بهاريه در ولادت حضرت #امام #حسن #مجتبي(ع) ساقي بهار دورگل آچوب باغ ولاله زار عالم دونوب بهشته هاني جام خوشگوار عارف لره بهاريدي پائيز، بيلموسن بيزعاشقه وصاليدي درد فراق يار مطرب اماندي گل لر آچوب نو بهار اولوب هنگام عيش دوراله آل  جام زرنگار بلبل گلوب نوايه گلستان اولوب   بهشت رقص ايلوري چمنده گل و سوسن و چنار سلطان گل جلوس ائليوب تخت گلشنه مسند اولوبدي بلبل شيدايه شاخسار سوسن دوداق دوداقه قويوب عندليب ايله سنبل ائديبدي طره ي طراري تابدار ائتديم سئوال حكمتيني بيرحكيم دن وئردي جواب، بنده مگر بولموسن   نه وار عرض ايلديم بويور،  ندي بو حكمت اي حكيم حسرت اولوبدي جنت  اعلايه روزگار فرمايش ائتدي عاشق شوريده مست سن ياچاتميوبدي مي اليوه قالموسان  خمار گل گل قلندرانه نظرايله گور نئجه هم جام دور بو بزمده درويش و شهريار دارالجنون عشقده سات عقلي،  ساغر آل عالم فنادي عمريلره يوخدي اعتبار عقليله عشقين هاردا بير ارخه گئدر سويي ميخانه بزم صلحيدي نه  مهد كار زار افطاري، مستحبيدي ميل ايلماق رطب وار اوزگه لذتي رمضاندا لب نگار بو عيش و عشرته بودورعلت كه عالمه اوز رحمتون عنايت ائدوب حي كردگار زهرايه بير اوغول حق منان عطا  ائدوب باشدان اياقه حسنيدي، معناده شاهكار خلقتده مصطفا دي صلابتده مرتضي آدم وجودينه ائدر عالمده  افتخار رخساري آيدي آنلي گونشدور دوداقي لعل زلفي كمند قاشلاري خم مثل ذوالفقار اسمي حسن جمالي حسن خصلتي #حسن گورمز بو حسنده داهي بير حسن روزگار نسبتده شهريار رسالت سلاله سي منصبده  شاه ملك تولايه يادگار شهباز طبع آچوب گينه #شبخيز  شهپرين تا ايلسون حريم تولاني اختيار اثر استاد زنده یاد شبخیز

سن شهنشه مُلک ارتضا، من قاپوندا بیر کمترین گدا من کیمم مدیحت دیم سنه ای صفاتی اوصاف کبریا دِعبِل ایستوری مدحیوی یازا حقّ مطلبی ایلیه ادا قدرت بیان منده یوخ ویره نظمیمه نسق یا ابالحسن . . مین امیدیله خاشعانه یوز قویموشام سنون بارگاهیوه یوز چوؤورمه مندن سخلموشام ظلّ مُستدام پناهیوه ای مراد عالم مریدیوم، عاکف اولموشام خانقاهیوه دولتوندن اهل طریقیدن آلموشام سبق یا ابالحسن . . سن او مقتدای رئوف سان که عیاندی عالمده رأفتون شامل اولدی آهولارا سنون فیض التفات و کرامتون بنده وی او آهو حساب ایله کسمه مندن ای شه عنایتون پیکریمده جور زمانه دن قالمیوب رمق یا ابالحسن . . اهل کین بو شأن و مقامیله بولمدی دریغا جلالیوی دوتدی گوزلرین منصب و مقام ایتدیلر پریشان خیالیوی سالدی خرمن جانیوه شرر، زهر کینه دن پوزدی حالیوی خوشه ی وجودون او شعله دن اولدی محترق یا ابالحسن . . تا لهیب جانسوز زهر کین ائتدی گلشن جسمیوه اثر سولدی لاله تک رنگ عارضون، ای ولایتین نخلینه ثمر رسمیدور اگر صرصر خزان صحن گلشنه ایلسه گذر نزهت و طراوت گئدر، اولار گل ورق ورق یا ابالحسن . . ای حریم درگاه عزّتی مأمن امان، ملجاء عطا سائلم قاپوندا دایانموشام، ویرمه سن صله گئتمرم شها رحم قیل گدایه بیر عمردور درگهونده #شبخیز بینوا مین امیدیله قاپیوی دویور دقُّ دقُّ دق یا ابالحسن