السلام علیک یا فاطمه الزهرا (س) زبانحال زینب کبری(س) در تشییع مادر ✍کربلایی مهدی عبادی (بیکس) آهنگ عروسم باشیما کوللر الندی گونی قاره زینبم من آنام ایوای آنام ایوای زینبون دویمادی سندن آنام ایوای آنام ایوای اِئووندن نصف شب هارا گدیرسن سینه ده یارا گدیرسن نچه آیدی اویمیزدن اوجالور ناله صداسی سنی آغلاداردی دائم باشیوون دردوبلاسی وای منه ساغالمیوبدی قانلی سینوین یاراسی اِئووندن نصف شب هارا گدیرسن سینه ده یارا گدیرسن کیم گوروبدی بیر جوانین قدّی سن کیمی بوکولسون نیلمیشدون قاپیمیزا نچه بی حیا توکولسون سینوی میخ در اُؤیسون زینبین قلبی سوکولسون اِئووندن نصف شب هارا گدیرسن سینه ده یارا گدیرسن آناجان جوانلیقیندا رخت وصلی نیه سویدون منی بو اوشاخلیقیمدا سن اوزون یرونده قویدون سنی درد و غصه یوردی نیه مندن بئله دویدون اِئووندن نصف شب هارا گدیرسن سینه ده یارا گدیرسن بو گئجه قال آنا ایوده سینه سین داغلیه زینب صبحه تک سنه دویونجا سس چکه آغلیه زینب او دوزلمیین یاراوی تازه دن باغلییه زینب اِئووندن نصف شب هارا گدیرسن سینه ده یارا گدیرسن ای پرستوی مدینه دوشموسن دام بلایه قوزانار ناله ی زینب آناجان عرش علایه ایاقونان اوپورم من گله سن کربوبلایه اِئووندن نصف شب هارا گدیرسن سینه ده یارا گدیرسن رسم عالمدی آنایه سویلییر دردینی هر قیز محنت و غم لر الینده قالدی زینب ولی یالقیز (بیکَس) اولسا غم و دردین کیمه سویله سین یتیم قیز اِئووندن نصف شب هارا گدیرسن سینه ده یارا گدیرسن

🏴 زبانحال مولا علی (ع)دربالین حضرت زهراسلام ✍معین عبازاده 🎼درسبک:صحرا صحرا دویده ام زهرا زهرا نه یاتموسان دور حیدر جانه گلوب دورشمعه دولانماقا گویا پروانه گلوب سس وئر زهرا عم اوغلووام اللر سینمده قالیب جان اوسته ئولماقین منیم جانیمه رعشه سالیب ای یار علی گوزون آچ غمخوار علی گوزون آچ ای محرم راز دل و اسرار علی گوزون آچ زهرا ...نه یاتموسان (2) زهرا بیر باخ حسینیوه اشکین رخساره یاخور گیزلین گیزلین حسن بالان غملی احواله باخور دور گور زینب بالان نئجه باشیوه هی دولانور گلثوم اشکین الور یوزه آرامی مندن آلور آغلور   ملیور   بالالار سن گئتسن علی قوجالار رحم ائت من غمزدیه "سن گئتسن ائویم ییخیلار" زهرا ...نه یاتموسان(2) غملر آرامیوی آلوب چهره ن پوزقوندی سنون مسمار در یوروب سنی سینن یورقوندی سنون سینم تنگه گلوب منیم ای یوزی آی یارالی باشون اوسته حسینه باخ سسلور لای لای یارالی ای نورجلی گوزون آچ عشق ازلی گوزون آچ سس وئر سسیمه یارالی ای جان علی گوزون آچ زهرا ...نه یاتموسان(2) ای پهلوسی سینان اویان اولما مندن آرالی باشون اوسته هی آغلورام سسلورم جان یارالی باشیوی من قوجاقلارام هر لحظه آغلیارام آچسان گوز بیرده من سنی گوز اوسته ساخلیارام ای دار و ندار علی ای تاب وقرار علی عالملری یاندیراجاق آهیله شرار علی زهرا ...نه یاتموسان(2)

