بنام خدا نوحه سینه زنی و زنجیر زنی بمناسبت اربعین حسینی "" "" "" "" "" " اربعینوا حسین جان باغری قان یارالی گلدیم قانلی کوینگون الیمده دور اویان یارالی گلدیم باخمیشام بوقانلی باشه چاتمیشام بوغم سرایه دعوت ائیلرم آنامی یاحسین گله عزایه قالموشام غریب وتنها دوشموشم حسین بلایه دورگیلان ایاقه قارداش باخگیلان یارالی گلدیم "" "" "" "" "" "" " ای اخا باجون قوجالدی گول کیمی سارالدی سولدی دوشدی یادیمه سوسوزلار گوزلریم قانیله دولدی اول آنام کیمی نگارون شامیده کفن پوش اولدی اونا آغلارام اولونجه هر زمان یارالی گلدیم " "" "" "" "" "" " ای باشی بلالی قارداش باشوون اسیری اولدوم دردوغم انیسیم اولدی غملرین امیری اولدوم عاشقم سنه ازلدن کربلا سفیری اولدوم اربعینوه حسین جان قد کمان یارالی گلدیم " "" "" "" "" "" "" یارمیشام باشیم یولوندا بیرقون اوجاتموشام من دور اویان دیوم نه نوعی بودیاره چاتموشام من بو اسارتین غمینده غم لری قوجاتموشام من ائتدی چوخ منه اهانت ساربان یارالی گلدیم "" "" "" "" "" " شهر کوفه ده برادر آیری بیر قیامت ائتدیم ائیلدیم یزیدی رسوا صحبت از اصالت ائتدیم خطبه میله عترتیمدن اوردا من حمایت ائتدیم جاری اولدی گوزلریمدن قان هرآن یارالی گلدیم " "" "" "" "" " زینبم اگر چه غرق محنت و ملالتم من بیربیله مصیبتیله اولمدیم سلامتم من اوچ یاشیندا سوگولوندن یاحسین خجالتم من تاپمادیم اونا حسین جان آب و نان یارالی گلدیم " "" "" "" "" " دوشمه دی بابا دیلیندن اشکینی توکوب عذاره جان وئریب خرابه یئرده غصه لی او ماه پاره قازمیشام اوزیم مزارین قویموشام اوزوم مزاره اونی سالدی جاندان آخر خیزران یارالی گلدیم " "" "" "" "" " شامیان بیزه شماتت ائیلیوب اخا گولوب لر اهل شام وکوفه قارداش خارجی بیزه دئیوب لر اَل چالوبلا بامی لردن باشیمیزه کول توکوب لر داش دگیب باشیم یاریلدی نیمه جان یارالی گلدیم " "" "" "" " گنجینهٔ اشعارمذهبی و انتقادی اجتماعی #ترکی_و_فارسی شاعر؛مسلم فرتوت گلهین #فاخر

بنام خدا استغاثه با قطب عالم امکان حضرت مهدی عج "" "" "" " آتش هجرون ائدیب قلبی لری قان آقاجان ائیلیوب نارفراقون بیزی بی جان ‌آقاجان آی گوزللر گوزلی یوخ داخی بیزلرده قرار عشقون ائیلوبدی بیزی بی سرو سامان آقاجان دوشموشوق ‌بحر غمه ‌ای ‌خلف شیر خدا ‌گردش ‌دوران ائدیبدی بیزی گریان آقاجان سنیلن عالم امکان تاپاجاق آیری صفا گل آقا عالمی ائت گلشن رضوان آقا جان گون کیمی ائیله طلوع ای مه تابان شرف تا تاپا ‌‌ارض ‌وسما ‌عزت شایان آقاجان گوزوموز یولدا قالوب تا گول آچا گلشن عدل گوزوموز اوسته قدم قوی بیزه وئر جان آقاجان تیره ‌و تار ‌ائلیوب عالمی ‌ظلمت بولودی گل ‌آقاعالم اولوب دی بیزه ‌زندان آقا‌جان گوروسن نیک و بد ‌عالمی زهرا بالاسی گوروسن کیم لر اولوب حاکم دوران آقاجان دردیموز چوخدی آقا دردیموزه یوخدی علاج گَل اوزون ائیله گیلن ددلره درمان آقاجان بورویوب یئر اوزونی بوی بد کفر و نفاق اولوب ‌‌اولاد بشر‌ یرتجی حیوان آقا جان بیری داعش دی دئیور منده دی جنت کلیدی کیم توکه شیعه قانین ائیلرم احسان آقاجان بیری وهابی دی بیر آیری شعاریله گلور بشرین قانی اولوب دهریده ارزان آقا جان فقرا حقینی پامال ائدیر اقوام ستم گل یئتیش داده اوزون یارضعیفان آقاجان فاخرم داد ائدیرم؛ سن آقا فریادیمه چات سنله هرفصل اولاجاق فصل بهاران آقاجان "" "" "" "" " گنجینهٔ اشعارمذهبی و انتقادی اجتماعی #ترکی_و_فارسی شاعر؛مسلم فرتوت گلهین #فاخر