" اکبریم گل" سال ۱۳۵۴ آلبوم کامل مداح : داود علیزاده

زبانحا ل خانم ام اکلثوم سلام الله علیها در حال احتضار (جاویدمراغه ای) قلبیمی گل آنام اوغلی غم آلوب جان وئرورم گوزلریم گورنجه یوللاردا قالوب جان وئرورم نه منی یاد ائلین وار نه کفن گوندرنیم نه ده وار قبریوه ساری یوزومی دوندرنیم صله ی رحم ائله گل لطفوی اتمامه یتور منی ناکام ائلیوب چرخ فلک،کامه یتور بیر کفن ایله تدارک اوزوی شامه یتور یدّی قارداش باجیسین قویما حسین خوار اولسون جنته وار سفریم یول منه هموار اولسون ره نهضتده منیم مشعل راهیم سنیدون رهبریم تاج سریم عزت و جاهیم سنیدون اؤرگیم تکیه گهیم پشت و پناهیم سنیدون حیف سندن صورا بیرلحظه صفا گورممیشم باشیمی غم داریوب من داریوب هورممیشم ای سمای شرفین نیّری باب حسنات بیر دور عالمده سنه حال حیاتیله ممات یوخدی بیر دادرسیم جان وئرورم دادیمه چات اولدوزوم عمر سماسینده دایانمور سوزولور ضعفدن عارضیمه درّ سرشگیم دوزولور بلبلم عمر چاتور باشه چمن سیز یارالی شب دیجوریدی گوندوز منه سنسیزیارالی ئولورم گوشه ی غربتده وطن سیز یارالی بیر عم اوغلومدی کناریمده ئورک داغلیانیم نه آچان وار قاپومی نه گوزومی باغلیانیم مکتب عشقوون استاد قوی پایه سیم حیدر و فاطمه نین درّ گرانمایه سیم اوچ یاشیندا قیزیوون شامیده همسایه سیم چرخ پرکینه ائدوب قلبیمیزی غم قالاسی منتظردور سنه بوردا باجی قارداش بالاسی مایل اولسون گله سن شامیده گر یاسیمه سن وئر خبر اصغریمه اکبریمه قاسمه سن دئمه اما منیم ئولماقیمی عباسیمه سن چون او کان شرفین قوللاری یوخ تنده حسین قورخورام دفنمه گلسه اولا شرمنده حسین بویور اوغلانلاریما ئولدی آنوز داده گلون آخرین عمریده سسلور سیزی امداده گلون قبر لازمدی اونا سیز اولون آماده گلون شامین اهلی دئمه سین یوخ ننوزون طایفه سی اوج ائدور عالم بالایه اونون ناله سسی باجی قربان گوزووه دادیمه زهرانی چاغور حسنی،حیدر کراریله طاهانی چاغور آز قالور روحیم اوچا عترت عمرانی چاغور هرکیمین گلسه سسی صوتیله قرآن اوخوسون فضه نی سسله ننم تک منِ نالانی یوسون تئز گلون سینم آغیرلاشدی چاتوب جان دوداقا عفو ائدون گلسوز اگر من دورا بیلمم ایاقا میزبان خدمت ائدر گلسه الیننّ قوناقا گرچه ائو صاحبیم حال و تفاقیم یوخدی چولده غربتده گئچوب عمروم اطاقیم یوخدی «جاویدا»ایله عیان دردیوی مولا قزینا اوزی محبوبه ی حق ضیغم یکتا قزینا قبری گیزلینده قالان حضرت زهرا قزینا سائلی بوش یولا سالماز بو کرم صاحبیدی در و دیوار آراسیندا قالانین

