✔️شهادت حضرت علی اکبر(ع) گل اوتور خیمه ده اکبر باشوا من دولانیم فرش ایدوم تپراقا معجر باشوا من دولانیم آناقربان گوزوه باخ آناون عرضه سینه بش دقیقه بو غر یبون گل اوغول خیمه سینه پر وروم یانماقچون شمع رخون سایه سینه مثل پروانه مکرر باشوا من دولانیم مه جمالونده که خالی بوریوب موی سرون خوش دگل ابر سیه اوستونه دوشسه قمرون ساغ یوزوندن آیروم صول یوزوه طرره لرون هاشمی خالوی گوستر باشوا من دولانیم من سنی یولیورام دشت مناده ئوله سن سالاسان لیلی بیچاره نی چولدن چوله سن نه سن اسماعیل اولارسان گئده سن ساغ گله سن نه ده لیلی اولور هاجر باشوامن دولانیم ای منیم ارخام ائلیم شان و جلالیم کومگیم گور نجه رعشیه دوشمش بدنیم جان و رگیم دیزلریم عضولریم بیرده قان اولموش اورگیم قوری یاپراق کیمی تترر باشوا من دولانیم من بویوتدوم سنی اوز جانیملن قانیملن هاجره فخر ایدورم سن کیمی قربانیملن قوی ووروم کاکلوه شانه بو مژگانیملن گوزیاشیلا سپوم عنبر باشوا من دولانیم تار مویوندن آییر سینمه پیرایه وئریم یا ئولندن صورا تحفه اونی زهرایه وئریم یا نشانون آپاریم یثربه صغرایه وئریم بینوادور سنی گوزلر باشوا من دولانیم باشدان عمامه گوتورنوروی تابنده ایله سربرهنه گورونوب آی گونی شرمنده ایله جلوه ی حسنله ئولموش اورگیم زنده ایله دگمه میش باشوا خنجر باشوا من دولانیم منه گوز آلتی باخوب آغلاما یاندیرما منی دوشیوم قوی قدمون آلتدا بویانمیش سینه نی گاهوارونده اوشاق وقتی یاتیرداندا سنی گیجه لر ائتمیشم ازبر باشوا من دولانیم خنجرو نیزه نه لازم سنه ای تازه جوان حسدیندن ئولوراول ابروی مژگانه باخان کیپریگون نیزه سنون مردم چشمون اوخ آتان قاشلارون تیغ دو پیکر باشوا من دولانیم من غریبم نه پناهیم وار امیدیم نه کسیم سسیمه سس ویري کیملر علی غیر از نفسیم سندن اوزگه بیلورم یوخدی منیم دادرسیم نه آتام وار نه برادر باشوا من دولانیم #گل_اوتور_خیمه_ده_اکبر #یحیوی #علی_اکبر https://eitaa.com/Hazrate_Abalfazll

شعر شماره ۲۱۱ زبانحال حضرت سیدالشهدا در بالین شاهزاده علی اکبر علیه السلام (با آهنگی لطیف و دلنشین) 🟦⚫️⚫️🟦 ای شِبهِ پِیغَمبر آچ گوزلرون اکبر امدادیوه گلدیم آچ گوزلرون اکبر صبر ایوین حالون علی گورنه غارت ایلیور اَل چالور قوشون منه هِی شمادت ایلیور باخورام پیکریوه گَللَّم علی نوایه من داغیلان جَنازه وی گَرک یغام عَبایه من ایوای علی اکبر ۴ 🟦⚫️⚫️🟦 تا خیمیه گَلدی آخر سَلام اکبر بولدوم سنی یخدی نسلِ حرام اکبر یولدا درد و مُحنَتین گَردینه بورونموشم باشون اوسته گَلماقا گورنجه سورونموشم (حالیمی یوخدی بولن بیر بولوری غِیبی بولن) حالیمی بوله مگر علی جوان اوغلی ئولَن 🟦⚫️⚫️🟦 گوندوز منه اولدی بیر تیره شب اوغلوم یاتما بو حالیله ای با ادب ا‌وغلوم سَسلورم دانیشموسان گَلموسن اوغول دیله دشمن ایچره آتاوی تَک قویوب گیتمه بیله چوخ اَدَبلیدون اوغول ندن بیله اوزانمیسان؟ دور اوغول آتان گلوب نیه علی دورانمویسان 🟦⚫️⚫️🟦 قلبینده بو لشکر وار کینه ی حیدر باشونداکی یاره اوز جَدّیوه بَنذَر توپراق اوسته یاتماقون چوخ غَم اَفزادی علی دوغریوبله جسمیوی اِرباً اِربادی علی کوفیان حُرمت ایدوب گورنجه مهمانه علی گول کیمی داغیلمیسان، دشت و بیابانه علی 🟦⚫️⚫️🟦 #ای_شبه_پیغمبر #محرم #علی_اکبر #شاهزاده التماس دعای فرج الاحقر مهدی عبادی