شهادت حضرت امام محمد باقر علیه السلام 🏴🏴🏴🏴🏴🏴🏴 قبریدن یا فاطمه دور ناله و افغانه گل حضرت باقر ستمله باغری دوندی قانه گل بیر به بیر اوغلانلارون هر عصرده مظلوم اولوب هر بیری بیر ظالمون ظلیمله دل مهموم اولوب عاقبت هشام الینده بو بالان مسموم اولوب باخ اوزون آل امیه ظلمینه افغانه گل کربلاده سن بولورسن نیلیوب قوم شریر اوچ یاشیندا بو بالان شمره اولوبدور دستگیر هم آتاسین هم اوزون مغلول ایدوب ایلوب اسیر بی مروّتلرده سن قیل بیر نظر طغیانه گل وئردی ازّلدن قضایه شوق و ذوقیلن رضا اوچ یاشیندا اولدی چوخ درد و بلایه مبتلا کربلادن شامه دین گوردی ایله جور و جفا حالینه هم آشنا یاندی همی بیگانه گل ایلورم من ای خانم اول ساعتی اول بزمی یاد گوردی بو اوغلون وئروبدور اذن عام ابن زیاد قولاً و فعلاً ولی اوز عمه سی ایلور جهاد قلب پاکی غصّه و غمدن دونوبدور قانه گل گه یزیدون بزم شربین گوردی اولدی دل کباب هم آنا هم عمه لر باشی آچوخ قولدا طناب گه گولور گاهی قمار اوینور گهی ایستور شراب ناسزا سوزلر دیور گه زادۀ عمرانه گل ظاهراً دشمن الیندن بیر زمان آزاد اولوب بیر دقیقه من دئمم قلب شریفی شاد اولوب واحسینا ذکر ائدوب شغلی فغان و داد اولوب عرض ائدردی من فدا جدّیم کیمی قربانه گل بیر نفر اولمازدی اولسون اوغلووا یار و نصیر بیرده اولدی بیر زمان هشّام الینده دستگیر شام شومه اوغلی جعفر لن گئدوب زار و حقیر نه جفالر گوردیلر بولمم گلوبدور جانه گل مدّتی محبوس ائدوب هشام بی شرو حیا بیر زمان گئچدی مرخّص ائتدی اول تخم زنا یازدی هر شهره بولار گلسه گرک توهین اولا اود ندن دوشموبدی بولمم کائن و امکانه گل راوی اوغلی جعفر صادق بو نوعی نقل ائدر بیر مکانه بیز یتیشدوخ یتدی اوردا چوخ کدر نه دیوبلر بیزلره ائتدی آتاما چوخ اثر وار یری شیعه بو سوزده گر اولا دیوانه گل سسلنوبلر بیز سیزی بو شهره اصلا قویماروخ گر شفاعت ائتمیه عقباده زهرا قویماروخ دین حقدن چخموسوز حشر اولسا برپا قویماروخ افّ اولا بیله مسلمانه بیله ایمانه گل بو سوزون مثلون دیوب جدّی حسینه اهل شام بیرده آلدی پیره زن اول قانلی باشدان انتقام ووردی بیر داش نطقدن دوشدی او دم رأس امام بی حیالر ائتدیلر حرمت عجب مهمانه گل التماس دعا 🏴🏴🏴🏴🏴🏴🏴

‍ ورود به کرب و بلا مرحوم صحاف سبک :👇 گلمیشم فغانه یانه یانه عمه ای آتام نشانی _ باوفا ابوالفضل کوی عشقیدور بو _ کربلا ابوالفضل قانه من باتان یردور پرچمیم یاتان یردور کاروان دایانسون ۲ وئر خبر بو یرده لشگریم دایانسون عون و فضل قاسم جعفریم دایانسون جدیمون شبیهی اکبریم دایانسون بو دیار غمدور نینوا ابوالفضل ای منیم بو غملی چولده سر سپاهیم مقصدیم بو یردور حقه شاهراهیم نصب اولا چوخور بیر یرده خیمه گاهیم کئچمرم بو یردن مطلقا ابوالفضل وار بو سرزمینون غمفزا هواسی اود سالور جهانه غملی ماجراسی باشلانور بو گوندن باشیمون بلاسی هر بلایه اولّام من رضا ابوالفضل سو یولون کَسَرلر فرقه ی ستمگر اودلانور سوسوزدان عترت پیمبر غش ائدر آناسی اللرینده اصغر بو غمه دوزر گور بیر آنا ابوالفضل گر خلیل آپاردی بیر فدا منایه گوندروب عوض حق فدیه اول فدایه من ولی گتوردوم دشت کربلایه باشدا حقه یتمیش بیر فدا ابوالفضل وار فدالریمده ئوزگه روح ایمان شوقیله ائدرلر جان فدای جانان دوغرانور بو چولده اکبریم لب عطشان فخر ائدر منایه کربلا ابوالفضل ظلمیده ائدر چوخ اهل کینه طغیان قاسمین ائدرلر طوی حناسینی قان قانیله آناسی زلفین ایلر الوان باش آچار عروسی بر ملا ابوالفضل ایلرم سنی من اهل بیته سقا ایلمزله حقدن اهل کینه پروا قوللارون سالورلار سو یولوندا اعدا جسمووه وورالّار چوخ یارا ابوالفضل باشیمی کسرلر تشنه لب قفادن اوج ائدر سپهره ناله کربلادن عرش ائدر تزلزل قان یاغار سمادن غملنور بو غمده ماسوا ابوالفضل غارته آچار ال لشگر ضلالت خیمه لرده قارداش باشلانور قیامت گور قالور نه حاله عترت رسالت ال آچار اوتوز مین اشقیا ابوالفضل ✨اَللّهُمَّ عَجِّل لِوَلیِّکَ الفَرَج✨💫

