🏴حضرتِ حمزۀ سیدالشهداء علیه السلام🏴 ✍حاج ولی الله کلامی زنجانی اُحد چولونده آخان قانلارا سلام اولسون وجودی یاره لی قربانلارا سلام اولسون سلام، بیزدن او یتمیش شهید ناموره کنار کوه اُحُدده دوشن جنازه لره سلام او حمزیه که اولدی حق یولوندا فدا آدی قالوب شهدا ایچره سیدالشهدا سلام او قامت رعنایه که قانا باتدی پیمبرین گوزینی آیریلیقدان آغلاتدی اُحد چولونده پیمبر دوشوب محاصریه ملکلر ایندیده آغلار او غملی خاطریه اُحد چولونده دگوب داش جبین طاهایه قرانلوق اولدی بو دنیا او گونده زهرایه اولار که اولموشودی جنگ بدریده مغلوب ایدوبله توطئه سالسونلا فتنه و آشوب اُحد چولونده علی باشی دوشدی غوغایه قریش ووردیلا دوخسان یارا او مولایه پیمبره گوره ئوز جانینی سالوب خطره که تا یتیشمیه صدمه او مفخر البشره اُحد چولونده مسلمانلارین آخوب قانی مصیبتین اودی یاندردی قلب طاهانی رسول اکرمه توهین ائدوب ابی وقّاص ولیک ائتمدی نفرین او مظهر اخلاص سالوبدی شایعه شهر حجازه بیگانه هامی یقین ایلدی مصطفی باتوب قانه چخوبدی شهریدن اون دورت خانم یانا یانه قاباقدا حضرت زهرا گلوردی افغانه یتوب نه گوردوله پیغمبرون آخور قانی ووروبلا حضرته بیر داش سنوبدی پیشانی علی سپرده سو گتدی یودی خانم زهرا اوجالدی ناله سسی آچدی گوزلرین طاها منه، بویوردی عموم حمزه دن خبر گتورون اگر یخلسا علی جان منی اونا یتورون جسارت ائتمدی هئچ کس وئره ئولوم خبرین بُلوردیلر که عمو داغی یاندیرار جگرین غرض پیمبر ئوزی گلدی حربه گاهه طرف نه گوردی حمزه دوشوب توپراقا به حال اسف ائدوبله مُثله کسوبلر ستمله عضولرین غلام هنده چخاردوبدی سینه دن جگرین گوروب او وضعی پوزولدی رسول دلخسته عباسینی گوتوروب چکدی حمزه نین اوسته دؤنوبدی قبلیه ساری دلینده راز و نیاز او قانلی چولده شهیدان عشقه قیلدی نماز بُیوردی دفن ایلیون کشتگان بی کفنی بولار یارالیدی چوللرده قالماسون بدنی پس از مراسم دفن اول پیمبر خاتم گلوبدی شهره طرف دلده نوحۀ ماتم منادی سسلدی اهل عزا غزالی گلور چخون قباقه رسول خدا یارالی گلور مدینه اهلی چخوب پیشوازه غرق محن آچلدی قاره علم یر گوی ایلدی شیون نوا چخوب شهدانین ائویندن آفاقه طبابت ایلدی ائللر یارالی عُشّاقه دل پیمبر اسلامی گوردولر غمگین سوروشدولار نیه پوزقونسان ای رسول امین بُیوردی گرچه بو گون سینه داغلیان چوخدی ولیک حمزه ائوینده بیر آغلیان یوخدی بو غصه نسگل اولوب عاشقان طاهایه گلوب عفیفه خانملار حضور زهرایه که یعنی اوخشا خانم بیزده سس ویراق سسیوه فدا اولا جانیمیز دیدۀ مقدسیوه شهیدلر کیمی بیزده ره وفا دوتاروق نقدری ئولمه میشوق حمزیه عزا دوتاروق غرض پیمبره خاطر قرا گیوب نسوان چخاتدی چوخ انالار ئوز شهیدینی یاددان دوتوب مدینه نی واحمزه صوتی سرتاپا مدینه ده لقبی اولدی سیدالشهدا زمان سوم هجرت فغان زمانیدی حسینون اوندا آنادان اولان زمانیدی گئدوبدی دور زمان الّی یدّی ایل قاباقا گوروندی ماه محرم هلال عاشورا غم اهلی بار سفر کربلایه باغلادیلار چخاردوب حمزه نی یاددان حسینه آغلادیلار گلنده حمزه ادی آغلا شور و شینیلن بلالیدور ، ولی چوخ فرقی وار حسینیلن وجود حمزیه طاها ئوزی عبا سالدی ولی حسین بدنی چولده بی کفن قالدی باجیسی حمزیه ائوده عزا دوتوب هر شب دویونجا قارداشینا آغلیانمادی زینب ئولنده حمزه اونا نوحه خوان پیمبریدی حسینه یاس دوتان اما قرا لچکلریدی ایدوبله حمزه نی مُثله او غملی چاقینده ولی حسین بدنی قالدی آت قباقینده دوتالّا حمزیه یاس ایلده کعبه زوّاری ولی حسین آقامون باغلانوبدی یوللاری دوشنده توپراقا حمزه باشی بدندیدی ولیک رأس حسین دست اهرمندیدی اُحددده پیکر حمزه یارالی خستیدی حسین جنازه سی چولده باشی کول اوستیدی 🏴#حضرت_حمزه🏴

. #حضرت_حمزه #زمینه شد دشت احد کرببلا یارسول الله کشتند عموجان تو را یارسول الله کردند جسارت --بر پیکر حمزه شد غرق جراحت--پا تا سر حمزه آه و واویلا  آه و واویلا &&&&&& افتاده روی خاک علمدار پیمبر خون میچکد از چشم گهر بار پیمبر نه طاقت دوری--نه تاب نظاره مانده چه کند با--این پیکر پاره آه و واویلا  آه و واویلا &&&&& بر سینه زنان در بر او خواهرش آمد ای کاش نبیند چه بلایی سرش آمد بر سینه و پهلوش--جای نیزه ها بود صد شکر که جسمش -- در زیر عبا بود آه و واویلا    آه و واویلا &&&& سوزد همه دلها چو دل زار صفیه بر حالت زینب روی تل زینبیه میکرد نظاره--می رفت از حال ده نفر سواره--می روند به گودال مظلوم حسینم   مظلوم حسینم #عبدالحسین ✍ 👇

▪️حمزه که جان عالم و آدم فدای او (روضه حضرت حمزه سیدالشهداء) 🎙 بانوای: حاج میثم مطیعی 🏴 ویژه شهادت #حضرت_حمزه سیدالشهداء (علیه‌السلام)