #نصف_شب_منزلیوی_بیله_ترک_ایتمه_آنا #سینه_زنی #تک #واحد #شاخسی #زبانحال_حضرت_زینب_با_مادر #حضرت_زهرا_س #فاطمیه التماس دعای فرج