الا ای طالب دنیا بو عالم فانی دور فانی سعادتمند او کس دور که گزور دنیاده عقبانی ‌ بودنیاده وفا یوخدی صفاسینده بقا یوخدی نئچه گونلوق بو دنیاده یارالدیب خالق انسانی ئولوم حقدور اگر چه وار ولی چوخ فرقی ئولماقین بیری حقه اولور دشمن، بیریسی حقه قربانی بیرینه حق وئرور رتبه جهاندا ائیلیور ممتاز بیرینین لیک وار دائم هوای ظلم و طغیانی باخار عبرت گوزیله عالمه هر کیمسه عاقل دیر گورر آیینه تاریخیده فرعون و موسانی بو دنیا چوخلارا قدرت وئریب آخرده خوار ائتدی وئریب جام اجل مغلوب ائدیب چوخ اهل کفرانی فقط صالح عمل دیر قبریده هر بیر کسه مونس و الّا مال و ثروت دفع ائدنمز نار نیرانی اولوم حق دیر تمام خلقته بو حکم شامل دور سالار پیک اجل بیر گون یئره حتی سلیمانی حق و باطل آراسیندا همیشه جنگ حاکم دیر تاپار حقین یولون هر بیر کسین دوز اولسا میزانی عمل اهلی اولانلار های و هوی و ادعا ائتمز بیلر تکلیفینی معبوده ائیلر جانی قربانی گرک درس وفا "قاسم سلیمانی دن" آلسین راه عزت ده اولار که مدعی دیر دین حقه واردیر ایمانی نئجه بیر عمر چوللرده شهامتله جهاد ائتدی شهادت آرزو ائتدی خوش اولدی خط پایانی بلی هر کس ایچنمز باده ناب شهات دن ایچر هر کس که وار دور اعتقادی پاک دامانی شهیدین قدری والادی ،اوجادیر قاف اجلالی شهیدین قانی دور حفظ ائیلین احکام قرانی شهیدین وار بیوک بیرامتیازی درگه حق ده شهیدن قانی دور سر زنده ساخلار دین یزدانی شهادت اولمیان مکتبده عزتدن خبر اولماز شهادت قوتارور هر قیدیدن آزاده انسانی قلم کرب و بلادن یاز نه اولدی روز عاشورا آییتدی خواب غفلتدن او نهضت کل دنیانی مخیر اولدی جنگ و بیعته کفریله حق نوری گئچیب باشیله جاندان راه حقی ائتدی اعلانی اوتوزمین قان توکن لشگر هجوم ائتدی او صحراده بویاندی قانینه بیر بیر اوشاهین یار و اعوانی یئتیشدی بیر یئره ایش قالمادی لشکرده بیر سرباز قالیردی بیرجه عباس علمدار و وفا کانی علمدارین داریخدی سینه سی آلام و محنت دن حضور شاهه گلدی بلکه آلسین جنگ فرمانی باخیب عباسینه بیر باخدی چوخ حسرتله اخیامه چکیب داغلی اورکدن حسرتیله آه سوزانی بویوردی لشگریمرده اولماسا ، سن سر سپاهیمسن سنین اومیدیوه دلخوشدی قیزلار ای وفا کانی اجازه آلدی شهدن عرض ائدیب سینم گلیب تنگه یاخیندور شدت غمدن سنه بذل ائیلییم جانی اجازه وئر گئدیم جنگه سنه جانیم فدا اولسون خوشام اولسام سنون کویونده قارداش منده قربانی امامین داغلی قلبی بیرده سوز غمله داغلاندی اجازه وئردی اما وئرمیوبدور جنگ فرمانی بویوردی سن کیمی قارداش وفالی بیر سپاه اولماز سنه قربان اولا ای با وفا قارداشیوین جانی گئدنلر گتدیلر سنده گئدورسن گئت سوزوم یوخدور تدارک گور سوسوز اطفاله سو گر اولسا امکانی آلیب فرمان فراته شوقیله یوز قویدی اول سردار سالیب دیر قورخویا شان و وقاری جان اعدانی فراتی جنگ ائدیب آلدی سووا باخدی اولوب دلشاد تجسم ائیله دی اخیامیده اطفال عطشانی باخیب اطرافه مشکین هولیله سیراب ائدیب فوری سوا لب وورمادی ائتدی بو ایش شرمنده دریانی ولی افسوس او ساعتدن