#زبانحال_حضرت_رقیه_سلام_الله_علیها_ #به_سبک_می‌گذرد_کاروان_ من بابا سندن صورا اولدوم اسیر جفا درده سالوب عمه می غصه و درد و بلا عمه می شمردون چوخ وروب درد و غم قلبیمی دولدوروب آغلارام آغلارام آغلارام غصدن سینه می داغلارام 2بار سنسیز اورک قان اولوب سینمه غملر دولوب ایندی بابا جان قیزین غصه و غمدن صولوب سسیمه سس ویر ای مهربان اولموشام یوللاردا با غریقان آغلارام آغلارام آغلارام غصه دن سینه می داغلارام 2بار ای منه روح و روان وی منه آرام و جان درد و غمیندن بابا یوخدی منه دای توان سینه می بابا جان داغلارام عمه مین حالینا آغلارام آغلارام آغلارام آغلارام غصه دن سینه می داغلارام 2بار محرم رازیم بابا روح و نمازیم بابا سنسیز اولوبدی روان سوز و گدازیم بابا ای منیم دلداریم هارداسان غم گونی غمخواریم هارداسان آغلارام آغلارام آغلارام غصه دن سینه می داغلارام ۲بار اسدی خزان یللری خشک ائلدی گولری اولدی گولستان خزان قان ائلیوب دللری سینه می هر گیجه داغلارام روز وشب من سنه آغلارام آغلارام آغلارام آغلارام غصه دن سینه می داغلارام ۲بار گلشن عمروم صولوب قلبیمه غملر دولوب دردو غمی اکبرین ائللری آغلار قویوب ناگران باخدیم هی یوللارا غصه دن قلبیم اولدی یارا آغلارام آغلارام آغلارام غصه دن سینه می داغلارام ۲بار ای بیزی آغلار قویان قلبیم اولوب قان اویان درد و فراقین منیم باغریمی ایلوبدی قان آیریلق اود سالوب جانیمه آچ گوزون باخ بابا حالیمه آغلارام آغلارام آغلارام غصه دن سینه می داغلارام ۲بار قلبیمی غملر آلوب غصه لی حاله سالوب گلدی نلر باشیمه ائللریم هاردا قالوب عمه می یوللاردا یورموشام دنیادن ایندی من دویموشام آغلارام آغلارام آغلارام غصه دن سینه می داغلارام ۲بار یاور و یاریم منیم روح و روانیم منیم قلبیمی غملر دوتوب یوخدی توانیم منیم باخورام یوللارا ناگران اولموشام غصه دن باغریقان آغلارام آغلارام آغلارام غصه دن سینه می داغلارام ۲بار گلشن عمروم بابا دوندی صولان گلشنه قالدی دالینجا گوزوم باخ بابا جان بیر منه دردیمین درمانی جان بابا گوزلرین قربانی جان بابا آغلارام آغلارام آغلارام غصه دن سینه می داغلارام ۲بار قان اولوب اشک تریم یاندی دل مضطریم هاردا قالوبدی بابا ماه ملک منظریم صولدی گول تک بابا اصغریم هاردادی غنچه ی پر پریم آغلارام آغلارام آغلارام غصه دن سینه می داغلارام ۲بار مظلوم آنام های سالور قلبیمی غملر آلور ایندی ده ویرانه ده اصغره لای لای چالور شل اولسون حرمله اللری اوخلادی صود امر اصغری آغلارام آغلارام آغلارام غصه دن سینه می داغلارام ۲بار ملتمس دعا مهدی ملکی # #زبانحال_حضرت_رقیه_، س، #سبک_می_گذرد_کاروان_