‍ ▪️ ورود محرّم ✅ گریز به کوچ از کربلا و قتلگاه یاران گلین فغانه ماه محرم اولدی دوتدی جهانی ماتم بیر اوزگه عالم اولدی ________ بیلمم نه غمدی یارب تازه لنیر بو هر ایل بو دردید‌ن علاوه اولدی غریبه مشکل اولماز بو درده چاره اولدی بو تازه نسگیل اول شاه کم سپاهین زوّاری بر هم اولدی ________ نیسگیللرون فداسی ای شاه بی‌مددکار اولمادی گر چی بو ایل کرب و بلایه زوار سالّوق خیاله قبرون اولّوق سنه عزادار بو ایلده بو مصیبت غم اوسته بیر غم اولدی ________ هانسی غمینله مولا بیلمم گلک فغانه یوخدور دیلیمده یارا جمله چکیم بیانه کیمدیر دوزه سنین تک بو دردِ بیکرانه کیم سن کیمی بلاکش ای فخرِ عالم اولدی _______ ویردیله عون و جعفر اول چولده تشنه لب جان اولدی علی اکبر راه خداده قربان ایتدیله شیره‌خواره طفلون نشانِ پیکان ظلم اوسته ظلم تازه مولا دوباره اولدی ______ لیلانی ایتدی مجنون اول اکبرین فراقی صبر قرارین آلدی وصلینین اشتیاقی ئولدیردیلر ستمله گورمدی توی اطاقی گوردی بو حالی لیلا دردیله همدم اولدی ______ قالماز اؤرکده طاقت چون ذکر اولاندا اسمون قالدی قوری یر اوسته اوچ گون یارالی جسمون آت چاپدی نعشون اوسته مولا او چولده خصمون اول چولده ایستی قوملار زخمیوه مرهم اولدی ______ فریاد اولا او وقتن ای سرور مدینه قتلگهی گزیردی نازلی قیزین سکینه تاپدی یارالی نعشون اُول ماه بی‌ قرینه ووردی ز بس که باشه احوالی برهم اولدی _____ چکدی نه درد و غملر کربُ بلاده زینب تاب ائتدی هر بلایه راه وفاده زینب گوردی سر حسینی نوکِ جداده زینب غمدن آغاردی زلفی رعنا قدی خم اولدی ____ #ورود_محرم ✍️ مرحوم دلریش سبک پیشنهادی

نوحه روز عاشورا حسینی از زبان مادر در سبک ویرانده نازلی بالام ای گون قباقونده یاتان عریان بالام لای لای وی قیزلارین گوزدن آتان عطشان بالام لای لای لای لای بالام لای لای لای لای بالام لای لای گل پیکرون قالدی بالا آتلار ایاقینده 2 قان لخته ویرمش گورنئجه عطشان دوداقینده2 یاننام گئجه گوندوز سنون درد و فراقینده2 سنسن منه روح روان لای لای بالام لای لای 2 ای یوسف گل پیرهن یاتدون بو صحراده2 باشدان ایاقه قانیوه باتدون بو صحراده 2 گوز یاشیمی خون دله قاتدون بو صحراده2 آغلار سنه یالقوز آنان لای لای بالام لای لای2 دو گور نئجه باشه ویرور پیغنمبر خاتم ۳ نوح نبی نوحه دئیور سینه ویرور آدم ۲ عیسی قرا کوینک گئیوب آغلور سنه مریم ۲ یاسه گلوب کروبیان لای لای بالام لای لای لای لای بالام لای لای چولده قالوبدی قیزلارون یانام الولانام ۲ سو سو ویرور اولدوزلارون یانام الولانام ۲ باشین آچوب یالقولارون یانام الولانام ۲ زینب اولوب قدی کمان لای لای بالام لای لای لای بالام لای باشون کسوب شمر دنی ایوای بالام ایوای۲ یاندیردی ظالم چوخ منی ایوای بالام ایوای۲ ئولدوردولر عطشان سنی ایوای بالام ایوای۲ آغلو زمین و آسمان لای لای بالام لای لای لای لای بالام لای لای گویده ملکلر آغلیور احوالیوه اوغلوم۲ قانلی بلکلر آغلیور احوالیوه اوغلوم۲ داغلی اورکلر آغلیور احوالیوه اوغلوم۲ آغلور سنه پیرو جوان لای لای بالام لای لای لای لای بالام لای لای یاز نوحه ویر سینه ئولدی حسین ئولدی۲ قبره گئدونجه ایله داد ئولدی حسین ئولدی۲ مظلوم آقاوی ایله یاد ئولدی حسین ئولدی۲ زهرا دلیجه ائت بیان لای لای بالام لای لای لای لای بالام لای لای التماس دعا

