#شهادت_حضرت_زهرا_سلام_الله_علیها بارالها نیه بس دینمدی اشراره علی چخمادی دشمن غدّاریله پیکاره علی او که قورخمازدی، نیه قالدی الی قوینوندا بیه حسرتله باخوب شعله چکن ناره علی دانیشوردی ئوز ئوزلین او کرم دریاسی یعنی صبر ایله بو محنتده، ندور چاره ،علی حق علی نندی قسم فاطمه نین حرمتینه ساتمیوب ساتمیاجاق دینینی دیناره علی کیم دُوزر همسرینون سینه سی قانه بویانا حقّی واردور که یانا آه شررباره ،علی گوردی زهرا یخیلوب قان بوریوب اعضاسین وئروب اوّلده تسلاّ او دل افکاره علی بویوروب فاطمه جان غیرتیم ئولدوردی منی گور نئجه دشمن ایچینده قالوب آواره علی منه خاطر بیلورم قانه باتوبسان زهرا نه دئسون حشر گونی احمد مختاره علی؟ آند اولا اوغلوم حسینه که قولوم باغلیدی دینمه دی درگهوی یاندران اشراره علی عالمین قلبی منم، منده که قلبیم سیخیلور گرچه واقفدی بیلورسن هامی اسراره علی نگران اولدی گوگ اهلی یرین اوستونده نه وار نیه حسرتله باخور بس در و دیواره علی نه اولوب فاطمه نین سینه ده دورمور قانی باغلیوب اشکینی باران کیمی رخساره علی دودمان علویدن چخور اود یاللعجب ایلمور بس نیه ئوز مشگلینه چاره علی گلدی معناده ملکلر یئره گوگ سمتیندن احتیاجون دئدیلر واردی مددکاره ،علی ؟ مدتضی ایسته دی باخسون او یانان درگاهه هاتف غیبی دئدی باخما او مسماره علی قاپوون یانماقینون فکرینه قالما هله سن گل پیغمبره باخ که وریلوب خاره علی حمل ائله منزله بیر نوعی او گردون خدمی قوری یئر یاخشی دگول یاره لی بیماره علی نصف ائله باشداکی عمّامه وی ای شیر خدا باغلا تا دینجله اول سینه ده کی یاره علی سنده " احسان " دئنن او سائله احسان ائدنه گلمیشم منده گوزی یاشلی بو درباره علی منده بیر سائلوم قویما الی بوش قییدم سنی وئرّم قسم اول قولسوز علمداره علی شعر: احسان بدرخانی شاعر اهل بیت علیهم السلام ـــــــــــــــــــــــــــــــــــــــــــــــــــــــــــــــــــــــــــ

باسلام شعر جدید در فراق مادر وگریز به شهادت حضرت زهرا علیهاالسلام                زبانحال با تا مشکتو تو آب زدی هارا گیدوبسن آی ننه فدا اولا جانیم سنه غمینده آغلارام سنون چتیندی فرقتین منه       گیوب قاره قیزلارین یکسر سینه داغلار    فراقینده حسرتیله بو ائللر آغلار     گئدن گوندن سن بو دنیادن یوخدی صبری بالا لارون یاسیوی مادر ایندی ساخلار یارالی.       یارالی    2بار گورنده بوش یئرون سنین ئورک    دونر     قانا یقین سسین. ندندی     گلموری اولوب غمین   آنا چتین     هر ئوده گر اولماسا مادر یوخ صفاسی     ازلدن یوخ هیچ کسه بو عالم وفاسی   بیزی ترک ائتدین ندن مادر هاردا سان بس چیخوب عرشه ایندی بو قیزلارین نواسی یارالی.        