☑️سبک(سینه زنی و شاه حسین گویان) زلفی تبریزی آهنگ (قدم قدم با یه علم اورکده شوق کربلا خیالیمه دوشوبدی غربت حسین مریض عشقم و فقط بو دردیمه دوادی تربت حسین شش گوشه مرقده مشتاقم پا بند عهدم و میثاقم حمد اولسون حضرتون لطفیله عشقیمده شهره آفاقم حسین حسین حسین حسین آقام آقام آقام شهید کربلا (۴) بار ____________ مزاری حسرتوندیم نه وقتیدور اورکده قالمیوب قرار بو هجر و بو مفارقت خدا بولور وجودیمه سالوب شرار اربابیم ویرسه دست یاری دلجویی قیلسا من بیماری امیدیم وار چاتام آماله عشاقیله اولام زواری حسین حسین حسین حسین آقام آقام آقام شهید کربلا (۴) بار __________ امیدیم حقه وار بو ایل ایدم خموش اورکده نار حسرتی بو دیده گانه توتیا چکم او خاکجا او پاک تربتی لطف اولسا من گدای عشقه همسو اوللام صلای عشقه ال سینمده اورک حاجاتون سویلرم ناخدای عشقه حسین حسین حسین حسین آقام آقام آقام شهید کربلا (۴) بار _________ نولاردی بیرجه ای خدا یتیدی اللریم او قبر اطهره ایاق طرفده اگلشوب یانقلی رو ضه لر دییدیم اکبره من مستم عاشق و دیوانه درک ایتمز حالیمی بیگانه (زلفی )عاصیم رسوایم شمع عشقه یانان پروانه حسین حسین حسین حسین آقام آقام آقام شهید کربلا (۴) بار #حسرت_کربلا #آرزوی_زیارت

#ارزوی_زیارت مولا سنی زهرا آنان ایله کرم بو آیریلیقدان قویما چوخ داده گلم بو اربعین لطف ایله مولا بیر حرم آقای من رویاده دائم قبریوی گورم آقا تیرفراقیله اورک بولم آقا بو اربعین من گلمسم اولم آقا آقای من سن کی همیشه وئرمیسن عزت منه ایندی فراقون ایلمه عادت منه شش گوشه قبری گل ائله قسمت منه آقای من ای ضامن آهو بیزه ایله نظر نوکر غمون اربابینه دائم دیر کربوبلا یولاری مشهدن گیدر آقای من باد مخالف وار سبب گاهی اسیر بوقلبیمین بندین غم هجران کسیر کربوبلادن اوتری بو قلبیم اسیر آقای من هجران دیللر آفت عقل وهوشه دی عشق حسین دیللرده اما توشه دی قوربان اولوم اول قبره کی شش گوشه دی آقای من اوردا دیوللر اوچ گل پرپر یاتیب شه سینه سینده صودامر اصغر یاتیب پائین پاده دوغرانان اکبر یاتیب آقای من شعر از؛ جناب آقای#دلگیر

#ارزوی_زیارت مولا سنی زهرا آنان ایله کرم بو آیریلیقدان قویما چوخ داده گلم بو اربعین لطف ایله مولا بیر حرم آقای من رویاده دائم قبریوی گورم آقا تیرفراقیله اورک بولم آقا بو اربعین من گلمسم اولم آقا آقای من سن کی همیشه وئرمیسن عزت منه ایندی فراقون ایلمه عادت منه شش گوشه قبری گل ائله قسمت منه آقای من ای ضامن آهو بیزه ایله نظر نوکر غمون اربابینه دائم دیر کربوبلا یولاری مشهدن گیدر آقای من باد مخالف وار سبب گاهی اسیر بوقلبیمین بندین غم هجران کسیر کربوبلادن اوتری بو قلبیم اسیر آقای من هجران دیللر آفت عقل وهوشه دی عشق حسین دیللرده اما توشه دی قوربان اولوم اول قبره کی شش گوشه دی آقای من اوردا دیوللر اوچ گل پرپر یاتیب شه سینه سینده صودامر اصغر یاتیب پائین پاده دوغرانان اکبر یاتیب آقای من شعر از؛ جناب آقای#دلگیر

