بنام خدا روضهٔ سوزناک «لطفا حدالمقدور با وضو بخوانید» زبانحال علی ع وگفتگوی او با حضرت زینب س وگریزبه جریانات کربلا "" "" "" "" " تا فاطمه نی شیر خدا قویدی مزاره هجرینده بولوت تک دولوب آی مثلی توتولدی هر چند علی صبریده داغلار کیمی محکم صبری آقانین محنت زهراده قوتولدی میسمار یاراسین گوردی ٱودم کی شه مظلوم قلبی قان اولوب فاطمه تک قلبی سیخلدی یغدی باشینا قیزلاری ٱوغلانلاری مولا زهرا ویریلان بیتیده غم بزمی قورولدی هر لحظه باخوردی ٱو یانان درگهه زینب آغلوردی دیوردی آنام ٱول یئرده یخیلدی باسموشدی حسین و حسنی باغرینا زینب فرمایش ائدوردی آنام ٱول یئرده ویرولدی مظلوم بابا گئتدی آناموز قبره پریشان غم کشتی سی بابادل طوفاندا بوغولدی سیلدی قیزینون گوزلرینی آغلادی مولا فرمایش ٱو دم زینبه مولا بئله قیلدی صبر ایله قیزیم دولما بئله آغلاما زینب سن قلب حسین و حسنی داغلاما زینب چوخ آغلاماقی ساخلا قیزیم کرب و بلایه نی تک گله جاق سان ٱو بیاباندا نوایه ٱوردا بیری ٱولماز سنه تسکین وئره زینب ٱوندا آناووی دعوت ائدرسن ٱو عزایه سوز قالدی بئله گون گلوب ای وای ٱو گون ٱولدی زهرانین عزیزٱوغلی حسین دوشدی بلایه طولانی دی مطلب سوزی کوتاه ائدورم من دعوت ٱئدورم حضرت زهرانی عزایه ٱول دم کی ابوالفضلی آت اوستن سالوب أعدا حسرتله حسین بن علی باخدی لوایه سسلندی ٱویان سیندی بئلیم قارداش ابوالفضل دور توت ٱلیمی سنله گئداخ خیمه سرایه بیر حالدا گلوب زینب حسینون باشی ٱوسته آفلاکی گتوردی ٱو خانم شور و نوایه مقتلده گلوب یاره لی قارداشینی گوردی قان ایجره خانم دوشدی ٱو دم قانلی منایه چیخموشدی ٱونون شمر دنی سینه سی آوسته زهرا قیزی فریاد ائله دی شمر دغایه سسلندی اوتان گورهارا ای شوم چیخوب سان ظالم یئره توش وئرمه تکان عرش خدایه قلبی آنامون سینه سی تک یاره دی ای شمر توش ٱولدی آنام میسمارا او تیر جفایه القصه ٱولوب زینب ٱو صحراده پریشان دعوت ائدیب ٱوز مادرینی غملی سرایه بیلمم دل صحراده نه اولموش ٱو زماندا گویا کی گلوب فاطمه معناده نوایه گوز یاشویلان باشه یئتور شعروی فاخر فخریله یاز اشعار دگر آل عبایه http://eitaa.com/mo1346 •┈┈••✾✾✾••┈┈• 📌لینک کانال در (ایتا)👆وتلگرام👇 https://t.me/moslm_fakher •┈┈••✾✾✾••┈┈• مسلم فرتوت فاخر

باسلام شعر جدید شهادت حضرت ابوالفضل علیه السلام باآهنگ شبانگاهان یتش داده فاطمه بالاسی قانه غلطاندی جان ویرر سقا قالوب یولدا گوزلریم آقاجان گوزلورم یولوی تز گل ای مولا      گوزوم گورمور ایندی یولاری       سالوب لشگر یولدا قولاری ای گل زهرا      جان سنه قربان 2بار ویروب یاره بس که اهل  جفا شاهه کرب و بلا ساق یریم یوخدی آلوب لشگر دوریمی آقاجان اللرینده تمام نیزه دی اوخدی دگیوب بیر اوخ مشکیمه توکولوب سو یره ایندی محنتیم چوخدی       سالوب آتدان اهل جورو جفا تز گل ای قارداش قالمشام تنها        گوزوم گورمور ایندی یولاری        سالوب لشگر یولدا قولاری ای گل زهرا       جان سنه قربان 2بار آخور راه معرفتده قانیم باشیوه دولانیم ای مه انور عمود آهن باشیمه دگدی قانه غرق اولدوم گورموری گوزلر ایدر لشگر هل هله آقاجان