یارالی      2بار سنین غمینده آغلارام باشیما قاره باغلارام نقدری عمروم اولسا بو جهاندا سینه داغلارام صولوب سنسیز گلشن عمروم ای وفالی سنی سالدی بو   فلک      بیزلردن آرالی سنه تنگ اولدی بو  دنیا ای با   وقاریم بیزی قویدون بس ندن مادر سن عزالی یارالی      یارالی.     2بار چتیندی بو فراقیوه دوزم وفالی مادریم غمین منه اولوب گران جهاندا یارو  یاوریم آنا سنسیز گئتدی ایندی بو ایو صفاسی چخار عرشه قیزلارین وای مادر صداسی فراقینده  داغدار.    اولدوم من آنا جان عزادار اولدوم ئورکده وار دل. یاراسی یارالی.      یارالی   2بار آنام فدا ئوزوم فدا حسن حسین آناسینا جسارت ائتدی اشقیا پیمبرین      بالاسینا دیور زینب غصه و غمده آغلارام من ئولونجه باشه قرا مادر باغلارام من عدو ظلمی آشکار اولدی آی ننه جان غمینده بو سینه می سنسیز داغلارام من یارالی.     یارالی.  2بار بنات حیدر آغلاشور گئیوبدی قاره قدسیان زینب دیور ای وای ننه کلثوم ائدور آه و فغان قالوب یالقوز مرتضی اولدی دیده گریان شهید اولدی فاطمه آغلار    شاه مردان‌ قویوب تنها   حضرت    زهرا مرتضانی رسوله گئتدی اولا زهرا    ایندی مهمان یارالی      یارالی     2بار ولایت اوسته جان ویروب پیمبرین.        نشانه سی شهید راه     حق اولوب علینون آرتدی غصه سی وروبلار اود یاندی درباری مرتضانین الی سین سون من گوروم الله اشقیانین جنایت.   ائتدی عدو      آغلاتدی علینی صفاسی یوخ فاطمه سنسیز بو جهانین یارلی       یارالی.  2بار ای یادگار مصطفی ایثاریوه جانلار فدا ای محرم   راز علی وی معدن صدق و صفا غمون سالدی «مهدینی» دیلدن اولدی نالان یازوب نوحه اولدی بو غمده دیده گریان گیوب قاره سسلنر دیلدن جان یارالی اونی ایسته تا اولا گیزلین قبره مهمان یارالی       یارالی     2بار ملتمس دعا مهدی ملکی

سبک تامشکتوتو آب زدی👆👆👆

روضه سوزناک😭 ‍ ‍ ‍ #روضه '#ترکی #حضرت_زهرا_س سوتوک اسما یووم تامن ولی آهسته آهسته وراخ غسلون ایداخ شیون ولی آهسته آهسته (اسماءمبادا همسایه لر بوللر) علینین آدامی یوخدی سس ویرماقوینان سن علیه کمک اول سوتوک اسما یووم تامن ولی آهسته آهست وراخ غسلون ایداخ شیون ولی آهسته آهسته یوزون دوندر صاقا صولدان گیدیب قنفذ خطا یولدان مواظب اول سنان قولدان خزان وروبدی گلی باغبان باخور آغلور خدا بولور کفنین بندینی نجه باغلور تابوته وردیلر حرکت زینب آغلادی گویا ایدوب آناسینا بونوعی کشف راز قال بوگئجه بیزیله گونوز باری دوش یولا شب زنده داریلر ایلمز شبدن اعتراض ظلمت گئجه آنا گیدیسن هانسی منزله (اوشاقدی بعضی فکریلر الر ئوز عالمینده هله اینانمیر ننه نین تابوتی یولا دوشور بیردن دیدی) خدا مادرم را کجا میبرن گمانم برای شفا میبرن مرو مادرم مرو مادرم مرو مادر امشب کنار سفره خالیست جای مادر فضه دییر من بوگئجه هرنه الدیم اواوشاقلار غذا یمدیلر فضه آنامیز هاردا بئله داریخمشوخ زینبی آرام الیرم حسین آغلور حسن بولمورم نلر گوروب اتاقین بیر گوشه سینده بئله سخلوب هردن