سبک ولادت امام رضا(ع) (وصال تبریزی) شه خراسان گلوبدی مه درخشان گلوبدی منادی سسلیر سماده سلطان ایران گلوبدی حق پایلیور خلقه صورتینده نور جمال پیغمبری کنج لبونون هر کیم اوپر یادینه سالور حوض کوثری گوزل گوزی شهلادی لبی شیرین دریادی گوزل آدی رضادی رضا رضا یا مولا اولوبدی دل پای بستی یتوبدی موسم مستی آقام رضانون آدیله ائداخ بوگون می پرستی رضانون آدیله دادموشام من نمازیله ، طاعت عشقینی صفالی قبرین گورنون آتدوم ، همیشه لیق جنّت عشقینی دیلیم دیر یا رضا الیمی دوت یا مولا اوزون به حق زهرا رضا رضا یا مولا عرشیدن اعلا رواقی ولایت اهلینه ساقی وار هانسی شاهون رضا تک جلالت و طمطراقی یوزه چکوب سنده حق جلالون ، حُسن خداسن رضا رضا قاشوندی قبله اوزون ولی بیر قبله نماسن رضا رضا گوزوم کرمونده دی یاشل علمونده دی اورک حرمونده دی رضا رضا یا مولا ذکر ائلین دلبر آدین قویوبدی پیغمبر آدین رضا گلوبدی دیرتسین دوباردن حیدر آدین گونیله ، آیدا اولان او جلوه بونون او نوره جلیسیدی امامت و هم ولایتون چون رضا اوچومجی علیسیدی جلالی عین علی کمالی عین علی خصالی عین علی رضا رضا یا مولا قبول ائدر خوب و زشتی ولاسیدور حق سرشتی رضا اولان یرده زاهد گوزومه چکمه بهشتی منیم بهشتیله هم جنانیم جلالیله ارض طوسیدی جهاندا فخر ائیلرم آقام یر یوزونده شمس الشموسیدی گوزل آدی جانیمدی ولاسینی ایمانیمدی آقامدی سلطانیمدی رضا رضا یا مولا گل شه دلجونی سسله اول شه مه رونی سسله مشکله دوشسن همیشه ضامن آهونی سسله هم انبیا و هم اوصیاده اولان جلالت سنونکیدی یوسف سنه چاتمیوبدی چاتماز ، حُسن و وجاهت سنونکیدی غم آتشینده یانام دیوب رضا اوتلانام باشوا من دولانام رضا رضا یا مولا منیم وقاریم رضادی گل و بهاریم رضادی قسم حق ذوالجلاله جهاندا یاریم رضادی ایکی جهان شیعه نون وقار و صلابتی مرقدونده دی خدایه آند اولسون اهل ایران گوزی رضا گنبدونده دی فلک گوروب اعجازین چکر ملک لر نازین بولر رضا دل رازین رضا رضا یا مولا سبک 👇👇👇👇👇👇👇👇👇

یازینب س سلام اولا شهدایه چوخ آغلیان خانما باشینا اللی بیر ایل قاره باغلیان خانما سلام اولا آنا یاسینده باش آچان خانما جنازه نین دالیسیجا گجه قاچان خانما سلام اولا الینه زلفلرین آلان خانما حسینی قانلی منایه یولا سالان خانما سلام اولا یوزینه گوزیاشی آخان خانما یارالی قارداشینا تلّیدن باخان خانما سلام اولا نگران مقتله اَنَن خانما کنار سرور عطشاندا گورسنن خانما سلام اولا نچه ایل رنج غم اوتان خانما حسینی ئولدرَنون خنجرین دوتان خانما سلام اولا الی میداندا دوغرانان خانما گلنده خیمه‌لره دردی چوخلانان خانما

‍ روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه گلسون باری گوزلریمی باغلاسون گلواژه ها(منزوی) ﷽🍁                     ✨ اَللّهُمَّ عَجِّل لِوَلیِّکَ الفَرَج✨💫

با نوای حاج بهزاد حسنی اهری باجی گل آل اصغریمی یارسین ئوزون باغلا سنه یارالی بالامون، نوحه سین دییم آغلا گوروبسن آیا ده گوروم،اوخ دیینده قوش نیلر چکر قنادین باشینا گوزلرین یومار نیلر باخوب گووه اوز یاراسین،هی اوپردعا ائیلر بونون قنادین آناسی باغلیوب یولا سالدی اوقدری ورردی ال ایاق اوددوتوب اورک یاندی علی لایلای جان علی لایلای جان علی علی لایلا