: گفتگوی مادر با دخترش زینب س (زبانحال)                         خانمین اونداکی فضّه یاراسین باغلوردی              زینب آغلوردی اُ حاله حسنینین آغلوردی هِی دِییَردی آنا ،  ثانی سنی سالدی بو حالا قوخورام  توختامیا  بو  یارا   سینونده  قالا قُوی  یغُوم  بسترووی  بسدی داخی  یاتما آنا قوخورام چوخ یاتاسان غم گَلَه دردون چوخالا دُور بیر آز  اِئوده دولان جسمووه جان گَلسین آنا باشیما  قویما  منیم  غم  بُلُودی  سایه سالا آناجان بسدی داخی آغلییُوب آغلاتما منی دِءی  دانیش قویما سن الله بِئله رنگون سارالا ئورگیم دُءزموری  پوزقون گورم احوالووی من سن ئوزون اِیله دعا بلکه بوسینون ساغلا آنا جان  ،   محسنی ئوِدوردوله قالسیدی اگر صود   یی یَردی   نجه بوسینه دن اُل نازلی بالا دِءی  گوروم تک بو یاراندی سنی رنجور اِئلییُوب سنی  فکر  اِیلَمورم   بیر  یارا   بو حاله   سالا قولووین آغریسی واردی ؟ دِئنه مرهم دوشییُوم وار گمانیم  قولووین آغریسینی مرهم آلا گر قولون آغریموری  ، بس نیه  ای وای دییوسن؟ قُوی باخوم  ، آغریسی ممکوندی کی قالسا چوخالا قویوسان  بیر الووی   بس نیه   پهلولرووه  ؟! یِئرییَنده  دایانورسان  دوشوسن حالدان  حالا بیرده بو چادریوی قُوی یره ، راحت اولاسان باشداکی مقنعه  اِئوده نَیَه  لازمدی  قالا بیز  بو یثربده غریبوخ  بابامین یوخ کمکی قورخورام شیر خدا کثرت غمدن  قوجالا           دُور اُتور یاتما آنا بیر قولاق آس سوءزلریمه           سن یاتاندان یوُخی گلمیر گِئجه  گوزلریمه اُ   قَدَر  آغلادی  پروانه کیمی یاندی  غمه دِئدی الله بو جوان چاقی  نه گَلدی  ننمه گوردی تا حضرت زهرا قیزینی چوخ نگران دئدی  دُوندَرمه بِئله گوزیاشووی موج یَمه حالیمی اِئوده گوروب عصّه لنورسن بیلورم ولی بو سُوءزلریوی محضر مولاده دِئمه دردی چوخدی آقامین غصّه لیدی  آل نظره بوندان آرتیق بالا ،  قویما دوشه موج اَلَمه ایستورم بولمییَه بیعت گونی نَه  گَلدی منه اونداکی زاغ و زَغَن دولدولا یکسر حَرَمه منی ئولدورمسه ده ، سینه ده کی یاره لریم ئولدورر  درد علی ع، اُفّ اولا قوم ظَلَمه حُجّهُ الّلهدی آتان ،  ماخَلَقین   سروریدی بیعت ایستولله علی دن بالا گور ایندی کیمه بیر نفر یوخدی  عم اوغلومدان حمایت اِئله سین سپر اِئتدیم  سینه می، جسمیمه یِتدی صَدَمه جان   نه لایقدی  ، رهِ   عشق علیده  گوزلیم عالمین  جانی فدا  صاحبِ حُکم  و حِکمه                     ✨ اَللّهُمَّ عَجِّل لِوَلیِّکَ الفَرَج✨💫