باشیمی کسلر واردی بو سوزلر      دوشنده آتدان یوز اوسته یره قولارین آچدی حضرت زهرا       گوزوم گورمور ایندی یولاری          سالوب لشگر یولدا قولاری ای گل زهرا      جان سنه قربان 2بار غم اکبر چوخ قوجاتدی سنی یوردی غصه منی آغلارام قارداش اولوب پر پر اکبر و قاسم  آغلادی قارداش غملره داغ داش سنه رحم ایتمز بو قوم جفا آغلارام حالیوا ایندی من قان یاش       حسین جان گل باشیم اوسته منیم اللریندن اپوم ای شه والا       گوزوم گورمور ایندی یولاری        سالوب لشگر یولدا قولاری ای گل زهرا       جان سنه قربان 2بار ایدوب حمله لشگر اعدا قانه غرق اولدی ساقی عطشان فقط گل بیر آخر عمرومده باشیوه دولانیم شا ه مظلومان سوسوز لاردان شرمسار اولدوم غصه دن صولدوم ای مه تابان     وروبلار یاره سو اوستونده جسمیمه قارداش لشگر اعدا        گوزوم گورمور ایندی یولاری         سالوب لشگر یولدا قولاری ای گل زهرا     جان سنه قربان 2بار یازار  «مهدی»   نوحه لر آغلار گر قبول اولسا تشنه لب سقا گلر هر ایلده محرملر سینه سین داغلار ای گل والا دیر عفو ایله منی آقاجان روز محشردن قورخورام مولا      فرات اوسته تشنه لب یاتدین عالمی آتدین آغلادی زهرا           گوزوم گورمور ایندی یولاری         سالوب لشگر یولدا قولاری ای گل زهرا        جان سنه قربان 2بار ﷽🍁 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت زینب سلام الله علیها به مادرش زینب آغلار گجه گوندوز سنه ایوای آناوای آناسیزلیق غمی بسدور منه ایوای آناوای ای بلاکش آنا چکدون او قدر محنت و غم که بو آز وقتیده اگدی قدیوی بار الم کیمدی سن تک آغاران زلفی، اولان قامتی خم صبر ایدن هر ستم دشمنه ایوای آناوای آنا سالدوقجا گورن گونلریوی یادیمه من چوخالور بو دل زاریمده کی اندوه و محن اوز ایوین سهلیدی قویمازدیلا صحراده ده سن بیر دویونجا گله سن شیونه ایوای آناوای دوقّوز ایل چکدون آتام حیدر ایوینده دم آنا بو قدر مدّتی غم یتدی سنه هردم آنا مونس آه سحری، ناله ی شب همدم آنا گورونوب هانسی بلاکش زنه ایوای آناوای باخورام برج جلالتده ایشیق کوکبیوه یانورام دلدن آنا باشداکی چادر شبیوه مایه ی غصّه دی بو نکته زبس زینبیوه عمریم اولسا دیرم من سنه ایوای آناوای ایتمدون جسمیوه پیرایه زر و زیوریله خوش گیچیندون هامی عمرون سن آتام حیدریله آج قالوردون گجه گوندوز آنا اوچ گونلریله صبر ایدوردون دایانوردون گینه ایوای آناوای بسلدون گل تک حسینیله حسن قارداشیمی سهلیدور قویمازیدون منده توکم گوزیاشیمی باشیم اوسته یری وار یولسام اُلونجه باشیمی توکسم اوز زلفیمی پیرامنه ایوای آناوای وقت رحلتده اگرچه او رسول مدنی سالم اعضائیله بو امّته تاپشوردی سنی قوروسون قویمادی ثانی آنا جدّیم کفنی قولّارون دوندی گل سوسنه ایوای آناوای اولمادی ثانی رضا گولماقا بیر لحظه یوزون اود ووروب اودلادی درگاهیوی، آغلاتدی گوزون محسنون سقط اولوب آخِر قالوب آغزوندا سوزون آغلارام حشره کیمی من سنه ایوای آناوای نگران قالما گله نائبه ام منده سنه مین بیله غم یته هر آنیده هر دمده منه نلر ایلر بولورم امّت حسین و حسنه دیرم سنسیز آناوای منه، ایوای