#سبک_های_محرم_۱۴۰۰ #سبک_شماره۷ سبک ورود به محرم در قالب شاخسی و واحد(وصال تبریزی) گورسندی عالم ایچره یاران هلال ماتم آیلار دولاندی گلدی (بیرده مه محرم) ۲ دالدالانار عالم تحت لواسینده پرواز ائدر روحوم ، بزم عزاسینده افتخاریم ، شهریاریم محشری گونی گل اولگونان هواداریم ابی عبدالله... بو آیدا آغلاماقون حظّین یانان آپاردی صافی گوزل یازوبدی(نوحه یازان آپاردی)۲ عزت قازاندیم من قاره لباسیله من روسفید اولدوم زهرا دعاسیله مهتابیم سن ، اربابیم سن ایکی دنیاده سن دُر نایابیم سن ابی عبدالله... عشقین عجین اولوبدی ، هم آب و هم گلیمده جاریدی اسم پاکون ، (شکر آللاها دیلیمده)۲ من هر ایکی دنیا ، والله خوشام سنلن یانسون دیلیم دئسم الی بوشام سنلن باب النعیم ، ایسته گلیم چاتسون او آلتی گوشیه دوباره الیم ابی اباعبدالله... کیم تشنه دور حسینه الده سبو گئتیرسین سقا گئدوب فراته (بیر مشک سو گئتیرسین)۲ فراتی ایلدی سیراب اوز اشکیله دین نخلینه وئردی سو قانلی مشکیله امیری حسین ، و نعم الامیر سُرُورُ فُؤادِ الْبَشیرِ النَّذیرِ ابی عبدالله... قانه دونوب بو غمنون ، یکسر هامی اورکلر جبریل دم دوتوبدی ، (سینه ورور ملکلر)۲ روحوم قوشی ایلر سیر عالمده غمده گه قتلگاه ایچره ، گه نهر علقمده الحباب الحسین ، اصحاب الحسین وعده میز اربعین بو ایلده باب الحسین ابی عبدالله... اولدوز گوزه گلر چوخ مهتاب سایه سینده نوکر گَزر همیشه (ارباب سایه سینده)۲ غم غصه دن ائله آقا منی آزاد حشره کیمی اولسون گوروم ائوین آباد دنیا حسین ، عُقبا حسین شهنشه و امیر کربلا حسین ابی عبدالله... سبک👇👇👇👇👇👇👇👇👇

#سبک_های_محرم_۱۴۰۰ #سبک_شماره۵ سبک جلالت و شجاعت حضرت ابوالفضل العباس(ع) در قالب شاخسی ، واحد(وصال تبریزی) ای سپاه حسین تکیه گاه حسین آدیوا قربان یا عباس ای سبوی ادب آبروی ادب قیل بیزه احسان یاعباس جان یاتوب مدحونده ایثار و فتحونده ای شیره نستوه عشق حق اوپوب دستونون هم ضرب شصتونون عزت و شکوه عشق حضرت سجاد دیوب با احساس رحم الله یا عمی العباس قمر منیر بنی هاشم فضلیون تای یوخ بذلیون سای یوخ نه قدر یازسالار کاتب لر اوز وروب سو سنه چووروب رو سنه مقصدین دوز تاپار طالب لر ادبین سوره سی غیرت اسطوره سی معرفت دریاسیدی راهیدور حق راهی فی سبیل اللهی آقالار آقاسیدی هر گئجه صحبت بزمون علی استاد نبرد و رزمون علی قمر منیر بنی هاشم علمونده سنون حرمونده سنون شیعه نون گوزی وار یاعباس سنه دم یاراشور نه علم یاراشور سوزومون کوزی وار یاعباس عشقی مدهوش ائدون باده سین نوش ائدون اولدون می پرست عشق عشقینده صادق سن واللهی عاشق سن سنسن مست مست عشق آدونلا فروزان دین مشعلی نجفده گلوبدی شوره علی قمر منیر بنی هاشم آلدی اذن جهاد اله گلدی مراد سالدی چینینه بیر سو