دییر سیز یوخودوز اوکوچه ده من گوردوم سیز گورمدیز آنام نجه سخلدی دیواره بیرآز قوزاندم اوکوچه ده که اوسیلی منه دیسین ایستادم به سر پنجه پااما حیف دستش از روی سرم رد شدو بر مادر خورد ننم سخلدی دیواره دیدی اوغول قسمت بویوموش کوچه ده سیلی منه دیسون قوخدوم ننون ئولسون اوآغر ال سنه دیسون ✍مهدی عابدینی #روضه_حضرت_زهرا_سلام_الله_علیها ✨اَللّهُمَّ عَجِّل لِوَلیِّکَ الفَرَج✨💫

#شام_غریبان_حضرت_زهرا_س اوج   ایلیین  گویلره    شیعه نون  افغانیدی فاطمه نون    بو   گئجه    شام   غریبانیدی محنت   ایامیدن    خسته    اولانلار    گلون صورتی گلبرگ تک  غمده   سولانلار  گلون دارشفادی     بورا   دردی   اولانلار    گلون غصه   و   آلاموزون      فاطمه     درمانیدی آند     ویرون    حضرتی   شاه    شهیدانینه دست    نیازوز    آتون    صدقیله     دامانینه دوز  گله سوز  لطف   ایلر آند اولا اوز جانینه هیئتیمیز    بو   گئجه    فاطمه     مهمانیدی بو  گئجه  هر کیم   اگر  قلبیدن  افغان ایدر زینبه  همدرد  اولوب  گوز یاشینی قان ایدر حضرت   زهرا   اونون  دردینه  درمان  ایدر بو  گئجه   حیدر ایوی گور  نئجه  طوفانیدی زینب اولوب نوحه خوان گوزیاش الور مجتبی آغلوری   کلثومیله    ساکن    ارض  و  سما هامیدان  آرتوخ    یانور   هجره    شه کربلا یر  گویه  غوغا   سالان   فاطمه هجرانیدی اوخشادی  زینب  اودم سویلدی  ایوای  ننه غصه   و   آلامیده   یوخدی   سنه  تای  ننه محسنی الدن   گیدن   ظلمیله   لایلای  ننه محسنوی    ئولدورن   دشمن       قرآنیدی ظلمیله    درگاهیده    قانوه     باتدون     ننه غمزده     طفلانوی    حیدری   آتدون     ننه سینه   یارا   قول یارا   قبرده   یاتدون   ننه عمرون آز  اولدی ولی غصه سی طولانیدی  گورمدون    ایامیده    خاطره     دل    نواز همدمون اولدی مدام  محنت و سوز و گداز خوش گونه حسرت قالان قبریده دینجل بیر آز قبروون    اوسته   علی   گوزلری   بارانیدی گیت  ولی   بیر  سوز  دیوم   دختر خیرالورا واردی بویوک خواهشیم  قوی  منه  منت آنا فرصت     دیداریمیز       روز   دهم    کربلا گل  او چوخور یرده کی قارداشیم عریانیدی  یازدی   سنه (( آذرین))  روضه   محنت  ننه سنده   اونا  حشریده   ایله     شفاعت    ننه قویما    اولا    خلق   آرا   زار  و خجالت  ننه عمر    بویی  عاشق      شاه     شهیدانیدی ودود آذرین خلخال ـــــــــــــــــــــــــــــــــــــــــــــــــــــــــــــــــــــــ