نوحه وداع امام حسین علیه‌السلام در سبک بیر گوندی عاشورا گونی عرض و سما آغلار ای قهرمان کربلا+ زینب خدا حافظ 2 وی یاور آل عبا+زینب خدا حافظ 2 مندن صورا چوخ آغلاما ای مهربان باجی صبر ایله سینه داغلاما روح روان باجی یول اوستیم چوخ ساخلاما آرام جان زینب گل قارداشون تز سال یولا زینب خدا حافظ کرب و بلاده من گرک قانه باتام زینب اهل و عیالین عشقینی باشدان آتام زینب آللهیمه قربان اولام کامه چاتام زینب ای معدن صدق صفا زینب خدا حافظ مندن صورا قیزلاریمون سن سن هواداری بیکس ربابون اول باجی چوللرده غمخواری سجادیمی حفظ ائت باجی اول سن پرستاری قویما ئوله زین العِبا زینب خدا حافظ هم قیزلاریمی هم سنی آلله تاپشردیم سنده دعا ایله منی آلله تاپشردیم رسوا ائدرسن دشمنی آلله تاپشردیم ای معدن حجب و حیا زینب خدا حافظ بوندان بیله دنیا سیزه زندان اولار زینب اهل و عیالیم قرخ گئجه چولده قالار زینب نازلی رقییم گل کیمی یولدا سولار زینب شاید ئوله جیران بالا زینب خدا حافظ یازدی جواد بو نوحه نی ائتدی نوا زینب یادان چیخاتما نوکر‌ون روز جَزا زینب عالم بیلور هر درده وار سنده دوا زینب ای صاحب لطف عطا زینب خدا حافظ التماس دعا

🎙 حاج نادر جوادی 🌿 #طشت_گذاری ۸۸ اردبیل ▪️جریان امان نامه 2⃣ #حضرت_اباالفضل_ع

🙏🏼السلام علیک یا اباعبدالله الحسین(ع) "کيم ديلده حسين آدين ايدوب اَزبَر آپاردي قبره الي بوش گيتمدي بير گوهر آپاردي تپراقدا خيانت ايلمز عشق حسينه قبر ايچره بولر گوهر جان پرور آپاردي چوخ گورمشوخ عالمده ئولن وقته حسينچي قبره نه جلاليله اوني اِللّر آپاردي گيت مجلس ترحيمينه باخ جاه و جلاله گور عشقيدي يا مسئله ديگر آپاردي بو عشق قمارينده بلي هيچ کيم اوتوزماز اوّل اوتوزندا گوروسن آخر آپاردي هر کيم کي جوان عمريني بو يولدا اوتوزدي آخر بله گوردوک آقادان نوکر آپاردي هر کيم کي بو درگهده قوجالدوقجا اوجالدي باشي آغاران رتبه ي والاتر آپاردي چوخ آغ گونه چخدي قره تپراقلارون آلتدا هر کس قره دسماليلن اشک تر، آپاردي فکر ايلمه سن آغلادون اشگون هدر اولدي زر قدريني از بس تانيدي زرگر آپاردي سن گورموسن امّا دولانور شيشه سي الده گوز ياشلاريني فاطمه ي اطهر آپاردي خولينون عيالينه خانم گورنه بيوردي بو اشگون امانتدي امانت گر آپاردي چون اوغلوما سن آغلادون الان ئوز ايونده بو خاطره ني فاطمه تا محشر آپاردي _______________

🏴مجلس ختم زنده یاد سیفعلی یوسف زاده 🕌عضو هیئت سینه زنان و زنجیر زنان مسجد امام حسین(ع) 🎤#بانوای_حاج_علی_سیفی_افشار ۱۴۰۲/۲/۲۸