مشکی یالواروبدی شهه ابی عبداله غیرتونون آخوبدور اشکی سویوندی ذوقونان پر آچدی شوقونان یوز قویدی میدانه یول سالدی نهر اوسته قوم کافر اوسته چون مرده مردانه سسلندی قوشون من خیر الناسم بابام علیدور منده عباسم قمر منیر بنی هاشم نسلیزی کَسَرَم قانیزا بَلَرَم چپ باخا بیری گر اخیامه مین یول دئمیشم ایکی قول دئمیشم آنامون نذریدی امامه یوخ باکیم هنگیزدن تیپ و سرهنگیزدن شیرم من شیر اوغلیم جنگیلر یَل ایم من پور علی ایم مرده دلیر اوغلیم یخاجاق منیم تکبیریم سیزی گوزلوری الان شمشیریم سیزی قمر منیر بنی هاشم گوردی تا ماریدی اونا قهراً دئدی اوپ الیمنون گئچیم قانیننون بولکی آسوده من بیر ایچیم سوده من آیرّام روحیوی جانیننون مارد تا یخلدی عرصه دن چخلدی لشکر دئیدی بیر بیره قان نان بیر جو آچدی سر کرده لر قاچدی قول،باش،توکولدی یره لشکردن اوجالدی داد و انین ائوین آباد اولسون ام البنین قمر منیر بنی هاشم سبک👇👇👇👇👇👇👇👇👇

#سبک_های_محرم_۱۴۰۰ #سبک_شماره۴ در قالب شاخسی ، واحد(وصال تبریزی) عرشه ورالا قاره پرچم محرم گل اول حسینله جانا مَحرم محرم گُل آدینی اورکدن دوت دم محرم گل مجلس عزانون خوشدور نواسی احلا من العسلدی بزمون بُکاسی بو آیدا روضه خواندی زهرا آناسی حسین ذکری دئماق عبادتدی عشقی سرمایه ی سعادتدی قاره سی باشدا تاج عزتدی سیدی یا اباعبدالله سسلر بو آیدا عالم یا حسین دخیلا لعل لبووه حسرتدی سلسبیلا سسله و ما رایتُ الا جمیلا فخریله اوپ حسینون گل باب عشقین زینت تاپار یقیناً محراب عشقین سال بوینووا مدال نایاب عقشین قاپوسوندا شاه و گدا بیردی عرشِ حق ، قبریله مجاوریردی دربان حبیب ابن مظاهریدی سیدی یا اباعبدالله عشقون دوشوب باشیما اوله شبدن آیرلمارام ئولونجه بو سوز و تبدن آلدیم محبت عطرین منده وهبدن عشقی کی ابتداسی اولسا الستی گورمز داخی او عشقی بیرده بو هستی گلمز سایا او عشقین واللهی مستی کربلا دور میخانیه عشقی آباد اولسون کاشانیه عشقی عالملردی دیوانیه عشقی سیدی یا اباعبدالله گوستردی خلقه دینون اصلی صراطین برچیده ائتدی کفرون بند و بساطین قانیله قویدی عشقین بیربیر نقاطین اهل دل آنلار آخر والله بو سری صراف اولار خریدار گر گورسه دُری تک بیر باخیشون آقا مست ائتدی حُری تانیلوب حسنیله نام عشق ده آدون بو آدی پیام عشق مجلسیدی دارُالسلام عشق سیدی یا اباعبدالله سبک 👇👇👇👇👇👇👇👇👇

