#کوچ_از_کربلا #زبانحال_حضرت_زینب_س #خطاب_به_برادرش #شاعر_حاج_حسن_رسالور @Hazrate_Abalfazll اے دین یولوندا تشنه باتان قانه یاحسین ویردون نشان اوز عشقوے جانانه یاحسین گوردون که ایستیرے گیده دین محمدی ایتدون فدا وجودیوے قرانه یاحسین @Hazrate_Abalfazll دین حقیقت اوسته شهید اولماقون سنون درس سعادت اولدے مسلمانه یاحسین اے شهد دن شیرین منه ایستکلے قارداشیم غملر گتوردے زینبوے جانه یاحسین قوے ساربان کسن الیوے بیرده سینمه قلبیم اولوبدے گورنجه غمخانه یاحسین منده آنام کیمے دوزرم هر مصیبته صبر ایلرم بلالره مردانه یاحسین بولمم نه نوعے اهل جفا ئولدوروب سنی قانون آخوبدے سو کیمے هر یانه یاحسین یاره ووروبدے اهل جفا ئولدوروب سنی گلمز بو جسموون یاراسے سانه یاحسین یتمیش ایکے شهید قالوب یرده بے کفن بنذیر بدنلرے گل خندانه یاحسین @Hazrate_Abalfazll اود ووردے اهل کینه سنون خیمه گاهوه یاندے تالاندى ظلمله کاشانه یاحسین خولے آپاردے باشوے قویدے کول اوستنه رحم ایتمدے سنون کیمے مهمانه یاحسین عذر ایستیرم گیچن گجه تڪ قویمشام سنی قالدیم خیمده شام غریبانه یاحسین یغدیم عزالے قزلاروے باشه بیر به بیر یانموش چادردا قوردوم عزاخانه یاحسین دور کاروانے سال یولا اے میر کاروان اولدوخ سوار ناقۀ عریانه یاحسین سن دوش قباقه زینبیوه ویر نشان یولی بیزده گلاخ دالونجه بیابانه یاحسین اهل جفا ووروب باشسوے نیزه باشینه بنذیر جداده بیر مه تابانه یاحسین بوجمعیله «رسالوری» ایسته قبریوه ایت بیر نظر بوحال پریشانه یاحسین #کوچ_کربلا #حسن_رسالور #ای_دین_یولوندا_تشنه_باتان_قانه_یاحسین #ترکی #یاحسین https://eitaa.com/joinchat/2348744791Cd1e41b0233 ـــــــــــــــــــــــــــــــــــــــــــــــــــــــــــــــ