آناوای حسن اوّل بولورم ظلمیله مسموم اولاجاق محنتینده هامی عالم آنا مغموم اولاجاق اوز یرینده وطنینده ایله مظلوم اولاجاق دونه جاق بیر پوزولان گلشنه ایوای آناوای باشه یتمز نه دیوم چوخدی بلاسی باشیمون کربلا قصّه سی وار منله حسین قارداشیمون گوره سن موجینی دریا کیمی بو گوزیاشیمون اونداکی گلدون همان مسکنه ایوای آناوای عقل حیران قالی شمرین آناجان کینه سینه گه چخار اوغلون حسینین یارالی سینه سینه قویاز اوز نحس ایاقین سرّ حق آئینه سینه بولمز هرگز یتیشوب ایمنه ایوای آناوای تاپشوروب چون آنا جدّیم بو سوزی امّتینه گوسترور سو هامی قربانه او سوز حرمتینه اوز حسینی ویری جان تشنه گیدر خدمتینه لعن حق، زاده ی ذی الجوشنه ایوای آناوای بی وفا امّت آنا سانما جفادن دویاجاق تشنه باشین کسه جاق سهلیدی رختین سویاجاق کهنه بیر پیرهن اوسته اونی عریان قویاجاق ایمدیدن یانّام او پیراهنه ایوای آناوای راه جاناندا حسینون بیله بیر جوده گلر که ایله جود تعجّب هامی موجوده گلر او سلیمان بولی بجدل که نه مقصوده گلر ویری بارماق اوزوک اهریمنه ایوای آناوای آغلا «صافی» گوره هر کیمسه نین آغلاردی گوزی ویره جاق گوزیاشینون صاحبی بول اجرین اوزی ذکر قیل زینب مظلومه دلینجه بو سوزی آناسیزلیق غمی بسدور منه ایوای آناوای مرحوم صافی تبریز ﷽🍁 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- ✨اَللّهُمَّ عَجِّل لِوَلیِّکَ الفَرَج✨💫

: بنام خدا بقیع و ایما و اشاره به حسرت چندین هزار سالهٔ عاشقان حضرت زهرا س "" "" "" ای بقیع تا کی دیله آدوون گلور سینه ی عشاقی غم غصه دلور واردی آدوندا نه حکمت قالموشام مات و مبهوت و محیر اولموشام دامنوندا دفن اولوب چوخ مردوزن انبیاء و اولیای پاک تن دفن اولوبدی سنده ام المومنین ختم مرسل حضرت خیرالامین ای بقیع گنجینة الاسراریسن سن سرای گوهر بسیاریسن شیعه حساسدی سنه هر بیر زمان چونکی سنسن دورد امامه میزبان الغرض بیر غم بیزی بی جان ائدر هر زمان بو غم بیزی نالان ائدر گورمویوب تاریخ ده ابنای بشر دفن اولونسون نیمهٔ شب بیر نفر گولشن عمر بشر سولسا هاچان قبرینی گوندوز قازالار بی گمان بوردا رخصت ایستورم یابن الحسن چاتدی حساس بیر یئره سیر سخن اولدی دریا اهل معنانین گوزی یازمورام بوندان علاوه بو سوزی اهل معنا آیری حالیم وار منیم بوردا سیزدن بیر سوالیم وار منیم مفخر حوا و مریم آسیه قبره گئتدی بس دل شبده نیه بیر بئله آه و نوا حسرت ندی قبری گیزلیندی اونون علت ندی فاخرا یوز توت سماواته بودم سسله چات فریاده سن یا منتقم ایسته آلاهدان کی رخصت وئر خدا ظاهر اولسون قائم آل عبا «اشعار آیینی» گنجینه اشعار مذهبی ترکی و فارسی اثر طبع مسلم فرتوت فاخر http://eitaa.com/mo1346 📍لینک کانال اشعار در "تلگرام"👆🏻 •┈┈••✾🍃🌼🍃✾••┈┈• https://t.me/moslm_fakher 📍لینک کانال "ایتـا" 👆🏻 مسلم فرتوت فاخر