#سبک_های_محرم_۱۴۰۰ #سبک_شماره۹ سبک جلالت و عظمت عشق آقا سیدالشهداء علیه السلام در قالب شاخسی و واحد(وصال تبریزی) ای شاه راه عشق عشقین گواه عشق آدونلا مزین اولوبدی بزمگاه عشق جان ملکونه مالک عشاقی ملائک وَعَلَی الاَْرْواحِ الَّتی حَلَّتْ بِفِناَّئِکَ رونق وئروب قانین سنون بازارِ ایثاره احسن بو پیکاره ، ای یا و سین عشق واله دی عشق اهلی جهاندا بیله اسراره دل وئرموسن یاره ، حق الیقین عشق ورموسان عشق گوره بیر شاه راه صَلَّى اللَّهُ عَلَیْکَ یَا أَبَا عَبْدِ اللَّهِ آقام آقام آقام .... حبل المتین حسین شور آفرین حسین هم اول و هم آخره اصول دین حسین دل اهلینون وردی حق اونا زائردی عرش معلاده حسینون بزمی دایردی عشق عالمینون عالمی بیر آیری عالمدی عشق اهلی مَحرمدی،سن من یوخوموزدی غم طُره سی عشاق آرا پُر پیچ و پُر خمدی قان یوزده شبنمدی ، کفن یوخوموزدی سسلرم من هر سحر با سوز و آه صَلَّى اللَّهُ عَلَیْکَ یَا أَبَا عَبْدِ اللَّهِ آقام آقام آقام .... سرمایه م حسیندی پیرایه م حسیندی غم سوره سینده ، آیه آیه آیه م حسیندی دم ور اماموننان مشی و مراموننان آل معرفت درسین اونون قاره غلاموننان کول اول حسینون عشقیله غملی اوجاقینده جان وئر قوجاقینده ، آدون شهید اولسون باشین کسیلسین شوقیله یارین قباقینده آدی دوداقینده ، اوز رو سفید اولسون نوکره آدوندی والله عز و جاه صَلَّى اللَّهُ عَلَیْکَ یَا أَبَا عَبْدِ اللَّهِ آقام آقام آقام .... حسین ده پی در پی عشقین یولون قیل طی آل ساقی میخانه دن چک باشه جامِ می ماه منیریم سن خیرِ کثیریم سن اللهه شکر اولسون حسین نعم الامیریم سن مجمر عشقینده گرک تن مثل عود اولسون یوزلر کبود اولسون ، شهادت اوستونده نیزه باشیندا ذکر دل حی ودود اولسون حقه درود اولسون ، حقیقت اوستونده ذکر ائدر بو ذکری ، گویده مهر و ماه صَلَّى اللَّهُ عَلَیْکَ یَا أَبَا عَبْدِ اللَّهِ آقام آقام آقام .... سبک 👇👇👇👇👇👇👇👇👇👇

#سبک_های_محرم_۱۴۰۰ #سبک_شماره۱۰ سبک جلالت حضرت سیدالشهداء علیه السلام در قالب شاخسی ( وصال تبریزی) گویلرده طلعتون ، تابنده دور حسین گوزل آدوندی عزت منه ، خوشام سنه آقا نوکرم تا واردی بو جهان ، بول زنده دور حسین حسین حسین دیین دیللری ، مین عالمینه من وئرم ای ارباب ارباب دریای ِ محبّتده والا گوهریم ای ظفریم ، جان سنه قربان ای ظلمت گئجه ده ایشقلی قمریم یا حسین..... دولانام عشقیله ، اون گون محرمی باش قاره سین باشا باغلارام ، بو تاج عزتیمدور منیم عالمه عشقیون ، وار آیری عالمی یوزی قاره لی بیر نوکرم ، حسین شرافتیمدور منیم ای ارباب ارباب کربلا دور کعبه ی ایمان و شرف شور و شعف ، عبده دریوم آچ یوزومه قاپووی ای پور نجف یاحسین... حق انگشترینه ، حسین نگینیدی هامی جهاتیدن خالقه ، حسین جمالی مرآتیدی والله حسین قانی دینون تضمینیدی بو سوزومه الده مدرکیم ، کلام حقون آیاتیدی ای ارباب ارباب ای مکتب قرآندا جان بذل ائلین فضل ائلین ، احسن بو عشقه ابوالفضلی عشقون ابوالفضل ائلین یا حسین... ای حق کتابینون ، مجسم سوره سی صراحتاً دیوبدور خدا ، قَدْ أَفْلَحَ الْمُؤْمِنُونَ حسین حسین آدیله وار دیلده غم سوره سی اوخورام آیه