‍ #طشت_گذاری ‍ ‍ ‍ ورود ماه محرم -طشت گذاری با توسل به حضرت امام زمان (عج) رضا ماه پری زنجانی گنه یابن الحسن باشلاندی ماتم یاسه گلدوک سو توکدوک طشته گوزدن ماتم عباسه گلدوک چاغیروق داده یاری اوزون قولی نگاری مریدان ابوالفضل قورالار طشت گذاری ایدر دل نوا......گلر بو صدا ایاباب الحوائج 2 بیز عباس اللریندن آلموشوق درده دوانی هرایل عباس آدیلا باشلاروق بزم عزانی اوخولار نوحه خوانلار ویرار سینه جوانلار گورنده طشت و مشکی گلر جوشه بو قانلار اورکلر یانار....یانار اودلانار ایاباب الحوائج 2 سنی زهرا ابوالفضل سالما بو جمعی نظردن باجون زینب مزارین گل ئوزون قوتار خطردن گلوب زینب نوایه سنی سسلیر هرایه دیر قارداش ابوالفضل دوشوب باشیم بلایه اورک داغلیدی.... یولوم باغلیدی ایاباب الحوائج 2

‍ طشت گذاری دولانین طشت عزانین باشینا فاطمه مشتریدی گؤزیاشینا آغلیون تشنه فرات اوستونده آقامین الده ئولن قارداشینا جان فدا عرصه ده تنها آقاما آغلیور نهریله دریا آقاما مشکه باخدوقجا دیون یا سقا مشک شرمنده دی عباس آقاما آقاما خیمه یولون باغلادیلار ئورگین تیر غمه داغلادیلار ائشیدن وقتده سوسوز ئولمگینی تشنه لر حالینه قان آغلادیلار ساخلیون مد نظر محنتوزی یقین عباس بیلر نیتوزی منصبی باب الحوایج آقادی تئز برآورده ائدر حاجتوزی شعر از عباسی ممعروفان

‍ ‍ #حضرت مسلم #گریز به حضرت #ابوالفضل علیه السلام مسلمم من سفیر حسینم بیشه حقده شیر حسینم اهل کوفه کمنده سالوبلار قاچمارام من اسیر حسینم ای منیم سروریم یا حسین گل حجت داوریم یاحسین گل بی وفالر منی ئولدورولر یولدادی گوزلریم یاحسین گل گلمسن مسلمه کیم ویرر سس قالمشام کوفه شهرینده بی کس گردنیم قالدی جلاد الینده ای باشیم صاحبی هارداسان گل عاشق خسته دلداری سسلر بی قرارم دلیم یاری سسلر مسلم بن عقیل عاشقانه جان ویرنده علمداری سسلر آی منیم یاوریم آی ابوالفضل قالمشام من غریب آی ابوالفضل مسلمی قبلیه دوندرن یوخ باشیوه گل دولانم ابوالفضل (اوچ نفرین جنازه سین اوجایردن یخدلار یره، بیری امام جواد علیه السلامدی راوی دییر کوچه دن رد اولوردم گوردوم دامن اوستوندن بیر عده قوش انیر قالخیر کنیز دن خبرآلدم اودامدا نخبروار جواب ویردی مگر خبرین یوخدی فاطمه بالاسنین جنازه سی گون قاباقندا قالب ملعونه همسری زهر ویرمیشدی جنازسین قویموشدی دامن اوستونده اله کی بولدی مردم خبردار اولدولار امام جوادن جنازه سین دامن اوستوندن آتدی یره ایکمجی جنازه جناب مسلمون جنازه سیدی دارالعماره نین اوستونده اول باشین بدنینن آیردلار آتدلار یره دالسیجا جنازه نی آتدیلار یره اوچومونجی جنازه کیمیدی) گوردی باش آچخ قولسوز آتدان یخلیر سقا تاب ایتمدی بو حاله خاتون بهشت آرا رد اولجاق آت اوستوندن عباسی دوتوب زهرا گلدی عباس آدی سو صحبتی یاندی اورگیم گوزده حی جلوه لنوب کرب وبلا میدانی گوردی عباسی باسوب باغرنا اسلام علمین مشکی ساقدی هله ایستیر چخا نخلستانی چخدی امانجه چخماق نه صاق ال وار نه صول ال نجه چخسون هارا گیتسون یارادی هریانی حرمله ایتدی کمین گوردی عجب فرصتدی اوخلارینان سچیب اوچ شعبه لی بیر پیکانی سجده آثاری اولان آنی نشانه دوتدی گوردی نه واردی حریفین الی نه قلخانی اوخ دیوب قالدی هدفده یازیرام یازهرا سن کی اوردیدون ئورون گورموسن اول بحرانی ال اگر اولسا مین اوخ دیسه ده انسان چخادار ال اگر اولماسا بیر اوخدا یخار انسانی گوردولر ام بنین اوغلونی مشکلده قالوب اشک آخور مشکه باخور ضعف دوتوب اعضانی ایکی دیز دوتدی اوخی باشینه ویردی حرکت دوشدی عمامه عیان اولدی سر عریانی گور سپرسیز باشا نیلر دیه بیر آهن عمود قالدی بیر حاله دولوب گوزلرزنه القانی یل اسوب گوزلرینین قانینی پرچم سیلدی گوردی مشکینده سویوخدی اوجالوب افغانی دیدی گل سیدی شرمنده علمداریوی تاپ یخلدی سقا یره باش یارالی قان گلور اوسسلنور یاحسین داده اوخ وران گلور یاحسین یاحسین گل هرایه هارداسان گلدی زهرا ننم کربلایه هارداسان گوزل آقام ئوز آقام واراورکده سوز آقام من سنسیز دوزنمیرم سن بودرده دوز آقام حیدر اوپن الره دوشمن وردی گوز آقام آختاریردیم بوحالی هرگئجه گوندوز آقام وای منه وای منه وای ربابه وای منه گل یولون گوزلورم گوزلریم قربان سنه #سبک بانوای استاد سید محمد عاملی