۞﷽۞ زبانحال حضرت زینب (س) در حال احتضار حضرت زهرا (س) آغـلامـا اولـوم مـن گـوزلـرون فداسـی نـالـه ایلـمـه چـوخ قلبـیمون صفـاسـی گول یوزون ندن بس لاله تک سولوبدی گل دیلـه دانش بیر دردیـمـون دواسـی زینـبـون سـنـه قـربـان ائتمه قلبیمی سن قان آغلاماآناجان آغلاماآناجان گـلـمـه بـیربـیلـه سـن نـالـه و فـغـانـه ایـلـمـه سـرشـگـون گول یـوزه روانـه چوخ ئولوم سوزونی دیلده اِتمه جاری نار هجریله گل وورما اوت بـو جـانـه ائـتمـه دیل غمون افـزون باخ حسین اولوب دلخون اولـمـادی بـولـن بودردیوین دواسـیـن بـاغلـیـا آنـاجـان سینه وین یاراسـیـن حـسـرتـیـلـه بیلـه بـاخـمـا یـانـه یـانـه جـانیمـه آلیم قوی یاره وین قاداسین صـورتـون نـدن مندن گیزلدورسن هردم سن چوخ ئولوم سوزونی دلده ائتمه جاری ئـولماق آرزوسـین ائـتمـه تیزدی بـاری بـاشیوه دولانیر گـور نـجـه حسینـون اولماراضی سولسون گل کیمی عذاری قویما سینه داغلاسین فـرقـتـونـده آغلاسین باغبان گر ئولسه گوللّـری سولارمیش قیزلاریـن آناسیز گوزلـری دولارمیش تیزدی قـاره معجر باشیمه سالام مـن بیر آنـائـولـه گـر قیـز یتیم اولارمیش اُف اولا بـو دورانـه دوندی باغریم القانه ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

گلوب_بقیعه_سگ_و_روبه_اتفاقیله هامی لوازم حفریله، اشتیاقیله دیردی ثانی گرک تازه قبرلر آچیلا بتول قبرینه بیر بیدق فرح ساچیلا لزومدور هامسی نبش اولا بو تازه قبور چخا جنازه ی زهرا، اَله گَله منظور پیمبرین قیزینا قیلماسا خلیفه نماز دگل جنازه ی زهرایه کیمسه دفنه مجاز بو حاله واقف ایدوبلر علیّ عمرانی که قبر فاطمه نی آچماقا گَلوب ثانی او دمده بیر ساری دسمال باغلیوب باشینا علاوه عقده ی دل، بیر دوگون ووروب قاشینا بِلینده تیغ دوسر، یوز قویوب بقیعه طرف او قوم بی شرفه یتدی بحر عزّ و شرف نه گوردیلر که علی بِلینده ذوالفقار گَلور او شیره بنزری قصد ایلیوب شکار گَلور او حالینی گوره نون رنگ صورتی قاچدی چَکیلدی بیر طرفه شهریاره یول آچدی بیرینون اوسته گَلوب اَگلنوبدی قبرلرون گوروب ضلالتینی قوم کفرِ بدسیرون خطاب ایلدی . خطّاب اوغلونا او زمان ندندی ایلمیسن ظلمیده بیله طغیان اگر بو قبرلرون سوءِ قصد اولا بیرینه آخار بو عرصه ده قان چشمه چشمه سوریرینه بو تازه قبرلره وورسا بیر کلنگ اشرار قویام محالیدور اشراریدن قالا دَیّار بو تیغ تیزیمی قانیله ایلرم سیراب اگر دوباره آچلسا مزار امّ کتاب گوروب علیّ ولینی بو حالیده ثانی وجودی رعشه دوتوب، لرزیه دوشوب جانی رسول حق بویوران نکته یادینه دوشدی سارالدی رنگ رخی، اود نهادینه دوشدی که یعنی قورخون او گوندن غضبلنه بو علی گَله بقیعه قلج بِلده شیر لم یزلی باشندا بیر ساری دسمال شیر شرزه مثال مقام ایلیه بیر قبری مضطرب احوال تمام یر یوزی گر قوم کفر و باطل اولا او حالیده اونا ممکن دگل مقابل اولا آچوبدی معذرته دل او روبه مکّار ارادت دل و اخلاص قلب ایدوب اظهار دیردی یا علی بو اعتذاری ایله قبول به حقّ جاه رسول و به روح پاک بتول دگولدی قبر بتوله مرام سوء ادب اولوب ارادت قلبی بو اجتماعه سبب گرک اولیدیلا تشیعیده مسلمانلار گلیدی فاتیحیه اللرینده قرانلار بولوبلر ایمدیکه ، حاضر اولوبلا قبر اوسته چکولر آه گلوبلر فغانه آهسته خلاصه اوز ایوینه دعوت ایلیوبدی امام خدا بولور کی نه نوعی قیلوب همان گونی شام یقوبدی دور بره فاطمه یتیم لرین توکردی هم اوزی هم اهل بیتی اشگ ترین باخاردی زینب و گلثومه چشم حسرتیله گلردی شیونه ایلردی ناله رقتیله بیلوردی خاطر زینب دولیدی نسگیلیله دانشدیریردی آنا تک اونی شیرین دلیله دیمه آتادان اونون حل مشکلی اولماز آتا دلی ولی هرگز آنا دلی اولماز گهی گوروب حسنی اود دوتاردی آغلاردی گهی باخاردی حسینه یاناردی آغلاردی گلون. حسینه هامی بیزده آه و ناله ایداخ صدا صدایه ویراخ دشت کربلایه گیداخ

ورد شمع گردانی برای شام غریبان حضرت زهرا سلام ا...علیها (گلمیشوخ ای شیعه لر شام غریبانه بیز) شمع عزا الده وار ،گلمیشوخ افغانه بیز حیدر ایوینده گیداخ، شام غریبانه بیز زینبین الدن بو غم صبرین آلیب ،شیعه لر اوخشاما سی او ایوه حشر سالیب ،شیعه لر او یاری یانمیش قاپی باغلی قالیب، شیعه لر حاضر اولون گیتماقا،منزل جانانه بیز لکّه سالوب دست کین صورت زیبا سینه یاره لی گیتدی قوناق خالق یکتاسینه اولمادی شرکت ایدن فاطمه نین یاسینه ایلیه روق عالمی بزم عزاخانه بیز غصّه لی قلبه دولوب محنت بی انتها ناله ایدور قیزلاری آغلوری هم مجتبا وای آناوای سسلییر تشنه لب کربلا سس سسه ویروق گینه شاه شهیدانه بیز فاتح خیبر داخی (بیکَس) اولوب آغلوری ناله سسی گلموری خسته دیلین داغلوری قانه دونن گوزیاشین عارضینه باغلوری تسلیت عرض ایلیاخ ناطق قرآنه بیز سنسن اَیا فاطمه محور اهل کسا زائری یوخ قبریوین ای شرف ماسوا ایتگین اولان قبریوه دعوت ایله یکصدا اوردا عزا ساخلیاق سرور نسوانه بیز #شمع_عزا_الده_وار_گلمیشوخ_افغانه_بیز #فاطمیه #حضرت_زهرا_س التماس دعای فرج

زبانحال حضرت زینب سلام الله علیها به دنبال تابوت مادر (سو گورنده دییرم وای) نصف شب منزلیوی بئله ترک ایتمه آنا هله سینن یارادی یارالی گیتمه آنا زینبون سسلیر ایوای وای یارالی آنام ایوای آنام ایوای آنام ایوای اَریوبدور بدنون سنی غم غصه سیخیب هانسی بیر سیره چیخان بئله گیزلینده چیخیب گتماقوندان گوروسن خسته قلبیم داریخیب زینبون سسلیر ایوای وای یارالی آنام ایوای آنام ایوای آنام ایوای نجه پروانه وورار شعله ی شمعه یوزون سنده یاندون آناجان سینده قالدی سوزون ثانی اولدوردی سنی یوخسائولمزدون اوزون زینبون سسلیر ایوای وای یارالی آنام ایوای آنام ایوای آنام ایوای قویمادی غصه لرون ائوده بیر دینجَلَسن واردی حقون ائویوی نصف شب ترک ائده سن ایاقوندان اوپورم کربلایه گَلَسن زینبون سسلیر ایوای وای یارالی آنام ایوای آنام ایوای آنام ایوای حَقلیم گوز یاشیما ایکی عالم بویانا توکولندن قاپیوا قالمیسان یانه یانا میخ در اولدی سبب قانه باتدون آی آنا زینبون سسلیر ایوای وای یارالی آنام ایوای آنام ایوای آنام ایوای #نصف_شب_منزلیوی_بیله_ترک_ایتمه_آنا #سینه_زنی #تک #واحد #شاخسی #زبانحال_حضرت_زینب_با_مادر #حضرت_زهرا_س #فاطمیه التماس دعای فرج