#حضرت_فاطمه_زهرا_سلام_الله_علیها عشق بیر کلمه دی تفسیری اونون مبهَمدی عشقه فکر ایلمه هر بی سرو پا همدمدی عشق بیر سرّ نهان بین دل و دلبردی مَلکوت اهلیده حتّی اونا نامَحرَمدی دولتِ عشقی قلم حشره کیمی شرح ایلسه باغلاسا مین لریلن دفتر و دیوان کَمدی عشق هماندور که علی اللری قوینندا قالوب گوردی که فاطمه نون حالتی چوخ بر هَمدی ئوزینه سنگر ایدوب بین درو دیواری یوخدی بیر یاوری ایمانی ولی مُحکمدی قاپی دوشدوکجه فشاره اودا فریاد ایلیور جانِ ناقابل زهرادن علی اَعظمدی سینمی یارسادا مسمار غمیم یوخدی منیم یاره مَه دلبریمون بیر باخشی مَرهَمدی استادحاج سید تقی سیفی اردبیلی ‍ــــــــــــــــــــــــــــــــــــــــــــــــــــــــــــــــــــــــ

حضرت زهرا سلام الله علیها سبک : بزم عزاده گیمیشم ..... ای حیدری گوزدن آتان دلبریم لايلاي دلبریم لايلاي نار غم و هجره یانان همسریم لایلای همسریم لایلای سویلرم وای زهرا دینجلدون دای زهرا عمرونده خوش گون گورمدون آغلارام یانام آغلارام یانام سن زینبه طوی دوتمادون یانام اوتلانام یانام اوتلانام اوغلون حسیندن دویمادون بیله تالانام بیله تالانام گیتدی الیمدن سویلرم کوثریم لایلای کوثریم لایلای ای غنچه باغ نبی غصه دن سولدون غصه دن سولدون دائم بولوت تک ماتمه وای منه دولدون وای منه دولدون غصب اولدی حقون دائماباغریقان اولدون باغریقان اولدون باشیمده هردور و زمان افسریم لایلای افسریم لایلای باشدان حسین و زینبی سن نه تز آتدون قانوه باتدون قویدون علینی بی کمک کاموه چاتدون قبرده یاتدون گوزیاشیمی بو غصه دن سن قانا قاتدون حیدری آتدون قالدی دعاده دائما اللریم لایلای اللریم لایلای مجمرکیمی هجرونده من روز و شب یاندیم روز و شب یاندیم گیتدون یارالی قبروه یاندیم اودلاندیم یاندیم اودلاندیم آچ بیر گوزون محنتده باخ گورنه تالاندیم گورنه تالاندیم یاسه باتوبدی گورنجه گللریم لایلای گللریم لایلای کیم بس حسینون باشینون اوسته سو قویسون حالینه یانسون زینب لباس ماتمی بس نجه سویسون جانینه دویسون اوغلون حسن سنسیز گرک گول کیمی سولسون خونجگر اولسون هجرونده دوشدي لرزيه پيكريم لايلاي پيكريم لايلاي بوفانی دنیاده گوروب چوخ بلا باشون چوخ بلا باشون نه وار آنون نه وار آتون یوخدی قارداشون یوخدی قارداشون مونس سنه دائم اولوب قانلی گوزیاشون قانلی گوزیاشون هجرونده نالاندی شیرین دیللریم لایلای دیللریم لایلای گوزیاشلی یازدی «آذرین» حالوه نوحه ؛ بیرنظرایله درد و غم و حاجاتی وار قلبی مجروحه ؛ بیرنظرایله ویروخ قسم زهراسنی تشنه مذبوحه ؛ بیرنظرایله دولدور محبتدن دیور ساغریم لایلای ساغریم لایلای کربلایی ودود آذرین #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍   روضه حضرت ابوالفضل(ع) دردون اولسا دیمرم حاذق اطبانی چاغیر گوزووین یاشینی توک حضرت زهرانی چاغیر ویر خبر دردی اولانلاره دینن غم گلدی باشووه باغلا قرا موسم ماتم گلدی سینه وور سسله حسینی قره پرچم گلدی ای دوادن یورولان ماه محرم گلدی چاغیرون یوزلری اشکه بوروننلر گلسین قره پرچم دالیسیجاق سوروننلر گلسین بزم تجلیل شئونات امامتدی بورا مرکز کنگره شان و شرافتدی بورا ایری فکر ایلمه درگاه عبادتدی بورا گیتمه ایری