غدیریه حاج رضا محمدی شه زمین و آسماندی حیدر امام خیل انس و جاندی .حیدر نه قدرتیم وارسسلرم بو..ذکری فقط امیرالمومناندی..حیدر سپهرغیرت ماهیدور..........علی تمام شاهلار شاهیدور.......... علی علیدی اعلاء علیدی مولا علیدی آقا- یاحیدر حیدرعشقیمه هدفدی حیدر منبع شرفدی حیدر خسرو نجفدی امیرخیبر یاعلی یاعلی علی اعلا یاعلی یاعلی حیدرحق ستاندی حیدر حیدرقهرماندی حیدر ٢ منیم آقام دنیاده بی مثلدی بوتکسوار عرصه ی جدلدی جمالین الله بیله خلق ائدوب کی هامی گوزللردن اقام گوزلدی دولوب جهانه یبله زمزمه علی اولوبدی سرور عالمه هامی ملکر ، دیولله یکسر امیر خیبر ، یاحیدر حیدر شاه لافتادی حیدر فخر اوصیادی حیدر شیعه لر آقاسی حیدر آدوون فداسی حیدر گوزلرون قاداسی امیرخیبریاعلی علی حیدر.......................٢ سبک با صدای کربلایی محراب سلیمانی ⬇️

بیابانیدی پهناور یوخیدی مسکن آثاری شجاعت حضرت ابوالفضل(ع) سال ۵۴ حاج #سلیم موذن زاده

استاد حاج غلامرضا عینی فرد زنجانی 🔊 طشت گذاری سال ۷۶

باسلام شعر جدید زبانحال حضرت رباب در شهادت حضرت علی اصغر علیه السلام به سبک لای لای ای جبهه لرین لای لای ای اوچ گونون عطشانی علی جان بالا لای لای آغلادان مادر نالانی علی جان بالا لای لای            آناوی درده سالوبسان              نجه خوش ایندی یاتوبسان 2بار علی جان چوخ سوزوم حسرتله ئورگیمده قالوبدی تشنه لب ئولماقین اود جان شرر باره سالوبدی دیزیمین طاقتینی درد وغمین آلدن آلوبدی درک ائدن جنت العلانی علی جان بالا لای لای            یات بالا جان سنه قربان            خسته و تشنه وئرن جان 2بار آلتی آی زحمتیوی چکدیم اوغول منده سنین سالدی دیلدن آناوی ائندی علی درده و غمین ئولدورر درد فراقین آناوی ائندی یقین غصه سی آغلادان اعدانی علی جان بالا لای لای        گون کیمی صولدون علی جان            سن منی یوردون علی جان 2بار بیلمزیدیم علی بیر گون سنی گون تک باتاجاقسان عالمی باشدان آتوب قبریده یورقون یاتاجاقسان تشنه لب قانه باتوب سن منی گوزدن آتا جاقسان یاندران غملری زهرانی علی جان بالا لای لای         اکبر  قاسیمه یولداش         حالیوه آغلوری داغ داش 2بار آچمادون گوزلرین اوچ گون آناوی درده سالوبسان اوخ دگوب گولدون اوخا طاقتیمی آلدن آلوبسان ائله فکر ائتدون علی سن بالا جان یئرده قالوبسان اوج ائدن گویلره ای قانی علی جان بالا لای لای        قان اولا آب فراتی            قویدی لب تشنه بناتی 2بار سو کناریندن سوسوز جانیوی قربان ائلدون سن عشق و ایثاریوه بیل عالمی حیران ائلدون سن کربلاده علی جان عشقیده طوفان ائلدون سن آغلادان عالم و امکانی علی جان بالا لای لای          تاپادیم دردیوه درمان            اولموشام ائندی ئورک قان 2بار نه صودوم اولدی دوشمده نه ده سو تاپدیم علی جان اولمادی دردیوه چاره بالا جان اولدوم ئورک قان آرزوا چاتدون اوغول اولدون علی دینوه قربان داقلادون سینه ی سوزانی علی جان بالا لای لای            اوخ دیگوب گولدون اویاندون            تشنه لب قانه بویاندون 2بار سوسوز احوالیوه عالمده سنون شیعه لر آغلار   آل ایاق چالماقیوا گویده ملک دیده تر آغلار شأ نیوه نوحه یازار  «مهدی» ئورکدن ملر آغلار لای لای ای اوچ گونون عطشانی علی جان بالا لای لای       دشمنین چوخدی جفاسی           دردیمین یوخدی دواسی 2بار ملتمس دعا مهدی ملکی