نوحه سینه زنی بانوای:کربلایی منوچهرحسن زاده ‍ فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم #شادی_روح_سلیم_صلوات

مداح اهلبیت، ع، استاد آقای سعید محمدی مدیر محترم گروه مکتب العباس هیئت مکتب العباس، ع، آذری ها قوانین گروه، @Hazrate #تبلیغ_لینک_گروه_یا_کانال_وچت_وشوخی_کردن_ممنوع_می_باشد_⛔⛔ درصورت مشاهده مطالب لینک دار برابر با حذف از گروه❌❌❌❌❌ لطفا به قوانین گروه احترام بگذارید👉🏻 https://eitaa.com/joinchat/1805844674C917e64ec9c

نوحه تشیع جنازه حضرت زهرا(س) درسبک ؛شبانگاهان ایدورتشیع همسرین مولا. لااله الا الله «لا إله إلّا اللّه خداحافظ مهربان زهرا لااله الا الله «لا إله إلّا اللّه بوغمده قان آغلیورحیدر آه و واویلا آه وواویلا ملائکللرگویده سسلوللر آه و واویلا آه وواویلا مدینه خاموش علی تنها یات یارالی دلداریم یات یارالی دلداریم سنیدون بوحیدرون روحی ای امیدطفلانیم آی امیدطفلانیم اسوردیزللرطاقتیم یوخدی کاش چیخیدی بوجانیم کاش چیخیدی بوجانیم یانورقلبیم آه و واویلا لااله الا الله «لا إله إلّا اللّه دیورگویللرده ملائکللربوعلی اعلادور بوعلی اعلادور او تابوت ایچده یاتان خسته جسم پاک زهرادور جسم پاک زهرادور یراوسته یدی نفرهمراه آسمانداغوغادور آسماندا غوغادور ویرورباشه قدسیان گویا لااله الا الله «لا إله إلّا اللّه مدینه غرق سکوت اولموش دورت بالا ایدورناله دورت بالاایدورناله یانولارآهسته آغلولار باخ اوغملی اقباله باخ اوغملی اقباله گهی غش ایلورخانوم زینب گاهیده گلورحاله گاهیده گلورحاله دیورگیتمه جان آنا زهرا لااله الا الله «لا إله إلّا اللّه قویوبدورتامغسلون اوسته آبروی دنیانی آبروی دنیانی ویره غسلین دفن ایده حیدرغمکشیده زهرانی غمکشیده زهرانی اسور اللرتاراولور گوزللرجسمیدن چیخور جانی جسیمدن چیخورجانی دیوریات راحت گل طاها لااله الا الله «لا إله إلّا اللّه توکونده سوقان سوزوب ناگه جسم پاک اطهردن جسم پاک اطهردن دیدی ایوای نه مصیبتدور یاش سوزوبدی گوزللردن یاش سوزوبدی گوزللردن گوروبدوروارسینده یاره ال اوزوبدی پیکردن ال اوزوبدی پیکردن چکوب فریاد قلبیدن گویا. لااله الا الله «لا إله إلّا اللّه باخوب گوردی زخم مسماری ناله گویللره سالدی ناله گویللره سالدی کیی الی باشه ویروب حیدر قلبی غصدن یاندی قلبی غصدن یاندی بیوردی بویاره زهراجان کوینگ آلتداپنهاندی کوینگ آلتداپنهاندی باشونداواردور سنون غوغا لااله الا الله «لا إله إلّا اللّه بونه زخم ونه جراحتدور حالتیم پریشاندور حالتیم پریشاندور بلیم سیندی بومصیبتده غم بوقلبه مهماندور غم بوقلبه مهماندور یادیمدابوصحنه للردوشسه هرزماندا طوفاندور هرزمانداطوفاندور خداحافظ یاربی همتا لااله الا الله «لا إله إلّا اللّه حلال ایله مرتضانی سن ای منمچون همسنگر ای منمچون همسنگر خجالتدور بومصیباته خیبری یخان حیدر خیبری یخان حیدر بوقبرایچده یاتگیلان راحت ای منه اولان دلبرای منه اولان دلبر اولوب منلن همصدا طاها لااله الا الله «لا إله إلّا اللّه قویانداقبره دیدی حیدر فاطمه خدا حافظ فاطمه خدا حافظ گیدیب الدن سنتکی گوهر فاطمه خدا حافظ فاطمه خدا حافظ اوشاخلارنان یکصدا سسلور فاطمه خدا حافظ فاطمه خدا حافظ بودورذکرعاشق والا. لااله الا الله 

‍ 🍂آجرڪ‌الله_یابقیة‌الله 🍂 🍂روضه وصیت حضرت زهرا(س)به زینب کبری وگریز به قتلگاه🍂 اوچ گون قالوردی اولماقینا خیرالنساء تبدیل ایدوبدی منزلینی بزم خلوته بیر زینبیدی بیر ئوزی منزلده فاطمه گلدی دله بیان ایدوب اول کان عصمته گل همدم اول منه سنه وار سری سوزوم ساخلا ایکی گوزون کیمی بو کوینگی آینده ده گیدرسن حسینیله غربته قارداشیوون بو پیرهنه احتیاجی وار بیر گون بونی گییب گده جاخ بزم وحدته هروقت حسینیم ایسته سه سنن بوکوینگی بیر ساعتین قوناقیدی بول آل عصمته گوندوز خیامه فرصتیم اولماز گلم قیزیم خاطر جم اول گئجه گلرم سر سلامته ایا امام زمان ئوزون کمهلیخ ایله عمرونده چوخدی غملی گونون غملی ساعتون هیچ ساعتون یتیشمیه جاخدور اوساعته زهرابولوردی اوچولده نلر اولاجاخ دیوردی قیزیم یادندا ساخلا اولحظه ای کی الین الدن اوزولر بالام قالار دشمنلر الینده اوزماندا سنین اوگونن چتین ساعتین یوخ غرض کرب وبلا خلیلی گیدی اوکوینگی سعد اوغلی قویمادی کفن اولسون او حضرته عریان قویوب دیدی کفنی نیلیورحسین بی نیت ایلشمه ها مریض لرده یاد اولسونلار سالسون گرک یارالاری گون اذیته بیر ظلم ایدم گرک باجسی غصه مرگ اولا نه ظلم ایستور الیه کی باجسی غصه مرگ اولا؟ گلدیلر عمرسعده لعینه بولموروخ حسینین ایشی تمام اولوب یانه دستور ندی؟ عمر سعد دستور ویردی من بولوندورم حسین جان ویروب یا نه دستور ویردی آتلارین نعلین عوض اله دیلر بیر ظلم ایدم گرک باجسی غصه مرگ اولا او اسناده قوشون یول آشدلار بیر طرفده قلب خونین بیر طرفده همهمه ای گون آزاد حرارتیوی یاندی قارداشیم بس گورموسن کی عالمه سلطاندی قارداشیم خانم یتیشدی او گودالین کنارینه باجیسی زینب کبری گلنده قتلگهه تعجبّیله نظر سالدی بیر یارالی شهه نه گوردی وار نه باشی نه لباسی پیکرده لباس سهلیدی، یوخدور بیلکده اللرده گورنده واردی نه باش نه لباس قارداشدا مدینه سمتینه یوز دوندروب الی باشدا آدیله سسلدی اوز جدّینی او دریا دل جفای اهل جفادن آچوب شکایته دل دیدی بابا بو حسینوندی قاننه غلطان کسوبدیلر دالیدان نازنین باشین عطشان یارالی جسمده واردور نه پیرهن نه قبا نه واردی خامس آل عباده بیرجه عبا عمامه سین آپاروبلار ستمله تاراجه یارالی باشی چخوب نوک نی ده معراجه #روضه_حضرت_زهرا_سلام_الله #فاطمیه ✨اَللّهُمَّ عَجِّل لِوَلیِّکَ الفَرَج✨