قاپیا باب سعادتدی بورا غم یمه اولسا نه اندازه اگر دردون اغیر قلبووی پاک ایله بیر دفعه ابوالفضلی چاغیر احتیاجون وار اگر معجزه گر درمانه متوجه ایله افکاروی نخلستانه ساقی تشنه دوشوبدی یارالی میدانه ساق گوزی بوسه ویروب زهریلی بیر پیکانه سروه اوخشور اوجا قدی ولی خوللاری دوشوب بیر یانا مشکی دوشوب بیر یانا قوللاری دوشوب کشتی عشقیدی گویا کی قالوب طوفاندا عمرینون اولدوزی ایستور باتا نخلستاندا ئوزینه فکر ایلمور هیچ ایله بیر بحراندا تلین اوستونده قالوب قلبی گرو جاناندا گوردی یوخدی یارالی قوللارینون درمانی دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر منتظر دور سنه میدانیده بو عبد حقیر دیمورم گل منی قویما ایلیه لشکر اسیر ننووی ایستسه گویلون ئوزووی فوری یتیر باشیم اوسته اوتوروب گوز یاشی رخساره الور ساچلاریندان باجیمون ساچلارینون عطری گلور اوغلونون نوکرینه اولدی خانم تعزیه دار ایستیوردی سیله گوز یاشینی اول لاله عذار غفلتا اولدی حسین جان قره روبندی کنار نجه تعریف ایلمیشدون یوزینون لکه سی وار قد رعناسینی واضحدی کی غم غصه اگوب کول منیم باشیمه اولسون یوزینه سیلی دگوب سایه لطفی علمدارووی بشاش ایلدی گوردی احوالیمی مستوجب پاداش ایلدی ئورگیمدن کیچنی بیلدی خانم فاش ایلدی نوکریدیم سنه گلدی منی قارداش ایلدی هر نه امر ایلسه دستوری مقدمدی منه پرچمیم دوزدی یاتوب ساچلاری پرچمدی منه قارداشین الدی سسین خیمه ده سلطان انام زینبی محضرینه ایستدی ازاده امام گیدورم من دیدی ای خواهر مرضیه مرام اللی ائیل منتظریدیم ایله بیل گلدی انام بیلدیم عباسی اگر گورسه نیستانه گلر سنی ده یوخلاماقا شام غریبانه گلر مرکبی حاضر ایله عزم ایلیوم میدانه قوی گوروم هاردا باتوب ماه شرافت قانه اولمیا قارداشیمون عمری چاتوب پایانه بلکه روحی پر اچوب علقمه دن رضوانه حقووی قارداشووا سنده ادا ایله باجی گیت اوتور خیمه ده عباسی دعا ایله باجی زینبی تاپشروب اللهه غرض شاه ولا تشنه قیزلارینا بیر باخدی صورا دوشدی یولا پر اچوب مرکبین اوسته خلف شیر خدا ایاقی التدا قویوب عرصه نی شاه شهدا گوردی قولسوز یخلوبدی یره سرداری یاتوب باش قویوب تپراقا غیرتلی علمداری یاتوب دئدی ای ام بنینون گل بی خاری اویان منه گولدورمه بو میدانیده اشراری اویان دیمورم ال نظره لشکر کفاری اویان بلیمون سینماقینون خاطرینه باری اویان نیه بو حاله قالوبسان سنه اصغر قربان یارالی باشووه قارداش علی اکبر قربان سنی درس علوی جنگه زبر دست ایلیوب غیرت اللهی علی روحووه پیوست ایلیوب حیف اولا دشمنووی دست زمان پست ایلیوب کیم ئوپوب لبلریوی عطری منی مست ایلیوب قوریان لبلرووه جام لبالب قربان کسیلن قوللاریوا غمزده زینب قربان ایستورم گوز یاشیما باشووین اوسته بویانیم سن یانان اتش حسرتده گرک منده یانیم گل گئدک خیمه ده سن یات ایاق اوسته دایانیم باشووی تپراقا قویما باشووا من دولانیم تیتریور اصغریمون لبلری مثلی بدنیم منتظردور سنه قیزلار ایویمی یخما منیم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