باسلام شعر جدید شهادت حضرت ابوالفضل علیه السلام نوحه  به سبک‌ تا مشکتو تو آب زدی فراتین اوسته سیدی نفس دوشوب شماره گل آلوبدی دوریمی قوشون ویروبلا بس که یاره گل یولون گوزلر نوکرین مولا گل اماندی دوشوب قوللار پیکریم یکسر لاله قاندی الین گل چک باشیمه قارداش جان ویرم من یوبانسان قارداش منیم باشیم پارچالاندی                 حسین جان 4بار وروبلا   یاره باشیمه دا گورموری یولی گوزوم سنه فدا اولوم  آقا ئورکده قالدی چوخ سوزوم منیم قارداش مشکیم اوخلاندی اولدی دل قان سوسوز لاردان شرمسار اولدوم من حسینجان ایاقیندان گل ئوپوم بیرده ماه تابان دیزین اوسته باش یارالی تا من ویریم جان               حسین جان 4بار کنار نهریده آقا ئورک دوشوب فشاره گل یخلمشام یوز اوسته من یوخ ایندی الده چاره گل علم یاتدی قوللاریم دوشدی اشکبارم دیوب بیر اوخ مشکیمه قارداش بیقرارم قالوب یوللاردا گوزوم مولا گل اماندی دم آخر دیدیوه شاها  انتظارم حسین جان 4بار بو چولده منده ظالمه باش ایگمدیم آقا یقین دوشوبدی ایندی قولاریم اولام گرک فدای دین منه ووردی دل یاراسی بو قوم خونخوار یوخوم چاره قالموشام قارداش ایندی بی یار باتوب قانه اکبر و قاسم تک جوانلار منه یوخدی بیر نفر سنسیز یارو غمخوار              حسین جان 4بار ئوزون یتیش هرایمه یولوی گوزلورم سنین دولوبدی گوزلریمه قان ائدوبدی دشمنیم کمین غم هجرونده حسین سینه داغلارام من سنون حالیوه بو میداندا آغلارام من یانور قلبیم اصغره قارداش خیمه لرده گلینجه سن پرچمی قارداش ساخلارام من              حسین جان 4بار فرات اوسته یخلمشام گل ای وفالی قارداشیم بو چولده مشگیم اوخلانوب گوزومده واردی گوز یاشیم منیم ایستور باشیمی کسین قوم غدار سنی گل بیرده گوروم قارداش یارو دلدار گوزل قارداش گل گلن یوللاره فدایم علی اصغر دن اوتاندیم ای شاه ابرار            حسین جان 4بار بهار عمرومین گلی   خزانه دوندی قارداشیم وروبلا  آندیما بیر اوخ دونوبدی قانه گوز یاشیم سنین قارداش حرمتین بولار ساخلامازلار غمینده قارداش سنین سینه داغلامازلار ورالار اوخ قلب زاریندن ای یارالی یا ران بو چولده گلوب قارداش باغلامازلار               حسین جان 4بار ملتمس دعا مهدی ملکی

در فراق پدر سبک زیبا در فراق پدر دور بابا قبرون اوسته گلمیش آغلیان قیزلاروی دیندییر یاندورور هجرون شراری باقری قان قیزلاروی دیندیر آغلاروق _ هرگجه گونوز ئولمگوه آغلاروق _ بیز سنون غریب ئولمگوه(۲) گوزل بابام _مهربان بابام(۲) * نیلیوم یوخدی راه چاره قلبیمی سیخدی رنج و مُحنت التماس ایله کِردگاره باشه چاتسون غم و مصیبت آغلادیم _ روزگاریم ایوای دیدیم یاره لی _ گلعذاریم لایلای دیدیم(۲) گوزل بابام _ مهربان بابام(۲) * آی آتا سینم اوتلانوب گل فُرقتونده اورک یانوب گل دای ائوه چوخ گئدنمورم من چون یرون ائوده بوش قالوب گل باخورام _ بوش یریوه من آغلیورام آیرلیقدان _ سینمی من داغلیورام(۲) گوزل بابام _ مهربان بابام(۲)