بنام خدا تقدیم به عاشقان قمرمنیربنی هاشم ابوالفضل العباس ع **** هرقلبیده عشقه باور اولماز/چون ساغر عشق ساغر اولماز دنیایه گلوبدی چوخ دلاور/عباسه چاتان دلاور اولماز عباس آقا گوهر شرف دی/بیر بیله گرامی گوهر اولماز دنیا بویی جز امیر خیبر/عباس کیمی میر لشکر اولماز علقمده ائدیبدی او قیامت/دنیاده بئله‌ مظفر اولماز ترک ایلمویوب مدار عشقی/افلاکی ده بیله اختر اولماز عشق ینده یانار قلوب طاهر/هر سینه ده بیله اخگر اولماز هر کیم چاغورا آدین اورکدن/ شرمندهٔ روز محشر اولماز فاخر چاغورار بو آدی هر دم/ / بحراندا قالوب مکدر اولماز _مسلم فرتوت فاخر_ """""'"""""""""" http://eitaa.cm/mo1346 لینک کانال اشعار فاخر در (ایتا)

اوخشاما ننه   زهرا   یاخشی    گلدون   یانیما دردون گلسین منیم بی کس   جانیما آل باشیمی دیزون اوسته بیرجه باخ دوداقیمده        لخته لنن       قانیما ئوزگه     انسانا       یارا       باغلاماز یامان  گون  گورمین  ئورک  داغلاماز دنیا   اهلی   گله   ،    اوغول   ئولنده هیچ  کیم   اونا   ننه   کیمی   آغلاماز ✍استاد   #چوپانی_مشعل

‍ ‍ روضه حضرت زهرا(س) ای صفای خانه من الوداع گرمی کاشانه من الوداع الوداع ای یار هجده ساله ام الوداع ای یار سیلی خورده ام الوداع ای غنچه پژمرده ام ای هم آوای علی تنها مرو بی کسم من بی کسم زهرا مرو با فراغ خود سیه پوشم مکن من غریب هستم فراموشم مکن ********** گوزلریم ایوده بو دیوارو دره دوشدوخجا فاطمه بیر بولور الله نه مشقت چکورم داد اوغمدن که قیزون گلدی دیسون ئولدی ننم باخدی گوردی باخورام الره حسرت چکورم سن گیدنن گونوز ایوده گئجه چولده یاشورام تار اولوب گون گوزومه دائمی ظلمت چکورم نیلییم الریمی باغلادی تقدیر قضا گوشه گیرم ئوز ایویمده هله غربت چکورم فاطمه بیر گئجه معناده عقلا ایوه گل گور حسین ناز الدیقجا نه محبت چکورم آچیخ اولسیدی الیم قاتیلیوی قویمازدم دولانا گوز قاباقندا چوخ اذیت چکورم قاپیم باغلی قالوب بیر کس گلوب مندن خبر دوتمور غریب ایتمیش فلک ایندی زول القربانی زهراجان دیولر آغلاماق قلبی ایدر غم غصه دن خارج منیم قلبیم بوشالمور غصه دن بیر آنی زهراجان گونوزلر ایوده ایلشوب یانان قاپینی باغلارام یتیم اوشاقلارون باخار دیزیمی من قوجاخلارام هامی ایوه گیدن زمان گلوب بقیعده آغلارام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ ئوزوم گوردوم قاپیم یاندی تماشایه گلن دوردی ئوزوم گوردوم که زهرانی او نامرد زَمَن ووردی ئوزوم گوردوم اشاریله دیوردی قنفذا ثانی دایانما ویر ایاقدان سال ئورگی داغلی زهرانی ئوزوم گوردوم نه نوعیله یره زهرا یخلمیشدی ئوزوم گوردوم که دیواره نه قدری قان یاخلمیشدی ئوزوم گوردوم بالام محسن دوشوب یرده چخور جانی نه زهرا گوردی ئوز اوغلون نه محسن گوردی زهرانی ئوزوم گوردوم عُمَر آلدی الینه بیر یانق هیزم منیم باغلیدی قوللاریم او ووردی من باخوب دوردوم ئوزوم گوردوم حسینون گوزلری گریان دایانمیشدی ئوزوم گوردوم که مسمارین اوجوندا قان دایانمیشدی ئوزوم گوردوم قاچور زینب دیور وای بی کمک قالدیم گلون آی قونشولار ئولدی ننم اللرده تک قالدیم ئوزوم گوردوم حسن آغلور دیور الله ننم ئولدی کیچیکدور سنّیم حیف اولسون بو غصّه قلبیمی بُولدی ئوزوم گوردوم قیزیم کلثوم ائله رنگی سارالمیشدی ایتیرمیشدی ئوزون گویا بالام آواره قالمیشدی ئوزوم گوردوم آنام زهرا سولوب گل تک سارالمیشدی ایشقلی صورتین گوردوم که بیر