آیه اونی ، حا و سین و یا و نون حسین ای ارباب ارباب قوی پروانه لر تک باشیوه دولانم اوتدا یانم ، لطفی قیل منه قوی سایه ی رحمتینده دالدالانم یاحسین ... عشقونله ، عشق آدین ، یازوب اورگشمیشم ئولمده دامن وصلیوی ، یقین ائله کی بوشلامارام بو یولدا سیدی ، چوخلی اللشمیشم من آیری عشقی حسین سنون ، عشقونون صورا خوشلامارام ای ارباب ارباب گُل یوزوندی سیدی مصباح الهدی شاه ولا ، دیلده کی ذکریم اولوب ربنا ، آتنا کرب و بلا یاحسین... سبک 👇👇👇👇👇👇👇👇👇 @Hazrate_Abalfazll🔰

#سبک_های_محرم_۱۴۰۰ #سبک_شماره۱۱ سبک محرم و شجاعت حضرت ابوالفضل(ع) در قالب شاخسی و واحد(وصال تبریزی) بزم غم قورولدی عرش اعظمده دلبر آدی نقش اولوبدی پرچمده حق دوتوب عزا حسینه جان اولا فدا حسینه عزا و ماتمدی مه محرمدی انبیا دوتالّا یاسین روضه خواندی آل یاسین دیلینده مشق اولسون حسینه عشق اولسون آدوندی زیب قرآن کریم «وَ فَدَیناهُ بِذِبْحٍ عَظِیمٍ» صفا بخش روحیم ای کشتی نوحیم واردی گوزوم کرمونده سنون هر لحظه هر دمده ماه محرمده دل گزوری حرمده سنون هر دردیم اولسا شاهَ دئیرم اون گون عشقیله قاره گئیرم یا حسین یاحسین ای تجلی جمال وجه الله طور عشقیده آدوندی ثارالله قدسیاندی دست بوسی خلقی مست ائدوب سبوسی خُماریدور عالم گداسیدور حاتم حضّ وار زیارتینده سرّ وار شهادتینده فدای قرآندی ملاک ایماندی آدوندی زیب قرآن کریم «اهْدِنَا الصِّراطَ الْمُسْتَقِيمَ» آه ای سبط النبی دیریدون مذهبی عالم اولا بو مرامه فدا مکتبون برتردی ابوالفضل پروردی جانلار اولا بو امامه فدا گَل قید غمنون ائت منی آزاد گوروم اولسون حسین ائوین آباد یا حسین یاحسین کربلاده باخ او سیر احساسه نوبت نبرد ، چاتدی عباسه مات ائدوبدی کائناتی چکدی تیغ آلا فراتی به اذن ثارالله علی ولی الله آچدی یول ره صوابه قویدی تا ایاق رکابه چخاتدی تا شمشیر دئدی اوجا تکبیر ائتدی بیله اوز شاهون تکریم « بِسْمِ اللَّهِ الرَّحْمَنِ الرَّحِيمِ » منیم اعتقادیم قلبیمده مرادیم آند اولا حقه حسیندی حسین دنیاده امیرم مرجع تقلیدم آند اولا حقه حسیندی حسین من مطیع امر ، او امیرم وَأُوْلِی الأَمْرِ مِنکمْ دی سیرم یا حسین یاحسین داغ کیمی حسین دالوندا دورّام من بو علمی نهرون اوسته ورّام من چون اوپوب علی الیمنون دوشمین دیول دیلیمنون حسینمه یارم اونا علمدارم حیّ زی ائدون فراموش طعم مرگی ایلیون نوش گلوبدی عزرائیل بیر آز ائدون تعجیل سیزه قرآنیدون آیه دییم «فَبَشِّرْ هُمْ بِعَذابٍ أَلِیم‏» حقی تا یاد ائدی بیر استمداد ائدی خرمن کفره سالوبدی الو کفر ، تار و مار اولدی ماریدلر خوار اولدی باشلاری بیر بیر ائدوردی درو بو سس گویللرده اولوبدی طنین ائوین آباد اولسون ام البنین یا حسین یاحسین سبک 👇👇👇👇👇👇👇👇👇👇 @Hazrate_Abalfazll🔰