🌷غزل درشأن شاهزاده على اكبر(ع)🌷 سالانداعشقیله یاده کونول سیمای حورانی نظرده جيلوه لنديرم جمال شبه طاهانی نجه نظمه چکم توصیف ایدیم شانیندبو بسدی چکر زیر سئواله. قامتی مین نخل طوبانى جمالی باج آلارگونن جلالی عرش اعظمنن چکرشمس الضحی خجلت گوره اول ماه تابانی قراکپریکلر اوخ قاشلارکمانی گوزلری شهلا سالاردام کمنده هرنگاهی مین مسیحی نی یانغلار لاله مثلی غنچه لبلر پستهٔ خندان ایچه شهدلبین کیم ترک ایدر شهدمصٌفانی ملکدور باغ جنّتدن گلیب دور دیرناسوته یِراوستونده بشرحاشاگوره مثلینده انسانی اولیدی مصریده بازاریوسف اوج ایدن وقته کمیدی اوندایوسف گورایده واله ذلیخانی اونی ويرميشدى خلاق جهان بوخلقته زینت کلیمُ الله گوره رخسارینی ترک ایتدی سینانی قراکپریک دگنده بیربیره چشم خُمار اوسته ایدردی جمله مجنون هرنگاهی اوندا لیلانی کمانی قاشلاری بیرجلوه ویرمشدی اومه رویه ایکی شهلاگوزون اطرافین آلمش قاره مژگانی جمال. انورینن . رد. اولاندا طرهٔ. افشان دیردون که بولودآلتدان چخوب اول ماه تابانی اونون نقشین چکیب نقاش معنا سن یازانصاری که دست خلقتین حاشا اولا نقشینده نقصانی التماس دعا

🏴 زبانحال حضرت امام حسین(ع) درشهادت حضرت ابوالفضل العباس علیه السلام خطاب به خواهرش حضرت زینب(س) ▪️نوحه ای بسیار سوزناک 🎼سبک: سن آغلوسان من دوزنمورم.. 🎼سبک : عم اوغلی چوخ گول سارالار... یخوبلار عباسیمی باجی الده قالمیوب چاره حرمده گئت آچ بو معجری باغلا باشیوه قاره . . . کناریوه ییغ حرملری ای بلاکش مغموم دئنن کی عباس با وفا دوشدی توپراقا مظلوم بیلون کی بوندان صورااولوب دای سویولماقیزمعلوم اسارتین ماجراسینی سویله تشنه قیزلاره . . . جفا اوخی قلبیمی دئمه دلمه دی باجی زینب چوخ ایستیوردوم او دم گوله گولمه دی باجی زینب دئدیم گئداخ خیمیه ئوزی گلمه دی باجی زینب دئدی یوزوم گلموری اولام روبه رو سوسوزلاره . . . بلالی میدانیدن باجی گل کی درد و غم گتدیم بیر اوخلانان مشک آبیلن قانلی بیرعلم گتدیم گورنده باشین یاراسینی قدّیم اولدی خم گتدیم نئدوبدی گور قوم کینه جو باوفا علمداره . . . چیخاندا جانی دیوردی کی غرق حسرتم قارداش دورانمورام من ایاقیوه بس جراحتم قارداش سو قولی وئردوم رقیه وه چوخ خجالتم قارداش دولوبدی قان مشک آبیمه ایش دوشوبدی دشواره . . . بوگون گلستان عشقیمین یاسی نی آلوب دشمن کمان کینیله قلبیمه تیر غم چالوب دشمن نه گوردوم عباسیمین باجی قوللارون سالوب دشمن همان او قوللار اولار شفیع حشریده عزاداره . . . عمود دشمن وروب باجی کاری بیر یارا باشه رقیّه مه خیمه لرده دی باغلاسون قرا باشه باجی داخی آز قالور چاتا غملی ماجرا باشه بو گوز بو قول بو یارالی باش عشق اولا خریداره . . . اونون یانان حالی زینبیم یاندیروب منی یاخدی دونوب منه آخرین نفس حسرتیله بیر باخدی صورا دان اولدوز کیمی باجی اوج شرمیدن آخدی چاتوب کمال شرافته عشق اولا بو سرداره . . . دوشنده توپراقه قارداشیم گلدی باشینه زهرا دئدی کی گل سینمه بالا قانلی سینه سی دریا حسینه قربان کسیلمیسن ائتدون عهدیوی ایفا وئروبدی باب الحوائجین رتبه سین علمداره . . . قیامت احوالی دور باجی بو بلالی میداندا دانوللار آللهین عترتین کوفیان بو دوراندا ایاقلانوب دین مصطفی دوغرانوبدی قرآندا ائدوبلر آل پیمبری کربلاده آواره . . . گئدوبدی الدن کمکلریم باخ عداوته زینب یتوبدی آزار کوفیان اوج شدته زینب سن اول مهیّا اسارته من شهادته زینب بو یول همان راه عشقیدور عشق اولا بو یوللاره ___________________