سمتی قارالمیشدی ئوزوم گوردوم آنام زهرا قالوب تک سینه داغلیردی حیاسیندن یانایانه یواشجا سسیز آغلیردی ئوزوم گوردوم آنام زهرا ائدوردی تکیه دیواره ئوزوم گوردوم قولاقیندن یره دوشموشدی گوشواره ئوزوم گوردوم آنام زهرا نه حالیله یخلمیشدی قنادسیز قوش کیمی گوردوم که دیواره سخلمیشدی دین اولمادی ای ظالم قباله ملکنی جیرما پیمبردن امانتدور الین سینسین اونی ویرما #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

─‌═‎‌‌‌‌‌‌༅࿇༅ ❃﷽❃ ༅࿇༅═‎‌‌‌‌‌‌─‌ ✅#صدا_سازی_نفس 🎙#آموزش_صدا_سازی آموزش صدا سازی از دوره مقدماتی تا پیشرفته،،، مدرس:استاد عبدالرحیم ایزدی «کارشناس موسیقی» شماره همراه_۰۹۰۳۸۱۷۹۵۹۰ 𝐉𝐨𝐢𝐧: http://eitaa.com/Amozesh_sedasazi 𖠇࿐ྀུ༅࿇༅═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ |↲لینک کانال آموزش صداسازی ─‌┅═‎‌‌‌‌‌‌༅࿇༅࿇༅ ❃༅࿇༅❃ ༅࿇༅࿇༅═‎‌‌‌‌‌‌┅─‌

باسلام عرض و ادب احترام سرور ولادت حضرت زینب کبری سلام الله علیها سس دوشوب گویللر شاد اولوب ملکلر با این آهنگ خونده می‌شود ملتمس دعا مهدی ملکی زنجانی 👇👇👇👇👇👇👇👇

باسلام شعر جدید سرود ولادت حضرت زینب کبری سلام الله علیها با آهنگ ساقیا جرعه‌ای می به جام ما کن سس دوشوب گویلره شاد اولوب ملکلر آچدی گوز عالمه گلدی. دخت حیدر فاطمه نشانی بوگون گلدی بو جهانه عالم اولدی انور دونوب بو جهان جنانه اوج چوخ گوزلدی زینب گوزللر اونا قربان بی بدل یاراتدی بونی خالق سبحان عرشيان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار ذات حق بوگیجه حیدره ویروب پای مات و مبهوت اولوب حسنونه بونون آی عرش فرشه زینت ویروب فاطمه بالاسی ئوپدی یوز گوزوندن اونون شیعه مقتداسی اوج گلدی بو جهانه بوگون مظهر ایمان کربلاده بیر گون اولار یاور قرآن عرشيان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار بو بالا یاور شاه کربلادی زینت گلشن باغ مرتضادی آچدی گوز جهانه اولوب گون کیمی نمایان جنته دونوبدی جهان گلدی یار سلطان اوج آچدی گول شکوفه آچیلدی در رحمت گلدی بو جهانه گل باغ امامت عرشيان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار ماسوا یه بوگون سس سالوب منادی آچدی گوز عالمه پنجم جمادی شاد اولوب ملکلر دوشوب همهمه سمایه قدسیان دیور تهنیت حجت خدایه اوج گلشنه ویروبدی صفا دختر زهرا یوز گوزوندن اوپدی بونون حضرت طاها عرشیان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار عرشیده بو گیجه واردی جشن شادی اوج ائدوب گویلره بو بالانین آدی فاطمه گؤلی عاشقان گور نجه گوزلدی عرش فرشه زینت گل شاه لم یزلدی اوج گلدی دخت حیدر ائدوب عالمی انور معدن وفادی اولوب عالمه زیور عرشيان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار بو بالا زینت عرش کبریادی خواهر مجتبی دخت مرتضادی سسلنور گوزل آدیوی یکسر اهل ایران ای پناه عالم خانم ایله درده درمان اوج عالم اولدی انور گلوب شمع شبستان یوسف اولدی یاران بونون حسنونه حیران عرشيان ائدور زمزمه گلدی دخت زهرا عالمه دوشوب همهمه گلدی دخت زهرا مقدمین مبارک خانم مقدمین مبارک 2بار #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---