۞﷽۞آرزوی زیارت کربلای معلی 🟢شعرشماره: ۲۴ کربـلا  ای  جـان  صـفـاسـی تــربــتـــی  دردلـــــر دواســـی رتبده ای افـضـل اولـمـوش کعبه دن نـقـش و نـمـاسی کـیـم گـلـه سـنـده تـاپـار واللـهـی عــزت شـاه عـشـقـیـن  قـبـریـنـی  ایـلـر زیـارت   (وای حسین حسین حسین) خـاک پاکین عشقیم اولـدی دیـلـده آدیـن مشقیم اولدی ویــرمــرم  مـیـنـلــر بــهــشــتــه قتلگاهون بـهـشـتـیـم  اولــدی سـنـده چـون بـوعالمین شاهی یاتیبدی بـرج  عـشـق و اَدبــیـن  مـاهـی  یاتیبدی     (وای عباس عباس عباس) سـنـده بــاد ظـلـم اَسـیـلـدی آسـمـانــه  قــان  ســپــیـلـدی ظــلــم و  جـــور  اشــقــیــادن یتمیش ایکی بـاش کسیلدی گـلـشـنـونـده گـتـدی چـوخ گـوللـر خزانـه بـاغـبـان ئــولـدی گـلـیـب  بـلـبـل  فـغـانـه     (وای  آقام  آقام  آقام ) سـنـده اولـدی بـیـرقـیـامــت نــه قـیـامـت قـتـل و غــارت خــانــدان   مــصــطــفـــانـــی توتدی یکسرخوفُ وحشت کوفیان بـیـر ظلـم ائدیب اخـیـام یاندی خیرداقـیـزلاریـن سـسـی عرشه دایاندی    ( وای بابا  بابا  بابا ) کـاش اولـیدی قـان فـراتــی نـیـمـه جــان ایـتـدی ربـابـــی سـو گـورنده صـلـب اولاردی قــلــبــیــدن  آرام  و  تـــابـــی یـاد ائــدردی  اصــغـــری  ایــوای  دیــردی ترپـدیـب گـهـواره سـیـن لای لای دیردی      (وای  علی  علی  علی) ❇️التماس دعا 📝علی جعفری(عاجز تبریزی) #آرزوی_زیارت #شاخسی #محرم الّلهُــمَّ عَجِّــلْ لِوَلِیِّڪَـــ فرج

السلام علیک یااباالحسن(ع) زبان حال جاماندگان  سفر به مشهدالرضا           در بدرقه زائران امام رضا (ع) گلور بیر  عده  خراسانه یاامام رضا یانور بیر عده ده هجرانه یاامام رضا سالور یولا هره  اوز  زائرین جلالیله سپور سو ، بدرقه ایلور زبان حالیله او  زائره  باخورام من  ولی  ملالیله دونور گوزوم یاشی القانه یاامام رضا منم او شعلهکیمی نار فرقتونده یانان رضارضا چاغیروب کوی و برزنی دولانان یانوم نه وقته کیمی حسرتیله سن بیل آنان نظر   ایله  بو پریشانه   یا امام رضا گجه گونوز یانارام  من ملال غربتوه نه چاره یوخ دوزوموم دلده ذره فرقتوه منیمده ایستوری گویلوم گَلَم زیارتوه ئوپم ضریحیوی  مستانه  یا امام رضا ئوپم یتیشموری ال ، نه جوار رحمتوه وَ نه او اوز وار ایدم من گلایه ساحتوه ایشیدورم که گلور   بیر   نفر  زیارتوه دونور یانان  اورگیم  قانه یا امام رضا روادی گور بو قدر آه و واییله پوزولوم گل امیدیمه تای هجر صرصرینده صولوم منیده ایسته گلیم ملک طوسه زائر اولوم گدا   صفت در  سلطانه   یا امام رضا فدا اولوم  آقاجان گنبد و  رواقلاروا گلنمدیم دوشه بو ایل گوزوم چراغلاروا گلن ایله منیده اولسا قات  قوناقلادوا چاغیر او سفره احسانه یا امام رضا رئوف سن بولور عالم نیازی یوخ سنده عطوفت ایلیَسَن دوست یا که دشمنه ده نولار که گوسترسن لطفیوی آقا منه ده یتم  وصاله  یانا  یانه یا امام رضا ورار گوزوم یاشی مین طعنه بارش ابره ایدوم نه چاره آقا  یوز گتیرمیوم صبره اوزومی بیرده سالابولسم اول گوزل قبره یِتَر  اورک سر و سامانه  یا امام رضا دیمم اوسوزکه سنون شأن وجاهوه توخونا ولی نه فرق آقا باخسان اوزاقه یا یوخونا نظر ایله منه توش اولموشام فراق  اوخونا یانور دلیم  غم هجرانه  یا امام رضا فراق صرصری ازبس اورک ایوینده اسیر تمام رشته صبر و قراری دل ده کسیر او قبری گورماقا گویلوم آقا ایله تلسیر گلور گجه گونوز  افغانه  یا امام رضا دیمه که راه وفا خطّ و مشیینی  آزیرام الیم یتیشمور اودور صبر رشته سین پوزورام اوزاقدان اشکیمیله عارضه بیله یازیرام فدا او  روضه   رضوانه  یا امام رضا سنی قسم ویرورم قم داکی باجون  جانینا قاریشسین اشک غمیم قویماچوخ اورک قانینا حرمیوین منی قربانلیق ایله  دربانینا یتوم   فریضه   شایانه   یا امام رضا (منادیم) سنه گیزلینجه چوخ سوزوم واردی کریم سن کرمون ده آقا گوزوم واردی قاپوندا ناخلف اولسامدا بیر اوزوم واردی الیمی آچمارام هیچ  یانه یا امام رضا یتورماقا  گوره  درد  دلیمی  درمانه دخیلِ  پنجره   فولادیوم   یانا یانه سنی بالان جانی آچ اللرون طبیبانه اوزون یتور اونی درمانه یا امام رضا 📝 روح اله اسماعیلی (منادی) #آرزوی_زیارت #عشق_رضویه