ـــــــــــــــــــــــــــــــــــــــــــــــــــــــــــــــــــــ بنام خدا #روضهٔ_سوزناک ایما و اشاره به آخرین لحظات وداع باب الحوائج ابوالفضل العباس ع آه او ساعت دن کی افلاکه اوجالدی وا سسی نهر علقمدن خیامه چاتدی واویلا سسی کربلا سقاسینی اعداء آت اوستن سالدیلار یوز نئچه نامرد اونون اطرافینی تئز آلدیلار گوزلری قانیله دولموشدی او میر لشکرین قولاری دیبدن قلم اولموشدی او شیر نرین وار یئری پیر و جوان بو یاسدا سینه داغلاسین آذری لر تک ابوفاضل غمینده آغلاسین تا ائشیتدی شاه مظلومان ٱخا چات دادیمه یوخدی بیر کیمسه بو صحراده گله ایمدادیمه گوردی اول دم باشی اوسته گلدی زهرا مادری ائتدی عباسی نوازش مادر غم پروری باشینی قویدی دیز اوسته حسرتیلن آغلادی اول شهیدین گوزلرین زهرا آناسی باغلادی کربلا دشتی او دم دولموشدی عطر یاسی لن آیری بیر دیلده دانیشدی مادر عباسیلن تا کی چاتدی شاه مظلومان او قانلی میدانا شدت آلامیدن آز قالدی قلبی اودلانا حسرتیله باخدی عریان پیکره میر امم آه سوزانی اونون قوزاندی آفاقه او دم سسلدی قارداش غمینده ای خدا سیندی بئلیم اولدی صدپاره بو صحراده منیم بند دئلیم الغرض قان آغلادی بو غمده سلطان مبین مادری زهرائیلن هم ناله اولدی شاه دین فاخرا اشجار عالم گر نوشت افزار اولا عالمین دریالری ازدم دواتیلن دولا گر یازا اهل قلم کرب و بلادن صبح و شام ایلویه تحریر بو آلامی مورخ لر مدام بیلموری اسرار عاشورانی هئچ کیم جز خدا حق مطلب تا قیامت اولمایوب اولماز ادا شعر:مسلم فرتوت فاخر https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ #کانال_اشعار_عاشقان_حضرت_ابالفضل_ع ـــــــــــــــــــــــــــــــــــــــــــــــــــــــــــــــــــ

🏴زبانحال امام حسین (ع) در بالین حضرت ابوالفضل(ع) #روضه_سوزناک 🎤#بانوای_حاج_علی_سیفی_افشار ✍بقلم مرحوم محمد حسین جنتی مقام(متخلص به صحاف تبریزی) یانام باخارام بو یارالی پیکره قارداش خندان گوله بنزر داغلوب چو للره قارداش جسمونده چاتوب باشباشا سنبل کیمی قارداش وار هانسی چمنده بیله خوش منظره قارداش   دور گور نه قیامتدی بو گون خیملریمده یردن اوجالوب ناله سسی گویلره قارداش یاتدی علمون سیندی بلیم چارم آزالدی ایوای منه وای عترت پیغمبره قارداش   دشمنلر ایچینده گوروسن یالقوزام ایندی دور ایله حمایت من،بی یاوره قارداش دعوا گونی سن شیریدون ای شیر شجاعت سن وارثیدون شیر خدا حیدره قارداش   دور ال اله شمشیریوی دشمن قاباقین کس ای غالب اولان جنگده بیر لشکره قارداش آیا بو او الدور هامی اللردن اوجیدی قطع ایتدی قضانین الی سالدی یره قارداش   بیر گون قورولار محکمه عدل الهی قهریله دگر ارض و سما بیر بیره قارداش فریاد او گون داد او ساعتدن ابوالفضل بو اللری زهرا گتوره محشره قارداش   بیر اوزگه قیامت اولی محشر گونی برپا باخدوقجه آنام فاطمه بو اللره قارداش چون امته اسباب شفاعت بو اللر محبوبیدی درگاه حق داوره قارداش   قیلام بو کسوک اللرینه منده شفاعت محشر گونی صحاف الم پروره قارداش. _____________