زلزله‌ی خوی ⚫⚫⚫⚫⚫ گینه نه درد و بلادی دلا گلور باشیما نه غم و غصّه‌دی بو برملا گلور باشیما فنا جهاندا سالور چرخ چوخلارین دامه بیان ایدنموری بو درد و محنتی خامه اورکده قالموری صبر و توان بو آلامه کباب اولور دل‌زاریم هوا گلور باشیما یازیقلارون دوت الیندن اللهی ایله کرم قورتالمامیش غم و محنت گلور دوباره اَلَم غم اوسته غم قالانور اود دوتوب یانور سینم غریق بحر غمم ابتلا گلور باشیما خوی اهلینون محن و دردینه شریکم من نه من که بلکه بنی‌آدم آغلوری غمدن خزان ویران گله اوخشور بو ّباغیله گلشن گورنده گللری سولقون نوا گلور باشیما گورنده اول آتانی که الین قویوب بئلینه و یا که هجر اوخونی هر آنا تاخور دلینه دینده هر بیر اوشاقون سازاق یلی تلینه دیورم اوز اوزومه نه قضا گلور باشیما فدا اولوم سیزون اول دیلده‌کی مصیبتوزه غم و ملالوزه آه و فغان و محنتوزه یانان اورکلره سوز و شرار فرقتوزه آرتیری رقّت قلبیم بلا گلور باشیما گراندی درد فراقوز بو(راشد) زاره اولوبدی قلبی غم و غصّه‌دن داخی یاره نه گلدی سویلوری اول بوستان و گلزاره غبار غم یاغوری هکذا گلور باشیما #راشد_سیس قربان  بیرامی

راز و نیاز پیشواز از ماه رمضان یارب قاپیوا دیده‌ی گریانیله گلدیم نار غمه یاندیم دل سوزانیله گلدیم هانسی قاپینی چالدیم اولوب خوار قیتدیم نومید اولوب هربابیدن افغانیله گلدیم بولدوم که هامی بنده‌لرین دعوت ایدوبسن منده قوشولوب زمره‌ی پاکانیله گلدیم سیلدیم اورک آئینه‌سینین گرد وملالین درگاهیوه اخلاصیله،ایمانیله گلدیم ای عیب لرین اوستونه پرده چکن آلله آگاه‌سن اسراره نه عنوانیله گلدیم نفسیم منی اغفال ائلدی چیخدیم اوزومدن شرمنده‌یم قلبیم دولی القانیله گلدیم گوز تیکمیشم اُول رحمتیوه من گونی قاره عفو ایله منی قلب پریشانیله گلدیم دوتدی گوزومی کبر و حسد جهلیده یاندیم دوتدوم رمضانی یوزه قرآنیله گلدیم عمروم بویی دریای جهالتده چالشدیم غرق اولدی گَمیم موجیلی طوفانیله گلدیم ال آچمیشام درگاهیوه یاقاضی الحاجات هرچند الیم بوشدی بونقصانیله گلدیم خجلت تری آلنیمدا سرافکنده ونادم یوخ عذر وبهانم دل ویرانیله گلدیم یارب منیم افعالیملن ایلمه رفتار رحمونله مدارا ائله پیمانیله گلدیم دُوی صدقیله باب کرمی عرض ائله(راشد)  مأیوس ائلمه الده‌کی امکانیله گلدیم #راشد_سیس قربان بیرامی

(امام عصر) سبک:سائل درگهیوم یاحسین جان گل نرجس عالمون ای دادخواهی خلق مظلومون امید و تکیه گاهی یتیشن یوخ داده    چات آقا فریاده اوجالوب ظلم عرشه  قالمشوخ بلواده سروریم تز گل    رهبریم تز گل سسلور مظلومان  گل یابن‌الزهرا قورتارسین هجران گل یابن‌الزهرا العجل الغوث ادرکنی مولا ۲ 🌹 🌹 🌹 🌹 🌹 هارداسان عاشقلرون یوخ صبر و تابی ائشیدیللر هر طرفدن  هر عتابی سارالوبدی گوللر   سولوبدی سنبللر سنی سسلور مولا  بو نوالی دیللر سروریم تز گل   رهبریم تزگل سسلور مظلومان  گل یابن‌الزهرا قورتارسین هجران گل یابن‌الزهرا العجل الغوث ادرکنی مولا ۲ 🌹 🌹 🌹 🌹 🌹 پرچمون گل آچ جهانی ائله آباد ائله ظالملر الیندن خلقی آزاد ظالمی قیل نابود   اله گلسون مقصود اناالحقی سویله  اولا دیللرخوشنود سروریم تز گل   رهبریم تز گل سسلور مظلومان  گل یابن‌الزهرا قورتارسین هجران گل یابن‌الزهرا العجل الغوث ادرکنی مولا ۲ 🌹 🌹 🌹 🌹 🌹 🌹 یا اباصالح امید مستمندان گل هرایه ای پناه دردمندان یاور مظلومان  ای دردلره درمان گل یولا باخماقدان  اولوبدی گوزلر قان سروریم تز گل  رهبریم تز گل سسلور مظلومان  گل یابن‌الزهرا قورتارسین هجران گل یابن‌الزهرا العجل الغوث ادرکنی مولا ۲ 🌹🌹🌹🌹🌹🌹 (راشدم)غرق ملال و سوز و آهم نوکرونله قیل مدارا روسیاهم ای‌جان جانانم  محتاج احسانم قاپیندا یا مولا  سائل نالانم سروریم تز گل  رهبریم تز گل سسلور مظلومان  گل یابن الزهرا قورتارسین هجران  گل یابن الزهرا العجل الغوث ادرکنی مولا ۲ 🌹🌹🌹🌹🌹🌹 #راشد_سیس قربان  بیرامی