 سیزه ادیرم بیر وصیت  کفنه بو نوکر بوکنده اله کی مزاره گویدولار بدنیمه تورپاخ توکنده(۲) اول اوخویون سوسوز آقامین روضه سینی اشیدیم حسین وای سسینی(۲) بیر آز کفنه گویون آقامین تربتینی یادیزا سالین غربتینی(۲) ▪️🌾▪️🌾▪️🌾▪️ حسین وای حسین وای ▪️🌾▪️🌾▪️🌾▪️ باشیما قارا شال باغلیین کفنه باخیب دیل داغلیین کفنی اولان کهنه حصیر یارالی حسینه آغلیین(۲) ارباب او گجه منه اولا مهمان گلجک یانیما لب عطشان گلجک(۲) تک گویمیاجاخ ، بیلیرم او گون نوکرینی باشیما چکر اللرینی(۲) ▪️🌾▪️🌾▪️🌾▪️ حسین وای حسین وای ▪️🌾▪️🌾▪️🌾▪️ باشا چاتیب عمروم عزایه گلیب ئورگیم هی نوایه کفنیم ایچینده دوندرین منیم ئوزیمی کربلایه(۲) قبریم داشونا یازولا حسین آغلیانی آغامون ئورک داغلیانی(۲) قبریمده گنه من آقاما عزاساخلیارام(۲) ▪️🌾▪️🌾▪️🌾▪️ حسین وااای حسین وااای #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ای دلبر آزادگان مولا ابالفضل مولا ابالفضل ای ساقی لب تشنگان مولا ابالفضل مولا ابالفضل . علمدار ابالفضل سپهدار ابالفضل . . . آقا سنه آزاده لر مولا دییللر مولا دییللر عاشقلرین احسانوی دریا دییللر دریا دییللر هم ساقی لب تشنه هم سقا دییللر سقا دییللر ورد زبان عاشقان مولا ابالفضل مولا ابالفضل علمدار ابالفضل سپهدار ابالفضل . . . شیعه آلیب هر دم آقا سندن نتایج سندن نتایج سن سن طبیب حاذق هر درده معالج درده معالج درگاهوه دخیلم یا باب الحوایج باب الحوایج ای چاره بیچارگان مولا ابالفضل مولا ابالفضل علمدار ابالفضل سپهدار ابالفضل . . . عزت سنون صولت سنون هیبت سنوندی هیبت سنوندی دریای غیرتسن آقا غیرت سنوندی غیرت سنوندی بزم عزایه گلمیشوخ دعوت سنوندی دعوت سنوندی ای دستگیر بی کسان مولا ابالفضل مولا ابالفضل علمدار ابالفضل سپهدار ابالفضل . . . زمزم سنون کوثر سنون علقم سنوندی علقم سنوندی علقم اوسته دایم اسن پرچم سنوندی پرچم سنوندی عشقینده ووررام سینه مه سینم سنوندی سینم سنوندی عشق همه سینه زنان مولا ابالفضل مولا ابالفضل علمدار ابالفضل سپهدار ابالفضل . . . سینه وورانلار سن گئدن یوللارا قربان یوللارا قربان نهر اوسته پیکردن دوشن خوللارا قربان خوللارا قربان ظلمیله تندن کسیلن قوللارا قربان قوللارا قربان السیز قالوب الدن دوتان مولا ابالفضل مولا ابالفضل علمدار ابالفضل سپهدار ابالفضل . . . ای زاده ام البنین روحه صفاسن روحه صفاسن دلبند زهرایه آقا صاحب لواسن صاحب لواسن دست سخاوت سنده دی مشگل گشاسن مشگل گشاسن ای اللری مشکل آچان مولا ابالفضل مولا ابالفضل علمدار ابالفضل سپهدار ابالفضل . #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‏فایل صوتی از طرف سعیدمحمدی