اجلال نزول حضرت سیدالشهدا(ع)به تربت خونبار کربلا و آمدن ذوالجناح به خیمه ها مرحوم انور دل آچوب طوطی طبعیم دانیشور دلبردن اورگیم غمله دولوب گوزلریم اشک تردن عاشقم عمر بویی دلدن حسینون آدینا ئوپرم نام حسین زینت اولان دفتردن شکر اولا حقّه منه قدرت تمییز وئروب آییروب عقل سلیمیم عَرَضی جوهردن کاش ئولنده آقامون قاره سی اگنیمده ئولم جان چاتا مقصدینه عشق همایون فَردن پیکریم حمل اولونا بزم عزادن قبره ائتمیم کوچ ابدی منزلیمه بستردن گوزل آدی آقامون نقش اولا قبریم داشینا ره گذر یاد ائده مولایه گوره نوکردن لحد آلتیندا بئله واردی بیر آز غصه لی خاک یادگاریدی قالوب نوحه یازان «انوردن» ظهریله عصر آراسی دوشدی حسین زین اوستن صوت عُرّا اوجالوب نُه فلکه لشگردن قاش گوزی صورتی بیر پارچا قیزیل قانیدی طاقت آلمیشدی تیکانلار او گل پَر پَردن جسم موزونیده یارای تعادل یوخیدی تیتریوردی بدنی اوخلار ائدن لنگردن یاره لی ال یارالی قلبینون اوستونده امام آیریلوب گون کیمی سیر ایلدیگی محوردن ایکی سوزش واریدی قانی آخان قلبینده بیری اوخدان بیریده داغ علی اکبردن تپراق اوسته یخیلان وقته دئدی بسم الله سجده ی شکریله یاد ائتدی حق داوردن انبیای اولوالعزم آچدی او صحراده باشین گلدی زهراده اورا جنّت جان پروردن مرکبی باخدی حسینه،ائدوب احساس خطر راکبین درک ائلدی قوزانا بیلمور یردن هی دولاندی باشینا شیهه سینی ائتدی بلند بویادی کاکلینی خون شه محشردن اوجونا صاحبینون قانلی لُجامین قویدی کلمه سیز قیلدی تمنّا یارالی سروردن دور سوار اول سنی فوراً یتوروم خیمه لره ائتمه شرمنده منی عترت پیغمبردن یاره لی جسموه هی اوخدی گلور داشدی یاغور چوخدی زجری سنه داش یاره سینون خنجردن هر قدر سنده نفس وار وراجاق کوفه لیلر بیر به بیر عضولرون آیریلاجاق پیکردن ذوالجناحه بیر اشاره ائلدی سرور دین گئت خیامه دئدی ال چک منِ بی یاوردن گوزی یولدا قالان اطفاله گوزل قاصدسن اوجالوب ناله سسی عائله ی حیدردن سوسوز آهولریم ایندی ملشور هجریمدن گئت حمایت ائله بیر عدّه قرا معجردن ویرمینجا باشیمی شمر دنی نیزه سینه کوفه نون اهلی بوراخماز یاخامی اللردن حلّ اولان گوردی دگل مشکل لاینحلّی یارالی مرکب اَنوب خیمیه فوراً تلّی بیر اوجا شیهه چکوب ایلدی اعلان خطر بیلون ای ختم رسول عترتی ختم اولدی سفر الظّلیمه سؤزی شیهمده شعاریمدی منیم قاصدم خیمه لره منده دی هر تازه خبر ایسته سوز دردی سیزه روشن اولا صاحبیمون ایلیون پیکر مجروحیمه دقّتله نظر منه بیر یاره دگنده اونا یوزیوز دگدی گورون ایندی یاراسی راکبیمون وار نقدر مایلیدیم گتورم،گئت دئدی سن خیمه لره باشینون اوسته آچوبدور باشینی پیغمبر منتظر قلبلره منعکس اولدی بو صدا چیخدی پیشوازینه وحشت زده آل حیدر اللری باشدان اوجا، طرّه لری یوزلرده هاموسی تشنه لبیدی هاموسی تشنه جگر بیر سوری قورخولی جیرانه شبیهیدی اولار ایلیوردی مَله جک سسلری آفاقه اثر ناقصیم واردی خیال ایلمه تشبیهیمده هانسی جیران آتاسیز قیز کیمی نسکللی ملر ذوالجناحی بیلوسوز گوردی نه حالدا بالالار سورونور یرده جلو ، قارنینین آلتیندا اَیَرْ دوره وردی بالالار مرکبی آلدی آریا بیرده گورمز ائله بیر منظره کانال رسمی مداح کربلایی برات سماواتی اردبیلی

