یا صاحب الزمان آقاجان   گُوزلَرُون بَسدِی مَنَه، جامِ شَراب اِیستَمِیرَم لَبلَرُون لَعلِی یانِندا، مِیِ ناب اِیستَمِیرَم   سَن دانیِش دَردُون آلِیم، غُنچَه نِی سال قِیمَتدَن گُلَه باخمام، سَن اوُلان یِردَه گُلاب اِیستَمِیرَم   سِیندِیرُوب سُبحَه نِی، سَجادَه نِی وِیردِیم بادَه مَنَه اِئتسُونلَه رِیا اَهلِی خِطاب، اِیستَمِیرَم   سَنِی سُئوماق گُناه اوُلسا، هامِی عُمرُوم کِتابِی راضِیَم دُولسا گُناهِیلَه، ثَواب اِیستَمِیرَم   جانلا جانان آراسیندا نِیَه لازِمدِی حِجاب دِیرِیلِیقدا اَگر اوُلسا بُو حِجاب، اِیستَمِیرَم   آل قُوتار جانِیمِی، بَسدُور گُونِی ساتما گُونَه چُوخ کِیم دِیَر دَهردَه خِیر اِیشدَه شِتاب اِیستَمِیرَم؟   سَرِ کُویوندا مَکان اِئتماقِیمُون عِلتَی وار مَنی بِیر گُون اِئدَه سَن اوُزگه حِساب، اِیستَمِیرَم   بَسدِی بِیر دَفعَه مُحَبَتلَه مَنَه باخسان اَگر آیِرِی بِیر زاد مُنِ دَروِیش مآب اِیستَمِیرَم   سُئومِیرَم آیرِی مُحَبّت یِرِی اوُلسُون اوُرگِیم عِشقُون آباد اِئلِیَن مُلکِی خَراب، اِیستَمِیرَم   نُولِی نُورُون سالاسان عالَمَه اِی شَمسِ هُدا دّیَه سَن گُون یُوزُونِی اوُرتَه سَحاب، اِیستَمِیرَم   گل قُوتار گُوزلمَه دَن گُوزلَرِی اِی یُوسِف حَق دِه کِه چَکَسُون داهِی یَعقُوب عَذاب اِیستَمِیرَم   گُورُوسَن کِه اِئدُورِی آیریلِیقُون قَلبِی کَباب دِئمِیسَن بَسدِی داهِی قَلبِی کَباب اِیستَمِیرَم   سُوندُورُن بِیلَه یانار بِیر اوُدِی دِیدارُوندِی سانما سُوندُورماقا بُو آتَشی آب اِیستَمِیرَم   گلَه بِیر گُون دُوتا دُنیانِی سَنُون آوازَه ن آیرِی بِیر آد اوُلا عُنوانِ کَتاب اِیستَمِیرَم   اَمر اِئدَن، حُکَم وِیرَن دنیادا بِیر سَن اوُلاسان هَره بِیر یاندا آچا فَصلِلَه باب اِیستَمِیرَم   گزِیرَم بِیرجَه عَدالت سَسِینِی آختارُورام داهِی آهَنگِ نِی و چَنگ و رُباب اِیستَمِیرَم   غَم اَلِیندَن قان اوُلوب اَهل مَحبَت اوُرگی گل دِئء خونابِ یئسَین شِیخِیلَه شاب اِیستَمِیرَم   قُول قاناددان تُوکَنَه حَق چاغِیران بُلبُل لَر دُولدُورا گُلشَن و گُلزارِی غَراب اِیستَمِیرَم   شاد اوُلار قَلبِ #حزین گُورسَه صَفا بَزمِیندَه شاهِدِ غِیبِی دِیُور یُوزدَه نِقاب، اِیستَمِیرَم    شادروان حاج حیدر خسروشاهی رصوان الله تعالی علیه #حزین

یا صاحب الزمان آقاجان   گُوزلَرُون بَسدِی مَنَه، جامِ شَراب اِیستَمِیرَم لَبلَرُون لَعلِی یانِندا، مِیِ ناب اِیستَمِیرَم   سَن دانیِش دَردُون آلِیم، غُنچَه نِی سال قِیمَتدَن گُلَه باخمام، سَن اوُلان یِردَه گُلاب اِیستَمِیرَم   سِیندِیرُوب سُبحَه نِی، سَجادَه نِی وِیردِیم بادَه مَنَه اِئتسُونلَه رِیا اَهلِی خِطاب، اِیستَمِیرَم   سَنِی سُئوماق گُناه اوُلسا، هامِی عُمرُوم کِتابِی راضِیَم دُولسا گُناهِیلَه، ثَواب اِیستَمِیرَم   جانلا جانان آراسیندا نِیَه لازِمدِی حِجاب دِیرِیلِیقدا اَگر اوُلسا بُو حِجاب، اِیستَمِیرَم   آل قُوتار جانِیمِی، بَسدُور گُونِی ساتما گُونَه چُوخ کِیم دِیَر دَهردَه خِیر اِیشدَه شِتاب اِیستَمِیرَم؟   سَرِ کُویوندا مَکان اِئتماقِیمُون عِلتَی وار مَنی بِیر گُون اِئدَه سَن اوُزگه حِساب، اِیستَمِیرَم   بَسدِی بِیر دَفعَه مُحَبَتلَه مَنَه باخسان اَگر آیِرِی بِیر زاد مُنِ دَروِیش مآب اِیستَمِیرَم   سُئومِیرَم آیرِی مُحَبّت یِرِی اوُلسُون اوُرگِیم عِشقُون آباد اِئلِیَن مُلکِی خَراب، اِیستَمِیرَم   نُولِی نُورُون سالاسان عالَمَه اِی شَمسِ هُدا دّیَه سَن گُون یُوزُونِی اوُرتَه سَحاب، اِیستَمِیرَم   گل قُوتار گُوزلمَه دَن گُوزلَرِی اِی یُوسِف حَق دِه کِه چَکَسُون داهِی یَعقُوب عَذاب اِیستَمِیرَم   گُورُوسَن کِه اِئدُورِی آیریلِیقُون قَلبِی کَباب دِئمِیسَن بَسدِی داهِی قَلبِی کَباب اِیستَمِیرَم   سُوندُورُن بِیلَه یانار بِیر اوُدِی دِیدارُوندِی سانما سُوندُورماقا بُو آتَشی آب اِیستَمِیرَم   گلَه بِیر گُون دُوتا دُنیانِی سَنُون آوازَه ن آیرِی بِیر آد اوُلا عُنوانِ کَتاب اِیستَمِیرَم   اَمر اِئدَن، حُکَم وِیرَن دنیادا بِیر سَن اوُلاسان هَره بِیر یاندا آچا فَصلِلَه باب اِیستَمِیرَم   گزِیرَم بِیرجَه عَدالت سَسِینِی آختارُورام داهِی آهَنگِ نِی و چَنگ و رُباب اِیستَمِیرَم   غَم اَلِیندَن قان اوُلوب اَهل مَحبَت اوُرگی گل دِئء خونابِ یئسَین شِیخِیلَه شاب اِیستَمِیرَم   قُول قاناددان تُوکَنَه حَق چاغِیران بُلبُل لَر دُولدُورا گُلشَن و گُلزارِی غَراب اِیستَمِیرَم   شاد اوُلار قَلبِ #حزین گُورسَه صَفا بَزمِیندَه شاهِدِ غِیبِی دِیُور یُوزدَه نِقاب، اِیستَمِیرَم    شادروان حاج حیدر خسروشاهی رصوان الله تعالی علیه #حزین