نوحه حضرت علی اصغر(ع) باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب چکنده تیری بوغازین اوپدوم ، بویاندی قانه دلیم دوداقیم گوزون یوماندا وجودیم اسدی ، دیدیم یتیشدی غم فراقیم امیر ملک شهادتم من ، سالوبدی دیلدن منی زمانه قرا گیندیر ربابه زینب ، سوسوز بالاسی باتوبدی قانه باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب

مرحوم #صراف_تبریزی . ای نور عینیم منزل مبارک بی کس حسینیم منزل مبارک . چوخ اشک چشمون بنزتمه سیله یاندوم منی گل یاندورما بیله دور بیر آناوا خوش گلدین ایله ای نور عینیم منزل مبارک . دیندیر منی من زهرا آنانم بو دینمه مکدن چوخ بد گمانم سن خانه صاحب من میهمانم ای نور عینیم منزل مبارک . باشوندی مشکوة آیات نوره مطبخ سرانی دؤندردی طوره خولی اوتانموب قویموش تنوره ای نور عینیم منزل مبارک . لازمدی یاتسون بلبل گول اوسته تا سایه سالسون گول بلبل اوسته دور سینمه گل یاتما کول اوسته ای نور عینیم منزل مبارک . کسمیشدیم ایندی قان ایچره یانون خشک ایلیردیم زلفمله قانون ناگه یتیشدی ئوز ساربانون ای نور عینیم منزل مبارک . ای پادشاه ملک مدینه اولدون نشانه شمشیر کینه سنسیز حسین بس نیلر سکینه ای نور عینیم منزل مبارک وجهی ندور بس اهلون آتوبسان چون اشک زینب قانه باتوبسان اکبر نولوبدور یالقوز یاتوبسان ای نور عینیم منزل مبارک . گؤردوم وئروب جان یئتمیش ایکی جان بیر آغلیان یوخ اولدوم پریشان گلدیم دوتام من شام غریبان ای نور عینیم منزل مبارک . گیرم داغیلدی جاه و جلالون تالانه گئتدی مال و منالون هاردا قالوب بس بیکس عیالون ای نور عینیم منزل مبارک . یوخسا چکوبسن گوندوز اذیّت ایندی اولوبسان بیر لحظه راحت دور یانما یاتماز اهل محبّت ای نور عینیم منزل مبارک . گلدون وجوده «صرّاف» عدمدن گئتمه کناره گل بزم غمدن قوی نوحه اولسون جاری قلمدن ای نور عینیم منزل مبارک . متن دیگر از مرحوم #ذلیل_تبریزی #ای_دل_شکسته_منزل_مبارک

بسم الله الرحمن الرحیم زمزمه ونوحه مقدمه ماه محرم سلام ای ماه محرم ، سلام ای اوقات ماتم سلام ای ماه حسینی،سلام ای ماه پرازغم سلام داور/سلام حیدر/ سلام کوثر/ به این ماه سلام اکبر/سلام اصغر/سلام نوکر/ به این ماه ای هستی زهرا ای دلبر مولا از هرکجا باشد برتو سلام ما جانم حسین جانم..... سلام ما بر بُرِیرَت ، سلام مابرزُهیرت سلام ما برتمامِ یَلانِ خَتمِ به خیرت سلام خاتم/سلام آدم/سلام عالم/ به این ماه سلامم هر دَم/ به توای جانَم/سلامی مُحکم /به این ماه ای جانفدای حق خونِ خدای حق صدهاسلام ازدل بر ماجرایِ حق جانم حسین جانم... سلام ای ماه پُرازفَضْل، سلام ای ماه پرازبَذل سلام ای ماهِ سعادت، سلام ای ماهِ ابالفضل سلامِ مذهب/ سلامِ مکتب/ سلام زینب/ به این ماه به یارب یارب/سلامم ازلب/سلامم هرشب/به این ماه ای با وفا یارم ماه شب تارم درمحشر و قبرم عشق تورا، دارم جانم حسین جانم.... "تایارکه راخواهدومیلش به که باشد" "التماس تفکر" ─┅─🌿◼️🌿─┅─ ✍سیدهادی موسوی نوشاد