سینه زن –  نهر علقم سنه   سو  دِئیَن   دوداقلار   نیه  یاندی  نهر علقم سودان  اوتری  چوخ   ئورکلر  یارالاندی نهر علقم ایلدون   طیور   و   وحشی    حیوانی   سو   قوناقی قورودی   سوسوزدان    اما  علی اصغرون  دوداقی نیه  یاده  سالمادون  بس سن او صودامر  اوشاقی سو  دگل  داخی گوزومده  بوسو  قاندی  نهر علقم سنه  یالواراندا  اصغر سارالان  یوزونده  گوز  یاش اونا  ایتمدون ترحم داخی آخ بو  سن  بو داغ داش قورویان دوداقلاریم تک قورویوب یانیدون ایکاش بو   سو سوزلقی  بلیدون   نه  یاماندی   نهر علقم چتین اصغریم گوز آچسون بوسوا دوباره باخسون اونیلان  داخی  دانشماز   نقدر آخور  قوی  آخسون اونی  اورگدوبدی  پیکان سو  خیالینی   بوراخسون گنه      حرمله      الیندن     نگراندی      نهر  علقم صود امر  اوشاقه   هاردا  سویون   اعتناسی کمدی نه کم   اعتنالق ایتدون  بو  نه  جور  و نه  ستمدی علی اصغریم سوسوزدان  قوریان  دوداقین  امدی گویه   تشنه لر      نواسی    اوجالاندی  نهر علقم سووا     مشتریدی   سقّا    اونی   آلدی   نقد  جانه صورا  راضی  اولمادون    بس  نئی   ایلدون  بهانه نیه  فسخ   اولوندی سودا   نیه  سو  دولاندی  قانه نقدر    بو   چولده    آیا   سو     گراندی   نهر علقم دی   سرین  سرین  او    یِللر   بو  فراتیدن  اسنده اونهالون اوستن اسسون که دوشوبدی بو چمنده گون  اذیّت  ایتمسون  تا  یارا  چوخدی  گل  بدنده منی   آغلادان   او    قولسوز   یخلاندی   نهر علقم گورونر  آی   عکسی  کامل  سووا   ایلسون   نظاره ولی   بدر   آل  هاشم  که  سن    آلموسان  کناره نظره      گلور     باخاندا    سو     یانندا    پاره  پاره نیه   سنده     بدر    کامل     پارالاندی    نهر علقم نولا     ((منزوی))   نصیبون    اولا    کیمیای    احمر سنه ده    او   کربلانی     ایده    قسمت   حی  داور یوزوی   دوتوب    فراته   دیه سن   ئوزون    مکرر سنه   سو    دِیَن   دوداقلار   نیه یاندی  نهر علقم برچسب‌ها: رحیم منزوی اردبیلی + نوشته شده در  سه شنبه ۵ تیر ۱۳۹۷ساعت   توسط حاج محمد محمد قاسمی  |

🍃 توسّل بحضرت ولیعصر(عج) 🍃 دَوای دَرد و اَلم صاحبَ الزَّمان گله جک بوگلشنی پوزولان دینه باغبان گله جک اجازه  اولسا اگر   رَبّ  ذولجَلالیندن جلال اَرض و سَما ، مُنجی جهان گله جک حَقی قسم وئرورَم عرشینون جَلالتینه فَرج امورینه اَمر ایلَسون که جان گله جک ظهوری باشلاناجاق کعبه دن یازولّا اونون مدینه شهرینه امّا ئورکده  قان گله جک یانان قاپی گِنه ده نوحه سین او گون تَزَه لَر جوان ئولَن نَنَه نون یوسفی جوان گله جک اوگونده فاطمه نون قبری آشکار اولاجاق او غملی قبری وِئرن بیزلره نشان گله جک اَلینده پرچم نُصرت ، گَلنده  گورسَنه جک او پرچمی گتوروب کعبیَه وِران گله جک هایانداکاخ لَرین خِشتی قانیلن دوزولوب همان او کاخ لَری پایه دَن یخان گله جک ستمگرون  قَدینی  انتقام  اَلی  اَگه جک او باطل عمرینه بیرتیغ جانستان گله جک دیانَتین ساتوب هرکیمسه نرخ سیم و زَره او اُمَّتین حالینا بیر نماز قیلان  گله جک گلنده صوت  اَنَالحَق  دوداقلاریننان اونون عُروق دین مُبینه دوباره  قان گله جک اگر چه  گُللریمیز  آفت  سِتمله سولوب کِئچربوفصل خزان بیرده گُل ستان گله جک عَدالتیله   اَله  تیغ   ذوالفقاری   آلان بوگون صاباح بیریگون بیلمورم هاچان گله جک جهاندا چوخلاری وار جمعه لَر گودَر یولونی دیوله هاردا قالوب بَس او مهربان ،گله جک وداعِ روضه سینی (نادرا) بهانَه ائله  اوخونسا هاردا یقین گوزیاشی روان گله جک         ( اللهم عجل لولیک الفرج ) 🌸🌸🌸🌸🌸🌸🌸🌸