کمانلارلار سس سسه وئردی وریبلار جسمینه هم مشکینه بی حدّ پیکانی الی الدن اوزولدی قالمادی چاره او سرداره باخیب میدانه باخدی مشکه یاندی قلب سوزانی یووزن اخیامه دوتدی شرمیله سسلندی گل قارداش منی معذور دوت عباسیوه یوخ گلماق امکانی حسین اخیامیده آلدی سلامین تا علمدارین سارالدی رنگی دیزلر سست اولوب قوزاندی افغانی چاغیردی زینبی گل یخدیلار قارداشیمی اعدا سالیبلار توپراقا اهل جفا لب تشنه سقانی بالالار بیلمیسن اما سنی آگاه ائدوم زینب علمداری یخیبلار زین دن بو قوم سفیانی علم یاتدی بلیم سیندی داخی چاره یولی یوخدی یاخینلاشدی ایچم منده بو چولده جام هجرانی منی عباسیم الان سسلیور امداده میداندا خطر وار الده یوخ قارداشیمین شمشیر برّانی سوار اولدی گلیب سرعتله میدانه او بی یاور گوروب قوللار قلم دور مشکیده وار درد پنهانی باخیب میدانه بیرده توپراق اوسته قارداشا باخدی گوروب صد پاره مشگی دولدوروب سرلشگرین قانی گلیب عباسینین آلدی دیز اوسته یاره لی باشین دئدی دور گور نئجه آغلار قوبسان آل طاهانی سالیب فرصت اله روباهیلر بو قورخولی چولده بله قان ایچره یورقون یاتما ای دعوالر اصلانی سنه جانیم فدا اولسون عجب بیر امتحان وئردن گتوردی کربلایه سنده کی ایثار زهرانی فراته چاتدون اما ایچمدون سو نفسیوه قربان وفا اوز عهدیوه ائتدین یتردین باشه پیمانی نچاره قیزلاریم آیا نئجه دوزسون بو ماتمده آلیب اطرافی دشمن لر خیامین یوخ نگهبانی اسارت رختینی سندنصورا زینب گرک گئیسین دیار عشقیده گزسین دالیمجا کوه وصحرانی داخی بسدور دایان یازما بو غملی محنتی مدهوش اگر عقبایه طالب سن دولان تاپ کوی جانانی #محمد_هوشمند #مدهوش #سلیمانی

مدح و میلادیه حضرت امام حسن مجتبی علیه السلام سید بشیر حسینی میانجی . ساقی ساقی، ساقی ساقی کوثرین، اوّلین، ساغری گلدی دنیایه . گتور بیزه میِ باقی شیعه‌ی حیدرین، سروَری گلدی دنیایه . اؤزو گوزلدی یوزو گوزلدی گوزی گوزلدی . وار یئری، گوزَل‌لر، بو گوزَلَه غلام اولا . یارسول الله!، یارسول الله! کوثره، حیدره، سنه حقدن سلام اولا . . نیمه‌ی ماهِ رمضان، عشّاقه بایرامدی، بئله گوزل بایرام اولماز . ایلیمیز اؤن ایکی آیدا، هم ائله بیر گوندوز، همده بئله آخشام اولماز . طاها سئوینیر زهرا سئوینیر مولا سئوینیر . ای دیلیم!، قدرین بیل، حاشا بئله بایرام اولا . یارسول الله! یارسول الله! کوثره، حیدره، سنه حقدن سلام اولا . اللهُ نورُ السَّماوات یارادیب، نوریندن، ایشیقلی بیر آی بو آیدا . آیداندا گوزل بیر بالا وئروبدی، علیّ و، فاطمیه پای بو آیدا . بئله پای اولماز بئله آی اولماز بونا تای اولماز . مجتبی، گلوبدی، مهِ مهِ صیام اولا . یارسول الله!، یارسول الله! کوثره، حیدره، سنه حقدن سلام اولا . . سفره‌ی رحمت آچیلوب مؤمن‌لر، منّانه، مهمان گلَن آی‌دور بو آی . آنادان اولجاقین حسن اوخودی، قرآنی، قرآن گلَن آی‌دور بو آی . ای « #سلیمانی»! وصف ائت هر آنی سبط طاهانی . «بشیر»ین، بو شعری، پسند خاص و عام اولا . یارسول الله!، یارسول الله! کوثره، حیدره، سنه حقدن سلام اولا